>لا تجسسوا

>


* ينتهز فرصة تحدث ابنته فى هاتف المنزل ويجلس خلفها دون أن تراه متظاهراً بقراءة الجريدة ليستمع ما تقوله لصديقتها.
بدل ما تتجسس على بنتك كن صديقاً لها وهى تلقائياً ستسرد لك أحداث يومها بالتفصيل.

* كلما وجد حافظة نقود ابنه فتحها لينظر ماتحتوى.
ماذا تتوقع أن تجده فيها؟ .

* تنتهز فرصة دخول صديقتها إلى الحمام وتفتح حقيبتها لتنظر ماذا بداخلها.
ماهذا الفضول الذى ينم عن سوء أدب وقلة أخلاق.

* يتجسس على البريد الإلكترونى لزوجته فيجدها تشكو لأحد المشايخ من معاملته الجافة والمريبة لها فتبدأ معاملته تتغير معها للأسواً.
شكك فى زوجتك يدل على عدم ثقتك فى نفسك .

* ينظر فى موبايل زوجته فيجدها استلمت مكالمة من رقم غير مسجل وأثناء هذا رن هاتفها بنفس الرقم لدقائق عديدة نادى عليها بحدة ليجعلها ترد أمامه وبفتح الاسبيكر ليجد أنها ابنة خالتها المغتربة.
بدل الظن السئ اسألها بهدوء.. مش يمكن تكون ظالمها.

* يفتح الباب فجأة على إحدى محارمه “زوجته, ابنته,أخته,أمه” ليراها ماذا تفعل.
* يأتى من عمله باكراً عن ميعاده اليومى ليفاجئ أهل بيته ويرى ماذا يفعلوا فى غيابه.
* تستمع إلى جزء من مكالمة زوجة ابنها فى الهاتف فتخبر زوجها بخيانتها دون أن تعلم بأنها تحدث شقيقها.
* ترد على هاتف زوجها فتجدها امرأة فتقوم بسبها وغلق الهاتف فى وجهها وتطلب من زوجها الطلاق.
* تسمع أحاديث جيرانها من خلال المنور بكل إنصات.
* تنظر لعورات جيرانها بكل فضول.
* تدخل أذنها فى حديث اتنين بالقرب منها.

وغيرها من الأمثلة الكثيرة التى تحيط بنا..

ناسيين حرمة التجسس فى الإسلام. وكم أن النهى فى الآية الكريمة واضحاً” لا تجسسوا”.

سؤال جانبى:
ـــــــــــــــــــــــ
أذكر موقف مشابه؟.

17 Comments »

  1. السلام عليكم يا موني

    موضوعك جميل وشائك

    أنا النهاردة حالفة لأزور كل المدونات

    محاولة لتعويض نقصي

    عجبني موضوعك

    بالفعل ذكرتي مظاهر موجودة في مجتمعنا

    والناس مش بترحم بعض

    المشكلة إن الناس اللي بتجسس دي،، تلائيها عندها خصوصية عاااااااااالية أووووووي

    موقف مشابه::

    مرة جارتنا كانت قاعدة وأخويا دخل بيتكلم بالموبايل،، إلا هي بتقول لأمي،، لو ابني دخل بيتكلم بالموبايل لازم أعرف بيكلم مين،، ولو مرضيش يقلي آخد الموبايل من ايده وأشوف بيكلم مين،، أنا مش لازم حاجة تعدي من تحت عينيا،، مع العلم إن ابنها عنده 23 سنة ومتجوز ومن يومين جاتله بنت ربنا يهينه فيها

    بفكر إزاي حيكون ليه خصوصية مع مراته خصوصاً إنها أجبرته يسكن معاها في نفس البيت؟؟
    إزاي حيحكم على ولاده وهوا مش قادر يحكم على نفسه
    ولا حتستمر الأم بالحكم والتجسس والتدخل؟؟

    ،،،،،،،،،،،،،،،،،،،،،،

    أنا من ناحيتي عمري ما مسكت موبايل زوجي،، وعمري ما فتشت جيوبه زي ما بسمع من صاحباتي
    كل واحد مدي للتاني مساحة خصوصية وثقة وأمان

    تحياتي واعذريني على تقصيري،، أصلي بشوف مواضيع بقرأها وبنسى أرجع أرد عليها

  2. أصل دين الاسلام ده دين الفطره … لو انتى فطرتك كويسه بشكل تلقائى مش هتعملى الحاجات دى

    لكن فيها ناس عندها عقد نقص وكلالكيع وعقد بيخرجوها ع مخاليق ربنا

    بالنسبه للموقف …. اممممممممم مش فاكره حاجه مشابهه

    جميل الموضوع جداً يامونى وكلاعاده مفيد جداً

    ” وذكر فإن الذكرى تنفع المؤمنين “

  3. لايدخل احدكم علي اهل بيته

    ختي ستاذن اويؤذن له

    تحيتي ياامة الله

  4. السلام عليكم
    جزاكم الله خيرا اختى على ما تبذلينه من جهد جعله الله فى ميزان حسناتك ونفع به اللهم امين
    دومتى بخير

  5. عندك حق و الله
    انا بعاني منها كل يوم😦 للأسف الشديد

  6. جزاكي الله خيرا
    دوما قلمك يذكرنا بطاعة الله بارك الله فيكي وفي قلمك
    اما عن الموقف لا يحضرني حاليا موقف مختلف عما ذكرتي
    تحياتي لكي

  7. Carmen Said:

    دائما ماتذكرينا بمواقف هامة جدا جزاك الله خيرا حبيبتي
    تحياتي

  8. P A S H A Said:

    جزاكي الله كل خير على موضوعاتك القيمة

    بالنسبة للموقف : كنت مع صديق لي في ميكروباص وبيحكي عن مشكلة شخصية ولاحظت إن اللي قاعد قدامنا مركز قوي معانا فنبهت زميلي وهمست له طب نكمل لما ننزل وشاورت له على الراجل ففهم .. نلاقي الراجل اتدور لنا وبص لنا باستغراب وراح قايل لنا : انتوا وطيتوا صوتكوا ليه ؟ أنا مش سامع حاجة !!!

  9. سلوكات مشينة تدلّ على عقد و سوء اخلاق

    و بعد عن الدين …

    شكرا لقلم يعرّي بعضا من الواقع الاليم

    مدونة الزمن الجميل يسعدها دعوتك إلى جديدها !

  10. والله اختى الكريمه مواقف كلها غايه فى السوؤ وان دلت فانما تدل على عدم الثقه بين الجميع والمفقوده فعلا بينهم
    تحياتى لكى بالسعاده
    ابوداود

  11. AHMED SAMIR Said:

    ايه كمية التصرفات الشاذة دي
    بس فعلا للأسف….الناس دي موجودة في حياتنا و ياما بتصرفاتهم دي في بيوت اتخربت
    موضوع اكثر من رائع
    تحياتي

  12. EMA Said:

    عندك حق و الله أختى أمة الله ..يا ريت فعلا هذه العادة السيئة تختفى من حياتنا و الأحسن ان كل انسان ينشغل بما يخصه و كفى ..

    يسلم طرحك الطيب جزاك الله كل خير

    أتمنى تنوريني هنا

    http://emy-lunar.blogspot.com/

  13. reemaas Said:

    رغم ان ده من تعاليم اسلامنا ولو حصل هتبقى الحياة اجمل والمفروض يحصل لكن للاسف ولا الهوا

  14. hana Said:

    جزاكِ الله كل خير فعلاُ أمور واجب التخلي عنها والالتزام بتعاليم ديننا الاسلامي

  15. السلام عليكم

    أسلوبك المميز في العرض كالمعتاد.. مواقف واقعية موجزة ومركزة في عبارات قصيرة تؤدي المعنى بلا ملل..!

    طبعا موضوع التجسس (وكل مواضيع سورة الحجرات) في غاية الأهمية، بل هي – إذا تم تطبيقها جيدا – تعتبر الروابط المطلوبة لأي مجتمع سليم..!

    لا يحضرني موقف محدد الآن.. لكن ما ذكرتيه يتكرر أمامنا شبه يوميا..!!!

    تحياتي وتقديري الدائمين.

  16. جميل دعوتك الجميله لرجوع لزمن الأخلاق الحميده يا مونى .. ربا يباركلك🙂

    قعدت أفكر عشان أفتكر موقف مر عليا بس مش فاكره خالص

    عموماً التجسس ده صفه مش ذميمه … لأ .. ده صفه بشعه جداً وبتثير فى نفوس الناس الشك والريبه وعدم الثقه وبيترتب عليها سلبيات كتير جدا

    اللهم إحفظنا من الوقوع فى هذا الخطأ … أمين

  17. أهلا وسهلا بجميع السادة الحضور
    أشكركم جدا لوجودكم ولتعليقكم الذى يدعم الموضوع
    نورتونى جميعا
    وفى انتظاركم دائما


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: