>مصر محتاجالك.

>


أمك ولا خطيبتك يا طه؟طه: خطيبتى طبعاً.تقولها لبلبة لمحمد هنيدى فى فيلم لا أتذكر اسمه .مش عارفة ليه المشهد ده بيفكرنى بوضع مصر حالياً.مصر ولا مصالحكم الشخصية يا شعب؟الشعب:مصالحنا الشخصية طبعاً.

زمان فى الأفلام والمسلسلات العربى لما كانت المخابرات المصرية تحب تجند حد حتى لو مالوش علاقة بأى حاجة كانت تقوله كلمة السر اللى هى : مصر محتاجالك.. ياااه تلاقى البطل فى ساعتها ومن غير تفكير لبى النداء فورياً حتى لو مالوش لا فى الطور ولا فى الطحين ولا عارف أصلاً هما عايزينه يعمل إيه.. وياسلام بقى لما الوضع يتأزم جداً والبطل يبقى خلاص بيفكر أنه يرجع فى كلامه تلاقى اللى مجنده يقوله كلمة السر التانية اللى هى :عشان مصر.. وبرضه تلاقيه فى ثانية الحماس دب جواه وبقى مستعد يضحى بروحه فداء لهذا الوطن.زمان برضه غنوا وقالوا” مصر هى أمى.. نيلها هو دمى”.دلؤتى بقى الوضع اتغير تماماً وبقينا مقضينها أغانى وبس تتقال فى الماتشات لكن الفعل إيه!!! لا يسر عدو ولا حبيب.لو لسه بتعتبر مصر أمك..حد يعمل فى أمه كده؟؟.حد يلوى دراع أمه فى الوقت اللى هى عايزة تتسند على ولادها فيه؟. بالمظاهرات الفئوية والفتن الطائفية.. ده وقته يعنى أنا راضية ذمتكم ده وقته؟؟؟.حد يعرى أمه قدام العالم كله بدل ما يغطيها ويسترها ويدارى عيوبها؟ بانتشار البلطجة والسرقة والاحتكار وغيرها من الحوادث المؤسفة.حد يسرق أمه ويسيبها تجوع وتشحت من باقى الدول وهى خيرها يقضيها ويفيض .. بانتشارالطمع والنهب والسلب وكأنه مال سايب مالوش أصحاب؟.حد يسيب اللى سرق أمه وقتل أخواته وشرد أهله وأصاب أطفاله بعاهات مستديمة وأمراض خطيرة فى سجن ملوكى ويأجل إعدامه لحين ميسرة؟.حد يشوف أمه خارجة من عملية ولادة متعسرة وبتعانى من حُمى النفاس وبدل ما يمرضها عشان تخف وتقوم يضربها على دماغها ويهريها طلبات؟؟.قولولى بجد والله أنتوا عايزين إيه؟؟؟.عايزين مصر تموت؟؟.ده المعنى الوحيد لأفعالكم الغير مدروسة والتى تنم عن فوضى أخلاقية وأسلوب همجى وعدم تحمل المسئولية..مصر لسه عايشة بتتخانقوا على الورث ليه؟؟.

على فين يا مصر ولادك هيودوكىعلى جنة ربنا فى الأرض ولا هيرموكىربنا كبير قادر ينصرك رغم اللى بيكرهوكىوقادر كمان يذلهم ويهينهم زى ما هما هانوكىنــــــــداء:ـــــــــــــــــــبا أبناء مصر هلموا لنجدة مصر ليس بالمظاهرات والاحتجاجات على الأوضاع الراهنة وليس بالاعتصامات على قلة ذات اليد فهذا ليس وقت عتاب أو تصفية حساب..هذا وقت العمل.. اعملوا على نهضة بلدكم ..اعملوا على عزتها ورفع شأنها..اعملوا على أن تكون كما تتمنوا لها.. وهذا لن يحدث بتقصيص ريشها كما تفعلون الآن..ساعدوها لتقوم وتقف على ساقيها من جديد..كونوا درعاً تواجه به أعدائها بدلاً من كونكم خنجراً يتغرس فى قلبها.حفظكِ الله يا مصر من كل سوء وجعل كيد أعدائك فى نحورهم حتى لو كانوا يحملون اسمك فى خانة الجنسية فى رقمهم القومى.. فكل من يريد بكِ السوء فهو عدو لا يستحق الحياة على أرضك أو التمتع بخيراتك أو التستر بسمائك.

15 Comments »

  1. >احلي كلام سمعته من بعد الثورة العقل الباطن لشعبنا بيتهياله احنا عملنا الثورة خلاص بقي نقعد نستني ونجني الثمار مابعد الثورات اخطر من الثورات نفسها الشغل وتغيير المفاهيم والنهضة بالبلد دي الثورة الاكبر تحيتي

  2. >مفيش كلام بعد كلامك ده نــــــــداء:ـــــــــــــــــــبا أبناء مصر هلموا لنجدة مصر ليس بالمظاهرات والاحتجاجات على الأوضاع الراهنة وليس بالاعتصامات على قلة ذات اليد فهذا ليس وقت عتاب أو تصفية حساب..هذا وقت العمل.. اعملوا على نهضة بلدكم ..اعملوا على عزتها ورفع شأنها..اعملوا على أن تكون كما تتمنوا لها.. وهذا لن يحدث بتقصيص ريشها كما تفعلون الآن..ساعدوها لتقوم وتقف على ساقيها من جديد..كونوا درعاً تواجه به أعدائها بدلاً من كونكم خنجراً يتغرس فى قلبها.حفظكِ الله يا مصر من كل سوء وجعل كيد أعدائك فى نحورهم حتى لو كانوا يحملون اسمك فى خانة الجنسية فى رقمهم القومى.. فكل من يريد بكِ السوء فهو عدو لا يستحق الحياة على أرضك أو التمتع بخيراتك أو التستر بسمائك.

  3. >صدقتي والله اختي العزيزة ما يثير حفيظتي هذه الايام اننا نهتم بقضايا فرعية وننخرط فيها وتستهلك فيها كل مخزون طاقتنا ونهدر الاهم اتفق ان المستوى المعيشي لجميع فئات الشعب ضعيف واتفق معهم يجب ان يتظاهروا من اجل مستوى افضل فهل هذا الوقت ملائم؟كذلك ما يحدث من تفريق وتشتيت واعتصامات طائفية هل هذا وقته؟اننا كشعب نتفنن في ان نفرط في ثورتنا ونتفنن في كيفية اضاعة البلدالاحوال الاقتصادية بدأت في التدني البورصة خسائرها مستمرة لا اتكلم عن تهويل فكل ذلك في طريقه للحل وكل ذلك يمكن تداركه سريعا لكن فقط دعونا نعمل كي لا تستمر ازمتنا الاقتصاديةدعونا نعمل لنعلي من شأن هذه البلد دعونا نعمل لانه لن ينفعنا الا ما نعمل تحياتي لفكرك الواعي واشكرك على البوست الراقي وليته يكون دافعا لنا لمحاولة الترقي بهذا البلد

  4. eng_semsem Said:

    >خلينا في الاهم في البيت الكبير اللي بيلمنا كلن ا في الشجره العاليه اللي بنقف نحتمي تحتها من الشمس خلينا نفكر نبنيها ونساعد كل اللي بيحميها من غير تفريط في حقوقنا المسلوبه والمطالب تفضل محطوطه قدام عيننا ما نكونش احنا اللي فرضين راينا يا تعملوا اللي عايزينه دلوقتي ياما بلاش طول عمر المحاكم بتاخد وقتها في اصغر القاضيا ومين ليه قضيه خلصت في 3شهور ولو حتى صحة توقيع ياريت نسندها تقف من تاني

  5. >والله تسلمى تسلمىاحنا اعصابنا مش مستحملة والله العظيميا خوفى يا خوفى يا خوفى من اللى جاىكان جوانا الامل ان بكرة احسن لولادنا بس الامل بيغيب بيغيب وربنا يستر

  6. >كلمات جميلة ومن القلب والله ربنا يحفظكم

  7. >اتمنى ان تجد صرختك آذاناً تسمع فقد كثرت الخناجر وكل يريد نصيبه من الوليمة المحرمة إنهم يأكلون أمهم إن مصر كأم خاضت مخاضاً عسيراً وبدلاً من أن يمدوها بأسباب الحياة إذا بهم يطلقون عليها ذئاب المطامعلك الله يامصر

  8. >أحييك على موضوعيتكوعلى مشاعرك النبيلةتقديرى واحترامى

  9. >صدقتي يا سيدتي ليس هذا وقت مطالب فئويه واعتصامات ,واكيد عندما تسترد الدوله عافيتها سوف تتحقق كل تلك المطالب ,بس احنا محتاجين صبر شويه فالثوره لم تكمل بعد شهرها الرابع __مقال رائع ,تسلم ايدك

  10. >سلام عليكم والله اللى هيصدق لما يقولولو ان مصر امك .. برضوا هيصدق لما يقولولو مصر مش امك ههههههههههههههفي تلك الحالتين هو راجل معندوش اي فكرة عن اي حاجة وليس لديه اي خطوط فاصلة او رؤية واضحة او فكرة او منهج اونظرية او حتى معتقد . ربنا يصلح الحال

  11. Carmen Said:

    >عندك حق حبيبتي بأيدك جدا في رأيك

  12. Dr Ibrahim Said:

    >بالفعل مصر تحتاج للجميع..يجب أن نعمل من أجل بناء البلد..لا ان نلتفت للخلافات..

  13. >هو كما قلت حقا.أسال الله أن يصلح الأحوال

  14. >ياله من كلام رائع يالها من معانى جميله هذا هو الكلام الجميل لابد حقا ان نغير من مفاهيم الكل دمتى بكل خير تقبلى تحياتى الاحــــــلام

  15. >أهلا وسهلا بجميع السادة الحضورلا أجد كلام سوى أن نوحد جهودنا ونتكاثف جميعا ليس فى العمل فقط لنهضة بلدنا ولكن بالدعاء أيضاً فمصر بحاجة ماسة إلى رحمة ربنا قبل كل شئنورتونى جميعاًوأسعدتونى بمشاركتكم وتعليقاتكموفى انتظاركم دائما


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: