الكاميرا الخفية

إن برامج الكاميرا الخفية رغم كونها تثير ضيقى نظراً لاستهتارها بمشاعر ووقت من يقع الإختيار عليه. إلا أنها نبهتنى أننا قد نكون مراقبين دون أن ندرى ويتم تصويرنا ونُعرض على الفضائيات فى أى موقف عادى دون حتى أن يتم الإستئذان أو معرفتنا بذلك.
ولك أن تتخيل أن تفتح إحدى القنوات يوماً ما لتجد نفسك فى موقف معين دون أن تدرى أنك أصبحت محط أنظار للجميع. كما نشاهد مثلاً الفئات المختلفة التى تظهر على الشاشة بالصدفة لكونها تسير أمام كاميرا إحدى القنوات والتى تستضيف شخص فى الشارع.
ولذلك دارت عدة أسئلة فى ذهنى وأرجو أن نفكر فيها سوياً.
لو رئيسك فى العمل واضع كاميرات خفية فى كل مكان لمراقبة سير العمل وأنت تعلم بذلك هل تأديتك للعمل حينها ستختلف أم أنك طبيعى تعمل بكل إخلاص وتعطى لعملك حقه؟
هل لو زميلتك فى الجامعة مثلاً هتنقل كل كلمة سيادتك بتقولها لها لأبوها سواء مباشرة أو بالتليفون أسلوبك فى الكلام هيختلف ؟
ولو الشخص اللى أنت بتتكلم عنه بالسوء واقف وراك برضه هتغتابه؟
ولو أنتِ عارفة أن أخوك الكبير بيراقبك مثلاً برضه هتكلمى صاحبه من وراه؟
ولو أى كلمة بتكتبها فى الشات هتتسجل على الجهاز وأهلك هيقرأوها ياترى هتغير ما تكتب ولا أنت أصلاً كلامك جميل وتتمنى أن يقرأه الجميع؟
ولو أبوك سمعك وأنت بتسخر منه مع زمايلك أو أخواتك موقفك هيكون إيه؟
ولو اتمسكت فى لجنة الإمتحان وأنت بتغش شكلك هيبقى إيه أمام الجميع؟
ولو خبطت واحد بسيارتك نتيجة تجاوزك للسرعة المقررة ياترى هتحاول تعالجه ولا هتسيبه وتهرب طالما محدش شافك؟
ولو زوجتك تعمل معك فى نفس الوظيفة ياترى هتتكلم وتهزر مع زميلاتك بلا حياء أو احترام؟
ولو بتسرق حد من غير ما ياخد باله ووجدته ينظر لك مباشرة هتقوله ايه؟
….وغيرها من الأسئلة.
وهنا وجدت بأن الله الذى يرانا دائماً أحق أن نخشاه.
فهو المطلع علينا فى جميع الأوقات وأعلم بما تخفيه الصدور.
وأخيراً لا أجد خير من هذا الدعاء لأختم به.
اللهم أعزنا بطاعتك ولا تذلنا بمعصيتك.

66 Comments »

  1. مصطفى أبوزيد Said:

    كالعاده ادعو الله لك ان يجعل مواضيعك في ميزان حسناتك

    بالفعل اختي المراقبه هي اصل الإيمان
    فالمرء مادام مشغول بأن الله مطلع دائما على سكناته وحركاته سيكون حريص على ان يفعل الخير دائما

    تقبلي تحياتي دائما

  2. أمل الحياة Said:

    ربنا يكرمك يااااااارب يا امة الله
    تشبيهك رائع جدااااااا

    فعلا لازم نراجع نفسنا و نفوق بقى

    تقبلى مرورى

  3. norahaty Said:

    مراقبة النفس فى السر والعلن
    هى السبيل الى الوصول للجنة
    ولكن!ماذا نفعل فى نفوسنا؟

  4. norahaty Said:

    بسم الله الرحمن الرحيم
    (قال تعالى: ﴿وَلَقَدْ خَلَقْنَا الْإِنْسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ ، إِذْ يَتَلَقَّى الْمُتَلَقِّيَانِ عَنْ الْيَمِينِ وَعَنْ الشِّمَالِ قَعِيدٌ ، مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ﴾ [ق].
    لو استحضرنا معانى هذه الاية دائما
    ما عصينا الله ابدا ولكنها الغفلة:(

  5. أم أحمد المصرية Said:

    اول تعليق كمان
    انا قاعدة هنا من التدوينة اللي فاتت لسه معلقة عليها من شوية :)))
    —————————
    موضوع جميل قوي يا موناليزا و ختامه غير متوقع كنت فاكراك حتتكلمي علي حاجة تانية لقيتك بتتكلمي عناهم شيء في الدنيا
    سبحانه و تعالي المطلع علي الافعال و النفوس
    ربنا يجعل هذا الكلام في ميزان حسناتك

  6. وومن Said:

    ايه الأسئلة الصعبةدي

    طب هاجاوب عل اللي يخصني منهم

    لو مديري في العمل ركب كاميرات مش هاتفرق بجد معايا لأني ببساطة علشان انا اشتغل لازم هويكون بيشتغل وبالتالي انا معنديش شغل يعني هو مش بيشتغل

    لو الشخص اللي انا بتكلم عنه بالسوءواقف ورايا هاخد اللي بتكلم عليه معاه في حتة بعيد
    بس غالبا اول ما هاشوف وشه /وشها هاقوله / هاقولها انا قولت لفلان / فلانه كذا كذا كذا

    لو أهلي بيقروا اللي بكتبة علي الشات مش هاغيره بالعكس احب يعرفوا انا بفكر ازاي وبتكلم عنهم ازاي
    بس مش هاينفع لأن في أصدقاء ليا بيكلموني عن حاجات خاصة بيهم فمش هاحب اني الأسرار اللي معايا تبقي شبه علنية لحد تاني

    بابا والحمد لله عمره ما هيسمعني بتكلم عنه وحش لا في غيابه ولا في حضورة لو في حاجة مزعلاني منه هاقولة

    الحمد لله عمري ماغشيت في إمتحان وحتي لما كانوا بيعملوا غش جماعي بجد كنت بحل لوحدي وبكره الناس اللي بتنجح بالغش

    لو جوزي شغال معايا والله مش عارفة علشان لسه متجوزتش بس غالباً مش هاغير من طريقتي في معاملة الزملاء الأرجح هما اللي هايغيروها

  7. موناليزا Said:

    مصطفى أبو زيد
    ــــــــــــــــ
    اهلا بيك يا باشمهندس
    ربنا يكرمك يارب ويتقبل دعائك
    ده حقيقى
    اشكرك جدا لتعليقك

    ********************************

    أمل الحياة
    ـــــــــــ
    اختى الحبيبة:اهلا بيكِ
    ربنا يعزك ياجميلة فماتوفيقى الا بالله
    عندك حق ولنحاسب انفسنا قبل ان نحاسب
    نورتى مدونتى وارجو دوام التواصل

    *********************************

    نوراهاتى
    ـــــــــــ
    اختى الحبيبة:علينا ترويضها قدر المستطاع
    ونِعم الاستشهاد
    اللهم اجعلنا ممن يستمعون الى القول فيتبعون احسنه
    نورتينى حبيبتى واشكرك جدا لتعليقك
    ملحوظة:انتِ ليه قافلة التعليقات؟

    *******************************

    أم احمد المصرية
    ـــــــــــــــ
    اختى الحبيبة:انتِ تنورينى فى اى وقت:)
    ربنا يعزك يارب اشكرك جدا لرايك
    وربنا يتقبل دعائك
    نورتينى حبيبتى وسعيدة بتواجدك

    ********************************

    وومن
    ـــــــــ
    اختى الحبيبة:اهلا اهلا بالقمر
    ربنا يعزك بطاعة الله دايماً
    جميلة هى اجابتك
    نورتينى غاليتى واشكرك جدا لمشاركتك

  8. حتى تشرق الشمس Said:

    السلام عليكم ورحمة الله وبركاتة
    كيف حالك حبيبتى؟
    ربنايكرمك على هذا البوست
    وجعلة الله فى ميزان حسناتك ان شاء الله
    دمت بكل الحب

  9. مجرد مدونة Said:

    يا رب ارزقنا خشيتك
    جزاكم الله خيرا

  10. ماء تشرين Said:

    ده من لطف ربنا بينا ياموناليزا بجد

    جزاكى الله كل خير
    تقبلى مروى

  11. salma mohamed Said:

    جزاكِ الله خيرا ياموناليزا
    وربنا يرزقنا مراقبته في السر والعلن
    تعرفي دي مش المرة الاولى اللي تسرقي فيها افكاري
    كنت ناوية اكتب عن الموضوع ده في مدونتي الدينية وباسلوب يتشابه كثيرا مع اسلوب عرضك للموضوع,
    تقبل الله منك وجعله في ميزان حسناتك.

  12. hamma Said:

    السلام عليكم و رحمة الله و بركاته
    عادة ينصهر الإنسان وسط محيطه
    يعني الزملاء و الزميلات يتحدثون عن الرياضة أو الفن…موضوع الساعة يعني و أنا الوحيدأعمل…..عيب بالنسبة لهم
    …………………..
    لا لا فقط للمزح من الواقع المرير
    الواحد يتقي الله
    يشغل نفسه بعد آداء عمله بما يفيده
    و الخوف من البشر لا ينفع…سيزين له الشيطان بأكثر من حجة و يقع في النهاية
    صحيح الإنطلاق كفكرة تدعو الى الحيطة و الحذر
    موضوعك جادا و أبدعتي في طرحه
    تمنيات لك التوفيق

  13. د/عرفه Said:

    بجد الواحد لو فى دماغه موضوع المراقبة ده على طول
    مش هيعمل سيئات ابدا

    طرحتى شوية اسئلة جميلة
    بس فى غيرها كتيررررر اوى
    وكل واحد ادرى بالشىء اللى مخبيه فى نفسه

    فى جزء من حديث بحبه اوى بيوصف الاثم

    والإثم ما حاك فى نفسك وكرهت ان يطلع عليه الناس

    وظن ان ده هو المفهوم اللى عايزة توضحيه تمام

  14. د. ياسر عمر عبد الفتاح Said:

    ولا هقدر أجاوب ولا سؤال من اللي فاتوا علي الملأ

    ربنا يجازيكِ خير علي التذكرة المعبرة أوي دي
    أستغفر الله العظيم

  15. شيماء زايد Said:

    يا موناليزا

    احنا بنهتم بالكاميرا الخفيه اكتر
    لاننا بنشوفها بشكل اسرع
    زي كل حايتنا
    بنشوفها بشكل سطحي
    اللي باين بس
    ربنا يهدي الجميع

  16. مصعب صلاح Said:

    السلام عليكم

    فعلا مراعاة الله سبحانه وتعالي هتغني عن أي كاميرا خفية

    تقبل مروري

  17. Ahmed Talk Said:

    ياه ربط رائع وجميل واسلوب جميل في ايصال الفكرة

    بارك الله فيكي اختي أمة الله

  18. dr aly khamis Said:

    السلام عليكم و رحمة الله و بركاته
    جميلة الفكرة
    أسأل الله الستير أن يرخى علينا ستره الجميل , ألا يفضحنا فى الدنيا و لا فى الآخرة ..
    عندما سأل جبريل عليه السلام سيدنا محمد صلى الله عليه و سلم عن الإحسان … قال : أن تعبد الله كأنك تراه فإن لم تكن تراه فإنه يراك…
    و الله فعلا لو استشعر كل واحد المعنى ده الدنيا هتكون جنة و الناس كلها هتدخل الجنة …
    تقبل الله منك أختى أمة الله
    بارك الله فيك
    تقبلى تحياتى

  19. موناليزا Said:

    حتى تشرق الشمس
    ــــــــــــــــــ
    وعليكم السلام ورحمة الله وبركاته
    اختى الحبيبة:انا الحمدلله بخير ماتحرمش منك ابداً
    ربنا يعزك ويتقبل دعائك اللهم امين
    نورتينى ياجميلة واشكرك جدا لمشاركتك

    ********************************

    مجرد مدونة
    ــــــــــ
    اهلا بيك يافندم
    اللهم امين
    اشكرك جدا لتعليقك

    ********************************

    ماءتشرين
    ــــــــــ
    اختى الحبيبة:ربنا يكرمكويجعلنا من عباده الطائعين اللهم امين
    نورتينى حبيبتى ويسعدنى مرورك دائماً

    *******************************

    سلمى محمد
    ــــــــــ
    اختى الحبيبة:ربنا يكرمك ويتقبل دعائك
    سبحان الله:)
    سأنتظر موضوعك هذا بفارغ الصبر
    نورتينى سلمى الجميلة ودمتِ بخير

    **********************************

    هاما
    ـــــــ
    وعليكم السلام ورحمة الله وبركاته
    اهلا بيك يافندم
    لا اقصد الكلام العام الذى يحدث امام الجميع اقصد الحوارات الخاصة الجانبية والتى يندى لها الجبين
    ولذلك وجب علينا ان نعلم بأن الله مطلع علينا دائماً
    ربنا يكرمك واشكرك جدا لرايك

    ********************************

    د/عرفة
    ــــــــ
    اهلا بيك يادكتور
    ده حقيقى
    ربنا يكرمك على استشهادك بهذا الحديث الشريف
    اشكرك جدا لتعليقك

    *******************************

    د. ياسر عبد الفتاح
    ـــــــــــــــــــــ
    اهلا بيك يادكتور
    احترمت تعليقك جدا واشكرك على مشاركتك
    وربنا يتوب علينا جميع ويغفر لنا ذنوبنا جميعها ما نعلمها ومالانعلمها

    *********************************

    شيماء زايد
    ـــــــــــــ
    اختى الحبيبة:فعلا ولان الناس بتبص لبعضها واهم حاجة شكلهم يبقى حلو قدام اللى يعرفوهم ومش مهم حد تانى
    نورتينى شيماء الجميلة وسعيدة بتواجدك

    *********************************

    مصعب صلاح
    ــــــــــ
    وعليكم السلام ورحمة الله وبركاته
    اهلا بيك استاذ مصعب
    اللهم اعنا على ذكرك وشكرك وحسن عبادتك
    اشكرك جدا لمرورك

    *******************************

    احمد تاك
    ــــــــــ
    اهلا بيك استاذ احمد
    ربنا يكرمك يارب فماتوفيقى الا بالله
    اشكرك جدا لرايك

    *******************************

    د/ على خميس
    ــــــــــــ
    وعليكم السلام ورحمة الله وبركاته
    اهلا بيك يادكتور
    ربنا يكرمك ويتقبل دعائك اللهم امين
    اشكرك جدا على تعليقك القيم وربنا يتقبل منا ومنكم صالح الاعمال

  20. norahaty Said:

    السلام عليكم ورحمة
    الله تعالى وبركاته
    وكمان صباح الفل
    الاجابة لسؤالك
    لانى الايام دى مشغولة
    شوووية مش عايزة حد
    يكتب تعليق وما اقدر
    ارد عليه !شىء كان
    بيغضبى من الاخرين عدم
    الرد على الكومانتس
    فكيف انى اعمل كده!
    اخلص المشاغل دى
    وافتح البـــــــاب
    ساعتها واشوف حد
    (حيعبرنى )ولا لأ:(
    وشكرا يامونى لسؤالك.

  21. MaNoOoSh Said:

    اسألة صعبة جدا

    بس مفيش مفر ان الواحد يواجه بيها نفسه

    فعلا نظرة الانسان للموقف لو اختلفت الظروف هتتغير

    ربنا يهيدنا للصواب ويكرهنا فى المعاصي

  22. المهـ إلي الله ـاجر Said:

    وهنا يظهر معدن المحسنين واُثر الإحسان عليهم . فهم ينفذون وصية الحبيب صلي الله عليه وسلم حينما سئله جبريل عليه السلام عن الإحسان فأخبره أن الاحسان أن تعبد الله كأنك تراه . فإن لم تكن تراه فإنه يراك

    وهذه قيمة عظيمة لو استشعرها كل واحد منا قبل أو اثناء الشروع في الذنب ما قارب ذنبا واحدا طيلة حياته…ولكنها مسألة توقير وخشية …

    كما يدفعنا هذا الأمر للنظر في إسم الله تعالي الحليم . فهو الذي يرانا علي معاصينا ويعفو ويحلم ويصبر لعلنا نرجع .

    احييك علي مقالك وفكرتك الطيبة . جزاك الله خيرا

  23. على خطى الحبيب Said:

    السلام عليكم ورحمة الله…..

    كلام جميل طبعاً, رغم ان محتوى البوست يختلف شيئاً ما عن عنوانه وهو ((الكاميرا الخفية)), الا اننا نقدر نقول ان الفكرة ممكن تكون واحدة او متشابهة فى النهاية وهى " المراقبة", سواء كانت من البشر او من الله عز وجل..
    اعتقد ان خلاصة القول فى موضوع زى دة (أمه الله), هو ان الانسان يكون مؤمن كلياً بوجود الله عز وجل من حوله, وافتكر لو كل واحد فينا قدر يميز النقطة دى بالذات وحققها فعلا فى حياته, وقتها هنعيش حياه طيبة, ومش هنحتاج فى حياتنا لوجود ""الكاميرا الخفية"".
    دمتى بود…
    خالص تحيـــاتى…..

  24. MOHAMMED ELBANNA Said:

    موناليزا
    كيف حالك ؟
    اتمنى تكوني بخير .
    موضوع جميل ومتميز ، وفعلاً اذا استشعر كلاً منا في نفسة فكرة المراقبة وان الله يطلع عليه فأن ذلك سيجعله يلتزم بأوامر الله ويتقن عمله ولا يظلم احد ولا يغش ولا يخون ولا …….
    وسوف تنتشر الاستقامه فى المجتمع .
    ويجب على كلاً منا ان يجعل هذه الايات امام عينيه اذا خلى بنفسه وحدثته بالمعصية :
    {إِنَّ اللّهَ كَانَ عَلَيْكُمْ رَقِيباً}
    {أَلَمْ يَعْلَمْ بِأَنَّ اللَّهَ يَرَى }
    {الَّذِي يَرَاكَ حِينَ تَقُومُ }
    {وَاللّهُ بِمَا تَعْمَلُونَ خَبِيرٌ }
    صدق الله عظيم

    وليتذكر هذه الآبيات الجميله :

    إذا خلوت الدهر يوماً فلا تقل
    خلــوت ولكن قـــل على رقيب
    ولاتحســبن الله يغـفـل ساعــــة
    ولا أن مـــا تخفيه عنـه يغيب
    ألم ترأن اليوم أســرع ذاهـب
    وأن غـــداً للناظريـن قـريب

    ــــــــــــــــــــــــــ

    واذا خلوت بربية فـي ظلمـة
    والنفس داعية الى الطغيانـي
    فاستحي من نظر الاله وقل لها
    ان الذي خلق الظـلام يراني

    ــــــــــــــــــــــــ

    جزاكي الله خيراً على مواضيعك المتميزة وبارك الله فيكي وتقبل منكي صالح الاعمال .
    تقبلي مروري.
    محمـــد البنا
    طريق النجاح

  25. المهاجر Said:

    موناليزا
    شكرا على الموضوع الجميل
    وفعلا مفرزض كل انسان يكون رقيب على نفسه اولا إذا كان يخاف الناس ألا يخاف الله

  26. راجى Said:

    امين

  27. Nostor Azzuro Said:

    اتق الله حيثما كنت

    وبارك الله فيكى

  28. محمد التميمى عبدالحق Said:

    فعلا
    لو فكرنا فى الموضوع ده
    هنلاقى نفسنا اتحطينا فى مواقف صعبة جدا
    ربنا شايفنا دايما
    واحنا بنغلط دايما
    وربنا بيسامحنا
    وهى دى عظمة الخالق
    تقبلوا مرورى

  29. blue-wave Said:

    حقا
    فالله احق ان نحشاة
    احسنتى

  30. عاشقة الأحزان Said:

    السلام عليكم

    مونى الجميله

    جميل قوى البوست

    ربنا يهدينا للطريق الصح
    بارك الله فيكى

    ايناس

  31. همس الاحباب Said:

    ربنا بجازيكى خيرا
    ويبارك لكى ويجعل اعمالك فى ميزان حسناتك
    متفق معكى فى كل حرف وكلمة
    نعم سبحانه وتعالى عالم الغيب والشهادة
    واحق ان نخشاه
    تحياتى وتقديرى

  32. حواء Said:

    بوست جميل
    كنت متوقعه محتواه من قبل مقرأه

    فعلا لو الانسان حس ان حد مراقبه هيتجمل في افعاله
    وده في اغلب الناس ولله الحمد
    احسن حاجه اننا نحس اانا مراقبين من الله سبحانه وتعالي
    اكيد هينصلح حالنا
    الدعاء اللي في الاخر جميل جدا ومريح جدا للنفس
    تحياتي

  33. دعاء Said:

    بارك الله فيكي
    موضوع جميل ويدعو للتفكير كماتعودنا فى كل موضوعاتك
    اللهم اغفر لنا ذنوبنا ,ما ظهر منها وما بطن

  34. موناليزا Said:

    نوراهاتى
    ــــــــــــ
    وعليكم السلام ورحمة الله وبركاته
    اختى الحبيبة:أنتِ ذوق اوى على فكرة:)
    قليل اللى بيفكر زيك كده
    اشكرك جدا لمتابعتك ولعودتك
    دايما منورانى وتمنياتى لكِ بكل الخير

    *******************************

    منوش
    ــــــــ
    اختى الحبيبة:الاسئلة واقعية ولهذا تكمن صعوبتها
    اللهم ارزقنا خشيتك دائما
    نورتينى منوشة الجميلة واشكرك لمشاركتك

    ********************************

    المهاجر الى الله
    ــــــــــــــــ
    اهلا بيك يافندم
    ربنا يكرمك واشكرك جدا على مشاركتك القيمة

    ********************************

    على خطى الحبيب
    ــــــــــــــــ
    وعليكم السلام ورحمة الله وبركاته
    اهلا بيك يافندم
    الانسان ضعيف بطبعه
    خينما اذهب لمحلات كبيرة مثلاً واجد مكتوب احذر هناك كاميرا خفية او اجد شخص يجلس فى جانب المحل وامامه شاشة للمراقبة دون دراية الزبائن اقول بداخلى مش محتاجين شخص يجلس امام الشاشة لان محدش هيجرؤ يسرق حاجة طول ماهو عارف ان هو متراقب
    اشكرك جدا لمشاركتك

    ********************************

    محمد البنا
    ـــــــــــ
    اهلا بيك استاذ محمد
    انا الحمدلله بخير اشكرك جدا لسؤالك
    اشكرك جدا لرايك فماتوفيقى الا بالله
    صح جدا
    ربنا يكرمك على مشاركتك التى تثرى موضوعاتى دائما
    اشكرك جدا لتواجدك

    **********************************

    المهاجر
    ــــــــــ
    اهلا بيك يافندم
    الشكر لله فماتوفيقى الا به
    متفقة مع رايك جدا
    واشكرك جدا لمشاركتك

    ***********************************

    راجى
    ـــــــ
    اهلا بيك استاذ راجى
    اشكرك على تواجدك

    *******************************

    نوستور ازور
    ــــــــــــــ
    اهلا بيك يافندم
    ونِعم القول
    ربنا يكرمك واشكرك جدا لمشاركتك

    ********************************

    محمد التميمى عبدالحق
    ـــــــــــــــــــ
    اهلا بيك استاذ محمد فى زيارتك الاولى
    وعشان كده مش لازم نأمن مكر الله
    اشكرك جدا لمشاركتك
    نورت مدونتى ويسعدنى مرورك

    *********************************

    بلو واف
    ــــــــــ
    اهلا بيك يادكتور
    صح جدا
    ربنا يكرمك واشكرك جدا لرايك

    *********************************

    عاشقة الاحزان
    ــــــــــــــ
    وعليكم السلام ورحمة الله وبركاته
    اختى الحبيبة: ربنا يعزك يارب فماتوفيقى الا بالله
    نورتينى ايناس الجميلة وسعيدة بتواجدك

    *********************************

    همس الاحباب
    ــــــــــ
    اهلا بيك استاذ خالد
    ربنا يعزك يارب ويتقبل دعائك
    صدقت فالله شاهد على كل شئ
    اشكرك جدا لمشاركتك

    **********************************

    حواء
    ـــــــ
    اختى الحبيبة:اشكرك جدا لرايك
    🙂 توارد افكار يعنى
    عندك حق
    نورتينى حبيبتى واشكرك جدا لمشاركتك

    *********************************

    دعاء
    ـــــ
    اختى الحبيبة:ربنا يكرمك يارب فماتوفيقى الا بالله
    نورتينى دعاء الجميلة وربنا يتقبل دعائك

  35. ومازلتُ أتعلم Said:

    بوست طبيعى جداً إنه جميل
    وفيه تذكرة جميلة
    ربنا يجعله فى ميزان حسناتك
    وعجبنى أوى تعليق
    أخى محمد البنا
    ———-
    واذا خلوت بربية فـي ظلمـة
    والنفس داعية الى الطغيانـي
    فاستحي من نظر الاله وقل لها
    ان الذي خلق الظـلام يراني
    ————-
    أبيات جميلة جداً

    جزاكم الله خيراً

  36. ريمان Said:

    السلام عليكم

    موضوع مهم جدا

    عارفه

    فكرتينى بحاجه كنت دايما بقولها

    لا تجعل الله اهون الناظرين اليك

    والله اخق ان تخشاه

    اللهم ارزقنا خشيتك

    وعلى فكره يا قمر انا بتابع ردك عليا

    بس مش عارفه المدونه بتاعتى مالها معاكى بقه

    طب حاولى تدخلى تانى او غيرى المتصفح

    منتظراكى يا قمر

  37. بن آدم Said:

    جزاك الله خيرا على التذكرة أسأل الله أن ينفعنا بها

    أسلوب جمييل جدا لعرض رأبك
    ربنا يقدرلك الخير ودائما عرض شيق وجميل لتويناتك

  38. maha zein Said:

    لا تجعل الله اهون الناظيرن اليك

    يا الهي
    جملة مؤثرة جدا

    يا الهي
    احنا فعلا مالنا
    ليه بنخاف من اي حد
    وبنيجي عند ربنا وننساه
    ليه بجد فعلا بنعمل كده ليه
    اشكرك علي بوستاتك الرائعة واللى فيها ديما تذكير
    ربنا يكرمك ويعزك ويزيدك ويسترك فوق الارضص وتحت الارض ويوم العرض عليه

  39. Heba Sayed Said:

    السلام عليكم ورحمة الله

    ازيك ياقمر؟

    كييف احوالك؟؟

    موضوع جميل كعادتك … الجميل ميكتبش الا الجميل

    الانسان مننا ماشى فى الدنيا تايهه وربنا وضعله قانون ودستور سماوى يمشى عليه

    فلو اقام به كان حجة له واذا لم يقوم به وبنطبيقه سوف يكون حجة عليه
    يوم القيامة

    فالانسان فى الحتة دى مخير عشان الثواب والعقاب

    وربنا بيقوله اهو انا شايفك وحاسس باللى جواك

    قال الله تعالى فى سورة ق

    بسم الله الرحمن الرحيم

    ولقد خلقنا الانسان ونعلم ما توسوس به نفسه ونحن اقرب اليه من حبل الوريد

    الى نهاية السورة

    فذكر بالقراءن من يخاف وعيد

    وفى سورة آخرى

    قال الله تعالى

    بسم الله الرحمن الرحيم

    ذكر انما انت بمذكر لست عليهم بمصيطر

    صدق الله العظيم

    موضوع جميل ياعسل

  40. z!zOoOo Said:

    السلام عليكم

    أختي في الله كيف حالك

    اسئل الله ان تكوني بأفضل صحه ومزاجيه

    فحقا نعمل الأخطاء ونخاف من والدينا والله يرانا قبل أن يرونا

    نخالف ضمائرنا ونقصر في أعمالنا ولم يرانا أحد ولن يحاسبنا أحد لكن الله يرانا

    نعصي ونرتكب الفواحش والمعاصي وتكون من أدق اسرارنا ولا يعرفها أحد ما حيينا ولكن الله يرانا

    نظلم ونجحد ونفسق ونكره ونحقد ونكذب وننفاق ونجاهر بمعاصينا في بعض الاحيان
    ولا نتذكر أن الله يرانا

    نتذكر فقط ان الله يرانا عندما نقوم بحماقه وتصيبنا لعنه توابعها

    وقتها فقط نتذكر الله ونتضرع اليه

    ولابد بمناسبه حديثك عن ذلك الموضوع أن اذكر مقولتين إذا فعلناهم تكاد المعاصي أن تتلاشي تسكنها الرهبه وتهرول مرتعده وهما :

    " كمان تدين تدان "

    والثانيه هي ما أعشقها وأدونها في كل مكان :

    " إعمل للدنيا بقدر بقائك فيها

    وإعمل للأخره بقدر بقائك فيها

    وأعمل من المعاصي بقدر ما تطيق من العقوبه

    ولاتسئل إلا من لايحتاج الى أحد

    واذا أردت ان تعصى الله .. فأعصه .. لكن فى مكان لا يراك فيه

    أعتقد أن هاتان المقولتان قد كفيا الحديث

    فقد يجب أن يعلم الانسان أن الله اقرب لنا من حبل الوريد

    ودوما ترعبني تلك الجمله " لماذا تجعلون اله اهون الناظرين اليكم "

    ولكن يارب ادعوك أن تغفر لي سفاهتي وتجاوزي وإسائتي

    فدوما ما يجعل بني أدم الله أهون الناظرين اليه بل ينسي الي اجل غير مسمي أن الله ناظرا اليه "

    استغفر الله العظيم من كل ذنب عظيم

    اختي في الله دائما طرحك رائع لكنه محزن يدعو للشفقه علي أحوالنا التي تسوء يوما بعد يوم

    جعلنا الله وإياكي وسخرنا لخدمه ومساعده الناس

    استغفر الله الذي لا اله إلا هو الحي القيوم استغفره وأتوب اليه

    من قالها ثلاث مرات غفرت له ذنوبه ولو فر من الزحف

    دمتي موفقه من الله

    في رعايه الله

  41. E73 Said:

    بسم الله الرحمن الرحيم
    السلام عليكم ورحمة الله وبركاته

    مقال جميل جدا يا أمة الله

    وبجد فكرة رائعة وموعظة جميلة جزاك الله خير على التذكير

    اللهم أعزنا بطاعتك ولا تذلنا بمعصيتك

  42. وردة Said:

    الله عليكي بجد
    الله احق ان نخشاه
    كيف نخاف من البشر ولا نراعي ربنا في تصرفتنا
    بجد موضوع هايل لا يحتمل التعليق
    سلام

  43. rovy Said:

    اختى الحبيبه موناليزا الغاليه
    كعادتك تنير الطريق لقرائك ليروا ما قد يسهيهم عنه الزمان او تلهيهم عنه دنيانا ..
    تعرفى انا كثير كنت بأفكر زيك كده و بأحسس نفسى انى مراقبه و اراقب تصرقاتى .. احساس مهم جدا و ياريت كل انسان يعيش التجربه دى و لو مره اكيد حتأثر فيه ..
    جعل الرحمن البوست فى ميزان حسناتك

    دمتى يكل الخير و الود

    تحياتى

  44. شمس النهار Said:

    البوست جميل جدا

    لو الانسان اتصالح مع نفسه واتقي الله في افعاله هتلاقي الدنيا الي حد كبير اتظبطت

    والازدواجيه في الشخصيه وفي القول والفعل اتصلحت

    وارجع واقول الايمان الايمان

  45. كيــــــــــــارا Said:

    وهنا وجدت بأن الله الذى يرانا دائماً أحق أن نخشاه.

    ************

    يااااااااااااااااه لخصتي كل شي كل المشاكل كل سؤ كل حاجه كل الخير كل اللي بيحصل في الجمله دي ولو اتعملت هنكون في اجمل بقاع

  46. موناليزا Said:

    ومازلت أتعلم
    ــــــــــــــــ
    اختى الحبيبة:ربنا يكرمك واشكرك جدا لرايك
    صدقتِ غاليتى استاذ محمد البنا دائما ما يفيدنا بتعليقه ربنا يزيده من فضله
    نورتينى ياجميلة وسعيدة بتعليقك

    *********************************

    ريمان
    ــــــ
    وعليكم السلام ورحمة الله وبركاته
    اختى الحبيبة:فعلا فالله معنا فى كل زمان ومكان
    اشكرك لمتابعتك ونحاول تانى عشان خاطر عيونك ياقمر:)
    نورتينى ريمو الجميلة وسعيدة بتعليقك

    *********************************

    بن ادم
    ــــــــ
    اهلا بيك يافندم
    ربنا يكرمك ويتقبل دعائك
    اشكرك جدا لمشاركتك فماتوفيقى الا بالله

    *********************************

    مها زين
    ـــــــــ
    اختى الحبيبة:الله:)
    ما اجمل دعائك لى ربنا يسعدك يارب ويتقبل دعائك ولكِ بالمثل
    وحقاً فالله أحق أن نخشاه
    نورتينى مها الجميلة وسعيدة بتواجدك

    *******************************

    هبة سيد
    ـــــــــ
    وعليكم السلام ورحمة الله وبركاته
    اختى الحبيبة:انا الحمدلله بخير ماتحرمش من سؤالك ياجميلة
    ربنا يعزك يارب:) فماتوفيقى الا بالله
    اشكرك جدا لمشاركتك
    نورتينى هبة الجميلة وسعيدة بتواجدك

    *********************************

    زيزو
    ـــــــ
    وعليكم السلام ورحمة الله وبركاته
    اهلا بيك يافندم
    انا الحمدلله بخير اشكرك لسؤالك

    آه.. يانفسِ كفى عن العصيان
    ما اجمل هذه الاقوال الذى استشهدت بها
    ربنا يعزك ويتقبل دعائك ويتجاوز عن سيئاتنا ويغفر لنا خطايانا وذنوبنا اللهم امين
    اشكرك جدا لمشاركتك

    **********************************

    اى73
    ـــــــ
    وعليكم السلام ورحمة الله وبركاته
    اختى الحبيبة:اهلا اهلا بالقمر بعد طول غياب
    ربنا يكرمك ويتقبل دعائك اللهم امين
    نورتينى حبيبتى ووحشتينى وسعيدة جدا بتواجدك

    *********************************

    وردة
    ــــــــ
    اختى الحبيبة:ربنا يكرمك فماتوفيقى الا بالله
    نورتينى وردتى الجميلة وسعيدة بتواجدك

    **********************************

    روفى
    ـــــــ
    اختى الحبيبة:الحمدلله فماتوفيقى الا بالله
    (اللهم لاتؤاخذنى بمايقولون واغفر لى مالايعلمون واجعلنى خيراً مما يظنون)
    شوفتى يعنى فيه بينا كمان توارد افكار:) مش حب فى الله وبس🙂
    ربنا يعزك ياحبيبتى ويفرح قلبك ببناتك
    نورتينى غاليتى وسعيدة جدا بتواجدك

    ******************************

    شمس النهار
    ـــــــــــ
    اختى الحبيبة:اشكرك جدا لرايك
    ياسلااام امتى بقى يطبقوا الكلام ده:)
    نورتينى شموسة الجميلة وسعيدة بتواجدك

    ***********************************

    كيارا
    ـــــــ
    اختى الحبيبة:ليتنا نضعها دائماً نصب أعيننا
    اللهم أمتنا وأنت راض عنا
    نورتينى ياجميلة واشكرك جدا لمشاركتك

  47. ذكري رحيل قلم Said:

    السلام عليكم

    الكاميرا الخفية ديه انا مش بحبها بحس انها مصطنعة

    فكلنا لدينا رقيب وعتيد
    كما ان الله يران فحق عليا ان نخشاه
    اللهم حبب الينا الايمان وزينه في قلوبنا
    وكره الينا الكفر والفسوق والعصيان اللهم امين

  48. Butterfly Said:

    اللهم أعزنا بطاعتك ولا تذلنا بمعصيتك.
    يــــــــــــــــــــــــــــــارب
    فى أول البوست افتكرت فيلم "حوش اللى وقع منك" بيتكلم عن نفس الموضوع .
    وكمان مع الأسئله قلت وأنا هخاف من الناس وهعملهم حساب ليه
    أهم حاجه ربنا …

  49. لؤلؤةالرحمن .....هويتى اسلاميه Said:

    السلام عليكم ورحمه الله وبركاته

    حبيبتى دائما مواضيعك رائعه وهادفه

    جعلها الله فى ميزان حسناتك ان شاء الله

    واثقل بها صحيفه اعمالك يوم القيامه

    ===================================

  50. أم مالك Said:

    الحبيبة الغالية موناليزا
    الله راقبى الله ناظرى الله شاهد على
    لو كان هذا شعار كل مسلم ماتفشت
    بيننا المعاصى بهذا الشكل المفرط
    تقبل الله دعاءك
    ودمتى بخير

  51. (أم البنين) Said:

    موضوع رائع وهادف ومؤثر
    بارك الله فيكِ أختي

  52. ســـــــهــــــــــر Said:

    يا رب انك تعلم انها تدخل القلب قاثبها خيرا بما تفعل و ما تقول و ما تذكرنا به

    سندريلا
    اللقب اللى اطلقته عليكى
    الاميره سندريلا
    ربنا يكرمك يا رب و يعطيك بفضله من فضله

  53. mohamed ghalia Said:

    أختى العزيزة
    حقا افتقدت مواضيعك طول فترة غيابى واعتذر عن عدم متابعتى الفترة السابقة نظرا لإمتحناتى
    دمتِ فى سعادة

  54. موناليزا Said:

    ذكرى رحيل قلم
    ـــــــــــــــ
    وعليكم السلام ورحمة الله وبركاته
    اختى الحبيبة:ياريت القائمين عليها يعرفوا رأينا ده ويبطلوا يستهتروا بمشاعر الناس
    فعلاً المفروض نستشعر المعنى ده
    نورتينى حبيبتى وربنا يتقبل دعائك

    *********************************

    بيترفلاى
    ـــــــــ
    اختى الحبيبة:سبحان الله فعلاً لانى كاتبة الموضوع قبل مااشوف الفيلم:)
    اهو ده التفكير السليم ربنا أحق ان نخشاه
    نورتينى ياجميلة واشكرك جدا لمشاركتك

    **********************************

    لؤلؤة الرحمن
    ــــــــــــــ
    وعليكم السلام ورحمة الله وبركاته
    اختى الحبيبة:ربنا يكرمك يارب فماتوفيقى الا بالله
    نورتينى حبيبتى وربنا يتقبل دعائك

    *********************************

    ام مالك
    ــــــــــ
    اختى الحبيبة:عندك حق
    ليتنا جميعا نعبد الله كأننا نراه
    نورتينى حبيبتى واشكرك جدا لمشاركتك

    ********************************

    ام البنين
    ــــــــــ
    اختى الحبيبة:ربنا يكرمك يارب واشكرك جدا لرايك
    نورتينى حبيبتى وسعيدة بتواجدك

    *********************************

    سهر
    ــــــ
    اختى الحبيبة:الله:)
    ما اجمل تعليقك
    ربنا يكرمك يارب ويسعدك ويتقبل دعائك
    "الاميرة سندريلا"🙂 ياكسوفى
    اول مرة حد يطلقه عليا:) بس اشمعنى اللقب ده؟ من حقى اسأل لان لما سهر الجميلة ذات القلم الجميل تقول كده يبقى اكيد له مدلول:)
    نورتينى ياحبيبتى وسعيدة بتواجدك

    *********************************

    محمد غالية
    ــــــــــ
    اهلا بيك استاذ محمد
    ربنا معاك ويوفقك دايما
    وفى انتظار ما تلقيه من حماسة وسعادة فى عالم التدوين من خلال مواضيعك

  55. قطرات من شواطئ الحياة Said:

    (احنا متراقبين 24 ساعة) لأ ده مش ""ستار أكاديمي"" ده بجد وبحق و حقيقي
    احنا متراقبين …. ربنا شايفنا 24/24 .. اسم الله الرقيب
    وبعدين يا جدعان ….
    ""اعبد الله كأنك تراه فإن لم تكن تراه فإنه يراك""
    يعني احنا كتير بنعمل حاجات بنخاف من الناس تشوفنا و ناسيين إن ربنا شايفنا و مش بس كده .. ربنا كمان كلف ملكين "رقيب عتيد"ه
    يعني في اتنين ملائكه ملازمينك مراقبينك و أي حاجة بتعملها بيكتبوها .. زي تقارير الشرطة كده
    :))) "بس الشرطة ما بتكتبش حسناتك"
    خللى بالك.. أنا حبيت أفكر نفسي و أفكرك .. عشان كلنا بننسى

    ده كلام جروب على الفيسبوك إسمه احنا متراقبين 24\24

    البوست ده فكرني بيه و حبيت أنقله كاضافة لكلامك الجميل

    جزاكي الله كل خير دايما لما ندخل على مدونتك لازم بنتعلك حاجة
    جهلع الله في ميزان حسناتك

  56. د/خالد Said:

    يقول ابن القيم -رحمه الله-

    ووجل قلبك إذا حركت الريح ستر بابك وأنت على الذنب…أشد عند الله-تعالى- من الذنب

  57. GiGi worled Said:

    انا بحب قوى مقوله لاتجعل الله اهون الناظرين اليك
    الواحد بيحس انه وحش جدا
    بيعجبنى قوى اننا نبقى بنتفكر فى الاحداث اللى بتحيط بينا
    ساعات بيبقى المر سيئ زي الكاميرا الخفيه وموافقاك على كلامك جدا بس احنا ممكن ناخدمنها الخير
    بحبك وبوست روعه

  58. salwa Said:

    السلام عليكم اخت موناليزا
    من لا يخشى ربه لن يخشى احد
    و الله خير حسيب و رقيب
    اللهم اجعلنا ممن يخشوك
    شكراااااااااااا لكي
    سلااااااااام

  59. موناليزا Said:

    قطرات من شواطئ الحياة
    ــــــــــــــــــــــــ
    اختى الحبيبة:ربنا يكرمك ياحبيبتى على اضافتك الجميلة ونفع بكلامك هذا كل من يقرأه وتقبل الله منا ومنكم صالح الاعمال
    نورتينى ياجميلة وسعيدة بمشاركتك

    **********************************

    د/خالد
    ـــــــــــ
    اهلا بيك يادكتور فى زيارتك الاولى
    ما اجملها من إضافة اشكرك جدا عليها
    نورت مدونتى وارجو دوام التواصل

    ********************************

    جيجى وورلد
    ـــــــــــــ
    اختى الحبيبة:شعور مراقبة الله سيجعلنا بالتأكيد فى احسن صورة
    اشكرك جدا لمشاركتك
    نورتينى جيجى الجميلة وأحبك الذى أحببتنى فيه

    ********************************

    سلوى
    ــــــــ
    وعليكم السلام ورحمة الله وبركاته
    اختى الحبيبة:ونِعم القول
    نورتينى سلوى الجميلة واشكرك جدا لمشاركتك

  60. Ramy Wasel Said:

    موضوع ممتاز ومهم
    واذا لم تستح افعل ما شئت
    فكل منا رقيب على نفسه

    لانه لن يحاسب على افعالك احد غيرك

    شكرا يا امه الله على الموضوع المهم جدا
    ونحن لسنا فى حاجه الى كاميرا خفيه لنصحح افعالنا
    فالله شاهد على ما نفعله

  61. GiGi worled Said:

    مونى حبيبتى شفت تعليقك عند احساس لسه حى
    وقرات البوست بتاعك اللى قلت عليه
    بجد البوست ده روعه وجميل جدا جدا جدا
    ربنا يخليكى ويعزك يارب
    وفعلا انا دايما بوصى اي حد ان دايما مدونته تبين اي حاجه انه مسلم ولا هو ايه ونفتخر بده
    تحياتى ربنا يعزك يارب وتبقى نصره للاسلام والمسلمين يارب

  62. موناليزا Said:

    رامى واصل
    ــــــــــــ
    اهلا بيك استاذ رامى
    ربنا يكرمك واشكرك جدا لرايك
    وليت الجميع يدركون ان الله معنا اينما كنا وشاهد على جميع افعالنا
    اشكرك جدا لمشاركتك

    *********************************

    جيجى وورلد
    ــــــــــــــ
    اختى الحبيبة: سعيدة جدا بمتابعتك لموضوعى"انصروا الله"
    وادعوا الله دائما ان نكون عابدين طائعين وفخر للاسلام
    نورتينى جيجى الجميلة واشكرك جدا لمشاركتك

  63. نسيبه Said:

    السلام عليكم ورحمة الله وبركاته
    هذا فعلا أصل مهم جدا في العقيده وربنا يرزقنا العقيده القوية الصحيحة ومعرفته حق المعرفه وكان السلف الصالح يربون أولادهم علي هذه الكلمات ويحولوها لعقيده في قلوبهم قبل عقولهم وهي "إن الله معي, إن الله شاهد علي, إن الله ناظر إلي" حتي تتحول لعمل فلا يكون الله أهون الناظرين إليهم
    ربنا يرزقنا من واسع فضله

  64. موناليزا Said:

    نسيبة
    ـــــــــ
    وعليكم السلام ورحمة الله وبركاته
    اختى الحبيبة:اهلا اهلا بالغالية
    ذكرنى عمرو خالد من شوية بهذا الحديث النبوى الجميل وليتنا نطبقه دائماً"اتق الله حيثما كنت, واتبع السيئة الحسنة تمحها, وخالق الناس بخلق حسن"
    فلنعبد الله كأننا نراه
    نورتينى حبيبتى وسعيدة جدا بتواجدك

  65. بنوتة Said:

    كلامك صح
    لازم بعد كده زي ما قالت
    امل الحياة:فعلا لازم نراجع نفسنا و نفوق بقى

    لأن حكاية التصوير دي ممكن تحصل فعلا الدنيا مبقاش فيها امان

  66. موناليزا Said:

    بنوتة
    ـــــــــ
    اختى الحبيبة:اهلا بيكِ
    تعرفى ياجميلة احنا فعلاً ماقدامناش خيارات تانية هو الحل الوحيد اننا نخاف الله فى كل افعالنا
    اما فعلا حكاية التصوير فطبعا تطور التكنولوجيا له ضريبته
    ربنا يسترها معانا يارب دنيا وآخرة
    نورتينى ياجميلة وسعيدة جدا بمشاركتك


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: