>من كتاباتى(3)

>

لا سامحت ولا نسيت أنا بس حاولت أعيش.

————————–

يوما ما سيقف أقاربنا خارج الغرفة التى نحتضر فيها ويستعيدون ذكرياتهم معنا… لذلك علينا الاستعداد من الآن بترك ذكريات طيبة لدى كل من يتعامل معنا.

———————–

الكتابة تنظف ما بداخل الإنسان فتفريغ الشحنة مهما كان نوعها بالكتابة علاج فعال لجميع الحالات.. عليكم بها دائماً.

———————-

إن الحقيقة قاسية ولكنها أرحم من الحياة فى الخداع.

———————

من الغباء أن تُكذِب المرأة إحساسها.

—————————

حتى لو مابتعرفوش تقولوا حاجة فى المناسبات الحزينة.. وجودكم ومشاركتكم ولو بكلمة بسيطة هتفرق مع المصاب جدا يكفى احساسه انه مهم عند حد.. وبعد كده عمره ماهينسى وقفتكم معاه ده غير الثواب الكبير.

————————–

بحب أوى أتفرج على حكايات الحب اللى البطل والبطلة مايعرفوش فيها أنهم بيحبوا بعض.

———————

الحق لازم يرجع لصحابه مهما اللى سرقه عاش فى كذبة إنه مِلكُه.

———————

الحنين إلى الله أسمى معانى الحب.

——————-

الملابس الشيك لا تدل بالضرورة على احترام من يرتديها ولكنها تدل على أنه يمتلك أموالاً ..وليس كل صاحب مال محترم.

—————

قبل ما تؤذى عدوك تذكر أنه من مخلوقات الله.

——————-

الإعتياد يقتل الدهشة.

—————

هى الناس اتغيرت كده ليه؟.. سؤال ساذج أوى لأن الناس ماتغيرتش أنت بس اللى ماتعاملتش معاهم قبل كده.

—————–

طعنتنى بكلامك أمس وتأتى اليوم تحيينى بدعابتك.. كيف أستجيب وابتسم وسكينك مازال مغروساً قى قلبى!!.

———

أى شئ يأتى بعد آوانه مابيبقاش له طعم.

————

فيه كلمة ممكن تحيي قلوب ميتة وفيه كلمة ممكن تقتل قلوب حية.

———————–

مايبقاش ابتلاء إلا لو جاء فى حاجة غالية.

——————

محدش بيختار نصيبه.

—————-
حذار أن تتخذ قرارات مصيرية فى لحظة ضعف.
——————-
هو ليه بنقابل الناس الغلط فى الوقت الصح.
————
وراء كل امرأة ناجحة رجل عظيم.
————–
ما أجمل أن يكون الزوج هو الصديق والحبيب.
—————-
ما أجمل أن تتزوج المرأة من صديقها المفضل.
————–
سألتنى نفسى ليه مابتعصيش ربنا رغم ان سبل المعصية متاحة.. فقلت لها: أنى أخاف الله.
—————-
نجاح الممثل يدل على نجاح المؤلف والمخرج.
—————–
قد تختلف المسميات ولكن يبقى المعنى واحد.
—————–
الأشياء لا تكتسب معناها إلا من حاجتنا لها.
—————–
حاجة مستفزة لما حد يتصل بيك مخصوص عشان يعاتبك أنت ليه مابتسألش عليه وفى نفس الوقت مش عاطيك فرصة إنك تدافع عن نفسك لأنه معندوش نيه يصدقك.. وماسألش نفسه إذا كان الطرف الآخر تعبان أو مخنوف أو مش مستحمل عتاب أو كلام من حد.. ليه مابنحطش نفسنا دايماً مكان الآخرين!!!؟.
——————-
تجاهلك للشئ لا ينفى وجوده.
—————–
ما أجمل أن تأتى الأشياء فى وقتها المناسب وما أصعب أن تأتى بعد فوات الآوان وما أقسى ألا تأتى أصلاً.
——————-
ما أجمل وجود أصدقاء حقيقيين فى حياتك يخففوا عنك ما تحمله من أعباء.
—————–
مش شطارة أن الولد يعرف يجيب رقم البنت.. الشطارة أنه يخليها ترد عليه.
——————
ما أصعب أن تكتم تأوهاتك من الألم حتى لا يسمعها الآخرون و يتهمونك بالضعف.
———–
بلاش تحسبها اوى كده بالقلم والمسطرة لان الدنيا ما بتمشيش على مزاجنا.
—————
مفيش حاجة بتحصل لوحدها.
————–
كل يوم بتصحى فيه من نومك بيتكتبلك فرصة جديدة للتوبة والإستغفار.
———————–
الحب هو : أن أسعد لسعادته رغم بُعده عنى لأنه لو كان سعيد معايا ماكنش ابتعد.




11 Comments »

  1. كتاباتك تدل دائما على فهمك وتعمقك فى الحياه ..وتلك الميزه يفقدها للاسف الكثييرين اعجبتنى كل كتاباتك وتوقفت عند نقاط كثيره ..واخاف ان اقول ان مقوله افضل من الاخرى ولكنى توقفت عن 15و19 36 اكثر اجدهم اكثر واقعيه وعمق وجمال كل مقوله تحتاج الى الوقوف والتحلبل احتاج الصفحات لكتابه رايى وتعليقى ابدعتى واجدتى …انت فيلسوفه المدونين تحياتى لموناليزا الرائعه

  2. اعترض بشدة علي رقم 11فالاسد من مخلوقات الله والثعبان من مخلوقات الله والذئب ايضا من مخلوقات الله وان لم تؤذه سيؤذيك

  3. السلام عليكم كلمات عبرتى بها عن تجاربك فى الحياة لكن سؤالى ليه حبيبتى ذكرتى الموت اكتر من مرة :)اسأل الله لك طول العمر وحسن العمل وصالحهجزاك الله خيرا وبارك فيك وفى قلمك واحساسك الرقيق انسانة بسيطة وجميلة ياموناليزا ربنا يعزك حبيبتى تحياتى لك

  4. amiraali Said:

    حلوه اوي..مش قادره اوصفلك بجد قد ايه عجبني البوست… كلماتك رائعه.. تسلمي يا قمر

  5. رائة كتاباتك و هل تصدقين ان كل واحدة منها لمست جزءا عميقا بداخلي قد اكون انا نفسي لا استطيع ان اعبر عنه مثلما فعلتي انتي تحياتي لاحساسك و ابداعك🙂

  6. ما أسهل قول النصائح و لكن ما أصعب تنفيذها.كلماتك جميلة وكأنها على لسان كل واحد مننا .. بصراحة اعجبتني كلها على بعضها مش عارفة افاضل بينهم .. كلهم كا " باكج " حلوين🙂

  7. reemaas Said:

    ضيفى البوست ده لبست خبايا لانى حبيته جدااااااااااااعجبنى متابعتك لقصص الحب انا كمان بعمل ده

  8. الأخت الفاضلة موناليزا ..قرأت كتاب المائة تدوينة على عجل وأعجبتني بعض المقالات المتضمنةوالتي من ضمنها مقالاتك "خبايا نسائية " إذ إنها تفسر الكثير من الخبايا التي لو علمها الرجل "وأعني به الزوج والأب والأخ …" لاستطاع أن يفهم الأنثى "الزوجة والابنة والأخت …. " بشكل أفضل وبالتالي يحيا حياته معها بشكل أفضل ..لذا سجلت في المتابعين ..وهذه الكتابات "من كتاباتي" كذلك تعطي معاني عميقة بعضها نجدها في أنفسنا والبعض الآخر ربما تحمل معاني جديدة .. لكنها بكل الأحوال مبدعة وجميلة ..أدعوكم لزيارة مدونتي والتسجيل في المتابعين لو نالت اهتمامكم ..مع التحية والشكر ..محمد الذهبي

  9. الأخت الفاضلة أستاذة منىأصدق الكلام ما عبر عن نفس أو عكس تجربة حياتية ، تابعي تلك السلاسل و أتمنى لك الخير في كتاباتك

  10. eng_semsem Said:

    كلام جميل واحيانا نكون عارفينه بس ساعة الموقف عيننا بتغمض او ممكن بنتناساه بس اولا اخيرا كلام كتير بيلمسنا كلنا تحياتي

  11. هبة فاروقـــــــــــــــأهلا بيكِ يا هبةربنا يكرمك يا هبة أشكرك جداً لتعليقك على كتاباتىياااه وكلنا آذان صاغية ..خدى راحتك وأنا معاكِ لتانى يوم :)ربنا يعزك يارب"فيلسوفة المدونين" وااو ياله من لقب أعتز به :)تسلميلى يا حبيبتى وماتحرمش من رأيك وتشجيعك المستمر لىدمتِ فى حفظ اللهوفى انتظارك دائما************************************سواح فى ملك اللهـــــــــــــــــأهلا بيك أستاذ خالدأتفق معك يافندم ولكنى أقصد عدوك من البشر :)أشكرك جدا لمشاركتكويسعدنا دوام التواصل*************************************أم هريرةــــــــــــوعليكم السلام ورحمة الله وبركاتهأهلا بيكِ يا لولووعن تجارب غيرى أيضاً :)تصدقى ماخدتش بالى :)ربنا يكرمك ياحبيبتى وماتحرمش منك أبداتسعدينى دائما بتعليقك وبوجودكدمتِ لى أختاً فى اللهفى انتظارك دائما********************************أميرة علىـــــــــــــأهلا بيكِ يا أميرةرأيك وتعليقك أسعدونى جداًوالأحلى مرورك العطرنورتينى يا جميلة وفى انتظارك دائما***********************************أفكار مبعثرةـــــــــــــــأهلا بيكِ حبيبتىأشكرك جدا لرأيك الذى أسعدنى والحمدلله على قدرتى على التعبير فما توفيقى الا باللهنورتينى حبيبتى وفى انتظارك دائما***********************************وجع البنفسجـــــــــــــأهلا بيكِ يا حبيبتىوما أجمل تعليقك ووجودك الذى يسعدنىأشكرك جداً لرأيكوفى انتظارك دائما**********************************ريماســـــــــأهلا بيكِ يا نور:) وأنا بحبك أوى على فكرةوسعيدة جداً برأيك:) نورتينى حبيبتى وفى انتظارك دائما**********************************ظلالى البيضاءـــــــــــــــأهلا وسهلا بيك أستاذ محمد فى زيارتك الأولىسعيدة جداً برأيك فى "خبايا نسائية"وأشكرك جدا لرأيك فى سلسلة "من كتاباتى"وأرجو أن تنول إعجابكم دائماوأشكرك لمتابعتك ويسعدنا دوام التواصل***********************************محمد محمود عمارةــــــــــــــــأهلا بيك أستاذ محمدأشكرك جدا لتعليقك ولتشجيعك لى على الاستمرار فى الكتابة فى هذه السلسلةيسعدنا دوام التواصل*********************************إنج- سمسمــــــــــــأهلا بيك يا باشمهندسأشكرك جدا لتعليقكوالمهم إننا بعد الموقف ناخد الدرس ونتعلمهيسعدنا دوام التواصل


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: