آداب الزيارة

لا أحد ينكر فضل التزاور فى الله. ومايتركه من عظيم الأثر فى نفس من تزوره وخاصة إذا كانت الزيارة خالية من أى مصلحة وتتم فقط لوجه الله.
ولذلك علينا أن نعرض بعض النقاط عن آداب الزيارة.
* أهم شئ عدم الزيارات المفاجئة.
يعنى يجب الإستئذان مسبقاً وأخذ موعد مناسب من صاحب البيت وبلاش حكاية كنت معدى من جنبكم قلت آجى أسلم أو حبيت أعملها لكم مفاجأة !.
ولا تغضب إذا ما قال لك بأنه لا يستطيع إستقبالك نظراً لأى ظرف يمر به بل عليك أن تحترم هذا إمتثالاً لأمر الله تعالى
“{يَا أَيُّهَا الَّذِينَ آمَنُوا لاَ تَدْخُلُوا بُيُوتًا غَيْرَ بُيُوتِكُمْ حَتَّى تَسْتَأْنِسُوا وَتُسَلِّمُوا عَلَى أَهْلِهَا ذَلِكُمْ خَيْرٌ لَكُمْ لَعَلَّكُمْ تَذَكَّرُونَ}(النور/27).
وأيضا قوله”{ وَإِنْ قِيلَ لَكُمُ ارْجِعُوا فَارْجِعُوا هُوَ أَزْكَى لَكُمْ }.
ولو حدث ظروف لضرورة الزيارة المفاجئة كعدم قدرتك على الإتصال به عليك اختيار الوقت المناسب.
* لا تقف فى وجه الباب مباشرة ولا تطرق الباب مراراً بل ثلاث مرات على فترات متقاربة وإذا لم تجد أحد فانصرف.
* لا تذهب لزيارة جارك فى الشقة المجاورة بملابس النوم أو بشبشب حمام.
* أن تسلم على صاحب البيت أولاً قبل أن تجلس .
* يا بخت من زار وخفف.
أن تمشى وأنت مرغوب فيك أفضل بكثير من أن يشعر مضيفك بالملل.
* عليك بغض البصر. بمعنى لا تتفحص فى محتويات الشقة أوتلمس الستارة مثلاً لترى نوع القماش المستخدم فيها أو تسأل عن سعر السجادة أو اسم النقاش اللى دهن الحيطان وما إلى ذلك.
قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ {النور:30}.
* اشرب ما يقدم لك بدون تعليق.
مثال” أنتوا عاملينه إزاى.؟ أو جايبينه منين وما إلى ذلك.
ولو ما كانش عندك رغبة خذ ولو جرعة واحدة ولا تظهر عدم إستحسانك لهذا الشئ ولا تعجزهم مثلاً بطلب شئ غير موجود عندهم
مثال” أعملك شاى.. لأ ياريت آيس كريم.
* الشكر على ما قدمه لك .
* عدم إصطحاب الأطفال وخاصة إذا كنت تعلم مسبقاً بمدى نشاطهم الزائد.
* عدم التحرك بحرية وكأنه بيتك.
يعنى لو صاحب البيت دخل المطبخ مثلا ما تدخلش وراه.
أو لو بتزور حد وعرفت أنه نايم تقول أنا هدخل أصحيه.
أو تفتح درج مقفول بحجة أنك بتدور على منديل مثلاً.
*لا تدخل أى غرفة دون إستئذان صاحبها.
أو تختار المكان اللى عايز تقعد فيه ..اللى صاحب البيت يختاره لك وافق عليه بدون مناقشة.
يعنى مثلا:
ما يقولكش اتفضل فى الصالون تقوله: لأ خلينا هنا أحسن أو ما تيجى نقعد فى البلكونة.
هو أدرى بحرمة بيته وعليك أن تحترم ده.
* إحضار هدية ما أمكن ذلك فإن ذلك أبلغ في إظهار مشاعر الحب والفرح.
قال صلى الله عليه وسلم: (تهادوا تحابُّوا) [مالك].
وقال صلى الله عليه وسلم: (تهادوا فإن الهدية تذهب وَحْرَ الصدر (الحقد والغيظ والغضب والعداوة)[الترمذي وأحمد].
ولا تعطى هدية بهدف أن ترد إليك فى أقرب فرصة.
** شارك من تزوره مناسبته سواء فرح أو حزن بتعبيرات وجهك
يعنى ماتوزعش ابتسامات وانت بتعزى مثلاً أو تتجهم فى مناسبة سعيدة.
* ذكر عبارات التهنئة أو التعزية فى حال دخولك لمنزل المضيف.
إذا كانت تهنئة بمولود تقول له: (بُورِكَ لك في الموهوب، وشكرتَ الواهب، ورُزقت بِرَّه، وبَلَغَ أشده).
وإن كانت التهنئة بزواج تقول: (بارك الله لك، وبارك عليك، وجمع بينكما في خير) [الترمذي].
وإن كانت التهنئة في الأعياد تقول: (تقبل الله منا ومنك)..
وفى حالة التعزية:
عدم التأخر عن ثلاثة أيام: فإن طرأ عليك طارئ أخَّرك عن المسارعة، فينبغي أن تكون الزيارة قبل مضي ثلاثة أيام، ويجب أن يتوجه المسلم بنفسه، ولا يكتفي ببرقية التعزية إلا في حالات الضرورة فقط.
ما يقال في العزاء: يقتصر الحديث على كلام الصبر والسلوان؛
كأن يقول المعزِّي للمصاب: (البقاء لله)، أو (إنا لله وإنا إليه راجعون)، أو (لله ما أعطى ولله ما أخذ، وكل شيء عنده بمقدار، فلْتصبر ولْتحتسب).
أما المصاب فيؤمِّن (أي يقول: آمين) ويقول للمعزِّي: آجرك الله (أي: كتب الله لك الأجر على صنيعك).
زيارة المريض:
(أذهب البأس، ربَّ الناس، اشف وأنت الشافي، لا شفاءَ إلا شفاؤك، شفاءً لا يغادر سَقَمًا) [متفق عليه].
* لا تطلب من المضيف أن يقوم بتوصيلك إلى منزلك.
* تناول طعامك وشرابك المفضل قبل الزيارة حتى تكون عفيف النفس أو حتى لا ترهقهم بطلباتك الغير متوقعة.
* ألا تقوم بالزيارة خصيصاً من أجل قضاء مصلحة خاصة.
* ترشيد الإستهلاك
يعنى تتعامل برفق مع الأشياء كما تتعامل فى بيتك .
مثال: لو هتستخدم الصنبور ما تفتحوش على الآخر.
لو هتطلب سكر للشاى يبقى العادى بتاعك مش تطلب أكتر لأنه ببلاش وهكذا.
* عدم تكرار الزيارت فى فترات متقاربة.
* مراعاة الهدوء وتجنب التحدث بصوت عالى والإمتناع عن أى كلام بذئ.
* لا تزور صديقك المتزوج فى منزله بدون زوجتك والعكس بالنسبة للزوجات.
* لا تذهبى لزيارة صديقتك فى بيت أهلها مع زوجك.
* لا تأخذ أحد معاك دون معرفة صاحب البيت. لازم صاحب البيت يبقى عارف أسماء وأعداد الأشخاص اللى هيزوروه حتى لا يتفاجئ بقدوم شخص غير مرغوب فيه .
*لا تجعل كل الكلام عبارة عن شكوى منك له عن حالك. لكل منا همومه الخاصة.
* إذا كان لديك أولاد لا تتحدث عنهم كثيراً وخاصة إذا كان صاحب البيت معندوش أطفال. وبرضه لو كنت متزوج وبتزور صديقك الأعزب ما تتكلمش عن زوجتك وطريقة طهيها للطعام مثلاً.
* لا تطلب منه فتح التلفاز حتى تشاهد شئ مثلاً.
لما تروح اتفرج زى ما انت عايز لان مش معقول تضيع الوقت امام التلفاز او تشغل حاجة هو مش عايز يتفرج عليها وما إلى ذلك.
* لا تساعد أهل البيت فى شئ إلا إذا طُلب منك.
* إذا أفسدت شئ فعليك بإصلاحة وإذا لم تعرف تشتري له شئ بديل حتى لو قالك ماحصلش حاجة.


سؤال جانبى :
ـــــــــــــــــــــ
* زيارة مؤجلة منك ياترى لمين؟.

33 Comments »

  1. السلام عليكم ورحمة الله وبركاتهحياكى الله وبياكى أمة اللهحبيت أنقلكم هذا الحديث الشريف ، لكى أؤكد على الفقرة الأولى فى المدونة وهى أن يحبذ أن تكون الزيارة خالصة لوجه الله عز وجل قال رسول الله صلى الله عليه وسلمإذا أحب أحدكم أخاه فليعلمه إياه الراوي: المقدام بن معد يكرب المحدث: الألباني – المصدر: صحيح الترمذي – الصفحة أو الرقم: 2391خلاصة حكم المحدث: صحيح

  2. حكى الرسول صلى الله عله وسلم لأصحابهأن رجلا زار أخا له في قرية أخرى . فأرصد الله له ، على مدرجته ، ملكا . فلما أتى عليه قال : أين تريد ؟ قال : أريد أخا لي في هذه القرية . قال : هل لك عليه من نعمة تربها ؟ قال : لا . غير أني أحببته في الله عز وجل . قال : فإني رسول الله إليك ، بأن الله قد أحبك كما أحببته فيه الراوي: أبو هريرة المحدث: مسلم – المصدر: صحيح مسلم – الصفحة أو الرقم: 2567خلاصة حكم المحدث: صحيح- مفيش كلام بعد كدة يتقال

  3. كنت في مجلس من مجالس الأنصار ، إذ جاء أبو موسى كأنه مذعور ، فقال : استأذنت على عمر ثلاثا ، فلم يؤذن لي فرجعت ، فقال : ما منعك ؟ قلت : استأذنت ثلاثا فلم يؤذن لي فرجعت ، وقال رسول الله صلى الله عليه وسلم : ( إذا استأذن أحدكم ثلاثا فلم يؤذن له فليرجع ) . فقال : والله لتقيمن عليه بينة ، أمنكم أحد سمعه من النبي صلى الله عليه وسلم ؟ فقال أبي بن كعب : والله لا يقوم معك إلا أصغر القوم ، فكنت أصغر القوم فقمت معه ، فأخبرت عمر أن النبي صلى الله عليه وسلم قال ذلك . الراوي: أبو سعيد الخدري المحدث: البخاري – المصدر: صحيح البخاري – الصفحة أو الرقم: 6245خلاصة حكم المحدث: [صحيح]بعد إذن حضرتك انا بحاول أجيب أدلة شرعية كمان على كلام حضرتك إذا حضرتك وجدتى إن فيه تكرار متنشريش التعليقوجزاكى الله خيرا

  4. أنه استأذن على النبي صلى الله عليه وسلم وهو في بيت فقال ألج فقال النبي صلى الله عليه وسلم لخادمه اخرج إلى هذا ! فعلمه الاستئذان ، فقل له : قل : السلام عليكم ، أأدخل ؟ فسمعه الرجل ، فقال : السلام عليكم ، أأدخل ؟ فأذن له النبي صلى الله عليه وسلم ، فدخل الراوي: رجل من بني عامر المحدث: الألباني – المصدر: صحيح أبي داود – الصفحة أو الرقم: 5177خلاصة حكم المحدث: صحيح

  5. هكذا علمنى سيدنا محمد صلى الله عليه وسلمـــــــــــــــــــــــــــــــوعليكم السلام ورحمة الله وبركاتهأهلا بيك يافندمجزاكم الله خيرا أخى الكريممشاركات متميزة جداربنا يكرمك عليهاويسعد مدونتى استقبال اى مشاركات من جانبكمنورت مدونتى واسعدنى تواجدك

  6. زيارة مؤجلة مني ؟؟؟لبيت الله الحرام وللمسجد النبوي…حينما كنت في المرحلة الثانوية كنت أعيش بجدة ولا أستطيع أن اعد عدد العمرات التي قمت بها …كنا نذهب مع عائلة صديق والدي ونقوم بأداء العمرة ونعود إلى جدة منشرحي الصدر فرحين كمن لو كنا نأخذ جرعة إيمانية متجددة و منذ عدت وحتى اليوم لم أذهب وكلي شوق إلى هناك …أسأل الله أن أكون من ضيوف الرحمن في عمرة قريبة ….سلمت يداكي يا موناليزتي

  7. السلام عليكم..أرجوك عرفني أنك ستزورني !!هذا شعار أرفعه..وتحدث كثيرًا معي..أكن مواعدًا البعض للخروج أو الزيارة ثم أفاجئ بأحدهم يأتيني ويقول لي أنا جاي أزورك…مما كان يضعني في مواقف محرجة..لكن الحمد لله أتخلص منها سريعًا بأن أعتذر له وأوعده بزيارة بعد الإنتهاء من مصلحتي الخاصة أو أتصل به لكي يزورني….!رجاء إذا هاتزور أي حد عرفه قبله..والأفضل أن تقول له أود زيارتك..متى يسمح وقتك؟!بدلاً من أن تقول له: سأزورك الليلة !…..تدوينة رائعة..تحياتي.

  8. تسلمى يا مونى بجد ربنا يجازيكى عنا خير ويجعله فى ميزان حسناتك ديما بصراحة بتفدينا بشكل كبير الحمد لله على نعمة الإسلام دينا فى حاجات حلوة كتيييير بس لو نعمل بيها بجد وبردو الحاجات د بتعزز من نفسى اإنسان وتخليله مكانة كويسة بين الناس* * * * * * * *الزيارة بقى المؤجلة عندى هى زيارة بيت الله الحرام وزيارة الرسول ربنا يكتبها لنا جميعادمتى بكل الخير والحب والسعادة

  9. السلام عليكم ورحمة الله وبركاته :ماشاء الله عليكى ، ربنا يكرمك يارب ويزيدك علم ومعرفه وعمل وتطبيق .فيه حكاية جميلة تتعلق بالمعاريض الخاصة بالزيارة ، والمعاريض ، هى نوع من الحيل الدفاعية التى لا تعد كذبا مادمنا حررناها من نطاق الكذب .بتقول الحكاية ، كان فيه رجل من عادته ان يقوم بتعليق عباءته على باب منزله ( من الداخل ) فاذا طرق احدهم عليه الباب ، ارتدى عبائته ثم فتح له ونظر اليه فان كان ضيفا مرغوبا فيه قال له ( الحمد لله الذى اتى بك بعد ان دخلت المنزل )، واذا كان ضيفا غير مرغوب فيه قال الله ( الحمد لله الذى اتى بك قبل ان اخرج من المنزل ) وياخذ بيده ويخرج موهما ايه بانه ذاهب لشانه .وحكاية تانية ظريفة : كان رجلا يدعى المرزابى مع بعض اصحابه فى بيت احدهم والباب مغلق عليهم ، واذا برجل يطرق الباب وينادى بصوته هل المرزابى هنا ، فنظر اصحاب المرزابى له فوجدوه وكانه لا يرغب فى مقابلة هذا الرجل ، فتطوع احد اصحابه بالامر ، فاشار باصبع يده اليمنى الى كف يده اليسرى وقال له( يارجل ، ان المرزابى ليس هنا ، وما يفعل المرزابى هنا ؟) وطبعا الراجل واقف بره ومش شايفه9 بشاور فين .والمعاريض دى من الفنون العربية فى المعاملات ولها قواعد واصول …….وكمان يا موناليزا الاسلام امرنا بان نطرق الباب لثلاثة مرات فقط فان لم نجد ردا ذهبنا ورحلنا ، وهذه من سنن الرسول عليه الصلاة والسلام ………اجابة السؤال : ياااااه بصراحة انا مقصر كتيييييير قوى فى حق ناس كتييييييير قوى ، تحياتى ليكى ولموضوعاتك المفيدة .

  10. akeed Said:

    السلام عليكم ايتها الاخت الكريمة جزاكِ الله خيراً و نفع بكٍ و جعلة فى ميزان حسناتك اللهم امين فعلا اناس كثيرين يجهلون اداب الزيارة و لا يعلمون ما هو الواجب فعلة و ما هو الواجب الامتناع عنه فعلا نقاط رائعة و هامة جدا وفقتى فيها و زيارتى المؤجلة لجدتى و سوف ازورها إن شاء الله عما قريب

  11. السلام عليكم ورحمة الله وبركاتة ربنا يكرمك يارب والمسلمين على الكلام الطيب الجميل والاداب الاكثر من رائعة وتفهمها من قبل المسلمين حتى ينشئ جيل ان شاء الله يمتللك من الاداب والزوق مايهيئة ليكون قدروة حسنة للمسلمين اجمعين ..بارك الله فيكى

  12. موناليـــــــــــزا ………..حبيبة قلبي واحشاني والله خالص خالص خالصو مواضيعك بجد بحب اقراها اوي بجس انها بتتكلم عن كل الناس و بتنفع كل الناسالموضوع ده طبعا مرتبط بالموضوع اللي قبله و كل اللي قولتيه ده يا ريت حد يسمعه و ينفذهالمشكلة ان كل الناس عارفينه و مش بيعملوهاما عن سؤالك الجانبي ؟؟فزيارتي المؤجلة اللي نفسي اعملها و بسرعةهي زيارة البيت الحرام تانينفسي اروحله تانيو نفسي ازور قبر الرسول تانيو نفسي المس الكعبة تاني و تالت و عاشر و مليونربنا يكرمنا كلنا لزيارة بيته الحرام و يعيننا على ذلك يا ربخالص حبي و حبي و تقديري

  13. كلمات من نورــــــــــــــأهلا اهلا بالغاليةطب ومأجلاها ليه؟؟!!يارب ياحبيبتى يكتبهالنا جميعا قريبا بإذن اللهنورتينى غاليتى واسعدنى تواجدك*******************************مشخبطاتىــــــــــوعليكم السلام ورحمة الله وبركاتهاهلا بيك يافندمأشكرك جدا لتعليقك الذى ارجو ان يأخذ به الجميعنورتنى واسعدنى تواجدك*********************************الزهرة البريةــــــــــــــأهلا اهلا بالقمرربنا يعزك يارب فماتوفيقى الا باللهصح جدا فديننا الاسلامى لم يترك شئ من الاداب العامة الا وتحدث فيهاومأجلاها لغاية إمتى طيب؟شدى حيلك بقى عشان تدعيلى:)نورتينى جودى الجميلة واسعدنى تواجدك***********************************المهاجر الى اللهـــــــــــــوعليكم السلام ورحمة الله وبركاتهأهلا بيك أستاذ طارقربنا يعزك يارب ويتقبل دعائك ولك بالمثل اللهم امين"المعاريض" أول مرة اسمع المصطلح دهاشكرك جدا بجد على هذه المعلومةطب ومستنى ايه؟ثواب زيارة أخ لك فى الله فى انتظاركماتتأخرش بقى:)نورتنى واسعدنى تواجدك*********************************أكيدـــــــوعليكم السلام ورحمة الله وبركاتهأهلا بيك يافندمربنا يكرمك يارب فماتوفيقى الا باللهأشكرك جدا لرايك ولمشاركتكطب ممكن لما تزور جدتك تخليها تدعيلى؟نورتنى واسعدنى تواجدك*********************************طهر فؤادكــــــــــــوعليكم السلام ورحمة الله وبركاتهأهلا بيك يافندمربنا يعزك يارب على تعليقكم المشجعنورتنى واسعدنى تواجدك*********************************مهموهةــــــــاهلا اهلا بالقمروانتِ كمان ياقلبىربنا يكرمك ياحبيبتى فما توفيقى الا باللهطب ومستنية إيه!!يلا بسرعة يا مها وماتنسيش تدعيلى:)نورتينى ياجميلة واسعدنى تواجدك

  14. بعد السلام عليكم تذكرة جميلة جزاكى الله خير الجزاءوالسلام عليكم

  15. momken Said:

    ياسلام…جميل اوى البوست دهوالله دينا فيه اتكيت جميل ورائعوالى يلتزم بيه هيحترم اى بتركول فى العالم افضل من السفراء ووزراء الخارجيهمنتهى الانتكيت والبرتكول و والبلوماسيه والزوق والادبجزاكى الله خيرالزياره المؤجله….هى لقبرى وانا اعرفه ولم اراه حتى الان.. لان المدافن جديده..وتتح لى الفرصه لرؤيته رغم انى اشتريته منذ اربع اعوامتحياتى

  16. جميله موضوعاتك كالعاده سلمت يداك وربنا يجعله فى ميزان حسناتك

  17. السلام عليكم و رحمة الله و بركاتهجزاك الله خيراموضوع جميل و معظم نقاطه غائبة عن واقعنا و حياتنا و خاصة .(إذا قيل لكم ارجعوا فارجعوا )تقبل الله منك هذا الجهد المشكوربارك الله فيك

  18. رائع موناليزا وحق الله رائع لقد قرات فصولاً طويلة فى ادب الزيارة وكيفية الالتزام بشرعيتها وقواعدها فلم اجد اروع مما كتبت اسأل الله أن يجزيك كل الخير وأن يجعلك من الطيبات الطاهرات دائماً…بالنسبة لسؤالك لا ادرى لماذا اول ما وقعت عليه عينى وجدتنى اقول :(اشتاق أن ازور قبر ابى الحبيب لأقول له أوحشتنى يا أبتى ، كيف انت )ربما الإجابة فى غير محلها ولكن ما شئت أن اغير أول خاطر استعمر وجدانى …تحياتى لك موناليزا نورالدين محمود

  19. بارك الله فيك اختي موناليزا بس ارى ان اغلب النقاط لي تطرقت لها خاصة بالزيارات البعيدة يعني مش للاهل و الناس القريبين اوي يعني انا مثلا لو حد قريب مني اوي زارني احب انه ياخذ راحته و ميحسسنيش انه غريب يعني لو قمت للمطبخ الافضل انه يجي معايا و لو عايز حاجة عادي يطلبها زيارة مؤجلة مني لمين و الله مش عارفة لو كنت في المغرب كانوا حيكون كثيرة بس هناف الغربة مفيش تحياتي لك غاليتي

  20. كلام جميل جدا تسلم ايدك ربنا يبارك فيكي

  21. صباح الخيرـــــــــوعليكم السلام ورحمة الله وبركاتهأهلا وسهلا فى زيارتك الاولىربنا يكرمك واشكرك جدا لتعليقكنورت مدونتى وفى انتظارك دائما*********************************ممكنـــــــأهلا بيك يافندمربنا يكرمك على هذا التعليق الجميلوفعلا الحمدلله على نعمة الاسلامسؤال بيفرض نفسه معلشهو ليه حضرتك عايز تزور قبرك؟نورتنى واسعدنى تواجدك**********************************طوبة فضة وطوبة دهبـــــــــــــــــأهلا اهلا بالقمرربنا يعزك يارب اشكرك جدا لرايكفماتوفيقى الا باللهنورتينى ياجميلة واسعدنى تواجدك*********************************د/ على خميســــــــــــوعليكم السلام ورحمة الله وبركاتهأهلا بيك يادكتورربنا يكرمك أشكرك جدا على تعليقكنورتنى واسعدنى تواجدك********************************نور الدينـــــــــــــأهلا بيك أستاذ نورربنا يكرمك يارب على تعليقكم الطيب الذى يخجل تواضعى حقا ويمدنى بطاقة معنوية فلكم منى كل الشكرمين قال انها مش فى محلها!ربنا يرحمه وياريت تدعيله كتير وماتنساش تزوره فى اقرب فرصة:)نورتنى واسعدنى تواجدك******************************المغتربة زوزوـــــــــــأهلا اهلا بالقمرربنا يكرمك يا حبيبتى:) والله يا زوزو هى وجهات نظر بس الأصل فى الدين الاستئذانإذا كان ماينفعش حد يدخل على مامته مثلا من غير ما يستأذن وهى الام التى ربت وانجبت وتعتبر من اقرب الاشخاص للفردأشكرك جدا لمشاركتكنورتينى زوزو الجميلة واسعدنى تواجدك***********************************سبايدرمانـــــــــــأهلا بيك يافندمربنا يكرمك واشكرك جدا لتعليقكنورتنى واسعدنى تواجدك

  22. السلام عليكم1- جزاك الله خير الجزاء على جمعك -كالمعتاد- عددا من المعلومات المفيدة في موضوع محدد في أقصر عدد من العبارات.. فهذا مما يرسخ المعلومة ويسهل الرجوع لها.2- ممتاز توثيق المعلومة فهذا مما يزيدها مصداقية وثباتا في نفس المتلقي.3- أدعو كل من قرأها أن يستفيد منها:أ) بطبعها وإفادة غيره بها فيعم النفع على الغير ويعود النفع بالأجر على ناشرها وقبل ذلك كاتبتها.ب) بمراجعتها على سلوكياته الشخصية لتطبيق ما نقص عنده وإزالة ما شذ لديه من آداب الزيارة.4- لكل من أحب معرفة روح الإسلام العالية الراقية (العصرية) في أي أدب من الآداب أدعوه بشدة إلى قراءة كتاب (السلوك الاجتماعي في الإسلام) للشيخ حسن أيوب.. فستجد فيه ما لن تجده في الكثير من الكتابات المطولة حول الآداب المختلفة في الإسلام، فضلا عن عصرية وسلاسة الطرح.تحياتي ودعائي الدائم بالتوفيق لأختنا موناليزا.. بارك الله فيكِ.

  23. انا بستأذن اهوة قبل الزيارةممكنأزيك بجد موضوع مهم جدا وكتير منا غافل عنة غافل ان الزيارة لازم يكون لها أداب لكن أحنا بتقول دة زى بيتنا دة بيت أخويالكن دة طبعا عكس الى نبينا علمهلناجعلة الله فى ميزان حسناتك

  24. rovy Said:

    السلام عليكم أختى الصغيره الحبيبه جداااجزاكى الله كل الخير حبيبتى .. موضوع رائع و شامل كعادتك ..بارك الله فيكى يا رب و نفع بكى المومنون دائما ..الزياره المؤجله .. هى مش بمزاجى بس لسه ربنا ما أردتش هى زيارة النبى عليه أفضل الصلاة و السلام .. دعواتك يا غاليه .. ربنا يكتبها لنا قريب ياارب .. مودتى و أرق تحياتى لكى دائما

  25. السلام عليكِ تدوينة متميزة جداً

  26. salwa Said:

    السلام عليكم اخت موناليزانعم بدون هذه الاداببقدرما تكون الزيارة سارة تصبح ضارةالف شكر و سلمت يدكسلام

  27. ماجد القاضىــــــــــــوعليكم السلام ورحمة الله وبركاتهأهلا بيك أستاذ ماجدربنا يكرمك واشكرك جدا لرايك فما توفيقى الا باللهربنا يعزك يارب على هذا التعليق الطيب وعلى اقتراح هذا الكتاب المتميزلكم منى جزيل الشكرنورتنى واسعدنى تواجدك********************************امرأة من تلجـــــــــــــأهلا اهلا بالقمرباب مدونتى هتلاقيه مفتوح دائما فالمدونة يسعدها دائما استقبال زائريها:)عندك حق جدافالاستئذان شئ ضرورى جدا مع كل الناسنورتينى حبيبتى واسعدنى تواجدك*********************************روفىـــــــوعليكم السلام ورحمة الله وبركاتهأختى الحبيبة:اهلا اهلا بالغاليةربنا يعزك يارب فما توفيقى الا باللهربنا يكتبهالنا جميعا قريبا بإذن اللهسعيدة جدا بمشاركتكوياريت ماتغيبيش عنى كتير كده:)بحبك جدا*********************************أحمد شريفـــــــــوعليكم السلام ورحمة الله وبركاتهأهلا بيك أستاذ أحمدربنا يكرمك أشكرك جدا لرايكنورتنى واسعدنى تواجدك********************************سلوىــــــوعليكم السلام ورحمة الله وبركاتهأختى الحبيبة:اهلا اهلا بالقمرعندك حق جدامنورانى دايما

  28. TIMMY !! Said:

    للأسف الأسبوع اللي فات اضطررت لزيارة مفاجئة لأحد أقاربي لما كنت في البلد , بس ما رضيتش أدخل و لا أشرب كباية شاي مع إنه مسك فيا , لأني عارف إنها حاجة رخمة , فسلمت من على الباب بس و ما أخدتش دقايق يعني , و زي ما بيقول الشاعر : غِب , و زُر غِبّاً تزد حباً *** فمن أكثر الترداد أضناه المللسؤال جانبى :ـــــــــــــــــــــ* زيارة مؤجلة منك ياترى لمين؟.أبو سهيل🙂 , ربنا يسهل و أشوفه قريب إن شاء الله

  29. nour shahen Said:

    ما شاء الله بارك الله فيكى يا عزيزتى بجد كلام هايل وكلام معقول مقدرش اقول شىء عنهبس يا رب الاخوه البعده يفهمو , انا قربت اكره نفسى والله عندى ناس ربنا يكرمهم بقى لما بيجو بيجو فى اوقات مش مناسبه بتاتا ويمسكو الباب رزع تقوليش البوليس جاى يمسكك وانا مطلوبه اليومين دول بعيد عنك هههههههويا سلام لو بصيت مثلا علشان اشوف مين علي الباب علشان لابسه هدوم البيت او قاعده براحتى تلاقى اللي شاف خيالك من الباب وصمم يكسره قال يعنى عايز يفهمك اانا شوفتك وانت جوه مش مراعى ان اللي جوه لابس مش لابس هههههههيصبر علي رزقه مفيش فايدهاو تلاقى اللي بيتصل بيكى يقولك انتى فى البيت متلاحقيش تقولى اه او تعتزرى انك خارجه يقولك طيب انا جايلكم ويتأخر واهو عطلك والسلام ويااااه كتير من المواقفاكبر موقف خلانى اضحك بقى حد كنت بناقشه وعايزه اقوله بالزوق انى مبحبش حد يجى منغير ما يتصل فقالى لا انا بحب الناس تجيلى كدا فضحكت وسكت هقول ايه طيب الله المستعان يلا بس اهم بيسلونا خالص تحياتى ليكى علي المجهود اللي بزلتيه لكتابة الموضوع وترتيب الافكار دايما مميزه فى اختيارك للموضوعات

  30. السلام عليكم ورحمة الله وبركاتهأولا..أعتذر وأعتذر وأعتذرثانيا..أنا ماعنديش وقت أصلا للزيارة..لكن بتحصل معايا كتيييييييييير إن فيه ناس بتيجى تزورنى من غير ميعاد..لكنهم بيعتمدوا فى زيارتهم على إنى عندى منزل ثلاثة أدوار وأنا بطبيعتى لا أظهر أهل بيتى على ضيوفى أبدا إلا إذا كانوا أولى قربى من الدرجة الأولى…يعنى اللى بيزورنى من غير ميعاد بيبقى مطمئن إنى حاقعد معاه فى شقة لوحدنا لكن مابيبقاش فاهم إنه ممكن يكون معطلنى عن شغلى مثلا أو واخدنى من أولادى…عموما مواضيع حضرتك متميزة وتعجبنى كثيرا لأنى يعجبنى جدا المواضيع التى تتناول الجوانب الإجتماعية فى إطار الدين الذى لولاه لكنا أجهل الناس والحمد لله الذى بعث فينا ومنا معلمنا العظيم سيدنا محمد صلى الله عليه وآله وسلم تسليما كثيرا..أكرمك الله ووفقك وهداكى إلى ما فيه خيرك فى الدنيا والدين وعاقبة أمركوالسلام عليكم ورحمة الله وبركاته

  31. تيمىـــــــأهلا بيك يافندموالله يافندم سيادتك أخلاق وذوق جدا ده فيه ناس ولا بتفرق معاهمأشكرك جدا لمشاركتكبس مين ابو سهيل؟:)نورتنى واسعدنى تواجدك*********************************نور شاهينــــــــــأهلا اهلا بالقمر بعد طول غيابأشكرك جدا لرايكضحكتينى بجد على اللى بيرزعوا على الباب زى البوليس:)خدى بالك بقى:)اذا كان على المواقف الكوميدية فكتير هى طبعا وقتها مابتبقاش كوميدية خالص:)نورتينى ياجميلة وسعيدة جدا بتواجدك**********************************واحد من البلد دىـــــــــــــــــوعليكم السلام ورحمة الله وبركاتهأهلا بيك يافندمعذرك معاك أخى الكريم ومكانك محفوظ فى اى وقتأشكرك جدا لرايك ولمشاركتكربنا يكرمك ويعينك ويثبت خطاكنورتنى واسعدنى تواجدك

  32. نسيبه Said:

    السلام عليكي ورحمة الله وبركاتهأولا بحبك في الله جدا جدا جداثانيا من أكتر الحاجات إللي بحبها فيكي إنك بتذكريني بالله بطريقتك إللي بموت فيها وإنك بتفكريني بنفسي (أيام زمان) وإنك إنسانه مميزة ومختلفه الزيارة المؤجله ليكي ياحبيبتي إن شاء الله لما الظروف تسمحبس عندي ليكي رجائين الأول بالله عليكي لو لاحظتي أي فعل يدايقك أو غير مرغوب فيه عندك خاصه أو في أي وقت عامه تقوليلي لأني أكيد بأتصرف علي راحتي عندكوالثاني بعد دعواتك لي إني أرجع تاني وتفريج الكرب تذكريني دايما بالله لا تملي أبدا ولا تملي من تذكرتنا جميعا سواء في المدونه أو في حياتكربنا يثبتك وينفع بيكي ويزيدك علم وعمل صالح وتقوي ولا ييفتنك بكلامي ولا كلام أي حد ويرزقك الفردوس الأعلي صحبه ويرضي عنك رضا لا يسخط عليكي بعده أبدااللهم آمين

  33. نسيبةــــــوعليكم السلام ورحمة الله وبركاتهأهلا اهلا بالقمروانا كمان بحبك جدا فى الله:)أحبك الذى أحببتنى فيهربنا يعزك ياحبيبتى فماتوفيقى الا بالله:) تنورينى ياحبيبتى:) حاضر يابطتى مع انك عارفانى بعلق فى وقتها على طول:)ربنا يكرمك ياحبيبتى على كلامك الطيب ده ويارب اكون عند حسن ظن الجميع فيا(اللهم لاتؤاخذنى بمايقولون واغفرلى مالايعلمون واجعلنى خيرا ممايظنون)نورتينى ياجميلة واسعدنى تواجدك


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: