شجرة العائلة

“لمة العيلة” , “بيت العيلة” .. كلمات ثقيلة فى النطق وفى المعنى. ولكن لا أحد ينكر لذتها فى النفوس. ياترى كام واحد فينا مازال يستخدم هذه الكلمات ولو حتى على فترات متباعدة.
لن أتكلم عن لمة جميع الأقارب فى بيت العائلة ولعب الأطفال هناك وتحضير الطعام وتناوله ومبادلة الأحاديث ومعرفة أخبار بعضهما البعض لأن هذا الآن أصبح ذكرى من الماضى يتذكرها من عاشها ويراها آخرين على شاشة التلفاز.
ولكنى سأتحدث عن ” زيارة الأقارب” التى قليلاً ما تتم والذى نتج عنه عدم وجود وِد وصلة قوية بين أبناء العم مثلاً بعضهم وبعض وقد لا يتم مقابلتهم إلا فى المناسبات العائلية لو حضروا.
شئ محزن حقاً حينما يقابل الشخص ابن عمه مثلاً بالصدفة ولا يتعرف عليه إلا حين يرى بطاقته أثناء عمله فى وظيفة حكومية مثلاُ.
أو حينما ترى مُدرسة كراسة تلميذاتها لتجد ابنة بن خالها من ضمنهم وهى لا تعرفها.
أو حينما ترى طالبة ثانوى مُدرسة فصلها تقف مع شابة واضح أنها هتتعين جديد وحينما تقترب منها تجدها ابنة خالها التى لم ترها منذ الصغر فتذهب لهن وتُحدث معلمتها ولكن قريبتها لا تتذكرها وهى تخجل أن تعرفها بنفسها أمام معلمتها.
شئ مؤسف حينما ترى فتاة تعاتب ابنة خالها قائلة” يعنى كده ما نشوفش بعض غير فى المناسبات”
لترد عليها قائلة” كويس إن إحنا بنشوف بعض أصلاً”.
شئ مؤلم حينما يدخل الشاب ذو الأعوام العشرين ليسلم على الرجال فى فرح أخته ليجد رجلاً يصافحه بقوة مبتسماً له قائلاً” أنت مش عارفنى.. أنا فلان ابن عمك”.
فيرد عليه” وأنا هعرفك منين هو أنت زرتنا قبل كده!”.
شئ مخجل حينما يتحدث لك صديقك عن ولادة أخت صاحبه لتكتشف أنه يتحدث عن بنت خالك وسبوع المولود الذى لم تعلم عنه شيئاً.
وحينما تعلم موعد زفاف ابن خالتك مثلاً من حماتك لأن العروسة ابنة صديقتها.
شعور موجع حقاً حينما تعرف أخبار قرايبك من صحابك أو جيرانك لأنهم على صلة قوية بهم وتكون أنت آخر من يعلم.
وشعور موجع أكثر لما تقرب منهم وهما يبعدوا أو يرفضوك أو يهمشوا وجودك أو يعطوك بأفعالهم رسالة مفادها” طلعنا من دماغك”.
وفى هذا الشأن أتذكر هذا الحديث الشريف
عن أبي هريرة رضي الله عنه أن رجلاً قال : يا رسـول الله إن لي قرابة أصلهـم ويقطعونني ، وأحسن إليهم ويسيؤون إليّ ، وأحلم عليهم ويجهلون عليّ
فقال صلى الله عليه وسلم : إن كنت كما قلت فكأنما تُسِفهّم المَلّ ولا يزال معك من الله ظهير عليهم ما دمت على ذلك ] . رواه مسلم
شعور موجع لما يبقى فيه مصيبة وتجد أصدقائك واقفين جنبك وقرايبك كما الأغراب يحضروا لإثبات الحضور وينصرفوا سريعاً متعذرين بأى سبب حتى لو تافه“أصلى راكن العربية بعيد وخايف تتخبط”.
شعور بايخ لما تلاقى خالتك مثلاً جاية تزوركم وماجابتش ولادها معاها” أصلهم بيذاكروا“.
وشعور أصعب لما يكلموك بس عشان محتاجينك فى حاجة. أو يجاملوك عشان يتفرجوا على اللى أنت عامله وينقدوا فيك بعد كده!.
وحقيقى بشفق على من يبتعد عن أقاربه وخاصة لو وجد منهم وداً وحباً خالياً من أى مصلحة ويكتفى بأصدقائه لأن الأقارب مهما حدث فهم دم واحد واسم واحد وسُمى قريب من قربه حتى لو بَعُد المكان.
وهذا يشعر به أكتر من لهم أولاد عم أو خال ويشعرون معهم بالعزوة.
ومع ذلك فالزيارات العائلية التى تتم بدون مناسبة وبدون أى مصلحة تترك إنطباع طيب لدى الجميع.


ولهذا سأذكركم بمعنى صلة الرحم:
الإحسان إلى الأقارب فى القول والفعل , ويدخل فى ذلك زيارتهم , وأن تكون معهم فى السراء والضراء, وتفقد أحوالهم , والسؤال عنهم , ومساعدة المحتاج منهم, والسعى فى مصالحهم .
يعنى ليس من الإسلام أن نجد خصومة بين شقيقين بسبب ميراث.
وليس من الإسلام أن تمنع الأم أبنائها من زيارة جدهم لأبيهم أو لعمهم لأنها على اختلاف شخصى معهم.والعكس صحيح بالنسبة للأب.
وليس من الإسلام أن يمنع الزوج زوجته من زيارة والديها. والعكس صحيح بالنسبة للزوجة.
وليس من الإسلام أن تشوه الأم صورة الأب لأنها منفصلة عنه. والعكس صحيح بالنسبة للأب.
وغيرها من الأمثلة البديهية.


وأتذكر هنا قول السيدة خديجة للنبى صلى الله عليه وسلم حينما رجع لها مرتجفاً بعد نزول الوحى عليه لأول مرة” والله لن يخزيك الله؛ إنك لتصل الرحم، وتصدق الحديث، وتحمل الكل، وتقري الضيف، وتعين على نوائب الحق”.
يعنى كانت رضى الله عنها تعلم بالفطرة أن صلة الرحم فعل خير يثاب المرء عليه.
وكما قال الله تعالى” الأقربون أولى بالمعروف”.
وقد قال أحدهم لما قيل له: ( أيهما أحب إليك، أخوك أم صديقك؟ فقال : إنما أحبّ أخي إذا كان صديقاً لي.. فالقربى محتاجة إلى المودة، والمودة مستغنية عن القربى ).
وهنا أتعجب ممن تكون لها شقيقة مثلاً ولا تصاحبها بل وتنفر منها وتفر إلى زميلات العمل أو الدراسة لتصاحبهن وتصادقهن.
ولى حق أتعجب لأنى طالما تمنيت أن تكون لى أختاً شقيقة تكون لى صديقة قريبة.
والعكس طبعا بالنسبة للرجل يصبح له مجموعة يخرج معها وليس من ضمنهم شقيقه.


أريد توضيح درجة القرابة الخاصة بالأفراد منعا لإختلاط الأموروتفضيل درجة على أخرى.
نجد أن قرابة الشخص بوالديه هي قرابة من الدرجة الأولى.
وقرابة الشخص بإخوته هي من الدرجة الثانية.
وقرابة الشخص بعمه أو خاله أو عمته أو خالته كذلك أولاد الأخ أو الأخت هي من الدرجة الثالثة.
وقرابة الشخص بأبناء الأعمام والعمات أو الأخوال والخالات فهي من الدرجة الرابعة.
وقرابة الشخص بأبناء أبناء الأعمام والعمات والأخوال والخالات هي من الدرجة الخامسة.
وإن درجات القرابة هي نفسها بالنسبة لأحد الزوجين من أقارب الزوج الآخر لكنها هنا قرابة مصاهرة.
أي أن قرابة الزوج بوالد زوجته هي قرابة مصاهرة من الدرجة الأولى.(منقول)


وهنا أريدك أن تتذكر تصرفك إذا علمت بزيارة أحد أقاربك ياترى هتنتظرهم باشتياق ولا بتأفف ولا بتسيب البيت ؟.
و لو عرفت أن أهل بيتك هيزوروا حد من القرايب هتروح معاهم ولا لأ؟.
– متى آخر مرة زرت فيها أختك المتزوجة سواء كانت ساكنة فى مكان قريب منك أو بعيد؟.
– كم من الوقت تقضيه مع أصدقائك على حساب الوقت الذى من المفترض أن تقضيه مع والديك أو أبنائك؟.
– هل تجلس مع أمك أم تكتفى بوجودك فى المنزل وتستغل هذا الوقت فى إجراء مكالمات هاتفية مثلاً أو فى مشاهدة التلفاز؟.
– هل تعطى لابنك الحنان والرعاية الكافية أم تعتمد على زوجتك؟.
– هل تهتم بزيارة عمتك ؟.
– هل تحن على أبناء أخوك ؟.
– هل تساعد زوجتك على صلة رحمها؟.

نصيحة: ابدأ أنت ولا تنتظر أن يبدأ الآخرين حتى وإن قابلوا إحسانك بالإسائة.
وتذكر بأنك تتعامل مع الله وليس معهم والجنة مهرها غالى.

ملحوظة: برجاء الاهتمام بقراءة الأحاديث والآيات الموجودة فى الصور المعروضة ففيهم خير كلام.

سؤال جانبى:
ــــــــــــــــــ
– هل تهتم بالزيارت العائلية؟.

43 Comments »

  1. جزاكِ الله كل الخير يا ربكالعادة بسم الله ماشاء اللهموضوع مستوف أما عن سؤالكفالزيارات العائلية أصبحت الآن في المناسبات والأجازات والأعيادأما غير ذلك فالاتصال بالتليفون ولن أشرح الأسباب فكلنا نعانيهاشكرا على الموضوعربنا يجعله في ميزان حسناتك

  2. معدش فيه دلوقتي صله رحم الا في الآعياد بس هو ده الوقت الى بنشوف فيه قرايبنا لمده يومين و خلاص على كده كل واحد يروح في حاله و تلفونات بقي :(آخرزياره كانت في العيد الكبير :(………..تصدقي اني معرفش حد من عائله والدي غير عمتي بس ( ليا عمه واحده بس ) و من عائله والدتي الا خلاتي بس ( ليا 4 خالات فقط )هما دوول بالبنسه ليا عائلتي انما الباقي معرفش خالص😦

  3. جزاكِ الله خيرا يا مونيالحمد لله لاتزال العائلة تتجمع كل نصف شهر او يزيد قليلا في بيت الجدة,هناك طبعا افراد مداومون واخرين تؤخرهم الظروف لكنهم لا يتوانوا كلما اتيحت لهم الفرصه,أما العائلة الأخرى صحيح انه ليس هناك تجمع لهم لكن الزيارات مستمره للبعض والحمد لله.

  4. للاسف يا مونى انتى بتقولى كلام بيحصل كتير و معايا انا شخصيا و ببقى مكسوفه من نفسى بس بتبقى ناس مشفتهاش قبل كده و بالتالى مينفعش ادور عليهم و انا معرفهمش اصلاالقرابه دلوقتى بقت للمصلحه الشخصيه مش صله الدم يعنى اللى مصلحتى عنده حبيبى و قريبىفيه ناس كده فعلا و اللى قولتيه حيفضل يحصل لاننا للاسف بعدنا عن ديننا قوىكلامك جميل كالعاده

  5. أمل حمدىــــــــــأختى الحبيبة:اهلا اهلا بالقمرربنا يكرمك يارب فماتوفيقى الا باللهوهذا للأسفأشكرك جدا لمشاركتكنورتينى ياجميلة واسعدنى تواجدك**********************************سبايدر مانــــــــــــأهلا بيك يادكتوروحتى التليفونات كمان معدتش موجودة ولو حصل بتكون على عبارة رنات على الموبايل:)أحلى حاجة فى أمى وأبوياعملوها معانا لما كنا صغيرين عرفونا العيلة كلها بأولادهم كمان:)ولما كبرت وبدأت أشوف فلانة مثلا تبقى لى ايه بجد لقيتها مثلا تبقى بنت بنت بنت خال ماما مثلا يعنى انا ابقى خالتها:)وهكذا بقى فى جميع الاقارب:)أشكرك جدا لمشاركتكنورتنى واسعدنى تواجدك*********************************سلمى محمدـــــــــأختى الحبيبة:اهلا اهلا بالقمرربنا يكرمك ياحبيبتى ماتحرمش منكطب الحمدلله فهذا أفضل بكثير من عائلات أخرىربنا يديم الود بينكمنورتينى سلومتى الجميلة واسعدنى تواجدك********************************صيدلانية طالعة نازلةــــــــــــــــــــأختى الحبيبة:اهلا اهلا بالقمرعلى الاقل تنتهزى اى فرصة للتعرف عليهم سواء فى فرح أحدهم مثلا وتسألى عن اللى انتِ ماتعرفيهوش وهو ييجى يسلم عليكِ ويجيب ولاده معاه وكده يعنى:)فعلا للاسف ده موجودبس ده مايمنعش ان لسه فيه عائلات مهما حصل بينهم فالود قائمنورتينى ياجميلة واسعدنى تواجدك

  6. عندك حق واللهوانا فعلا بقيت الاايام دى اهتم بلناس الى فى عيلتنا الى مكناش بنسأل عليهم اوىلانه فعلا شئ مخجل جداا

  7. موضوع جميل كعاده مواضعيك المميزه دائما جزاكى الله خيرا على ماتقدمينه لنافصله الرحم من الامور المهمه التى يغفل عنها الكثيرين وبالنسبه لسؤالك فانا عن نفسي احب الزيارات العائليه والتجمعات العائليه جدا واحرص عليهادمتى بكل الخير

  8. بسنت Said:

    عندك حق صله الرحم غير ثوابها بتعطى شعور بسعاده جميل جداشعور وجود عيله كبيره هو شعور بجود سند فعلابس صراحه انا مقصره جدا لظروف شغلى بس لازم اخد باللى بردواربنا يوفقك دايما

  9. يعنى ماشاء الله عليكى ربنا يجعل جهدك وتعبك ده فى ميزان حسناتك ويبارك فيكى ويسعد قلبكدلوقتى الناس بقت بخيله اوى ومبقتش بتقدر على نفسها انها تصل رحمها اوحتى لو كلمه طيبه وتلاقى الاهل فى عداء والله تلاقى اب وابنه ويتعاملوا كانهم اعداءوالاخوات وبعضها وسبحان الله العلاقه والحب النقى اللى ربنا حطه فى قلوب الاهل لبعض يتحول لحقد وكراهيه الا من رحم ربى بالنسبه للسؤال الحمد لله وان كان مش دايما بس الواحدبيحاول قد ما يقدر يود اهله وناسه حتى لو بمسج جزاكى الله خيرا ياروح قلبى

  10. مرايتى Said:

    ماشاء الله لا قوة الا باللهموضوع متكامل رغم قسوته لانه فعلا بقى واقع انا عمى ساكن جنبى البيت الى جنبى على طول ولو شوفته فى الشارع صدفه القى عليه السلام صلة للرحم عمر العكس ما بيحصل بس ببتغى وجه الله غير كده حتى السلام عمره ما حيبدا بيه ما بالك بقى بالزيارات والعلاقات ربنا يرحمنا فى دنيا بقت الماده فيها لاهيه الناس حتى الاهل المصلحه بقت القاسم المشترك للعلاقه وفقطحتى فى الأعياد خلاص واحده واحده وبتخف كمان ممكن بس المناسبات العامه أفراح أحزان دى الى لسه الى حد ما بتجمعربنا ينفع بيكى

  11. ازيك حشوتني جدا كده مش تساءلي عليهانا كنت تعبانه في المستشفي مش بدخل فيس بوك شفت دعواتك اليومام في سؤالكل يوم الجمعه بنتجمع في البيت ستيدلووقت راجع من البيت بنت عم ماماالحمدلله بتهتم بزيارةيارب نفضل كده علي طول

  12. موناليـــــزا ……….مش عارفة بجد اقولك ايه ؟؟؟غير ربنا يخليكي يا حبيبتي على كلامك دهشكرا بجد انك صحيتي فينا النعمة دياكيد صلة الرحم دي نعمة كبيرة اوي من عند ربنا و اللي يؤديها بجد ربنا بيكرمه اخر كرم و اللهشكرا يا موناليزا و ربنا يكرمك يا ربمع خالص حبي و تحياتي

  13. lina Said:

    السلام عليكم و رحمة الله و بركاتهجزاك الله خيرا على الموضوع و التذكير ..مقال قيم حتى و ان جرفتنا تيارات الحياة و الانشغالات لا بد ان نبقى على صلة بهم احسن الله اليك و نفع بكِتحياتي لينا.

  14. sakayar Said:

    السلام عليكم ورحمة الله وبركاتهموضوع في غاية الأهمية فعلاً يا أستاذةوربما من أمراض مجتمعنا اللي انتشرت هي قطع الرحم واللي معروف عواقبه عند الكثيرين وأحياناً أظن إن ما يحدث لنا في هذا الزمان نتيجة لترك الكثير من هذه الجوانب اللي بنظنها قشور أو غير مهمة فتكون العواقب شديدةوجزاكم الله خير على الآيات والأحاديث اللي أوردتيها في الموضوع فهي كافية بحقبالنسبة للاجابة على سؤال حضرتكالحمدلله رغم سفري لكن بحاول بقدر المستطاع الحفاظ على التواصل العائلي مع الجميع🙂

  15. د/عرفه Said:

    أحيانا العيلة لما بتكبر وبتفقد كبيرها بتفقد التواصلاحاديث الرسول واضحة جداواظن ان التفكك الاسرى وتفكك العيلةجزء بسيط جدا من تفكك البلد

  16. rovy Said:

    أختى الحبيبه مونى جزاكى الله كل الخير يارب و الله الموضوع ده بيألمنى جدا و بيألمنى الحال اللى وصلنا له ..بارك الرحمن فى قلمك الهادف حبيبتى ..أهتم أكيد بالزيارات العائليه فأنا أعشق عائلتى و الحمد لله أجد كل الحب منهم جميعا أدام الرحمن عليا حبهم و وجودهم فى حياتى ..و أدام على عائلتنا الود و التقارب ..جعل الله الموضوع فى ميزان حسناتك تحياتى و حبى لكى

  17. كيكى عووووووــــــــــــــأختى الحبيبة:اهلا اهلا بالقمرالله عليكِ:)ايوة كده ربنا يباركلكنورتينى ياجميلة واسعدنى تواجدك*******************************أميرة الأحلامـــــــــــــأختى الحبيبة:اهلا اهلا بالقمرربنا يكرمك ويعزك يارب فماتوفيقى الا باللهالله عليكِ:)ربنا يديم الحب والود بينكم ياربنورتينى ياجميلة واسعدنى تواجدك********************************بسنتـــــــاختى الحبيبة:اهلا اهلا بالقمرصدقتِ غاليتى فهو حقاً شعور رائعربنا يقدرك دايما على فعل الخيرنورتينى بوسبوسة الجميلة واسعدنى تواجدك********************************ليس فقيرا من يحبــــــــــــــــأختى الحبيبة:اهلا اهلا بالقمرربنا يعزك يارب فماتوفيقى الا باللهفعلا وهذا للاسف الشديدايوة كده خليكى أنتِ الأحسن:)نورتينى ياجميلة واسعدنى تواجدك*********************************مرايتىـــــــأختى الحبيبة:اهلا اهلا بالقمرواقع محزن للاسف وكأن الدنيا ومتاعها يكفيهم عن صلة الدم!!ربنا يعزك ياحبيبتى ويقدرك على نفسك دايمانورتينى حبيبتى واسعدنى تواجدك*********************************عاشقة القمرــــــــــــأختى الحبيبة:اهلا اهلا بالقمر بعد طول غيابالف سلامة عليكِ يا حبيبتى وانا اقول برضه اكيد فيه حاجة تخليكى مش باينة اليومين اللى فاتوبس الحمدلله على سلامتكويارب فعلا تفضلى مع اهلك كده دايمانورتينى ياجميلة واسعدنى تواجدك*********************************الوفية للأبد مها أحمدــــــــــــــــــــأختى الحبيبة:اهلا اهلا بالقمرانا سعيدة جدا جدا بتعليقك وربنا يقدرك دايما على فعل الخيروتقبل الله منا ومنكم صالح الاعمالنورتينى مها الجميلة وفى انتظارك دائما*********************************ليناــــــــوعليكم السلام ورحمة الله وبركاتهأهلا بيكِ فى زيارتك الاولىربنا يكرمك ياحبيبتى اشكرك جدا لرايكوتقبل الله منا ومنكم صالح الاعمالنورتِ مدونتى لينا الجميلة وفى انتظارك دائما**********************************سكايرــــــــوعليكم السلام ورحمة الله وبركاتهأهلا بيك يافندمأحييك جدا على هذا التعليق القيموأشكرك جدا على تواجدكنورت مدونتى وفى انتظارك دائما**********************************د/ عرفةــــــــأهلا بيك يادكتورده حقيقى للاسفوعندك حق اذا كانوا العائلات متفككة يبقى ليه نلوم على تفكك البلدربنا يرحمنا ويخرجنا من الدنيا على خيرنورت مدونتى واسعدنى تواجدك*********************************روفىـــــــأختى الحببة:اهلا اهلا بالقمر بعد طول غيابربنا يعزك ياحبيبتى وفعلا الوضع مؤسف لما تلاقى مثلا اخ واخت متخاصمين على ميراث وابنائهم معاديين بعض ويفضلوا يورثوا للاجيال الكراهيةوالحمدلله فالتواصل العائلى نعمة غالية حقا لايشعر بها الا من تذوقها فعلياوربنا يديم الحب بين العائلات جميعا ياربنورتينى غاليتى واسعدنى تواجدك

  18. السلام عليكم ..موضوع في غاية الأهمية..فإذا نظرنا إلى واقعنا سنجد أن القليل يقوم بها..الأسرة هي أقوى الجدران التي يمكن أن نتعلق بها ونعلق الآمال عليها فقد سقطت كثير من الجدران مثل الإخوة في الدين مثلاً ووحدة الأمة الإسلامية ….إلخ.إنت مش عارفني؟هذا السؤال يسمع كثيراً بين شخصين..وعندما أسمعه أعرف أنهما أقارب وأن أحدهما لايعرف الآخر ..!تحية على المدونة الجميلة والتدوينات الأكثر من رائعة..ــــــــالسؤال الجانبي:نعم..الحمد لله أهتم بالزيارات العائلية.

  19. كانت المستحيلات 4 على ما اعتقد اصبحوا بسبب البشر والبعد عن الله 5ضيفى اليهم صلة الرحم المسكينه اصبح وصلها المستحيلاتإلا من رحم ربى

  20. ههههههههه يومين انا يابنتي غياب 4 اسابيع تقريبا هههههه

  21. ريمان Said:

    ربنا يجازيكى خير يا ربقطع الارحام ده مشكلهوالمشكله الاكبر ان الآباء مش بيشجعوا الابناء على صله الرحم

  22. Hossam Said:

    صديقتى الجميلة موناليزابجد موضوع تحفة خصوصا انى بمر بنفس المشكلةتعرفى بروح البلد والاقى ناس بتسلم عليا ومعرفهمش ويطلوعا قاريبنابس تعرفى من ويم ما والدى اتوفى ومحدش بيسال علينا خالص من اهلةاى نعم احنا مش محتاجيين سوالهم بس المفروض عل الاقل عماتى وعمامى يتصواوالله بجد مرة قلت اتصل بيهم كان فى عيد يا اما رمضانكلمت 2 عمة وواحد عمعارفة كل اما اكلم حد منهم يقول ايه؟ يقول والله كنت لسة هكلمكمعل العموم انا اقتنعت برايك واكيد هبقى احسن منهم وبردة هسالتحياتى صديقتى

  23. GHALLAB 55 Said:

    صورة شجرة العائلة الخاصة ببطوط أكثر من رائعة ياريت تتاح للنسخ

  24. مونااااااااااليزاااااااااا ازيك ياقمراية ):):انا بحب جداً القصة ديوأتذكر هنا قول السيدة خديجة للنبى صلى الله عليه وسلم حينما رجع لها مرتجفاً بعد نزول الوحى عليه لأول مرة" والله لن يخزيك الله؛ إنك لتصل الرحم، وتصدق الحديث، وتحمل الكل، وتقري الضيف، وتعين على نوائب الحق".ربنا يجازيكِ كل خير وسعادة وحب .ويجعلك من صالي الرحم ومن الفائزين بالفردوس الاعلى

  25. اسأل الله ان يجعلنا ممن يصلون ارحامهم لكن حقيقة انا مقصر جدا فى زيارة الاقارب نسأل الله الهدى والرشاد تحياتى العميقة …نورالدين

  26. مشخبطاتىـــــــــوعليكم السلام ورحمة الله وبركاتهأهلا بيك يافندمأشكرك جدا لرأيك ولتعليقك ولمشاركتكنورتنى واسعدنى تواجدك*********************************الفقيرة الى الله أم البناتــــــــــــــــــــــأختى الحبيبة:اهلا اهلا بالقمرسبحان الله فعلا مع ان ما اسهل القيام بها ولو حتى باتصالنورتينى ياجميلة واسعدنى تواجدك********************************عاشقة القمرــــــــــــــكلمة اليومين مجاز عن الفترة كلها:)********************************ريمانـــــــأختى الحبيبة:اهلا اهلا بالقمرربنا يكرمك ياجميلة واشكرك جدا لتعليقكنورتينى واسعدنى توجدك**********************************حسامـــــــأهلا بيك أستاذ حسام بعد طول غيابإيه رأيك تبدل "صديقتى الجميلة" بأختى موناليزا؟فعلا السؤال ده مش بيكون عشان الطرف التانى محتاج ده دليل حب ومودةوأيوة كده خليك أنت الأحسن وتبدأ دايما بالخير عشان تاخد ثواب كبير واضح انهما مستغنيين عنهوتعرف مع مرور الوقت هتحرجهم بذوقك وبسؤالك عنهمربنا ييسرلك جميع اموركنورتنى واسعدنى تواجدك*********************************غلاب55ــــــأهلا بيك يافندم فى زيارتك الاولىأشكرك لرأيك فى الصورةوحضرتك ممكن تنسخها لو ضغطت عليها كليك يمين هتتفتح لك صفحة منفصلة تقدر وقتها تنسخها زى ما انت عاوزنورت مدونتى*********************************لولا وزهراءــــــــــــأختى الحبيبة:اهلا اهلا بالقمرأنا الحمدلله بخير ماتحرمش من سؤالكربنا يكرمك ياحبيبتى وأشكرك جدا لتعليقكنورتينى وأسعدنى تواجدك*******************************نور الدينـــــــــــأهلا بيك يافندمربنايقدرنا دايما على طاعة الله بشتى الطرقابدأ كده بزيارة سريعة وهتشوف بنفسك اللذة اللى هتشعر بيها بعدها:)نورتنى واسعدنى تواجدك

  27. انا كنت فاكر ان المشكله فيا انا بس ههههههههههعلي فكرة الموضوع ده منتشر جدا بس بتبقي نيتهم مش لازم انهم يقطعو الرحم و انما مشاغل الحياةو لما سألت هل لو انا مازرتش قرايبي لاني برجع متاخر من الشغل ابقي قاطع للرحمقالو لا طالما مافيش زعل بيننا والله اعلمجزاكي الله خيرا علي الموضوع دهشكرا ليكي

  28. جزاكي الله حيرا

  29. نصيحة: ابدأ أنت ولا تنتظر أن يبدأ الآخرين حتى وإن قابلوا إحسانك بالإسائة.وتذكر بأنك تتعامل مع الله وليس معهم والجنة مهرها غالى.لو طبقنا الكلمتين دول بجد هنعيش حياة مثالية فى كل حاجةربنا يسعدك دايمااااا

  30. حصان المرجيحةــــــــــــــأهلا بيك يافندمغريبة الفتوى دى!!:)طب وفين العمل بالحديث الشريف" ….وإن لأهلك عليك حقاً فأعطِ كل ذى حقٍ حقه".ربنا يجعلك من السابقين لفعل الخيراتنورتنى واسعدنى تواجدك********************************عمار مطاوعـــــــــــــأهلا بيك أستاذ عمار فى زيارتك الاولىربنا يكرمك وأشكرك جدا لتواجدكنورت مدونتى**********************************محمد غاليةــــــــــــأهلا بيك أستاذ محمدوما أسهل تطبيقهم أخى الفاضلربنا يكرمك واشكرك جدا لتواجدكنورت مدونتى

  31. ربنا يبارك فيكى ويجعله فى ميزان حسناتك يارب اجابة السؤال احب ان اصل الرحم واحرص جدا على الزيارات العائليةوشكرا جدا على المكالمة الهاتفيةميرسى بجد

  32. موناليزتي الحبيبة هائنذا..هههههه…موضوع جميل وشامل كعادتك ..ربي يكرمك دايما وينور بصيرتك ويحبب فيكي خلقه يارب…كلامك صحيح وسبحان الله المفروض دلوقتي الدنيا تطورت يعني زمان كانت المواصلات صعبه وبالرغم من كده كان الناس بتتزاور دايما ..دلوقتي التليفون والانترنت خلوا الناس كسالى داه أساسا لو اتصلوا كمان …أنا الحمدلله اتولدت في بيت جدي وجدتي وسط خالات وخال واهل و أقارب ونفس الشيء من ناحية عائلة والدي …التجمعات عندنا مقدسة من أيام جدتي الله يرحمها لما كنا نتجمع كلنا يوم الخميس عندها ودلوقتي بنتبادل الزيارات والتجمعات …ومش عايزة اقولك النهارده ماما واتنين من اخواتي كانوا عندي بأزوراجهم و أولادهم وقضينا يوم جميل واختي سابت ابنها وبنتها عندي علشان بتدهن البيت عندها والاولاد صدرهم بيتعب وبيجيلهم أزمات ….الحمدلله أنا باربي في أولادي الموضوع داه علشان ربي يديم المحبة بيننا كلنا ونفضل دايما متقاربين..بس البنين دايما زي الآباء مواضيع الزيارات المنزلية دي بتكون تقيلة على قلبهم قوي ..دعواتك يا جميلة…سامحيني على اني مش بادخل عالمجموعات الخاصة اللي عالفيس بوك ….مشكلتي اني اساسا ماليش في الفيس توك داه قوي والايام اللي فاتت تعبي كان زايد زي ما انتي عارفه…تحياتي

  33. جنّي Said:

    السلام عليكم جزاكي الله خيرا اختنا الفاضلة على تدوينتك الرائعة وهذا كما عهدناكي تقدمين لنا الخير دائما في تدوينة .. وجزاكي الله خيرا ان كنتي من اوائل من زاروني بعد الغيبة فقد اعتقدت ان لن يزورني احد ..كثير منا يعتقد ان صلة الرحم للوالدين والاخوة فقط .. وكثير ايضا يتعلل بالظروف وعدم الفراغ حتى انقطعت زيارتهم في الاعياد والمناسبات وانشغل كل منهم بهمومه ..بالنسبة للسؤال الجانبي : ليس بالوجه الامثل ..جزاكي الله خيرا

  34. norahaty Said:

    موضوعك جميل كعادتك يامونى وأجاوبك فأقول أن بيتى هو البيت الكبيربحكم الأرث لا أكذبك أحيانا أتمنى أن كان هناك بيت كبيرأخر أذهب اليه فى (أحتياجى)ولكنها إرادة الله وإرادة اللهنافذة.

  35. نهر الحبـــــــــأخى الحبيبة:اهلا اهلا بالقمرربنا يكرمك ياجميلة ويقدرك دايما ويعينك على فعل الخيربتشكرينى على ايه بس ده انا حاسة انى مقصرةربنا يديم الحب بينا نورتينى يانوسة واسعدنى تواجدك***********************************كلمات من نورــــــــــــــــياأهلا يااهلا بالغاليةوحشتيييينى جداايوة كده ارجعى ومتعينا بوجودكربنا يعزك يارب ويتقبل دعائك اللهم امينتعرفى دايما بقول ان مهما بعدت المسافات اللى عايز يود حد هيودهومهما قربت المسافات والجفاء موجود مش هيفيد سهولة الاتصالربنا يديم عليكم نعمة صلة الرحمة ويقدرك على تربية البنينولا يهمك ياقلبى انا كمان ماليش فى الفيس توك اوى بس بنحاول نمشى مع العصر وعشان خاطر البرنامج بتاعى كمان:)مستنياكِ تدخلى وتسمعى البرنامج وتقوليلى رأيكحمدالله على سلامتك ويارب تكونى بقيتى أحسن من الأول بكتيييرنورتينى ياجميلة واسعدنى تواجدك*******************************جنىــــــوعليكم السلام ورحمة الله وبركاتهأهلا بيك أستاذ سعيد بعد طول غيابربنا يعزك يارب فماتوفيقى الا باللهلعل اسباب غيابك كانت خير ونرجو ألا تغيب كثيرا هكذا مرة أخرىأشكرك جدا لتعليقك ولمشاركتكنورت مدونتى واسعدنى تواجدك******************************نوراهاتىـــــــــــأختى الحبيبة:اهلا اهلا بالقمرربنا يعزك يارب اشكرك جدا لرايك فماتوفيقى الا باللهلعل هذا أفضل لكِ بكثير عما تتمنىنورتينى ياجميلة واسعدنى تواجدك

  36. Butterfly Said:

    انتى جايه ع الجرحالموضوع ده فعلا شاغلنى وبيتعبنى أوى لما بفتكره مش لأنى قاطعه رحمى لا سمح اللهقصدى ان نفسى أحس بجو العيله واللمه ده بس بجد واضح ان معدش ينفع لأنى طباعى غير طباعهم ولحاجات تانيه كتيربس أهو الواحد بيحاول يحافظ على العلاقه على قد مايقدر …

  37. بيترفلاىـــــــــأختى الحبيبة:اهلا اهلا بالقمرربنا يعينك ويقدرك على فعل الخير وصلة الرحمنورتينى ياجميلة واسعدنى تواجدك

  38. بالنسبة للصورة الأكثر الرائعة بتاعة شجرة عائلة بطوط إللى عايز ينسخها من فضلك يعمل إيه ؟

  39. هراء لا داعى لهـــــــــــــــاهلا وسهلااعمل كليك شمال على الصورة هتتفتح لك صفحة منفصلة وفيها الصورةوقتها تقدر تسيفها عادىأى خدمة:)

  40. شكرا …..

  41. هراء لاداعى لهـــــــــــــأى خدمة:)

  42. نسيبه Said:

    السلام عليكم ورحمة الله وبركاتهموضوع جميل جدا وربنا يرزقنا التطبيق بس أحيانا بيكون في أسباب تانيه هي إللي تعوق موضوع الصله مثل نوعية الناس أو طبيعةجلستهم وكلامهم إللي ممكن يتحول من طاعه لمعصيه ولكن ربنا يرزقنا البر والصله في طاعة الله جزاكي الله خيرا

  43. نسيبةــــــوعليكم السلام ورحمة الله وبركاتهأهلا اهلا بالقمرربنا يكرمك اشكرك جدا لرأيكاعملى كل حاجة لله مش للناس وهتلاقى الامور بقت متظبطة:)نورتينى حبيبتى واسعدنى تواجدك


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: