>جوجو و زمردة (18)

>

كانا “جوجو” و”زمردة” يشاهدان التلفاز.
جوجو: أنا عطشان.
زمردة :قوم اشرب.
جوجو :معلش يا زمردة ده انتى هتاخدى ثواب.
قامت زمردة على مضض فهى تغضب من اسلوب شقيقها دائماً.
جوجو : ماتنسيش تعلقى لى هدومى وترتبى لى سريرى .
زمردة:وأنت ما تعماش حاجتك بنفسك ليه؟.
جوجو:يابنتى أنا ولد يعنى ده مش تخصصى.
زمردة: ومين قال أن ده تخصصى.
جوجو : لأنك بنت وده فى حد ذاته سبب كافى.
زمردة: مين بقى اللى أصدر القانون ده؟.
جوجو:هى معروفة كده.
زمردة:بس ده ظلم يعنى إيه أنت ترمى هدومك وأنا اللى أرتبهالك ويعنى إيه ماترتبش سريرك مكانك.. لأ وكمان بعد ما تستحمى أدخل ألاقى الحمام غرقان ميه وأنا برضه اللى أنشفه.
جوجو: وإيه المشكلة؟.
زمردة : المشكلة أن المفروض كل واحد يعتمد على نفسه ويخدم نفسه بدل يقدر.. أنت أكلت يبقى تشيل مكان أكلك.. قلعت هدومك تبقى تعلقها.. وبالمقابل دخلت الحمام تعمل حساب أن فيه ناس تانية ممكن تدخل وراك ومن حقهم يكون المكان نظيف.
جوجو ببرود: ياااه ده أنتى شايلة أوى.. خلاص ياستى ماتعمليش حاجة أنا هقول لماما وهى هتعمل.
زمردة بغيظ: بس دى مش شطارة إنك تعتمد على اللى حواليك.. تخيل لو فى مكان لوحدك هتعمل إيه؟.
جوجو بلا مبالاة :ولا حاجة عادى يعنى وبعدين أتخيل ليه وأختى حبيبتى موجودة.
زمردة :برضه أنت اللى هتعمل حاجتك.
جوجو بزهق: يا بنتى مابعرفش.
زمردة بحسم :اتعلم.
جوجو :بعدين .. أنا مش فاضى دلؤتى .. مش شايفانى بتفرج على التليفزيون.
زمردة جلست جواره قائلة :وأنا كمان مش فاضية.
– تمت-.
——————————
سؤال جانبى :
ما مدى اعتمادك على نفسك؟.

16 Comments »

  1. هههقصة طريفة تحصل في كل بيت ..أما جواب السؤال الجانبي .. اممممتعليق الهدوم ..تنشيف الحمام ..صنع الشاي والقهوة ..الصيانات المنزلية …..90% .. هههههشكراً على الحكاية الموجزة المفيدة ..مع التحية

  2. ما مدى اعتمادك على نفسك؟.مائة بالمائة بفضل الله هذا فى كل الامور الخاصة لكن بالطبع هناك امور واحتياجات للاخرين احيانا :)لكن من صغرى انا واخوتى تعودنا على الاعتماد على النفس الحمد لله وهذا من تربية ماما لنا لان بابا كان يسافر كثيرا وتعودنا على القيام بكل احتياجاتنا بأنفسناالاعتماد على النفس شىء رائع ويشعرك بالثقة التامة بالنفس احييك على القصة ياموناليزا شكرا لك غاليتى بساطة فى العرض اهمية فى المضمون تحياتى لقلمك وفكرك الراقى

  3. bombona Said:

    للأسف احنا فى مجتمع ذكورى محترم الرجل فيه ماعودتشى يعتمد على نفسه وانما بيعتمد على الست

  4. بفضل الله وبحمده اعتمد على نفسى بل اجد فى بيتى من يعتمد عليا فى كل شىء فانا التى اقوم بكل شىء السؤال ده يوجه فقط للرجال لانهم يعتمدون اعتماد كلى على زوجاتهم او اخواتهم البنات لكن احنا يا عينى علينا نفسنا ندلع ولويوم ومبنلقيش الحمد لله على كل شىء واللهم ارزقنا الصحه واحنا نقوم بكل شىء تحياتى

  5. بصراحه مفيش بيت الا وفيه هذه المناوشات واساليني انا مع اخواتي البنات ههههه

  6. بالفترة الاخيرة زاد اعتمادي على نفسي اوووي … لاني ببلد تاني من غير علتي … بس عند اهلي طبعاهو احساس حلو انك تبقي قادرة على الاعتماد على نفسك ..ز وبيقلل الكسل حبتين

  7. مدونة رائعة والاجابة على سؤالك هى قول الرول صلى الله عليه وسلمخيركم خيركم لأهله وأنا خيركم لأهلى.وحينما سألت ام المؤمنين عائشة رضى الله عنها عن النبى صلى الله عليه وسلم قالت: كان يسوى فراشه ويحيك ثيابه وينعل حذائة.فكان قدوتنا فتخيرنا لغيرنا قدوة

  8. كان 50 % قبل اخواتى ما يتجوزوادلوقتى 80 % صحيح انا بعانى فى الفرق ده وبقول ياريت كنت اتعلمت كل حاجة من بدرى لكن ده خلانى استفاد لبعد كدهبشكرك على مواضيعك البناءهتحياتى

  9. نوال Said:

    السلام عليكمنعم وكذلك ربات البيوت كلما عوّدن أهل بيوتهن على الاتكال عليهن كلما زادت أتعابهن يوما بعد يوم.. تحياتي

  10. أنا بعتمد على حالي بنسبة 400%بس جد الشباب شي بنرررررررررررررفزبيفكروا الأخت مجبورة تعمل كلشي لإنها بنت ولإنهم أولادبتعرفي مرات بحط الحق ع الأمهاتهن اللي بيرسخوا هالمفاهيممرة حكيت "أمهر من يظلم المرأة امرأة مثلها"واحنا بمجتمعنا ضايعين من الإناث نفسهنوالله يستر ما إحنا بكرة نظلم غيرنا🙂

  11. reemaas Said:

    هههههههههههههه كتير بيحسدونى انى محرومة من الحوار ده لانى ماعندش اخوات صبياندرجة اعتمادى كبيرة ولكنها ليست مكتملة

  12. جواب ..١٠٠٪ .. وأتوكل على اللهعلى جنب : ده معرضنى لبعض النقد .. يعنى مش ميزه فى المحيط اللى حواليا بوست خفيف وعميق فى الوقت ذاته

  13. مساء الغاردينيا موناليزابجد ضحكتهههههههههلانها حكاية بتحصل فعلا في كل بيتاممم والله بعتمد على نفسي كثيروخاصة اني البنت الصغننه في البيتمع تلات شبان يعني ماحدش هيساعدني غير ماما وطبعاً مش ممكن اتعب ماما معايا🙂 "؛؛؛لروحك عبق الغاردينياكانت هناREEMAAS

  14. السلام عليكمطبعا مشكلة أزلية تصنعها – للأسف – الأمهات…. لكن أعتقد أن فتيات أجيالنا فطنت إلى هذا بدرجة كبيرة.. بل هناك من أعرفهن لا تقوم من العمل البيت بشيء وأولادها الذكور يحملون العبء كاملا!!!! (يا بخت زوجاتهن طبعا) :)…………………..طبعا اعتمادي على نفسي 99% بما أني أعيش وحيدا في الغربة… ورغم أن أمي كانت من تلك العينة التي أذكرها بدرجة ما إلا أن قدوتي النبي (ص) علمني مشاركة الزوجة في أي عمل منزلي بلا خجل.تحياتي.

  15. عزيزتي موناليزا …يمكنني القول أنني لا أثق في قدرات كل الناس ،إلا إن كنت أعرفهم بدقة ،أما الكل فلا ،فلي مع أمثال هؤلاء مواقف يندى لها الجبين ،و لذلك فأنا أعتمد على نفسي في الكثير ربما بنسبة 100 % !تحيآتي لكِ …

  16. أهلا وسهلا بجميع السادة الحضورأشكركم جميعا لتعليقاتكم ومشاركتكمنورتونى جميعاوفى انتظاركم دائما


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: