جوجو و زمردة (6)

كانت “زمردة” وشقيقها “جوجو” يلعبان سوياً إلى أن آتت “ريحانة” قريبتهم لتلعب معهم. حينها توقفت “زمردة” عن اللعب. و عبرت عن رغبتها فى عدم تكملة اللعب. وفى الوقت الذى كان “جوجو” يرحب ب”ريحانة” كانت “زمردة” لا تطيق وجودها. وحينما شعرت “ريحانة ” بعدم رغبة”زمردة”فى وجودها انصرفت وهى غاضبة. وهنا نظر لها “جوجو” نظرة عتاب مع غضب قائلا:
– أنتِ بتتعاملى مع “ريحانة ” كده ليه؟
– إزاى يعنى.
– أنتِ ماشوفتيش نفسك. الكلمة على قد الكلمة. ده أنتِ حتى ما بتضحكيش فى وشها.
– بصراحة بقى أنا ماعدتش عايزة أتعامل معاها إلا فى أضيق الحدود.
– أنتِ ناسية أنها قريبتنا وصعب تقطعى علاقتك بيها.
– أنا مش بقطع علاقتى بيها بس أنا عايزة كل واحد يبقى فى حاله.
– ليه بس هى عملت لك إيه؟.
– كلامها بايخ وأسلوبها مابيعجبنيش وأوقات كتير بحس أنها بتستفزنى. هى ليها تفكيرها وأنا ليا تفكيرى وبعدين أنت شاهد أنا حاولت أقرب منها كتير لقيتها بجد ماتنفعش هى شخصيتها غيرى تماماً.
– بس ده برضه مش معنها إنك تعامليها بجفاء كده.
– يعنى أعاملها إزاى إذا كانت دى أصلاً مشاعرى من ناحيتها.
– بس كده أنتِ هتبقى قليلة الذوق. لازم مش كل اللى جواكِ يبقى باين أوى كده. ماتخليش حد يكرهك.
– يعنى أنافقها؟.
– دنيتنا دى عشان تعيشى فيها مش لازم تتعاملى بنقاء.
– بس أنا مش كده.
– خلاص اتغيرى.
– مش هعرف ومش عاوزة . أنا مبسوطة بنفسى كده.
– أنتِ حرة . أنا نصحتك سواء معها أو مع غيرها ماتخليش حد يكرهك.
– خلاص نصيحتك وصلت. تعالى نكمل لعب بقى
-تمت-
***************
دعوة للمناقشة:
ــــــــــــــــــــــــــ
* هل تؤيد موقف “جوجو” أم “زمردة” ولماذا؟.
* هل تشعر بصدق مشاعر من يتعاملون معك؟.
* أذكر آخر موقف تعرضت فيه لمعاملة شخص بعكس ما كنت تشعر به؟.
*****
على الهامش
ــــــــــــــــــــــــ
بشرى سارة لأهل التدوين الكرام فقد عادت إلى أرض التدوين مجدداً أختنا الجميلة GiGi وهذا عنوان المدونة الجديد جيجي والعالم.
يارب تكون المدونة وشها حلو عليكِ ياجيجى وماتغيريهاش تانى:).
على فكرة ياجماعة واضح أن جيجى مضيافة لأنها حبت تستقبل الرئيس الأمريكى فى مدونة جديدة تعبر له فيها عن كرم الشعب المصرى:).

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: