رمضان جانا

أخيراً جيت يا رمضان.. قد إيه كنت واحشنى من شهور كتيرة فاتت.. أنت عارف إنى بستمد منك طاقتى اللى بستهلكها طول السنة بس واضح ان طاقة السنة اللى فاتت خلصت بسرعة نتيجة أحداث كتير مكنتش عاملة حسابها أو يمكن أنا اللى بقيت محتاجة أشحن طاقتى معاك بزيادة حبتين لأن بطارية نفسيتى شكلها كده قدمت أو أستهلكت بما فيه الكفاية وعشان كده بإذن الله هنضاعف سبل العبادة وهنهل أيامك كلها بالطاعة على قدر ما سيؤتينى الله من قوة.
أفتقد سماع كلمات أستاذى الفاضل عمرو خالد اللى بيكون ليها عظيم الأثر فى نفسى.
وأيضا الداعية مصطفى حسنى وبساطته وتواضعه الجميل فى التحدث, والرائع “معز مسعود” وأسلوبه الراقى المتحضر, وطبعا أول حد دخل قلبى كانت الدكتورة”عبلة الكحلاوى” بطيبة قلبها وحنانها اللى بيبقى باين أوى فى كل كلمة بتقولها, ومقدرش أنسى طبعاً الدكتور”مبروك عطية” فهو لا يخشى فى الحق لومة لائم- أحسبه كذلك- وبيعجبنى أوى وضوح أسلوبه( واحد زائد واحد بيساوى اتنين), وأخيراً الشيخ “خالد الجندى” ومدى تمكنه من أدواته.
هؤلاء من أحب أتابعهم يومياً طوال شهر رمضان ولا أمِل من سماعهم أبداً فكلماتهم تمدنى بشحنة إيمانية عالية.
ولمن يحب متابعتهم معى فهذه هى المواعيد التى تمكنت من معرفتها حالياً:
– معز مسعود على المحور الساعة 8.30 مساءاً.
– عمرو خالد على الرسالة الساعة 10 مساءاً.
– عبلة الكحلاوى على قناة اقرأ الساعة 10.45 مساءاً.
– مصطفى حسنى على قناة إقرأ الساعة 11 مساءاً.
***************
فيه شوية حاجات عايزة أنوه عنها وهى بعض الأخطاء اللى ممكن نعملها واحنا مفكرينها عادى.
* عدم السحور: فيه ناس مابتتسحرش.. تأكل قبل ماتنام وخلاص على كده رغم أن السحور من واجبات الصيام والنبى عليه الصلاة والسلام أمرنا به ووقته من بعد منتصف الليل إلى الفجر وكلما أخرنا الوقت كان أفضل ويكفى أنه وقت النزول الإلهي، كما يليق بجلال الله وعظمته،
قال النبي صلى الله عليه وسلم: « يَنزِلُ ربُّنا تباركَ وتعالى كلَّ ليلةٍ إلى السماءِ الدُّنيا حين يَبقى ثُلثُ الليل الآخرُ يقول: مَن يَدعوني فأستجيبَ له، مَن يسألني فأُعطِيَه، من يَستغفِرُني فأغفِرَ له» رواه البخاري .. فمش عايزين نضيع الفرصة.
طبعا مش محتاجين توصية أن يكون ليا نصيب من دعائكم فى الوقت ده-.


* هسيب الصور تتكلم



فيه ناس تفضل تاكل حتى والفجر بيأذن وكأن صعبان عليها تسيب الأكل.

طبعاً النساء محتاجين نصايح مكثفة.

* خدوا أجازة من التليفون وماتستخدمهوش إلا للضرورة القصوى حتى لو حد اتصل بيكم إنهوا المكالمة سريعاً لو حسيتوا أن المتصل فاضى وعايز يضيع وقته ويسلى صيامه.
صلاة المرأة فى بيتها أفضل” وبيوتهن خير لهن”.
والغريب أن فيه نساء عندهم أطفال صغيرة ومع ذلك يتركوهم عند أى حد سواء جارة أو قريبة لكى تذهب المسجد.. على فكرة رعايتك لولادك تعتبر عبادة وهتاخدى عليها ثواب مضاعف لكن إهمالك لولادك ومضايقة الناس بيهم ده يعتبر إثم لأنك أولى بولادك.
وماينفعش كمان تاخديهم معاكِ المسجد لأن ده مكان للعبادة وللخشوع وليس للترفيه عن الأطفال والجرى حول المصليات .
وما ينفعش تاخدى معاكِ طفلك الرضيع على اعتبار أنه بيكون نايم فى الوقت ده لأن فى الغالب أن الطفل هييجى عليه وقت ويصحى ويملاً المكان صراخاً لأى سبب إلى أن تنتهى من صلاتك.
وفيه زوجات سواء كبار فى السن أو معندهمش أولاد يذهبوا للمسجد وهما عارفين مثلاً أن بيتهم محتاجهم أو أن الزوج رافض ذهابهم وما إلى ذلك.
وفيه بنات بتعتبرها فرصة جيدة لجلب عريس مناسب. وكده يبقى نيتها فى الذهاب للمسجد مختلفة تماماً.
وفيه بنات تصمم تذهب للمسجد رغم بعده عن منزلها وأنها هتكون لوحدها بغض النظر عن أى أذى ممكن تتعرض ليه وهى ماشية لوحدها فى الشارع ليلاً.- وخاصة فى ظل انقطاع الكهرباء المستمر-.
وفيه نساء بيعتبروا المسجد لقاء للأحبة والأصدقاء اللى بقى لهم كتير ماشافوش بعض و هاتك يا كلام ونقل للأخبار والتحدث عن فلانة.. ياجماعة بجد مش وقته.. إحنا عايزين نستغل الفرصة فى العبادة والذكر والدعاء وما إلى ذلك.
البيت هيحقق لك كل ده.. ده غير أنك مش هتتسببى فى فتنة لأى رجل إيذاء خروجك من المنزل حتى عودتك له من جديد ..ولو عايزة تصلى جماعة ممكن جداً تصلى مع أختك أو والدتك أو حتى خادمتك.. ولو ملقيتيش لا يكلف الله نفساً إلا وسعها. واعرفى أن ثواب الجماعة ممكن يروح نتيجة أى فعل مُسئ.
ياريت تفتكروا دايماً حديث النبى عليه الصلاة والسلام ” ….. وبيوتهن خير لهن”.
استغلى وقتك فى المطبخ فى الذكر والدعاء يعنى وأنتِ مثلا بتقشرى البصل تقولى أستغفر الله ولما تيجى تنقى الرز تقولى سبحان الله وعلى ما الأكل يستوي ممكن جدا تقرأى فى المصحف وهكذا فى كل المواقف.
حددى طلباتك مسبقاً واعرفى المحلات اللى هتشترى منها عشان ماتضيعيش وقتك فى البحث .

ماينفعش تذهبى للمسجد كأنك رايحة فرح.
بصى تطيبى زى ما انتِ عايزة والبسى أشيك الملابس عندك لكن صلي فى بيتك.
هو طبعا صلة الرحم مفيش فيها كلام بس المثل بيقول يا بخت من زار وخفف يعنى نص ساعة أو ساعة حلو أوى ماتنسيش أن فيه وقت هيضيع وانتِ بتلبسى ووقت هيضيع وأنتِ فى الطريق ذهاباً وإياباً.. ده غير برضه أنك هتضيعى وقت اللى بتزوريه لو عايز يصلى أو يقرأ قرآن أو حتى يتابع برنامج دينى.
وياريت تاخدى أجازة من المسلسلات والبرامج التافهة واطمنى كل ده هيتعاد تانى بعد رمضان.
حافظى على وقتك على قد ما تقدرى فالحسنة مضاعفة والدعاء مجاب.

فيه أخطاء تانية ومعروضة بأسلوب مختلف ستجدونها فى مرحب شهر الصوم .

أما عن بعض الأفكار البنائة والتى أقوم بها ستجدونها فى أهلاَ بالضيف الغالى .
طبعاً ياريت تقرأوا هذه المواضيع لأنهم بيكملوا بعض.
ويسعدنى ترك تعليقكم سواء فى هذا الموضوع أو فى أى موضوع منهما. فأنا أهتم بجميع التعليقات وسأقوم بالنشر والرد عليها حين عودتى بإذن الله بعد رمضان.
لأن أنا فى أجازة من النت طوال شهر رمضان لأتفرغ للعبادة وبالله عليكم ماتنسونيش من دعائكم بأن ربنا يرضى عنى وينصرنى على اللى ظلمونى ويهيئلى الخير حيثما كان ثم يرضينى به.
أشوفكم على خير.
وأستودعكم الله.
سؤال جانبى:
ـــــــــــــــــــــ
* ايه اكتر حاجة ناوى تحرص على أدائها فى رمضان؟.

49 Comments »

  1. كل عام وأنتم بخير بمناسبة شهر رمضان الكريم ، أعاده الله عليكم بالخير واليمن والبركات

  2. مصطفى Said:

    ماشاء الله.. مجهود أكثر من رائع..شكرًا عليه..ورمضان كريم🙂

  3. momken Said:

    ايه الجمال دهمجهود رائع يا موناليزابصراحه انا برغم انى تعبت على ماخلصت البوستلكن كنت مستمتع جداًربنا يجزيكى خير ويجعله فى ميزان حسناتكايوة كنت بحلم اخلص البوست قبل العيدلمكن والله استفدت جداًلا املك الا ان اقولجزيت خيراً..وكفيت شراًكل عام وانت بخير وسعاده انت والاسره الكريمهتحياتى

  4. كل سنه وانت طيبهياموونا

  5. Sharm Said:

    كل عام وانتم بخير

  6. كوكتيل Said:

    كل عام وأنت بألف خير يارب :)شكرا على معلوماتك القيمة خاصتا موعد برنامج عمرو خالد أنا منزله موضوع عن برنامجه بس ما كنت أعرف الوقت تسلمين يارب وأضيف لك أن ينعرض أيضا على المحور وإقرأ :)دمتي بخير وعافية يارب🙂

  7. كل عام وانتى الى الله اقرب ورمضان كريم عليكى وعلى الامة الاسلاميه جمعاء غاليتىوجزاك الله كل الخير على النصائح الجميله جعلها الله بميزان حسانتك ونفع بكى الحاجه اللى نفسى اعملها فى رمضان ان ربنا يتقبل صيامى وقيامى ويغفر لى تحياتى ليكى حبيبتى

  8. كل سنه و انتي طيبه و رمضان كريم و كل عام و الامه الاسلاميه بخير و جزاكي الله خيرا على كل هذه النصائح

  9. rovy Said:

    كل سنة و أنتى طيبه يا غاليه .. ربنا يبارك فيكى حبيبتى و رمضان كريم عليكى و على كل المسلمين يااارب ..

  10. كل سنه وانتى طيبهإجابتى على السؤالحاجات كتيره أوى مش حاجه واحده بسأحنا داخلين مسابقه والشاطر اللى يطلع الأول فى كل شيئرمضان كريم

  11. dodda Said:

    اسأل الله ان يعين المسلمين على الصوم كما يرضيهحبيبتى لا تنسينى من صالح دعائك كل عام وانت بخيروتقبل الله صالح اعمالنا جميعا

  12. بارك الله يكِ وفيكِ ورمضان كري ويجمعنا على طاعة الله

  13. P A S H A Said:

    كل سنة وحضرتك طيبة وبألف خير وصحة وسلامة إن شاء الله:)رمضان كريم

  14. رمضان مبارك يا موناليزتي الغالية ربي يجزيكي كل خير عالبوست الجميل داه ويجعله في ميزان حسناتك اكتر حاجه حاداوم عليها رمضان داه هو التغيير والإستمرار والدعاء ألا تفتر همتنا بعد رمضان …قولي آمينسؤالي بقى : هو ليه الناس معظمها مش بتجاوب على سؤالك؟ محتاجين يتعاقبوا (:بوسة ليكي وأشوفك على خير بعد رمضانفي أمان الله وحفظه

  15. مسرور Said:

    كل عام وانتم بخيرتقبل الله صالح اعمالكم

  16. اولاً : كل عام وانت بخير ثانياً : هو يعني ما ينفعش انه الواحد ينوي من اول الشهر انه سوف يصوم الشهر كله . واللى لازم كل يوم ينوي انه يصوم اليوم الجاي ،، يعمل ده كل يوم واذا ما عملش يبقه صيامه مش مقبول . اعتقد انه هذا امر غير صحيح

  17. السلام عليكم ورحمة الله وبركاتةاخبارك اية يااختنا العزيزة الكريمةوكل سنة وانتى طيبة وان شاء الله رمضان يكون خير علينا كعادتة وعلى الامة الاسلاميةا ن شاء الله تعالى …وان شاء الله ربنا يقدرنا على فعل الخير واجتناب مايغضب الله وربنا يقدرنا على دة ان شاء الله وندعى لبعض ان ربنا يقدرنا ويسعادنا على دة ان شاء الله .

  18. رمضاااااااااان كريمكل عام وانتتى بخير

  19. (green eyes) Said:

    جزاكي الله خيرا عن هذه المعلومات المهمةوكل عام وانت بخير وفي فضل ونعمة من الله

  20. كل سنة وانتى طيبة ورمضان كريم عليكى

  21. كل سنه وانتي طيبه ورمضان كريم عليكي وعلى الأسره وكل المسلمينناوي اكون حريص على قراءة القرآن بتدبر ان شاء اللهتقبل الله منا ومنكم

  22. أحبائى فى اللهأشكركم جميعا لتهنئتكم الرقيقةوانا دخلت دلؤتى عشان اعرفكم انى غيرت مواعيد البرامج لأنها فى الأول ماكنتش مظبوطةوخليتهالكم كلها ورا بعضعاوزة كمان ارد بعد اذنكم على الاستاذ فارس عبد الفتاح واقوله ان السحور فى حد ذاته يعتبر نيه يعنى مش شرط التلفظ طالما لم تقل عكس نيتك لان فيه ناس كتير ما بتتسحرش يعنى بتصوم على سبيل التعودأن الاكل فى رمضان هيتأخر شوية للمغربغاليتى كلمات من نوربجد انا كنت نسيت أكتب السؤال وعشان خاطرك رجعت وكتبته:)وبجد بستنى اجابتك دايما عليهوانا معاكى المفروض اللى مايجاوبش يدفع غرامة:)أسعدنى تواجدكم جميعا واعتذر لعدم الرد على كل فرداً باسمه وماتنسونيش من دعائكموفى انتظاركم دائماًأشوفكم على خير

  23. KHALED Said:

    كل سنه وانتى طيبهورمضان كريم

  24. salwa Said:

    السلام عليكم خت موناليزارمضان مبارك واعاده الله على الامة بافضل الاحوالجزاكي الله كل خير

  25. كل سنة وانتى طيبةوجزاكى الله خيرارمضان كريم اللهم تقبل منا ومنكم صالح الاعمالتحياتى

  26. السلام عليكم و رحمة الله و بركاتهرمضان كريمكل عام و أنت بخيربارك الله فيك

  27. كل عام وانتم جميعا بخيررمضـــــــــــان كريـــم

  28. يارب يكرمك يا منون ويجعله فى ميزان حسناتك اكتر حاجه عايزه احرص عليها الدعاء ادعيلنا معاكى يا منون وما تنسناش كل سنه وانتى بالف خير وصحه وسعاده يا روح قلبى

  29. اختي الكريمةأجمل التهانى بحلول شهر رمضان المبارك أعاده الله عليكم باليمن والخير والبركة وكل عام وأنتم بخير

  30. كل سنة وانتي بخير وسعادة (: لولا

  31. كل سنة وانت طيبة بارك الله فيكي وفيما كتبتي وسطرتي لنا ربنا معاكي وينصفك اينما كنتي علي كل ظالم ظلمك ولا تحسبن الله غافلا عما يعمل الظالمون انما يؤخرهم ليوما تشخص فيه الابصار

  32. Butterfly Said:

    كل سنه وانتى طيبهرمضان كريمربنا يجعلنا من عتقاء هذا الشهر ان شاء الله

  33. أدعوا الله تعالى أن يجزيك خير الجزاء على ما نشرتيه من توجيهات قيمة وكل عام وأنت كل أحبابك فى إيمان وأمن وأمان وسلام

  34. hmllmsk Said:

    شهر مبارك مدونه جميله وقيمهعساكم من عوادهكوني بخير

  35. يارب اجعل ايامنا اعياد والكل يفرح ونعيد/ونعيش فى سلام وامان وبالتوفيق نتأيد…./ونعلو ونسمو ونملك ارادتنا بانفسناونتسيد/ولا يتحكم فينا كأننا من كان لاعبد ولا سيد/وعن الشر نبعد بعيد ونكون بالخلق الجيد/ونغفر ونسامح ولا نكون بالطبع الكيد…./وبالاخلاق والمثل والقيم نتمسك ونتقيد/ونقيم جسور الحب مع البشر نبنى ونشيد/

  36. رمضان كريم والله اكرم انا مهرفتش اكتب الكلام الجميل ده كله بس صممت كارت علي مدونتي لا تنسي تحميله منها🙂

  37. مش عارفه التعليق اتنشر ولا لأعلشان النت فصل بع ماكتبتهكل سنه وانتي طيبه

  38. كل عام أنت بخير

  39. السلام عليكمجزاكم الله خيرا على النصائح الجميله والمعروضه بشكل رائع جداكل سنه وانتى طيبهربنا يجعله شهر كله خير وسعاده وفرح لكم وللامه كلهاربنا يكرمك ويسعدك

  40. جزاكِ الله خيراً يا موناليزا :)و الله مقال رائع جداً..كل سنة و انتي طيبة🙂

  41. اقصوصه Said:

    رمضان كريم

  42. نبضات Said:

    كل سنه وانتى دائما طيبه وسعيده دائما مميزه فى موضوعاتك الجميله والعميقه جداااا جزاك الله كل الخير عنها لأنك بتفيدينا كتيرررربس انا كنت عاوزه أناقشك فى حاجه بالنسبه لقراة القران بالنسبه للمراة فى أيام معينه يستحسن الا تقرأ القران الا وهى طاهرة وعن القراه ومسك القران الكريم بغلافه فذلك فى ظروف التعلم او ظروف تحتاج للضرورة أن تقرأ منه والله اعلم ولكن أذا كانت فى ايام مثل رمضان فلماذا لاتنتظر وتقرا فى أيام اخرى من الشهر بعد التطهر طالما لايوجد ضرورة والله أعلم بالنسبه للسؤال الجانبى …أكتر حاجه عاوزه احرص على ادائها فى رمضان .. صلاة قيام الليل على فكره برنامج عمرو خالد اكتر من رائع فكر عميق جدا لتوعيه المسلمين كيف يعيشوا فى الحياه ويكسبوا حياتهم الدنيا والأخرة جزاه الله كل الخير تحياتىرمضان كريم دائما متميزه

  43. كل سنة و إنتى طيبةرمضان كريممجهود رائع و متميز فى البوست دهدمتى بخير

  44. elsha3er Said:

    جزاكى خيرا وكل عام وانتى بأتم خير ونعمة

  45. أمة الله عتق الله رقبتك من النارالسلام عليك اولااول ما فعلته فى اول ايامى فى الأجازه هو الدخول على المدونات واولهم مدونتك والله العظيم وقرايه نصائحك التدوينيه اطال الله عمرك فى الخيرسلام الله لك وعليك

  46. salwa Said:

    السلام عليكم اخت موناليزااعتذر للتاخيريا رب يتقبل منا طاعتنا و يكتبنا مع الذاكرينو بمناسبة قرب عيد الفطر اطيب تمنياتيو كل عام و نحن لله اقربسلام

  47. كل عام وأنتم بخيرهدية العيد على http://ommee.blogspot.com/

  48. الأخوة والأخوات الأفاضلتقبل الله منا ومنكم جميعا صالح الأعمالأشكركم جدا لتعليقاتكم وأسعدنى تواجدكموفى انتظاركم دائماً

  49. رمضان كريم كل عام وانتم بخير و ان شاء الله يكون رمضان مختلف السنه دي لينا كلنا و ربنا يكرمنا في رمضان و يحقق لنا جميعا كل ما نطمح و ما نأمل و يغفر لنا ذنوبنا كلنا يارب العالمين


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: