امسك حرامى


زمان فى الأفلام العربى القديمة أو فى أفلام الكارتون كان فيه شكل مميز للحرامى فلبسه دايما كان بلوزة بيضا مخططة بالعرض باللون الأسود ولابس عصابة على عينيه.. حتى النشالين برضه شكلهم كان بيبقى معروف.. أما الآن وفى ظل تغير العالم من حولنا.. فالحرامى أصبح لا يسرق فى نص الليل الأماكن الهادئة وهو يرتدى شئ يغطى به وجهه ويتسلق على المواسير أو ينط من على الأسطح.. لأ طبعاً الكلام ده كان قديم أوى دلؤتى بقى الدنيا اتغيرت وأصبحت السرقة تتم علناً وفى وضح النهار وعلى عينك يا تاجر والشاطر يعترض أما عن ملابسه فهى لم تعد عائق بالنسبة له- يعنى ماعدتش بيعمل كأجدادة فى البحث عن اليونيفورم الخاص بالمهنة- لأ المهنة دلؤتى بقت فري ممكن تلبس أى حاجة و أى حد ممكن يدخلها ومش شرط يكون فيه رئيس للعصابة وجو الأفلام ده ياجماعة قلنا الموضوع ده بطل من زمان.. ممكن جداً يكون عمل فردى وبمجهوده الخاص ولو كان ذكى شوية ممكن ينصب ويخلى الناس تديله الفلوس بمزاجهم وليس بالإكراه كمان.
الحرامى دلؤتى بقى يلبس بدلة وكرافته ويحط أغلى البرفانات مش زى زمان مهما يسرق مايبانش عليه واللى يشوفه كان يقول عليه حرامى من غير ما يعمل حاجة.
دلؤتى كمان بيطبقوا المثل الشهير”……. وإن سرقت اسرق جمل”.
دلؤتى اللى بيسرق ممكن جداً يسرق إستخسار مش عشان هو محتاج لأ عشان الحاجة جت قدامه أو كان سهل ياخدها. مثال:
* راكب توكتوك مع صاحبه فى وقت آذان الفجر وفى أثناء سيرهم وجدوا فرشة بطيخ وصاحبها نائم بجوارها.
-“هدى ياعم وانزل هات واحدة”.. نزل خد واحدة وحدفها لصاحبه وهو يضحك وانطلقا سريعاً بالتوكتوك.

* ذهب ليشترى منديلاً ساتان يضعه فى جيب البدلة ليحضر حفلة تكريمه وحينما سأل على سعره وجده أغلى مما توقع فقام بأخذ عدة مناديل دون أن تنتبه البائعة.

* كان يأكل فى مطعم فاخر مع أسرته وبعد الإنتهاء قام بأخذ طبق ووضعه فى حقيبة زوجته قائلاً بابتسامة مشرقة:أنا هاخده تذكار”.

* جاءت من السفر ومعها شوكة وسكين وملعقة ستانلس وقالت وهى تشعر بالفخر “أخذتهم من الطيارة.”

* تزور قريبتها فوجدت لديها اكسسوارت كثيرة فأخذت واحد على اعتبار أن قريبتها مش هتاخد بالها.

* فتحت حقيبة اليد الخاصة بمن تجلس جوارها فى المحاضرة الجامعية فوجدت فيها مبلغ من المال فأخذته ولسان حالها يقول” هى يعنى هتعمل بده كله إيه”.

وغيرها كثير من الأمثلة المؤسفة التى تحدث سواء بحسن نية أو باستخفاف بدمهم.

ولذلك إلى من يقوموا بمثل هذه المشاهد وغيرهم الكثيرون ولكن تختلف الطريقة.
أما تعلمون بأنه بذنب واحد أخرج سيدنا آدم من الجنة.
أما تعلمون بأنه بذنب شخص واحد من قوم سيدنا موسى مُنِع المطر منهم.
أما سمعتم قول رسول الله صلى الله عليه وسلم بأن والله لو فاطمة بنت محمد سرقت لقطعت يدها.
مالكم تستخفون بكلام الله هكذا
مالك تجهر بالمعصية دون خشية من أن يراك الله. والأعجب أن تخشى من أن يراك صاحب هذه الأشياء المسروقة وتنسى أن رب الكون مطلع عليك دائماً. كيف تجعل الله أهون الناظرين إليك.
ألم تعلم بأن الله يرى!!.
كيف تتوقع النصر لأمتنا وفينا من يقوم بمثل هذه الأفعال الذى تتوقع إنها صغيرة على اعتبار أنك ماسرقتش بنك ولا نصبت على حد ولكن لمعلوماتك الاتنين زى بعض من سرق جنية كمن سرق مليون جنية كلاهما سارق.
وقبل أن تستصغر المعصية انظر إلى عظم من عصيت.
“وتحسبوه هيناً وهو عند الله عظيم”.

سؤال جانبى:
ـــــــــــــــــــــ
* أذكر موقف تعرضت فيه للسرقة؟. أو حدث لأحد من معارفك.

22 Comments »

  1. حقا لا تجعل الله اهون الناظرين اليكفالموضوع جد خطير وانتشر بيننا كانتشار النار فى الهشيم الحمد لله ربما لم اتعرض للسرقة ولكن الحمد لله اتنصب عليا كتير ههههههههههربنا لا تواخذنا بما فعل السفهاء مناتحياتى

  2. عندك حق بس لازم كل الناس تعرف ان سرقة عشرة جنيه زي سرقة مليون جنيه وهي عند الله سرقةوالناس فاكره ان شوية الحاجات البسيطة اللي ذكرتيها حسابها قليل

  3. مقالة جيدة لكن ملحوظة الطيارات مافيهاش شوك و سكاكين معدن , بلاستيك فقك

  4. راجى Said:

    موبايل ابنى اتسرق فى المدرسة نهارا جهارا، قلنا للولد الحق عليك

  5. karmen Said:

    دلوقت الحرامي لابسة بدلة ^_^الحمدلله لسه ماحدش اعرفه اتسرق^_^تحياتي

  6. Dr Ibrahim Said:

    فعلا السرقة منتشرة ولم يعد هناك قانون وتستمر المسرحية الهزلية أن القانون لايحمى المغفلين فعلا ولكن عندما يمسك اللص من أول مرة وتقطع يده كما فى الشرع لن يكون هناك سرقة ولكن من يسمع!؟أما بالنسبة للسرقة سرقة موبايل من حد قريبى من حد زميله فى الجامعة! الأنبوبة بتاعتى سبتها بره الشقة على الرغم ان بوابة العمارة المفروض مقفولة قمت الصبح رايح الكلية …فين الأنبوبة الله أعلم اتغاظت قوى يعنى لغاية الساعة واحدة باللليل كانت موجودة والمفروض الكل بيقفل البوابة وراه الله أعلمتحياتى

  7. اتسرقت البوط بتاعىوانا بصلى فى جامع الكليهوصراحه كنت مضايقه خلاص مكنتش لاقيه حاجة اروح بيهاوازاى واحده جامعيه يوصل تفكيرها لكده مش عارفه

  8. يا الله دي سرقة وكما قال سيدنا محمد صلى الله عليه وسلم لو سرقت فاطمة بنت محمد لقطعت يدها …..موقف اتسرقت فيه ؟؟؟؟ظماشي يا موناليزتي ماشيمرة و أنا حوالي 10 سنوات كنت مع ابن عمتي ووقفنا واحد أخر شياكه وشنطة رجال اعمال وازيك يا …( قال اسمي ) بابا عاملك مفاجأة علشان عيد ميلادك وحيجيبلك سلسلة دهب وغوايش ..اختك اللي عملت العمليه اخبارها ايه؟؟؟؟ وقع يقولي عن حاجات كان ناقص يقولي اكلنا ايه امبارح وراح واخد السلسله والغوايش …….واءءءءءءءءءءءءءءاترنيت حتة علقة ورحت الاقسام بقى يفرجوني مناظر صعبه خالص اقولهم نو التاني كان ابن ناس خالص وشكله من الأعيان كمانشكرا للتذكير ههههههههههه

  9. سيدتيتغير كل شيء تطور نحو العكس حتى خيل لي عقارب ساعة عالمنا توقفت عن التقدم منذ ستينات القرن الماضي أما فيما يخص سؤالك من بين الكثيرواقعة مؤلمة و حقيقية :دخلت مرأة مؤسسة صحية للولادة فأنجبت ولدا أو على الأقل ما سلموه لها……. بعد خمسون عاما نصف قرن تدق باب منزل هذه الأم "إمرأة" تسأل عنها ……تدلي بوثائق هويتهاالمفاجأة أبنتها التوأم مع أخوهاماذا حصل ؟ولدت المرأة بيت و ولدأخفوا عنها البنت و سلموها لعائلة ترغب في التبني" حسب مسرحية معدة سلفا"عاشت البنت وحيدة معهم و تزوجت و خلفت مات الرجلثم حين دنى الموت من المرأة مربيتهاوطال إنتظار خروج الروحربماأرادت إبراء ذمتها(حتى أنهم ذكروا بمجرد تلفظها بجزءا من الحقيقة لفضت أنفاسهاقالت بعض الحقيقة لبنتها() و دلتها عن المكان ……فأخذت تبحث حتى توصلت الى أهلها الحقيقيينمات أغلب الشهود و أقر الأحياء منهم و قد أثبتت التحاليل صحة نسبهاماذا أكثر من هذا ؟التسبب في حرمان ام من فلذة كبدها لمصلحة ماأعوذ بالله

  10. Tota Said:

    ههههههههههههه بوست حلو اوى وضحكنى كتير والله عشان انا افتكرت ليا مواقف كتير ..بس كلامك جميل وموزون يا موناليزا ع فكرة دلوقتى اللى بيسرق الناس المقتدرة مش الناس المحتاجة ومش عارفة ليه وطبعا الطبقات العالية وغيرها وزى ما انت شايف حاميين البلد نفسهم بيسرقوها …….ع فكرة بمناسبة السرقة انا اتسرقت كذا مرة فى الكلية بتاعتى مع العلم انى كنت فى كلية بتدرس القانون والجريمة والعقاب بس مش بتتطبق طبعا زكنت بقول لاصحاب انا حاسة انى وانا بتخرج انا اللى هتخطف فى النهاية،،، ميرسى ع موضوعك جداا

  11. السلام عليكمإشارات مهمة أختي موناليزا..عجبني موضوع السرقة من باب الاستخسار.. حقيقي ومهم لأن الكثيرين فعلا لا ينتبهون لما تقترف أياديهم…!شكرا جزيلا ودائما على التذكرة… أدعو الله سبحانه أن يجعل كل ما تكتبين من خير في ميزان حسناتك يوم القيامة.. آمين.—————على فكرة يا شحات:أدوات الطعام البلاستيكية في مصر للطيران بس، لكن الطيران النضيف (زي الإمارات والكويت وقطر) كل ستيل في ستيل 🙂 واسأل مجرب.

  12. يا ريت يرجع تاني موضوع قطع الايدي للسارقين دة .. بجد ..!!لو رجع تاني .. هتلاقي نص البلد انقلب الى معاقين !!

  13. ahmed_k Said:

    صدقتي واللهفما عم بنا البلاء والغلاء وضنك العيش وزحمة الحياه وبطش حكامنا بنا إلا بسبب تلك الأمور التي أنتشرت بشكل يضج كل مضجعفلو اصلحنا ما بيننا وبين ربنا لأصلح لنا كل عيوب حياتنا ولجعلها رغدة ألم يعلمنا ذلك ربنا عندما أبدل نعمة أهل سبأ بسبب بسيط وهو سرقتهم في الموازين وعدم شكر النعم !!!وانا اتذكر موقف بل مواقف كثيره تعرضت فيها للسرقه ولكن أحدثها ضيف جائني مع أقرباء لي وأعجب بولاعتي فقرر أن يأخذها ، وانا لاحظت ذلك ولكني لم أرد إحراجه خصوصا انها لم تكن من النوع الفاخر بل عاديه جدا ولو طلبها مني لأعطيته إياها عن طيب خاطر ورضى نفس ، ولكنه آثر السرقه فلذلك حرجت على اقاربي إدخاله بيتي مجددا وقد صادفتني تلك النماذج كثيرا طوال حياتي ولكني أعرف من خلال مثل تلك المواقف معادن الناس ، فالنظيف منهم لا يمد يده لشيئ في بيت أؤتمن فيه أو عمل أؤتمن عليه فهذه مرتبة من مراتب الخيانهإضافه اني تعرضت لعملية نصب كبيره نوعا ما وضايقتني كثيرا وكدت بسبب رغبتي في الإنتقام ان أصبح مجرما ولكن الله سلم ونبهني صديق عزيز لمخاطر الإنتقامفكلنا معرضون لمثل تلك المواقف وعلى رأي المثل التعليم مش ببلاش تقبلي خالص تحياتي

  14. eng_semsem Said:

    في ناس ماتعرفش قيمة المعصيه ويعني ايه سرقه وتحلل سرقة الغني لان الله اعلم هو جاب ثروته منين بس في الاخر كله سرقه وربنا يصلح الحال ويبعد عن مصر الحراميه الكبار اللي بيسرقوا خيرهاتقبلي تحياتي

  15. همس الاحبابـــــــــــأهلا بيك أستاذ خالد:) والنصب اصعب بمراحل يافندمأشكرك جدا لتعليقكيسعدنا دوام التواصل************************** سواح فى ملك اللهــــــــــــــــأهلا بيك يافندمفعلا الكل دلؤتى بيستهون بحاجات كتيرة ممكن تبان صغيرة محدش بيفكر ان سرقة قلم رصاص مثلاً زى سرقة مكتبة ضخمة كلها سرقةأشكرك جدا لتعليقكيسعدنا دوام التواصل**************************يوميات شحاتــــــــــــأهلا بيك يافندمأشكرك جدا لرأيك ولكنى لا اتكلم عن الطيران المصرى:)يسعدنا دوام التواصل**************************راجىــــــأهلا بيك أستاذ راجىوهذا العادى فى بلدنا الحبيب:)أشكرك جدا لمشاركتكيسعدنا دوام التواصل**************************كارمنــــــــأهلا بيكِ يا كارمن:)ده حقيقى وأشيك نوع كمانطيب الحمدلله ويارب دايما:)نورتينى حبيبتى واسعدنى تواجدك**************************د/ ابراهيمـــــــــــــأهلا بيك يادكتورعندك حق دلؤتى النصب انتشر بفظاعة اكثر من السرقة كمانهى حصلت لسرقة الانابيب!!هنقول ايه هى يعنى هتيجى على دىلاحول ولاقوة الا باللهأشكرك جدا لمشاركتكيسعدنا دوام التواصل**************************الفراشة الصغيرةـــــــــــــــــأهلا بيكِ ياحبيبتىتعرفى انى فى كل مرة بصلي فيها فى مسجد ببقى خايفة أطلع مالاقيش الحذاء بتاعى!وبجد الشعور ده انا بعتبره كارثة لانى المفروض فى مكان له حرمتهاللهم لا تؤاخذنا بمافعل السفهاء منانورتينى حبيبتى واسعدنى تواجدك*************************كلمات من نورــــــــــــــأهلا اهلا بالغاليةفينك يا رسول الله كنت طبقت حد الله وشرعه:) ياسلام وعشان بابا هيجيبلك غوايش تديله الغوايش اللى معاكِ ليه!!ايه ده بس ده معناه ان الحرامية من زمان بيلبسوا بدل شيك:)نورتينى حبيبتى واسعدنى تواجدك**************************حمةــــــأهلا بيك يافندممعقوووول!!!!هى حصلت!!لاحول ولاقوة الا باللهبجد واقعة مؤسفة بجانب كونها مؤلمةأشكرك جدا لمشاركتكيسعدنا دوام التواصل*************************توتاـــــــأهلا بيكِ يا توتاأشكرك جدا لرأيك ولتعليقكوفعلا ربنا يستر علينا جميعانورتينى حبيبتى واسعدنى تواجدك***************************ماجد القاضىــــــــــــوعليكم السلام ورحمة الله وبركاتهأهلا بيك أستاذ ماجدده حقيقى بجد وتبقى مستغرب لان ممكن المسروقات تكون اتفه من انها أصلا تتسرق:)ربنا يكرمك ويعزك يارب اشكرك جدا على دعائك لىوأشكرك لردك على استاذ شحات لان فعلا الطيران المصرى بس تقريبا هو الوحيد اللى عارف نوعية ركابه:)يسعدنا دوام التواصل*************************شيماء علىــــــــــأهلا بيكِ يا شيماءهههههههه عسل واللهطب ياريتأشكرك جدا لتعليقكنورتينى حبيبتىوفى انتظارك دائما*************************أحمد -كـــــــــــأهلا بيك أستاذ أحمد بعد طول غيابسبحان الله على الجراءة اللى بقى يتمتع بها الكثير !!وفعلا يافندم الانتقام يحول البرئ الى مجرم والحمدلله ان نبهك صديقك لهذاودعه الى رب العزة والملكوت فهو اسمه المنتقمأشكرك جدا لمشاركتكيسعدنا دوام التواصل**************************انج سمسمـــــــــأهلا بيك ياباشمهندسعندك حقالكل لابس وش القاضى اللى هيصلح الكونأشكرك جدا لتعليقكيسعدنا دوام التواصل

  16. ربنا يسهل و الامور لا تتطور اكثر من ذلك

  17. المشكله ان اللي بيسرق السرقات اللي زي موضوع البطيخبيتندر ويتفكهه بيها وسط الناسالسرقه والنصب والفهلوة بقوا عادي كدهفي مجتمع اختفي فيه الوعي الديني الحقزي حاجات كتير

  18. ويكا Said:

    كيف تتوقع النصر لهذه الامه بهذا الشكل؟؟هذا هو السؤااااال المهم كيف نتوقع النصر ، ان تنصروا الله ينصركم ويثب اقدامكم واللى واقع امتنا بتعمله دلوقتى ده ، ماهواش نصر اللهم اصلحنا وردنا الى الدين و احلل العقل والاخلاص على المسلمين

  19. Hu-man Said:

    اتفق معك تماماً يا موناليزا …للأسف الناس متخيله ان حاجه زي كده عادية جداً …وكمان بيبرروها لنفسهم ومتخيلين ان شئ عادي جداً ومش اسمه سرقة ودي حاجه غريبة اصبحت موجوده الأن في مجتمعنا من ضمن بقية الأنحدارات الأخلاقية

  20. ذو النون المصرىـــــــــــــــــأهلا بيك يافندمكله على اللهأشكرك جدا لتعليقكيسعدنا دوام التواصل************************شمس النهارــــــــــــأهلا بيكِ يا حبيبتىوهذا للأسفأشكرك جدا لتعليقكنورتينى حبيبتى وفى انتظارك دائما**************************ويكاـــــــأهلا بيك يافندمعندك حق" وتحسبوه هينا وهو عند الله عظيم"أشكرك جدا لتعليقكيسعدنا دوام التواصل**************************هيومانـــــــــأهلا بيك أستاذ محمد فى زيارتك الاولىفعلا وهذا للأسفاللهم لا تؤاخذنا بما فعل السفهاء مناأشكرك جدا لتعليقكيسعدنا دوام التواصل

  21. >كل حاجه بتتغير يا حبيبتي حتى اشكال الحراميه انا اتعرضت للسرقه لما كنت في ابتدائي بس عارفه بنت اللي سرقتني عارفه سرقت ايه سرقت ملخص كنت عاملاه لكتاب من المكتبه والمهم انها قدمته للمدرسه واخدت عليه جايزه كمان شفتي قمة السرقه وشفتي بالرغم اننا كنا اطفال بس تفكيرها كان عامل ازاي ربنا يرحمنا برحمته

  22. >د/ ولاء صالحـــــــــــــأهلا بيكِ يا ولاءده حقيقى تطورات الزمان شملت كل حاجة :)مش عارفة ارد على مشاركتك بجد.. مصدومة ومذبهلة دى حالتى دلؤتىأومال دلؤتى البنوتة دى بتعمل ايه اذا كانت عملت كده وهى صغيرة!!سبحان الله بجداللهم لاتؤاخذنا بما فعل السفهاء مناوربنا ينجينا ويبعد عننا جميع الشرور اللهم اميننورتينى حبيبتى وفى انتظارك دائما


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: