عاجبك حالنا

أنا بحبك أوى وبعشق هواكِ وترابك . واسمك ده بقى فخر ليا بجد. مهما قالوا ومهما حصل أنتِ بجد بالنسبة لى مالكيش بديل .وصعبان عليا أنى مش عارفة أدافع عنك. خلصت كل المبررات اللى ممكن تقنع أى حد.
صعبان عليا جداً أن كل تفكير الغالبية إزاى يرحلوا عنك بأى طريقة حتى لو كانت هذه الطريقة فيها نهاية حياتهم. أنا عارفة أنك أكيد بتحبيهم بس ليه مش بتحسيسيهم بكده. ليه يرموا نفسهم فى حضن أم تانية. وأنتِ أولى بيهم وبمجهودهم وبتفكيرهم. ولادك جواهم طاقة كبيرة جداً وعقل يحسدهم عليه الجميع ليه تستغنى عنهم وتحسيسيهم أنك مش عايزاهم.
طيب يرضيكِ القوى وأصحاب النفوذ يقهروا الضعيف اللى مالوش ضهر.
يرضيكِ أى ضيف يجيلنا يبقى له كرامة عننا. وأحنا لما نروح عند حد برضه مايبقاش لينا كرامة.
يرضيكِ أن الشوراع ما تبقاش نظيفة وصالحة للأستخدام الآدمى إلا لو حد من الكبار هيمشى عليها.
تعرفى أنتِ لو شفتى الشوارع بس أكيد هنصعب عليكِ. الأنوار مطفئة رغم وجود الأعمدة والمطبات والتكسير ده العادى كأنها تقصد كسر رقبة قبل أقدام من يمشى عليها حتى غطاء البلاعات مش موجود.
بصى شوفى الصور دى أكيد هتعبرلك أكتر.
أنا قضيت فترة فى بلد عربى وشوفت فيها قد إيه المرأة المنتقبة بالنسبة لهم من المحارم الذى لا يجوز إنتهاكها. وسمعت واحد قعد هناك مايقارب العشرين سنة بيقول أنه من أول ماجه البلد دى وثمن رغيف العيش موحد ولم يتغير لا ثمناً ولا حجماً بل المرتبات هى اللى بتزيد.
بصراحة وقتها اتضايقت واتغاظت اوى وقلت بينى وبين نفسى ليه إحنا مش كده!!؟؟

النوابغ اللى عندنا يسافروا بره ليه؟
ليه مانوفرش ليهم الإمكانيات عشان نتقدم بيهم .
مش هم أولى من لعيبة الكرة اللى بيتصرف عليهم بالملايين.

**************
ليه ما نبقاش كده؟؟؟.

***
مجرد إقتراح:
ــــــــــــــــــــــــــ
إيه رأيكم لو كل واحد يكتب رسالة عتاب ويوجهها لأمنا كلنا. مع مراعاة أن هذه الرسالة من باب عتاب الأحباب.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: