السعادة الزوجية

القصة الأولى:
ــــــــــــــــــــــ
المشهد الأول:
يقول لزوجته فى بداية الزواج :أخترت لكِ رقم موبايل مميز جداً وهننزل سوا نختار أحدث وأشيك نوع. أنتِ لازم يكون عندك موبايل ولازم كمان تعرفى تستخدمى كل الأنواع.
المشهد الثانى:
يمرض الزوج ويلزم الفراش لا يستطيع الحراك. ويكون رد فعل الزوجة أن تذهب إلى الغرفة الأخرى لكى تنام العصر- فهذا وقت نومها المفضل- وتغلق عليها الباب بالمفتاح منعاً للإزعاج.

القصة الثانية

المشهد الأول:

يخبرها زوجها فى أول شهور الزواج بضرورة إستغنائها عن المحمول والإكتفاء بوجود محموله فى البيت لأنه لا يفضل أن تحمل زوجته محمول وحينما سالته عن وضع محمولها أجابها:استخدميه كمنبه وحينما سألته عن كلمة السر الخاص بموبايله فقال لها: عايزة تعرفيها ليه انا فى كل الاحوال اللى هرد.

المشهد الثانى:

تعاتبه قائلة: كيف تخبر والديك عما يحدث بيننا من لحظات رومانسية وكيف تفشى أسرارى الخاصة.

يجيبها قائلاً: مش ده اللى بيحصل هو أنا كذبت.

أجابت مذهولة: المفروض مش كل حاجة تحصل بينا تقول عليها.

قال لها: ماتبقيش معقدة.

نجد فى القصة الأولى أن الزوج يريد أن يسعد زوجته وبالمقابل الزوجة لا تكترث.

وفى القصة الثانية الزوجة تريد أن تستمر علاقتها الزوجية وبالمقابل الزوج لا يبالى.

لن أتحدث عن حسن وسوء الإختيار من البداية لأن هناك أشياء لا تظهر إلا بالعِشرة والزواج ماهو إلا نصيب والحذر لا يمنع القدر.

السعادة الزوجية تحتاج إلى الإرادة ورغبة الطرفين فى استمرار العلاقة. ولا تتوقع أن يظل طرف يعطى ويتنازل والطرف الآخر يقوم بدور المستقبل فقط.

السعادة الزوجية تحتاج إلى بذل جهد للحصول عليها فهى لن تأتى بمفردها على طبق من فضة.

السعادة الزوجية لاتحتاج إلى قصة حب كبيرة قبل الزواج ولكنها تحتاج إلى عطاء بعد الزواج.

السعادة الزوجية تحتاج إلى المعاملة الطيبة وحُسن العِشرة بين الزوجين حتى وإن لم يكن بينهما قصة حب.

وأخيراً لا يوجد إنسان طبيعى يقابل الحب والاهتمام بالكراهية والجفاء.

سؤال جانبى:
ــــــــــــــــــــــــ
ماهى وسائل السعادة الزوجية من وجهة نظرك؟.
————
على الهامش
ـــــــــــــــــــــ
نتقدم بخالص التهنئة للجميلة صاحبة مدونة حاسوباتيه
بمناسبة الزفاف السعيد.
ألف مبروك ياحبيبتى وربنا يتمم بخير.

27 Comments »

  1. السلام عليكمحبيبتى انا إيناس بس مش عارفه ادخل بلا كوانت بتاعى اخبارك ايه يارب تكونى بخير حبيبتى

  2. الحمد لله الاكوانت كويس واشتغل بركات مدونتك واللهانتى وشك حلو عليااااااااااااااااوبحبك اوووووووووووووووووووووى

  3. ماشاء الله عليكى وعلى موضوعاتك الهادفه يارب يجعلها بميزان حسانتك حبيبتى ويكرمك خيروانتى وفيتى وشرحتى الطرق من كلا الطرفينوربنا يسعد كل زوجين ويبعد عنهم اى شرويسعدك يارب بحبك فى الله

  4. P A S H A Said:

    السلام عليكم ورحمة الله وبركاتهحقيقي موضوعاتك كلها هايله بجد .. ربنا يا رب يجعلها في ميزان حسناتك . اللهم آمين .طريقة السرد بتاعتك جميلة رجاء .. تحطي لنا إختيارات عشان نعرف نجاوب على الأسئلة :))هو أنا كل مرة أهرب .. كل مرة أنط من فوق السور ؟؟منظري بقى وحش قوي .. يقولوا إيه ؟؟ .. بليد !! .. مش مذاكر ؟؟- مع كامل إحترامي ليكي .. ما عجبتنيش كلمة "وسائل" السعادة الزوجية .. ممممم .. إيقاعها السماعي – عن نفسي – مش متناغم .. ممكن تخليها – بعد إذنك طبعاً – طرق .. سبل .. عناصر .. وسائل برضه ههههههههههه- هو الموضوع يترد عليه بكلام كتير .. وانا أحب أدي فرصة ومساحة للزملاءعشان ما يزعلوش مني :))تحياتي:))سلام

  5. جنّي Said:

    السلام عليكم مرحبا اختنا الطيبة كالعادة بوست مميز يعرض قضية في منتهى الاهمية بطريقة مبسطة وسلسة للوصول للهدف من أقصر طريق ..وسائل السعادة الزوجية الخصها في الآتي :تقوى الله والمعاشرة بالمعروف .. فليتق كل من الزوج والزوجة الله في الآخر .. فسوف تنصلح حياتهم ويكون لهم مخرج من كل ما يعكر صفو حياتهم ( {فَإِذَا بَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ وَأَشْهِدُوا ذَوَيْ عَدْلٍ مِّنكُمْ وَأَقِيمُوا الشَّهَادَةَ لِلَّهِ ذَلِكُمْ يُوعَظُ بِهِ مَن كَانَ يُؤْمِنُ بِاللَّهِ وَالْيَوْمِ الْآخِرِ وَمَن يَتَّقِ اللَّهَ يَجْعَل لَّهُ مَخْرَجاً }الطلاق2تحيتي وسلامي

  6. sweet angel Said:

    من وجهة نظري الطفوليه المتواضعهان سر السعادههو ان كلا الطرفين يباري الطرف الاخر في اسعادهوكل واحد دايما يحس ان حبيبه كتير عليه وانه احسن حد في الدنياويحس دايما ان سعادته في اسعاد الطرف الآخرده غير ان الاتنين لازم يتعلمو حاجه مهمه جدا وهي التماس الأعذاروينسو حاجه وحشه جدا وهي سوء الظن

  7. ابتسامة ملاكـــــــــــوعليكم السلام ورحمة الله وبركاتهأهلا اهلا بأنوسة القمرأنا الحمدلله بخير ماتحرمش من سؤالكطب الحمدلله ان الاكونت اشتغلزرونا تجدوا مايسركم:)وانا كمان والله بحبك جداربنا يكرمك يارب فماتوفيقى الا باللهأشكرك جدا لرأيكربنا يرزقك بالزوج الصالح اللى يقدرك ويستاهلك بجدأحبك الذى أحببتنى فيهوتسعدينى حقاً بتواجدكنورتينى ياجميلة*********************************باشاـــــــوعليك السلام ورحمة الله وبركاتهأهلا بيك يافندمربنا يعزك يارب أشكرك جدا لرايك فماتوفيقى الا بالله:)طب يلا بقى جاوب:)هو احنا لسه ماقلناش حاجة خالص على هروبك من الأسئلةيعنى بنديلك فى كل مرة فرصة تانية:):)طب والله كنت هغيرها عشانك وبعدين لقيت كل الكلمات معناها واحد وفى الاخر قلت وسائل برضه:)بس عموما فى مدونتى القارئ دائماً على حق يعنى لو تحب أغيرها بجد إحنا فى الخدمة:)ياسلام على كرم الأخلاق:)والله يافندم ده كتير علينا جداً:)عموما لو تحب تجاوب فى اى وقت يسعدنا ذلك:)نورتنى واسعدنى تواجدك***********************************جنىـــــوعليكم السلام ورحمة الله وبركاتهأهلا بيك أستاذ سعيدربنا يكرمك أشكرك جدا لرأيك فماتوفيقى الا باللهياسلام يافندم لو كل الناس تطبق ماجاء فى القرآن الكريم لأصبحنا فى المدينة الفاضلةأشكرك جدا لمشاركتكنورتنى واسعدنى تواجدك********************************سويت انجلـــــــــأهلا بيكِ فى زيارتك الاولىصح جدااوالله برافو عليكِأشكرك جدا لمشاركتكنورتِ مدونتى وفى انتظارك دائما

  8. z!zOoOo Said:

    السلام عليكم ازيك يا موناليزا موضوع جميل والعلاقه الزوجيه بوجه عام عايزه كتير وكتير والناس تاخد وعي كافي في خلال حياتهم الزوجيه للمتزوجين وتاخد وعي قبل الاقدام علي الزواج لضمان اقل خسايرأها عن اسباب ووسائل السعاده من وجهه نظريفهي أولا إن الازواج لابد إنها لاتغفل عن قول القرأن عن الزواج يعني من أهم مبادي الزواج الي المفروض يدركها الازواج ويطبقوها كويس هو معني الموده والرحمه ويتجلي ذلك في قوله تعالي " ومن أياته ان خلق لكم من أنفسكم ازواجا لتسكونوا اليها وجعل بينكم موده ورحمه " وكمان زي ما قال النبي عليه الصلاه والسلام "إستوصوا بالنساء خيرا " وإن الزوجات يمتثلن لأقوال ازواجهن إلا في الخطأ او فيما يغضب الله طبعا من اهم الدعائم برضه التفاهم وده بيكون بإنكل طرف منهم يحترم الطرف الاخر وإن العلاقه ماتاخدش مسار تاني يعني مفيش شتيمه ولا ضرب ولا معايره ولا اي شيء يحط من قدر العلاقه الزوجيه لابد أن يبقي الاحترام اولا واخيراوإن كل زوج يحس بزوجه كما لو كان مكانهإنهم يكونوا راضين بما قسمه الله لهم لأن الرضا من مفاتيح السعاده طبعا يتبعوا تعاليم الدين في كل شيء والتجديد في الحياه بيدي للحياه شكل أخر بعيد عن الجمود وده برضه بيعمل تجدد في العلاقه وطبعا عدم إفشاء الاسرار الزوجيه والتقدير بين الزوجين وإنهم يعينوا بعض علي الحياه ويحاولوا يخلوها تستمر ويحافظوا علي كل خيط فيها ومن اهم الامور الجوهريه برضه إتباع تعاليم الاسلام في تصرفاتهم مع بعض وبكده أخدوا الاساسيات الي تخليهم يلتفتوا للفرعيات ويصلحوها بس زي ما قولتلك العلاقه الزوجيه عايزه كلام كتير وتوعيه اكتر أعاننا الله علي توصيل الوعي إلي الناس وأن ننفعهم وننفع أنفسنا عذرا للإطاله تحياتي

  9. ازيك يا مونى طبعا موضوع قيم كالعاده ربنا يسعدك دنيا واخرة ياربطبعا بجد تحقيق السعاده الزوجيه امر بسيط وسهل مهوش معقد ولو حاجه لوكل طرف حن على الطرف التانى واعتبر انه حته منه مينفعش يئذيه او يجرحه هتبقى الحياه جميله لو الناس مبقتش بخيله فى مشاعرها حتى لو مشاعرها دى مش حقيقيه اقل كلمه طيبه بترضى النفس وتنسى الناس كل تعبها بس للاسف فى ناس كتير بتستخسرها طبعا اهم حاجه ان اى مشكله بين الطرفين لا تدخل معاهم اوضه نومهم ولا تخرج معاهم برة باب الشقه الكلام فى الموضوع ده كتير جدا وانا رغيت وصدعتك اصلا ربنا يسعدك ويريح بالك يارب

  10. الزواج دا طرفين مش مجرد طرف واحد يأخد بلا حدود والتانى يدى بلاحدودالزواج شراكة ومودة وحب وتفاهم او يعنى دا المفروض لكن المشكلة عندنا الانانية او ان حد لازم يسيطر عشان يملك العلاقة ودا شئ غبى ولا رحمة فية ولا فقة زواجالزواج نوع من الالفة والمحبة التى يباركها الله عزوجل ليريح بها الطرفين دمتى متميزة فى مواضيعك

  11. السعادة الزوجية …عماد الدين أديب يا موناليزتي كانت كاتب جملة مهمة جدا لتحقيق السعادة وهي : الحب هو فن التفاصيل الصغيرة ….التفاصيل الصغيرة دي بقى فعلا فن والزوج والزوجة لو تفهموها تتحقق سعادتهم طوال عمرهم ..

  12. الاخت الكريمة مشاهد واقعية تحدث كثيرا ويحدث ما هو اكبر منها فالحياة الزوجية مشتركة بين طرفين على كل واحد منهما واجبات وله حقوق اذا التزم الطرفين بواجباته وحقوقه تسير المركب بدون مشاكل والمهم عدم التدخل من الخارج وعدم الاستماع الى الخارج ، واكيد لابد من وجود الحب وهو اساس السعادة وحب العطاء وعدم الانانية وحب الايثار وووو وكل الصفات الطيبةالف شكر لك والف تحية

  13. KHALED Said:

    أسباب السعادة عموماً فى العلاقات الإنسانيةأن نتعلم كيف نحب الأخرين و أن نتعلم كيف نجعلهم يحبوننا

  14. ازيك يا حبيبتيجواب سؤالك صعب بتختلف السعادة باختلاف البشر ومتطلباتهمفما يسعدني قد لايسعد غيري وما يسعدك قد لايسعدنيالتقوىالقناعةالاحتواءالتحملارتخاء احد طرفي الحبلالتفويت احياناكل ذلك قد يؤدي الى حياة مستقرة سعيدة تقديري لك غاليتي

  15. زيزوـــــــوعليكم السلام ورحمة الله وبركاتهأهلا بيك يافندمأنا الحمدلله بخير أشكرك جدا لسؤالكأشكرك جدا لرأيكوعندك حق العلاقة الزوجية تحتاج الى وعى كافى فهى ليست علاقة عابرة بين طرفين ولكنها علاقة دائمةإطالة ايه بس!ده انا كنت مستمتعة جدا بقراءتى لما كتبتالله ينور عليك ويقتحها عليك ويرزقك بالزوجة الصالحةاشكرك جدا لمشاركتكنورتنى واسعدنى تواجدك**********************************ليس فقيرا من يحبــــــــــــــــأختى الحبيبة:اهلا اهلا بالقمرأنا الحمدلله بخير ماتحرمش من سؤالكربنا يعزك يارب فماتوفيقى الا باللهالله ينور عليكِ بجدوعجبنى اوى جملتك دى" اهم حاجه ان اى مشكله بين الطرفين لا تدخل معاهم اوضه نومهم ولا تخرج معاهم برة باب الشقه "تعرفى لو اتطبقت بجد الوضع هيختلف تماما.. للأحسن طبعا:)ماتقوليش كده مفيش إطالة ولاحاجةواعتبريها مدونتك يعنى تتكلمى فيها زى ما يعجبك:)نورتينى ياجميلة واسعدتنى مشاركتك*********************************نهر الحبـــــــــأختى الحبيبة:اهلا اهلا بالقمرصح جدالانها مش حرب والمفروض ان كل واحد يبان انه الاقوىتعريفك رائع جدا أحييكِ عليهنورتينى انوسة الجميلة واسعدنى تواجدك********************************كلمات من نورـــــــــــــأهلا اهلا بالغاليةفعلا جملة جامدة جداهى التفاصيل الصغيرة دى اللى بتزعل الناس من بعضها:)لو تجاهلها أحد الطرفينأشكرك جدا لمشاركتكنورتنينى واسعدنى تواجدك********************************سامر محمد عرموشــــــــــــــــأهلا بيك أستاذ سامرعندك حق جداأشكرك جدا لمشاركتكنورتنى واسعدنى تواجدك***********************************خالدــــــأهلا بيك أستاذ خالدالله عليكخير الكلام ما قل ودلوفعلا المهم يكون فى رغبة فى أن نحب الآخرينأشكرك جدا لمشاركتكنورتنى واسعدنى تواجدك**********************************أمل حمدىــــــــــأختى الحبيبة:اهلا اهلا بالقمرانا الحمدلله بخير ماتحرمش من سؤالكمع احترامى لرأيك فى ان اسباب السعادة تختلف من شخص لاخر ولكن هناك أساسيات يجب ان توجد فى اى علاقة ليحدث بينهما سعادة ولا يخلف عليها أحد وأهمها من وجهة نظرى الاحترام المتبادل والتراحم فيما بينهما ووجود مساحة للنقاش والعتاب وغيرها من الاشياء البديهيةأشكرك جدا لمشاركتكنورتينى غاليتى واسعدنى تواجدك

  16. salwa Said:

    السلام عليكم اخت موناليزانعم الحياة باكملها اخذ و عطاء فما بالك بالزواج؟و ما افضل من القانون الالهي لتحقيقالسعادة بهظتسلم يدك داااائما مميزةسلام

  17. hamma Said:

    ـــــــــــــــــــــــماهى وسائل السعادة الزوجية من وجهة نظرك؟.جواب: القناعة،معرفة إستعمال اللين و الشدة في المواقف ، الإبتعاد عن كل ما يشوبه شائبة يمكن الرجوع بالضرر حتى و لو بنسبة حدوث قليلة،العزيمة الفولاذية….الخ

  18. موناليـــــزا …….حبيبة قلبي يا قمر واحشاني خالص و الله و معلش كنت غايبة اليومين اللي فاتوا اعذريني يا حبيبتي معلشموضوعك جميل اوي يا حبيبتي و الله و بجد ده اللي بيحصل في بيوت كتيرة للاسفربنا يرحمنا برحمته يا ربو صدقيني بقت البنات دلوقتي هي اللي تفشي سر بيتها و علاقتها بجوزهاالناس لازم تتمسك بدينها اكتر من كده و الله و على فكرة اما عن سؤالك الجانبياكيد سر السعادة الزوجية هي الصراحة و التفاهم و الحب بين الزوجينو اكيد الصراحة و الله ليها انعكاس كبير اوي على سعادة الزوجينربنا يسعد و يفرح كل الناس يا رب و يرضى عننا يا ربخالص حبي و تقديريو الف مبروك لحاسوباتية و ربنا يسعدها و يهنيها يا رب

  19. السلام عليكم ورحمة الله وبركاتةماشاء الله موضوع جميل ربنا يكرمك يارب والمسلمين وانا عارف انتى لسة منزلة بوست ومستنين ان شاء الله مساعدتنا فى البوست الجاى يكون للحملة بأذن الله تعالىوربنا يجزيكى خير اللهم امين والمسلمين

  20. سلوىـــــــوعليكم السلام ورحمة الله وبركاتهأختى الحبيبة:اهلا اهلا بالقمرصح جدا الدنيا أخذ وعطاءربنا يكرمك واشكرك جدا لرأيكنورتينى سلوى الجميلة واسعدنى تواجدك*******************************هاماــــــأهلا بيك يافندمإجابات موفقة جداأشكرك جدا لمشاركتكنورتنى واسعدنى تواجدك**********************************الوفية الى الابد مها احمدـــــــــــــــــــــــــأختى الحبيبة:اهلا اهلا بالقمرعذرك معاكِ ياحبيبتى المهم تكونى بخير ومكانك محفوظ دايما:)أشكرك جدا لرايك ولمشاركتكوالله يبارك فيكِ ياحبيبتىعلى فكرة انتِ جميلة اوىنورتينى مها الجميلة واسعدنى تواجدك********************************طهر فؤادكــــــــــــوعليكم السلام ورحمة الله وبركاتهأهلا بيك يافندمربنا يكرمك أشكرك جدا لتعليقكوانا فعلا هنزل الموضوع قريب بس حضرتك عارف انا مابحبش انقل حاجة يعنى لازم كل كلمة تكون منى انا يعنى باخد وقتى:) ولسه بدور على صور مناسبة وربنا يسهل وانزله قريب جدا بإذن اللهنورتنى واسعدنى تواجدك

  21. مش هاقدر اردلاني لسة ماجربتشلما اجرب هابقي اقولكيعني ممكن علي سنة 2020 ان شاء اللههههههههههه

  22. السلام عليكم السعادة الزوجية بحاجة لمجلدات لكن سأختصرها في الآتي القناعة ، الرضا ، الثقة ===========طرحت عليك استفسار بخصوص مشكلتك في تحميل الرابط في مدونتي

  23. السلام عليكم رحمه الله وبركاتهموضوع هام جدا ربنايبارك في حضرتك ويجعله فى ميزان حسناتك ومنتظريناسال الله ان يوفقك لكل مايحبه ويرضاهنتمنى زيارتكم لنافى الرابطه نصره للمسجد الاقصىاخوانكم فى رابطه هويتى اسلاميه

  24. sakayar Said:

    السلام عليكم ورحمة الله وبركاته:)الموضوع كعادة مدونة حضرتك مهم ومميز في طريقة عرضهأعتقد إن كل حاجة ف حياتنا بتحتاج لأساس تتبني عليه … ولو كل حاجة أساسها "الله" هتكون كل حاجة آخرها نجاح وسعادة … والعلاقات الزوجية واحدة داخلة ضمن الحاجات دي … بل تعتبر من أهم جوانب الحياة لان لو مفيش علاقة زوجية ناجحة … مش هتكون فيه حياة من الأساسفأعتقد إن أساس السعادة الزوجية هي ارتباط الطرفين على حب الله ورضاءه … ساعتها هيخرج عندنا الايثار والتفاهم والحب وهيخرج عندنا الاخلاص والمودة والرحمة وهيخرج عندنا الرضى والتوكل والسعي … اللي كلهم بيساعدوا على النجاح في العلاقة الزوجية وبالتالي علاقة ناجحة معناها سعادة :)يارب يعفنا بفضله وفي رضاه والمسلمين جميعاً ويهدينا لكل خير وصلاحتقبلي مروري أستاذتنا:) 

  25. حصان المرجيحةــــــــــــــأهلا بيك يافندمبس الموضوع مش محتاج تجربة شخصية على قد ما هو محتاج خبرات حياتية من المواقف المحيطة لأن ده هيفيدك بعدين:)نورتنى واسعدنى تواجدك**********************************أحمد شريفــــــــــوعليكم السلام ورحمة الله وبركاتهأهلا بيك أستاذ احمدخير الكلام ما قل ودلأشكرك جدا لمشاركتك –أشكرك جدا لاهتمامكنورتنى واسعدنى تواجدك********************************رابطة هويتى اسلاميةـــــــــــــــــــوعليكم السلام ورحمة الله وبركاتهأهلا بيك يافندم بعد طول غيابربنا يكرمك واشكرك جدا لدعائكدعوة مقبولة يافندمنورتنى واسعدنى تواجدك**********************************ساكايارـــــــــــوعليكم السلام ورحمة الله وبركاتهأهلا بيك يافندمربنا يكرمك أشكرك جدا لرأيك فماتوفيقى الا باللهالله عليكعبرت عن رأيك فعممت الفائدة على الجميع بحل سحرى وهو ان نتعامل مع الله اولاأشكرك جدا لمشاركتكنورتنى واسعدنى تواجدك

  26. نسيبه Said:

    السلام عليكم ورحمة الله وبركاتهالسعاده الزوجيه أولا هبه من الله للزوجين ثانيا حسن الإختيار وربنا وحده قبل أي عامل آخر هو الموفقثالثا كما قلتي علاقه متبادلة أخذ وعطاء موده ورحمه حنان ودفء رأفه وإمتنان معاني كثيرة جدا بس المهم الإثنين يكونو عاوزين دهربنا يقر عينك بالزوج الصالح وأيامي المسلمين ويمن علينا ببيوت مسلمه مليئة بطاعة الله عز وجل والسعاده الزوجيهاللهم آمين

  27. نسيبةــــــوعليكم السلام ورحمة الله وبركاتهأهلا اهلا بالقمرصح جدا المهم الاتنين يكونوا عاوزين دهمش واحد يعطى والتانى ياخد وبسيارب ياحبيبتى ربنا يتقبل دعائك اللهم اميننورتينى ياجميلة واسعدنى تواجدك


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: