>جوجو وزمردة (21)

>

دخلت “زمردة” غرفة شقيقها “جوجو” فوجدته يقوم بعمل الواجب المدرسى.
فقالت له: مش أنا من النهاردة ماعدتش هعمل الواجب.
-: ليه بقى؟.
-:الأستاذ كسر لى قلمى.
-: مش فاهم.
-: كان طالب مننا موضوع تعبير عن رأينا فى المدرسة.. فأنا بقى كتبت رأيي بصراحة ومايمليه عليا ضميرى واتكلمت عن سوء الإدارة وعدم التنظيم وقذارة دورات المياه والاستعانة بنا كأطفال لنظافة فناء المدرسة وبيلموا مننا فلوس عشان نجيب طباشير..
-: ياخبرك أبيض قلتى كل ده!!.
-: لأ طبعاً.. كتبت كمان عن المدرسين اللى بيعاملونا وحش عشان ناخد عندهم دروس خصوصية وثقل حقيبة المدرسة اللى بنشيلها على ضهرنا يومياً ذهاباً وإياباً..
-: وبعدين عمل فيكى إيه يا لمضة بعد البلاوى اللى كتبتيها دى؟.
-: ولا حاجة كسر لى القلم بتاعى وقالى إياكى تكتبى تانى.. وأنا من هذا المنطلق ماعدتش هكتب حاجة خاصة بما فيهم الواجب المدرسى.
-: يابنتى أنتى هتتلككى هو يقصد فى التعبير لكن الواجب لازم تعمليه.
-:طيب لو يقصد كده يكسر لى قلمى ليه؟؟ ما كان يقطع الصفحة وخلاص.
-: يمكن عرف أن كلامك يقصده.
-:أنا ماليش دعوة أنا خلاص قررت مش هكتب تانى زى ماهو قالى.. بس اللى أنا مستغرباه بدل مش عايز يعرف رأينا بصراحة بيطلبه مننا نكتبه ليه؟.
-: فعلاً سؤال وجيه.
-: عموماً أسيبك أنا بقى تعمل الواجب بتاعك وأروح أتفرج على التليفزيون.
– تمت-

4 Comments »

  1. للأسف هو دا حال مصر فى كثير من المؤسسات وخاصة الحكومية..وهذا من اوجه الفساد فى ظل النظام السابق كان اتباعه فى المحليات يصورون أن الدنيا بخير والجو لذيذ على الرغم من المآسى التى يعانيها المواطن فى ظل وجود مسئول كبير ولما كان أحد المواطنين يريد ان يطرح مشكلة يمسك فيه "بتوع المحليات" ويجلسوه وتجدوا ان المسئول الكبير احمر وجهه لانه يعلم ان المواطن يعانى..وحسبنا الله ونعم الوكيل..

  2. salah mohsen Said:

    المره الجايه تكتب التويتات اللي ع الهاشتاج ده #التعليم_في_مصر ومعدتش هتعرف المدرسه أساساً D:

  3. لسه قدامنا كتير اوي علشان نتغيرالناس اللي رباها النظام الفاشل من خمسين سنهصعب تتغير في ايام ولا حتي سنينوالتعليم جزء كبير من دا كلهوفيه جواه بلاويربنا يتولانابس بجد فكرة الموضوع جميله

  4. eng_semsem Said:

    كأنهم عايزين يسمعوا راينا في الحاجات الحلوه بس مش كل حاجه عايزين نقول ده كويس وده كويس وده كويس والوحش بكره يتغير بس ده ما يمنعش برده ان الصفحه مش كلها سواد اكيد فيها شئ كويس تحياتي


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: