>ترجمة لخطاب الرئيس

>

شعبى الحبيب أنتوا بجد صعبانين عليا كنتوا مفكرين انى هسمع كلام شوية عيال واسيب منصبى عشان ترتاحوا .. وبعدين ما أنا قلت قبل كده مش ماشى وانتوا مش مصدقين فحبيت أقولهالكم تانى وبرضه مافهمتوش وعشان كده بقولهالكم بنفسى وللمرة الثالثة مش ماشى أنا هعيش وهموت هنا ومش لازم كل شوية أقولكم أنا خيرى عليكم قد إيه ومع ذلك أنتوا ماقدرتوش وطلع قلة مندسة بتقول عليا كلام مايصحش تقوله بس أنا مسامحكم ومش عيب أنى أسمعكم عشان تعرفوا كرم أخلاقى وكل سنة وأنتوا طيبين.

هذا كان ترجمة خطاب الرئيس مبارك كما فهمه الكثير.

أما عن ترجمة خطاب نائب الرئيس :

أنا بقول كفاية كده بقى.. وكل واحد فيكم يروح على بيته بالذوق.. الريس مش هيتنحى وأنا موجود بس عشان أنفذ اللى هيقولى عليه واعرفوا أنى ساكت لكم بمزاجى ولكن للصبر حدود.. خلينا نشوف مصالحنا.

ملحوظة: لو حد فهم الخطابات بصورة أخرى ياريت يعرض لنا ترجمته.

وجهة نظرى الخاصة: الخطابات مستفزة وعدمها كان أفضل.
سؤالى: أين رئيسنا الآن؟؟.
فقد تم تسجيل الخطاب فى منتصف النهار تقريباً فلماذا تم تأخير عرض الخطاب كل هذه الساعات؟؟.

رجائى أن يحفظ الله مصر من كل سوء.

7 Comments »

  1. >بصراحة مبارك اثبت انه كتلة من الاستفزاز تسير على قدمين اظرف ما في الخطاب انه قال ان اغلبية الشعب المصري يعرفون من هو مبارك يعني هو فاهم اننا عارفينه وحافظينه ايه لازمة ان يكتم على نفسنا ويقعد على قلبنا بالطريقة دي ده تقريبا كأنه بيرد علي الشعب لما بيقولوا الشعب يريد اسقاط الرئيس بيجاوبهم بانه يقول : ايوة ايوة سامعكم ووالله العظيم مش هاسيبكم متخافوشقد اسمعت ان ناديت حيا ولكن لا حياة لمن تنادياما النائب بقى فمعنى كلامه اننا سكتنالهم كتير انا هاوريهم بقى وفضل يقول ارجعوا بيوتكم احسن احطكم في اوضة الفيران يا وحشيناللي مستغربله في الفيلم ده كله موقف الجيش قمة السلبية ومسمينها حيادية الحيادية لو كان في امل ان حد يقتنع من المتظاهرين او النظام انه يتراجعلكن السلبية انك تبقى متاكد انه مش هينفع اي حل غير لما انت تتدخل وانت مش بتتدخلبصراحة عن نفسي الجيش المصري خذلني اتمنى تدخله السريع لمصلحة الشعب ويا ريت يكون تدخله حيادي واقصد بحيادي هنا تامين انتقال السلطة من الحكم العسكري للحكم المدني يعني يا ريت يتدخل بس ميطمعشتحياتي وتقديري وان شاء الله بعد الجمعة نكون قاعدين بنهني بعض على انتهاء الازمة

  2. >السلام عليكم أختي موناليزاطبعا فهمك هو فهم 85 مليون بل وربما نصف العرب… وكل اسرائيل.. وربع أمريكا…ومعظم المريخ!!!!!!لكن هو الوحيد الذي لا يفهم…فعلا ليس للغباء البشري حدود!!!!!!!هذا الرجل اثبت أنه أقوى من سوبر مان.. فربيب كوكب كريبتون الجبار لا يستطيع أن يجعل 85 مليون إنسان يبيتوا ليلتهم مكتئبين ومحبطين.ربنا يستر.. لأنه فعلا ولعها…!تحياتي.

  3. >ترجمة ممتازة منك ومن الاستاذ مصطفيولذلك" تعتمد ترجمة رسمية للخطاب"دمت بود

  4. eng_semsem Said:

    >تقريبا ده خطه جديده لمحاربة الشعب وانه يخلص على الثوره على طريقة يستفزهم يتشلوا او يقعوا من طولهم ما يقوموش تاني او ممكن يرفع الضغط للي عنده ضغط بس هو نسي يطلع لسانه في الاخر عشان يغيظ الناس

  5. >ربنا معااااااااكم يااااااااا رب

  6. >سيدتيأنا مسرورا جدا لمستوى الشعب الراقي في تعامله مع الأحداث رغم المصاعب و ثقل المسؤوليةما يحدث عندكم مطابقا تماما لما حدث عندناتدرج الأحداث نحو الإنفراجو لكن الطريق طوبلا و الأصعب آت من فوضى مخطط لهاهي حلقة الآن ستغلق خلال وقت قصيرافي إنتظار البقية دعائي معكم بكل جوارحيتمنياتي للشعب المصري المرور الى بر الأمان في أقل وقت ربنا يحميكم و يوفقكم لما فيه الخير

  7. eng_semsem Said:

    >مبروك


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: