كرم الضيافة


بما إنك صاحب بيت فهذا يعنى إمكانية إستقبال ضيوف.
ولما كان كرم الضيافة أمر نبوى أردنا أن نستعرض بعض النقاط الذى إذا ما قمنا بها تمر الزيارة بسلام مع ترك إنطباع جيد لدى الزائر.
* حافظ دائما على أن تكون بملابس مناسبة تحسباً لأى زيارة مفاجئة.
بالنسبة للرجال رجاء خاص عدم إرتداء الفانلة بمفردها هكذا لأن الإنطباع مش هيكون لطيف خالص لو فتحت الباب كده.
بالنسبة للسيدات يحبذ أن تضعى إسدال الصلاة أو طرحة بالقرب من الباب حتى لا تتأخرى على من يطرق الباب.
* إذا كان هناك موعد بالزيارة يحبذ عدم إرتداء بيجامة مثلاً أو أى زى آخر يصلح للنوم مع مراعاة أن يكون نظيف ومهندم.
* وصانا النبى صلى الله عليه وسلم على سرعة إطعام الضيف وهذا يعنى تقديم واجب الضيافة سريعاً سواء بسؤاله عما يريد شربه مثلاً أو الجودة بالموجود كما يقال.
* حضر ما تريد تقديمه له مسبقاً حتى لا تتركه كثيراً . يعنى ممكن تعمل عصير وتحطه فى الثلاجة ولما ييجى الضيف يادوب تعبيه فى الكاسات اللى برضه هتكون موجودة فى المطبخ ومعها كوب ماء.
* مراعاة حسن التقديم يعنى الكوب مثلاً يكون جاف ونظيف.
* عند تقديم واجب الضيافة لا تضغط على الضيف بطريقة فيها إصرار وخاصة إذا قال” مابحبهاش, بتتعبنى, ماليش رغبة….”.
و فى نفس الوقت راعى حياءه يعنى خير الأمور الوسط.
* كن بشوشاً وارفع الحرج عنه بمقابلتك الجميلة وكما يقال” قابلينى ولا تغدينى”.
* إبتعد عن الغيبة والنميمة وتحدثوا فى أى موضوع مفيد سواء قضية عامة مطروحة على الساحة الإعلامية أو عن أنفسكم من باب الفضفضة وطلب المشورة وما إلى ذلك من مواضيع لا يذكر فيها أحد بسوء.
* لا تترك الضيف فترة طويلة لأى سبب من الأسباب.
* لا تتحدث مع أهل بيتك بالسوء عنه مثلاً أو تنتقده أثناء ذهابك المطبخ لتحضير شئ تقدمه له.لأن ممكن صوتك يبقى عالى ويسمعك.
* عدم فتح التلفاز حتى لو متابع شئ هام لأن إهتمامك كله يجب أن يكون للضيف فقط.
* عدم إستقبال أى إتصال هاتفى إلا فى أضيق الحدود ولاتكون المكالمة أمامه ويفضل أن تنهيها سريعاً معتذراً بوجود ضيوف.
* مراعاة نظافة ونظام المكان المخصص للإستقبال بالإضافة إلى وجود إضاءة جيدة. ويحبذ وجود مناديل ورقية.
* مراعاة نظافة دورة المياه وأن تكون الأرضية جافة مع وجود صابون وفوطة نظيفة ولو فيه ورق تواليت يبقى الطبيعى وجود سلة مهملات.
* لا يحبذ السلام سواء فى الإستقبال أو عند الإنصراف على السلم أو فى الشارع.
* أن تناديه بأحب الأسماء إليه.
* لا يحبذ أن يتحدث أهل البيت مع بعضهم البعض فى موضوع خاص بهم أمام الضيوف وخاصة إذا لم يكونوا يريدون طلب رأيهم أو لا يريدون أن يستمعوا لهم.
* أهل البيت اللى قاعدين جوه صوتهم مايطلعش بره عند الضيوف.
* اهتم بجميع ضيوفك على حد سواء بمعنى لا تختص فرد بعينه بالترحاب المبالغ فيه والآخر لأ.
* اترك الضيف على راحته إذا ما أراد الإنصراف لأنه لو كان عايز يقعد ماكانش أستأذن بالإنصراف مع مراعاة الأسلوب المهذب يعنى ماتصدقش أنه قالك كده وتقوم تفتح له الباب لأ أعزم عليه بس بأسلوب يعنى رغبتك فى بقائه ولكنك تحترم رغباته.
* حافظ على أن يكون جرس الباب الخاص بك فى مكان معروف وظاهر يعنى مايبقاش فيه كذا جرس على البوابة مثلاً بدون أسماء أو يكون الجرس بايظ.
* حافظ على وجود إضاءة جيدة أمام باب الشقة وعلى السلم بصفة عامة.
* عدم سؤال الضيف عن أحواله وأحوال أسرته كتحقيق.
* لا تطلب من الضيف خلع الحذاء قبل دخول الشقة.
* إذا وجد أطفال عند أهل البيت يراعوا الأدب ويحبذ أن يكونوا نايمين.
====
سؤال جانبى:
ــــــــــــــــــــ
* إيه أكتر حاجة بتضايقك لما بتزور حد؟.
* إيه أكتر حاجة بتضايقك من الضيف؟.

32 Comments »

  1. موناليــــزا ………….حبيبة قلبي واحشاني موت و اللهمعلش الفترة اللي فاتت كنت تعبانة شويةبس بجد و الله وحشتيتيو موضوعك رائع رائع رائعاكرام الضيف ده واجب و على فكرة حلوة اوي النصايح دي مفيدة جدا و اللهاما عن السؤال لما بروح لحد بتضايق من دوشة الاطفال بجدتحسي العيال هيركبوا فوق دماغك و يكسروهاو ايه اللي بيضايقني في الضيف ؟؟؟انه ييجي من غير معاد مسبق يعني ييجي فجاة زي القضا المستعجلههههههههههههههههههههههههو المشكلة مش في كده كمانلا ده ممكن ييجي نص الليل او ييجي الظهر و الناس نايمينيللا احنا بنعامل ربنا مع اي حد و اللهو ربنا يكرمنا و يرحمنا جميعا يا ربخالص حبي يا قلبي

  2. مونا والله كلامك عين العقل وملحوظات مهمة والموضوع جميل انا عن نفسي مبصدق ابقي ماشية وحد يقثولي اقعدي وخصوصا لو معنديش حاجة اعملها غلسه غلسة يعني :))وبالنوسبة للإسدال بصراحة مش بقيت اعرف اقابل حد من غيره ستره وشكلة مقبول أكتر حاجة بتضايقني من الضيوف لو حد جة علي غفلة كدة من غير ما يتصل او حد جة وطول قوي خصوصاً باليل وهو عارف اننا بنام بدريأكتر شئ بيضايقني لما بروح أزور حد لما يتنخانقوا مثلا قصادي او حد من اصحاب البيت يضايق حد تاني

  3. جميل جدا نصائح غاليه بس حضرتك مش قلتى ازاى نعامل الضيف اللى يجى فى اخر الليل وانت عايز تنام مثلاصراحه جزاكى الله خير

  4. hamma Said:

    السلام عليكم ورحمة الله وبركاتهعفوا لم أفهم( عدم إرتداء الفانلة بمفردها) موضوع الضيافة واسعا و لها آدابهاو لو أننا نركز على الجانب التقليدي يعني المادي و هذا يكون مجهدا للعديد حيث التكلف ..و….و…وربما نصنف الموضوع الى نوعانضيافة مبرمجة من قبل و هنا الوقت متيسروضيافة فجئية: هنا الأمر يختلف و يتطلب حنكة لضمان نجاحهالن أتحدث عما يحدث مواكبة للعصر و أليه من التسميات حتى أبتعد عن الإشهار و الترويجو في النهاية تبقى قناعتي الشخصية بضيفي أو ضيوفي ووفقها أتصرف …شخصيا عشت تجارب كثيرة و حتى خارج أرض الوطن و الحمد لله الناس أطياف مختلفةدام إبداعك

  5. وكما هي العادة يا مونا جميلة وكل مواضيعك جميلة جدااااااااابس خدي عندك بقىانتي اللي بتنكشيني :)زيارة مفاجئةاهي دي بقى اللي متنفعش اشاسا مطلقا البتة يا اوختاهلأن حقيقة بقى فيه تليفونات فيها حرارة وكمان موبيل مش صيني على قفا من يشيلده الشعب بطل يشتري لبس وأحذية وتفرغ للموبيلاتتيجي لحد عندي ويقول لي زيارة مفاجئةطيب ازاي لا افتح التلفاز وافرضي جه الضيف وانا متابعة المسلسل المشوق تيمون وبومبةيعني هو عندي اعز من الهاكونا ماتاتا؟مقلعش الضيوف الأحذية؟لأنفرها يقلعوا نفر نفر واجيب لهم مانتوفلي كمان ولا ابدا الاقي رمل تحت رجليايعني هم ينبسطوا ويتفسحوا ويشربوا عصير بارد وانا اقعد انضف؟ يرضيك يا عاطف؟ :)اجمل جزئية اجملهم على الإطلاقويحبذا يكونوا نايمينياريت يا سلامده لو العيال نايمين ها أمشي الضيف مصحوبا بالسلامة وإحتمال مفتحلوش البابللتمتع بالهدوء والسكينة في فترة انقطاعهم عن الزن والخناقاللي يضايقني كزائرة لحد قريب من الدرجة الأولىمفيشاي شيء يضايقني ها ابطح اللي يضايقني طبعالحد قريب من بعيد او حد معرفةإنه يقعدني في الليفنج بتاعته ويقول لي feel as you are in your homeطب يابني هو انا لو عايزة ماي هوم جاية هربانة هنا ليه؟ناقص تقول لي قومي معايا نشطف المواعين :)أحب التعامل الرسمي كزائرة واخد واجبي وأمدد رجلي لقدااااااااااام واستنطعاللي يضايقني لما حد يجي حداياده لو حد جروء بعد كل اللي قلته ده انه يجيانه يتأخر عن ميعادهبتجنننننننننننننن لو حد اداني ميعاد وجه بعده بكتير وبدون عذر مقبول وكأن بيتنا تسكنه مجموعة منتقاة من المقاطيعبكون عاملة زي جودزيلا في وشه :)تحياتي يا مونا

  6. مهموهةــــــــأهلا اهلا بالقمروانتِ اكتر يا قلبىالف سلامة عليكِربنا يكرمك و أشكرك جدا لرأيك:)عندك حق فعلا فيها ايه لو الاطفال تنام:)أصبحت الزيارات المفاجئة ظاهرة بايخة بجد وخاصة وهى مصاحبة للمقولة الشهيرة"حبينا نعملها لكم مفاجأة" :)والاوقات غير المناسبة بقى حدثى ولا حرج:)أشكرك جدا لمشاركتكنورتينى مها الجميلة واسعدنى تواجدك**********************************ميرا وومنــــــــأهلا اهلا بالقمرربنا يكرمك وأشكرك جدا لرايك:)عسل يا مرمرتعرفى انتِ عكسى لانى ببقى متضايقة لو جيت ماشية وحد مسك فيا :)أصلى بتخنق بسرعة:)وفعلا الإسدال لبس بسيط وسترة فى نفس الوقتأشكرك جدا لمشاركتكنورتينى ياجميلة واسعدنى تواجدك*********************************قلب بلال فارســــــــــــــأهلا بيك أستاذ بلاللو كان كده بجد حضرتك ممكن ما تفتحلوش أصلاً" وإذا قيل لكم ارجعوا فارجعوا هو أزكى لكم"أشكرك جدا لرايك ولمشاركتكنورتنى واسعدنى تواجدك*********************************هاماــــــــوعليكم السلام ورحمة الله وبركاتهأهلا بيك يافندميعنى إرتداءها سواء على بنطلون بيجاما مثلا أو شورت لوحدها من غير تي شيرت فوقهاأو قميص أو حتى جاكتة بيجامةعذرا ولكنى لم أفهم" أننا نركز على الجانب التقليدي يعني المادي و هذا يكون مجهدا للعديد حيث التكلف ..و….و…و"زى إيه يعنىأشكرك جدا لتعليقكنورتنى واسعدنى تواجدك**********************************ستيتة حسب الله الحمشـــــــــــــــــأهلا اهلا بنبض الحكمةماتحرمش من مجاملتك الرقيقة ورفع روحى المعنوية دائماً:)تسلميلى ياقلبى:) ولا يهمك اتكلمى براحتك خالص على قلبى زى العسلتخيلى اوقات بحس ان الاختراع ده معمول للهيافة وبس:) فما اكتر الزيارات المفاجئة وكلهم على شاكلة كنا معديين قولنا نسلم أو جيتى على بالى فقلت أجيلك أو حبيت أعملهالك مفاجئة أو… أو…طب هتسمعى التليفزيون بتركيز ازاى وهما قاعدين ما هما اكيد مش هيفضلوا ساكتين وخصوصا لو كنتى متابعة حاجة هما مابيحبوهاش:)خلع الحذاء بقى بسببه بجد بتكون فيه خناقات:)لان فيه ناس متعوده تخلعه عادى من غير ما تطلبى منها وناس تانية يحبوا يفضلوا ببريستيجهم كده:)أقولك قوليلهم يمسحوه كويس قبل ما يدخلوا وخلاص:)أمال تقولى ايه على اللى بتأكل ابنها مثلاً وفتافيت صغيرة وترميها على السجاد عشان بتنفض هدومها مثلاً واهى برضه بتبقى قالعة الجزمة:):) عسل ياسوتيتة فى جزئية الاستمتاع بالهدوء والعيال نايمة:) عسل يا ناس بتعجبنى ردودك الجريئة المباشرةأشكرك جدا لمشاركتكنورتينى ياجميلة واسعدنى تواجدك

  7. noor Said:

    أنا موافقة إني أخلع الحذاء علشاءأحافظ على نظافة بيتك بس على شرطماتسبنيش أمشي في بيتك حافيةوبالأخص لو في تجمع من الرجال والنساء بمعني إيه المشكلة لو وضعتي في جزامة بجوار الباب شباشب أو سابوهات خاصة بالضيوف مش هيبقى الموضوع أظرف

  8. الموضوع عجبنى فى ملاحظات مكنتش باخد بالى منها اكتر حاجة بتضيفنى من الضيوف ان حد ياجى من غير معاد اوكى ماشى يكون قريب منى او يكون فاكره زى بيته وعادى لو فى ظروف بس برده كل واحد وله خصوصية او على الاقل ممكن يكون تعبان ولا متضايق اقلها يتصل قبل ما ياجى وحاجة كمان انه يتصل يقول جاى وتلاقيه جاى ومعاه العيلة ولا شارع بتاعه رغم انه مقالش اما بزور حد اكتر حاجة تضايقنى ان كل شوية يقوم

  9. السلام عليكم تدوينة قيمة بالنسبة لي لا أحب من الزيارات المتأخرة ولا أحب من زائري أن يدخن في بيتي

  10. موناليزتي الغالية كعادتك يا قمر بوست جميل وشامل بس فيه نقطة احب اتكلم فيها قبل ردي عالأسئلة الإجبارية …هههه لا تتحدث مع أهل بيتك بالسوء عنه مثلاً أو تنتقده أثناء ذهابك المطبخ لتحضير شئ تقدمه له.لأن ممكن صوتك يبقى عالى ويسمعك….أساسا النقطة دي لازم نضيف فيها لإن عيب قوي الكلام عالناس حتى بعد ما ينزل الضيف …صح؟أما بقى اكتر حاجه بتزعلني لما اروح زيارات إني محبش اللي يقعد يعيطلي علشان اشرب أو أكل ولا يحلف تعدميني بقى وعلشان خاطري وخاطي ابنك ولو بتحبيني ووووتخيلي لما كنت مقيمة في القاهرة في فترة علاجي ..كنت قاعدة عند قريبة لزوجي حبوبة وطيوبة بس من نوعية تعدميني ووو وممكن ضغطها يعلى بسبب قلة أكلي .تخيلي بقى من النظام داه أنا نزل وزني مش زاد علشان كنت باتعب ومش باعرف حتى ابلع اللقمة من الكلام وهي تضحك وتقولي انا حاخليكي تقعدي عندنا على طول علشان كلنا نخس النص (:أما ضيوفي فالحمدلله خفاف لطاف وعلى قلبي زي العسل (:

  11. مونى جميلة أوووى النصايح دى والواحد لما قرأها لاحظ إنه ممكن يكون غافل عن كذا واحدة تسلمى يا غالية جزاكى الله عنا كل الخيرنيجى بقى للسؤالاللى بيضايقنى لما أزور حد الأطفال يعنى ممكن ألعب معاهم شوية لكن بعد كده بتعب وهما مصرين أكمل … أه وبردوا الاصرار إنك لازم تشربى ولو شربتى ومش كملتى يتقالك هتبورى البنات.اللى بضايقنى من الضيوف إنهم ساعات بيجوا معاهم حكايات من برة عن كل الناس ويحكوا ويخدوكى معاهم فى حكياتهم ربنا يهدينا ياربدمتى بكل الخير والحب السعادة

  12. جنّي Said:

    السلام عليكمنصائح ممتازة جزاكي الله خيرا اكثر ما ضايقني عندما ازور احد هو تركي فترة طويلة بمفردي وخاصة اذا لم يكن بمفرده في البيت ..واكثر ما يضايقني من الضيف اذا سأل الاولاد ماذا اكلوا وماذا شربوا ( اتغديتو ايه النهاردة ؟ ).. وكم تأخذون مصروف ؟ الى آخر الاسئلة الخاصة جدا ..تحيتي

  13. انا متفق معاكي اكيدبس مختلف في شئ مجملو هو اني حسيت انها حرب و بحضر ليهاالموضوع ابسط من كدهو كل ما ابقي علي طبيعتي و من غير تكلف و طبعا من غير قلة زوقيكون افضلشكرا ليكي

  14. sasatifa Said:

    ياااااهتصدقى حاجة كويسة برضه ان كل المدونات اللى كنت بتابعها ايام ما كنت بدون توقفت الا مدونتك انتى بس يا موناليزاحاجة كويسة استمرى والى الأمام

  15. نورـــــــأهلا بيكِ فى زيارتك الاولىفكرة حلوة جداأحييكِ عليهانورتِ مدونتى وفى انتظارك دائما**********************************ستار ان زا سكاىــــــــــــــــأهلا وسهلامشاركتك مهمة جدا فعلانورتِ مدونتى وفى انتظارك دائما**********************************أحمد شريفــــــــــوعليكم السلام ورحمة الله وبركاتهأهلا بيك أستاذ أحمدأشكرك جدا لرأيك ولمشاركتك القيمةنورتنى واسعدنى تواجدك**********************************كلمات من نورـــــــــــــــأهلا اهلا بالغاليةهو انا بحبك من شوية:)ماتحرمش من تنبيهاتك الهامة ليا دائما وقد قمت بالتعديل المناسب:)تسلميلى يارب دايماإحنا زى بعض على فكرة فى النقطة دى:)أشكرك جدا لمشاركتكنورتينى غاليتى وتسعدينى حقا بتواجدك*********************************الزهرة البريةــــــــــــــأهلا اهلا بالقمرربنا يعزك يارب أشكرك جدا لرايكبصى بما انى متخصصة فى التعامل مع الاطفال هنصحك ما تلعبيش مع الاطفال لما تكونى عند حد ليه بقى لانهم هياخدوا عليكِ وهيبقى الفكاك منهم صعب:)أشكرك جدا لمشاركتكنورتينى جودى الجميلة واسعدنى تواجدك********************************جنىــــــوعليكم السلام ورحمة الله وبركاتهأهلا بيك أستاذ سعيدربنا يكرمك أشكرك جدا لرايكولمشاركتك الهامة فعلانورتنى واسعدنى تواجدك**********************************حصان المرجيحةــــــــــــأهلا بيك يافندم:) هى طبعا مش حرب ولا حاجة بس ممكن تكون فى بيتك وعلى طبيعتك اوى وده يضايق الضيوف زى مثلا ما تبقاش لابس لبس مناسب او تتفرج على المسلسل اليومى فى حضورهم او تتخانق مع اخواتك مثلا قدامهم وغيرها من الاشياء التلقائية اللى بتحصل عادى يعنىلكن فى جود ضيوف لازم الدنيا تبقى متغيرة شوية:)أشكرك جدا لتعليقكنورتنى واسعدنى تواجدك*********************************صاصا تيفاـــــــــــأهلا وسهلا بعد طول غيابربنا يقدرنى واستمر فى كتابة ما يفيدولكنى ايضا مفتقدة وجود مدونين كتير:(نورتنى ونرجو ان تكون بداية عودة جديدة

  16. كلام مظبوط وتمام التمام يا مونيناس كتير ما تعرفش آداب الضيافة ولا تعرف الهدي النبوي في ذلك,انا من أكثر الحاجات اللي بتضايقني لما بكون في زيارة لما تيجي مكالمة تليفون تقعد بالنص ساعة وأنا قاعدة هطق مش عارفة اقول حتى إني عاوزه أمشي,أما بقى اللي بيضايقني من بعض الضيوف عدم الاستئناس والاستئذان قبل الزيارة وتكون ظروفك مش نافعة أو وراكي حاجة مهمة وتدبسي بمجيئهم,والحاجة التانية وقت الزيارة وميعادها ومدتها فأحيانا بتكون زيارة مريض وتطول لحد ما يبقى هيموت من التعب ومش عارف يقول ايه,أو يبقى جاي الزيارة بالليل متأخر ويفضل قاعد لوش الفجر واهل البيت تعبوا وملوا ومش عارفين يتصرفوا.

  17. سلمى محمدـــــــــــأهلا اهلا بالقمرعندك حق جدارغم ان فيه حاجات بسيطة لو اتعملت هتترك انطباع طيب لدى الاخرينأشكرك جدا لمشاركتك ومتفقة معاكِ طبعانورتينى سلومتى الجميلة واسعدنى تواجدك

  18. الغالية الحبيبة موناليزاوحشتينى ياحبيبتى ووحشنى التعليق عندكوانا كنت بتابع عن طريق اولادىوكالعادة ربنا يبارك فى قلمك واحييكى على مواضيعك الهادفةاتمنا ان تكونى بالف خير ولم انساكى من الدعاء ربنا يكتب لكى كل الخير تحياتى

  19. الابنه موناليزادائما اتشرف بقراءة تعليقاتك سواء عند ابنتنا اليس او عند ابوحازم وبالصدفه دخلت اليوم مدونتك بوست رائع يحمل كل معانى الآداب فى الاسلام ولو لنك يا ابنتى بحثت فى القرآن الكريم او قى سنة سيدنا محمد عليه الصلاة والسلام لوجدتى اساس لكل جمله كتبتينها وفقك الله لما يحبه ويرضاه .

  20. ريمان Said:

    السلام عليكمده ايه البيت التوحفه ده؟بجد الصوره جميله اوى عايزه اعيش جواهاـــــــــــــــــــ إيه أكتر حاجة بتضايقك لما بتزور حد؟.ممممممممم اما الاقيه بيتجاهلنى او يستقبلنى استقبال مش اللى هو يعنىيعنى مثلا واحده اكون بقالى نص سنه مش شوفتها وجيت ازورها وهى تستقبلنى زى ما تكون بتشوفنى كل يوم وطبعا اما تالاقى اللى بزوره ده منشغل مع اهل بيته مع انه عارف انى جاياله عشان شاوفه وهو بقى مشغول مع ده وبيكلم ده ولا عامل لوجودى اهميه * إيه أكتر حاجة بتضايقك من الضيف؟.الى بيضايقنى بقى انه ييجى مثلا من غير معاد بس كدهموضوع جميل يا موناليزا كالعادهتحياتى

  21. جزاكى الله خيرا على تلك المعلومات فى اداب استقبال الضيوف ومراعاة السلوكيات الاسلامية معهمتحياتى لحضرتك على موضوعاتك الرائعة دوما تحياتى

  22. جزاك الله خيرا على الملاحظات القيمة.. خاصة أنها مجمعة كلها في قائمة واحدة، إضافة إلى بعض الإضافات الجميلة للمعلقين (مثل فكرة "نور")..* لا أحب من الزائر أن يأتيني بلا موعد.. وغذا حدث لا أخجل أن أرفض الاستقبال خاصة إذا كان ملتزما بالآداب الإسلامية لأنه سيفهمني.* لا أحب من مضيفي أن ينشغل عني (بحديث طويل في الهاتف مثلا أو ما شابه) خاصة أنني ولله الحمد مستحيل أن أزور أحدا بغير موعد سابق مهما كانت قوة الصلة بيننا.شكرا على المجهود.

  23. موضوع جميل ومهم فعلا ياموناليزا بالنسبة للسؤالين فانا مش هقول بتضايق ولكن ببقا محروج جدا جدا لما ازور حد واحس انة عاوز يعمل المستحيل عشان يضيفنى بخصوص زيارة الضيف فمفيش حاجة بتضايقنى من زيارتة ابدا الحمد لله

  24. نبضات Said:

    موضوع جميل جدااااااااااااااااومكتوب بطريقه أكتر من رائعةأهم مايميز مدونتك أنها بتتكلم فى كل حاجه فى الدنيا من زاويه دينية رفيعة تعبر دائما أن ديننا هو دين مكارم الاخلاق وان تدين الأنسان ومعرفته بدينه مزيد دائما فى رقية دائما أستمتعت جدا بقراة الموضوع وأستفدت أيضا تمنياتى لكى بالتوفيق الدائم والأرتقاء أكثر وأكثر فى دينك و معلوماتك وحياتك كلها بالنسبة للأسئلة الجانبية حاجه بتضايقنى من ضيوفى ….ممممممممالتأمل فى مكان الأستقبال بشكل واضح حاجه بتضايقنى لما أكون ضيفة …ممممم أذا لم أشعر بترحيب المستضفنى فى اللقاء أو فى الحديثودا ئما الأبتسامه الرقيقه فى الأستقبال والحديث مع الضيوف تكون افضل أستقبال تحياتى الدائمه لكى

  25. السلام عليكم ورحمة الله وبركاتة ماشاء الله موضوع جميل وفعلا فية شياكة وزوق وربنا ان شاء الله يجعلة فى ميزان حسناتك … وكما علمنا رسولنا الكريم العظيم ومعلم البشرية جمعاء ان نكرم ضيوفنا … – اما عن الى يضايقنى فهو عدم الالتزام بالمواعيد …

  26. أم مالكـــــــــأهلا اهلا بالغاليةإيه المفاجأة الجميلة دىوأنا أقول برضة مدونتى نورها زاد فجأة ليه:)زيارتك على دماغى واللهربنا يطمنا عليكِ يارب ويتمم شفاكِ على خير ومانتحرمش من تواجدك بينا أيوة كده الله يخليكى ادعيلى جامد:)نورتينى غاليتى وأسعدنى تواجدك********************************راجل صعيدىـــــــــــأهلا بيك يافندم فى زيارتك الاولىصدفة جميلة ونتمنى تكرارها كثيراًوفعلا عندك حق فديننا الاسلامى لم يترك شئ خاص بالاداب الاجتماعية الا وتحدث عنها باستفاضةأشكرك جدا لتعليقكنورت مدونتى واسعدنى تواجدك********************************ريمانــــــــوعليكم السلام ورحمة الله وبركاتهأهلا اهلا بالقمر:) بجد ذوقى حلوخلاص يلا بينا ندخل جواها مع بعض والفوتيه واسع ويساع من الحبايب ألف ومش هنبطل كلام بقى:)تعرفى يا ريمو ان فيه ناس طبيعتهم كده عندهم برود فى التعامل يعنى الموضوع مابيبقاش معاكِ انتِ بس ممكن يكون ده العادى بتاعهم أصلا:)الناس اللى مابتهتمش دى بقى حلهم ماعدتيش تزوريهم غير لما يبقوا يعرفوا ازاى يهتموا بضيوفهم اصلاأشكرك جدا لمشاركتك ولرأيكنورتينى ريمو الجميلة واسعدنى تواجدك***********************************همس الاحبابـــــــــــأهلا بيك أستاذ خالدربنا يكرمك أشكرك جدا لتعليقكنورتنى واسعدنى تواجدك********************************ماجد القاضىـــــــــــــأهلا بيك أستاذ ماجدربنا يكرمك أشكرك جدا لتعليقكياسلام لو كل الناس بجد تطبق الاسلام فى كل حاجة فعلا مش هتلاقى حد يزعل مثلا لو جالك بدون ميعاد وانت اعتذرت لانك مش هتقدر تقابلهأشكرك جدا لمشاركتكنورتنى واسعدنى تواجدك*********************************بلياتشوـــــــــأهلا بيك يافندمأشكرك جدا لرأيك ولمشاركتكنورت مدونتى واسعدنى تواجدك*********************************نبضاتـــــــأهلا اهلا بالقمر بعد طول غيابربنا يعزك يارب اشكرك جدا لرايك فماتوفيقى الا باللهمشاركة متميزة فعلاوعندك حقنورتينى ياجميلة واسعدنى تواجدك**********************************طهر فؤادكـــــــــــوعليكم السلام ورحمة الله وبركاتهأهلا بيك يافندمربنا يكرمك واشكرك جدا لتعليقك ولمشاركتكنورتنى واسعدنى تواجدك

  27. Sonnet Said:

    السلام عليكملا اتضايق إلا من عدم الالتزام بالموعد او الحضور في وقت غير مناسب.شكرا على التدوينة الجامعة

  28. السلام عليكم ورحمة الله وبركاتهحياكى الله وبياكى أختى الكريمة – أقترح إن حضرتك تضيفى المواعيد الشرعية للزيارة كما علمنا إياها سيدنا محمد صلى الله عليه وسلموفقنى الله وإياكى لما يحب ويرضى وسائر المسلميندمتى فى رضوان الله

  29. السلام عليكمازيك يا مونى يا حبيبتى وحشانى والله يارب تكونى بالف خير بوست قيم كالعاده اكتر حاجه بتدايقنى لما بزور حد انه مثلا يسيبنى قاعده لوحدى مده ويختفى او انه يقعد يحلف عليا كلى او اشربى مع انى الصراحه باعمل ده مع الناس وشكلى كده باكيل بمكيالين اكتر حاجه تدايقنى من الضيف انه يطب عليا فجأه وانا مش عامله حسابى او انه يكون معاه عيل رزل يكسر فى الحاجات ويكتب على الحيطان ومش يقوله عيب سامحينى على تقصيرى معاكى يا قمر

  30. سونيتـــــــوعليكم السلام ورحمة الله وبركاتهأهلا اهلا بالقمرأشكرك جدا لرايك ولمشاركتكنورتينى ياجميلة واسعدنى تواجدك**********************************هكذا علمنى سيدنا محمد صلى الله عليه وسلمـــــــــــــــــــــــــــــوعليكم السلام ورحمة الله وبركاتهأهلا بيك يافندمربنا يكرمك واشكرك جدا على اقتراحك وستجدة فى التدوينة الجديدة "آداب الزيارة"نورتنى واسعدنى تواجدك**********************************ليس فقيرا من يحبـــــــــــــــوعليكم السلام ورحمة الله وبركاتهأهلا اهلا بالقمر بعد طول غيابانا الحمدلله بخير ازيك أنتِ ياقلبى وكنتِ فين الفترة اللى فاتت لعل المانع خيرربنا يعزك ياربأشكرك جدا لرايك ولمشاركتكنورتينى رونى الجميلة واسعدنى تواجدك

  31. نسيبه Said:

    السلام عليكم ورحمة الله وبركاتهأكتر حاجه بتدايقني ودي معروفه جدا الحذاء ليه الناس بتدخل بالحذاء الشقه وياسلام لو لسه منظفه الشقه ماشي أنا مش هأطلب منهم بس لومثلا في الشتاء والسماء لسه ممطرة والأرض طين يبقي إيه الوضع لوحد دخل شقتك بالطين لأ ومش حاسس إن في مشكله لما بأزور حد أكتر حاجه لما يحسسني باللوم إما علي موعد إنصرافي وخاصه لما يكون في ظروف هو عارفها أو يحسسني باللوم علي عدم الزيارة أو التقصير معاه وخلاص المهم ملامه وإنتي بصراحه كده إيه أكتر حاجه بتضايقك مني لما بأزورك أو تزوريني؟خلي بالك التليفون بالذات بيكون غصب عني فعلا ماشي؟

  32. نسيةــــــــــــــوعليكم السلام ورحمة الله وبركاتهأهلاأهلا بالقمرهو لو فى الشتاء طبعا معاكى حق بس لو فى العادى يعنى والدنيا نضيفة مافيهاش حاجةوبعدين انتِ عارفة انى مابحبش اخلع حذائى🙂 لانه الحمدلله بيكون دايما نضيفامممم سؤال وجيهاكتر حاجة بتضايقنى لما بكون عندك انى اجيلك والاقيكى لسه نايمة وخصوصا لما ابقى قايلالك قبلها بيومين انى جايالك واقعد ارن عليكى من اول ما اصحى وفى الاخر انا اللى بصحيكى وطبعا سيادتك بتاخدى وقت على ماتفوقى:)اما عن مايضايقنى فى زيارتك ليا اممممما انتى عارفة ان موضوع التليفون ده بيضايقنى عارفة انه غصب عنك بس برضه بضايق:) انه بيخدك منى وبيقلل من الوقت اللى ممكن نقعد فيه بعضأى خدمةنورتينى ياجميلة واسعدنى تواجدك


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: