نظرة على الأحداث

شاهدنا جميعاً طوال الفترة الماضية وعلى مدار هذا العام أحداث عدة. تدعوا للتساؤل والدهشة وعلى جميع الأصعدة.

وسنبدأ بالصعيد العالمى:

إلى الآن ورغم مرور عدة أشهر على حصول الرئيس الأمريكى “باراك أوباما” على جائزة نوبل للسلام.

لا أعلم حقاً السبب فى حصوله عليها.وبرجاء لمن يعلم أن يخبرنى.

* الحكم بالمؤبد على قاتل الدكتورة المصرية” مروة الشربينى”. مع العلم بأن الجريمة تمت فى المحكمة وأمام القضاه ورجال الأمن ومن كان فى القاعة أيضاً غيرهم وهذا يعنى توفر الشهود ونية القاتل فى قتلها مع سبق الإصرار والترصد نتيجة حمله سلاح أبيض داخل المحكمة.
وهذا القاتل الروسى لم يبدي ندمه أو إعتذاره لما حدث. ولم يفكر حتى أن يعرض دية لأهل المجنى عليها. بالإضافة لعدم ظهور صورته أثناء الحكم وعدم وجود صورته عموما بطريقة واضحة للجميع.

ومايثير تعجبى هنا أنه بالمقابل

صدور حكم بالإعدام على رجل الأعمال المصرى “هشام طلعت مصطفى” لتحريضه على قتل المغنية اللبنانية “سوزان تميم”.

مع عدم تواجده فى مكان الحادث وبالتالى لا يوجد معه سلاح أعطاه للقاتل مباشرة مثلاً ولا يوجد شهود عيان رأوه وسمعوه وهو يحرض على قتلها.بالإضافة إلى عدم إعترافه شخصياً بهذه الجريمة المنسوبة إليه.

وبغض النظر عن ملابسات القضية إلا أن القانون المصرى صدر عليه الحكم بالإعدام مما جعل أهله يعرضون على أهل القتيلة دية لا تقل عن مليار جنية.مقابل التنازل عن حقهم وتخفيف العقوبة لا يصلح في القضاء المصري، وقالوا إنه يمكن تطبيق ذلك في حالة واحدة فقط وهي نقل القضية إلى محاكم الإمارات التي تقر هذا النظام.

إذن لماذا لم تتم المحاكمة فى البلد التى شهدت الجريمة مثلما حدث مع قاتل مروة الشربينى.

تعجبى هنا من أن هاتين الجريمتين العامل المشترك بينهما هو القتل العمد ولكن شتان بين أسباب كلا الجريمتين وأيضاً حكم القصاص.


*طوال شهر رمضان ظهر علينا إعلانات عن تجديد السكك الحديد وضرورة مساعدة المواطنين لهذه الهيئة عن طريق الحرص على دفع ثمن التذكرة وعدم إتلاف الكراسى أو كسر الشبابيك وما إلى ذلك.
لنفاجأ بحادثة قطار العياط والتى لم يكن سببها أى من هذه الأشياء التى ورد ذكرها فى الإعلانات.
وتذكرت وقت ظهور هذه الإعلانات تعليق أخى الصغير”هما عايزين الناس تمسك فى بعض“.
وتعجبى من هذا الإعلان معنى هذا أنه لايوجد شخص مسئول عما يحدث داخل عربات القطار يعنى لو واحد عاكس واحدة مثلا أو لو حرامى سرق اللى جنبه أو لو واحد نهى التانى عن اتلافه لكرسى مثلاً وكان رد فعل التالف أنه ضربه وتعدى عليه وما إلى ذلك من حوادث متوقعة لن يجد أحد يلجأ إليه المجنى عليه؟؟؟؟.


*هجوم الجمهور الجزائرى على الجمهور المصرى فى السودان!!!.
ليس هذا فقط بل تكسير الأتوبيسات وترويع الآمنين وضرب وإهانة للمصريين.


أتعجب لما حدث حقاً فقد فاز المنتخب الجزائرى على المنتخب المصرى وهذا أهله للصعود لمباريات كأس العالم فلماذا كل هذا العنف تجاه المشجعيين المصريين المسالمين.

وهل هذه مباراة كروية أم حرب أهلية بين البلدين.

وهل هذا أصبح الشعار الجديد لمشجعين كرة القدم بأن يدخلوا الإستاد بالسلاح الأبيض!!!.

وسؤالى هنا هل لو كان الوضع معكوس والجمهور المصرى هو من فعل هذا بالجمهور الجزائرى هل كان الوضع سيكون مماثل من تجاهل ولا مبالاة من قبل جميع البلدان. هل كنا سنجد الصمت أيضاً هو أبلغ رد أم كان العالم بأجمعه إتهمونا بالإرهاب.

وسؤال خاص لمصر:ليه أى واحد مصرى يعمل حاجة غلط سواء فى بلده أو فى أى بلد تانية وسواء ثبتت عليه التهمة أو لم تثبت يتعرض لأقصى عقوبة ولو أى واحد تانى يحمل أى جنسية أخرى يجد الرأفة والتبرير؟.

سؤال للجزائر: لصالح مَن ما فعلتوه؟؟؟.

وهل كل هذا حقاً بسبب ماتش كرة أنتم الفائزون فيها!!!.

وأقول للجيع أحذروا الفتنة التى قد تصيب الجميع فنحن مهما حدث دولتين عربيتين ولن نسمح لأعدائنا بالنيل منا.


*قانون الضرائب الجديد. لا أفهمه حقاً.

لماذايتم دفع ضرايب على منزل تمليك يعيش فيه صاحبه ولا يعود عليه بأى دخل مادى سوى أنه يمنعه من دفع إيجار لو سكن فى مكان غيره. ما هو ذنبه إذا كانت مساحة المنزل كبيرة أو فى مكان راقى!!.

حضر إلى ذهنى سؤال لإحدى المشايخ من سيدة عندها مبلغ معين واضعاه فى البنك ويأتى إليها بعائد كل شهر ومنه تستطيع أن تصرف على أولادها وكانت تسأل عن الزكاة وكيف تخرجها.. والعائد أصلاً يادوب يكفيها.

فأجابها قائلا: بأن الله لم يجعل للفرد من دينين فى رقبته بمعنى أنه لو فاض معاها حاجة وماطلعتش زكاة يبقى حرام عليها لكن لو يادوب على قدها يبقى خلاص سقطت عنها الزكاة.

وهذا فى فرض الله الركن الثالث من أركان الإسلام والذى يأتى قبل صوم رمضان.

فما بالكم بفلوس الشعب الغلبان يدفعها والله وحده يعلم أين تذهب .


تعجبى هنا كيف سيتم تطبيق هذا القانون على الوزراء وأصحاب رؤوس الأموال المرتفعة مع العلم بامتلاكهم أكثر من عقار فى أكثر من منطقة راقية وسياحية وغالبية هذه العقارات مغلقة فى أغلب الأوقات.

وهل حقاً هذا القانون سيتم تطبيقه على الجميع من أصحاب السلطة والنفوذ؟؟؟؟.

*إضافة قيمة نظافة الشوارع على فاتورة الكهرباء. والتهديد بقطع الكهرباء على من لا يدفع رسوم النظافة.

إجبار يعنى.

مش فاهمة بجد هى مش النظافة تابعة لوزارة البيئة ولا أنا بيتهيألى؟.
طيب إيه اللى جاب وزارة البيئة لوزارة الكهرباء؟.
وحتى لو هنمشيها كده عادى بتحسبوها ازاى؟؟.
يعنى الواحد ممكن يرشد إستهلاكه فى الكهربا لما يشوف العداد لكن لو عايز يرشد استهلاكه فى النظافة يعمل إيه؟
وبيتم إضافتها على أى أساس يعنى اللى بيرمى القمامة بتاعته فى الصفيحة الكبيرة الموجودة فى الشارع هيبقى زى اللى بيرميها فى عرض الطريق؟.
أمال لو الكهربا مش بتقطع خالص زى بقية الدول العربية كانوا خدوا مننا كام!!!.
ولا لو كانت ثابتة مش شوية ضعيفة وشوية مظبوطة مما يؤدى إلى ضرر العديد من الأجهزة الكهربائية.
على فكرة أثناء كتابتى لهذا الموضوع تم قطع التيار الكهربائى مما أدى إلى تشتيت إنتباهى وقطع حبل أفكارى ولذلك أطالب بالتعويض إزاء هذا الإهمال.


هذه الصورة مثال حى لشوارع كثيرة وعلى مختلف المحافظات.
يعنى الشوارع بتاعتنا زى ماهى بل زادت سوءاً.


*نص تعديل قانون المرور الجديد بضرورة تواجد شنطة إسعافات أولية ومثلث عاكس بكل سيارة.

أتعجب من كمية المبلغ المدفوع فى شنط الإسعافات الأولية نظراً لجهل الغالبية باستخدامها بالإضافة إلا أنه حتى لو حد شاف حادثة وأراد المساعدة ممكن جداً يحرك المصاب بطريقة خاطئة ويتسبب فى مضاعفة ما به.
ما بدل كل هذا كان يتم بناء وحدات إسعاف على الطرق مجهزة..على الأقل المصابين فى أى حادث يجدوا من ينقذوهم حقاً والدكاترة الكتير اللى اتخرجوا من فترة وماشتغلوش يلاقولهم شغلانة تناسب مؤهلهم العلمى .
ولا هى مصاريف وخلاص. ويا الدفع يا الحبس.

*منع من يزيد عمره عن 65 عاماَ للذهاب للأراضى المقدسة.

أتعجب من حرمان شخص مسن ظل يحلم بهذا اليوم الذى سيذهب فيه إلى أداء ماسك الحج أو العمرة ولم يكن معه مال أو ليس عنده ظروف تسمح.وأتسائل ماذا ستفرق سن 65 من سن 64 وإذا كان اللى بيطلع على المعاش بيشعر بالإحباط فما بالكم بمن يمنع من السفر لإقامة شعائر الله.

وما كل هذا الرعب من فيروس أنفلونزا منتشر على مستوى العالم أجمع ولكن لا يتعاملون معه بهذه الصورة المرعبة.

لماذا يتم غلق المدارس؟؟
إشمعنى المدارس بالذات يعنى. عشان فيها أطفال طيب ماهو كل مكان فيه أطفال.. المستشفيات الحكومة مليانة أطفال كتير وفى عنبر واحد كمان.
طيب وماذا عن طابور العيش وطابور تخليص ورق معين مش ده برضه زحمة ومكان مناسب لانتشار الفيروس
وماذا عن الإستاد ودور المسارح والسينيمات وقاعات الأفراح وسرادقات المآتم والسجون.
وماذا عن تكدس وسائل المواصلات بعدد أكتر مماهو مسموح به.
أليس كل هذه الأماكن وغيرها مليئة بالتكدس ومكان خصب لانتشار الفيروس.

*حظر بناء المآذن فى سويسرا.

ده على إعتبار إيه يعنى؟؟؟؟
وليه أصلا يتم إستفتاء عندهم بكده؟؟.
وهى المآذن عاملالهم مشكلة فى إيه؟؟.


*إرتفاع أسعار الوقود وندرة وجود بنزين80.
أتعجب من تصديرنا للغاز بثمن قليل وإحنا مش لاقيينه!!


*إنتشار سرقة كابلات التليفون وقطع الحرارة ودخول الخطوط مع بعض.
وهذا ما يميز المحمول.
عمرك ماهتتعرض لحاجة زى كده ده غير أنك عارف تمن المكالمة وتمن الرسالة ومن غير كمان رسوم اشتراك أو أدفع الأول وبعدين إشتكي.

بعد كتابتى لهذا الموضوع شاهدت بضع مشاهد من فيلم ” وا إسلاماه”.
المشهد الأول: شجرة الدر محدثة الأمير أقطاى: الشعب عمره ما هيختارك. الشعب بيكرهك .. أنت أتسببت فى جهله وفقره وفرضت ضرايب كتيرة عليهم.
المشهد الثانى: الأمير عز الدين يقول لمملوكه محمود: إحنا لازم نحاربهم.
فأجابه قائلاً: هنحارب مين يا مولاى هنحارب بعض!!.
حقاً التاريخ بيعيد نفسه!.
*************
سؤال جانبى
* أذكر أغرب خبر سمعته هذا العام؟.
* أذكر أجمل أو أطرف خبر سمعته هذا العام؟.
*********************
على الهامش
ــــــــــــــــــ
نتقدم بخالص التعزية لأختنا سلوى صاحبة مدونة طوق الحرية ومدونة تأملات قلب لوفاة والدتها.
سائلين المولى أن يتغمد الفقيدة الرحمة ويرزق أهلها الصبر والسلوان.

50 Comments »

  1. ملاك يعيش بكوكب أخر Said:

    السلام عليكمازيك يا مونليزايارب تكونى بخير اقرء وارجع تانى

  2. ملاك يعيش بكوكب أخر Said:

    البقاء لله لاختنا سلوى فى وفاة والدتهاوربنا يجعلها اخر الاحزان يارب وجميل منك زكرك لاصحابك ومسانتدك لهم

  3. ملاك يعيش بكوكب أخر Said:

    اهلا موناليزا ذكرتى الاحداث بشكل جيد واجمال موفق ولكنها معظمها مخيب للأمل أذكر أغرب خبر سمعته هذا العام؟والله كل الابيحصل غريب لكن ان الرئيس ما؟ يبعت طائرات ما؟ بسجناء ما؟ الى بلد ما؟ فى تذاكر لاتزيد عن عشرة ايام هنا العجب انفلونزا الخنازير انهاردا قفلوا المدارس بكره انفلونزا الديدان يجففوا حوض البحر الابيض المتوسط أذكر أجمل أو أطرف خبر سمعته هذا العام؟.هى جمله اول مره تروى العطش لن اذكر قائلها؟انا بردو بنفعل بس ساكتزى الا ذكرتيه عن شجرة الدرتحياتى موناليزا

  4. سجود Said:

    اولا:اتمني اكون التعليق الاول لان انا مش شايفه انا الاول ولا لاثانيا:مش عارفه ازود كلام ايهليه احنا كمصريين مع ان مصر اتذكرت في القران وده يدل انها عظيمه مش لينا احترام في وسط العالمده ياتري بسبب اننا اساسا شعب مش ليه كرامه فعلا والمفروض ان الناس مش تحترمنا فعلا ولا لان اللي ماسكين البلد هما اللي خلوها كدهالواحد مش لاقيه كلام يقولهبالنسبه لاغرب خبركل الاحداث اللي بشوفهاحادث القطر والصراع بتاع مصر والجزائراجمل خبر وكتيررررربالنسبه للسؤال التاني مش لاقيه اطرف خبربس اجمل خبر ان اختي تزوجتواعزي اختنا سلوي واقول لها انا لله وانا اليه راجعون والبقاء لله

  5. موناليزا Said:

    ملاك يعيش بكوكب الارضـــــــــــــــــــوعليكم السلام ورحمة الله وبركاتهاختى الحبيبة:اهلا اهلا بالقمرانا الحمدلله بخير ماتحرمش من سؤالكسعيكم مشكورياحبيبتى وياريت لو تروحى لها مدونتها أكيد هى محتاجة لنا كلنا دلؤتىكلك ذوقأشكرك جدا لرايك ولمشاركتكنورتينى انوسة الجميلة واسعدنى تواجدك********************************سجودـــــــأختى الحبيبة:اهلا اهلا بالقمرأولا : مهما كان رقم تعليقكم فتعليقك يسعدنى دائما:)مبسوطة انك شاركتينا خبر زواج اختك:)عقبالكنورتينى حبيبتى واسعدنى تواجدك

  6. كلمات من نور Said:

    سؤال جانبى* أذكر أغرب خبر سمعته هذا العام؟.* أذكر أجمل أو أطرف خبر سمعته هذا العام؟.*بما إن 2009 لسه مخلصش يبقى أكيد أكيد حاسمع إن موناليزا وشلة المدونيين والمدونات اللي حواليها في جوانتنامووو مش طرة ولا ابو زعبل..* أجمل و أطرف خبر سمعته النهارده مجلس الشعب استنكر حظر بناء المآذن في سويسرا .صباح الخيييييييييييير كانوا فين دول نايمين والا بيعيدوا؟* خبر كمان برضه قريته : موظفين بنك دولي معروف في مصر هربوا من البنك غايبيين عنه ومعاهم المدير اللي بياخد مرتب اعلى من رئيس الوزراء؟عارفين ليه؟؟؟؟؟؟؟؟؟؟؟؟؟علشان جه قرار مفاجيءبعمل تحاليل تشوف نسبة الحشيش في دماؤهم أو بولهم …يا حلاوة يا ولاد ..حشيش؟؟؟؟؟؟؟؟؟؟؟حشيش فايده فيكموأهم ما في الأحداث يا موناليزتي أيضا أنني بالرغم من كل هذا عشمي في ربـــــــــــنــــــــــا كبير يصلح حالنا ويغير ما بأنفسنا قبل أن يغيرنا.

  7. فشكووول Said:

    السلام عليكم موناليزا هانمتحياتىقلمك جال بخواطر متعدده حتى اننى بعد ان قرأتها اوشكت على نسيانها من كثرة تفرعها.اولا موضوع مروه الشربينى وموضوع هشام طلعت مصطفى . الاول : هى شهيده عن روحها وعمرها ودينها والله سبحانه وتعالى سيعوضها خيرا والحكم الى حد كبير مرضى وكنا نخاف ان يكون اقل من هذا .. اما هشام طلعت مصطفى فان الله يسلط الظالمين بعضهم على بعض .. ربما لم يكن يستحق هذا العقاب القاسى ولكن الله يقتص من الظالمين لمظالم ارتكبوها ولم تنكشف لنابالنسبه للجزائر : يا هانم ما تزعليش من الجزائريين لانهم يعرفون عننا كل شيئ ويعرفون اننا مهانون فى بلادنا فليس هناك مانع من ان يهينونا هم ايضا.الضرائب بقى : يعنى اصل خساره فينا ناكل عيش حاف ولازم ندفع ضرائب عشان ما ناكلش خالص .. هو احنا مش ضرورى ناكل ولا نشرب وكفايه علينا الضرائب مصلحتنا كلنا. والله ما انا فاكر ايه كمان لكن على كل حالتفتكرى يا هانم هى دى بلد تستحق منا كل هذا الاهتمامهذه بلد تظلم اهلها واللى شاف بره وشاف الشعوب التانيه عايشه ازاى يكره هذه البلد ولا يحبها ابدا ..زمان كان فيه واحد باشا وعمره ما كان حيكون باشا اللى فى مصر وعشان كدا كان بيقول لو لم اكن مصريا لوددت ان اكون مصريا .. تفتكرى لو ما كانش باشا كان حيقول كدا مع ان كل البلاد حلوه ويمكن احلى واجمل واعظم من مصريا دى ..لو بحثتى عن اى ميزه فى مصر مش حتلاقى اى ميزه … بالعكس كلها عيوب وعيشتها مهببه وبتظلم اهلها وحكامها متسلطين وغير مسئولين ولا يعرفون ولا يفهمون الا قهر هذا الشعب واذلاله.الواحد حيخرف كتير وعشان كدا كفايهتحياتى

  8. GiGi Said:

    تمام يامونى الله ينور عليكىايوه كده اتكلمى وقولى رايك لان رايك مهم ولازم نتكلم فى السياسه فى مدوناتنا مبسوطه جدا بالبوست دهبحبك يابت انتى موووووووووووووووووووووووووووووووووووت

  9. الشجرة الأم Said:

    أحداث مخجلة فعلا ولا فيها خبر يسر ..لكن إن شاء الله قريبا سيأتي حدث يهز الكرة الأرضية هز.بارك الله فيك على هذا المجهود الأكثر من رائع ونفع الله بك الأمة الإسلامية العربية.

  10. sookra Said:

    موناليزاالسلام عليكمبصراحه بجد انتى موضوعك بجد موش لاقيه كلمه توصفه بس هو موضوع فى الصميم وتساؤلات وتناقضات موش لاقيين لها تفسيرتسلم ايديكى ياقمرمساكى شيكولاته

  11. موناليزا Said:

    كلمات من نورـــــــــــــأختى الحبيبة:اهلا اهلا بالغالية*:) إيه ده يعنى مش هروح الساحل الشمالى ههههههتفائلى بالخير دايما وبعدين إيه أكيد أكيد دى .. نونا ياحبيبتى انتِ ناوية تبلغى عننا ولا إيه:)* بركة أنهم أعترضوا بس كده يبقى فيه سؤال بيفرض نفسههو إعتراضهم ده هيفرق فى حاجة أصلا؟*بدون تعليق بجد!:) طب جميل لأنى برضه عشمى فى ربنا كبيرنورتينى ياجميلة وتسعدينى دوما بتواجدك*********************************فشكوولـــــــــوعليكم السلام ورحمة الله وبركاتهأهلا بيك يافندمعذراً لتعدد الأفكار هنا فهذه الأحداث هى من فرضت نفسها على قلمىمع إحترامى لرأيك أنا مش راضينى الحكم على قاتل مروة الشربينى فين القصاص النفس بالنفسولذلك قارنت بين هذا الحكم والحكم على هشام طلعت مصطفى رغم أنه ماقتلهاشأما عن الجزائر فلا يوجد مبرر لما فعلوه وفيه مثل بيقول انا أدعى على ابنى واكره اللى يقول امينكلامك موجع ومتحامل جدافنحن نريد الإصلاح ويكفى أنها بلدك عشان تقف جنبها وتدافع عنهايمكن اكون مش عارفة أدافع عنها لأن كلامك للأسف صحبس ده ما يمنعش أنى بجد محبش حد يقول على بلدى كدهوبعدين فيه مقولة بتقول إن الحقيقة دايما بتوجع وأنا دلؤتى بجد إتوجعتأشكرك جدا لمشاركتكمع التحية

  12. موناليزا Said:

    جيجىــــــــأختى الحبيبة:اهلا اهلا بالقمر بعد طول غياب:)وأنا مبسوطة إنك مبسوطة:)وأنا كمان بحبك جدااااااانورتينى ياجميلة واسعدنى تواجدك********************************الشجرة الأمـــــــــــــأختى الحبيبة:اهلا اهلا بالقمرالمهم يكون خبر جميل.. أصل الأخبار أنواع:)ربنا يعزك يارب فماتوفيقى الا باللهنورتينى يا جميلة واسعدنى تواجدك**********************************سكرةـــــــوعليكم السلام ورحمة الله وبركاتهأختى الحبيبة:اهلا اهلا بالقمرأشكرك جدا لرأيكمسائك سكر زيادة:)نورتينى ياجميلة واسعدنى تواجدك

  13. أحمد بسام Said:

    المدونة الكريمه : موناليزا تدوينه جامعه شامله نسأل الله ان يقراها المسئولون و لكن علينا دائما ان نتذكر ان الله لا يغير ما بقوم حتى يغيروا ما بانفسهم .خالص تعازينا لأختنا الغالية تقبل الله و الدتها فى الصالحين اللهم امين

  14. أُكتب بالرصاص Said:

    عايز أعلق على حتة احداث السودانحزين طبعا لخروج منتخبنا ، لكن ليه لغاية دلوقت ماشفناش دليل واحد على اللي حصل هناكليه قاعدين نبعبع..وهنا أقصد بالفضائيات ،، وعبده وشلبي وغندور، ومافيش نقطة دم واحدة؟يا جماعة عايزين دم

  15. الفراغ Said:

    حبيبتى مونليزااثرت اشجان بالجمله لايحتملها القلب المنهكفسبحان الله بلدنا بتحبنا وبتخيب املنا على مراحلوباقيه علينا وعلى صحتناطيب انتى بتحقدى على البلد ليهههههههههههههههههههههههههههوليه بتجمعى اخطائهاهههههههههههههههاكيد انتى مش حزب وطنى ووطنكوالباقى كلاببتسئلينى عن اغرب المواقفوهو فى اغرب من كدا

  16. MOHAMMED ELBANNA Said:

    موناليزافعلاً هنحارب بعضللأسف احداث مؤسفه في عالم اصبح لا يعتد بكرامه الآخر ولا احترام مشاعر الاخرين .- اغرب خبر سمعته هو :الناس البسطاء اللي غرقوا في رشيد لم يجدوا جثثهم حتى الان بعد بحث متواصل لمده اسبوع !!!اين ذهبوا ؟؟!؟؟تقبلي تحياتيمحمد البناطريق النجاح

  17. طهر فؤادك Said:

    السلام عليكم ورحمة الله وبركاتة ربنا يكرمك يارب والمسلمين احداث كتيرة ولخصتيها بأسلوبك الرائع الجميل ووفقك الله الى مايحبة ويرضااة اللهم امين ..- والبقاء لله لاختنا سلوى فى وفاة المغفورة لها بأذن الله والدتها وربنا يسكنها الله فسيح جناتة اللهم امين والمسلمين ….- اما الخبر الغريب فوز اوباما بالجائزة …- اطرف خبر مش فاكر بصراحة

  18. Dr Ibrahim Said:

    فعلا أِيائ كثيرة تحدث ولا نعلم تفسيرها قد تكون هناك يد خفية وراء ما يحدث ومدبر لها أو قد تكون صدفة.ولا أعلم لماذا يزيدون فاتورة النظافة على فاتورة الكهرباء على الرغم من عدم إستفادة احد منها على الاطلاق وندفع لشركات النظافة الأأهلية لانهم من يزيلون القمامة …!ولا أعلم حقيقة موضوع حقيبة الإسعافات الأولية فى السيارات أنه جهل ليس إلا لعدم خبرة الكثير …فى امريكا يوجد كل مسافة عربية إسعاف أو وحدة إسعاف على جانب الطريق وسيارة شرطة لإنقاذ ما يمكن إنقاذه ووجود طريق مخصص لها بل وجود طائرات هليكوبتر (إسعاف ) عندما يشتد الزحام او المكان بعيد عن المستشفى والحالة تستدعى نقلها…واستغربت كثيرا من موضوع الضرائب فالحكومة تحاول أن تستنزف أموال الشعب المصرى بأى طريقةأما الغاز وبعيداً عن عدم وجود بنزين 80 فموضوعه كبيرالغاز خدمة جيدة جداً مقارنةً بالانابيب فالمواطن يستهلك مثلا فى الشهر متوسط 4 أنابيب مثلا ب 30 جنيهانا مثلا لما دخلنا غاز كان الاستهلاك العادى لا يكلف سوى 4 او 5 جنيهات لماذا لا يدخل الغاز الطبيعى فى جميع مناطق مصر ..ثانيا لا أحد يعلم كم تكلف تعبئة الأنبوبة على الدولة 140 جنيه او رقم لا أتذكره ولكنه فى هذه الحدود لماذا لا توفر هذا العناء وتوصل الغاز الى جميع مناطق مصر وتريح الناس وتوفر بدلا من تصديره مجاناً!اما بالنسبة لإنفلونزا الخنازير مكبرين فعلا الموضوع هنا بس لازم برده أخذ الإحتياطات المعترف بيها عشان ميبقاش وباء على ا لرغم انه مرض ضعيف جداً ولكن لا احد يعلم حقيقة ما يجرىأطرف خبر سمعتهاذن مقطوعة تزرع في بطن صاحبها البريطاني:- في بريطانيا اضطر الاطباء الى زرع اذن احد الشبان التي قطعت اثناء شجار في بطنه وذلك بعد ان تعذر اعادة الاذن الى موقعها الاصلي بسبب عدم العثور عليها الا بعد 17 ساعةمما يعني بأن انسجة وخلايا الاذن لن تستطيع العودة الى الحياة الا اذا زرعت في منطقة اخرى تضمن لها معاودة الحياة . الاطباء سيقومون باعادة خياطة الاذن مكانها بعد ان تستعيد بعضا من حيويتها بمساعدة بطن الرجل وبالاستعانة بنسيج من فخذه ..وكان الشاب الذي يدعى باول جيبس قد تعرض لاعتداء وحشي اثناء سيره مع بعض الاصدقاء في احدى منتزهات مدينة ليدز.فى رعاية الله

  19. الزنارى Said:

    السلام عليكم و رحمة الله و بركاتة تحية طيبة و بعد لقد جمعت الكثير من المواضيع فى موضوع واحد لذا سيكون ردى عليك مطولا قليلا أوباما لا حق له فى نوبل و هذة جائزة مع خالص احترامى لأوباما و منظمى نوبل ( كوسة ) .هذا الجكم على قاتل مروة الشربينى هو الحد الأقصى فى القانون عندهم و لا يمكن تطبيق شئ أكثر من ذلك .قضية هشام طلعت مصطفى فلنتركها للقضاء يكمل ما فيها و لا يمكننا تبرئتة أو ادانتة .لا يمكن رابط حوادث القطارات بموضوع هشام لأن هذا غير هذا و ان اعلانا السكة الحديد غاية فى الهبل و لا معنى لها فقط ( اللى معاة قرش محيرة يعمل اعلان و يعرضة ) منتخب مصر و الجزائر تكلمنا فية كثيرا و لا أإجد ما أقولة أكثر مما قلتة مسبقا فلقد كتبت عنة الكثير .موضوع الضرائب سجب أن يرفع قليلا فبدلا من منزل بقيمة نصف مليون يؤخذ عنة ضرائب فليكن مليون و هذة الحكومة تجمع الضرائب منذ قديم الأزل لكنها ماذا قدمت لنا و على العموم اسف على الاطالة و لكنى أحببت أن أرد على كل النقاط التى عرضتها .مع خالص الاحترام و التقديرأحمد الزنارى

  20. (Joudy) Said:

    تصدقى الحكاية بالفعل تؤرق ومش من النهاردة من زمان وكأن الانسان المصرى ده مش زى باقى البشر لا أقل منهم حاجة تجننأما بقى بالنسبة لأغرب خبر كان عن سمكة قرش عملة عملية قيصرية لسمكة تانية الأطرف بقى كريكاتير لخروف حاطط راس ديك علشان مش يدبحدمتى بكل الخير والسعادة

  21. موناليزا Said:

    أحمد بسامــــــــــــأهلا بيك أستاذ أحمدأشكرك جدا لرأيكوأنا ايضا أرجو أن يقرأها الجميعسعيكم مشكور يافندمنورت مدونتى وارجو دوام التواصل********************************أكتب بالرصاصـــــــــــــأهلا بيك يافندم فى زيارتك الاولىمش فاهمة يتفندم مقصد حضرتك بالدليل؟أما كنت تتابع قناة الحياة التى عرضت جميع الأحداث بالصوت والصورة من شغب وضرب وجرح المصابين المصرييندم إيه بس أكتر من اللى حصل!!!أكيد بتهزر طبعاأشكرك جدا لتعليقكنورت مدونتى وارجو دوام التواصل********************************الفراغـــــــــأختى الحبيبة:اهلا اهلا بالقمر:) يبقى كده أنتِ فهمتينى غلط لأنى لا بحقد عليها ولا بجمع أخطائها ده عتاب المحبين"اكيد انتى مش حزب وطنى ووطنكوالباقى كلاب"مافهمتهاش الجملة دى بجد!أشكرك جدا لتعليقكنورتينى حبيبتى واسعدنى تواجدك**********************************محمد البناـــــــــــــاهلا بيك استاذ محمدأشكرك جدا لتعليقك ومشاركتكيسعدنا دوام التواصلمع التحية

  22. موناليزا Said:

    طهر فؤادكــــــــــوعليكم السلام ورحمة الله وبركاتهأهلا بيك يافندمربنا يعزك يارب فماتوفيقى الا باللهأشكرك جدا لتعليقك ولمشاركتكيسعدنا دوام التواصلمع التحية********************************د/ ابرهيمـــــــــــأهلا بيك يادكتورأشكرك جدا جدا لتعليقك ومشاركتك المثمرةوبالنسبة لزرع الأذن هل هذا ممكن يحدث حقاً؟؟يسعدنا دوام التواصلمع التحية*********************************الزنارىــــــــــوعليكم السلام ورحمة الله وبركاتهأهلا بيك استاذ احمديسعدنى ردكم دائما وإن طال فكلنا آذان صاغيةتوضيح بسيط بس فعلا مفيش ربط بين قضية هشام واعلانات السكك الحديدأشكرك جدا لتعليقكيسعدنا دوام التواصلمع التحية***********************************جودىــــــأختى الحبيبة:اهلا اهلا بالقمرأسعدتينى بمشاركتك الطريفة:)أشكرك جدا لتعليقكنورتينى جودى الجميلة واسعدنى تواجدك

  23. KHALED Said:

    أجمل خبر سمعتة السنادى ..إن مرتبى حايذيد 50 جنيةو أوحش خبر إن الضرائب على الدخل حاتخصم منى 100 جنية …ههههههههههههههههههههههو عجبى

  24. Dr Ibrahim Said:

    والله يا فندم العلم عند اللهلم يصل علمنا الطبى فى مصر لهذه الأموراما بالنسبة لفايرفوكس أعيدى تثبيتهفقد سألت المختصين فى ا لموضوعقالوا أن فايرفوكس وجوجل كروم لا يوجد منهم أى خطورةولكن تكمن مشكلة فى فايرفوكس فى الإضافات الغير موجودة على الموقع انما الموجودة على الموقع لا خطورة منها او من الفايرفوكس نفسهوبالنسبة لموضوع الهارد فيه شركة تقريباً اسمها My pcاو حاجة زى كده فى شارع الجلاء جنب مسجد الجمال ممكن الهارد يصلح فيهاوبالنسبة للمعلومات هترجع بس لازم يتحط على بوردة مناسبة بمعنى انه لازم يلاقى كده كده بورده ملائمة والهارد يتصلح

  25. موناليزا Said:

    خالدــــــأهلا بيك استاذ خالدكنت لسه هفرح بقى ونطلب عزومة جامدة وحاجات:)لكن دلؤتى شكلنا كده هنلم تبرعات ههههههههأشكرك جدا لمشاركتكيسعدنا دوام التواصلمع التحية*********************************د/ ابراهيمــــــــــــأهلا بيك يادكتورمشكوووور جدا لاهتمامكم ومتابعتكم وعن الفاير فوكس هو فعلا كان معايا كويس جدا وكان بيفتح مواقع الانترنت اكسبلورر مكنش بيرضى يفتحها وخصوصا مع تغيير الهارد:(وكده بقى هنزله تانى بقلب جامد:)بالنسبة للهارد انا وديته مركز تانى بعد ما المركز الاول رفع الراية البيضا ولسه ماجبتوش او بمعنى ادق خايفة اروح اجيبه يقولولى حاجة مش كويسةوهما فعلا قالولى على البوردة بس المشكلة ان الهارد نوعه قديم بس انا برضه عشمى فى ربنا كبير رغم مخاوفىميرسى جدا يادكتورونفعنا الله بعلمك دائمايسعدنا دوام التواصلمع التحية

  26. Sonnet Said:

    السلام عليكمموناليزاإن شر البلية ما يضحك هذا هو تعليقي على هذه المتناقضاتمع تحياتي

  27. ABOALI Said:

    التجول فى الاحداث يعطى بيئة ثرية للتقيم واعادة البدء من جديد وتعدد الاحداث بهذا الشكل يدل على تغيب كامل للعقل العربى وابتعاده عن التفكير العلمى السلس ومن خلال الحدث تقرئى مدى بعد الجميع عن تتطبيق قواعد الدين او حتى القرب منهاغرب خبر هو ذبح الخنازير فى قرار هستيرى غير مدروس من جميع الجوانبفذلك الحيوان هو الوحيد الذى له القدرة هل اكل النباتات وايضا الجيفةلذا تاءتى اهميته تنظيم تريبته افضل من الذبحجبال القمامة دى من عواقب قرار غير مدروس مثل ذلكومن اغرب القررات ايضا منع الطالبات المنتقبات من دخول اماكن متعددهوده ادى الى ترسيخ الحكمة اللى بتقولاقلع اكتر اكتر تكون محبوب اكتراجمل خبر انى الخمسة جنية والعشرة والعشرينهاتبقى فلوس معدنية وهاتحلو ونبقى حاملين دنانير مباركرئيسنا المحبوبتحياتى على جمع الاحداث والتمعن فيها يا انسانه

  28. spiderman ( المدونه الإسلاميه ) Said:

    السلام عليكم البقاء لله اولا لأختنا سلويو انا بعتلها هناك برضهالبقاء لله………….انتظري ردي بقي بس عايز نشر للرد ده بقالي ساعه بكتب فيه هههههههههههههما هو مش هيضيع يعني في الهوا كده

  29. spiderman ( المدونه الإسلاميه ) Said:

    انا قريت الموضوع ده امبارح مره و النهاره مره قبل الجمعهو دلوقتي مره بعد الجمعهمتسألينيش قريته كتير ليه ؟؟^_^$$$$$$$$$$$$$$هنعلق على كلمه كمله $$$$$$$$$$$$$$اوباما و نوبلـــــــــــــمبروك لأوبامايعني هي جات عليه هو يعنيما ناس كتير خدوها و كان فيه الافضل منهم لازم ياخدوهامروه الشربيني_____________البقاء لله اولابس يكفي انها عملت صوره محترمه للعرب امام الغرب و قال بيقولك ان الحكم ده كده اصعب عشان يعيش طول عمره متعذبهما الى عملوه انهم منعوا من القانون اى بيقولك بعد 15 سنه يطلع من الحيسقالك الفقره ده مش هتتطبق عليهلأنه أخطأوهو هيطبق بقيه عمره في السجن هشام طلعت مصطفي ــــــــــــــمش هقول غير كلمه* يستاهل *السكه الحديد ـــــــــــمش غيربيه عن مصر و اللهو مش اول مره ولا هتكون آخرمره المهم انك تتفني في قتل الشعب المصريالجزائر و مصرــــــــــــالإعلام المصري قبل الجزائري هو السببلما يكون اكبر جريده جزائريه هناك بتبيع 5000 نسخه فقط في شعب تعداده 40.000.000 نسمهو التلفونات بتاعتنا تاخد كل خبر منهم و يقعدوا يعملوا عليه موالالجريده هناك و زعت في الفتره ده 1.500.000 نسخه يبقي مين السب ؟؟؟؟؟؟؟؟؟قانون الضرايب الجديد ـــــــــــــــــــاانتي قدمتي صحيح ولا لسه ؟؟ ^_^ههههههههههههانا قلتلك فوق الناس بتتفن في قتل المصريينوزودي عليها بقي و سرقه الفلوسههههههههههههههبصيهو انتي بتدفعي ضرايب على الفلوس الى بتقبضيها و على شغلك و حياتكو بعد ما بتدفعي بيتبقي شويه فلوسانتي بتوحوشيها لغايه لما تعملي مبلغ كبير تشتري شقه ولا تبني شقه ولا ولا ولا هما بقي الناس ده بتقولك يعني الضرايب مجابتش معاكوا فايده و خبيتوا الفلوسلازم ناخد منها شويه بقيهههههههههههههههمش بقلكفـــــــــــــننظافه الشوارعــــــــــــــالنظافه من الايمان وا لى مش هيدفع عشان النظافه هنحسبسه و في جميع الاحوال مش هنيجي ننظف اصلالالالاولو مش عاجبك روح اشتكي الحكومه للحكومههههههههههههههقانون المرورـــــــــــتصدقي انا دفعت في القانون ده لحد دلوقتي 450 جنيه مخالفات متنوعه ههههههههههههههبس تعرفي حاجه مش انا السبب واللهالحكومه السبب و اللهقبل ما يتطبق قانون المروركان في الشوارع مطباتفكنا لازم نهدي عشان المطباتتخيلي ان في اول يوم تطبيق للقانونقاموا شالوا المطبات دهيعني بيقولوا للناس يلالالالا اجروا و سرعوا عشان ناخد فلوس ممنكمو انا كنت خارج في يوم الساعه 10 يعني كانت الشوراع فاضيهكل الناس راحت شغللهاو اذ بي (( حلوه اذ بي ههههه))الأقي نفسي سايق العريبه لوحدي في الشارع كلهومحدش ماشي خالص معايافسرعت شويهمشيت على 95خادوني مخالفه و بيقولي 5 كيلو سرعه زيادهههههههههههههههههههلمنه اكثر من 65 من الحجـــــــــــــــــــــدواعي صحيه بقيبس خدويها كلمه مني بصفتي دكتور يعني فعلا الناس بتتعب هناكو مناعتها بتقلفما بالك بانتشار فيرس كمان؟؟حظر المآذن في سويسراـــــــــــــــــحسبي الله و نعم الوكيلاسعار النزين و مفيش 80ـــــــــــــــــــــــلأ بقي انا بلاقي 80الراجل صاحب البنزينه الى قدامناعنده بنت صغيره بتيجي تكشف عندنا فكل لما بيشوفني بيديني بنزين من تحت لتحت كدهههههههههههههههواسطه بقيهههههههههههههههههههههه$$$$$$$$$$$$$$$$$اغرب خبر سمعته هذا العام ؟صكوك الملكيهوتطبيق فيلم عايز حقييظهر الحكومه بتتفرج على الافلام كتيراطرف خبر سمعته هذا العام ؟لا يوجداللهم الإ تطبيق المثل الى بيقولهم يبكي و هو هو برضه الي يضحككهههههههههههههههههه

  30. spiderman ( المدونه الإسلاميه ) Said:

    فيه موضوع هينزل عندي في مدونتي اسمه (( من القلب )) اتمني منك تنشريه عندك هناو ترسليه هديه لأحد أصدقائك لنشره ايضاو انتي اول واحده ارسل لها هديه منذ افتتاح مدونتي و انتي اول اوحده برضه ارسل لها هذا الموضوع هديه ويارب تعجبكهيكون موجود يوم 13/11/2009ان شاء الله في المدونه

  31. norahaty Said:

    ليه بس كدة يامونى دا أنتى قلبتى المواجع كلها وكله كوم وقانون الضرايب اللى حيبيعنا بيوتنا كوم تانى😦

  32. norahaty Said:

    ونشاطر الاستاذة سلوى الأحزان فى وفاة والدتها البقاء لله وحده.

  33. واحد من البلد دى Said:

    السلام عليكممتألقة كعادتكأغرب خبر سمعته..حصول أوباما على جائزة نوبل للسلام…مع إن أم كلثوم لما قالت بالسلام إحنا بدينا بالسلام..كل الكورال إتريق عليها وقالها(يا سلام)وهو لحق يعمل إيه للسلام علشان ياخد نوبل دى..مع إننا ممكن نجيب شوية صعايدة من محطة مصر لدفع عجلة السلام ويبقوا يلاحقوا عليهم نوبل بقى..أما أطرف خبر..هو أن الجزائر تطالب مصر بالإعتذار..وانا شخصيا لا أفهم معنى ذلك الإعتذار وآخر ما توصل إليه تفكيرى المحدود..قلت يمكن عايزة مصر تعتذرللشعب المصرى على تذكيره بالفقيدة الغالية(كرامته)التى كان قد نسيها تماما والزمن كفيل إنه ينسى الواحد أى حاجة…شكرا للجزائر لوقوفها جنب الشعب المصرى..الشقييييييييييقدمتى متألقة

  34. ذكري رحيل قلم Said:

    السلام عليكم الوحد هيعلق علي اي خبر الجرائم البشعة ولا حوادث القطار و لا ايه بصي اطرف صورة صورة شبكة واحدة تجمعنا كلنا وفعلا مركب واحد بيضمنا كلنا ولا باليد حيلة بس عرفت ان الانفلوانزا انواع كتيرة والله اعلم بالباقي دمتي

  35. موناليزا Said:

    سونيتـــــــــوعليكم السلام ورحمة الله وبركاتهاختى الحبيبة:اهلا اهلا بالقمرأشكرك جدا لتعليقكنورتينى ياجميلة واسعدنى تواجدك*******************************ابو علىــــــــأهلا اهلا بصاحب التعليقات المميزةده حقيقىأنا أيضا تعجبت من قتل الخنازير ومن قتل الطيور قبلهاياخوفى ليعملوا إبادة جماعية للناس لو انتشر فيروس الانفلونزا العادية:) وعن النقاب تعليقى الوحيد اللهم لا تؤاخذنا بما فعل السفهاء مناأول مرة اسمع عن فئة العشرة والعشرين المعدنيةسبحان الله بجد هى الناس راضية أصلا بالجنية المعدنى ولا هو خالف تعرف!!أشكرك جدا لمشاركتكيسعدنا دوام التواصلمع التحية

  36. موناليزا Said:

    المدونة الاسلامية سبايدر مانـــــــــــــــــــــــــــوعليكم السلام ورحمة الله وبركاتهاهلا بيك يادكتورسعيكم مشكور يا فندم:) تم نشر جميع التعليقات بناء على طلبكمأى خدمة:)يا دكتور قراءتك لما أكتب شئ يسعدنى دائماً:) وتعليقك أيضا من دواعى سرورىتعليقاتك مقنعة بس اكتر واحد عجبنى اوى تعليقك على فن الضرايب عندنا:)هو فعلا الشارع لما بيكون من غير مطبات وفاضى بيكون مغرى جدا للسرعة بس برضه لازم نراعى اننا جوه البلد مش على طريق سريع(أبويا دايما يقولى كده):)عن منع السفر لمن فوق65 مع احترامى الشديد لرأيك كطبيب الناس الكبيرة فى السن بيبقى نفسها اوى انها تروح حتى لو هتموت هناكوبعدين الاعمار بيد الله يعنى مهما ياخدوا احتياطات اللى مكتوب له انه هيموت هيموت برضه يبقى يموت وهو حاجج بيت الله ومكفر ذنبهبنزين80 كانت أزمة عندنا بجد الشهور اللى فاتت وكان بالحجز كمان:)وبعدين ده معناه أنك كنت بتاخد تمن الكشف بنزين ولا ايه:)فيلم عايز حقى هو اللى نبههم ان الشعب ممكن جدا يصحى فى اى وقت ويطالب بحقه وطبعا كان لازم ردع المواطن بشتى الطرق:)أشكرك جدا جدا لمشاركتك ولتعليقك الثرى==هدية مقبولة من أخ كريم:)نورتنى يافندمويسعدنا دوام التواصلمع التحية

  37. لجين أبو الدهب Said:

    الصراحة انتى جبتى الخلاصة فعلا فى البوست دهوالصراحة بقى لا يوجد عجيب فى هذا الزمان اما بالنسبة لاغرب خبرسمعته وهومن قريب ان الفيفا هاتوقع عقوبة على مصر بسبب ما تعرض له المنتخب وهم فى الاتوبيس شر البلية ما يضحك فعلا ***موناليزا حبيبتى فعلا اشتقت لتدويناتك الهادفة جدا وحشتنى جدا ربنا يبارك فيكِ ..

  38. موناليزا Said:

    نوراهاتىـــــــــــأختى الحبيبة:اهلا اهلا بالقمرلا والله مش كلها ده انا حاسة ان وقع منى شوية احداث برضه:)أشكرك جدا لتعليقك ولتعزيتك لسلوىنورتينى ياجميلة واسعدنى تواجدك**********************************واحد من البلد دىـــــــــــــــــوعليكم السلام ورحمة الله وبركاتهأهلا بيك يافندمالحمدلله فماتوفيقى الا بهاحنا فعلا اكتر شعب بيقول السلام عليكم يبقى احنا نستحقها برضه:)أول مرة اسمع عن طلب الجزائر فى اعتذار من المصريين!!!يمكن عشان كانوا بيهزروا معانا واحنا فهمنا هزارهم غلط!!أشكرك جدا لمشاركتكيسعدنا دوام التواصلمع التحية*******************************ذكرى رحيل قلمـــــــــــــــوعليكم السلام ورحمة الله وبركاتهاختى الحبيبة:اهلا اهلا بالقمرفعلا هى صورة معبرة جدا عن وضعنا فى حاجات كتيرنورتينى ياجميلة واسعدنى تواجدك

  39. موناليزا Said:

    لجين أبو الدهبـــــــــــــــــأختى الحبيبة:اهلا اهلا بالقمر بعد طول غيابوحشتيييييييينى جدا جداويارب دايما تكونى بخيرمش عارفة بجد هى الناس فاهمة الموضوع غلط ولا ايه؟!!.نورتينى غاليتى واسعدنى تواجدك جداا

  40. Mr.Hazem Said:

    يعطيكي العافية على مجهودك اللامحدودموضوعك كالعادة موفق ورائع ويستحق التقديرفيما يتعلق بأغرب موقف " هو موقف يتكرر كل يوم " القدس تستباح والعرب نيام !!اما فيما يتعلق بأطرف موقف صراحة مش فاكر :)يسلموا

  41. spiderman ( المدونه الإسلاميه ) Said:

    السلام عليكمانا متشكر و الله على كلامك الجميل ده و لا متخفيش ثمن الكشف حاجه وا لنيزين حاجه تاينه خالصبس كانت واسطه كان لما يشوف العربيه يدخلني في متاهه كده عشان يحطلي فيها و اخرج انا بقي فرحان اني حطيت 80 الى الناس مش لاقاههههههههههههههههههههههههشرير شكلي ….و بالنسبه للحجاج اكيد الموت في اي وقت و في اي سن كمان بس لازم ناخد بالأسباب و هي سنه بس و السنه الجايه هيلغوا الكلام ده هنسككت و ننسي زي ما نسينا انفلونوا الطيور

  42. mimi Said:

    يا طولة بالك وصبركالحمد له إنك لسة بخيرالصور والأحداث تجيب الضغط العالي والواطي في نفس ذات الوقتكفاية حدثين من دول يعكننوا علي الواحد لحد ما سنة 2010 تيجيأشوفك السنة الجاية وربنا يجعلها أحسن .. سمعيني قول أمينأاااااااااامين

  43. عاشقة القمر Said:

    يعني هو مش عارفه اغرب اوستغرب انو سد المروي تعمل لنا مفروض يكون مفيش قطاع تيار الكهرباءوحصل انو نحنا الان 9 شهور معناه اوي في انقطاع كهرباءاجمل الخبر هو انو خطوبه بنت خالت ماما هي مش صغير في السن كانت بترفض العرسان اخير وافقت

  44. د/ أحمد لاشين Said:

    رائع هذا الاختصار للاحداث والانتقاء من بينهابس عندي اقتراححضرتك امسكي كتاب التاريخ وهاتيه من الاولوعلقي علي الاحداث حدث حدث :):):)اوافقك الرأي في تعليقاتك علي معظم الاحداث

  45. موناليزا Said:

    مستر/ حازمــــــــــــاهلا بيك استاذ حازمربنا يكرمك اشكرك جدا لرايك فماتوفيقى الا باللهوده أوجع خبر ممكن الواحد يقرأه أو يعيش فيهأشكرك جدا لمشاركتكمع التحية*********************************المدونة الاسلامية سبايدر مانـــــــــــــــــــــــــــوعليكم السلام ورحمة الله وبركاتهاهلا بيك يادكتور:) انا اللى بشكرك على متابعتك وتواصلكههههههه وكأنكم بتعملوا حاجة غلط يحاسب عليها القانونأتذكر مرة ذهب أخى فيها إلى محطة بنزين خاصة بالتكاتك عشان يلاقى بنزين 80:)طب ياريت بجد يكون السنة دى وبسيصعب عليك بجد لما تلاقى حد مشتاق اوى انه يروح مكان ويقولوله مش هينفع عشان سنكأشكرك جدا جدا لمتابعتكويسعدنا دوام التواصل وفى انتظاركم دائمامع التحية*******************************ميمىـــــــــأختى الحبيبة:اهلا اهلا بالقمر بعد طول غياب:) إذا كان على الصبر فبقينا أساتذة فيهآمين ياحبيبتىيسمع منك ربنا:)نورتينى ياجميلة واسعدنى تواجدك********************************عاشقة القمرــــــــــــــأختى الحبيبة:اهلا اهلا بالقمرأنتوا كمان عندكم الكهرباء بتقطع:)عقبالك ياقمر:)نورتينى ياجميلة واسعدنى تواجدك**********************************د/ احمد لاشينـــــــــــــــأهلا بيك يادكتورإقتراح مميز ينفكر فيه:)أشكرك جدا لمشاركتكيسعدنا دوام التواصلمع التحية

  46. عاشقة القمر Said:

    العاصمه كل محافظات كويسه كهرابء نحنا كمان بس سد مروي بدلا انو تكون كهرباء عدنا كويسه احنا بلد وحيد تاثرنا في ضار كهرباء اخذان 9 شهور بنشوفها ساعتين في اليوم فقط

  47. salwa Said:

    السلام عليكم اخت موناليزاالرعيان في وادي و القطعان في وادياكتفي بهذاكعادتك رائعةسلام

  48. موناليزا Said:

    عاشقة القمرــــــــــــأختى الحبيبة:اهلا اهلا بالقمرياااه.. ده انتوا غلبتونا على كده:)أشكرك جدا لمتابعتكنورتينى حبيبتى واسعدنى تواجدك**********************************سلوىـــــــوعليكم السلام ورحمة الله وبركاتهاختى الحبيبة:اهلا اهلا بالقمرتعليق مختصر وبليغ أشكرك عليهنورتينى سلوى الجميلة واسعدنى تواجدك

  49. rovy Said:

    موناليزا الحبيبه .. اسئلتك كثيره و لكن عندك حق فيها كلها .. لكن انا زيك محتاجه اسأل كل الاسئله دى و اكثر كمان .. و مع كل الاسف مفيش اجابه على اى سؤال اقنعتنى ..الاجابه الوحيده اللى حساها جدا و مقتنعه بها ان الساكت عن الحق شيطان اخرس و خايفة يكون طال السكوت .. خايفه جداا ..ربنا يرحمنا برحمته الواسعه و يهدينا لما يحب و يرضى .. تحياتى لكى دوما

  50. موناليزا Said:

    روفىـــــــأختى الحبيبة:اهلا اهلا بالقمروعشان خوفك ده كان لازم نتكلموذلك أضعف الايمانربنا يتقبل دعائك يارب وينجينا دايمانورتينى روفى الجميلة واسعدنى تواجدك


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: