>البائع والمُشترى

>

بين البايع والشارى يفتح الله.
جُملة جميلة ومعبرة جداً عن الوضع الذى يجب أن يكون فى التعامل بين فردين تحكمهما علاقة هات وخد أو علاقة تبادل المنفعة أوأى مُسمى آخر لمن كانت النقود بينهم.. سواء بائع فى محل تجارى أو أجير وما إلى ذلك من مُسميات عدة.
وكما يقال العقد شريعة المتعاقدين.. واللى أوله شرط آخره نور.. واحد زائد واحد بيساوى اتنين.
يعنى لما أكون بشترى حاجة ووجدت سعرها غالى عليا خلاص يبقى مااشتريهاش مش آخدها وأقول للبائع يبقى عليا ليك كذا لأن لو البائع معرفة ومستأمنك ممكن يوافق ولو كان ضد نظام الشكك فهذا حقه.
ولو اضطر الفرد أنه ياخد الحاجة شُكك أو استعان بعامل سباكة أو نجارة أو كهربا أو نقاشة أو حتى سائق تاكسى يبقى لازم يحدد وقت معين هيدفع فيه اللى عليه ولو ماكنش فى الوقت ده معاه فلوس على الأقل يعتذر منه مش يستنى لما صاحب الحق يتصل بيه أو يبعت له أو يذهب له بنفسه بدل المرة ألف..
المفروض الإنسان يبقى عفيف وعنده إحساس ويحط نفسه دايماً مكان الناس. ويرى الموضوع بمنظور أن واحد فك زنقتك فالذوق بيقول إنك ترد اللى عليك سريعاً فهل جزاء الإحسان إلا الإحسان مش بعد ما الفلوس تبقى معاك تستخسر فى الناس حقوقها وتبدأ تفاصل.
وتأكد أنه كما تدين تدان وإذا ماكنش هيتعمل فيك كده من منطق إيه ياخد الريح من البلاط أو لأنك حريص بزيادة فهيكون مع ولادك فالله هو الحق ولا يرضى بظلم عباده.
يعنى مثلاً يوم ما حد من ولادك يتنصب عليه فى فلوسه اللى أنت عاطيهاله أو يشترى حاجة بضعف تمنها أو دهب مراتك يتسرق أو عربيتك تتخبط وتصرف عليها قد كده أو ما إلى ذلك.
وقتها ابحث بداخلك عن الخلل وسدد ديونك وبرأ ذمتك من الله.. فالديان لا يموت.

7 Comments »

  1. جميل يا موناليزا .. ربنا يباركلكاللهم اقبضنا اليك غير مدينين ولا مفتونين .. امين

  2. السلام عليكم جزاك الله خيرا اختى الحبية شكرا لك على الطرح الطيب الهادف بارك الله فيك واسعد قلبك غاليتى تحياتى وتقديرى

  3. reemaas Said:

    كما تدين تداانجملة عودت نفسى فى حياتى انى اعمل حسابها جداااااااااااااا

  4. السلام عليكم موناليزا …حكم و كلمات رآئعة ،بارك الله فيكِ …دمتِ بخيرْ …تحيآتي لكِ …

  5. العقد شريعة المتعاقدين .. يااااه سمعت الجملة هذه يمكن خمسين الف مرة الفصل الدراسي الماضي .. كان زوجي بيدرس معاملات مالية :)عموما ربنا يبعد عننا شر الدين يارب .. ويارب يسد عننا ديوننا قبل وفاتنا ..بارك الله فيك وجعلها في ميزان حسناتك يارب ..

  6. eng_semsem Said:

    ناس كتير بتستخف بحكاية ان يبقى عليه دين وكان رسول الله ولنا فيه قدوة حسنه اول ما يسأل عن حال الميت اعليه دين وكان لا يصلي عليه حتى يقضى دينه تحياتي على موضوعك الجميل

  7. أهلا وسهلا بجميع السادة الحضورأشكركم لتعليقاتكم التى تسعدنى كثيراًربنا يكرمكم ياربوفى انتظاركم دائما


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: