لسه فينا خير


هناك نماذج كثيرة تعطى الإحساس بالفخر بأن هناك ناس مازالوا يتمتعون بصفة الإنسانية وحب الخير وأنها لم تنقرض بعد مهما كانت الظروف المحيطة بهم.
ولذلك أردت أن أعرض بعض الأمثلة لنعطى لأنفسنا بعض التفاؤل .
– حينما تجد سكان العشوائيات وساكنى العشش الصفيح يحرصون على ارتداء الجلاليب البيضاء ليصلوا بها صلاة العيد.
– حينما تجد المساجد مليئة بالبشر فى صلاة التراويح.
– حينما تجد فتيات فى رمضان يتنازلن عن الماكياج ويرتدين الحجاب وعباءة واسعة.
– حينما تجد أب يحرص على أن يأخذ ابنه الصغير معه إلى المسجد يوم الجمعة ليعوده على الصلاة فى المسجد منذ الصغر حتى وإن لم يكن الأب ملتزماً بذلك.
– حينما تجد سائق سيارة أجرة يغلق المذياع بمجرد سماعه الآذان بعد ما كان يستمع لأغانى رديئة دون أن ينبهه أحد لأن يغلقه.
– حينما يعطى البائع للمشتري الباقى بعد أكثر من أسبوع نتيجة خطأه فى الحساب دون أن يعلم البائع عن المشترى أى شئ سوى أنه يمر أمام محله من آن لآخر.
– حينما تقول لشخص يائس كلمة طيبة تعطيه الأمل فى الحياة.
– حينما يزور المعارف والأقارب بعضهم البعض دون سبب سوى الحب فى الله.
– حينما تجد صديق تعرفه من خلال الفيس بوك والمدونات يشترك معك فى آلامك ويحاول جاهداً حلها دون أن تطلب منه ذلك.
– حينما تبقى حبال الود بين أصدقاء الدراسة رغم تخرجهم بسنوات وتجدهم يهرعون لمساعدة أحدهم إذا ما أحتاج إليهم رغم بعد المسافة ورغم عدم رؤيتهم لبعض بالسنوات.
– حينما تظهر سيدة مُسنة فى التلفاز وليس معها من قوت يومها إلا القليل ومع ذلك تتبرع لمستشفى الأطفال وتدعو الجميع لذلك.
– حينما يتجمع صُحبة سواء من المدونين أو من جمعيات خيرية مختلفة من جميع أنحاء الجمهورية لزيارة المرضى أو الأيتام أو للتبرع بالدم أو بالملابس المستعملة بكل حب لهذا الفعل.
– حينما يتم حمل رجل مسن يجلس على كرسى متحرك سواء أثناء ذهابه للطبيب أو لإيصاله لشقته بالدور السادس من قبل جيرانه أو أحد المارة.
– حينما تجد زوجين متزوجين منذ عشرة سنوات أو أكثر ولم ينجبا أطفال ومع ذلك لم يطلب أحدهما الانفصال عن الآخر.
– حينما تجد شخص يحزن لحزن أو لمرض أو لموت شخصاً لم يره ولكنه فقط سمع عن مابه.
– حينما يجد جار قطعة ذهب أمام شقة جاره فيخبط عليه ويعطيها له.
– حينما نفرح لفرح أحدنا أو نبكى لحزنه أو ندعو الله أن يفك كربه دون أن تجمعنا صلة دم.
– حينما تجد آنسة قاربت على الثلاثين وتبحث عن عريس لصديقتها من نفس سنها.
– حينما تجد شاب يساعد رجل مُسن وأسرته أثناء توقف سيارتهم على الطريق السريع.
– حينما يقع موبايل فى الشارع ويتصل صاحبه به ليجد أحد المارة يسمع صوت الموبايل فيرد عليه ويخبره بالمكان ليأتى ليأخذه.
– حينما تجد مُدرسة ترفض أن تأخذ مبلغ من المال من والد تلميذة مقابل أن تاخد بالها من بنته وتعتبرها إهانة.
– حينما تجد ممرضة فى مستشفى عام بشوشة الوجه مع جميع المرضى ومرافقيهم.
وغيرها كثير من الأمثلة التى أشكر فاعليها لأنهم -بطريق غير مباشر- نبهونا بأن دنيتنا لسه فيها خير.
دعوة منى لأن نلقى الضوء على أى جانب إيجابى يمر فى حياتنا ولو على سبيل الصدفة التى لا تتكرر كثيراً لنعطى لأنفسنا طاقة وشحنة إيجابية بأن الخير مازال موجوداً حتى وإن تضائل حجمه.

سؤال جانبى:
ــــــــــــــــــــــ
* أذكر موقف قُلت فيه” الدنيا لسه فيها خير”.

34 Comments »

  1. >تلك هي الفطرة أختي الكريمة..كنت هنا..

  2. الفراغ Said:

    >يارب يزيد ويبارك فى تلك الامثله وغيرهاوقد قال رسول الله صلى الله عليه وسلم: الخير فى وفى امتى الى يوم الدين

  3. >لسه الدنيا بخير يا موناليزتيوالله بخير إن شاء الله والدليل تواجدنا معا بكل حب لله وللخير*******************نيجي للسؤال كعادة موناليزتيموقف قلت فيه الدنيا لسه بخيرمن فترة كده شفت واحد في الشارع في عز البرد واقف يغسل التي شيرت بتاعه في مية الحنفية بتاعة الزرع ومر جنبه رجل من أعضاء النادي …راح قالع السويتر بتاعه واداهوله ولبسهوله بنفسه ومشىموقف هزني قوي قوي وقلت لسه الدنيا بخير

  4. >احييكي علي دقة ملاحظتك ونظرتك الي النصف الممتلئ من الكوب عل الكوب يمتئ يوما ما ويفيض ويزيد تحيتي

  5. >الدينا لسه بخير طالما فيها انسان مثلك يذكرنا بالعديد والعديد من اوجه الخير الكثيرهلو قعدت احكى لك فى مواقف تدل على الخير اللى فى الدنيا مش هاقدر اقولك لما تلاقى شخص مجرد عابر سبيل فى حياتك يتذكرك بكل خير وقتها لازم تقولى الدنيا بخيرلما شوفت اللجان الشعبيه وقت الازمه وهما واقفين امام الكنيسه وماحدش فيهم قال المفروض يحطوا عليها عسكرى وقتها قولت الدنيا بخيرلما شوفت الناس اللى عاملين فى الكنيسه كل يوم يوزعوا سندويتشات على الولاد اللى فى الشارع ومش بيسالوا اى حد اسمك ايه عشان يعرفوا مسلم او مسيحى وقتها قولت الدنيا بخيرلما لاقيت صديق قديم والتقيته فجاه بيقولى احلى صحبه كانت معاكم وفاكر كل نصايحكم ليا وقتها لازم اقول الدنيا بخيرمواقف كتير اوى مريت فى حياتى قولت وقتها الدنيا فيها خير ولسه الدنيا فيه اكترادعو الله ان يهبك الخير على الدوامزهـــــــراء

  6. >أختي موناليزا أحسنت في اختيار تلك النماذج الإيجابية و أحسنت في طريقة عرضها.و على الرغم من عدم إجابتك على سؤالي في البوست اللي فات هسأل برضة سؤال عالماشي في البوست ده:إنتي متأكدة إن الراجل لقى حتة الدهب قدام باب الشقة و رجعها ؟ أحسن أنا شاكك إنه بص يمين و بص شمال ملقاش حد قام حاططها في جيب البيجامة الكستور المقلم اللي كان لابسها و راح كاتت على طول عند بهانة مراته

  7. >على طول فيه نماذج تحسسك ان الدنيا لسه بخير و بعض النماذج الى تقول نقول على الدنيا السلامه و هتفضل الدنيا على طوول بخيراو كثر حاجه بتحسسني بكده ، الشباب لما بيعملوا حاجه صح وا كثر حاجه بتحسسني اننا ضايعين ، لما نلاقيهم مستهترين ، زي ما كنت انا هموت امبارح كده ، عشان شاب مستهتر ماشي بالعربيه و عمال يخمس بيها في الشارع

  8. >بس الغريب بقي الى بيعمله رئيس الوزاراء المصري عصام شرفمره يشيل جزمه فلاحه من قدام بابه في الوزاره و يدخلهلها بايده و دلوقتي ، خد اسرته و راح مطعم ياكل فول و طعميه فده نعتبره بقي الدنيا ليه بخير ؟؟؟؟؟ ولا نعتبره منظره ؟؟؟

  9. >اشكرك واحييكي على ذلك البوست المهم وسيظل الخير في الناس طالما بقت الحياة اما عن الموقف فهو كالآتيكنت قد ذهبت لاتم بعض الاعمال في القاهرة وبعدما انتهيت من اعمالي قررت الذهاب لزيارة صديق لي محجوز في مستشفى وكان معه في نفس الغرفة طفل عنده اربع سنوات مريض اول ما رايته رايت قمرا منيرا طفل سبحان الخلاق جميل جدا كنت عندما ترى ابتسامته ترى جمال الدنيا وحينما تسمع تاوهاته تعرف معني قسوة الحياةوكان ينقل دم في ذلك الوقت للطفل فكان يتاوه ويتاوه ووالده يقف جواره في حيرة لا يدري ما يفعل عندها قال لي صديقي ان والد الطفل يبحث عن دواء لا يجده هنا في المستشفى ويبحث في الصيدليات فلا يجده فبصفتك كصيدلي هل تستطيع ايجاد حل اخذت منهم اسم الدواء فكان دواء مسكنا فاتصلت بصديق لي عنده صيدليه في القاهرة وبعد ان وبخني لانني نزحت للقاهرة ولم امر عليه ومنذ سنوات لم اره بعد اعتذاري طلبت منه هذا الدواء فقال لي ساتصرف ارسل الي من ياخذهكانت صيدليته على بعد اكثر من عشر محطات مترو من المستشفى اي ان من يذهب سيستغرق الامر منه اكثر من ساعتين فمن يتطوع والد الطفل كان يريد الذهاب ولكنهم اثنوه عن الفكرة لكي يبقى بجوار ابنه فقرر مرافق لاحد المرضى في الغرف المجاورة الذهاب تعجبت في بداية الامر كيف يذهب لكي ياتي بعلاج لشخص لا يعرفهكان موقفا غريبا لا يصدقه عقل لولا انني رايته بعيني لما صدقته في هذا الموقف قلت الدنيا لسه بخير تحياتي

  10. >جميلة اوى الصورة حسستنى بجد احساس رهيب جداااا من السكينة والاطمئنان وان دينا احسن دين فى الدنيا الحمد لله وبجد المواقف اللى ذكرتيها حصلى منها كتيير وكنت الحمد لله مبسوطة لما بعمل خير او لما حد يعمل قدامى الخير ده بجد الحمد لله على نعمة الاسلام وكفى بها نعمة لك كل التقدير والاحترام

  11. eng_semsem Said:

    >وهيفضل فين الخير ان شاء الله طول ما في ناس بتامر بالمعروف وتنهى عن المنكر هو ده اسلامنا هي ده اخلاقناتقبلي تحياتي

  12. >الله عليكى وعلى كتاباتك الجميله هذه هى الدنيا حقا وحقا فان الدنيا مازالت بخير هل هناك موقف يذكرنى بان الدنيا لسه بخير اكثر من ثورة ال 25 يناير فحقا اشعرتنى بان الدنيا لسه بخير دكتى ودام قلمك دائما متالق تقبلى تحياتى الاحــلام

  13. >جزاكى الله خيرا على البوست فعلا الدنيا لسه فيها خير🙂

  14. >السلام عليكمللاسف لم اقولها مطلقا .. ولكني علي يقين ان هناك شرفاء واحرار في هذا العالم حتى وان لم ترهم عيني .

  15. >اختنا العزيزةطول ما الدنيا فيها من هم مثلك فهي أكيد بكل خيرو قد قال رسولنا الكريم صلي الله عليه و سلم ً الخير في و في امتي ليوم الدين ًالخير موجود و باق لكن المشكلة الحقيقية يا اختنا ان الشر صوته عالييعني مثلا لو فيه خناقه في الشارع تلاقي كل الناس عرفت اما الحسنات و الصدقات و التصرفات الطيبة كلها بدون لفت انتباهمرة كنت عطلان علي طريق و وقف واحد و الله ما اعرفه و سألني ازاي ممكن يساعد و لما حلفت له ان أصحابي جايين مارضيش يمشي أبدا غير لما جم و اطمن و عرض كل المساعدات الممكنة و الغير ممكنه و غيره كتير و كتير و كتيرو الحمد لله علي الخير الباقي تحياتي و تقديري

  16. >الخير في امة الاسلام الي يوم القيامةلأن الاسلام يربي علي محاسن الاخلاق والكرم والبر والتقويموضوع جميل كل التحية والتقدير

  17. >الخير فى وفى امتى الى ان تقوم الساعة ومن قال هلك الناس فهو اهلكهم نسال الله تعالى ان تمر بنا دنيانا على خير وان نلاقه على الحجة البيضاء .شكرا لك

  18. >السلام عليكم أختي موناليزا..جميلة جدا الأمثلة التي أوردتيها..إشارات لطيبة ترقق القلب وتحرك الدمع عند مشاهدتها..!………….إجابة سؤالك: موقف حقيقي حدث لي قلت فيه الدنيا بخيييييير بس الغريب أني كنت هنفجر من الدهشة والغيظ في نفس الوقت!!!كنت أقف في طريق صحراوي وتوقف لي سائق (نصف نقل) مصري فركبت معه.. وفي الطريق أردت أن أعطيه مقابلا ماديا على التوصيلة [هذا الأمر مقبول وعادي جدا هنا في الكويت].. المهم أن السائق رفض المال بشهامة مصرية أصيلة وغضب بكرامة مصرية حقيقية… ولكنه لم يكتفي بذلك، بل أقسم بالطلاق ألا أبقى في السيارة لحظة واحدة وتوقف وأنزلني في وسط الطريق الصحراوي.. في مكان أسوأ من الذي كنتُ فيه!!!!!!!!!!!!!!!!…………..تحياتي أختي الكريمة.

  19. >اولا ازيك حبيبتىثانيا ما تعرفيش الراحه النفسيه اللى حسيت بيها لما شفت الصورة وقريت الموضوعاكيد محتاجين للراحه والتوكرة فى كل وقتثانيا الموقف اللى حصلى وانا راجعه من شرمركب شاب راجع والسواق رفض يركبه كانت فلوسه ناقصه مبلغ على تمن التزكرةوبمد ايدى فى شنطتى لقيت بسرعه رجل امامى قام ودفع للشاب باقى التزكرةقلت الحمد الله الدنيا لسه بخيرشكرا يا قمروجزاك الله عنا كل خيرتحياتى

  20. >- حين تجد رجل ينزل من سيارته ويقف حتى تمر الجنازة.هي مظاهر كثيرة توحي بأن الخير مازال في الأمة.موتقف كثيرة أقول فيها أن الدنيا مازالت بخير، عندما أجد مثلا ناس تصلح بين اثنين مختصمان أو شاب يترك مكانه في الحافلة لإمراءة أو رجل كبير في السن.جزاكِ الله خيرا على الموضوع الذي ينبهنا إلى أشياء كثيرة.لك التحية.رشيد

  21. نيللى Said:

    >اولا انا سعيده انى دخلت مدوتك وهشارك اهو وعملت كمان لايك الاتنين يعنىانا هرد على موضوعك بهذا الموقفلى صديقه على الانترنت عرفه شكلها بس الظروف مجمعتناش مع بعضهى دايما لما بتلاقينا بعمل حاجه مش فى مصلحتى مش بتسكت وتقعد تنصحنى لدرجه انها بتوصل انهاتزعل من كل ده عشان انها مهمه عندها وانا كمان بعمل معها كدافسبحان الله مشوفناش بعض وجها لوجه بس الايام ربططت بينا وبنحب الخير لبعضاحيى مره اخرى على البوست

  22. Carmen Said:

    >الخير في وفي امتي الي يوم القيامةجزاك الله خيرا حبيبتي موضوع مميز

  23. Dr Ibrahim Said:

    >أشياء كثيرة تحدث تدل على أن الخير موجود..وإن كان قليلاً مثل تلك الامثلة التى تفضلتى بذكرها..يجب أن نفعل الخير ونحث عليه بنية إرضاء الله عزوجل..

  24. sakayar Said:

    >السلام عليكم ورحمة الله وبركاته:)عجبني جداً تسليط الضوء على الجانب الايجابي ده واللي كتير مننا بنشوفه او بنشوف الكتير من اللي حضرتك ذكرتيهبس بجد تدوينة باعثة على التفاؤل والأمل والحياة في نفس الوقت اللي فيها تذكير بالطاعة وفعل الخيرجزاكي الله خير موناليزا*****************بخصوص الاجابة على السؤال بقىتدوينتك اللي قرأتها النهاردة في إني اقول الجملة دي🙂

  25. >خالد أبجيكــــــــــــأهلا بيك أستاذ خالد بعد طول غيابأشكرك جدا لتعليقك ولمشاركتكيسعدنا دوام التواصل**********************************الفراغـــــــــأهلا بيكِ بعد طول غيابأشكرك جدا لتعليقكوفى انتظارك دائماً******************************كلمات من نورـــــــــــــــــأهلا بيكِ غاليتى:)————الله:) ما أجمله من موقفربنا يبارك لهأشكرك جدا لتعليقك ولمشاركتكأسعدنى تواجدك وفى انتظارك دايما*****************************سواح فى ملك اللهـــــــــــــــــأهلا بيك أستاذ خالدأشكرك جدا والحمدلله الذى هدانا لهذايسعدنا دوام التواصل*******************************لولا وزهراءـــــــــــــأهلا بيكِ يا زهرةربنا يعزك يارب فما توفيقى الا باللهطيب الحمدلله انها كتير:)احكى ياستى وكلنا آذان صاغية:)ما أجملك أختى الحبيبة وما أجمل روحك الرائعة التى ترى الأشياء الجميلةفأنتى كالنحلة التى تقع عينيها على الزهور لتأخذ أجمل مافيهاوأنا أيضاً ادعو لكى بكل الخير:)نورتينى حبيبتى وأسعدنى تواجدك*******************************محمد محمود عمارةـــــــــــــــأهلا بيك أستاذ محمدأشكرك جدا لرأيكأعتذر يافندم وبشدة لعدم ردى على كل تعليق فى موضوعى السابق على حدة وقد أجبت عليه عندكم يافندم:) أسئلتك تجعلنى ابتسم دوماواضح ان حضرتك بتتكلم عن حد تانى غير اللى أنا أقصدهلأنه كان لابس طقم خروج:)يسعدنا دوام التواصل***************************سبايدرمانـــــــــــأهلا بيك يادكتورده حقيقىربنا يطمنك:)بعيد الشر عنك يادكتور بس ياريت تفتكر دايما النماذج الحلوة—————نعتبر أن الدنيا لسه بخير طبعاً حتى يثبت العكس:)أشكرك جدا لتواجدك ويسعدنا دوام التواصل*****************************مصطفى سيفـــــــــــــأهلا بيك يادكتورالشكرلله يافندم فما توفيقى الا به”وسيظل الخير في الناس طالما بقت الحياة”نأمل هذا:)سبحان الله وربنا يكرمك ويكرمه يارب:)حقيقى موقف يفرح ويبعث الامل أشكرك جدا لمشاركتكويسعدنا دوام التواصل*******************************وردة الجنةـــــــــــــأهلا بيكِ يا وردة:) مبسوطة باحساسك بالصورةأشكرك جدا لتعليقك الذى أسعدنى كثيرانورتينى حبيبتى وفى انتظارك دايما*******************************انج سمسمــــــــــأهلا بيك ياباشمهندسأشكرك جدا على تعليقك وما فيه من تفاؤليسعدنا دوام التواصل******************************الأحلامــــــــأهلا بيك يافندمربنا يكرمك ياربوأشكرك جدا على رأيك فيما أكتب وعلى مشاركتكيسعدنا دوام التواصل*****************************

  26. >أحاسيس أيوشاـــــــــــــــأهلا بيكِ يا يوياربنا يكرمك ياحبيبتى أسعدتينى بتواجدكوفى انتظارك دايما*****************************فارس عبدالفتاحـــــــــــــــــوعليكم السلام ورحمة الله وبركاتهأهلا بيك أستاذ فارسبإذن الله تراهم قريباً وتأتى لتخبرنا بهذا :)أشكرك لتواجدكويسعدنا دوام التواصل*******************************الشاعر الفنان أحمد فتحى فؤادـــــــــــــــــــــــــــأهلا بيك أستاذ أحمدربنا يعزك ويكرمك ياربأخجلتم تواضعنا يافندم فما توفيقى الا باللهده حقيقى للأسف فنقطة الحبر السوداء تظهر فى كوب الماءماشاء الله.. ربنا يكرمه يارب والله حاجة تفرحأشكرك جدا لتعليقك ولمشاركتكويسعدنا دوام التواصل******************************ماشى بنور اللهــــــــــــــــأهلا بيك يافندم بعد طول غيابأشكرك جدا لتعليقك ولرأيكويسعدنا دوام التواصل******************************المهاجر إلى اللهــــــــــــــــأهلا بيك أستاذ طارقأشكرك جدا لتعليقكيسعدنا دوام التواصل******************************ماجد القاضىـــــــــــــوعليكم السلام ورحمة الله وبركاتهأهلا بيك أستاذ ماجدأشكرك جدا لرأيك فى الأمثلة المطروحةآسفة يافندم بس أنا ضحكت جدا على اللى حصلوبجد مش فاهمة موقفه:)أشكرك جدا لمشاركتكيسعدنا دوام التواصل********************************جايدا العزيزىــــــــــــــــأهلا بيكِ يا جايدا:) وأنا سعيدة جدا لاحساسك دهموقف جميل والله لسه الشهامة موجودة برضهربنا يكرمك يارب واشكرك جدا لمشاركتك ولتواجدكنورتينى حبيبتى وفى انتظارك دايما*****************************أبو حسام الدينــــــــــــــــــأهلا بيك أستاذ رشيدربنا يكرمك ياربوأشكرك جدا لمشاركتكويسعدنا دوام التواصل*****************************نيللىـــــــــأهلا بيكِ يا نيللى فى زيارتك الأولىأنا أسعد بزيارتك:)أشكرك جدا لمشاركتكوفعلا ما اكثر من نحبهم دون أن نراهم:)نورتى مدونتى وفى انتظارك دايما*******************************كارمنــــــــــأهلا بيكِ يا سمسمةربنا يكرمك وأشكرك جدا لتواجدكنورتينى حبيبتى وفى انتظارك دايما******************************د/ ابراهيمـــــــــــــأهلا بيك يا دكتورأشكرك جدا لتعليقك ولتواجدكويسعدنا دوام التواصل******************************سكايارــــــــــوعليكم السلام ورحمة الله وبركاتهأهلا بيك يافندم بعد طول غيابربنا يكرمك يافندم وأشكرك جدا على رأيك فى البوست:) إجابتك أسعدتنى حقاًيسعدنا دوام التواصل

  27. مرايتى Said:

    >الخير فى وفى أمتى إلى يوم الدين صدقتى ياحبيبى يارسول الله المواقف والله الحمد لله بنشوفها ويارب نفضل نشوفها على طول تهون علينا الدنيا

  28. >مرايتىــــــــأهلا بيكِ حبيبتى بعد طول غيابيارب دايما تفضل موجودةنورتينى واسعدنى تواجدك

  29. >اختى الفاضلةعجبنى الموضوع و عجبتنى الصورة قوى قوى لو عندك قصة الصورة يا ريت تقوليلى عليهاخالص تحياتى

  30. >ابراهيم رزقـــــــــــــأهلا بيك أستاذ ابراهيمأشكرك جدا لرأيك فى الموضوع ولاختيارى للصورةولكنى عذراً لم أفهم ما المقصود بقصة الصورة؟؟يسعدنا دوام التواصل

  31. >لفت نظرى الخشوع فى الصلاة و الزى الابيض الملائكى فاردت ان اعرف اين التقطت و ما هى المناسبةتحياتى

  32. >ابراهيم رزقــــــــــــــأهلا بك مجدداً أستاذ ابراهيمهكذا وضحت الرؤية:)أعتقد أنها أخذت من مصلى فى العيد وانها لم تكن فى مصر فوجوه النساء تدل على ذلكهذا والله أعلمفأنا أخذتها بعد بحث فى جوجل:)فى انتظاركم دائما

  33. >لم يصيني الكلال أو الملال قديمًا وأنا أكتب أي موضوع أو أزور أي مكان في مصر من أن أقول لسه الدنيا بخير، لسه مصر بخيروالآن مع تصدع سقف الأخلاق، وانهيار منظومة الرحمة والإحسان والشفقة والتيسير والعفو ما زلت أقول: لسه الدنيا بخيررغم حسرتي ووجع قلبي على الأخلاق التي أراها .. لكن ربنا كبيرأعتذر عن التقصير في المتابعة وقد تابعت مجمل التدوينات السابقة واللاحقة لهذه التدوينة اليوم

  34. >أحمد شريفــــــــــأهلا بيك أستاذ أحمد بعد طول غيابيعجنمى دائماً نظرتك التفاؤلية للأمور وأخلاقك الراقية فى التعاملحضرتك تشرفنى فى أى وقت يافندم فمكانك محفوظ دائماً وعذرك معاكأشكرك جدا لتعليقكويسعدنا دوام التواصل


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: