ربنا اسمه الكريم

من أجمل المواقف التى يتعرض لها الإنسان أن يرى اسم من أسماء الله الحسنى متجسداً فى موقف خاص به أو بأحد حوله. ولذلك سأعرض عدة مواقف لنستشعر جميعا بحلاوة اسم الله ” الكريم”.
تقول سيدة” أنا كل شهر بشترى علبة دواء.. والشهر الماضى قررت أنى أشترى علبتين حتى لا أذهب للصيدلية فى الشهر القادم.. وحينما ذهبت للصيدلية لم أجد سوى علبة واحدة فقط.. حزنت بداخلى ولكنى قلت لعله خير.. بعدها بأيام شعرت بوعكة صحية وقررت الذهاب لطبيب مختص وسبحان الله إستخدمت الفلوس اللى كنت هشترى بيها علبة الدواء الإضافية فى ثمن الكشف.. وقلت الحمدلله ربنا ترك لى فلوس أستخدمها فى شئ آخر أهم.. ومضى الشهر وجاء موعد شراء علبة الدواء الشهرية والمفاجأة أن علبة الدواء رخص ثمنها إلى النصف.. فرحت أوى وقلت يا ما أنت كريم يارب لم يجعلنى أشترى علبتين الشهر اللى فات لأنه كان عارف أن الدواء هيرخص وعارف أنى هحتاج الفلوس فى حاجة تانية أهم.. مش عارفة أشكر ربنا أزاى بس حبيت أشارك بالموقف ده عشان تعرفو قد إيه ربنا كريم وأنه دايماً بيختار لنا الأصلح.. ولو حصل حاجة ضد رغباتنا فده الأحسن لينا فى الوقت ده.
موقف ثانى على لسان سيدة اخرى تقول” ولادى أكلهم على قدهم وفى يوم طلبوا منى أعمل كيكة بالشيكولاتة.. ولأنهم قليل لما بيطلبوا منى حاجة للأكل فبقيت فرحانة أوى وهممت بصنعها ودعيت ربنا أنها تطلع حلوة.. المهم بعد ما خلطت المقادير ووضعت العجين فى الصوانى إكتشفت إنى نسيت أدهن الصوانى بالدقيق.. ومابقتش عارفة أعمل إيه.. وبقى صعبان عليا أنها ماتطلعش من الصوانى وأولادى مايعرفوش ياكلوها وكمان المقادير اللى هتروح هدر.. وبينى وبين نفسى قلت لو ماطلعتش تبقى فداهم ومحدش عارف كانت جاية فى إيه وبعدين افتكرت رغبتهم وتأكيدهم عليا بأنهم عايزين يصحوا يلاقوها جاهزة.. ومالقيتش قدامى غير أنى أدعى ربنا أنها تطلع حلوة.. وكنت بقول أنها محتاجة معجزة عشان تطلع من الصينية سليمة.. والمفاجأة كانت بعد ما سويتها وأنا بقطعها وجدتها بتطلع معايا عادى جدا ومالزقتش ولا حاجة.. وافتكرت إنى دعيت ربنا وأنا بعملها ودعيته وأنا قلقانة لتبوظ وقلت طبعا كان لازم تطلع لأن ربنا اسمه الكريم.
موقف آخر سأقوم بروايته” أرهقت كثيراً فى تحضير موضوعى السابق.. من أول البحث عن صور مناسبة وإختيار المناسب منها للعرض.. إلى البحث عن روابط للأخبار المذكورة حتى إذا ما أحب القارئ الرجوع للمصدر ما عليه إلا أن يضغط على الخبر المكتوب وسيذهب به إلى الرابط الذى يذكر الحدث بالتفصيل. وتجميع الأحاديث النبوية والآيات القرآنية للإستشهاد بها فى اللموضوع..كان الأمر بحق مُرهِق.. وفى عز إندماجى حان وقت الصلاة.. وجال بخاطرى هاتف بأن ما كتبته سيذهب هباءاً إذا ما قمت للصلاة يا إما عن طريق إنقطاع التيار الكهربائى– فهو دائماً ينقطع فى أوقات غير مناسبة- أو عن طريق غلق الجهاز – الجهاز بتاعى بقى له كام يوم بيقفل لوحده بدون سابق إنذار-.
وبت فى حيرة من أمرى إلا أن حسمت موقفى سريعاً وقلت سأقوم للصلاة وبعدها أكمل ما بدأت وقبل إنصرافى نظرت لما كتبت وقلت”أستودعكم الله”. وبعد صلاتى جئت وأكملت وفى عز إندماجى حدث ما كنت أخشاه وتم قطع التيار الكهربائى قبل أن أنشر الموضوع أو أعمل له حفظ.. وحزنت على هذا المجهود الذى طار هباءاً.. ولكننى تذكرت بأننى قلت “أستودعكم الله” وهذا يعنى بأن الله لن يخذلنى وحينما عاد التيار الكهربائى فتحت الجهاز وأنا كلى ثقة ويقين فى الله بأن ما كتبته تم حفظه تلقائياً وبالفعل هذا ما حدث.. وقلت الحمدلله فعلاً ربنا كريم.

أوقات كتير بتحدث لنا أشياء غير مفهومة فى وقت حدوثها.. ونتذمر ونشكو ولا ندرك بأن ما حدث هو الخير بذاته لحكمة لايعلمها إلا الله.. ولعل من أجمل المواقف التى تحدث لنا فى وقتها أننا نشعر فضل الله علينا دائما حتى لو فى موقف بان بسيط من وجهة نظرنا.. لعل الله يريد أن نتقرب له بذكر أو بدعاء فننجو بهذا دنيا وآخرة.. لعلك تستشعر بأن كل شئ فى هذا الكون مهما بدا بسيطاً لا يحدث إلا إذا أراد الله له أن يكون.

الحمدلله أنك أنت ربى.


سؤال جانبى:
أذكر موقف مشابه؟.

29 Comments »

  1. يامانت كريم يارب

  2. مسرور Said:

    السلام عليكمموضوعك طيب جزاك الله خيراًلو علمتم مافي الغيب لاخترتم الواقعلذلك انا اجزم ان كل شيء حدث لي ثم حزنت لحدوثه كان افضل لي والحمد لله على كل حالتحياتي لك

  3. الله الله اللهجميل اوى وحقيقى وبيحصلكتير فعلا واللهعجبنى كلمتك الحمد لله انك ربىتحياتى على البوست الجميييييييل

  4. الفراغ Said:

    اللهم لك الحمد على انك هديتنى اليكبجد يا منى ربنا مافيش اكرم منهحاجات كتير حصلتلى فى حياتى واكتشفت ان حدوثها كان هو الخير بعينه ..رغم انى فى الاول بكون زعلانهبس مع عجلة الحياه عرفت ان ربنا مابيعملش لحد الا االخيرحتى الانسان الفقير المريض البائسلو يعلم ان دا هيكون سبب دخوله الجنه لبكا من حب الله لهفى ابتلاء ربنا رحمه…سبحانهجزاك الله كل خير

  5. سلسبيل Said:

    اشكرك اختى على الموضوع الرااااائع و جعلة الله فى ميزان حسناتك تسلمى بجدتحياتى لك

  6. سبحان الله فعلا مواقف كتير الواحد اتعرض لها وبقى يقول يا الله انت الحنان المنان الكريم .ربي يبارك فيكي وفي موضوعاتك الطيبة …موقف مشابه : مرة كنت رايحه القاهرة لجلسة العلاج الطبيعي في المركز ..وكنت اساسا من كتر ما اتعاملت مع الطبيبات وموظفين المركز بدءا من المدير وانتهاءا بعمال القهوة والشاي ..كنت حاسه انهم زي اخواتي الصغار ..المهم يا ستي اني قمت يومها الصبح من نومي وكان الجو بارد وحسيت اني مش قادرة اسافر رحت بعت ماسيج للطبيبة قلتلها مش عارفه مش عايزة اسافر ليه وبعت ماسيج لبنت عمتي قلتلها مش جايه القاهرة …و نمت وصحيت و لقيت الطبيبة بتقولي في ماسيج : كلميني ضروري ..باكلمها الاقيها بتقولي احمدي ربنا إنك لم تأتي فحسن ( مدير المركز ) توفي فجر اليوم في الفندق ببيروت أثناء رحلة عمل للمركز …..بجد يا موناليزتي الخبر وقع عليا وقوع الصاعقه ..فحسن داه شاب ..لا أزكيه على الله ..أحسبه على خير ..ملتحي وملتزم …وكنت دايما اقوله حاجوزك بنت من بناتي عالانترنت …الله يرحمه …فعلا لو كنت سافرت وعرفت الخبر في العياده وسط بقى حزنهم وزعلهم وقلق الوضع خاصة انه كان في سفر للعمل ..كان ممكن يحصل ايه؟ ربك كريم فعلاالله يرحم موتانا أجمعين

  7. ماشاء الله على هذا الموضوعبجد رائع جدااااااااجزاكم الله كل خير اختي الكريمه

  8. sony2000 Said:

    انا الموقف بقي انا فيه دلوقتيقبل الامتحان بيوم ماما تعبت ومقدرتشي تعمل حاجه فالشقه انها تمسحها وكداقلتلها انا هعملها بدالك ودا كان قبل الامتحان بيوموجيت ذقيت الكنبه عندنا جامد جدا مااخدتش بالي وضهري بسببها اتجذع جامدروحت تاني يوم قلت يارب انا داخله الامتحان وانا تعبانه بس يكون وقت الامتحان مااحش بألموالحمد لله حصلودعيت قلت يارب اشفينيوالحممد لله ربنا سبحانه وتعالي استجاب لدعوت وانا فمرحله الشفاء والحمد لله:)

  9. ياحببتى انا حصلى نفس موقفك ده بس بدل ما التيار الكهربائى هو اللى فصل كان النت هو اللى فصل موضوع جميل بحيكى عليه

  10. موضوع جميل اوي جزاكي الله كل خير

  11. مواقف كثييييييييرة جدا والحمد للهمن أكثر ما يلفت نظري منها …كان أحد الشباب أيام المدرسة معجب بي .. و هذا واضح من نظراته .. وكان هذا في النصف الثاني من السنة الدراسية … بعد انتهائها سافر و لم يعد الى البلد الا بعد أن أنهيت دراستي الثانوية كلها .. و شاب اخر .. أتى للمدرسة في اخر سنة مدرسية .. وبدأ يتصرف معي بطريقة إنه معجب .. فبعد عدة أيام حصلت مشاجرة كبيرة وطرد !!!وقتها حزنت جدا وبكيت و خفت أن أكون نحس !بعد فترة علمت أخبارهما … كلا الشابين غير ملتزمان و عندهما تصرفات لا يقبلها ديننا الاسلامي الحنيفلقد كان الله عز وجل يحميني في مراهقتي ويحمي عفتي … سبحانه وتعالى والحمد له يا له من كريم و حنين … موضوع في قمة الرووعة أخية … أسجل إعجابي الشديد به

  12. السلام عليكم ..مواقف فعلا رائعة ورب ضارة نافعة .. ولكن لا نعرف أين هو .. ومن يتحلى بالصبر يعلم الحكمة بعدها .. وقد لا يعلمها.أما عن المواقف فهي كثيرة ولكنها ليست مثل هذه الحالات لأنها كانت خاصة جدا.تحياتي لك ووفقك الله

  13. fL0weR-giRL Said:

    الموضوع جميل جداربنا كريم وعالم بعبيده ومش ف موقف واحد بس دي من أول ماولدت لغايت لما هموت وكل دقيقه بتنفس فيها ربنا كريم معايا ف كل شئتقبلي مروري ^(^

  14. وجـدان Said:

    سبحان الله .. لم أجد تعليق عليك إلا عبارة .. ( لو علمتم كيف يدبر الربّ أموركم ، لذابت قلوبكم من محبته )حفظك الباري يا أمة الله و أجزل لك العطاء ..🙂

  15. Butterfly Said:

    فعلا ربنا كريموربنا قالانا عند ظن عبدى بى

  16. وحـدي Said:

    ربنا كريم فعلًا..وأنت مدوِنة متميزة.

  17. والله الموضوع روعه ياموني كان في خروجه مهمه والمفروض اننا هناخد اجازه في اليوم دا لكن حالت الظروف اننا مش ناخد اجازه وساعتها زعلت اوي واكتئبت لان اليوم كان مهم جدا وبعدها قلت لعله خير وساعتها كان حصلت الموجه الحاره فاكراها وقلت الحمد لله اننا مش اخدنا الاجازة والمشوار اتعمل الاسبوع اللي بعده وكان الجو جميل مواقف كتيييييييييييير مش بندرك حكتها الا بعد وقت منها فدايما لعله خيييييييييييير وحشتييييييييييينى يامونى

  18. جنّي Said:

    السلام عليكماتمنى ان ارى اسم الله العفو فما اكثر ذنوبي .. اللهم انك عفو تحب العفو فاعفو عنا ..جزاكي الله خيرا على موضوعك القيم ..

  19. salwa Said:

    السلام عليكم اخت موناليزاسبحان الله بحكمته انه الكريم فعال لما يريدجزاكي الله كل خيرسلام

  20. السلام عليكم و رحمة الله و بركاتهكيف حالك أختنا العزيزةموضوعك طبعا يشدنى كاعادة حيث أننى أعتبر نفسى-ولا أزكيها-من متذوقى تلك الروحانيات بجميع أشكالهابالنسبة للموقف..فهناك عدة مواقف و لكنها قد تكون حدثت فى نفس الوقت من السنة تقريبا..1-فقدت مبلغا كبيرا وأنا فى طريقى متنقلا بين المحافظات و عبثا حاولت إيجاده2-أتلفت لى بضاعة-بنفس المبلغ تقريبا-عن طريق وقوعها من فوق السيارة(التويوتا)فى نفس الوقت من السنة السابقة3-فقدت طردا(كرتونة)به بضاعة-بنفس المبلغ تقريباو أيضا فى ما يقارب نفس التوقيت من السنةوعندما حدثتنى زوجتى مواسية لى ..قلت لها…لعلنى أخرج الزكاة ناقصة..وقد أراد الله أن يستكملها منى بحكمته..الحمد لله على أنه أستخدمنى و لم يستبدلنىدمتى فى حفظ اللهملحوظة..لى عند حضرتك طلب بسيط..نظرا لغيابى الطويل بين البوست و الآخر و نظرا لما يقابل ذلك الغياب من تضاؤل للزائرين لدى و نظرا لأهمية القصيدة الحالية..أرجو من حضرتك التنويه عندك لما تمتلكينه من زائرين عن تلك القصيدة…وعنوانها(إنفد بجلدك)وهى رثاء للشهيد(خالد سعيد)…فربما أجنى بها بعض الحسنات…ولكى جزيل الشكردمتى فى حفظ الله

  21. منى Said:

    السلامعليكم ورحمه الله وبركاتهازيك يا موناليزايا رب تكونى فى خير حاليا مانت كريم يا ربكتير اووى اوى حاسيتها ومواقف كتير ليا او حصلت مع ناس قريبين منى وفعلا اقسى المواقف اللى حصلت لى كان وراها خير كبير لدره ان دلوقتى لما بيحصا حاجه ممكن تضايق بتفاؤل واقول اكيد وراها خير ال ربنا اسمه الكريمدمتى بكل الخير حبيبتى

  22. منى Said:

    انا كتبت تعليق مش عارفه وصل ولا لاء مش هعيده لانى نسيته ههههه لكن تبعا منستش انك وحشانى وبتمنالك كل خير رينا يكرمك ويسعدك ويجزيكى كل الخير وينجيكى من كل سوء

  23. السلام عليكملو ندرك جميعا أن كل أمر المسلم خير ما جزعنا ولا تسابقنا ولا تباغضناسؤال جانبي:هو أنا زعلتك في حاجة ؟

  24. ياكريم اكرمنا ياااااارب وخليك معانا بوست جميل ورقيق يا موناليزتى ربنا يجعله فى ميزان حسناتك لانو بيريح القلب انتى عامله ايه يا حبيبتى واخبارك ايه يارب تكونى بالف خير

  25. أحبائى فى اللهكم يسعدنى وجودكم وتعليقاتكم دائما ومن كرم ربنا عليا أنه من عليا بناس جميلة زيكم دمتم لى خير صحبةنورتوا مدونتى جميعاواعتذر لعدم ردى على كل فرد بإسمه سائلة المولى أن يمن علينا جميعاً بكرمه ويتغمدنا بعطفه ورحمته دائماً وأبدا اللهم امينفى انتظاركم دائماويسعدنى دوام التواصل

  26. موضوع طيب جداااوجعله الله فى ميزان حسناتكدمتى موفقه

  27. ويكا Said:

    عارفهعلى اد بساطة القصص ، الا ان اللى عايز يشوف فيها الحكمه ، هيشوف.الله …… كريم.الله ……… صبور الله …… حليم .الله ……… قادر.الله ……… هو الملك الاوحد الاعلى الاعظم.الله ………. (الله)تحياتى

  28. السلام عليكِ الحمد لله لا فُض فوك هناك آية لا تخرج من عقلي أبداً " وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب " بارك الله بكِ وفيكِ

  29. عايش ولكنويكاأحمد شريفأهلا بيكم و نورتوا مدونتى واسعدنى تواجدكم وتعليقاتكموفى انتظاركم دائما


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: