>حبيب صاحبتى

>

قامت“ندى” بطهى الغداء وتحضير المكان الذى ستستقبل فيه صديقتها“حنين” التى لم تلتقى بها منذ سنوات.
فقد كانتا يعملان سوياً فى نفس المكان وكم تعاطفت” ندى “ كثيراً مع “حنين” إزاء حبها المفقود فقد كانت تحب شخصاً ولكنه كل مايتقدم لخطبتها أهلها يرفضوه وكان سبب رفضهم “إزاى بنتنا تتجوز حد كانت بتحبه قبل الزواج!!”
ندى: بس ده سبب مايتقالش غير فى الأفلام الأبيض والأسود بتاعة زمان.
حنين: ومين قالك إن أهلى بيفكروا بطريقة تتواكب مع عصرنا الحديث.. وتنهدت قائلة: ياااه ده أنا إتضربت ضرب وألقت رأسها بين ذراعى ندى قائلة وهى تبكى بحرارة: مش قادرة ياندى أعيش من غيره.. أنا لسه بحبه مهما يبعدونا عن بعض هو فى دمى.
ندى تربت على رأسها قائلة: لو كان بيحبك كان اتقدم لك على طول مش يستنى لما أهلك يعرفوا ويشوفوكم بالصدفة وأنتوا ماشيين فى الشارع مع بعض.
حنين: حظى كده.. أنتِ عارفة أنا ماكنتش بشوفه غير كل فين وفين بس كان كفاية عليا مكالماته.. بعد ما حبينا بعض جاله شغل بره وسافر.. ظل هناك سنتين واليوم اللى أهلى شافونا فيه كان أول مرة أشوفه بعد غيابه وهو وقتها عمل شهم وصمم أنه يوصلنى.. أخويا شافنا مع بعض قرب البيت والدنيا اتقلبت.. يعنى مالحقش يا ندى يتقدم لى قبل ما يعرفوا.
ندى: خلاص يا حبيبتى ماتزعليش لو كان نصيبك مفيش حد فى الدنيا هيقدر يفرقكم عن بعض.
حنين: ييجى إزاى تانى وهو اتطرد من بيتنا كذا مرة.
————————————
أفاقت” ندى” من ذكرياتها على اتصال زوجها “أحمد”: خلاص ياستى صاحبتك وصلت؟.
ندى: لأ يا أحمد لسه .. كلمتها وهى فى الطريق.
أحمد:طيب افتكرى إنى هتأخر فى الشغل عشان تفعدوا مع بعض براحتكم واعرفى أن بما إنك ضيعتى علينا الغدا سوا هتعزمينى على العشا.
ندى تضحك قائلة: من عينيا يا حبيبى .
أحمد: خلاص اتفقنا.. هقفل معاكِ دلؤتى واسيبك تجهزى الغدا لصاحبتك.

أنهت معه الإتصال وسمعت جرس الباب فذهبت سريعاً لتفتح..
حنين حبيبتى وحشتينى ..وبعد اللقاء الحار أخيراً جلسا سوياً فى الصالون يسترجعان الذكريات وتحكى كل منهما للأخرى ماحدث لها خلال هذه السنوات..

بدأت حنين قائلة: بعد ما أهلى إتأكدوا إن حبيبى إتجوز بدأوا يسمحوا لى بالخروج من البيت وعدت إلى وظيفتى من جديد واتفاجئت إنك أتنقلتى.
ندى: كنت هقولك إزاى بس وأهلك ماكانوش بيخلوكى تردى حتى على التليفون.. حتى موبايلك لما كنت اتصل عليه ترد عليا واحدة تقولى الموبايل ده أنا لقيته فى الشارع ومانعرفش عن صاحبتك دى حاجة!.
حنين: قالولى بعدين على كل الاتصالات اللى جاتلى.. وماكنش ينفع اتصل بيكِ.. أنتِ ماتعرفيش الإرهاب اللى كنت عايشة فيه.
ندى: أنتِ هتقوليلى!!..أنا انسى إنك ماحضرتيش فرحى.. رغم أنى عرفت مامتك أنى هتزوج فى بلد تانية وياما اتحايلت عليها انك تجيلى حتى يوم الحنة وأنها تيجى معاكِ لأن فرصة رؤيتنا لبعض هتبقى قليلة أوى بعد كده وهى برضه ما رضيتش.
حنين: معلش يا ندى هما أهلى كده ومش هيتغيروا.. أنتِ عارفة قد إيه كان نفسى أوى أكون معاكِ يوم فرحك بس غصب عنى.
ندى: أنا عارفة ياحبيبتى.. استنى لما أفرجك صور فرحى.
ناولت “ندى” ألبوم الصور لحنين التى فتحته بدورها .
فقالت لها ندى متحمسة : يلاقوليلى رايك إيه فى فستانى.
حنين مبتسمة: ماشاء الله كنتى زى القمر.
ندى بثقة ضاحة : أنا طول عمرى زى القمر.
لم تبادلها حنين الضحكة ولكنها نهضت قائلة: أنا لازم أمشى دلؤتى ياندى.. ماما بترن لى.
حنين غاضبة: إيه ده أنتِ أكيد بتهزرى.. هو احنا لحقنا نقعد مع بعض؟.. والغدا اللى أنا مجهزاه وأحمد اللى مذنباه فى الشغل لغاية دلؤتى عشان نعرف نقعد مع بعض براحتنا.
حنين: معلش يا ندى فرصة تانية.
وخطت خطوة تجاه الباب فامسكت ندى ذراعها قائلة: مش هتمشى دلؤتى وهنا لاحظت ندى بأن حنين ترتجف وتوشك على البكاء فقالت لها مذعورة: مالك يا حنين ؟؟ أنتِ بترتجفى كده ليه؟ أنتِ حاسة بحاجة ؟؟ شكلك تعبان؟ إيه اللى حصل؟
حنين:معلش يا ندى اعذرينى.. واضح أنى اخدت دور برد وأنا جاية ده غير أن السفر طويل و هذه أول مرة أسافر فيها لوحدى فيادوب بقى عشان ما اتأخرش.. ورسمت ضحكة مصطنعة قائل: حد قالك تتجوزى بعيد كده؟.
ندى: طيب استنى هحط الأكل على السفرة فى ثوانى.. الغداء جاهز من بدرى.
حنين: معلش يا ندى مش هينفع أتغدى ولا ينفع أقعد هنا كتر من كده.
ندى: فى إيه يا حنين؟؟ مالك؟ حساكِ مش طبيعية.
حنين بنفاد صبر: مفيش حاجة أنا بس حسيت أنى تعبانة شوية ومحتاجة أروح.
ندى بإصرار: وأنا مش هسيبك تمشى من عندى وأنتِ كده.. مالك؟؟.
انفجرت حنين فى البكاء وتهاوت على أقرب كرسى قائلة: أصل أنا لما كنت بحكيلك عن حبيبى زمان نسيت أقولك أهم حاجة.
ندى رافعها حاجبيها من الدهشة قائلة: وأنتِ إيه اللى فكرك بحبيبك دلؤتى.
فتحت حنين حقيبة يدها باحثة عن شئ ما قائلة لندى: نسيت أقولك أن اسمه “أحمد” ونسيت كمان أوريكى صورته وخرجت صورته من حقيبتها لتعطيها لندى.
مسكت “ندى ” الصورة وتهاوت على الكرسى المجاور لحنين غير مصدقة.
قالت حنين ودموعها مازالت منهمرة على خديها: عرفتى ليه أنا ماينفعش أقعد هنا.. لأن أحمد زوجك هو نفسه أحمد حبيبى
ندى لا تعلق وكأن المفاجأة ألجمتها فلم تجد مفر من الصمت المطبق.
تتابع حنين قائلة: أنا آسفة ياندى ماقصدتش أتضايقك أو أخرب حياتك بس غصب عنى.. مقدرتش أتمالك أعصابى لما شوفت صور فرحكم.. حاولت أمشى .. أنتتِ اللى منعتينى.. متهيألى دلؤتى هتخلينى أمشى عادى.. مش كده؟.
ندى بعد ما تمالكت نفسها واستوعبت الموقف ردت بهدوء قائلة: لأ يا حنين استنى.. احنا لازم دلؤتى نقعد ونتكلم مع بعض.. أنتِ صاحبتى وأنا بحبك ومكنتش أتخيل أبداً أن أحمد زوجى هو نفسه حبيبك.. بس أنتى نفسك قلتيها أنا ماكنتش اعرف أن هو .. وهو كمان ماكنش يعرف.
حنين: أنا عارفة يا ندى وأنتِ مش ملزمة تبررى لى حاجة أنتِ بقى ليكى حياتك وأنا كمان ومفيش حاجة هتتغير.
ندى تنظر لها برجاء قائلة: مش عايزاكى تكرهينى أو تدعى على أحمد.
حنين دامعة: ماتقوليش كده أنتوا أكتر اتنين حبيتهم فى حياتى وأتمنى لهم الخير.
ندى: حنين .. آنا آسفة.
حنين: ماتتأسفيش.. مش أنتى زمان قلتيلى لو نصيبى مفيش حد فى الدنيا يقدر يفرقنا وأنا دلؤتى بقولك لأنه نصيبك مفيش حاجة فى الدنيا هتقدر تفرقكم عن بعض..
تم عناق الوداع بينهما وقالت حنين ملوحة لها بيدها: أشوف وشك بخير يا ندى واطمنى “أحمد” عمره ما هيشوفنى.
أغلقت “ندى” الباب وراءها ثم سرحت مع نفسها وتسائلت بداخلها ” يا ترى أحمد لسه بيحبها ولا لأ؟؟.
ولو كان بيحبها أنا أبقى إيه فى حياته.. مجرد زوجة وبس!!
بس لو كان مابيحبهاش يبقى مايستاهلش حبها ليه لغاية دلؤتى!.
أفاقت على نغمة موبايلها تبشر باتصال من زوجها ردت قائلة :أيوة ياحبيبى .
أحمد: صاحبتك هتاخدك منى كتير ولا إيه؟.
ندى: لأ ياحبيبى محدش يقدر ياخدنى منك.
أحمد: طيب يلا البسى بقى عشان عزومة العشا. ولا رجعتى فى كلامك؟.
ندى: لأ طبعا مارجعتش فى كلامى .. هجهز حالاً.
ابتسمت ندى وذهبت سريعاً تستبدل ملابسها لتستعد لخروجها مع زوجها الحبيب ناسية تماماً ما حدث منذ قليل.
-تمت-.

23 Comments »

  1. ساعات كتير الدنيا بتبقا ضيقهجدااااااااسبحان الله سبحان اللهقصة لطيفة ياموناليزا

  2. ما أعقد العلاقات الإنسانية .. عندما نصل لمرحلة الحسم في مواقفناحوار رائع استمتعت بقرائته

  3. الاهم من الحب هو العشرة العشرة بتقوي اواصر وبتبني اعمدة اساسها متين هو الجواز لكن الحب ممكن ينتهي بعد الجواز لو اكتشفوا الزوجين ان في عادات كتير مش متقبلينها من الطرف التاني واغلب العادات دي مش بتظهرها غير العشرة بصراحة قصتك فيها حكمة بليغة عجبنتني اوي النهاية ولو كنتي نهتيها غير كده كنتي هتلاقي تعليق مطول من عندي يطالبك ان النهاية تبقى كده لأن بصراحة متنفعش النهاية غير ان ندى تعيش حياتها ومتكرهش صاحبتها او تفقد زوجها اللي واضح انه بيحبها وهي بتحبهتحياتي وتسلم ايدك

  4. Noha Saleh Said:

    ياه على الصدفة لما تبقى كدهبصى القصة دى خلتنى مش عارفة اعلق من كتر ماهى عجبانى بجد ابدعتى فيها جدا

  5. قصة جميلة فعلالكن ربما نادرا ما نجد مثل ندى متفهمة وعاقلة… فهناك من تقيم الدنيا ولا تقعدها في مثل هذه الظروف.تحيتي اختي الكريمة

  6. eng_semsem Said:

    مختصره للحياه نعم لا تتكرر بمثل هذه الصوره كثيرا ولكن كثيرا سواء بنات او رجاله بيحلموا بالنصف الاخر واحيانا الظروف تبعدهم او اي شئ خارج عن ارادتهم وانا بتكلم في حالة حسن النيه وفي النهايه مجبرين نكملتقبلي تحياتي

  7. حبيب صاحبتي .. بقالي ساعه عاوز ارد عليها اديني وقتي :)) من فضلك

  8. رائعة يا منمن يا حبيبتي وحزينةلولا

  9. يا اللهصعبه قوىمش لاقيه رد .. بس ساعات الصدف بتبفى قاسيه جدا على البعض

  10. Butterfly Said:

    الدنيا فعلا صغيرة أوىبس الأهم والدرس من القصة ان اللى لينا نصيب فيه هنشوفهربنا يكتبلنا اللى فيه الخير

  11. يااااااااااه ياموناليزابجد وجعتينى جدااااً بالقصه دىوصدمتينى وزعلتينىينفع كده يعنى ؟الدنيا دى فعلاً صغيره أوى عجبتنى القصه (:

  12. مرايتى Said:

    ياخبر . سبحان اللهبس بجد حلوه قوى تسلم ايدك

  13. ياااااااااااااه بجد قصة مشوكة وفكرتني بالحاج ابو العلا عم الولا سليمان ابن الحاج شعبان..اما مرة قال لأبوه وهو لسه طفل جونين انا عاوز اتجوز امك يابابا ..!راح ابوه لابوه قفا اسواني الواد عنيه خرجت منه ورجعت تاني..وقال له: تتجوز ستك ازاي يا ولا يا مهفوف انت مش عارف ان ستك دي تبجا مامتي…!آم الولا تحسس الجفا الاسواني ورد على ابوه وقال: واشمعنى انا سايبك متجوز امي….!!ياااااااااااااااه دي الدنيا دي ضيقة بصحيح..!!تسلم قريحتك اللي عامله زي الفطيرة الصابحة المشلتتة..!ويجعلو عامر..!(:

  14. reemaas Said:

    حتة صدفة وجعتيلى قلببببببببببببى يا مونىفعلا النصيب فوق كل شئ

  15. سبحان اللهالدنيا دى صغيره اوىقصه جميله

  16. الفراغ Said:

    ممكن تحصلياما بنشوف فى الدنياوعلى فكرة بقا ماحدش بينسى الحب اللى مر بيه فى حياتهولكن بيبقى ذكرى زى اى ذكريات الدراسه والجيران القدامالافلام بس هى اللى بتكبر المواضيع علشان تعملنا حكاية من مافيش

  17. سلام عليكم طيب لما اهل حنين ناس محترمين ومحفظين كده ليه سمحوا لبنتهم تشتغل من اصله .

  18. شمس النهارــــــــــــأهلا بيكِ يا شموسةفعلا الدنيا صغيرةأشكرك جدا لرأيك فى القصةنورتينى حبيبتى وفى انتظارك دايما**********************************كريمة سندىــــــــــــأهلا بيكِ يا كريمةعندك حقأشكرك جدا لرأيك ولتعليقكنورتينى حبيبتى فى انتظارك دايما*******************************مصطفى سيفــــــــــــأهلا بيك يادكتورعندك حقأشكرك جدا لرأيك فى القصةومبسوطة ان النهاية عجبتك:)أسعدنى تعليقكونرجو دوام التواصل*******************************نهى صالحـــــــــأهلا بيكِ يا نهى:)أنا مبسوطة بجد انها عجبتكوأشكرك جدا لرأيكنورتينى حبيبتى وفى انتظارك دايما*****************************أبوحسام الدينــــــــــــــــــأهلا بيك أستاذ رشيدأشكرك جدا لرأيكده حقيقى.. لكن الست العاقلة تعرف ان "حنين" بقت ماضى وأنها هى الحاضر والمستقبليسعدنا دوام التواصل*****************************إنج- سمسمـــــــــــأهلا بيك يا باشمهندسده حقيقىمحدش عارف نصيبه فينأشكرك جدا لتعليقكويسعدنا دوام التواصل*******************************مونتى بوكيه وردـــــــــــــــــأهلا بيك أستاذ محمدخد وقتك يافندم:)ونحن فى انتظار تعليقكم دائماً وعلى أى موضوع آخر مهما كان قدمه ومهما بلغ طول التعليقفمدونتى ترحب بزوارها دائماًيسعدنا دوام التواصل**********************************لولا وزهراءــــــــــــأهلا بيكِ يا لولاأشكرك جدا لرأيكوهى الدنيا كده:)فى انتظارك دايما*******************************مها البناـــــــــــــأهلا بيكِ يا مهايكفينى وجودك حتى لو من غير تعليق:)ده حقيقى.. ففى لحظة واحدة ممكن تجتر ذكريات أليمة بسبب موقف عابرنورتينى حبيبتى وفى انتظارك دايما*******************************بيترفلاىــــــــــأهلا بيكِ حبيبتىده حقيقىوأشكرك جدا لتعليقكنورتينى حبيبتى وفى انتظارك دايما*******************************دعاء العطارــــــــــــــأهلا بيكِ يا دعاءحقك عليا بجد:).. ماقصدتش طبعا ان اتسبب لك فى كل المشاعر دىوهى الدنيا كدهسعيدة ان القصة عجبتك:)فى انتظارك دايما********************************مرايتىـــــــــأهلا بيكِ حبيبتى بعد طول غيابأشكرك جدا لرأيكوأسعدنى وجودكوفى انتظارك دايما********************************بيتنا القديمــــــــــــأهلا بيك يافندمتعليق مختلف ومميزأشكرك لتواجدكيسعدنا دوام التواصل******************************ريماســـــــــأهلا بيكِ حبيبتىسلامة قلبك يا ريمو.. حقك عليا حبيبتى:)ده حقيقى.. النصيب غلابنورتينى وفى انتظارك دايما********************************بنت من الزمن دهــــــــــــــــــأهلا بيكِ حبيبتىفعلا أصغر مما نتوقعأشكرك جدا لرأيك فى القصةنورتِ مدونت وفى انتظارك دائما*******************************الفراغـــــــــأهلا بيكِ حبيبتى بعد طول غيابممكن جدا كمانده حقيقى.. ويمكن علشان كده "ندى" اتصرفت بذكاء ولم تخبر زوجها وتفتح ملفات الماضىأشكرك جدا لتعليقكوفى انتظارك دايما********************************فارس عبدالفتاحــــــــــــــــوعليكم السلام ورحمة الله وبركاتهأهلا بيك أستاذ فارسعذراً.. هذه ليست قضيتىأشكرك جدا لمتابعتك

  19. سلام عليكمهي قصة حقيقية واللى من تاليفك اذا كانت حقيقية اذا فانت ليس لك ذنب في عدم التزام تلك العائلة بالمحافظة على القيم والاخلاق والسمعة شكلا وموضوعا ٠٠ مع ان حنين تثبت العكس فهي انسانه مستهترة بالقيم التي تربت عليها من خلال تنشئتها دخل اطار الاسرة واذا كانت من تاليفك فعليك ذنب بحيث ان تخلطين ابو قرش على ابو قرشين فضربك مثالا لتلك العائلة واظهارها على انها محافظة وفي نفس الوقت ابنة من تلك العائلة خرقت تلك القيم الاسرية وفي نفس الوقت تلك العائلة التي هي محافظة وفي نفس الوقت تطلق ابنتها تسرح وتمرح خارج البيت بحجة انها تعمل فاين رجال تلك العائلة واين مالهم حتى تخرج انثي لتجلب لهم المال او حتى كي لا تطلب منهم ذلك المال

  20. توقعتها من اسمها بس القدر مؤلم جدا على البنت حنين اما ندى فهتكمل حياتها لأن ده نصيبها والدنيا لازم تستمر صعب اوى الموضوع ده تحياتى يا موناليزا

  21. السلام عليكم أختي موناليزا…مش هعلق كتير زي العادة، بصراحة لأنك وجعتيلي قلبي… أصل المشكلة دي -في رأيي- من المشاكل اللي مالهاش حل!!!!!!ناهيك عن تلك البذرة التي بذرت في قلب (ندى)، والتي -وهو ما أختلف معك فيه- لن تبقى أبدا بذرة كامنة مدفونة بتلك الابتسامة الأخيرة.. بل ستظل جاهزة مع لتنبت في مواقف معينة، وهي ستكون كثيرة ولا شك.. أقلها مثلا أن يشرد زوجها مع مشهد رومانسي في أحد الأفلام!!!!!!!!!! (هو شرد في إيييييييييه؟!!)حقيقي ربنا يستر عليك يا عم أحمد!!!!!(برضه طولت.. اصله موقف معقد وثري و…. شائك بجد)تحياتي أختي الكريمة. ………………….على فكرة: نصيحة (صغننة).. أرجو إذا أردتِ نشر القصة في موضع آخر أن تغيري العنوان، لأنه يفضح المفاجأة الرئيسية التي تقوم عليها القصة وتعطيها رونقها وقوتها.

  22. E73 Said:

    السلام عليكم>_<إيه الشوارع اللي منفدة على بعضها دي؟!أنا قلبي وجعني بجد يا مونييا نهاااااااااااااااااااااااار!!!

  23. فارس عبد الفتاحــــــــــــــــوعليكم السلام ورحمة الله وبركاتهلا أجد فرق يافندمففى تلك الحالتين قضية عمل المرأة ليست مطروحة للنقاش هناأشكرك لمتابعتك——————————-اسلامــــــــأهلا بيك يافندمأحييك على توقعكوفعلا حنين هى اللى موجوعة من أول القصةأشكرك جدا لتعليقكويسعدنا دوام التواصل********************************ماجد القاضىـــــــــــــوعليكم السلام ورحمة الله وبركاتهأهلا بيك أستاذ ماجداعتذر لهذا الشعور الموجع الذى أصابك حين القراءة.. ماكنش قصدى بجد:)ده حقيقى.. الشك اتولد جواها بس هى لازم تحافظ على بيتها ويكفى معاملة "أحمد" ليها اللى ماحسسهاش بأى حاجة من يوم زواجهممتهيألى "ندى" عاقلة ومش هتعمل حاجة :)يافندم حضرتك تطول زى مايعجبك فتعليقكم مفيد لنا دائماأشكرك على النصيحة وأصدقك القول أنا أصلا كنت ناوية ان العنوان يكون"زوجى وصاحبتى" وغيرته لأنى لقيته هيوضح اوى مغزى القصة..لكن بعد كده هاخد بالى اكتر وهحاول ان يسود الغموض العنوان:)يسعدنا دوام التواصلوفى انتظار تعليقاتكم ونصائحكم دائما********************************اى 73ــــــــوعليكم السلام ورحمة الله وبركاتهأهلا بيكِ يا نوسةماهو ده لأن الدنيا صغيرة:)سلامة قلبك ياحبيبتى..عندى أنا المرة دى :)نورتينى بجدوفى انتظارك دايما


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: