إهداء

إليكِ يا رفيقة دربى وصديقة أيامى وتوأم روحى ومخزن أسرارى.
أسعدتينى جداً بعودتك وفاجئتينى بقدومك وكنتى وحشتينى جداً جداً و أكثر مما تتخيلى كمان.
بجد الدنيا أختلفت تماماً من ساعة ما جيتى.
سعيدة أكتر لإنك رجعتى زى الأول بضحكتك الجميلة حتى وزنك الزائد اللى كان مسببلك أزمة نفسية قدرتى تتخلصى منه ورجعتيلى زى الأول ودى أكتر حاجة بحبها فيكِ إرادتك القوية رغم ضعفك الداخلى.
كنت عايزة ألومك وأعاتبك على بُعدك عنى وخصوصاً أنى مش مصدقة إنك قدرتى تعمليها . معقول زعلك يخليكِ تبعدى!!. وخصوصاً أنى بجد ماكنتش عارفة أنت زعلانة منى ولا زعلانة عليا. أنا عارفة أننا كنا بنمر فى نفس الوقت بأزمة عصيبة . بس وجودك كان فارق معايا لأن فى الوقت اللى كنت بقويكِ فيه كان ده بيفدنى.كفاية أننا كنا بنتسند على بعض. وماتقوليش إنك كنتِ حِمل تقيل عليا. لأن وجودك بكل ضعفك وانهيارك أهون بمراحل من بُعدك. أنا عارفة إن طباعنا مختلفة تماماً بس يمكن ده اللى بيميزنا.
بحب جنانك وثقتك بنفسك وبحب دموعك. وبحب أكتر إنك بتتحملينى وغالبية الوقت بتتركى القيادة لى لثقتك أنى عمرى ما هعمل أوأختار حاجة تضرك ولو حصل بيكون غصب عنى وعمرى ما أقصد كده أبداً- تأكدى من كده كويس-. تعرفى! رغم أن عُمرنا واحد بس إحساسى بيكِ دايماً أنك أختى الصغيرة. وأنى مسئولة عنك كما تكونين ابنتى.
لكن مش هتكلم فى أى حاجة فاتت المهم إنك رجعتى. والكل بيباركلى على عودتنا لبعض مجدداً.
ومن ضمن حاجات كتير مخليانى سعيدة برجوعك إنك بإذن الله هتشوفى معايا نصر ربنا ليا. كنت متوقعة إنك مش هترجعيلى غير لما ربنا ينصرنى وإنى هفرح لوحدى بس دلؤتى سعيدة أنك معايا وسعيدة أكتر لأنك بقيتى مقتنعة زيي بأن ربنا هينصرنى وقريب أوى كمان. وده معناه إنى خلاص ما بقتش لوحدى وبقى معايا حد بيقوينى ويصدق إحساسى. ويدعى معايا من قلبه أن ربنا مايكسفنيش.
المهم ماتعمليهاش تانى. ومن ناحيتى أوعدك بأننى سأبذل قصارى جهدى قدر استطاعتى للحفاظ على مشاعرك ولن أسمح لأى أحد مهما كان أن يجرحك أمامى أو حتى يتسبب فى ضيقك.- مش معنى أننا متربيين زيادة أننا نسكت لو حد ضايقنا سواء بقصد أو بدون قصد على الأقل خالص نوضح له رفضنا عشان مانندمش على سكوتنا بعدين لأن سكوتنا هيجعله يتمادى فيما يفعله-.
والله على ما أقول شهيد. وآخر دعوانا أن الحمدلله رب العالمين.
إمضاء/ أمة الله.
*******
بما إن الرسالة دى خاصة جداً فياريت التعليقات برضه تكون خاصة جداً. يعنى اعتبروها فقرة إهداءات. أى حد يحب يهدى أى حد عزيز عليه كلمة أو رسالة أو اعتذار أو شكر أو تهنئة إلخ.فمدونتى يسعدها أن تكون هذا الوسيط.
—————–
عزاء واجب:
ـــــــــــــــــــــــ
*أتقدم بخالص التعزية لأختنا الجميلة صاحبة مدونة ومازلتُ أتعلم لوفاة عمتها سائلين المولى أن يتغمد الفقيدة الرحمة ويرزق أهلها الصبر والسلوان.
*أتقدم بخالص التعزية لأختنا الجميلة Sweet Violet لوفاة خالها سائلين المولى أن يتغمد الفقيد الرحمة ويرزق أهله الصبر والسلوان.

48 Comments »

  1. محمد سليمان Said:

    السلام عليكم
    لي الشرف في اول تعليق
    وحمدا لله على عودة صديقتك
    ويارب يديم المحبة في الله
    تحياتي

  2. ابو صهيب ( الجمعاوي الاصيل)سابقاً Said:

    السلام عليكم ورحمة الله وبركاته

    ليس من الصعب ان تضحي من اجل صديق

    ولكن الصعب ان تجد الصديق الذي تضحي من اجله

    ادام الله عليكم المحبة والرباط الذي يربطكم ببعض

    ومن مدونتك ادعوا كل من انعم الله عليه بصحبة طيبة جيدة ان لا يفرط فيها ممهما حدث وان يقوي علاقته بهم

    وكل عام وانتم الى اقرب ورمضان كريم

  3. تأثير الفراشة Said:

    جميلة كلماتك جدا

    و مبروك عودة رفيق دربك ، مش عارفة ليه حسيتها زى ما يكون انسان كاتب الكلام ده لنفسه اللى كان مفتقدها بقاله فترة

    و زى ما طلبتى فى البوست ، فبمناسبة دخول شهر رمضان الكريم ، أتمنى إن كل إنسان فينا يسامح كل من يعرفهم و يهنئهم بحلول الشهر الفضيل

    و كل عام و أنت بكل خير

    اللهم بلغنا رمضان

  4. akeed Said:

    ما اجمل المتحابين فى الله الاصدقاء يحشرون يوم القيامة مع بعضهم

    اهدائى الى كل المتحابين فى الله

    تحياتى و تقديرى يا أمة الله

  5. fL0weR-giRL Said:

    السلام عليكم
    ـــــــــــــ
    بجد احلي حاجه في الدنيا دي الصداقه علي الأقل تلاقي حد بيحبك وبيحس بيكي وتعرفي تفضفضي معاه

  6. هكذا علمنى سيدنا محمد( صلى الله عليه وسلم) Said:

    السلام عليكم ورحمة الله وبركاته
    حياكم الله وبياكم اخوانى وأخواتى وجعل الجنة مثواى ومثواكم وطبتم وطاب سعيكم وممشاكم وتبوأتم جميعا من الجنة منزلا وأسأل الله العظيم أن يجمعنا فى الدنيا أخوانا متحابين على طاعته وفى الاخرة فى دار جنته وكرامته إنه ولى ذلك ومولاه والقادر عليه .

    بما أن التعليقات المرة دى هتكون خاصة ومفيش موضوع نعلق عليه .
    فانا بوجه سلامى لكل أخوانى وأخواتى هنا فى المدونة وبقولهم كل سنة وإنتوا طيبين وبخير وبصحة وبعافية وكرم من الله عز وجل وربنا يديم علينا جميعا نعمة الإسلام ونعمة العبودية لله عز وجل ، ربنا يجمع قلوبنا فى الدنيا على طاعته ومحبته ومحبة رسوله الكريم صلى الله عليه وسلم .
    كل سنة وانتى طيبة أختى الكريمة الفاضلة موناليزا ، أعز الله بكى الإسلام أنتى وسائر نساء المسلمين .

    السلام عليكم ورحمة الله وبركاته

  7. EMMY BABY Said:

    الله الاهداء جميل ااوى اوى بجد

    ربنا يخليكوا لبعض وميحرمكمشى من بعض ابداااا وتفضلوا مع بعض علطول

    وربنا يرحم اموات المسلمين جميعا

    تحياتى

    ايمى

  8. ليس فقيرا من يحب Said:

    السلام عليكم

    كل سنه وانتى طيبه يا حبيبتى

    وربنا يديم محبتكم واخوتكم فى

    الله يارب ويرحم جميع موتى

    المسلمين

  9. حلـم،، Said:

    الحمدلله ع السلامة

    احر التعازي

    عظم الله اجركم

  10. عاشقة الأحزان Said:

    السلام عليكم

    كل سنه وانتى طيبه

    وجميل قووى شعورك الجميل اتجاه احبابك ربنا يسعدك ويسعدهم امين يارب العالمين

    وربنا يرحم الفقيدين رحمة واسعه من عنده

    تقبلى مودتى

    ايناس

  11. شموسة Said:

    أول تعليق

    يشرفنى إنى أكون من أول المعلقين عندك هنا يا أمه الله
    كمان حمدلله علي سلامه منى ليكي ، وربنا يخليكوا لبعض دايما

  12. شموسة Said:

    كلمه حب لأمي :
    بجد بحبك ومش عارفه من غيرك أنا كنت هبقي مين وإزاى،

  13. Dr Ibrahim Said:

    ربنا يجمع جميع المسلمين على خير

    وارحم اموات المسلمين

  14. بسنت Said:

    جميل وفائنا لاصدقائنا سبق ان كتبت ايضا رساله لصديقه لى واعتبرها توأم روحى ايضا كان حدث سوء تفاهم لكنه الحمد لله لم يستمر سوى فتره صثغيره جدا
    لاننا لا نستغنى عن بعض
    الاصدقاء ئ اساسى فى حياتنا خاصه بتقارب السن
    فصديقتى اللى بتكلم عنها تشعر بى بالرغم انها خارج مصر حاليا الا انه فعلا بيننا تواصضل روحى

    ربنا يوفقك انتى واصدقائك ويديم عليكم نعمته وهى الحب الخالص

  15. أبو كريم Said:

    إيه ده .. هو فى إيه.. لو طلعت أول تعليق ده أنا بقى أتحسد…

    ربنا يهنيكوا برجوعكوا لبعض

  16. أبو كريم Said:

    وثانيا
    بحب أقول الأبيات دى لكل المتخاصمين
    كنت كتبتها لزوجتى من قبل

    قلبى مخاصمنى من إمبارح
    دايما حزين علطول سارح
    عمال يفكر فكلامه
    يمكن كلامه يكون جارح
    يا حبيبتى مين غيرك ليه
    حبك ده أجمل شىء فيه
    وأحلى حاجه فحبنا إن
    فى عتابنا دايما نتصالح

    وشكرا

  17. همس الاحباب Said:

    الحمد لله انكم عدتم والشمل اتلم مرة اخرى
    والبقاء لله وحده
    كل سنة وحضرتك طيبة
    ورمضان كريم
    تحياتى

  18. فرفشة الوان Said:

    الله يرحمها ويرحم الاموات جميعا وتكون

    دي الوقتي في الجنة

    وبناسبة الاهداء جميل جدا هنقول ايه

    ربنا يهني سعيد بسعيدة

  19. كيــــــــــــارا Said:

    الحمد لله ان ربنا جمعكم تاني

    حاسه بيكي

    وربنا يرحم كل موتنا

  20. مصعب صلاح Said:

    السلام عليكم
    إهداء إلى صديقي وتوأم روحي مصطفي بيبو
    أنا بحبه جدا
    وهو الصديق الوحيد اللي طلعت بيه م الدنيا
    تقبلي مروري
    وكل عام وانتم بخير بمناسبة شهر رمضان
    والبقاء لله في وفاة عم مازالت اتعلم وخال
    Sweet Violet

  21. موناليزا Said:

    محمد سليمان
    ـــــــــــــ
    وعليكم السلام ورحمة الله وبركاته
    اهلا بيك استاذ محمد فى زيارتك الاولى
    الشرف لنا يا فندم
    الله يسلمك من كل شر ويتقبل دعائك
    نورت مدونتى وارجو دوام التواصل

    ***********************************

    ابو صهيب
    ــــــــــــ
    وعليكم السلام ورحمة الله وبركاته
    اهلا بيك يافندم
    ده حقيقى
    ربنا يكرمك ويتقبل دعائك
    دعوة غالية من اخ كريم
    وكل عام وانت بخير يافندم والله اكرم
    اشكرك جدا لمشاركتك
    دمت لمدونتى زائرا

    **********************************

    تأثير الفراشة
    ــــــــــــــ
    اختى الحبيبة:اهلا اهلا بالقمر
    اشكرك جدا لرايك
    الله يبارك فيكِ:)
    إحساسك قد يكون صحيح لانى اعتبرها نصفى الثانى. بس عاجبنى تعليقك عشان لما تقرأه تعرف قد ايه هى قريبة منى:)
    إهدائك رقيق يا جميلة
    وكل عام وانتِ بخير ياحبيبتى
    نورتينى واسعدتينى بتواجدك

    *********************************

    أكيد
    ـــــــ
    اهلا بيك يافندم
    ربنا يكرمك واشكرك جدا على تعليقك وعلى اهدائك
    دمت لمدونتى زائرا

    **********************************

    فلور جيل
    ـــــــــــ
    وعليكم السلام ورحمة الله وبركاته
    اختى الحبيبة:اهلا اهلا بالقمر
    ربنا يرزقك بالصحبة الصالحة
    نورتينى ياجميلة واسعدتينى بتواجدك

    ********************************

    هكذا علمنى سيدنا محمد صلى الله عليه وسلم
    ــــــــــــــــــــــــــــــ
    وعليكم السلام ورحمة الله وبركاته
    اهلا بيك يافندم
    ربنا يكرمك ويتقبل دعائك اللهم امين

    كلك ذوق اخى الكريم ربنا يعزك وينفع بيك ويتقبل دعائك
    اشكرك جدا على تعليقك
    دمت لمدونتى زائرا

    **********************************

    ايمى بيبى
    ـــــــــــ
    اختى الحبيبة:اهلا اهلا بالقمر
    اشكرك جدا ياجميلة ده من ذوقك:)
    ربنا يكرمك ويتقبل دعائك
    نورتينى ايمى الجميلة واسعدتينى بتواجدك

    ********************************

    ليس فقيراً من يحب
    ــــــــــــــــــ
    وعليكم السلام ورحمة الله وبركاته
    اختى الحبيبة:اهلا اهلا بالقمر
    وأنتِ طيبة ياجميلة
    ربنا يكرمك ويتقبل دعائك
    نورتينى حبيبتى واسعدتينى بتواجدك

    ********************************

    حلم
    ــــــ
    اهلا بيك يافندم
    الله يسلمك
    دمت لمدونتى زائرا

    *********************************

    عاشقة الاحزان
    ـــــــــــــ
    وعليكم السلام ورحمة الله وبركاته
    اختى الحبيبة:اهلا اهلا بالقمر
    وانتِ طيبة يا جميلة
    ربنا يكرمك ويتقبل دعائك
    نورتينى انوسة الجميلة واسعدتينى بتواجدك

    *********************************

    شموسة
    ـــــــ
    اختى الحبيبة:اهلا اهلا بالقمر
    الشرف ليا يا حبيبتى يسعدنى وجودك دائما مهما كان رقم التعليق
    الله يسلمك ياشموسة ويتقبل دعائك

    ربنا يخليها ليكِ ويباركلها فيكِ
    نورتينى حبيبتى واسعدتينى بمشاركتك

    *********************************

    د/ابراهيم
    ــــــــــــ
    اهلا بيك يادكتور
    ربنا يكرمك ويتقبل دعائك
    دمت لمدونتى زائرا

    *********************************

    بسنت
    ــــــــ
    اختى الحبيبة:اهلا اهلا بالقمر
    فعلاً والله انها لنعمة غالية
    ربنا يخليكوا لبعض ويديم عليكوا محبته
    نورتينى بسنت الجميلة واسعدتينى بمشاركتك

    *********************************

    ابو كريم
    ــــــــــ
    اهلا بيك استاذ بهاء
    منعاً للحسد ماطلعتش اول تعليق:)
    يا فندم كأنك اول تعليق فتعليقكم يسعدنى دائما مهما كان رقمه
    ربنا يكرمك ويتقبل دعائك

    كلمات جميلة واهداء رقيق نشكرك جداً عليه
    دمت لمدونتى زائرا

    *********************************

    همس الاحباب
    ـــــــــــ
    اهلا بيك استاذ خالد
    الحمدلله يافندم
    وحضرتك بخير وبصحة وربنا يبلغنا رمضان اللهم امين
    دمت لمدونتى زائرا

    **********************************

    فرفشة الوان
    ـــــــــــــ
    اختى الحبيبة:اهلا اهلا بالقمر
    ربنا يكرمك واشكرك جدا على تواجدك
    نورتينى حبيبتى واسعدتينى بتواجدك

    **********************************

    كيارا
    ــــــــ
    اختى الحبيبة:اهلا اهلا بالقمر
    كلك رقة ياجميلة والحمدلله فعلاً
    نورتينى حبيبتى واسعدتينى بتواجدك

    **********************************

    مصعب صلاح
    ـــــــــ
    وعليكم السلام ورحمة الله وبركاته
    اهلا بيك استاذ مصعب
    اهداء رقيق وربنا يخليكوا لبعض ويديم عليكم المحبة
    اشكرك جدا لمشاركتك
    دمت لمدونتى زائرا

  22. NilE_QueeN Said:

    جميلة هي الصداقه الحقيقيه

    حفظك الله وحفظ صديقتك

    وكل عام وانتى بخير

  23. norahaty Said:

    كلامك جميل يامـــــونى
    ربنا يديم الود بينكم

  24. Mr.Hazem Said:

    لن اتحدث هنا كثيراً
    ولكن فقط دعيني اقول (ربي ما يحرمكم من بعض)
    كل الود

  25. موناليزا Said:

    نايل كوين
    ـــــــــــ
    اختى الحبيبة:اهلا اهلا بالقمر
    ربنا يكرمك ويتقبل دعائك
    واشكرك جدا لتعليقك
    نورتينى حبيبتى ودمتِ بخير

    ********************************

    نور اهاتى
    ــــــــــــ
    اختى الحبيبة: اهلا اهلا بالقمر
    ماتحرمش منك ياحبيبتى
    ربنا يتقبل دعائك
    نورتينى ياجميلة واسعدتينى بتواجدك

    **********************************

    مستر/حازم
    ــــــــــــ
    اهلا بيك استاذ حازم
    ونِعم القول
    اشكرك جدا لتواجدك
    دمت لمدونتى زائرا

  26. ذكري رحيل قلم Said:

    كل سنة وانت طيبة
    وكل الناس بخير والشعب والناس المكتوب عنهم
    في الموضوع

    في سرية تامة

    يارب اعطي كل نفس ما تتمناها في الخير
    دمتنا يكل حب وود

  27. Sweet Violet Said:

    مبروك رجوعكم
    بس عارفة ان فعلا الصداقة مش بنحس بيها فعلا اللى فى الوقت ده اذا كانت فعلا حقيقة ولا لأ
    ربنا يديم عليكم المحبة يااااااارب

    و اشكرك من كل قلبى على التعزية

    ربنا يرحم امواتنا و اموات المسلمين جميعا

  28. الفقيرة إلى الله أم البنات Said:

    ربنا يسعد ايامك يا صحبة القلب الابيض..يا جميله
    ولا ازكيك على الله
    ربنا مايحرمك من صحبتها…يجعلكم معا فى ظله يوم لا ظل إلا ظله

  29. ســـــــهــــــــــر Said:

    الرساله خاصه و المعنى عم و المشاعر صحيح خاصه لكن ف الاغلب تعم – يا رب دايما احباء ف الله- اللهم بلغنا رمضان و اجعلنا من عتقائه-+گل سنه و انتي امة الله بنقائها اللي عرفته

  30. شوكولاتة Said:

    الف مبروك عليكي عودة منى ليكي وكلامك عن منى فكرني بحبيبة قلبي رنونا اللي سافرت وسابتني هاتجنن عليها ربنا يرجعهالي بالسلامة
    بحبك ياموناليزا

  31. العصفورة Said:

    السلام عليكم
    إهداء جميل جداً
    أتمنى لحضرتك التوفيق
    خالص تقديرى

  32. اللؤلؤة Said:

    السلام عليكم
    البقاء لله لمدونة وما زلت أتعلم لوفاة عمتها
    خالص تقديرى

  33. موناليزا Said:

    ذكرى رحيل قلم
    ــــــــــــــــ
    اختى الحبيبة:اهلا اهلا بالقمر
    وانتِ طيبة ياقلبى وبكل خير يارب
    اشكرك جدا لتعليقك ولاهدائك الرقيق
    نورتينى ياجميلة واسعدتينى بتواجدك

    **********************************

    سويت فيوليت
    ـــــــــــــ
    اختى الحبيبة:اهلا اهلا بالقمر
    الله يبارك فيكِ ماتحرمش منك ياجميلة
    لا شكر على واجب يا حبيبتى والبقاء لله
    نورتينى واسعدتينى بتواجدك

    ******************************

    الفقرة الى الله ام البنات
    ـــــــــــــــــــــــــ
    اختى الحبيبة:اهلا اهلا بالقمر
    ربى مايحرمنى منك ولا من كلماتك وتعليقاتك الجميلة التى تترك أثر طيبا فى نفسى وتدخل على قلبى السرور
    ربنا يسعدك يارب ويرضى عنك اللهم امين
    نورتينى غاليتى ودمتِ بخير

    ***********************************

    سهر
    ـــــــ
    اختى الحبيبة:اهلا اهلا بالقمر بعد طول غياب
    كنت مفتقدة تواجدك عندى جدا
    وكل سنة وانتِ بالف خير وصحة وسعادة أنتِ وكل من تحبين
    نورتينى سهر الجميلة واسعدتينى بتواجدك

    ********************************

    شوكلاتة
    ـــــــــ
    اختى الحبيبة:اهلا اهلا بالقمر
    الله يبارك فيكِ ياجميلة وربنا يطمنك على رنونا ويرجعهالك بالف سلامة
    أحبك الذى أحببتنى فيه:)
    وانا كمان بحبك جداً ياقمر:)
    نورتينى حبيبتى واسعدتينى بتواجدك

    *********************************

    العصفورة
    ـــــــــــ
    وعليكم السلام ورحمة الله وبركاته
    اختى الحبيبة:اهلا اهلا بالقمر
    الجميل هو تواجدك وتعليقاتك الرقيقة
    نورتينى حبيبتى واسعدتينى بتواجدك

    **********************************

    الؤلؤة
    ــــــــ
    وعليكم السلام ورحمة الله وبركاته
    اهلا بيك يافندم
    اشكرك لتعزيتك لاختنا الجميلة
    دمت لمدونتى زائرا

  34. سمسم Said:

    السلام عليكم
    الحمد لله على عودة صديقتك
    وكل سنة وانت طيبة
    واهدائي لاعز صحباتي وحبيباتي
    الاميرة ميرا والملكة
    تحياتي

  35. طهر فؤادك Said:

    السلام عليكم ورحمة الله وبركاتة

    وجزاكى الله خيرا والمسلمين …. على حبك لصديقتك وان شاء الله …. لانة حب فى الله بدون اى مصلحة واو غرض ودة وانتى ان شاء الله وصحبتك والمسلمين الى زيك … وجزاكى الله خيرا والمسلمين وثبتكى الله والمسلمين على طاعتة وحسن عبادتة اللهم امين

  36. صاحبة هدف Said:

    السلام عليكم

    موناليزا على فكرة أنا نفسي أتعرف عليكي

    ربنا يكرمك على كلامك اللي قلتيه ليا على المدونة بعد النتيجة

    بجد جزاكم الله خيرا

    ويارب يبارك لك في صديقتك ويظلكما في ظله يوم لا ظل إلا ظله

    ورحم الله جميع أموات المسلمين

    جزاكِ الله خيرا

  37. رفقة عمر Said:

    عارفه مبسوطه قوى بالبوست دة ادانى تفاؤل ان النصر مع الصبر وان مع العسر يسر
    وان الاصحاب بجد مهما اختلفوا بيرجعوا لبعض تانى

    وربنا يرحم اموات المسلمين جميعا
    اللهم امين

  38. موناليزا Said:

    سمسم
    ـــــــ
    وعليكم السلام ورحمة الله وبركاته
    اختى الحبيبة:اهلا اهلا بالقمر
    الحمدلله ياحبيبتى كله بأمر الله
    وأنتِ طيبة ياقمر كلك ذوق
    ربنا يخليكوا لبعض
    واشكرك جدا لمشاركتك
    نورتينى سمسمة الجميلة وأسعدتينى بتواجدك

    **********************************

    طهر فؤادك
    ــــــــــــ
    وعليكم السلام ورحمة الله وبركاته
    اهلا بيك يافندم
    ربنا يكرمك ويتقبل دعائك ويزقك بكل الخير اللهم امين
    اشكرك جدا لمشاركتك واسعدتنى بتعليقك
    دمت لمدونتى زائرا

    *********************************

    صاحبة هدف
    ــــــــــــــ
    وعليكم السلام ورحمة الله وبركاته
    اختى الحبيبة:اهلا اهلا بالقمر
    ده شئ يسعدنى جداً ويكون لى الفخر طبعاً انى اتعرف على شخصية جميلة زيك
    ماتحرمش منك ياحبيبتى ده توفيق من ربنا وأنتِ أختى فى الله يعنى ده حقك عليا
    وان شاء الله ربنا هيوفقك دايما وربنا يستخدمك لطاعته ولعزة الاسلام اللهم امين
    ربنا يكرمك على دعاواتك الجميلة لى ربنا يتقبل ولكِ بالمثل ان شاء الله
    نورتينى شيماء الجميلة واسعدتينى بتواجدك

    *********************************

    رفقة عمر
    ــــــــــــ
    اختى الحبيبة:اهلا اهلا بالقمر
    سعيدة بجد ان الموضوع أثار التفاؤل جواكِ. الحمدلله بجد . كنت مفكراها مجرد رسالة خاصة ومش هتفيد اللى يقرأها بأى حاجة:)
    ربنا يسعدك ويبشرك بكل الخير ويرزقك من حيث لا تحتسبى
    بحبك فى الله
    نورتينى حبيبتى وأسعدتينى بتواجدك

  39. ☆ĦiβǾ☆ Said:

    اهداء رائع
    وايضا مدونة ممتازة
    بالتوفيق

  40. call to liberty Said:

    ربنا يخليكوا لبعض يا رب الدنيا لا تحلى من غير اصدقاء
    وجزاكى الله خيرا تقبلى مرورى

  41. على خطى الحبيب Said:

    السلام عليكم ورحمة الله,

    بتأسف عن كونى بعيد عن مدونتكم المتميزة دائما لكنها ويعلم الله لظروف خارجة عن الارادة,,

    اما بخصوص المدونة فكلنا أكيد بنقول لصديقتك حمد الله ع سلامتها وان شاء الله متبعدوش عن بعض تانى ابداً,
    بجد الصداقة شيىء جميل والاجمل منها انها تدووووم على طوووول, الى ما يشاء الله طبعاً.

    دمتى بكل الود والخير,,,
    وتقبلـــى مرورى,,,,,

  42. دكتور Said:

    تعيشوا أحلي حياة مع بعض …ان شاء الله صحوبية في طاعة الله ربنا مايفرقكوا عن بعض ..الايام مهافرقت هي اتخلقت عشان تجمع بين الحبايب..عزائنا لإخواتنا اللي توفي عنهم اقاربهم البقاء لله

  43. ومازلتُ أتعلم Said:

    جزاكى الله كل خير موناليزا
    ربنا يخليكى يارب
    على العزاء والإهتمام
    ألف شكر.

  44. موناليزا Said:

    هيبو
    ـــــــ
    اهلا بيك يافندم فى زيارتك الاولى
    ربنا يكرمك واشكرك جدا لرايك
    نورت مدونتى

    ********************************

    كول تو ليبرتى
    ــــــــــــــ
    اختى الحبيبة:اهلا وسهلا
    ربنا يكرمك واشكرك جدا لتعليقك
    نورتى مدونتى واسعدنى مرورك

    ********************************

    على خطى الحبيب
    ـــــــــــــــ
    وعليكم السلام ورحمة الله وبركاته
    اهلا بيك يافندم
    لا داعى للاسف اخى الكريم عذرك معاك وانت تنور مدونتى فى اى وقت

    الله يسلمك ويتقبل دعائك
    اشكرك جدا لتعليقك
    دمت لمدونتى زائرا

    *********************************

    دكتور
    ــــــــ
    اهلا بيك يافندم فى زيارتك الاولى
    ربنا يكرمك واشكرك جدا على تعليقك الجميل
    نورت مدونتى

    *********************************

    ومازلت أتعلم
    ــــــــــــــــ
    اختى الحبيبة:اهلا اهلا بالقمر
    ربنا يكرمك ياحبيبتى الشكر لله
    انا ماعملتش غير الواجب ده حقك عليا كأخت فى الله
    ربنا يرحمها ويزقكم الصبر
    نورتينى يا جميلة ودمتِ بخير

  45. مامة مازن Said:

    الرقيقة الجميلة موناليزا
    جمال الروح سهل قوى اننا نشوفه ربنا يبارك لكى اختى
    تمنياتى فى ان يجمعكم دائما الحب فى الله
    وصحيح زى د\ نهى تاثير الفراشة ماقالت زى ما يكون واحد بيصالح نفسه
    وزى ما الاخ ابو صهيب قال صعب تجد صديق تضحى من اجله
    ربنا يخلى كل اصدقائك يارب ويحفظك ويحقق لكى كل امنياتك
    طب ممكن اقول اهداء بقى
    اهداء لكل الناس المحترمة جدا اللى هما اصدقائى فعلا واللى بيزوروا مدونتى
    اشكركم من قلبى لانكم كنتم خير معين لى فى هذه الدنيا اشكركم لانكم خرجتونى من حالة الوحدة اشكركم لانكم اثبتولى ان لسه الدنيا بخير ولسه فى ناس عندها صدق واخلاق شكرا ليكم كلكم ربنا يحفظكم ويعز الاسلام بيكم وباولادكم ان شاء الله

    ربنا يبلغنا رمضان ويتقبل مننا كلنا

  46. موناليزا Said:

    مامة مازن
    ــــــــــــ
    اختى الحبيبة:اهلا اهلا بالقمر
    كلك ذوق ياحبيبتى رب ماتحرم منك ابدا
    أعجبتنى جميع التعليقات وربنا يباركلكم كلكم يارب
    وماتحرمش منك ياحبيبتى ربنا يتقبل دعائك
    بعدإهدائك الجميل ده مش عارفة أقول غير أنتِ بجد حد جميل اوى ربنا يسعدك دايما وكل سنة وانتِ بالف خير
    نورتينى حبيبتى واسعدتينى بتواجدك

  47. rovy Said:

    السلام عليكم حبيبتى الغاليه موناليزا ..
    بجد انا فرحانه جداا علشانك و لأنى حسيت بفرحتك ..يارب يديمها عليكى و تفرحى دايما و ما يحرمكم من بعض تانى ابدا .. و يقرب بين كل اثنين عاشوا مع بعض فتره طويله جداا على الحب و الموده و شافوا ايام كثيره مع بعض منها الحلو و منها الوحش و كانوا دايما بيساندوا بعض .. لكن فرقتهم الايام و بدل الزمن الاحوال .. يارب يصفوا و تصفى قلوبهم و يقدروا ينسوا و يسامحوا ..
    حسيتك قوى و فرحت لكى و بكى قوى ..
    ربنا يسعد ايامك يارب حبيبتى و ما تنسيش تسلمى لى على صاحبتك اللى انا متأكده انها اكيد انسانه جميله ما دام الرحمن اهداها مثلك صديقه وفيه ..
    ربنا يجمعكم دايما فى الخير و يسعد ايامكم .. بحبك جدااااااا
    ===========
    اسمحيلى حبيبتى من عندك اوجه رساله للغاليه جنه و اقولها انها وحشيتنى جدااا و نفسى قوى اطمن عليها و لو برساله .. يارب نطمن عليها يارب ..
    ارجعى لنا بقى يا جنه كفايه كده بجد وحشتينا جدااااااااااااااااا

  48. موناليزا Said:

    روفى
    ـــــــــ
    وعليكم السلام ورحمة الله وبركاته
    اختى الحبيبة:اهلا اهلا بالغالية
    ربنا يخليكِ ليا ياحبيبتى وماتحرم منك أبداً
    الحمدلله ياحبيبتى ربك كريم اوى
    سلامك وصلها لانها معايا دلؤتى🙂 هى كمان حبتك اوى من كلامك
    وانا وهى بقى بندعيلك ان ربنا يسعدك ويفرحك ببناتك يارب
    ==
    طب ياريت "جنة" الجميلة تكون بتابعنا او حتى بتدخل على النت
    ربنا يطمنا عليها يارب ويسمعنا عنها كل خير

    دمتِ جميلة ورقيقة ومحبة للجميع
    بحبك جدااااااا


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: