نار الغضب

* صحيت الصبح متأخر. وهتتأخر على شغلك وفيه زحمة مواصلات.
* عايز تدخل الحمام ولقيت المياه مقطوعة.
* وراك ميعاد مهم وعايز تكوى القميص ولقيت الكهرباء قطعت.
* بتدور على حاجة محتاجها ضرورى ومش لاقيها.
* عايز تنام وحواليك ضوضاء.
* ابنك بيعيط طول الوقت ومتعلق بيك لدرجة خنقتك.
* معاك ميعاد مع شخص ما وبعد انتظاره طويلاً أتصل بك وأعتذر.
* بعد ترتيب المكان وتنظيفه جاء أحد وهدم كل ما فعلت.
* تم إحراجك أمام حشد من الناس.
* مشوارك المهم لم يتم كما تمنيت.
وغيرها من الأسباب الكثيرة التى تتسبب فى الغضب.
ولِما للغضب من آثار سلبية كثيرة.
أردت أن أعرض بعض النصايح المجربة لتفادى الوصول لمرحلة نار الغضب التى قد تحرق كل من حولها.
– حذار من إتخاذ أى قرار.يكون وليد لحظة غضب وإنفعال. لأنك الوحيد الذى سيندم بعد ذلك.
إهدأ وفكر وافهم واعذر. وتذكر أن أكثر الكلام الذى قلته وندمت عليه هو الذى قلته أثناء غضبك.
– أصمت تماماً حتى لا تخسر من حولك. إكظم غيظك وتذكر بأن القوى هو الذى يتحكم فى نفسه عند الغضب. ولو معرفتش من أول مرة جرب نفسك واتمرن على كده. وتذكر عظم ثواب كظم الغيظ.
مفيش حاجة اسمها مقدرش لأن النبى صلى الله عليه وسلم قال”إنما الصبر بالتصبر والحلم بالتحلم….” يعنى كل حاجة بترويض النفس وتدريبها هتيجى.
– هدئ من روعك فالغضب ليس حل ولن تحل المشكله به بالعكس قد تتفاقم. وتذكر بأن الحلم سيد الأخلاق.
إذا أردت أن تعرف شخصاً فانتظر عليه حتى يغضب.
– إجعل غضبك فقط لله. إذا ما انتهكت محارم الله.
– لا تجعل الشيطان يتحكم فى ردود فعلك عند الغضب. وتذكر أنه المستفيد الوحيد مما ستأول إليه الأمور من سوء.

– إقضى على حالة العصبية والغضب بالوضوء فالماء تطفئ نار الغضب.
– غير المكان أو النشاط الذى تفعله. لو كنت واقف إجلس. ولو جالس نام ولو فى غرفة مغلقة إفتح البلكونة أو الشباك وقف فيها وما إلى ذلك.
– دور على بدائل وحلول سريعة للخروج من مسببات الغضب وكن كسنبلة القمح التى تنحنى للرياح حتى لا تنكسر.
يعنى مثلاً عايز تلبس حاجة وهى فى الغسيل بدل ما تزعق لأن الزعيق مش هيعمل حاجة ولا هيخليها تنشف إلبس حاجة تانية.وبعد كده إبقى إختار ملابسك قبل خروجك بفترة تحسباً لأى ظروف. لأن الدنيا مش بتمشى على هوانا.
لو فريق كرة القدم اللى بتشجعه خسر إعرف من جواك أنها مجرد لعبة وفوز الفريق الذى تشجعه أو خسارته لن يعود عليك بشئ.
حد خبط عربيتك بدل ما تنزل تتخانق معاه اطلب منه التعويض اللى يناسبك وخلاص لأن الصوت العالى مش هيحل الموضوع… وهكذا فى جميع الأمور.
– رقق كلماتك فيسهل عليك أمرها إذا ماشئت أن تبتلعها فيما بعد. فهناك كلمات كالرصاص قد تتسبب فى جرح لا يلتئم.
– ضع فى اعتبارك دائماً بأنه إذا إستسلمت للغضب فإنك ستنتقم من نفسك لسواك.
ويكفى أن تذكر أنها وصية النبى صلى الله عليه وسلم.
عــن أبـي هـريـرة رضي الله عــنـه أن رجــلاً قـــال للـنـبي : أوصــني.
قال: { لا تغضب } فردد مراراً ، قال: { لا تغضب }. [رواه البخاري:6116
قال النبي (صلى الله عليه وسلم): (ما جرع عبد جرعةً أعظم أجراً من جرعة غيظ كظمها ابتغاء وجه الله).
قال الألباني : صـحـيـح
وقال (صلى الله عليه وسلم): (من أحب السبيل إلى الله عز وجل جرعتان، جرعة غيظ يردها بحلم وجرعة مصيبة يردها بصبر).
قوله صلى الله عليه وسلم « ومن كظم غيظا ، ولو شاء أن يمضيه أمضاه ، ملأ الله قلبه رضا يوم القيامة »
رواه الطبراني 12/453 وهو في صحيح الجامع 176
وقال تعالى : { ينفقون في السراء والضراء والكاظمين الغيظ والعافين عن الناس والله يحب المحسنين }.
وهؤلاء الذين ذكر الله من جميل صفاتهم وأفعالهم ومن أخلاقهم أنهم : { إذا ما غضبوا هم يغفرون } .
وأخيراً إمسك أعصابك قدر المستطاع فبها سيتقرر مدى قوتك فى التحكم بنفسك أو ضعفها.


سؤال جانبى:
ــــــــــــــــــ
* ما الشئ الذى يجعلك تفقد أعصابك؟ .
أو إيه أكتر حاجة بتتضايقك؟ ووقتها بتعمل إيه؟.
* أذكر موقف كظمت فيه غيظك إبتغاء مرضات الله؟

39 Comments »

  1. hamma Said:

    الغضب نار تأتي على الأخضر واليابسلعلني أصنفه الى صنفان :- خفيف بدون صياح و لا هرج : هذا النوع يصيب صاحبه و يتسبب له في آثار سلبية على صحته و يتسبب في الموت البطيءتلمحه في عينيه ظاهرا للعيان و لكن يخيم الهدوء و يميل الى الوحدة.- أما النوع الثاني و أعتقد ما قصدت فهو الأكثر شيوع ..عكس الأول…صاحبه يصعد و يصعد حتى يصل الى درجة هيستيريا و أحيانا تصل الى التحطيم و التلفظ بكلام (….) حدث و لا حرجهذا النوع يجد التشجيع الضمني من خلال ما نرى……فالصمت و الضحك و ما إليه تعطي إنطباع خاطىء لصاحبهو من الغرائب بل من المؤسف ما سمعته يردد حول هذا الأمر بالذات…يقولون: من الأحسن الواحد "يفضفض" أحسن من شيءا آخريضرب إبنه أو زوجته أو يتلفظ بكلام غير لائق و نسميه فضفضة…..يا سلام حالات عديدة و خاصة أثناء شهر الصوملا حول ولا قوة إلا باللهموضوع كبيرا جدا خاصة موضوع العلاقات الزوجية و ما يحدث من كوارث*********ما يثيرني هو الإستبلاه و التمادي فيهلدرجة الظلم .بالنسبة للحالات كثيرة جدا جدا جدالعل أهمها :آخر السنة الدراسية حصلت إبنتي على أحسن درجة و لم يدرج إسمها للحصول على الجائزة…………………..الخ

  2. البيروني Said:

    الغضب هو طبيعة بشرية , و هو خلقة الله فينا و ما خلق الله شيئا الا لحكمة و قد يكون الغضب و سيلة لان يخرج ما بداخله من هم و غيظ بدل أن يتراكم و يؤدي الى اضطرابات نفسية و ما أجمله أن يكون غضبا لله و في سبيل الله لا لهوى أو مصلحة و قد يكون ردعا للظلم الذي لا يفهم غير القوى و بالطبع لا خلاف مع قال الرسول من ضرورة كظم الغضب ( فهو لا ينطق عن الهوى ) و لكل شئ حد ومن تجاوز الحد غرق و هلك جزاكم الله خيرا

  3. سبايدرمان spiderman Said:

    موضوع جميل تسلم ايدك و فعلا انا عصبي جدا و اقل حاجه بتنرفزي و تزهقني جداو ممكن اتعصب على ابسط حاجهبس فعلا مش لاقي حل للموضوع ده ^_^هو يمكين الحاجه الوحيده الى مش بتعصب فيها او بحاول امسك نفسي فيها هــــي السواقه لما باجي اسوق بحاول متنرفزش عشان الحوادث بس ^_^

  4. د/عرفه Said:

    طبعا اهم شىء فى الغضب ان الواحد يمسك نفسه فى اللحظة الاولى وقت المشكلة يعنىبالنسبة ليا شخصياانا ببعد على طول وبروح اى مكان بعيد عن المشكلة ده لو خلاف شخصىاما غير ذلك بحاول اكون مرن قدر الامكان يعنى قميص مش مكوى اشوف غيره حد ازعجنى وانا نايم ولا حد هد كل اللى كنت بعمله طبعا ازعقله الاول وبعد كده بحاول اكون مرن وبتعامل مع الموقف عادىههههههههههبالنسبة لاكتر شىء يعصبنى فعلاانى اتعامب مع واحد شايف نفسه عليا وبيتعامل بغروريااااااااه بموت من الشخص ده

  5. Mr.Hazem Said:

    ما الشئ الذى يجعلك تفقد أعصابك؟و\زيادة المزح .. ووقتها بتعمل إيه؟.*بعصب أذكر موقف كظمت فيه غيظك إبتغاء مرضات الله؟للأسف اعترف انه ولا مرة😦

  6. *الطالبة عفو الله *زوزو Said:

    السلام عليكم حبيبتي موضوع قيم في ميزان حسناتك ان شاء الله اكثر حاجة بضايقني و تنرفزني هي المواعيد مبحبش اني استنى خالص احب المواعيد تكون مضبوطة بتانية و للاسف بتعرض اوي للموقف دة اه بتعصب و اتنرفز بس الي بعملو اننا مش بستنى لاني لو استنيتد حتنرفز اكثر و لما حيوصل الي بستناه ممكن اعاتبه بطريقة تزعله فبيكون اننا اروح احسن تحياتي يا قمر و شكرا على النصائح

  7. المعتصم Said:

    السلام عليكم ورحمة الله وبركاتهاختنا الكريمه موناليزاتحياتىمدونتك الجميلة لهاوحشه كبيرةبقالى زمان مدخلتش هنا….جميلة فعلا النصايح اللى انتِ كاتباها لعلاج حالة الغضب اللى زى مابيقولوا عليه انه اعمى وده عشان الواحد لما بيبقى غضبان مش بيعرف يميز هو بيقول ايه وبيعمل ايهوبعدها يرجع يندم اشد الندمالموضوع جميل وربنا يجازيكى بيه خيراما اجابة الاسئلة الجانبيه فصعبه شويهبس بجد انا بحاول اتدرب على كظم الغضب والغيظولما ببقى متضايق وغضبان ببعد عن الناس شويه لغاية مااهدى وانا والحمد لله بهدى بسرعه خالص اخرها معايا يوم ماتطول نص ساعه وبعدها مافيش اى حاجه حصلتكفايه رغى كده عشان انا صدعتكتقبلى مرورى وتحياتىســــــــــــــــــلام

  8. حلم بيعافر Said:

    الغضب,التعصب,وماشابهأغطية على القوب والضمائر والاعين

  9. Sonnet Said:

    السلام عليكماغضب عندما يكذب علي أحدهمو كظمت غضبي في مواقف عديديةلكن افضل ما افعله هو الوضوءو إن تعذر فإنني اشرب ماءمع تحياتي

  10. إبتسامة ملاك Said:

    موضوع جميل وشيق يا مونى احيكى عليه بجد********************ما الشئ الذى يجعلك تفقد أعصابك؟ عندما أتهم بالظلم والسب بدون فعل أى شىء بجد بنهار اوووووووووووووىأو إيه أكتر حاجة بتتضايقك؟ ووقتها بتعمل إيه؟.* أذكر موقف كظمت فيه غيظك إبتغاء مرضات الله؟أكتر حاجه بتضايقنى الكدب لانى مش بحبه وبثور اووى عندما اعرف ان اى حد بيكدبالموقف دا حصل لصحابتى وكانت هتتطلق بس مافيش داعى لذكر الاسبابتحياتى لحضرتك

  11. Tamer Nabil Said:

    بوست اكثر من رائعتسلمى عليةالغضب وووقت ما يكون الانسان غضبان اذا لم يتحكم فى نفسة ممكن يحصل رد فعل يندم علية الانسان فيما بعدربنا يبعدنا عن الغضبمع خالص تحياتى

  12. Ahmad Said:

    جزاك الله خيرا اخوك احمد

  13. ABOALI Said:

    جميل والله موضوع الغضب دهبيذكرنى بموقف لسه حاصل قبل تعليقى على مدونتك وانا فى طريق رجوعى الى البيتواحد وقف مرة واحدة امامى بسيارتهوانا دايما بحب اجعل مسافة بينى وبين غيرى بس علشان كان الطريق ليه سرعة معينة ضغطت على الفرامل بسرعة حتى لا اصطدم بهالمهم فتحت شباك زجاج السيارة وبقول ليه دى وقفه قال انا مديك اشارة وعلامة انتظارقولت ده مش معناه انك تقف قبل لما تشوف المراية قالى انت بس امسح النضارة ابتسمت وقولت يا انسان انت راكب عربية مش عربية كارو وميصحشقال انا بقى راكب عربية كارو ان كان عجبكقولت كده يبقى صح وتمام وانا اللى بعتذر ليك لانى ماكنتش عارف انها عربية كارووكملت الطريقالموقف التانى بقى فى العيدكنت رايح اصلى المهم بعد الصلاة لم اجد الحذاء قولت يا سبحان الله حتى العيدروحت لعم ضيف ده حارس المسجد قال خد يا ابنى القبقاب ده وبعدين ابقى هاته تانى كنت بقى ايه فى قمة برج غضبى وضيقى قبقابوماشى بيه على الاسفلت ويالها من رنات رقيقة كاءنى على واحدة ونص المهم كان موقف شعرت فيه بالغضب وقمة البسمة وامى بتقول ايه ده يا حسن هما المماليك احتلوا مصر يا كبدى وانا اضحك المهممايثير الغضب فى تلك الايام الكثير والكثيرونتيجة الامية الدينية فى التعامل معه وكمان الامية الانسانية ارتفع معدل السكر والضغط فى بلد مسلم المفروض انه يعرف انه مهما حدث فالرازق موجود والرحيم موجودموضوع مميز احييكى على طرحه لنقلل تلك الامية الدينية ثم نتسلح بالمهارة لنتغلب على من يثير غضبنا من البشر تحياتى

  14. أم .. بوبه Said:

    بصراحة موضوع جميل وكل الحاجات إللى ذكرتيها فى الول فعلا بتخلى الواحد عصبى جداااااااوبصراحة أنا بحس إن أهم شئ فى الحالة دى هو الصمتلأن الكلام وقت الغضب ده ممكن يخرب البيوت ويوقع الناس فى الغلط

  15. Nostor Azzuro Said:

    والله بوست جميل جدا وزى الفل بارك الله فيكى

  16. مرايتى Said:

    قال رسول الله صلى الله عليه وسلم: "إذا غضب أحدكم وهو قائم فليجلس، فإن ذهب عنه الغضب وإلا فليضطجع"جزاكى الله خيرا حبيبتى على هذا الموضوعأنا بغضب احيانا بس الحمد لله بهدى بسرعه وما بنفعلش قوى بس بيضايقنى البرود من حد قدامى واللا مبالاه

  17. Dr Ibrahim Said:

    والله الكلام دا كان على لسان مقال ليا بعنوان "لتكن مانعة صواعق"بس لسه متنشرش الحقيقة هو متجدولوان شاء الله هيبقى فيه رأييى عن موضوع الغضببارك الله فيكم

  18. شمس النهار Said:

    اكترمايغضبنيالكذب الخداعالمراوغه في الحديثالخيانهوالمواقف كتير عايزه بلوجروالحمد لله بستغفر ربي لحد مااهديسلامي

  19. كلمات من نور Said:

    ما الشئ الذى يجعلك تفقد أعصابك؟ .أو إيه أكتر حاجة بتتضايقك؟ ووقتها بتعمل إيه؟.* أذكر موقف كظمت فيه غيظك إبتغاء مرضات الله؟أكتر حاجه بتفقدني أعصابي الأسئلة الكتير ههههههههههههههههههه…باهزر طبعابس اكتر حاجه بتفقدني أعصابي لما الخطأ يصدر من واحد على خلق ودين باحس إن خطأه كبير وباغضب علشان هو قدوة بس على أدج ما أنا سريعة الانفعال على اد ما انا سريعة الهدوء والتفكير في حل متبعة قول الله تعالى(والكاظمين الغيظ والعافين عن الناس والله يحب المحسنين }.تعالي اقعدي عندي وانتي تعرفي :عندي زوج و أربعة من البنين وعندي شغالة تعشق إغضابي وعمل عكس ما أقوله ….تفتكري اغضب والا لا؟ولما تلاقيني كمان بيبي سيتر لولد عمره 7 و بنوته عمرها 4 لغاية دلوقتي صاحيه ومطلعه عيني …علشان أمها و أبوها في فرح …حاكظم غيظي طبعا علشان أنا مش باحضر أفراح وهما قاموا بالذهاب بدلا مني علشان العريس ابن جارتنا الصغير وفي منزلة أخويا الصغير…يلا أديني كظمت غيظي أهو ……….ربي يبارك فيكي يا موناليزتي فعلا الغضب علاجه الوضوء والله فعلا بتكوني زي النار وتلاقي الوضوء بردا وسلاما على قلبك..ربي يوفقك دوما لما يحب ويرضى

  20. لجين أبو الدهب Said:

    موضوع مهم فعلا الغضب خاصة انى بحس ان اكتر الشباب عصبى وماسكين فى حتة اصل انا شخصيتى عصبية واهم حاجة اللى اودامى ما بيستفزنيش ومش بيحاول يغير من نفسه نيجى بقى للاسئلة :- اكتر حاجة بتخلينى افقد اعصابى لما حد يفرض ويجبر عليا امر انا مش عايزه.-اكتر حاجة بتضايقنى برده ان خد يفرض عليا حاجة وبحاول وقتها انى اناقشه ولو موصلتش لحل بحاول انسحب علشان ما اتعصبش اكتر وممكن امسك ورقة اقطعها اطلع فيها الشحنة وخلاص على كده .-موقف كظمت فيه غيظى امممممم مش كذب والله انما انا طبيعتى مش عصبية الحمد لله وبعرف امتص اللى اودامى فالحمد لله المواقف اللى كظمت فيها غيظى كتير يمكن علشان طبيعتى ما بحبش ازعق مبحبش اعتذر كتير وبالتالى ليه اغلط من الاول كده يعينى ..بوست رائع كعادتك حبيبتى ربنا يجعل التذكرة فى ميزان حسناتك وبجد نصائح مفيدة جدا ..دمتِ بخير ..

  21. موناليزا Said:

    هاماــــــــأهلا بيك يافندمالنوع الاول لم أره من قبل:)النوع الثانى صدقت فيه لان ناس كتير تقول على واحد طبيعته عصبية منفرة هو اه عصبى بس طيب!!ازاى ماهو ممكن بعصبيته يجرح او يخسر كل من حوله يقولوا لا ماهو عشان طيب هيروح يصالحهم:)وفعلا فى شهر رمضان نرى عجب العجابوأشكرك جدا لمشاركتكبس اسمحلى أسأل هو حضرتك سكت ولا جبت حقها؟يسعدنا دوام التواصل********************************البيرونىـــــــــأهلا بيك يافندمتعليق حضرتك فكرنى بالرجل الذى كاد ان يقتله أحد الصحابة فقام الرجل الذى عنقه تحت سيفه وبصق على وجهه وهنا تركه الصحابى"أعتقد أنه على بن ابى طالب" فتعجب الرجل وقال له لما تركتنى فقال كنت سأقتلك لله أما الان فسأقتلك لنفسىحقاً أخلاق الصحابة اللذين تعلموا الدين من النبى صلى الله عليه وسلمأشكرك جدا لتعليقكيسعدنا دوام التواصل*********************************سبايدر مانــــــــــــأهلا بيك يادكتورأشكرك جدا لرايك فماتوفيقى الا باللهطب ممكن تجرب النصايح المذكورة فى الموضوع:)بص اول ما تتنرفز اوى افتكر الحديث ده" من كظم غيظاً وهو قادر على أن ينفذه دعاه الله على روؤس الخلائق يوم القيامة حتى يخيره من حور العين ماشاء"عايز ثواب وجايزة على ذوقك الخاص كمان اكتر من كده:)ماتضيعش على نفسك الفرصةوبجد عن تجربةشخصية هتقدراستعين انت بس بالله واهزم شيطانك وتذكر حجم الثوابوبما انك بتمسك اعصابك فى السواقة اللى هى تخلى اى حد هادى يتنرفز فكده يبقى الامل قوى جدا:)أشكرك جدا لمشاركتكيسعدنا دوام التواصل**********************************د/ عرفةـــــــــأهلا بيك يادكتورصح جدا لان لو تركت شرارة الغضب الاولية لاحرقت من حولهاأشكرك جدا لمشاركتكوعجبتنى ردودك:)يسعدنا دوام التواصل*********************************مستر/حازمـــــــــأهلا بيك استاذ حازممتفقة معاك فالشئ اذا زاد عن حده انقلب لضده:) قصدى تصرفك فى التعصب بيكون ازاى يعنى مثلا بتزعق او بتتخانق او بتسيبه وتمشى وما الى ذلك؟طب ايه رأيك لو تعتبر الموضوع ده حافز ليك:)تذكر عظيم ثواب كظم الغيظأشكرك جدا لمشاركتكيسعدنا دوام التواصل**********************************الطالبة عفو اللهــــــــــــــــوعليكم السلام ورحمة الله وبركاتهأختى الحبيبة:اهلا اهلا بالقمرربنا يعزك يارب:) تعرفى انا كمان كدهأشكرك جدا لمشاركتكنورتينى زوزو الجميلة واسعدنى تواجدك*********************************المعتصمــــــــوعليكم السلام ورحمة الله وبركاتهأهلا اهلا بالعريس بعد طول غياب:) وده المفروض ناخد تعويض عليه بس هنعديها المرة دى عريس بقى ووراه مصاريف كتير:)…ربنا يكرمك أشكرك جدا لرايكليه بقى الاجابة صعبة؟من حق الشعب يعرف ياريس:)بس ازاى نص ساعة بس! امال صعيدى ازاى:)يافندم زيارتك تسعدنا دائما ومفيهاش رغى على فكرة:)***********************************حلم بيعافرـــــــــأهلا وسهلافعلاعندك حقأشكرك جدا لتعليقكيسعدنا دوام التواصل********************************سونيتــــــــوعليكم السلام ورحمة الله وبركاتهأختى الحبيبة:اهلا اهلا بالقمرأحييكِ على اجابتك واشكرك على مشاركتكنورتينى حبيبتى واسعدنى تواجدكملحوظة: مش عارفة اعلق عندك كل ما ادخل مدونتك يطلعلى صفحات كتير والجهاز يهنج!!********************************ابتسامة ملاكــــــــــــــأختى الحبيبة:اهلا اهلا بالقمرأشكرك جدا لرايك فماتوفيقى الا باللهياااه الظلم! اسألينى أنا عليه فيه بينا عشرة طويلة وقوية دلؤتى:)طب بلاش تقولى الاسباب بس مين اللى كذب على التانى الزوج ولا الزوجة؟أشكرك جدا لمشاركتكنورتينى انوسة الجميلة واسعدنى تواجدكبحبك فى الله*********************************

  22. موناليزا Said:

    تامر نبيلــــــــــــأهلا بيك أستاذ تامرأشكرك جدا لرايك فماتوفيقى الا باللهعندك حقتسلم على تعليقكيسعدنا دوام التواصل**********************************أحمدـــــأهلا بيك أستاذ احمدربنا يكرمك ويتقبل دعائك ولك بالمثلأشكرك جدا لتعليقكيسعدنا دوام التواصل***********************************ابوعلىـــــــأهلا اهلا بصاحب التعليقات المميزة:) عجبنى ردك عليهفكرنى بموقف لسه حاصل قدامى النهاردة كنت انا وبابا فى السوبرماركت ولقينا ست عجوزة خالص ساحبة السلة المتحركة اللى بنضع فيها الحاجة وماشية بسرعة جدا وخبطت بابا لدرجة ان ميدالية المفاتيح بتاعته وقعت ومع ذلك لقيتها بتقوله وهى بتضحك كده ياحاج مش تحاسب:)ابويا طبعا ماردش وحسيت وقتها بجد انه كظم غيظهموقفك التانى بقى بجد ضحكنى وتعليق والدتك عليه:)أشكرك جدا لتعليقك ولمشاركتكيسعدنا دوام التواصل*********************************أم بوبةـــــــأختى الحبيبة:اهلا اهلا بالقمرأشكرك جدا لرايك فماتوفيقى الا باللهده حقيقى فساعة الغضب بيقال احسن كلام يتندم عليه فيما بعدنورتينى حبيبتى واسعدنى تواجدك*********************************نوستور ازورــــــــــــــأهلا بيك يافندمربنا يكرمكأشكرك جدا لرايك فماتوفيقى الا باللهيسعدنا دوام التواصل********************************مرايتىــــــــأختى الحبيبة:اهلا اهلا بالقمرصدق رسول الله صلى الله عليه وسلمربنا يكرمك واشكرك جدا لمشاركتكنورتينى ياجميلة واسعدنى تواجدك********************************د/ ابراهيمــــــــــأهلا بيك يادكتورونحن فى انتظارهربنا يكرمك واشكرك جدا لتعليقكيسعدنا دوام التواصل*********************************شمس النهارـــــــــــأختى الحبيبة:اهلا اهلا بالقمرأشكرك جدا لمشاركتكنورتينى شموسة الجميلة واسعدنى تواجدك*********************************كلمات من نورــــــــــــــأختى الحبيبة:اهلا اهلا بالغاليةوحشتييييييييينى بجدههههههه عسل وربنا:)ياااه ومين سمعك انا كمان كده:) ياحبيبتى كان الله فى عونك بجدربنا يعزك يارب ومايحرمنيش من تواجدكنورتينى غاليتى وفى انتظارك دائما***********************************لجين ابو الدهبـــــــــــــأختى الحبيبة:اهلا اهلا بالقمرحدثى ولا حرج فى عصبية الشباب وخصوصا فى الشارع!عجبنى تفكيرك وفعلا لو كل واحد عرف عاقبة ما سيفعل اكيد هيتوخى الحذرربنا يبارك فيكِأشكرك جدا لمشاركتكنورتينى لوجى الجميلة واسعدنى تواجدك

  23. حصان المرجيحة Said:

    اللهم ارزقنا الصبر علي النعمة و المصيبةبس كان في ملاحظة : انا مش عارف درجة حديث (انما الصبر بالتصبر)ياريت تبحثي و تقوليليجزاكي الله خيرا علي الموضوع

  24. سبايدرمان spiderman Said:

    و الله هحاول بس انا عارف ان مفيش امل و لا فايده نهائياالحاجه الوحديه الى مش بعرف اغيرها خالص ^_^دعواتكم بقي كلكم ليا^_^

  25. أحمد شريف Said:

    السلام عليكم تدوينة متميزة وعن أسئلتك أجاوب : لست سريع الغضب .. وإن غضبت أستطيع أن أتمالك غيظيهناك مواقف بالطبع تعصبت فيها لكن لا أتذكرها فهي أكيد كثيرة وهناك مواقف تجعل الإنسان مفلوق وهيطق وهذا يحدث يومياً لكن رد فعلي دائماً هادىء والحمد لله قليلة هي المرات التي أنفعل فيها فقط تذكرت موقف من قريب جعلني مستفز بشدة وكان عند زيارتي لمدونة لفتاة .. أخذت برأي إمام أفتى بعدم أصل الحجاب وأخذت تلقي بوابل من الشتائم للوهابية وتقول عن كل عالم يقول بأن الحجاب فريضة رغم أن هذا ثابت بإجماع العلماء في مشارق الأرض ومغاربها إلا أنها استمرت في حديثها وسبها وقذفها لكل عالم يقول هذا وتنعته بالجهل والتخلفوالغريب أنها تقول وتدعي أنها مثال للحوار والرأي والرأي الآخر وأنها تجيد الحوار مع من يختلف معها حتى أني علقت على وضعها صورة غير لائقة للرئيس مبارك وقلت لها اختلفي معه وعليه كما تريدي ولكن لا يليق أن تصوريه بهذا الشكل غير اللائق . فكان ردها صادم بالنسبة لي لكن فضلت عدم الرد عليها لأني وجدت ردوداً غير لائقة ممن حاولوا التحاور معها ففضلت عدم التعاطي مع أسلوبها هذا آخر ما عصبني بشدة بالمناسبة

  26. أمل حمدي Said:

    أمة الله الرائعةجزاك الله كل الخير وأثابك ونفع بكاللهم أمين* ما الشئ الذى يجعلك تفقد أعصابك؟ .الصوت العاليأو إيه أكتر حاجة بتتضايقك؟ ووقتها بتعمل إيه؟.بحاول استعيذ بالله من الشيطان واترك المكان* أذكر موقف كظمت فيه غيظك إبتغاء مرضات الله؟كتييير والحمد لله وأكترهم عند مناقشة زوجي في أمر ولا نتفق وأصمت واستعيذ باللهشكرا لك غاليتيدمت بحفظ الله

  27. تأثير الفراشة Said:

    بجد موضوع جميل جدا و حيوى جدااااا ، ربنا يكرمك عليه جزاك الله خيرا يا موناليزا

  28. موناليزا Said:

    حصان المرجيحةـــــــــــــأهلا بيك يافندمأشكرك جدا لهذه الملاحظة فبعد البحث اتضح لى انه حديث ضعيفوسبحان الله فقد تعلمته من شيوخ كبارربنا يكرمك واللهم لا تؤاخذنا ان نسينا او أخطأنايسعدنا دوام التواصل*********************************سبايدرمانـــــــــــأهلا بعودتك يادكتوربدل هتحاول يبقى بإذن الله هتقدر:)إيه الجملة السلبية دى!!أكلمك بقى زى بتوع التنمية البشرية:)بص ياسيدى لازم تدخل لنفسك رسايل ايجابية طول الوقت مثل "هقدر, هنجح, هوصل… وما الى ذلك لان ده له عامل كبير جدا فى إتمام ماتريد فعلهجرب أنت بس وافتكر حجم الثواب اللى هتحصل عليه يوم القيامةتخيل ان النبى معاك فى الموقف ده وشوف هتتصرف امامه ازاىربنا يعينك على نفسك ويرزقك حلاوة الايمان اللهم امينأشكرك جدا لمتابعتك ويسعدنا دوام التواصل**********************************أحمد شريفــــــــــوعليكم السلام ورحمة الله وبركاتهأهلا بيك أستاذ أحمدأشكرك جدا لرايك فماتوفيقى الا باللهخير مافعلت فالتجاهل مع هذه الطائفة أحسن تصرفأشكرك جدا لمشاركتكيسعدنا دوام التواصل*********************************أمل حمدىـــــــــأختى الحبيبة:اهلا اهلا بالقمرالله يكرمك يارب ويبارك فيكِ ويرزقك بكل الخير* وانا كمان كده:)لا اطيق الصوت العالىربنا يعزك ويهديكِ دايما لطاعته اللهم اميننورتينى ياجميلة واسعدنى تواجدك********************************تأثير الفراشةـــــــــــــأختى الحبيبة:اهلا اهلا بالقمرأشكرك جدا لرايك فماتوفيقى الا باللهربنا يعزك يارب ويتقبل دعائك ولك بالمثل اللهم اميننورتينى ياجميلة واسعدنى تواجدك

  29. بسنت Said:

    الحياه وضغوطها بتفرض علينا الاشتعال مش مجرد الغضب بس فعلا زى ما قالتى عن الحبيب عليه الصلاه والسلامكل حاجه ممكن نتعود عليها وكظم الغيظ والهدوء نفس الشئ وان الشخص يبقى حليم عايزه تحكم هائل فى الارادهاصبحت اكتر هدوءا ودا فعلا بالتدريب انى افكر فى شئ تانى وساعات ببتسم فى عز الانفعال يعنى الواحد ممكن يسيطر على كل شئ من داخله يتكلم براحته بس فى نفسهربنا يكرمك ان شاء اللهدمتى بخير دايما

  30. rovy Said:

    صباح الفل حبيبتى ..ربنا يكفينا شر الغضب يارب ..موضوع هايل تسلم ايديك يارب انا بأعتبر الانسان القوى هو من يمسك نفسه عند الغضب و بأشعر بتفاهة من يعلو صوته على أتفه الاسباب .. اللهم اهدينا جميعا و أجعلنا ممن تحب و ترضى يا ارحم الراحمين ..و الله يا مونى اللى يعصب فى الزمن ده كثير و خصوصا تعامل الناس اللى افتقد روح التسامح و الاخلاق ربنا يعينا يارب تحياتى و مودتى

  31. (المهاجر الى الله) Said:

    السلام عليكم ورحمة الله وبركاته:يعنى انتى مش ناوية تبطلى تميز وتدى فرصة للناشئين اللى زى حالاتى .حقيقى فعلا لديك القدرة على ادارة حوار بشكل جيد ، ربنا يعزك يارب ويكتر من امثالك .الغضب ، ده بالنسبالى قصة حياة ، انا بطبعى هادى جدا بس للاسف ، لما باغضب بيكون شكلى وحش قوى ، بس الحمد لله ربنا بيقطع من هنا ويوصل من هنا ، يعنى من ناحية باتميز بقوة تحمل بيحسدنى عليها اللى حواليا ، ومن ناحية انى بافكر كويس ومش بادى فرصة لاعصابى انها تنفلت ابدا برغم انى ممكن اكون باغلى من جوايا ، ومن ناحية تالتة فعلا بامرن نفسى من زمااان قوى على ضبط النفس ، بس حقيقى فعلا الخصلة الوحشة دى مش عايزة تسيبنى فيه مواقف اعصابى فيها بتفتح (سبرنت) ممكن تبقى اسرع من الصوت والضوء كمان ، ايا كان مين اللى قدامى ، مش باشغل بالى ، واقربها موقف حصللى يوم الخميس اللى فات ، فى ايتاى البارودى من غير ذكر تفاصيل ، انا لقيت نفسى طايح فى الكل وصوتى كان رايح من ايتاى البارودى لحد اسكندرية شمالا والقاهرة جنوبا واماى رجل شديد سواد الملبس شديد ضخامة الجسم شديد احمرار العين لا يبدو على وجهة اثر السفر ولا يعرفه احد منا وكان معاه خمسة او ستة زيه كدة ( يظهر كانوا اخواته )كلهم بقدرة قادر سابوا اللى فى ايديهم واتجموعوا حواليا ، وانا ولا انا هنا خالص ، اصلا مش شايف قدامى واعصابى وانا عارفها مستحيل هتهدا ، لولا انى عملت اتصال لجهة معينة كان اعصابى دى هتودينى فى داهية .عموما مادام حضرتك فتحتى النقاش احب اضيف بعد اذنك اننا لازم نفرق بين الهدوء المثمر عن تفكير خلاق للموقف ، وبين البرود اللى ممكن يتسبب فى كارثة ، فيه مواقف لا يصلح فيها التعامل ببرود الذى لا يكون عكسه الغضب ، فالثورة التى فيها تحكم بالاعصاب لاتكون غضبا على الاطلاق ، انما الغضب المقصود فى الحديث الشريف هو الحالة التى يكون الانسان فيها فاقدا لاعصابه بحيث يدخل فى حكم المجنون ،والحقيقة ان الكلام فى النقطة دى يطول ، لكن اختم بضرورة تفهم ان هناك من الناس لا ينصلح حالهم الا اذا عاملناهم بشىء من التعنيف ( المقنن) وقد علمنا الرسول هذا الدرس بشكل عملى فى موقفين او اكثر . تحياتى ،

  32. ليس فقيرا من يحب Said:

    السلام عليكم ازيك يا مونى يا حبيبتى يارب تكونى بخير الغضب شيطان ممكن يدفع البنى ادم انه يعمل ابشع الافعال وكم من اناس ضيعت حجات كتير فى لحظه غضب الاجابه على الاسئله مش عارفه انا الحمدلله صبورة مع ان سعات لما حد يغيظنى قوى اتعصب شويه بس بهدى بسرعه جدا لما باغضب باسكت ولسانى بيتلجم او بامشى اروح اى حته تانيهبوست جميل ربنا يسعد قلبك

  33. موناليزا Said:

    بسنتــــــــأختى الحبيبة:اهلا اهلا بالقمرفعلا كل حاجة بالتعود:) أحييكِ جدا على تحكمك فى أعصابكربنا يعزكنورتينى ياجميلة واسعدنى تواجدك********************************روفىـــــــأختى الحبيبة:أهلا اهلا بالقمريسعد صباحك ياقلبى:)تعرفى ان دى وسيلة سهلة جدا عشان نقدر نحكم بها على من نتعامل معاهمصح فالاسباب التى تؤدى الى الغضب اصبحت كثيييرة جدا ولكن من هنا تكمن المنافسة:)أشكرك جدا لرايك ولمشاركتكنورتينى غاليتى واسعدنى تواجدك*********************************المهاجر الى اللهـــــــــــــــوعليكم السلام ورحمة الله وبركاتهأهلا بيك أستاذ طارق:)إطراء مميز جدا أشكرك عليه الحمدلله ربنا يكرمك يارب فماتوفيقى الا باللهوحضرتك تخطيت مرحلة الناشئين دى من فترة واستطعت أن تثبت تميزك أيضاًفلك منى الاحترام والتقدير على ماتقدمه فى مدونتك الهادفةبقى بعد الثلاث نواحى المذكورين ولسه فيه جزء يغضب بس واضح ان الغضب فى الحالة دى بيكون يستاهل!! ياخبر إيه الوصف المرعب دهوبعدين ليه ده كله وكنت فين ومين دول اصلا؟مع احترامى لوجهة نظرك ازاى يبقى فيه ثورة من غير غضب؟يعنى مثلا كلنا متفقين على ضرورة الغضب اذا ماانتهكت محارم اللهلكن فى غير كده متهيألى ممكن نكتفى بلفت النظر بطريقة صارمة أو ما إلى ذلك دون ان نحدث ثورةمش حضرتك تقصد كده برضه ؟أشكرك جدا لمشاركتكيسعدنا دوام التواصل**********************************ليس فقيرا من يحبــــــــــــــــوعليكم السلام ورحمة الله وبركاتهأختى الحبيبة:اهلا اهلا بالقمرأنا الحمدلله بخير ماتحرمش من سؤالك ياحبيبتىللاسف ده حقيقى أشكرك جدا لرايك ولمشاركتكنورتينى ياجيلة واسعدنى تواجدك

  34. القدر و انا Said:

    مونىالسلام عليكمورحمة الله وبركاته وحشانى جداحقيقى بوست جميل ونصائح اجملالغضب الثائرشيطان مسلط على النفسوقد تعلمت ان الكلمة التى تخرج من الفم لن تعود اليه مرة اخرىفليت كل امرئ يفكر جيدا قبل ان تنطلق القذائف من فمه حيث لا يفيد الندم بعدها على ما تفوه بهتحياتى

  35. طهر فؤادك Said:

    السلام عليكم ورحمة الله وبركاتة ربنا يكرمك يارب والمسلمين …. موضوع جميل وفعلا بيقابلنا حالات كتيرة الى تخلى الواحد يطلع عن شعورة بس اهم حاجة فى الموضوع دة "الاستغفار " دائما وبأذن الله تمر المواق دى بسلام وكمان زى ماذكرتى فى موضوعك الجميل دعاء الغضب "اعوذ بالله من الشيطان الرجيم " …. اما عن اسئلتك الجانبية مفيش حاجة على بالى بس ان شاء الله خير وكل الى بيجيبة ربنا خير الحمد الله وربنا يتقبل منك ومن اولامسلمين صالح الاعمال اللهم امين ويبعد عنا الغضب اللهم امين .

  36. أميرة الأحلام Said:

    موضوع رائع ..احييكى عليه وقد ايه نصايح مهمه ربنا يوفقنا جميعا للعمل بهاوالامتثال بكلام رسولنا الكريم الذي امرنا بكظم الغضب سلمت يداكى وجزاكى الله خير الجزاء

  37. موناليزا Said:

    القدر واناــــــــــــــوعليكم السلام ورحمة الله وبركاتهأختى الحبيبة:اهلا اهلا بالقمرربنا يعزك يارب فماتوفيقى الا باللهأشكرك جدا لرايك ولتعليقكنورتينى ياجميلة واسعدنى تواجدك********************************طهر فؤادكـــــــــوعليكم السلام ورحمة الله وبركاتهأهلا بيك يافندمأشكرك جدا لرايك فماتوفيقى الا باللهربنا يعزك ويتقبل دعائك اللهم امينيسعدنا دوام التواصل**********************************أميرة الاحلامـــــــــــــأختى الحبيبة:اهلا بيكِ فى زيارتك الاولىربنا يكرمك واشكرك جدا لرايك ولتعليقكنورتى مدونتى وارجو دوام التواصل

  38. نسيبه Said:

    السلام عليكم ورحمة الله وبركاتهالنهارده كنت بأتدرب علي كظم الغيظ ونجحت بنسبه كبيرة إلي أن جاء ضيوف وكنت لسه منظفه الشقه وكظمت غيظي في أشياء حدثت وكنت سعيده جدا

  39. نسيبةــــــوعليكم السلام ورحمة الله وبركاتهأهلا اهلا بالقمربرااااافو:)شطورة ياقلبىايوة كده وبالممارسة هتتعودى على كظم الغيظنورتينى حبيبتى واسعدنى تواجدك


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: