جوجو و زمردة (2)

{ February 16, 2009 @ 1:30 pm } · { Uncategorized }

ذهبا جوجو وزمردة للعب فى حديقة المنزل وكالعادة يقوما بالجرى والتنطيط وتقليد أفلام الكارتون وفجأة.
– عاااااااااااا آه يارجلى.. الحقينى ياماما.. عاااااااااااا.
– خلاص بقى ماتعيطيش.. وطى صوتك – رغم إنزعاجه وقلقه على شقيقته ولكنه يحاول تهدئتها قدر المستطاع-.
– ماليش دعوة رجلى اتعورت وبتجيب دم وكمان بتوجعنى أوى عااااااااا.
-شوية والدم هيقف. ضعى المنديل ده عليها وهتبقى كويسة.
– ولو موقفش هقول لماما إيه دلؤتى؟.
– لأ إياكى تقولى لماما أنتى عارفة ماما بتقلق علينا وبتخاف علينا إزاى وممكن جداً تحرمنا من اللعب عشان تخاف تقعى تانى.
– طيب أعمل إيه دلؤتى؟.
– إيه رأيك لو قمتى وكملنا لعب عادى ولا كأن حاجة حصلت.
– ورجلى المتعورة دى أعمل فيها إيه.
– أنتى بس قومى وأول ماهتمشى ونبدأ نلعب هتنسى أنها بتوجعك وهتلاقى نفسك خفيتى خلاص.
– ولو ماما شافت رجلى .
– قوليلها إنك كويسة وهى تطمن عليكى.
– صح وهى يعنى ماما هتعمل إيه غير أنها هتحرمنى من اللعب. بدل ماتحاول تخففها هتزعقلى وخلاص.
– مش بقولّك يلا هاتى إيدك.
وقامت زمردة ليكملا لعبهما وكأن لم يحدث شئ.
-تمت-
——————-
دعوة للمناقشة/
إذا تعرضت لجرح جسدى أو معنوى كيف تتعامل معه؟.
هل تطلب مساعدة الآخرين أم تعتمد على الزمن لمداواة الجرح؟.

************************

عزاء واجب

ـــــــــــــــــــــ

نتقدم بخالص التعزية للأستاذ ادم المصرى لوفاة شقيقته

سائلين المولى أن يتغمد الفقيدة الرحمة ويرزق أهلها الصبر والسلوان.