سى السيد

– لمن يمنع زوجته من زيارة أهلها.
– لمن يتحدث عن زوجته وأهلها بالسوء.
– لمن يظهر لزوجته دائماً كراهيته لأهلها.
– لمن يعامل زوجته كجارية.
– لمن لايعطى زوجته حقوقها كإنسانة.
– لمن لايشكر زوجته على أى صنيع.
– لمن لايتحدث مع زوجته وأبنائه.
– لمن يمزح مع الآخرين أمام زوجته وبطريقة تثير غيرتها.
– لمن يتعامل بكل ذوق و أدب مع جميع النساء عدا زوجته.
– لمن يشعر بأن زوجته رغم معاملاتها الطيبة له أقل منه.
– لمن لا يبتسم فى وجه زوجته مطلقاً ومهما فعلت.
– لمن يلوم زوجته على كل شئ وكأنه ليس مسئول عنها وعن البيت.
– لمن ينسى كل المناسبات الخاصة بزوجته ولا يتذكرها بأى شئ ولا حتى بالدواء.
– لمن لايهتم بها مطلقاً حتى إذا مرضت بل ويطالبها بجميع حقوقه دون مراعاة لحالتها الصحية.
– لمن يرفض أى طلب تطلبه منه زوجته حتى لو كان صيام التطوع.
– لمن يفتش فى أغراض زوجته الشخصية بكل استهتار لكى يرضى فضوله رغم أنها لا تمانع أن يشاركها فى كل شئ حتى لو فى أدق خصوصياتها.
– لمن يفضل راحته على راحتها ويتعمد أن يجعلها مرهَقة.
– لمن يتسلط بآرائه دائما دون أى اعتبار لمشاعر زوجته.
– لمن لايحترم زوجته ولا يقدرها ويعتبر كل ماتفعله حق مكتسب.
– لمن يأخذ أموالها عنوة ودون إذنها.
– لمن يرفض أن يسير بجوارها فى الشارع وكأنها عار عليه ويجعلها تمشى ورائه.
– لمن يرفض أن تمسك يديه فى الشارع حتى تشعر معه بالأمان.
– لمن يجعلها تحمل المشتريات بدلاً منه.
– لمن يجبرها على المساهمة فى مصروف البيت رغم عدم تكلفتها له بأى شئ يخصها.

– إلى كل زوج يتوقع أنه بهذه التصرفات قد نال لقب سى السيد.
أذكرك بآخر وصايا النبى صلى الله عليه وسلم”اتقوا الله فى النساء فإنهن عوان عندكم أخذتهن بكتاب الله واستحللتم فروجهن بكلمة التوحيد فالله الله فى النساء”
وأخيراً أخى الزوج رفقاً بالقوارير.

/////////////////////

تحديث

ـــــــــــــ
إنا لله وإنا إليه راجعون
أنتقل إلى رحمة الله تعالى المدون الأستاذ محمد فارس صاحب مدونة الحيــــــــــــ… أمــــــــل سائلين المولى أن يتغمده برحمته ويرزق أهله الصبر والسلوان.
أسألكم الدعاء له بالرحمة والمغفرة.

75 Comments »

  1. ঔღঔ نـــوارة ঔღঔ Said:

    وهل من متعظ ؟

    ذكرتي افعال سيئة جدا وتؤذي الزوجة وتجرح مشاعرها وللاسف في ازواج بيعملوا كدا فعلا

    ربنا يهديهم

    كل ما اشوف عيوب احد الازواج بعرف قيمة زوجي الغالي ربنا يحفظه

    تسلم ايدك

  2. Ahmed Talk Said:

    كل ده ياربنا

    أنا مش عايز ابقه سي سيد انا عايز عايش جمب الحيط بس

  3. Butterfly Said:

    الراجل اللى زى ده عايش ليه أصلا😀

    هو فى حد للدرجادى أنا عارفه ان فى ناس صعبه بس متوقعتش كل ده بصراحه
    ومين اللى تستحمله أصلا ههههه

  4. ستيته حسب الله الحمش Said:

    ياسلاااااااااااااااااااام
    وعيت وجمعت بس مين اللي عنده عقد مخفية وبيعمل كل ده ولسه يمشي على قدمين؟
    ولو كان لسه لم يتم تصفيته جسديا فهو لا يري لا يسمع لا يتكلم
    من لا يَرحم لا يُرحم

    بس خلاص

  5. may Said:

    مدونة

    ما شاء الله

    اعجبتنى

    يبدوا ان اقامتى ستطول هنا

    مى

  6. mohamed ghalia Said:

    رفقا بالقوارير
    دايما حقيقى موضوعات حضرتك هايلة
    ربنا يكرمك

  7. د. ياسر عمر عبد الفتاح Said:

    طيب وليه مستيه سي السيد؟
    ده كده ميبقاش سي السيد

    الناس فاهمة القوامة غلط

  8. romansy Said:

    الاسلام حدد لنا كل شئ حدد لنا الاخلاق والطيبه فى التعامل مع الزوجات ومع كل البشر فلماذا القسوه

    نتمنى ان يتفاهم سى السيد مع زوجته ويتشيرها فهذا ليس عيبا
    انما هو من اخلاق المسلمين

  9. موناليزا Said:

    نوارة
    ـــــــ
    اختى الحبيبة:مين عارف يمكن احد هؤلاء الازواج يقرأ هذا الموضوع وربنا يهديه:)
    ربنا يحفظلك زوجك ويديم عليكِ نعمته
    نورتينى نوارة الجميلة ودمتِ بخير

    ********************************

    احمد تاك
    ــــــــــــ
    اهلا بيك استاذ احمد
    ربنا يجعلك زوج صالح ويرزقك بالزوجة الصالحة
    دمت طيبا ولمدونتى زائرا

    *********************************

    بيترفلاى
    ــــــــــ
    اختى الحبيبة:عشان يكفر سيئات اللى متجوزاه:)
    ستات كتير بيرضوا بالهم بكل انواعه ومع ذلك برضه مش عاجبين وماتنسيش انه صعب ان اى واحدة تهدم بيتها مهما كانت الاسباب
    نورتينى حبيبتى ودمتِ بخير

    ********************************

    ستيتة حسب الله الحمش
    ـــــــــــــــــــــ
    اختى الحبيبة:ربنا يكرمك فماتوفيقى الا بالله
    تخيلى فى كامل صحته وبيتأمر كمان:)
    الله عليكِ
    صح جدا “من لايرحم لا يُرحم”
    نورتينى حبيبتى ودمتِ بخير

    **********************************

    مى
    ــــــ
    اختى الحبيبة:اهلا بيكِ فى زيارتك الاولى
    اشكرك جدا لرايك فماتوفيقى الا بالله
    ومدونتى ترحب بكِ دائما
    نورتينى ياجميلة

    ***********************************

    محمد غالية
    ـــــــــــــ
    اهلا بيك استاذ محمد
    ربنا يعزك اشكرك جدا لرايك فماتوفيقى الا بالله
    دمت طيبا ولمدونتى زائرا

    ********************************

    د ياسر عبد الفتاح
    ـــــــــــــــــــــ
    اهلا بيك يادكتور
    هو بيقول على نفسه كده ومصدق نفسه كمان
    المفاهيم كلها اتقلبت واضح اننا فى اخر الزمان
    دمت طيبا ولمدونتى زائرا

    ********************************

    رومانسى
    ـــــــــــ
    اهلا بيك يافندم
    ليت الجميع يطبقون شرع الاسلام اخى الفاضل
    وهدى الله الجميع
    دمت طيبا ولمدونتى زائرا

  10. مصعب صلاح Said:

    السلام عليكم
    والله الرجالة زي الفل انتم اللي ظلمنهم عموما ربنا مع المظلومم سواء رجالة ولا بنات
    تقبلي مروري

  11. دعاء عبد الفتاح Said:

    الله … بصراحة فعلا لما أشوف العيوب اللى ممكن تكون فى بعض الأزواج أعرف قيمة زوجى وأتغاضى عن التفاهات اللى بتزعلنى منه.
    دعاء

  12. salma mohamed Said:

    ربنا يهدي اللي زي دول,
    ويصبر زوجاتهم,ويجعلهم مخرج من اللي هما فيه,
    ما احلى تطبيق الشرع في كل امور حياتنا,
    جزاكِ الله خيرا على موضوعك القيم.

  13. جنّي Said:

    السلام عليكم

    من كان بهذه الصفات ال ( 21 لمن ).. ليس من الرجال وليس سيدا ولكنه شخصية سيكوباتية مريضة تحتاج الشفاء ..

    والرجال ليسوا ديوكا ولا النساء دجاجات فالنساء شقائق الرجال ..

  14. عاشقه وغلبانه Said:

    هو كده سي سيد…!!!
    بأماره ايه
    ده وصف بلاش اقولهولك اصله عيييييييب
    بس هو عماما مش راجل

  15. Khaled Said:

    بس الصفات دى وحشة قوى و صعب انها تتجمع فى زوج واحد
    ولو كنتى تقصدى أى منها فبرضة صعب جدا

    دة مايبقاش زوج دة يبقى زوج أحذية

  16. biberss Said:

    اعوذ بالله ايه ده
    معقول فيه كده
    ده مش بنى ادم
    ماعتقدش ان فيه واحد يجمع الصفات دى كلها
    ربنا يهدى
    تحياتى

  17. صمت المشاعر Said:

    جزاكي الله كل خير يااااااارب وجعله في ميزان حسنناتك

    ياريت فعلا يتعظوا ويتقوا الله في زوجاتهم

    دمتي بكل خير وطاعه ورضا من ربنا يارب

  18. ahmed_k Said:

    فعلا أصحاب تلك الصفات في تعاملاتهم مع زوجاتهم وأبنائهم تركهم أفضل من المكوث معهم
    فالرجل راع في أهل بيته وهو مسئول عن رعيته أمام الله سبحانه
    فإن كره زوجته فاليفارقها بالمعروف
    أو وجب عليه معاشرتها بإحسان ومعروف

  19. الطائر الحزين Said:

    انه سى اى شىء غير
    سى السيد

  20. الفقيرة إلى الله أم البنات Said:

    فهذا هو المنافق الذى يجب الحذر منه

    تعرفى المنافق من بيته
    اذا كان فى بيته ظالم والناس تقول عادل ومميز تعرفى انه منافق ومرائى
    لان بيته مغلق عليه لا يعلم ما فيه غير رب العباد
    فإذا كان كل هذا
    وكثيرا هم وبعضهم ينال كل هذه الصفات وبعضهم ينال القليل
    وفى النهايه
    من لا يتقى الله يفعل أى شئ

    ولاتنسى المعادله
    من ترضون دينه+ وخلقه= زوج صالح
    غير كده لا ترهقى نفسك
    أى خلل فى جانب من جوانب المعاده ستجدى ما تكتبى عنه فى مقالاتك

    موناليزا
    ربى يرزقك زوج صالح من نفسك إنت وبنات المسلمين ويرضى عنكم فى الدارين

    على فكرة فى سيدات كده برضه
    ربك يعافينا ويهدينا ويرضى عنا

  21. ELMASRYA - MRS WRITER Said:

    أمة الله الغالية موناليزا

    المثير للعجب والإشمئزاز إن واحد بيتصرف كده مع زوجته ممكن يقال عنه رجل بل ورجل مسلم

    أعوذ بالله من هذه النماذج الغريبة

    فعلا صدقت مقولة:
    إذا لم تستحِ فافعل ما شئت

    الحياء من الله وتقواه يمنع الإنسان من الإنزلاق وراء الشيطان

    ويهذب خلقه وتصرفاته

    ربنا يهدي المسلمين

    دمتي سالمة بحفظ الرحمن

  22. وردة Said:

    اذا اردت ان تطاع فأمر بالمستطاع
    هذه النوعية من اشباه الرجال التي لا تتقي الله في النساء يكفيها ما يتوعدها به الخالق سبحانه وتعالي
    كيف يرضي لامه او لاخته او لبنته ان يعاملها رجل بمثل ما يعامل زوجته
    حسبي الله ونعم الوكيل
    سلام

  23. راجى Said:

    من الخبرة المعاشة فان الناس تتغير والصبر مفتاح الفرج فى الدنيا والجنة فى الاخرة

  24. MOHAMMED ELBANNA Said:

    مونايزا
    كيف حالك ؟
    اولاً احب ان اشكرك على هذاالموضوع لأن فعلاً هناك كتير من الازواج مهمله فى الجانب الاسري والعائلي .
    ويهتموا بالجانب المهنى والمادي على حساب اولادهم وزوجاتهم .
    والحقيقه هى اننااذا صنفنا جوانب الانسان المتزن فى الحياه حسب الاهميه سوف تكون كالتالي:

    1- الجانب الروحانى ( العلاقه بالله )
    2- الجانب الصحي ( الاهتمام بالصحه )
    3- الجانب الشخصي (الانجازات والهوايات )
    4- الجانب العائلي ( الزوجه والاولاد )
    5- الجانب الاجتماعي ( الاصدقاء والمجتمع)
    6- الجانب المهنى ( العمل )
    7- الجانب المادى ( الاموال والاستثمار )

    وبهذا الترتيب يتضح لنا ان الجانب العائلي هو الجانب رقم 4 فى الاهمية ، ومعنى ذلك هو ان الاسره والابناء تأتى دائماً قبل الاهتمام بالعمل والمال وحتى الاخرين .
    جزاكي الله خيراً على اللفته الطيبة .
    وارجوا ان تسامحيني على الاطالة مرة أخرى ، ولكن ما باليد حيله فمواضيعك تشدنى لتعليق .
    بارك الله فيكي وتقبلي تحياتي .
    محمـد
    طريق النجاح
    ــــــــــ
    ادعوكي لزيارة وقراءة موضوعي بقسم العلاقات الزوجية بعنوان:
    (كيف تسعد زوجتك ؟ ) وهو يتكلم عن نفس الامر على هذا الرابط
    http://tareekelnagah.blogspot.com/2009/03/blog-post_9663.html

  25. المعتصم Said:

    بسم الله الرحمن الرحيم
    السلام عليكم ورحمة الله وبركاته
    اختى الكريمه موناليزا
    تحياتى
    للاسف فيه ناس كتير فاهمه الرجوله غلط
    وفاهمه انها بالتصرفات دى تبقى هى كده فعلا رجاله وبيطبقوا القوامه
    ومايعرفوش ان دى عقد نقص جواهم
    وبيحاولوا يطلعوها
    الراجل الصح هو اللى بيحافظ على زوجته وبيته واولاده
    والمحافظة دى مش بتيجى بالمعامله الوحشه انما بتيجى بالحب والود والتفاهم والطيبه
    ومش هقول غير حسبى الله ونعم الوكيل
    تقبلى مرورى وتحياتى
    ودمتِ بكل خير وود
    والسلام عليكم ورحمة الله وبركاته

  26. أم مالك Said:

    اين تنفيذ مايامره بيه الدين
    اين وصايا الحبيب صلى الله عليه وسلم
    رجل يتعامل هكذا فهو بعيد كل البعد عن الدين اين المودة والرحمة
    وكما قال دكتور ياسر فليس هذا سى السيد وليست هذه القوامة
    وياريت ينزل لنا بوست يتحدث فيه عن القوامة
    عرضك طيب للموضوع ولكى كل المودة والحب

  27. mony Said:

    للأسف يا موناليزا النوعية ديه كتييير اوي

    و شايفين ان ده حقهم فعلا اللي ربنا قال عليه

    ده واحدة صاحبتي زوجها بيقولها انت مخلوقة من ضلعي انا بس امك ولدتك و ربتك لحد ما ااجي اخدك

    يعني انت تخصيني انا فقط و اهلك تنقطعي عنهم بمجرد الزواج

    و بيقولها علشان هي بتشتغل لازم يكون لي نسبة في المرتب بتاعك لان المفروض ان وقت الشغل ده يكون بتاعي..

    ربنا يعافينا من الأشكال ديه

  28. ابو صهيب ( الجمعاوي الاصيل)سابقاً Said:

    المرأه هي نصف المجتمع

    وهي التي تربي النصف الاخر

    فعلينا جميعاً المحافظة عليها

    حتى يصلح مجتمعنا

    فان فسدت فسد المجتمع كله وان صلحت صلح المجتمع كله

    فالرجل من غير مرأه لايساوي شئ

    تحياتي

  29. همس الاحباب Said:

    جزاكى الله خيرا
    الموضوع رائع جدا
    اللهم اجعلنا مما يستمعون القول فيتبعون احسنه
    تحياتى وتقديرى

  30. موناليزا Said:

    مصعب صلاح
    ـــــــــــــ
    وعليكم السلام ورحمة الله وبركاته
    اهلا بيك استاذ مصعب
    بعد كل المكتوب فى الموضوع ده وبتقول ظالمينهم!! طيب ياسيدى يابخت من بات مظلوم
    وفعلا ربنا هو الحكم العدل القادر على نصرة المظلوم
    دمت طيبا ولمدونتى زائرا

    ********************************

    دعاء عبدالفتاح
    ــــــــــــــــــ
    اختى الحبيبة:حقيقى فرحتينى بتعليقك:)
    ربنا يسعدك ويباركلك فى حياتك
    نورتينى دعاء الجميلة ودمتِ بخير

    ********************************

    سلمى محمد
    ــــــــــــ
    اختى الحبيبة:ربنا يكرمك واشكرك جدا لتعليقك وربنا يتقبل دعائك
    نورتينى سلمى الجميلة ودمتِ بخير

    **********************************

    جنى
    ــــــــ
    وعليكم السلام ورحمة الله وبركاته
    اهلا بيك استاذ سعيد
    ليته يعلم أنه كذلك وبأن زوجته هى شريكته وسكنه وليست خادمته
    دمت طيبا ولمدونتى زائرا

    *******************************

    عاشقة وغلبانة
    ـــــــــــــــــ
    اختى الحبيبة:هو بقى شايف نفسه سيد الرجالة كمان!!
    نورتينى حبيبتى ودمتِ بخير

    ***********************************

    خالد
    ـــــــــ
    اهلا بيك استاذ خالد
    هو فعلا صعب انها تتجمع كلها فى شخص واحد ولكن من اتحدث عنه جمع كل هذه الصفات وغيرها التى لا استطيع كتابتها

    🙂
    دمت طيبا ولمدونتى زائرا

    **********************************

    بيبرس
    ــــــــ
    اهلا بيك يافندم فى زيارتك الاولى
    ايوه فيه واكتر من كده كمان
    نورت مدونتى وارجو دوام التواصل

    ********************************

    صمت المشاعر
    ــــــــــــــ
    اختى الحبيبة:ربنا يكرمك واشكرك جدا لتعليقك
    نورتينى حبيبتى ودمتِ بخير

    *********************************

    أحمد-ك
    ـــــــــ
    اهلا بيك استاذ احمد
    بتكلم مين بس اللى نوعيتهم كده مابيسمعوش غير كلام نفسهم وبس
    دمت طيبا ولمدونتى زائرا

    *********************************

    الطائر الحزين
    ـــــــــــــــ
    اهلا بيك يافندم
    احنا ممكن نمشيها سئ السلوك:)
    دمت طيبا ولمدونتى زائرا

    ***********************************

    الفقيرة الى الله ام البنات
    ــــــــــــــــــــــــ
    اختى الحبيبة:عندك حق
    ولكن هذه المعادلة كيف نتأكد من صحتها إذا كان فى الخارج ملاك ولايتم اكتشاف حقيقته الا بالمعاشرة؟
    الغريب ان المعادلة دى ماعدتش مقياس بمعنى ان ممكن واحد يكون صعب مع الناس ولكن مع اهل بيته حاجة تانية
    بجد حاسة اننا فى اخر الزمان فقد تبدلت المفاهيم وتغيرت
    ربنا يكرمك ياحبيبتى ويتقبل دعائك

    لو تحبى تطلعى على الرابط ده موجهه فيه الكلام للزوجات الساخطات
    http://monaliza110.blogspot.com/2008/11/blog-post_19.html

    نورتينى حبيبتى ودمتِ بخير

    *********************************

    المصرية مسز رايتر
    ــــــــــــــــــ
    اختى الحبيبة:ياه ضغطى على جرحى اوى لان اكتر حاجة مضايقانى فعلا انه مسلم وبيعمل كده واللى وجعنى اوى اوى ان فيه واحد مسيحى عرف اللى الزوج المسلم بيعمله فحب يصلح وينصحه شوفتى!!
    ربنا يكرمك ويسلمك من كل شر
    نورتينى غاليتى ودمتِ بخير

    **********************************

    وردة
    ـــــــ
    اختى الحبيبة:ونِعم القول حقاً
    حسبى الله ونعم الوكيل
    نورتينى وردتى الجميلة ودمتِ بخير

    *******************************

    راجى
    ــــــــ
    اهلا بيك يافندم
    ومن خبرتى أنا أقول ان مفيش حد بيتغير الطباع واحدة ولا يمكن تغييرها
    دمت طيبا ولمدونتى زائرا

    *********************************

    محمد البنا
    ـــــــــــ
    اهلا بيك استاذ محمد
    انا الحمدلله بخير اشكرك جدا لسؤالك
    استمتع حقا واستفيد من تعليقك فلتتحدث كما تريد حتى نستفيد جميعا
    ولا تعتذر مرة أخرى على ماتقول عليه اطالة لاننا لانراها هكذا
    واشكرك لذكر الرابط وسوف ازوره قريبا ان شاء الله
    دمت طيبا ولمدونتى زائرا

    **********************************

    المعتصم
    ـــــــــــ
    وعليكم السلام ورحمة الله وبركاته
    اهلا بيك يافندم
    وانا كمان مش هقول غيرها
    حسبى الله ونعم الوكيل
    دمت طيبا ولمدونتى زائرا

    ***********************************

    أم مالك
    ــــــــــ
    اختى الحبيبة:الغريب ان مثل هذا الزوج يرى انه زوج مثالى!!!
    اشكرك جدا لرايك فماتوفيقى الا بالله
    نورتينى حبيبتى ودمتِ بخير

    *********************************

    مونى
    ــــــ
    اختى الحبيبة:اهلا اهلا بالقمر فينك من زمان يارب تكونى بخير

    فعلا النماذج كثيرة ومتنوعة
    ربنا يصبر هذه الزوجة ويقويها على نفسها
    نورتينى يامونى ومفاجأة جميلة ابقى اعمليها على طول:)

    ***********************************

    ابو صهيب (الجمعاوى الاصيل )سابقا
    ــــــــــــــــــــــــــــــــــ
    اهلا بيك يافندم
    الله يكرمك بجد على رأيك ده
    دمت طيبا ولمدونتى زائرا

    *********************************

    همس الاحباب
    ـــــــــ
    اهلا بيك استاذ خالد
    ربنا يكرمك واشكرك جدا لرايك فماتوفيقى الا بالله
    دمت طيبا ولمدونتى زائرا

  31. لجين أبو الدهب Said:

    وما اكثر سى السيد فى هذا الزمن ..

    وهذه النوعية من الرجال الذين يعتبرون ان المرأة جماد لا يشعر ولا يحزن ولا يتألم ..

    ويبعدون كل البعد عن وصايا الرسول صلى الله عليه وسلم ..

    جزاكِ الله خير على نصيحتك الغالية غاليتى موناليزا ..

    دمتِ بخير ..

  32. أم أحمد المصرية Said:

    ايه يا موناليزة حرام عليك دا انا امتحاني بكره و قلت ادخل ارفه عند اصحابي و كل ما اقرأ تدوينة نفسويتي تتعب لسه جايه من عند نوراهاتي
    الاقيك كاتبةالموضوع ده اسمحي لي اقول لك ان اي سيد من غير سي يعمل كل الكلام ده تبقي غلطة الست امينة المفروض تخلعه و تخلع منه لقب زوج الواحد يستحمل عيب او اتنين يصبر علي غلطة و لا غلطتين لكن اللقايمة الطويلة بتاعتك دي صعب قوي
    انت حسستيني بقيمة ابو أحمد :))
    دا انا كل ما ازعل من اي تصرف منه حأفتكر تدوينتك دي و اصالحه علي طول

    كلمة جد بقي في الاخر :
    ” يستطيع الزوجان الحياة معابدون حب أحيانالأعتبارات عديدة لكن لا يمكن الحياة بينهم بدون احترام “

  33. rovy Said:

    اختى موتاليزا الحبيبه
    اولا لازم اعتذر تانى لتأخيرى و انا عارفه ان اعتذاراتى كثرت اليومين دول لكن و الله غصب عنى بس المره دى النت عملها و قطع .. الحمد لله لسه راجع و اخيرا حأقدر اكتب تعليق و ان شاء الله يوصل ..
    اما عن البوست فالحقيقه انا شفت بعض الرجال اللى بتنطبق عليهم الصفات دى او بعض منها لأن الحقيقه صعب قوى تتجمع كل الصفات دى فى حد لكن اللى بأكده لكى بجد ان كل اللى بيعمل سى السيد فى اول زواجه و بيظلم زوجته ..سبحان الله تدور الدوائر عليه و يصبح عندما يكبر فى السن لا حول له و لا قوة بل ربما يصعب عليكى !!.. لو علم كل زوج او اى انسان عموما ان الرحمن يمهل و لا يهمل .. سبحانك ربى .
    لكنى ايضا الوم على كل زوجه ترضى بمثل هذا الزوج و تصبر عليه دون ان توقفه عند حده لأنها تعطيه الفرصه ليزيد من ظلمه ..!
    ربنا يهدينا جميعا و ياريت كل الازواج تقرأ هذا البوست و تتعظ ..
    تسلم ايديك و يسلم لنا فكرك و قلمك

    خالص مودتى و تحياتى

  34. د/عرفه Said:

    استفسارات طبيعية
    وأكيد الراجل ده ظالم أوى

    بس عايز اقترح عليكى حاجة كده

    بقترح تعملى حزب للمرأة المظلومة
    وتدافعى عن حقوق المرأة

    وان شاء الله هعمل قصادك حزب للرجل المظلوم مناهض للحزب بتاعك
    هههههههههههههههههه
    هههههههههههههههههه

  35. ABOALI Said:

    ده اختيار سلبى بنى عليه الزواج
    حسن العشرة من مقومات استمرار الحياه
    فلسنا هنا فى الدنيا لنناطح بعض
    ونتنابز بالالقاب ويغلبنا الهوى ونرفع رايات السيوف والصولجان
    فالحياه متعة لم اراد ان يكون اخر طريقه الجنان
    فمن تتكلمين عليه لا يستحق لقب انسان
    ولكن يتبقى سؤال
    الست معى ان من اختارت ان تعيش هكذا
    تستحق هذا الهوان
    فسواء هو ام هى لا بكاء عليهما وانما
    نرفع ايدينا الى السماء

    وندعوا لهم اما بالهدايه او الزوال

    تكلمتى عن القوارير
    فهل هناك اليوم قوارير
    ام قارورات

    وشوشه فى اذنك
    بعض سيدات اليوم لا تعرف من الدين
    الا جزاك الله خيرا
    وسلمت يمناك
    وبعض همهمات الكلمات المباركة

    الزوج يريد زوجة فى البيت (انثى)
    ولا يريد شيخة صاحبة طريقة

    هناك فرق
    بين متدين
    وبين من فقه الدين

    تحياتى على الموضوع المهم
    وما ذكريته
    يدل على خلل واضح وامثال هولاء نسيانهم افضل ويتم محاكمتهم بتهمة الغباء

  36. احساس طفلة محبة للرومانسية بس واقعية Said:

    طيب وهو جاب المعتقدات دى منين
    اية اللى يخلية يفكر كدا
    هو لسة عندنا تفكير بالشكل دا؟

    هو القهر يبقى حاجة كويسة
    دا قهر وذل وتحقير للمرأه ومش دا اللى وصى بيه ديننا
    هى الناس دى تفكيرها ازاى

    حقيقى حاجة تغيظ بس الشخص اللى بالشكل دا مش بس بيسئ لزوجتة بس دا ميعرفش حقوقها اللى ديننا امرنا بيها
    يعنى مش حكاية اخلاق ومعتقدات بس

    ربنا يهدى
    تقبلى مرورى

  37. ذكري رحبل قلم Said:

    السلام عليكم
    ما اقبح استبداد الرجل للمرأة
    تقريبا يا مونمون خلص الزمن بتاع سي السيد ده وبقي في سي السيدة زوجة سي السيد

    الحمد لله
    مونا ليزا ممكن بقي تكتبي شويا عن الازواج الكويسة وانا اول وحدة هاعلق تحياتي ياحبيبتي
    وربنا يرزقك بالزوج الصالح
    تحياتي مع حبي

  38. الفراغ Said:

    اختى الحبيبه امة الله
    وحشتينى قوى قوى
    بس ايه اللى مش سيد خالص ده اللى انتى بتتكلمى عنه
    دا بنى ادم لايعاشر
    والخلع اليق به وباللى زيه
    واللى مايحافظش على بنات الناس..يروح فى ستين……

    اختى انا كرهت الموضوع لانه فعلا انسان يتكره
    وربنا ينجينا من كل مكروه

  39. موناليزا Said:

    لجين ابو الدهب
    ــــــــــــــــ
    اختى الحبيبة:فعلا الغالبية بعدوا اوى عن تعاليم الاسلام
    ربنا يكرمك يارب واشكرك جدا لتعليقك
    نورتينى لوجى الجميلة ودمتِ بخير

    *********************************

    ام احمد المصرية
    ـــــــــــــــ
    اختى الحبيبة:اعذرينى ياجميلة لو اعرف انك جاية كنت غيرته خالص على فكرة:)
    ابقى رنيلى طيب:)
    مش بالساهل ان امينة تخلعه لسبب بسيط انها لسه عروسة وانتى عارفة كلام الناس عموما هو عمل الواجب ومع كل ده ماعجبتوش وطلقها!
    عجبنى بجد انك عرفتى قيمة ابو احمد اهو كده بجد يبقى لكلامى فايدة حتى لو الازواج اللى بالطريقة دى ماستفادوش الزوجات يستفيدوا:)
    ربنا يباركلك فى حياتك ويخليلك ابو احمد
    وكلمتك اللى فى الاخر بجد جميلة وواقعية فاذا ذهب الاحترام حتى لو تواجد الحب انتزعت منا صفة الانسانية
    نورتينى حبيبتى ودمتِ بخير

    *********************************

    روفى
    ــــــ
    اختى الحبيبة:اهلا اهلا بالغالية
    وحشتيييينى جدا والحمدلله انك بخير وطمنتينى عليكِ
    ايوا كده ارجعى نورى التدوين والمدونات كلها بطلتك الجميلة وتعليقاتك المبهجة

    فعلا عزائنا ان الله يمهل ولا يهمل
    اشكرك جدا لرايك
    نورتينى روفى الجميلة ودمتِ بخير

    ********************************

    د/عرفة
    ــــــــــ
    اهلا بيك يادكتور
    هى فكرة فعلا لكن اعذرنى انا مش بحب الاحزاب اللى من النوع ده خالص
    وبعدين نعمل احزاب ليه المظلوم له ربنا ينتقم له ويجيب له حقه
    دمت طيبا ولمدونتى زائرا

    *********************************

    ابوعلى
    ـــــــــ
    اهلا بيك يافندم
    ولماذا لاتقول انها كانت تأمل ان ينصلح الحال
    عموما كله مكتوب ولا مفر من النصيب
    اشكرك لتعليقك
    دمت طيبا ولمدونتى زائرا

    *********************************

    احساس طفلة محبة للرومانسية بس واقعية
    ـــــــــــــــــــــــــــــــــ
    اختى الحبيبة:اكيد شاف ابوه بيعمل كده وحب يقلده او امه مثلا هى اللى ربته على كده او يكون مريض نفسى وعنده عقد نقص … كلها احتمالات واردة
    اشكرك جدا على تعليقك ومرورك
    نورتينى حبيبتى ودمتِ بخير

    ********************************

    ذكرى رحيل قلم
    ـــــــــــــــ
    وعليكم السلام ورحمة الله وبركاته
    اختى الحبيبة:لا والله لسة موجود وعريس جديد كمان يعنى مش عمل الحاجات دى مثلا بعد خمس ست سنين زواج ولا حاجة لا ده يادوب من اول شهر!
    🙂 هو اقتراح جميل بس للاسف مش هقدر اوعدك بالتنفيذ على الاقل دلؤتى
    ربنا يسعدك ياحبيبتى ويباركلك فى حياتك
    نورتينى نور الجميلة ودمتِ بخير

    ***********************************

    الفراغ
    ــــــــــ
    اختى الحبييبة:اهلا اهلا بالقمر
    انتى كمان وحشتييينى جدا وسعيدة جدا بزيارتك

    أمال هى تعمل ايه؟!!
    نورتينى حبيبتى ودمتِ بخير

  40. أحمـــــــــــــد أبو العلا Said:

    موناليزا
    هتصدقيني لو قلتلك أنه حتى في مجتمع الرجال, الشخص ده بيتبصله على انه ناقص ومريض
    معدش زي زمان الموضوع ده شئ يفتخر بيه

    دلوقتي بأه في ايمان عند الناس أن اللي بيعمل كده انسان مريض ومرضه قديم وأنه في الآخر هيواجه بركان هينفجر في وشه

  41. حاجات جوايا Said:

    دائما حبيبتى تتسم كل موضوعاتك بالانسانية المطلقة

    وكل موضوع احلى مما يسبقه
    جزاكِ الله كل خير
    أسأل اللخ ان تجد كلماتك صداها عند من يحسن الفهم

    خالص ودى
    سالى

  42. مستوره والحمدلله Said:

    موناليزا..هذه اول زيارة لمدونتك ..بعد كلامك هذا .يكون العيب هنا في تلك المراة االتي تقبل هذا الدكتاتور السادي الذي لا يطبق شرع الله ….تقبلي مروري ..وتحياتى

  43. حاسوباتيه Said:

    بحب قوي الحاجات الي بتكتبيها عن الزوج والزوجه وحقوقهم وبشكرك عليها وبجد عندك ده ده مش سي السيد ده انسان عديم الاحساس والدين وربنا يبعدنا عن الي كده يارب

  44. عمك ياض Said:

    لا بقه دي تفرقه عنصريه

    عايزينك توصي البنات علينا برضه😀

  45. هذه حياتي Said:

    السلام عليكم ورحمة الله وبركاته

    أختي في الله موناليزا

    فعلا كلماتك تشق آذان من لا ريد السمع أو من يعيش في دائرة الغفلة او التغافل التي رسمها وخطها بيده حول مجال حياته

    مناقشتك قضية العلاقة بين الرجل والمرأة في كثير من موضوعاتك السابقة لهي من دلالات النضوج في الفهم لديك ….. داعيا الله ان ديم عليك نعمه ويهديك الصراط المستقيم

    بس قوليلي ليه التحامل ده كله ع الرجاله ههههههه هو زي ما فيه رجاله مساطيل فين ناس مساكييييييييين جدا ههه

    وأخيرا أختي الكريمة دمت في أمان الله وحفظه

    وخالص مودتي وصادق دعائي

  46. صيدلانيه طالعه نازله Said:

    ربنا يكرمك يا مونى على كلامك و ربنا يجازى اللى بيعمل كده شر الجزاء
    لان فيه ازواج كتير للاسف بيعملوا حاجات ابشع حتى من اللى كاتباه
    ربنا يكرمك يارب

  47. ghorBty Said:

    موناليزا غاليتي

    بارك الله فيك وتقبل الله منك ما تكتبيه من نصائح غاليه كالذهب ..

    وكما قال تعالى : ” إن في ذلك لعبرةً لمن كان له قلبٌ أو ألقى السمعَ وهو شهيد ”

    مش اي حد هيسمع ويعمل به بس التقي الي يخاف ربه هو اللي هيعمل دا

    وربنا يرزقنا الصالح التقي ..

    ويريح قلبك ويسعده عن قريب اللهم اامين

    ودعواتك يا غاليه

    دمت بكل خير

  48. maha zein Said:

    يا الهي
    بجد في ازواج قمية في السوء والجفاف
    اتمني من الله ان يلين قلوب جميع الازواج

    ربنا يرزقني وجميع بنات المسلمين بالازواج الصالحين
    الزوج الصالح هو الشخص اللى يراعي ربنا في زوجته

    كلماتك مباشرة في الصميم
    ربنا يجعله في ميزان حسناتك

  49. أحمد سعيد بسيوني Said:

    الزوج اللي زي ده مايستحقش انه يعيش

    شوفنا تعامل نبينا الكريم

    نبي المعاملة

    http://ana-elbahr.blogspot.com/2009/03/3.html

  50. نسيبه Said:

    السلام عليكم ورحمة الله وبركاته
    مشكلة سي السيد إنه مش شايف كل اللي إحنا بنقول عليه ده وإذا حد حاول يفهمه مش بيقتنع إلا من رحم ربي ربنا يهديهم ويعافينا ولكن لا ننسي إن عند الله تجتمع الخصوم يوم لا يظلم ربك أحدا وكل واحد ياخد حقه وساعتها مش هيكون سي السيد خالص؟

  51. موناليزا Said:

    أحمد ابو العلا
    ــــــــــــــــ
    اهلا بيك استاذ احمد
    طمنتى:) ربنا يكرمك
    دمت طيبا ولمدونتى زائرا

    ********************************

    حاجات جوايا
    ــــــــــــ
    اختى الحبيبة:ربنا يكرمك ويعزك اشكرك جدا لرايك فماتوفيقى الا بالله
    نورتينى سالى الجميلة ودمتِ بخير

    *********************************

    مستورة والحمدلله
    ــــــــــــــــــ
    اختى الحبيبة:اهلا بيكِ فى زيارتك الاولى
    هل نلوم من تأمل فى صلاح الحال والمحافظة على بيتها أم من لايطبق شرع الله!
    نورتى مدونتى وارجو دوام التواصل

    *********************************

    حاسوباتية
    ـــــــــــــ
    اختى الحبيبة:ربنا يسعدك وانا مبسوطة جدا ان ما اكتبه يروقك:)
    نورتينى حبيبتى ودمتِ بخير

    *******************************

    عمك ياض
    ـــــــــــ
    اهلا بيك يافندم
    عشان تعرف بس انى مش متحيزة لنوعى ولا حاجة كان اول موضوع كتبته خاص بهذه السلسلة كان موحه للزوجة أدعوك لقرائته
    http://monaliza110.blogspot.com/2008/11/blog-post_19.html
    دمت طيبا ولمدونتى زائرا

    ********************************

    هذه حياتى
    ـــــــــــــ
    وعليكم السلام ورحمة الله وبركاته
    اهلا بيك يافندم
    ربنا يكرمك فماتوفيقى الا بالله
    اشكرك جدا لرايك
    ده مش تحامل على الرجالة دى محاولة لتوجيه أنماط مختلفة من البشر سواء رجال ونساء أو أباءوأمهات أو حماة…
    دمت طيبا ولمدونتى زائرا

    **********************************

    صيدلانية طالعة نازلة
    ــــــــــــــــــــــ
    اختى الحبيبة:ربنا يعزك يارب واشكرك جدا لتعليقك
    نورتينى ياجميلة ودمتِ بخير

    *********************************

    غربتى
    ــــــــ
    اختى الحبيبة:ربنا يكرمك ويتقبل دعائك اللهم امين
    والحمدلله الذى هدانى الى هذا
    ربنا يسعدك يارب ويهيئلك كل الخير وييسرلك جميع امورك اللهم امين
    نورتينى حبيبتى ودمتِ بخير

    ********************************

    مها زين
    ــــــــــ
    اختى الحبيبة:ربنا يكرمك واشكرك جدا لتعليقك
    نورتينى مها الجميلة ودمتِ بخير

    **********************************

    أحمد سعيد بسيونى
    ـــــــــــــــ
    اهلا بيك استاذ احمد
    ده رأينا ولكن الواقع انه بيعيش وممكن يطلق زوجته اللى مستحمله ده كله ويتزوج غيرها كمان وعادى جدا
    اشكرك لذكر هذا الرابط وسأزوره قريبا ان شاء الله
    دمت طيبا ولمدونتى زائرا

    **********************************

    نسيبة
    ــــــــ
    وعليكم السلام ورحمة الله وبركاته
    اختى الحبيبة:عندك حق
    رغم ان المظلوم نفسه بقى يشوف نصر ربنا فى الدنيا وقدام كل الناس عشان يبقى عبرة لكل ظالم
    نورتينى ياجميلة ودمتِ بخير

  52. norahaty Said:

    السلام عليكم ورحمة
    الله تعالى وبركاته
    ونعمّ القول ما قلتِ

  53. موناليزا Said:

    نوراهاتى
    ـــــــــــ
    وعليكم السلام ورحمة الله وبركاته
    اختى الحبيبة:ربنا يكرمك فماتوفيقى الا بالله
    نورتينى ياجميلة ودمتِ بخير

  54. hamma Said:

    جدت نفسي أمام تعدادك لخصال سي السيد
    مجبرا على الرد ………
    أولا لا يولد بشرا بمثل ما ذكرت…..فقط من تولى تربيته يتحمل
    ثانيا لا أعتقد الرجل بعيدا عن الخطأ
    وهنا وجود المرأة الى جانبه لتوعيته و الضغط عليه لما لا………
    صحيحا في حالات تستقيل المرأة والرجل على حد سوى من المسؤولية و يصبحا كارثة على البقية
    ثم الجهل يلعب دورا كبير
    لنعمل معا لأجل مجتمع معرفي يكون أحسن و أنفع
    هذا رأيي والله أعلم

  55. ومازلتُ أتعلم Said:

    شوفى ياموناليزا انا رأيى ان الزوج بحبه لزوجته
    ومعاملته الحلوة ليها
    بيخليها فعلاً تعامله على انه السى سيد
    ويستحق امعاملة ديه منها
    لكن الحاجات البشعة اللى ذكرتيها فوق ديه
    تخلى الراجل فى نظرى
    الاسطى سيد او المعلم سيد بالكتير

    مواضيعك كلها جميلة ياموناليزا
    بارك الله فيكى

  56. القدر و انا Said:

    موناليزا
    اولا اعتذر للتاخير
    ثانيا تسلم يمينك
    وللاسف اشباه الرجال موجودة وللاسف ايضا دائما ما تحظى بزوجة طيبة تخاف الله وتخاف على اولادها
    جزاك الله خيرا على ما تكتبين

  57. شيماء زايد Said:

    جرئيه وقويه وواعيه في تناولاتك
    كما عهدتك دائما حبيبتي

  58. من غير عنـــوان Said:

    طبعا
    فأنتن تحملن كل نشء الأمه
    وأنتن تصنعن لنا الكثير دون مقابل

    وخيركم خيركم لأهله ورحبيبنا رسولنا عليه الصلاة والسلام خير الأنام لأهله

    تحياتي

  59. shabfa2re Said:

    انا مش لاقى اللى تعبرنى اصلا
    طويل – ابيض – مرح – اشارك فى الاثاث

  60. akeed Said:

    السلام عليكم ورحمة الله وبركاته
    الموضوع جميل جداً واتفق معكِ فى كل النقاط حيث ان الزوج الذى يفعل ذلك يكون ظالماً لزوجتة وهادراً لحقوقها و لاكن توجد بعض هذه الاشياء يقوم الرجل بعملها رداً لفعل سيء فعلته الزوجة فالزوجة التى تطيع زوجها و تتقى الله فيه و فى ماله و فى عرضه تستحق كل تقدير واحترام و كل كلمه طيبة فتكون فعلا خير متاع الدنيا وهى الزوجة الصالحة

    موضوع جميل

    تحياتى

  61. salwa Said:

    السلام عليكماخت موناليزا
    للاسف القسم الاكبر من الرجال يعاملون زوجاتهم بهذه الطريقة,وينسوا ان لهم ام, او اخت او بنت,فهل يرضون لها سوء المعاملة؟!!!!!!!
    كعادتك ادراج رائع
    سلام

  62. موناليزا Said:

    هاما
    ـــــــ
    اهلا بيك يافندم فى زيارتك الاولى
    اشكرك جدا لتعليقك وأنا شخصيا متفقة مع ماقلته
    نورت مدونتى وارجو دوام التواصل

    ********************************

    ومازلت أتعلم
    ـــــــــــــــــ
    اختى الحبيبة:متفقين:)
    اكرك جدا لتعليقك ولرأيك فماتوفيقى الا بالله
    نورتينى حبيبتى ودمتِ بخير

    *********************************

    القدر وانا
    ــــــــــــــ
    اختى الحبيبة:عذرك معاكِ ياجميلة المهم انك أخيرا جيتِ ونورتينى:)
    سبحان الله فعلا و دى اكتر حاجة بستغربها ان زوجاتهم خسارة فيهم
    ربنا يكرمك واشكرك جدا لتعليقك
    نورتينى حبيبتى ودمتِ بخير

    **********************************

    شيماء زايد
    ـــــــــــــ
    اختى الحبيبة:أخجلتم تواضعنا ربنا يعزك
    كما عاهدتك رقيقة فى تعليقاتك دائما
    ماحرمنى الله من تواجدك
    نورتينى شيماء الجميلة ودمتِ بخير

    *******************************

    من غير عنوان
    ـــــــــــــ
    اهلا بيك يافندم
    ربنا يكرمك فما اجمل تعليقك
    دمت طيبا ولمدونتى زائرا

    ********************************

    شاب فقرى
    ــــــــــــ
    اهلا بيك يافندم
    🙂 أصلها بتبقى أرزاق
    ربنا يرزقك بالزوجة الصالحة قريبا ان شاء الله
    دمت طيبا ولمدونتى زائرا

    *********************************

    اكيد
    ـــــــــ
    وعليكم السلام ورحمة الله وبركاته
    اهلا بيك يافندم
    مع احترامى الشديد لرايك ولكن من تكون زوجته فظة فى التعامل معاه بيكون اضعف من انه يتعامل معاها باسلوبها على الاقل
    اللى من النوعية المذكورة فى الموضوع مابيتشطرش غير على الطيبة اللى بتتقى ربنا فيه لكن لو كانت بتعامله بندية عمره ماكان اتعامل معاها كده
    دمت طيبا ولمدونتى زائرا

    ********************************

    سلوى
    ــــــ
    وعليكم السلام ورحمة الله وبركاته
    اختى الحبيبة:معاكِ حق وكما تدين تدان
    ربنا يكرمك واشكرك جدا لرايك
    نورتينى سلوى الجميلة ودمتِ بخير

  63. الوردة البيضا Said:

    السلام عليكم
    ازيك يا موناليزا يا جميلة؟؟؟
    كلامك كله في الجون وتمام التمام… تسلم ايدك، وربنا يهدي كل زوج ويكون لزوجته نعم الرفيق في الدنيا والجنة بإذن الله

    تحياتي

  64. الفراشة الصغيرة Said:

    على ما اعتقد دلوقتى

    موذج سى السيد بقى قليل قوى

    بس النموذج المشهور من الرجال

    الرجل المدلل الى امه

    وينفذ كل كلامها على حساب زوجته

    ده موضوع كبير قوى

  65. شمس النهار Said:

    تصدقي الانسان اللي كده بيصعب عليا
    عشان مش عارفه هيقول ايه لربنا يوم القيامه
    بصراحه ربنا يعينه

  66. wanna b a physician Said:

    لم تكن شخصية سى السيد المشهورة بهذة الصفات كلها بل بالعكس كان هو من يصرف على بيته ولا تصرف زوجته

    اما من يفعل ذلك فهو لديه نقص فى احساسه بشخصيته وروجولته

  67. حـــــ الــجــنــة ـــــور Said:

    السلام عليكم

    سلمت اناملك غاليتي وبارك الله فيك على البوست الهايل

    دمتي بكل خير

  68. موناليزا Said:

    الوردة البيضا
    ــــــــــــــــــ
    وعليكم السلام ورحمة الله وبركاته
    اختى الحبيبة:انا الحمدلله بخير ازيك انتِ ياقمر
    ربنا يكرمك اشكرك جدا لرايك ولتعليقك
    نورتينى وردتى الجميلة ودمتِِ بخير

    ********************************

    الفراشة الصغيرة
    ـــــــــــــــــ
    اختى الحبيبة:صدقتِ ولذلك ماختلفناش كتير لأنه ممكن يكون بيعمل كده بس عشان يثبت لأمه انه راجل وسى السيد وهو اضعف مايكون
    نورتينى فراشتى الجميلة ودمتِ بخير

    **********************************

    شمس النهار
    ـــــــــــــ
    اختى الحبيبة:تفتكرى اللى زى ده ممكن يكون بيفكر فى يوم القيامة من أصله!!
    نورتينى حبيبتى ودمتِ بخير

    *******************************

    ونا بى فيزيائى
    ـــــــــــــــــ
    اهلا بيك يادكتور
    هو يعتقد أنه سيد الرجال ولا ينقصه شئ
    دمت طيبا ولمدونتى زائرا

    ********************************

    حور الجنة
    ــــــــــ
    وعليكم السلام ورحمة الله وبركاته
    اختى الحبيبة:ربنا يكرمك واشكرك جدا لتعليقك
    نورتى مدونتى وفى انتظار دائما

  69. son's egypt Said:

    السلام عليكم
    فعلا كما قال رسول الله صلي الله عليه وسلم رفقا بالقوارير
    النساء بشر مثلنا لهن ما لهن وعليهن ما عليهن

  70. son's egypt Said:

    السلام عليكم
    فعلا كما قال رسول الله صلي الله عليه وسلم رفقا بالقوارير
    النساء بشر مثلنا لهن ما لهن وعليهن ما عليهن

  71. موناليزا Said:

    ابن مصر
    ـــــــــــ
    وعليكم السلام ورحمة الله وبركاته
    اهلا بيك يافندم
    الله يفتح عليك
    اشكرك جدا لتعليقك
    دمت طيبا ولمدونتى زائرا

  72. تأثير الفراشة Said:

    كلامك فى محله جدااا
    جزاك الله كل خير على كلامك الأكثر من رائع

    بالتوفيق لك دائما

  73. موناليزا Said:

    تأثير فراشة
    ـــــــــــــ
    اختى الحبيبة:اهلا بيكِ فى زيارتك الاولى
    ربنا يكرمك واشكرك جدا لتعليقك
    نورتى مدونتى وارجو دوام التواصل

  74. عمك ياض Said:

    انا بهزر بس يافندم🙂
    ربنا يبارك ف حضرتك

  75. موناليزا Said:

    عمك ياض
    ـــــــــــ
    اهلا بعودتك اخى الكريم
    أفهم من كده انك مش هتزور الرابط اللى بتكلم فيه عن الزوجة الساخطة؟:)
    دمت طيبا ولمدونتى زائرا


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: