النقطة السوداء

بيسألونى ليه مش قادرة أسامحك.
بيلومونى أنى مش عارفة أنسى وكأن النسيان يعتمد على ضغطة زر بداخلى لا أريد فعلها.
أصلهم مايعرفوش أنت عملت فيا إيه.
مايعرفوش أنى كنت نايمة فى حضنك وأنت طلبت منى أن أحضر لك سكين ولأنى مكنتش عايزة أبعد عنك ولو للحظات التى سأتى لك فيها بالسكين ظهر على ملامحى الضيق ولكن سرعان ما نهضت لأحضر لك مطلبك حتى لا تغضب وتتهمنى بأنى دائمة العصيان وحينما أحضرته إليك قفزت سريعاً إلى مكانى المفضل بأن أضع رأسى على صدرك وأنتظر سريعاً أن تحيطنى بذراعيك وحينها وجدتك تغرس السكين فى ظهرى.
مايعرفوش إن أنا اللى كنت بجدف من أول ما مركبتنا نزلت البحر وأنت كنت واخد دور المتفرج وحينما أصبحنا فى عرض البحر خارت قواى وتوقفت عن التجديف لكى أستريح قليلاً ومن ثم أستطيع المواصلة ولكنى تفاجئت بك ترمينى من على ظهر المركب بلا إكتراث وكأن مهمتى بالنسبة لك أنتهت.
مايعرفوش أن بسببك رسبت المتفوقة التى تعشق النجاح بعد إجتهادها وبذل أقصى ما فى وسعها لكى تحقق هدفها.
ما يعرفوش أنك وضعت اسمى فى لعبة تعلم جيداً أنى أجيدها ولذلك تعمدت أن تسد علىَّ جميع الطرق فلا أجد كلمة النهاية التى تحدد درجة مكسبى أو خسارتى ولكن أجد بعد وصولى للمرحلة قبل النهائية بأن اللعبة تتوقف تماماً.
وضاع وقتى هباءاً. بالإضافة لخيبة أملى على جهدى المبذول.
ما يعرفوش إنى دخلت تحدى عشانك ووضعت فيه كل ما أملك فثقتى فيك كانت بلا حدود. وأنت كعادتك تتعامل مع الأشياء الخاصة بى بلا مبالاة حتى خسرت كل ما أمتلك بالإضافة لخسارتى المعنوية أمام الجميع وخيبة أملى فيك.
ما يعرفوش إن بنتى ماتت نتيجة أنانيتك واستهتارك.
مايعرفوش أنى للأسف أصبحت كفأر التجارب الذى يخشى الجميع تقليده حتى لا يصبحوا مثله.
ما يعرفوش إن فيه طفلة ظلت تحوش ثمن فستان العيد إلا أن أختارته بعناية وأشترته ووضعته فى الدولاب منتظرة قدوم العيد وتفاجأت بسرقته قبل العيد بيوم واحد مع إن أنت الوحيد اللى كان معاك مفتاح الدولاب. ماهى ملقتش غيرك تستأمنه على حاجة غالية عليها.
مايعرفوش أن بسببك تم رفدى من وظيفتى بعد ما عملت على إهانتى أمام الموظفين ومن ثم لم يكن لدى خيار إلا أن أقدم إستقالتى التى تم رفضها ثم تم الرفد بعدها مباشرة لكى تكمل على ما تبقى منى.
مايعرفوش إنك أقمت علىَّ الحد من أجل جريمة لا أعلم حتى ما هى ولم تعطينى حتى فرصة لكى أدافع عن نفسى أو حتى أعلم نوع نظرتك ليا من خلال تحديد نوع الجريمة.
مايعرفوش أنى لغاية دلؤتى لسه عايشة فى دوامة بسببك ونفسى أخرج منها سالمة.
مايعروفوش إنك إتسببت فى دخولى فى غيبوبة كنت فيها بين الحياة والموت لمدة تقترب من عام كامل لا أدرى منها سوى أنى كنت نايمة
مايعرفوش إنك إشتركت مع أهلك فى تخديرى ثم علقتونى بين السما والأرض لأصبح فُرجة للى يسوى واللى مايسواش ولما حبيتوا تغيروا المنظر ولمزيد من إثارة الجمهور قطعت الحبل ووقعت أنا على جدور رقبتى ولإثارة أكتر وأكتر جردتونى من ملابسى ثم رقصتوا على أشلائى. فبالله عليكم كيف لجثة ممزقة أن تسامح!!.
ما يعرفوش إنى بسببك كرهت طيبتى. وفقدت الثقة فى الغالبية.
لن ألومك على أى شئ فعتاب الندل إجتنابه. ولن ألوم نفسى فقدت طبقت شرع الله فى كل شئ ومش ندمانة على أى حاجة حلوة عملتها ليك. لأنى ماكنتش بتعامل معاك أنت. أنا كنت بتعامل مع اللى خلقك. وهو اللى هيجيبلى حقى منك.
ووقتها لن يفيد ندمك لأنك كنت تعلم جيداً مع من تتعامل.
النقطة السودا اللى فى حياتى أنى مش عارفة أسامح.
عذراً يا رسول الله مش قادرة أسامح.
الحمدلله على كل حال وقدر الله وماشاء فعل ولا حول ولاقوة إلا بالله العلى العظيم.
اللهم أرزقنى قدرة العفو عند المقدرة.

36 Comments »

  1. عاشقه الرومانسيه Said:

    يااااااااااااهصعب قوى الاحساس اللى فى البوست دهمؤلم جداربنا يخفف عنكويرزقك قدره العفو

  2. ستيته حسب الله الحمش Said:

    صلي على الحبيب النبي أولاكان ياما كان في سالف العصر والآوانآه ها أحكي لك حدوتة علشان انا عارفة كتابة البوست ده عاملة ايه في نفسيتك من جوا جواالمهم صليتي على الحبيب خير خلق الله كلهم؟كان فيه بنت شبه الأميراتحالمة وجميلة وبريئة براءة عجيبةبراءتها كانت بتخلي الخلق يتريقوا عليها ويشبعوها سخرية دايمااصلنا مش في زمن طيبة وبراءةالبنت اتجوزت كده زي صاحبة القصة بكل التحدي وبكل الثقة وبكل الإقدامجابت طبق فضة وحطت عليه قلبها وعمرها وقدمته لزوجوفوق الطبق جابت له البنات والبنين وكمان حتى الوظيفة ربنا يسرها له بفضل الله ثم بفضلهاراحت الأيام وجات الأيام بس الديب السحلاوي🙂 كان مخبي ديله ومش راضي يلعب بيهوهووووووووووووووووببدأت الدنيا تريه خيرها وفلوس ومركز وبيت وزوجة بتدوب فيه وعجبته نفسهآه شاف نفسه كتير عليها وراح لغيرهاسيبك من حواشي القصةالست دي فضلت تعيط 6 سنين كاملات على الغدر والطعنة النجلاءسيبك من الحواشيبعد سنوات وعقود جلست لأستمع للخلاصة منهاقالت يابنتي انا كنت بعيط ليه؟كنت غضبانة منه ليه؟ده نصاب ويستحق السجن ويمكن يكون دخلهده كان ها يفسد أبنائيدول في احسن حال من غيرهده معاصيه كانت عبيء كبير علي وعمري ما كنت ها اقرب من ربنا خطوة لو الراجل ده لسه هناسيبك من الحواشيالراجل ده النهاردة ربنا وراها فيه ثأرها بكل معنى الكلمةوجبر خاطرها بكل معنى الكلمةتصدقي انها مش فرحانة فيهتصدقي انها حتى مش مهتمة تعرف شيء عنهتصدقي انها ما شاء الله في فضل عظيم من ربنا ولما بقعد معاها بتعجب من ثباتها في العبادة وبتعلم منها ديني تصدقي انها مقربتش فعلا إلا لما عرفت إنه ولا يستاهل تسامح ولا حقد ولا غضب ولا ذرة تفكيراقسم بالله اني صدقتك في كل حرف من الحدوتة الملتوتة ديمش ها تلاقي موناالا لما يكون هو والهواء سواءلا يضر نفسيتك قربهولا يشدك الحنين حين بعدهولا تفتكري خيرهوتحتسبي على الله حسابه على غدرهمش ها تلاقي مونا الا لما يخرج من كل حتة فيكيوساعتها مش ها تفتكري تسامحيه ولا تقتصي منهلما تشوفيه ها تلاقيه هواااااااااااااءوالهوا افيد منهبحبك

  3. د/عرفه Said:

    الكلام اللى فى التدوينة صعب جداوصعب على اى واحد يستحملهانا هقولك حاجةعن نفسى مش بحب أخنق نفسى ومش بحب برضه ان فيه حاجة تخنقنىعندما يصعب استحمال شىء ما تركه افضل شىء وبتركه بتستقيم الامورلكن ان الواحد يخنق نفسه ويضايقها قبل وبعدوانه يحمل شىء واحد حاجاااات كتير اوىورغم تركه لسه برضه بيحمله حاجات تانيةده اللى مش مظبوطمش عارف دى وجهة نظرىوياريت متتخنقيش منى انا كمانهههههههههههه

  4. أليس في بلاد العجائب Said:

    اللهم أرزقنى قدرة العفو عند المقدرة.نعمة العفو يختص الله بها من يشاء من عباده لانها مشتقة من اسم من اسمائه سبحانه وتعاليانتي دعوتي الله بصفة شاملة كبيرة و ساعات بتبقي فوق طاقة الانسان اللي مخلوق علشان هو يغلط ويتوب فيتقبله الخالق ويعفو عنه ويمسح كل غلطاته ومعاصيه بعفوه وجوده وكرمهلو كنتي طلبتي التسامح كنت قلتلك هتقدري ولو غصبتي علي نفسك او اوهمتي نفسك ان قادرة تسامحي فهتسامحيبس العفو!! بيتهيألي مراحل كتيرة لازم تمري بيها علشان تعرفي توصليلهتفتكري ربنا مكانش مقدر لكي تشوفي كل اللي محدش يعرفه غيرك ولا داق مرارته غيرك؟؟انتي عارفة انه كان قضاء الله وقدره عليكي تشوفي اللي شوفتيه و تدوقي المرارة دي كلها لحكمة هو سبحانه بس اللي يعلمهايمكن اخدتي نصيبك من وحاشة الدنيا علشان اللي جاي كله يكون حلو و طيبيمكن اجتباكي الله علشان يجعلك من عباده المبتلين في الدنيا ليرفع درجتكيمكن لان صوتك حلو وربنا بيحبك وعايز يسمعه دايما بيناجيه ويطلب عونه وعفوه هو علشان تعرفي تعيشي و تجاهدي نفسك للوصول لعفوك عن مخلوق زيكيمكن لان الدنيا دي فعلا مش محل لطيبة بدل ما تبقي محمودة اصبحت ملعونة علشان بتجر علينا كل وحش .. بس ارجع واقولك اكيد كان في حاجة غلط .. رسالة ولا اشارة ماخدناش بالنا منها .. والاكيد انه مقدر ومكتوب والاكيد ان ربنا بيحبك والا مكنتيش ترفعي ايدك وتقولي يارب في وقت شدتك .. نجني من القوم الظالمين ياربكل باب في كل عمارة في كل شارع في كل مدينة مقفول علي اللي مقفول عليه .. زي حكايتك في الاسوء والاقل سوء واللي ميتحكيش اصلا .. في الابتلاء اللي قدر الاحتمال وانتي ادها وربنا يعلم بعلمه سبحانه وتعالي انك ادها والضربة اللي متموتش تقوي وانتي لازم هتقوي منها علشان مفيش بديل عن كدهكل اللي راح مكانش نصيبك يجي ويفضل .. وما عند الله خير وابقي .. وبشر الصابرينقولي إنا لله وإنا اليه راجعون واعلمي ان المسامحه والعفو كفيل الزمن و طيبة قلبك انهم يجيبوهم بس كل شيء بأوان بس انتي خليكي مع الله دايما و دايما هتكوني الكسبانةوزمان قلتلك لولا النقطة الغامقة مكنتيش قلتي الحمد لله علي كل البياض دا ولا كنتي عرفتي قيمتهالدنيا زي ما شفتي فيها الكويس كان لازم يجي يوم وتشوفي الوحش وفي غيرك بيشوف الاوحش منه فقولي الحمد لله علي كل قضائه وادعي الله ان يرزقك الرضا بعد القضاء لان الاكيد ان في خير وراء قضاء الله عليكي متزعليش علي حاجة راحت منك لانها لو مكتوبالك تفضل كانت فضلت ولو هي خير كانت دامت بس طالما راحت يبقي اتاكدي بس ان الباب اتقفل كويس واعلمي ان الله لما حرم علي نفسه الظلم جعله ظلمات يوم القيامة ويكفيكي قوله سبحانه ووعده بنصرة المظلوم :)والله هيجيلك حقك لحد عندك وتفتكري اليوم اللي رفعتي فيه ايدك لربنا وطلبتي حقك منه و هتفتكري تقولي ساعتها الحمد لله السميع المجيب مجير المظلوم وجابر المكسورربنا يجبر بخاطرك ويعوضك خيرا ويرزقك الرضا بقضائه ويعفو عنا وعن المسلمين جميعاكان نفسي اطبطب عليكي واقولك متزعليش ربنا بيحبك اكيد ان شاء الله🙂

  5. Sonnet Said:

    أمة اللهأحيانا يجب أن تكون في حياتنا نقطة سوداء…. و لا غبار علينا إذا لم نسامح في بعد المواقفمع تحياتي

  6. ماما أمولة Said:

    فرج الله كربك اللهم أمين

  7. الشجرة الأم Said:

    السلام عليكم ورحمة الله وبركاته ..وحشتيني أوي يا حبيبتي موناليزا أخبارك إيه إن شاء الله بخير وكل سنة وانت طيبة .. أنا فرحانه إني أول تعليق وسبقت في الخير ..وبالنسبة للنقطة السوداء فنحن نعلم أن في كل إنسان مضغة في القلب وهي تحفز على عدم التسامح والتعسف على الغير .. ورغم صغرها إلا أن تأثيرها قد يقوى وقد يضعف حسب قوة الإيمان ..وأنا أيضا كانت هذه المضغة تحمل نقاط سوداء لآخرين .. ولكني اكتفيت بقولي (حسبنا الله ونعم الوكيل) وبعدها هدأت نفسي وارتحت وللله الحمد.تقلبي مرروي

  8. هكذا علمنى سيدنا محمد( صلى الله عليه وسلم) Said:

    السلام عليكم ورحمة الله وبركاتهحياكى الله وبياكى أختى الكريمةاسأل الله العظيم أن يجيرك فى مصيبتك ويخلف عليكى خيرا منها وينصرك نصرا عزيزا إن شاء الله تعالى.الحياة لا تتوقف عند فقدان أحد أختى الكريمة ، ولتعملى أختى الكريمة أنكى لن تجدى أحن عليكى من الله عز وجل فإسعتينى بالله على ما أنتى فيه فهو خير الناصرين.دمتى فى معية الله

  9. hamma Said:

    السلام عليك و رحمة الله و بركاتهجلاد و قاضي في نفس الوقتحرية بدون حدود ثقة عمياء إذا كان يجيد التمثيل على الركح فالجمهور ليس نائما و سيطالب بمقابل يستحق تضحياته

  10. حصان المرجيحة Said:

    هو الموضوع شكله كبيييرو شكله اكبر من اللي انتي بتحكيهربنا يصبرك و افتكري دايما:ان لم يكن بك غضب علي فلا ابالي

  11. حصان المرجيحة Said:

    انا ضفت مدونتك في المدونات الصديقةو ده طبعا بعد اذنكبس لو تحبي اشيلها من عندي دي اكيد حاجة ترجعلكبالتوفيق

  12. سفيرة المحبه Said:

    اختي الحياة لا تتوقف على شخص او انسان الحياة مستمره رغم ما نعيشه ما عليك الا الصبر و حاولي تقفي ثاني و تواجهينه لانك كذا بتبقي ضعيفه واي شي راح يأثر عليك ولي باعك مره بيعيه عشره ^^تقبلي مروري أختي (f)

  13. ABOALI Said:

    موناليزاكلنا نمر بتجارب نتجرع فيها مرارة وتتذوق انفسنا انكسارات وعندما نرى ذلك الكيان امام الاعيننستدعى من داخلنا ذلك الشريط من جديدفيداهمنا ذلك الشعور الدفين الذى نراه فينا كاءنه نقش على حجر محفوظ داخل الوجدان يشبه الوحشولكى نبقى على ذلك القلب المجروح ولا نجعله يدمى طوال الوقت كلما جاءت نسائم الذكرياتيجب ان ننظر انها حياه لابد وان نتفاعل فيهاوفى تلك اللحظات يجب ان نجدد ذلك القلب من جديدة ونعيد اعمارهوكلنا داخل نفسه يعرف سرها وكيف يعيد تجديد نفسه وقلبه ولكن لا تجعل الجرح مثل كرة الثلجتكون فى اعلى الجبل صغيرة وكلما هوت ثقلت وارتفعت واصبحت اكثر قوة انا على يقين ان شاء الله انك ستكونى فى افضل حالا

  14. Dr Ibrahim Said:

    لكل مظلوم حق سيسترده فى وقت من الاوقات آجلاً أم عاجلاً..وربنا يعوض علي حضرتك فى كل اللى حصل..

  15. salwa Said:

    السلام عليكم اخت موناليزاحبيبتي بالله خير ان شاء الله؟؟؟؟؟؟؟؟؟و الله لا تستاهلي الا كل خيرو لا يلقاها الا الصابرونكوني مع الله و لا تبالاعرف جيداانك باذن الله قادرة على اجتياز كل الصعابسلام

  16. Sometimes Said:

    يارب اللهم اميناللهم اجرها فى مصيبتها واخلفها خيرا منهاان شاء الله خيريارب تكونى بخير يا موناليزا

  17. salma mohamed Said:

    ما تستسلميش يا موني للمشاعر المسيطرة عليكِ,وتيأسي وتقنعي نفسك بانك مش هتعرفي تسامحي وتنسي,جاهدي نفسك على طول في ازاحتها عنكِ,وان شاء الله بالمجاهدة هتقدري تسامحي,طبعا انتِ المستفيدة من تخلصك من مشاعرك السلبية تجاهه,أولا بحصول الراحة النفسية والاستقرار النفسي والسلام مع روحك والامان الداخلي,وثانيا بحصولك على أجر عظيم جدا في الآخرة بعفوك وصفحك,واظن اننا في عرض حسنة واحدة,تذكري «ومن عفا وأصلح فأجره على الله»فهل افضل من اجر منه سبحانه؟!!وتذكري «والكاظمين الغيظ والعافين عن الناس والله يحب المحسنين»,خلي دايما الآيات والأحاديث وقصص السيرة اللي بتتكلم عن العفو والأجر في ذهنك,انتي أولى بالأجر ده,وأظن مهما كانت الاساءة اللي حصلت في حقك مش هتكون زي الاساءة اللي حصلت في حق فاطمة بنت رسول الله صلى الله عليه وسلم حين اتهمت في شرفها وهي من هي,اشرف نساء الارض,وقد عفى الرسول عمن اشاع تلك الكذبه,ولم يكن ابو بكر قادرا على العفو لكن حين ذكره الرسول بالاجر,سارع الى العفو بل فاق مرحلة العفو الى مرحلة الاحسان الى من اساء اليه باعطاؤه الصدقة مابقي له من عمر,وادعي ربنا دايما ان يعينك للوصول لتلك الدرجة الرفيعة من الخلق,فالوصول لدرجة العفو والاحسان هبة من الله وليست كرما من انفسنا,ولن تكون الا بعون من الله فاسأليه دائما ان يصلك اليها والا يحرمك اجرها.

  18. اقصوصه Said:

    happy new year

  19. (Joudy) Said:

    يااااااااااااااااااه يا مونى دى بجد حاجة صعبه وفعلا لو جبل مش هيقدر يتحمل ربنا يقويكى ويصبرك ويجيك خيرا فى مصائبك ربنا يريح بالك ويسعدك يارب

  20. أم أحمد المصرية Said:

    حبيبتي موناليزا ارجو من الله ان تكون تلك التدوينة مجرد عمل فني من موهوبة استطاعت اقناعنا بما فيه من فرط موهبتها و الا يكون مشاعر حقيقية لأنها لو كانت كذلك فهي مؤلمة للغاية وقاك الله حبيبتي شر الالم

  21. sookra Said:

    موش هاقول اكتر م اللى الدكتوره ستيته ربنا يفك كربك يارب ويارب يارب يقويها وتسامح يارب يقويها يارب اد ايه صعب الطعنات والجروح من حد وثقتى فيه كل الثقهكل سنه وانتى اقوى واقدر على السماح والمغفره

  22. موناليزا Said:

    عاشقة الرومانسيةـــــــــــــــــأشكرك جدا لمشاركتك******************************ستيتة حسب الله الحمشـــــــــــــــــــــألف صلى على الحبيبصلى الله على محمد صلى الله عليه وسلمتعرفى يا سوتيتة أنى عمرى مازعلت عليهيوم ما زعلت كان على نفسىحتى لما بنتى ماتت قلت الحمدلله لأنه فعلا ماينفعش يكون أب لولادىوأحلى حاجة عملها معايا بجد انه ماسابليش ذكرى حلوة واحدة بس أفتكره بيها وعشان كده قلتلك انى عمرى مازعلت عليه هووكأنه ماكفهوش كل اللى عمله وحب قبل مايمشى يدخلنى فى دوامة وسابنى فيها لوحدى وهربنفسى اطلع منها على خيرادعيلىماتحرمش منك ابدا ياحبيبتى ولا من تواجدك فى حياتى***********************************د/ عرفةـــــــاوقات كتير الموضوع مابيبقاش فى ايدك انك تتحكم فيه لانه بيكون فى ايد ناس تانيةلا تقلق مش هتخنق منك ولا من غيرك لان الوحيد اللى اتخنقت منه بجد بطء القضاء المصرى وحتى ده كمان خلاص اتعودت عليهيعنى انا عديت مرحلة الخنقة دى من زمان:)**********************************أليس فى بلاد العجائبــــــــــــــــــبعد كل كلامك الجميل ده وماطبطبتيش عليا!!ده انتِ طبطبتى عليا وحضنتينى ومسحتى دموعى كمان:)بجد ربنا يسعد قلبك ويجازيكى عنى كل خيربحبك اوى يا اليس وماتحرمش من وجودك فى حياتى********************************سونيتــــــأشكرك جدا لمشاركتك*******************************ماما امولةــــــــــيااااارب.. ماتحرمش منك ياحبيبتى**********************************الشجرة الامــــــــــوعليكم السلام ورحمة الله وبركاتهتسلميلى ياحبيبتى من كل شر"حسبنا الله ونعم الوكيل"ما اجملها من كلمةأشكرك جدا لمشاركتك*********************************هكذا علمنى سيدنا محمد صلى الله عليه وسلمــــــــــــــــــــــــــــوعليكم السلام ورحمة الله وبركاتهربنا يعزك يارب ويتقبل دعائك اللهم امين:) هو انا ليا غيره أصلاً ألجأ إليه وأنا كلى ثقة ويقين أنه مش هيخذلنىأشكرك جدا لمشاركتك*********************************هاماـــــــوعليكم السلام ورحمة الله وبركاتهولو انى مش فاهمة اوى ما المقصود بتعليقكمبس اشكرك لمشاركتك***********************************حصان المرجيحةـــــــــــــهو فعلا فيه حاجات ماينفعش أقولها او حتى أفكر نفسى بيها==يافندم ده شئ يسعدنى طبعا*********************************سفيرة المحبةـــــــــالموضوع باختصار مالوش علاقة بالشخص ولكن له علاقة بحياتى اللى دمرها قبل مايسيبها وأنا دورى أن أحاول تصليح ماكسره واسترداد ما سرقهأشكرك جدا لمشاركتك**********************************ابو علىـــــــأشكرك جدا لمشاركتكجزاكم الله عنى كل خير********************************د/ ابراهيمـــــــــــربنا يكرمك ياربأشكرك جدا لمشاركتك*********************************سلوىـــــــوعليكم السلام ورحمة الله وبركاتهربنا يعزك ياربهو انا ليا غير ربنا أصلاً!لا اله الا انت سبحانك انى كنت من الظالمينأشكرك جدا لمشاركتك**********************************ساعات ساعاتـــــــــــــربنا يعزك ياحبيبتى ويتقبل دعائكما تقلقيش عليا انا الحمدلله بخيرتسلميلى ياقلبى*********************************سلمى محمدـــــــــتعرفى يا سلمى ان لغاية دلؤتى لسه مااستسلمتش رغم مرور السنين:)"تصحيح بس.. قصدك السيدة عائشة"الحمدلله وقدر الله وماشاء فعلعندك حق طبعاأشكرك جدا لمشاركتك**********************************أقصوصةـــــــميرسى*****************************جودىــــــربنا يعزك ياحبيبتى ماتحرمش منكأشكرك جدا لمشاركتك***********************************أم أحمد المصريةـــــــــــــ:) عمل فنى!!طب ياريت كان كده فعلالكن للأسف ده واقع تعيشه كاتبة التدوينة*******************************سكرةــــــربنا يعزك ياحبيبتىواشكرك جدا لمشاركتك

  23. كلمات من نور Said:

    فين السؤال؟؟؟؟؟؟لازم تسألي ياموناليزتي الحبيبة سؤالك علشان أحس إني في مدونتك …صدقيني يا قمر كتير منا قلوبهم مطعونة من أقرب الناس ليهم …بس مهما قلت لك وحكيت انتي لسه في منطقة البين بين …بين الجرح والشفاء منه… يعني يارب يارب قريب جداالاقيكي بتتكلمي مع واحدة متألمة وبتحكي عن انك شفيتي من الجرح شفاء تاما..

  24. Mr.Hazem Said:

    احساسك بالألم واضحكلماتك مؤلمةشعورك واحساسك مختلف عن العادةبتمنياتي لكِ بالتوفيق والسعادةربي يحميكي كل عام وانتي بخيرواعتذر لعدم مروري الأيام الماضية بسبب وعكه صحية

  25. أم مالك Said:

    موناليزا الحبيبةتاثرت كثير عند قراءة تدوينتكوواضح مابين سطورها ماعنيتاسال الله العظيم ان يثبتك والا يحملكمالاطاقة لكى بهوباذن الله تخرج من حياتك كل ذكرى سيئة وينصرك ربنا ويبدلك خير منهوتتبدل كل احزانك لافراح

  26. spiderman ( المدونه الإسلاميه ) Said:

    لا حاولي تسامحي او تنسي و تغفريمهما حصل ومهما حدثلا يبقي في الدنيا غير المسامحهو ليس في الدنيا ما يستحق ان لا نسامح عليهسامحي و احتسبي ذلك عند الله

  27. أليس في بلاد العجائب Said:

    الله يهونها عليكي يارب ويجعلها في ميزان حسناتك ويجبر بخاطرك ربنا دنيا واخرةفرجه قريب ان شاء الله ..وعسي ان تكرهوا شيئا ويجعل الله فيه خيرا كثيرا.. قولي يارب واكثري من الاستغفار لعل الله يجعلك به مخرجا من كل ضيق ويشرح صدرك ويزيح همك ياريتي اقدر اساعدك باي حاجة بس محيلتيش الا اني ادعيلك ربنا يكرمك ويجبر كسرك ويقصم الظالمين وانا كمان بحبك وبجد اذا احتجتي اي حاجة اقدر اعملهالك في اي وقت متفكريش وقوليلي علي طول🙂

  28. P A S H A Said:

    كل سنة وأنت طيبة.

  29. آخر العنقود Said:

    ياااااااااااااااااااااااسأل الله العظيم أن يفرج همك وكربك وأن ييسر لك الخير وينصرك على من ظلمكأنا من زمان وانا بحس من تدويناتك بحاجة زى دى بس مش عارفة كنت كل مرة اقول يارب مش تكون تقصد اللى فهمته يارب يكون فعلا عمل فني من روعة كتاباتكبجد ياموناليزا اتوجعت قوى قوىاتوجعت من كتر الغدر اللى بقى موجوداتوجعت من عدم الاحساس واللامبالاة فى مشاعر الناسعدم التقدير اللى كتر بين الناسحاجات كتير بجديارب يارب يارب يهون عليكي ويخفف عنك فعلى قدر اهل العزائم تأتي العزائمفعلينا ان نوقن بان كل انسان منا لم يضعه الله الا في وضع يعلم انه لهوباذن الله ربنا اعلم بيكي وبحالك من اقرب لناس ليكى وهوه وحده سبحانه اللى هيرفع عنك هذا العناء فهوه من قدره لكى وهوه اعلم بما يدوايه …….احيانا تكون الابتلاءات هي الشئ الضروري لحياتنا لو قدر الله لنا عبور الحياة دون ابتلاءات وصعاب لتسبب لنا ذلك بالاعاقة وما كنا اقوياء كما يمكننا ان نكونبوست يوجع وطلعت عمل فني لكن من قسوة الواقع لكن بردواوبشر الصابرينولايغلب العسر بين يسريينربنا يفرج عنى وعنك وعن جميع المسلمين يارب حبيبتى

  30. موناليزا Said:

    كلمات من نورــــــــــــــ:) سؤال؟فى الموقف ده!!اوكى مش هزعلك سؤال وحصرياً لكِ فقطعلى مدار حياتك أذكرى شخص قلتى زمان إنك مش هتسامحيه ولكن دلؤتى بجد من قلبك سامحتيه وبتدعيله كمان؟أنا ماليش دعوة أنتِ اللى طلبتى:)وأنتِ عارفة إنك بالذات غالية عندى ومقدرش أرفض ليكِ طلب:)يارب ياحبيبتى يسمع منك ربناإتوصي فى الدعاء ليا بقى:)ماتحرمش من تواجدك فى حياتىوتسلميلى يارب من كل شر**********************************مستر/ حازمـــــــــــلا بأس طهور إن شاء اللهأشكرك جدا لمشاركتك*******************************أم مالكــــــــربنا يسعدك يارب ويطمنا عليكِ ويتقبل دعائك اللهم امينتسلميلى يارب من كل شرماتحرمش منك ابدا**********************************المدونة الاسلامية سبايدر مانــــــــــــــــــــــــفى الوقت الحالى صعب جدا يادكتورمقدرش اسامح طول ما انا ضعيفةدعواتك**********************************اليس فى بلاد العجائبـــــــــــــــــــكلامك ليا دلؤتى يعتبر اجمل وأحن حضن:)يكفينى دعائك ليا ومشاعرك الجميلة دىسعيدة بجد ان ليا اخت فى الله زيكماتحرمش منك ابدا وربنا يفرح قلبك ويسعدك اللهم امين**********************************باشاـــــــوانت طيب******************************اخر العنقودــــــــــــسلامتك من اى وجع ياحبيبتى:) شوفتى اهو البوست ده يعتبر توضيح للكثيراتأشكرك بجد على تعليقك الجميل ومشاركتك الاجملوماتحرمش منك ابدا ياحبيبتى

  31. لجين أبو الدهب Said:

    موناليزا ,,مش عارفة اقولك ايه ياحبيبتى والله بوستك واجعنى اوى يمكن علشان بحبك اوى والله ..يمكن علشان بجد اللى بتتكلمى عليه ده منتهى الانانية بس انا مش هاقولك غير حاجة واحدة بجد الحمد لله ان ربنا خلصك من كل ده ..الحمد لله حتى لو لسه فى اثار منه بس الحمد لله انكلسه مش عايشة فيه ربنا يبدلك بالخير وكل الخير فى حياتك يارب ..وموضوع المسامحة ده انا معاكى جدا فيه طبعا لانى اتعرضت لموقثف شبيه قبل كده مطالبة منى المسامحة وانا منجوايا مكنتش قادرة فعلا مش قادرة ربنا يعينك ياحبيبتى ..ويبدلك كل سوء فى حياتك مر بخير وفير قادم على فكرة بحبك جدا واكيد انتى عارفة🙂

  32. موناليزا Said:

    لجين ابو الدهبــــــــــــــسلامتك من اى وجع ياحبيبتىالحمدلله فعلا ان ربنا خلصنى منه بس لسه فيه حاجات تانية كتير حصلت بسببه ودى اللى انا عايشة فيها دلؤتى نفسى بقى تخلصربنا يسعدك يارب:) القلوب عند بعضها بجد لانى بحبك جدا فى اللهتسلميلى يارب من كل شر

  33. نور الدين Said:

    قرأت كثيرا لديك ايتها الأخت الكريمة تجولت فى المدونة من اولها لآخرها رغم أنى بالاساس كنت دخلت لأنشر مقالاً لى فحملنى القدر إلى مدونتك الذاخرة وبعد قراءة الموضوع الأول (قابلينى على الشات) ظللت اتجول حتى وقعت على هذا الموضوع : لن أقول القاسى لكن النازف(النقطة السوداء)أليم جدا كل سطر وكل كلمة سواء أكان واقعا ً من وحى خيالك لكنه ترك أثرا عصيبا بنفسى ما اصعب الظلم حينما يأتى ممن نرتجى مودتهم وما اقبحه حين يأتى ممن أحسنا إليهم وما اشد ضربات الألم حين ندرك اننا كنا مجرد مرحلة بالنسبة لمن كانوا لنا الحياة ذاتها بديعة كلماتك مرهقة مقالتك لا احسبنى سأنشر مقالى الآن بعد تلك الجرعة الصعبة التى ارتشفتها بهذه السطور…ايتها الاخت الكريمة حفظك الله طاهرة الروح والقلب والجسدلله درك واعتذر جدا عن الإطالة

  34. موناليزا Said:

    نور الدينـــــــــــأهلا بيك يافندم بعد طول غيابأعتذرعما سببته كلماتى لكم من ألم نفسى ولذلك اجعل عزائكم بأنك لست صاحب هذه الكلماتوأشكرك جدا لرايك فيما اكتبوكده انا اللى هزعل بجد لان كلماتى ستؤجل مقال يخطه قلمكمأشكرك لتعليقكيسعدنا دوام التواصل

  35. لولا وزهراء Said:

    اختي الجميلة امة الله اشكر لك كلماتك التي وادعتيها صفحتك فوضعت داخل قلوبنا من كثرة واقعيتها وانفرطت من عيوننا الدموع من كثرة حزننا اللهم عوض عليك خيراً كما عوضت على ام سلمة خيراً

  36. موناليزا Said:

    لولا وزهراءــــــــــــأختى الحبيبة:اهلا اهلا بالقمرربنا يعزك يارب ويبارك فيكِ على تعليقك الجميل ودعائك الاجملنورتينى حبيبتى واسعدنى تواجدك


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: