سؤال

أرى نماذج كثيرة من البشر تجعلنى أتمنى أن أسأل كل فرد على حِدة هذا السؤال:-.
ياترى رسالتك إيه فى الحياة؟.
بمعنى آخر إيه الهدف الرئيسى لحياتك؟.
ما سألتش نفسك ربنا خلقك ليه؟.
ياترى علشان تأكل وتشرب؟ ولا تنام وتصحى ؟ ولا تلبس وتتفسح؟ ولا تشتغل وتتزوج؟ ولا تشرب سجاير وتركب عربية؟ ولا تمسك موبايل وتعاكس بنات؟ ولا… ولا…
ياترى ليـــــــــــــــــه؟؟؟؟.
طيب هدفك إيه من الحاجات دى. يعنى لو كل الحاجات دى وغيرها اتحقق يبقى كده خلاص هدفك من الحياة انتهى؟.
ياريت تقولى إن كل هذه الأشياء مجرد وسيلة وليست غاية فى حد ذاتها. وإن غايتك الحقيقية هى رضا الله عز وجل لأن سبب وجودك فى هذه الحياة كما قال رب العزة”وما خلقت الجن والإنس إلا ليعبدون”.
كثيراً ما نسأل هل فلان عنا راضِ . ولكن هل سألت نفسك هل الله راضِ عنك؟
ولا الموضوع ده مش فارق معاك.
طيب انت بتحب ربنا؟؟ هتقول طبعاً . طيب ايه دليلك؟. ايه اللى بتعمله يدل على حبك ده ماهو الحب فعل وليس قول فقط
يعنى بتسمع كلامه فى أى حاجة مهما كانت حتى لو كانت ضد رغباتك وهوى نفسك؟
مش أنت لو بتحب حد هتسمع كلامه وهتبقى حاسس دايماً أنه معاك.
يعنى بتخاف من زعله منك ولا مش فارق معاك؟
فكرت تكون قدوة للآخرين ولا أنت محتاج اللى تقتدى به؟.
فكرت تكون داعية للخير ولا أنت محتاج اللى يدعوك؟.
بتصلى فى أول الوقت ومهما كان اللى بتعمله ولا معتقد إن عبادة ربنا فى قلبك وليست بالصلاة؟.
فكرت تتوجه بالدعاء لخالقك ولا أنت مش محتاجله وبتلجأ للناس دايماً؟.
قبل مابتظلم حد بتبقى عارف إن ربنا مطلع عليك؟
ياترى تختار تسمع قرآن ولا تسمع أغنية؟
ياترى تختار تقرأ فى مصحف ولا تقرأ أخبار الفنانين ولعيبة الكرة؟
ياترى بتتقى ربنا فى أى حاجة أنت بتعملها؟
بتعامل ربنا فى أشخاص كل من حولك؟
بتشوف ربنا عايزك تعمل إيه فى أى موقف وتعمله ولا بتتبع خطوات الشيطان؟
ارتديتى حجابك والتزمتِ بالزى الإسلامى المحتشم ولا دى بالنسبة لك حرية شخصية!!!؟
اتكلمت فى أعراض غيرك وفضحت ناس ربنا سترهم وأفشيت أسرار من أختلفت معه ولا دينك الإسلامى ماسمحش ليك بكده؟؟
سرقت أو اغتصبت أو خنت أو قتلت أو قسيت على ضعيف أو ضربت شيخ أو عقيت أمك أو أخذت رشوة ولا قلتها بقلبك قبل فعلك أنى أخاف الله؟
خنت أهلك وعملت علاقة حرام وخضعت بالقول ولا كان حبك لربنا دايماً بيمنعك؟
ياااه أسئلة كتيرة نفسى أسألها للجميع. ولكنى سأترك مساحة لكم تتسائلون فيها أيضاً عن دليل حُب الفرد لربه.
تعصى الإله و أنت تزعم حبه
هذا لعمرى فى القياس بديع
لو كان حبك صادقاً لأطعته
إن المحب لمن يحب مطيع
(هذه الأبيات منقولة ولا أتذكر المصدر)

سؤال جانبى:
أذكر آخر موقف اتعرضت ليه ومنعك خوفك من ربنا من إتمامه؟

57 Comments »

  1. لجين أبو الدهب Said:

    أن تدخلنى ربى الجنة .. هذا اقصى ما اتمنى ..

    والله السؤال تصيب فى مقتل ..

    أد ايه الواحد مقصر فى حق الله عزوجل ..

    كنت لسه بقرأ فى كتاب لابن القيم على علامات المحبة وبجد عرفت مدى وضعتى وان ما اسهل الكلام ولكن اين الفعل ..

    وبالنسبة للسؤال كنت اود الاجابة لكن سترنى الله وذكرنى فلن اتحدث عنه ..

    البوست اسئلته مؤثرة فعلا ياموناليزا ..

    بجد ربنا يجعله فى ميزان حسناتك ..

    دمتِ بخير حبيبتى ..

  2. (green eyes) Said:

    بارك الله فيكي
    بجد الموضوع دا مهم جدا
    انا عن نفسي كتير اوي بتيجي الاسئله دي في بالي …
    وساعات كمان ذهني بشرد لأسئلة مالهاش اجابه … علشان كدا بمنع نفسي من التفكير العميق او بمعنى اصح التفكير الهدام
    وبالنسبة لسؤالك الجانبي
    يمكن اخر حاجه غلط معملتهاش خوف من ربنا… اني كنت هفتن على صحبتي في الشغل ردا على كلام مش حلو قالته عليا بس مش رديت افتكرت ان الفتنة اشد من القتل

  3. ELMASRYA - MOSLEMA LELLAH Said:

    الحبيبة الغالية أمة الله موناليزا

    يارب تكوني بخير ويبعد ربنا عنك كل هم وحزن ويفرج كربك

    موضوعك ده مهم جدا بالنسبة ليا

    كنت بفكر فيه بس بشكل آخر وهو إني عايزة أعمل كل حاجه ترضي ربنا وأخليه دايما قدامي قبل مانطق أي كلمة أو أتصرف أي تصرف

    والحكاية زادت بعد حالة الوفاة اللي حصلت قدامي وحكيت ليكم عنها

    خفت أكتر وعايزة أدخل الجنة ونفسي قبري يكون روضة من رياض الجنة

    الموضوع مش صعب على فكرة بس المهم زي ماقلتي نسأل نفسنا إحنا بنحب ربنا؟

    لو جاوبنا بإخلاص وحبيناه بجد قوي فعلا هنتقيه في كل قول وعمل وده هيكون بإذن الله سبيلنا إلى الجنة

    ربنا يصلح حال الملتهين بأمور الدنيا وناسيين إن الدنيا ماهي إلا محطة قصيرة وأن الأساس هو الآخرة فإما إلى الجنة لا حرمنا الله منها وإما إلى نار أعاذنا الله من حرها وشرها اللهم آمين

    دمتي سالمة يا صاحبة أرقى مدونة في النت كله

  4. الطائر الحزين Said:

    اللهم اجعلنا من الاوابين وارزقنا توبة نصوح تغفر بها الذنوب

  5. د/عرفه Said:

    فعلا الواحد احيانا بيكون محتاج يوقف شوية مع نفسه
    ويشوف هو ماشى ازاى
    جزاكم الله خيرا على التذكرة وجعلها الله فى ميزان حسناتكم

  6. ماء تشرين Said:

    اللهم اجعلنا من توابين يارب يمكن مش هنبطل نعمل ذنوب يمكن لانك خلقتنا كده بس رجعنا دايما ليك خلينا دايما توابين واتقبل توبتنا لان الحياه صعبه اوى من غير رضاك

    اخر موقف هو يمكن نقل الكلام والواحد يوقع بين الناس لانه يعرف حجات كتير تودى ال بيأذيه بس الواحد بيفتكر انه ربنا موجود وانه رد هو اكبر واقوى

    تقبلى مرورى

  7. NuNa Said:

    السلام عليكم
    قبل ما نفتح على مدونتك كان سؤالك في بالي و كانت في اجابات واجد بكل من يالي كتبتيها و اشياء اخري ثانيه.
    حمد الله ان ربي يكون معايه في حاجات واجد بس مرات ندير حاجات و نندم عليهن و لو كنت نبي حاجات و يصعب عليه الحصول عليهن على طول يجي في بالي اكيد ربي مش راصى علي الرضي الكافي.
    شكرا

  8. Butterfly Said:

    ربنا يعافينا
    أنا الحمد لله ملتزمه
    طبعا مفيش حد مبيغلطش
    بس فى الأمور اللى مش أساسيه

    أما بالنسبه للموقف
    مش فاكره بصراحه🙂

  9. موناليزا Said:

    لجين ابو الدهب
    ــــــــــــــــ
    اختى الحبيبة:اشكرك جدا لرايك ولمشاركتك
    وعجبتنى اوى”ان تدخلنى ربى الجنة هذا اقصى مااتمنى”
    جميلة بجد
    تسلميلى يارب من كل شر
    نورتينى لوجى الجميلة ودمتِ بخير

    **********************************

    جرين آيز
    ــــــــــــ
    اختى الحبيبة:ربنا يكرمك اشكرك جدا لرايك
    الله عليكِ
    ان شاء الله سيكون هذا الموقف لكِ يوم القيامة
    نورتينى حبيبتى ودمتِ بخير

    ********************************

    المصرية- مسلمة لله
    ــــــــــــــــــــ
    اختى الحبيبة:ربنا يعزك يارب ويتقبل دعائك ولكِ بالمثل اللهم امين

    فعلا غاليتى فالجنة مهرها غالى جدا رزقنا الله حبه وحب من احبه وحب كل عمل يقربنا الى حبه
    ماتحرمش من مجاملتك الرقيقة🙂 ربنا يسعدك يارب
    نورتينى حبيبتى ودمتِ بخير

    ********************************

    الطائر الحزين
    ـــــــــــــــــ
    اهلا بيك يافندم
    اللهم امين
    دمت طيبا ولمدونتى زائرا

    ********************************

    د/ عرفة
    ــــــــــــ
    اهلا بيك يادكتور
    ربنا يكرمك واشكرك جدا لتواجدك
    دمت طيبا ولمدونتى زائرا

    *******************************

    ماء تشرين
    ــــــــــــــ
    اختى الحبيبة:هنيئا لكِ بهذا الموقف طالما تركتى هذا الامر للمنتقم فلن يخذلك أبدا
    اللهم يامقلب القلوب ثبت قلوبنا على دينك
    نورتينى حبيبتى ودمتِ بخير

    ******************************

    نونا
    ـــــــــ
    وعليكم السلام ورحمة الله وبركاته
    اختى الحبيبة:اشكرك جدا لمشاركتك
    وفقنى الله واياكِ لما فيه الخير والطاعة لله
    نورتينى نونا الجميلة ودمتِ بخير

    *********************************

    بيترفلاى
    ــــــــــ
    اختى الحبيبة:اشكرك جدا لمشاركتك
    اللهم يامقلب القلوب ثبت قلوبنا على دينك
    نورتينى حبيبتى ودمتِ بخير

  10. ومازلتُ أتعلم Said:

    موناليزا
    تانى مرة الاقيكى بتقولى حاجة مماثلة للحاجة حصلتلى قريب
    طيب تصدقى انه لسه واحدة صحبتى وانا كنا بنتكلم عن الموضوع ده
    المشكلة انه الواحد بيقعد يفكر كتير ويلاقى ليه كذا رسالة فى الحياة مش رسالة واحدة
    بس للاسف مع زحمة الحياة بينسى الرسالة ديه
    وبتتحول الحياة لروتين ممل وماكنة ماشية على رجليها وخلاص من غير هدف

    هشحن نفسى تانى ..وهمسك ورقة واشوف رسالتى…

    الف شكر ليكى

    بالنسبة للموضوع الاخير عندى
    مش عارفة ايه اللى حصله هوه كان باين وواضح للناس
    بس حصلتله مشكلة مجهولة…
    هاحاول تصليحها…وشرفتينى على زيارتك

    جزاكِ الله خيراً

  11. ريمان Said:

    السلام عليكم

    انا هدفى فى الحياه ان ربنا يرضى عنى وانى اخرج من الدنيا دى كلها على خير وغير مفتونه

    لا همى اجوز ولا والله بكر اصلا ولا زى البنات اللى عايشه عشان تفكر فى الجواز وهتموت عليه زى ما يكون ربنا خلقنا بس عشان نتجوز

    مع ان الحقيقه الوحيده اللى فى حياتنا هى الموت
    مش الجواز

  12. (أم البنين) Said:

    فعلا
    لازم نفوق
    ونحتاج من آن لآخر لمن يذكرنا جزاك الله خيرا
    وأحيانا إن غفلنا نجد صفعة قوية من الأيام…فنتذكر

  13. هذه حياتي Said:

    كلامك جميل جدا احييكي

    وأرجو من الله أن يرزقنا الصدق في القول والعمل

    تحياتي

  14. ستيته حسب الله الحمش Said:

    موضوع جاي على جراح النفس العاصية ومتكي يا موناليزا
    ربنا يصلحنا جميعا
    مش عارفة ارد على سؤالك بس الموضوع ان شاء الله في ميزان حسناتك
    بحبك في الله

  15. د. ياسر عمر عبد الفتاح Said:

    تعصى الإله و أنت تزعم حبه
    هذا لعمرى فى القياس بديع
    لو كان حبك صادقاً لأطعته
    إن المحب لمن يحب مطيع

    أسئلة صعبة جداً
    مش الإجابة عيها صعبة
    لكن تطبيق الإجابات اللى صب
    ربنا يحفظنا ويثبت قلوبنا

    جزاكِ الله خيراً

  16. جنّي Said:

    السلام عليكم

    اولا جزاكي الله خيرا على تدوينتك

    ثانيا : عن سفيان بن عبد الله الثقفي قال : قلت يا رسول الله حدثني بأمر أعتصم به قال قل ربي الله ثم استقم قلت يا رسول الله ما أخوف ما تخاف علي فأخذ بلسان نفسه ثم قال هذا.. الترمذي

    فمن كانت رسالته الاستقامة على امر الله فلح ومن حفظ لسانه ضمن له الرسول صلى الله عليه وسلم الجنة ..

  17. ABOALI Said:

    موناليزا
    الموضوع ده كبير جدا”
    بس اهم حاجة فيه
    انه هى دى الحياه
    تفاعلات مع بعضها البعض
    وجود العديد من النماذج الحياتيه من معاصى وطاعات وتمرد قنوت
    هو ما يعطى تلك الحياه الرقى والاستمرار
    ويعطى ايضا للبعض التذكرة والعبرة للبحث عن المنهج الصحيح
    فبدون ان نتعرض لكل ما ذكرتيه
    لاءن تشعرى ان للجنة قيمة او مذاق خاص
    طبعا كلامى لا يندرج تحت بند
    اننا لازم نخطىء ولا نفكر
    لما نخطىء
    ولكن يندرج تحت
    تلك هى معتركات الحياه فيها كل الالوان

    اما عن الموقف الذى منعنى خوفى من الله ان اتمه

    فيه طبعا ولكن
    اذا كان الله سترنى فيه وحبب الى حبه فى وقتها وطاعته
    فاستشعر انا انه لا يجب ان افضح نفسى الان او اثنى على نفسى
    ولكنى اقول
    ان الخير فى وفى امتى الى يوم يبعثون
    قالها المصطفى (ص)
    ونحن لذلك على يقين

    وقعت منى نفسى فتلقفتها
    فنظرت الى عينى مبتسمه
    اتراك تخاف على ؟
    فقلت هيهات هيهات
    الا اخاف على نفس”
    هى امانة عندى
    فقهقهت الضحكة تلو الضحكة
    انااااااااااااا امانة عندك
    لالالالالالالالالالالالالالالا
    انا هواك وغداك
    انا عشقك ومنتهاك
    انا تعبك وشقاك
    انا كل انت
    وانت كل انا
    فقلت ياااااااااااه
    كل هذا
    اتراكى كنتى فى بحر الاحلام تغوصين
    فلم تجدى مركب” فكنت انا المدين
    فقالت
    الم تعشقنى فى الليل والنهار
    واسقيتك الخمر وافيشت لك الاسرار
    فقلت اتراكى تفخرين بهذا
    وتتمخترين فى الاسواق
    الليل والنهار
    اسمعى منى اليقين
    انت محبوتى التى احب ان ارها
    فى طريق الورد وحب رب البرايا
    فاءن وهنتى يوما”
    سأستعين بحب نبيا”
    ملىء الدينا رحمة وصحبته هى منايا
    ف توارت نفسى مبتعدة
    ف حتضنتها روحى
    الى اين تهربين؟
    الا تحبى ان يكون مكانك هناك
    عند قدم صدق المليك المقتدر
    هو من سواكى
    وعرف طريق هداكى
    فكونى له فى الطاعة
    يكن هو مبتغاكى

    اشكرك على طرح الموضوع لما فيه من الخير الكثير ومن التذكرة التى ربما تجد من ينصت

    وتحياتى لك الراقيه

  18. الفقيرة إلى الله أم البنات Said:

    يارب رضاك والجنه

    ماشاء الله عليك مواضيعك جميله ولا ازكيك على الله واحسيبك على خير

  19. د.مادو Said:

    موضوع أكثر من رائع يا أمه الله
    محتاجين من وقت للتانى نحاسب أنفسنا
    محتاجين حد يذكرنا
    (وذكر,,,ان الذكرى تنفع المؤمنين)
    بالنسبه لاجابة سؤالك
    فمقدرش أفضح نفسى وربنا سترنى
    و مقدرش أمدح نفسى و أقول انها تركت ذنب و أن عارف انها لا تستحق المدح
    دمتى بكل ود
    وللأمام دائما

  20. مسدس صغير Said:

    جزاكم الله خير الجزاء
    وجعل هذا الموضوع فى ميزان حسناتك..
    يقول الله”وما خلقت الجن والانس الا ليعبدون”
    ويقول” لقد كان لكم فى رسول الله اسوة حسنة لمن كان يرجو الله واليوم الاخر”
    نسأل الله ان يرحمنا وان يهدنا ويهدى بنا وان يجعلنا سببا لمن اهتدى وان يجعلنا هداة مهديين لا ضالين ولا مضلين..
    امين امين امين

  21. الربان Said:

    تحياتي

    موضوع جميل اختي الفاضلة…

    علينا السعي دائما الي رضي الله…و ان
    يكون كل ما نعمل تقربا لله…و لكن الانسان خلق هلوعا…لا يري الا اسفل قدميه….و طاقته الايمانية متفاوته..و متقلبه…

    احيانا ما نشعر بأننا الي الله اقرب من اي وقت مضي..و احيانا أخري نشعر بأنن ايماننا ناقص…

    عموما لا يكلف الله نفسا الا وسعها…علينا تقوي الله ما استطعنا…

    الموقف اتذكر ان احد الاشخاص اساء الي
    اساءة كبيرة…و خسرت بسببها بعض المال
    و احتسبت عند الله….و دارت الايام و اذا بنفس الشخص يحتاج لي في امر هام…
    فكرت مليا في التخلي عنه…و لكنني تذكرت ان : خير الناس انفعهم للناس…
    و من يتقي الله يجعل له مخرجا….
    فاسرعت اليه بقلب صاف.

    تحياتي و تقديري

  22. ايوشة Said:

    افتكر الانسان المفروض طول عمره يكون ليه اهداف ثابتة هى رضى ربنا وطاعته جانب االاهداف الدنيوية بس اللى بيحصل اننا بنركز على الاهداف الدنيا بشكل اكبر من الهدف الاساسى
    جزاكى الله خيرا بوست جميل

  23. حنان الشافعي Said:

    الرائعه موناليزا
    جزاك الله دوما كل خير عن موضوعاتك
    تعرفي لو كل واحد سال نفسه الاسئله دي اكيد عقله الفطري اللي ربنا حلقه عليه هيهديه للطريق الصح ومش هيعمل حاجه غلط ابدا تغضب ربنا
    لكن المشكله اننا احيانا بنتجنب نحاسب نفسنا لاننا عارفين اننا بنغلط
    ديما بقول مش العيب اننا نعمل الغلط العيب اننا نسكت لنفسنا عليه ونتمادي
    كمان مش معني اني بعمل غلط اني احط نفسي في خانة الغلطانيين واقول معدتش تفرق كتير لازم اقرب من الناس الصح وكمان اقول رايي الصح يمكن ده يخليني اغير من نفسي لوحدي
    بالنسبه للسؤال
    انا ديما بحاول مظلمش حد حتي لو ظلمني
    بس للاسف ساعات احساسي اني صح ومعملتش غلط بيخليني اجي علي ناس كتير لمجرد موقف او كلمه
    اخر مره في كليتي كان ليا تقدير في مجال معين واتاخد مني لواحده تانيه متستحقوش لقيتني غصب عني بعاملها وحش مع اني متاكده انها ملهاش يد في اختيار نفسها علي حسابي
    لكني خفت من ربنا وقلت لنفسي متستحقش مني اظلمها مهما كان الظلم الواقع عليا
    في الختام دمت بخير
    وفي حفظ الله

  24. akeed Said:

    بارك الله فيكى وعلى التذكير فعلا كل واحد منا يحتاج وقفة مع النفس يحاسب فيها نفسة ويذكرها بخالقها وأن يتذكر ان الحياة ممكن ان تنتهى فى اقل من ثانية فماذا فعلت لذلك لكى تكون على حسن خاتمة يجب ان تكون دائماً على الطاعة التى تستمر مع سلوكك الشخصى فى كل وقت حيث ان السبب الذى خلق الله البشر وغير البشر ليعبدوه سبحانة وتعالى .

    فهذه الحيوانات تسبح الله والجبال تسبح الله والحصى وحبات الرمال تسبح الله دائماً بلا انقطاع فلو نظرنا الى انفسنا فسوف نجد انفسنا اقل من حبة رمل فى الصحراء او اقل من قطرة ماء فى البحار بالنسبة لعبادة هذه الاشياء و ما بالنا حجمنا بالنسبة للكرة الاضية وحجم الكرة الاضية بالنسبة للشمس وحجم الشمس بالنسبة للمجرة وحجم المجرة بالنسبة للفضاء وحجم الفضاء بالنسبة للسماء الاولى و حج السموات والاراضين بالنسبة للكرسى كحلقة فى صحراء وحجم الكرسى بالنسبة لعرش الرحمن عز وجل فنحن لا نعلم قدر الإله الذى نعبده فعندما نعلم فعلاً قدره عز وجل سوف لا نضيع لحظة الا وفيها ذكر لله وعباده لله .

    جزاكِ الله خيراً على الموضوع

    وفعلاً عندما ارى امرأة متبرجة أتذكر الله عز وجل واغض البصر حيث ان الله يعلم خائنة الاعين فذلك اللموقف من اكثر المواقف التى اتذكر فيها الله عز وجل وطبعاً اتذكر الله فى جميع اوقاتى

    تحياتى

    السلام عليكم

    أكيـــــــــد

  25. وردة Said:

    جزاك الله خير علي الكلام الطيب ده
    ساعات كتير بنغفل عن حاجات كتيير جدا
    بس الحمد لله اننا بنراجع نفسنا في الوقت المناسب
    المهم اننا نرضي ربنا ويكون عندنا رضا باللي ربنا كتبهولنا
    ربنا يكرمك ويجعل البوست ده في ميزان حسناتك
    سلام

  26. بنت أبيها Said:

    سؤال جميل

    والاجمل ان احنا نساله لنفسنا من وقت للتاني

    لان من طبيعتنا كبشر النسيان

    حتى للى عنده اجابة عن السؤال ده

    محتاج يساله لنفسه من وقت للتاني عشان يفضل على نفس الطريق اللى رسمه لنفسه

    جوزيتي خيرا ع التذكرة

  27. MOHAMMED ELBANNA Said:

    اشكرك أمة الله على هذا البوست المتميز
    ربنا يجازيكي خير ويجعله فى ميزان حسناتك ان شاء الله.
    اما بالنسبه لرسالتي في الحياه فهي :
    ( إن أريد الا الاصلاح ما استطعت وما توفيقي الا بالله )
    بارك الله فيكي وأسأل ان يتقبل منا سائر اعمالنا .
    محمـــد

  28. salwa Said:

    السلام عليكم
    للاسف نحن دائما مقصرين مهما فعلنا
    اعاننا الله على طاعته و حسن عبادته
    جزاكي الله كل خير بادراجاتك القيمة
    سلام

  29. momken Said:

    شوفى ياستى انا هقول رائى
    وهجاوب على كلامك
    واجرى على الله
    مع ان السؤال مش من المنهج

    انا ياستى عبد…ايوة انا عبد..ويجب ان احيا حياه العبيد

    بكل ما تحمل حياه العبيد من ذل واستسلام وقنوع وانكسار وانقطاع تام لسيدى ومالك امرى

    سيدتى اجابه سؤالك ليست بيدى لانى لا املك من امر نفسى شياً فامرى كله لسيدى ويجب ان اسئله قبل ان اجيب عليكى

    وقد اجابنى سيدى وقال

    (وما خلقت الجن والانس الا ليعبدون)
    صدق الله العظيم

    وانا مجرد عبد لا يغير امر سيده

    تحياتى

  30. قطرات من شواطئ الحياة Said:

    جزاكي الله كل خير على التذكرة الرائعة دي و بجد يا ريت كل الناس تفكر كده
    جعله الله في ميزان حسناتك🙂

  31. القدر و انا Said:

    موناليزا
    والله البوست محتاجينه جدا كل يوم
    محتاجين يبقى نصب اعيننا فى دنيا التلاهى والمغريات
    ادعى مع كل سجدة اللهم قربنى من حلالك
    وابعدنى عن حرامك
    جزاك الله خيرا لما قدمت يداك

  32. موناليزا Said:

    ومازلت أتعلم
    ـــــــــــــــــ
    اختى الحبيبة:هى رسالة واحدة بس وسائلها مختلفة يعنى مثلا طول ماانتى بتدرسى لازم يبقى جواكِ هذا الحديث من سلك طريقا يلتمس به علم سهل الله به طريقا الى الجنةو بتبقى عايزة تنجحى ليه بقى عشان ترضى ربنا لان المؤمن القوى احب الى الله من المؤمن الضعيف وهكذا
    يعنى كل حياتنا طريق للوصول الى الله بس كل واحد وحسب نيته
    مبسوطة انك هتشحنى نفسك:)
    ايوا كده الجنة مهرها غالى
    رزقنى الله واياكِ الاخلاص فى القول والعمل
    ==
    ان شاء الله يتصلح قريبا واعود لقرائته
    نورتينى حبيبتى ودمتِ بخير

    *********************************

    ريمان
    ـــــــــ
    وعليكم السلام ورحمة الله وبركاته
    اختى الحبيبة:ربنا يرضى عننا جميعا
    وعلى فكرة الزواج فى حد ذاته مقربة عظيمة لله كفاية انك طول الوقت بتجاهدى نفسك وده اعظم جهاد:)
    رزقنى الله واياكِ رضا الله وجنته
    نورتينى ريمو الجميلة ودمتِ بخير

    ***********************************

    ام البنين
    ـــــــــــ
    اختى الحبيبة:وما اقسى هذه الصفعات
    ربنا يكرمك واشكرك جدا لتواجدك
    نورتينى حبيبتى ودمتِ بخير

    *********************************

    هذه حياتى
    ـــــــــــــ
    اهلا بيك يافندم
    ربنا يكرمك واشكرك جدا لمشاركتك
    وربنا يتقبل دعائك
    دمت طيبا ولمدونتى زائرا

    *******************************

    ستيتة حسب الله الحمش
    ـــــــــــــــــــــ
    اختى الحبيبة:ربنا يكرمك واشكرك جدا لمشاركتك ولعل موضوعى هذا يكون صيحة تحذير للكثيرين
    أحبك الذى أحببتنى فيه وسعيدة جدا بتواجدك🙂
    نورتينى حبيبتى ودمتِ بخير

    *********************************

    د.ياسر عبد الفتاح
    ـــــــــــــــــــ
    اهلا بيك يادكتور
    لو حُب ربنا مالى القلب التطبيق هيكون سهل
    اللهم ارزقنا حبك وحب من احبك وحب كل عمل يقربنا الى حبك
    دمت طيبا ولمدونتى زائرا

    ********************************

    جنى
    ـــــــ
    وعليكم السلام ورحمة الله وبركاته
    اهلا بيك استاذ سعيد
    ربنا يكرمك واشكرك جدا لمشاركتك
    ولتعليقك القيم
    دمت طيبا ولمدونتى زائرا

    **********************************

    ابو على
    ـــــــــــ
    اهلا اهلا بصاحب التعليقات المميزة
    وكأنك تريد ان تقول بان الجنة مهرها غالى ويبدأ بمجاهدة النفس.. صح كده:)
    ربنا يسترنا جميعا تحت الارض وفوق الارض ويوم العرض عليه
    اشكرك جدا على مشاركتك وتواجدك
    دمت طيبا ولمدونتى زائرا

    **********************************

    الفقيرة الى الله ام البنات
    ــــــــــــــــــــــــــ
    اختى الحبيبة:ربنا يكرمك يارب ويرضى عنك
    نورتينى حبيبتى ودمتِ بخير

    ********************************

    د. مادو
    ـــــــــــــ
    اهلا بيك يادكتور بعد طول غياب
    اشكرك جدا لرايك ولمشاركتك
    وربنا يعزك يارب على اختيارك
    دمت طيبا ولمدونتى زائرا

    ********************************

    مسدس صغير
    ــــــــــــ
    اهلا بيك يافندم
    ربنا يكرمك ويتقبل دعائك اللهم امين
    دمت طيبا ولمدونتى زائرا

    *******************************

    الربان
    ـــــــــــ
    اهلا بيك يافندم
    اشكرك جدا لرايك ولمشاركتك
    ربنا يعزك ويكرمك يارب ويباركلك فى كل ماتفعل
    دمت طيبا ولمدونتى زائرا

    ****************************

    ايوشة
    ـــــــــ
    اختى الحبيبة:احنا محتاجين بس شوية تظبيط عشان نعرف ان كل الاهداف الدنيوية دى مجرد وسيلة للتقرب من الله
    وفقنا الله جميعا لما فيه طاعة الله ورضاه
    نورتينى ايوشة الجميلة ودمتِ بخير

    *****************************

    حنان الشافعى
    ــــــــــــــ
    اختى الحبيبة:ربنا يكرمك يارب فماتوفيقى الا بالله
    ربنا يوفقك دايما للخير ولطاعة الله
    اشكرك جدا لمشاركتك
    نورتينى حنان الجميلة ودمتِ بخير

    *********************************

    اكيد
    ــــــــ
    اهلا بيك يافندم
    الله عليك
    اتذكر اول مرة اقرأ فيها هذا الكلام وكيف استشعارى وقتها بضآلة حجمى ياااه قد ايه يارب انت رحيم بينا
    اللهم لا تحملنا مالا طاقة لنا به
    ربنا يكرمك واشكرك جدا لرايك ولمشاركتك
    وبارك الله لك فهذه العين لايمسها نار باذن الله
    دمت طيبا ولمدونتى زائرا

    **********************************

    وردة
    ـــــــ
    اختى الحبيبة:ربنا يعزك واشكرك جدا لرايك ولتواجدك
    نورتينى وردتى الجميلة ودمتِ بخير

    *******************************

    بنت ابيها
    ــــــــــــ
    اختى الحبيبة:اشكرك جدا لرايك فى السؤال (فين الاجابة بقى:))؟
    نورتينى حبيبتى واشكرك لتواجدك

    ********************************

    محمد البنا
    ـــــــــــ
    اهلا بيك استاذ محمد
    الشكر لله والحمدلله الذى هدانى الى هذا
    ربنا يكرمك على تعليقك ويوفقك دايما
    دمت طيبا ولمدونتى زائرا

    *******************************

    سلوى
    ـــــــــ
    وعليكم السلام ورحمة الله وبركاته
    اختى الحبيبة:ربنا يكرمك ويتقبل دعائك
    نورتينى سلوى الجميلة ودمتِ بخير

    *******************************

    ممكن
    ــــــ
    اهلا بيك يافندم
    ربنا يعزك ويثبتك على دينه
    اشكرك جدا لمشاركتك
    دمت طيبا ولمدونتى زائرا

    ********************************

    قطرات من شواطئ الحياة
    ــــــــــــــــــــــ
    اختى الحبيبة:ربنا يكرمك واشكرك جدا على تعليقك
    نورتينى حبيبتى ودمتِ بخير

    ********************************

    القدر وانا
    ـــــــــــــــ
    اختى الحبيبة:ربنا يكرمك واشكرك جدا لمشاركتك
    اللهم يامقلب القلوب ثبت قلوبنا على دينك
    نورتينى حبيبتى ودمتِ بخير

  33. صاحبة هدف Said:

    جزاكِ ربي الجنة

    سبحان الله عندنا توافق فكري كبير

    ,,والأسئلة مؤثرة للغاية..وياليتنا نقرأها بقلبنا أولا..قبل أن تقرأها أعيننا

    ,,أما عن السؤال الجانبي..فقد كنت أفعل شيئا ولا أعلم أنه خطأ..أو يدخل في المحظور..وأنا لا أبحث سوى عن رضا الله حتى أعيش بسلام حتى أموت
    فأخبرتني أختي أن هذا الفعل خاطئ ويدخل تحت محظور شرعي

    فكرت كثيرا
    وبدأت نفسي تسول لي..أن الكثير يفعله بحدود..فافعلي مثلهم

    لكني تذكرت أني لا أبحث سوى عن رضا الله

    فتركت هذا الفعل
    وأسأل الله أن يثبتني

  34. Tamer Nabil Said:

    السلام عليكم

    موضوع اكثر من رائع

    واتفق معاكى

    من احب علية ان يطيع من احبة مدام على طريق الخير والقرب من الله

    ربنا يعين الجميع

    ويهدى يارب

    تحياتى

  35. موناليزا Said:

    صاحبة هدف
    ــــــــــــ
    اختى الحبيبة:ربنا يكرمك يارب ده شئ يسعدنى:)
    ربنا يثبتك يارب ويعزك دايما بطاعته
    اشكرك جدا لمشاركتك
    نورتينى حبيبتى ودمتِ بخير

    ******************************

    تامر نبيل
    ــــــــــــ
    وعليكم السلام ورحمة الله وبركاته
    اهلا بيك استاذ تامر
    اشكرك جدا لمشاركتك وتقبل الله دعائك
    دمت طيبا ولمدونتى زائرا

  36. z!zOoOo Said:

    السلام عليكم

    ازيك يا موناليزا يارب تكوني بخير

    لن استطيع المناقشه الأن ولكني جئت للأطمئنان وللسلام

    دمتي بكل ود

    في رعايه الله

  37. ghorBty Said:

    السلام عليكم

    اولا : اعذرني علي التاخير في الرد😦 دعواتك

    :

    سلمت يمناك يارب وجعل كل كلمه في ميزان حسناتك

    :

    وكما قال سيدنا عمرو

    حاسبوا أنفسكم قبل أن تحاسبوا، وزنوها قبل أن توزنوا، فإن أهون عليكم في الحساب غداً أن تحاسبوا أنفسكم اليوم، وتزينوا للعرض الأكبر، يومئذ تعرضون لا تخفى منكم خافية)

    فعلا محتاجين نقف مع انفسنا عدة وقفات وليست وقفه واحده ..

    نسال الله صلاح الحال وان يرانا دائما علي الوجه الذي يرضيه عنا …

    دمت بكل خير

  38. الفراشة الصغيرة Said:

    بجد هو موضوع حلو
    وعلى فكره فى ناس مش بتقول غير
    يا بنى عيش يومك
    هو انت هتعيش كام مرة
    وللاسف ه ده اللى جيبنا ورا

    اللهم ارزقنا التوبه

    واغفر لنا وارحمنا يارب العالمين

  39. موناليزا Said:

    زيزو
    ـــــــــ
    وعليكم السلام ورحمة الله وبركاته
    اهلا بيك يافندم
    انا الحمدلله بخير اشكرك جدا لسؤالك
    زيارتك اسعدتنى
    دمت طيبا ولمدونتى زائرا

    ********************************

    غربتى
    ــــــــ
    وعليكم السلام ورحمة الله وبركاته
    اختى الحبيبة:ربنا يوفقك يارب وييسرلك جميع امورك
    ربنا يكرمك واشكرك جدا لتعليقك الجميل
    وربنا يرزقنا جميعا الاخلاص فى القول والعمل
    نورتينى حبيبتى ودمتِ بخير

    *********************************

    الفراشة الصغيرة
    ــــــــــــــ
    اختى الحبيبة:وهو ده اللى عايزة اقوله فين حب ربنا؟؟
    نورتينى حبيبتى واشكرك لتواجدك

  40. منى Said:

    لما تحب ربك بجد هتلاقى نفسك مش عايز تعمل غير اللى ربنا بيحبه وهتلاقى الف حاجه حواليك حلال تقدر تستمتع بيها وتعيش حياتك من غير ماتغضب ربنا
    لكن ده ما يمنعش ان ضعفنا ونقصنا الانسانى احيانا بيغويناوهو ده الوقت اللى تقدر تعرف فيه مقدار قوتك وللاسف كثير بنسقط بس يا ريت نحاول كلنا ننجح فى الاختيارات الجديده

    مش عارفه اشكرك اد ايه على سؤالك عنى واهتمامك
    كل اللى اقدره اقوله
    ربنا يرزقك الخير كله ويكفيكى الشر كله ويرضيكى ويرضا عنك
    وسلامى لمروه
    تحيلتى وحبى

  41. jonoon 3aqel Said:

    بلاش فضايح…

    الله يصلح الأحوال…
    أعتقد أن عموم الناس..عندما تلتزم بأمر ربها…تبتعد كل البعد عن الكبائر..و تسقط..جهلا او قصدا..في بعض الامور الأخرى مثل غيبة…او كذبة..نوم عن صلاة معينة..
    و بكلامي هذا لا أعني ان الامور السابقة هينة..لكن الوقوع فيها اسهل من غيرها..حتى أسهل من الكبائر نفسها..و الواحد مايدير لها بال..
    اللهم نسألك العفو و العافية..

    جزاك الله خير على التنبه و التذكير..

    اللهم ارحمنا فوق الأرض..و تحت الأرض..و يوم العرض…

    تحياتي

  42. ذكري رحبل قلم Said:

    عرفة يا موناليزا
    انا عارفة اننا في الحياة لسبب واحد فقط هو اننا نعبد ربنا ومع التقدم الهائل المستمر في الدنيا بننسي السبب الوحيد لتواجدنا في الدنيا انا مثلا الحمد لله اتجوزت وخلفت ولحد دلوقتي مش عايزة اعترف اني كبرت عايزة افضل علي طول مدللة والبنت الشقية واللذيذة كل ده حتي اللبس نفسي اغيره ومش قدره كل ما احاول اشتري ذي اسلامي الشيطان يقول لالالا انتي لسة صغيرة كمان شوية ومش عارفة يا تري هاعيش كمان شوية ولا الموت سيلحق بي نفسي افوق من غيبوبة الدنيا بقي وانتظم في الصلاة واغير لبسي كما يريد زوجي واهتم بشؤون بيتي اكثر مما انا عليه حتي يصبح شغلي الشاغل هو عبادة الله ثم بيتي
    شكر لك اختي الحبيبة علي موضوعاتك التي تلومنا علي تقصيرنا في حق الله وحق انفسنا

  43. على عبدالله Said:

    السلام عليكم

    جزاك الله خيرا وبارك فيك واعزك

    شوفى هو الموضوع همم
    فرق كبير بين انسان هدفه قضاء شهوة “ايا كانت ” وانسان هدفه فوق فوق خالص .. هناك .. الفردوس الاعلى
    النفوس الكبار تعبت فى مرادها الاجسام

    بارك الله فيك
    ورزقنا واياك وكل المسلمين بالفردوس الاعلى فى الجنة

  44. ليكوريكا Said:

    علي كل فرد ان يجيب نفسه

    فنحن ونحن فقط من نعرف انفسنا …

    شكرا علي التذكره .

  45. اللؤلؤة Said:

    الأخت موناليزا
    السلام عليكم
    جميل أن يقف الإنسان وقفة صدق مع نفسه ويحاسبها ويسألهاهل أسير نحو تحقيق الهدف الذى خلقت من أجله أم لا
    وعن سفيان بن عبد الله الثقفي قال : قلت يا رسول الله حدثني بأمر أعتصم به قال قل ربي الله ثم استقم قلت يا رسول الله ما أخوف ما تخاف علي فأخذ بلسان نفسه ثم قال هذا.. الترمذي

    فمن كانت رسالته الاستقامة على امر الله فلح ومن حفظ لسانه ضمن له الرسول صلى الله عليه وسلم الجنة ..

  46. موناليزا Said:

    منى
    ــــــ
    اختى الحبيبة:اهلا اهلا بالقمر بعد طول غياب
    فعلا مغريات الحياة اكبر اختبار لحبنا لربنا ويارب ننجح فى هذه الاختبارات

    بتشكرينى على ايه بس!!ده حقك علىَّ
    المهم انك اخيرا طمنتينى عليكِ
    ربنا يكرمك على دعائك لى وربنا يتقبل ولكِ بالمثل ان شاء الله
    يوصل ياحبيبتى حاضر من عينيا:)
    نورتينى منمونة الجميلة ودمتِ بخير

    ******************************

    جنون عاقل
    ــــــــــــ
    اهلا بيك يافندم
    صح جدا “وتحسبوه هين وهو عند الله عظيم”
    اشكرك جدا لمشاركتك وربنا يتقبل دعائك
    دمت طيبا ولمدونتى زائرا

    ********************************

    ذكرى رحيل قلم
    ـــــــــــــــ
    اختى الحبيبة:لوم النفس بداية الطريق الصحيح المهم نبدأ بسرعة قبل ماالشيطان يرجعنا تانى على اللى فى نيتنا من تقرب لله
    ربنا يقربك منه ويرزقك حلاوة الايمان
    نورتينى نور الجميلة ودمتِ بخير

    *********************************

    على عبدالله
    ــــــــــــــ
    وعليكم السلام ورحمة الله وبركاته
    اهلا بيك استاذ على
    ربنا يكرمك اشكرك جدا على دعائك وربنا يتقبل اللهم امين
    فعلا الفرق كبيييير اوى
    دمت طيبا ولمدونتى زائرا

    *********************************

    ليكوريكا
    ـــــــــــــ
    اهلا بيك يافندم
    اشكرك جدا لرايك ولمشاركتك
    دمت طيبا ولمدونتى زائرا

    *******************************

    الؤلؤة
    ـــــــــ
    وعليكم السلام ورحمة الله وبركاته
    اهلا بيك يافندم
    اشكرك جدا لمشاركتك
    دمت طيبا ولمدونتى زائرا

  47. mnoon Said:

    السلاااااااام عليكم ورحمه الله وبركاته

    قد إيه كلامك أثر فيا ياموناليزا

    ساعات الواحد بينسى وبيتوه وبيبعد

    ومن فضل ربنا عليه إنه بيرجع تانى

    بنبعد ونقرب

    بس الخوف إن الواحد يبعد وميعرفش يرجع

    بالنسبه للسؤال

    بلاش أجاوب عليه وأمانه عليكى تدعيلى

    سلاااااام

  48. hasona Said:

    السلام عليكم

    أتمني رضا الله في الدنيا والاخرة

    ولي أهداف كثيرة في الدنيا
    أتمني أن أحقق بعضها
    وأن توصلني الي الله
    ،،،
    الموضوع جميل فعلا
    لابد أن نضع نصب أعيننا
    هدف أسمي نسعي اليه
    ونحب الله فنحب كل ما امرنا الله به
    ونرضا عن الله ليرضا عنا

  49. أحمد Said:

    اسئلة فعلا محتاج وقفة مع نفس علشان نقدر نواجب عليها ضيعت كثير من عمري ولسة مش عارف أوجابها أو أن أجابتها إللي عندي مش هي اﻹجابة اللي تنجحني

    شكرا لكي أمة الله

  50. حتى تشرق الشمس Said:

    السلام عليكم ورحمة الله وبركاتة
    يااااااا
    كل دى اسئلة
    بس كلها بجد مهمة جدا جدا
    ربنا يكرمك بوست تحفة
    دمت بالف خير وود

  51. موناليزا Said:

    منوون
    ـــــــــ
    وعليكم السلام ورحمة الله وبركاته
    اختى الحبيبة:اهلا اهلا بالقمر بعد طول غياب
    ربنا يرزقك حلاوة الايمان ويحبب ليكِ طاعته وعبادته ويزينها فى قلبك
    نورتينى منونة الجميلة وسعيدة بتواجدك

    ********************************

    حسونا
    ـــــــــ
    وعليكم السلام ورحمة الله وبركاته
    اهلا بيك يافندم
    اشكرك جدا لرايك ولتواجدك
    دمت طيبا ولمدونتى زائرا

    ***********************************

    احمد
    ــــــــ
    اهلا بيك استاذ احمد
    يمكن يكون جه الوقت المناسب لتذاكر جيدا حتى تضمن النجاح
    رزقنا الله واياك طاعة الله بالطريقة التى يرضى عنها الله
    دمت طيبا ولمدونتى زائرا

    **********************************

    حتى تشرق الشمس
    ــــــــــــــــــ
    وعليكم السلام ورحمة الله وبركاته
    اختى الحبيبة:ده كان لسه فيه اسئلة كتيرة غيرها على فكرة:)
    اللهم اعنا على ذكرك وشكرك وحسن عبادتك
    نورتينى حبيبتى ودمتِ بخير

  52. من غير عنـــوان Said:

    بوست هادف

    لا أنسى مطلقا أن العمل عباده

    وأن التأمل في ما خلق الله عباده

    وأن التبسم في وجه أخيك صدقه

    تحياتي

  53. سبهللة Said:

    مش عارفة اعلق اقولك ايه
    بس الحمد لله رب العالمين ان براعى ربنا فى كل افعالى ولا يهمنى سوى رضاه ثم رضا زوجى وابى وامى
    بصراحة مش لاقيه موقف منعنى خوفى من ربنا انى اعمله اكيد فيه لان انا بشر بس فعلا مش فاكرة حاجة دلوقتى
    هالف لفة كدة ولو افتكرت حاجة اكيد هاجى اقولك عليها مع ان الله حليم ستار

  54. salma mohamed Said:

    اسأل الله
    ان يعيننا على ذكره وشكره
    وحسن عبادته
    وان يجعلنا ممن يرضى عليهم ويحبهم
    جزاكِ الله خيرا أختي الحبيبه على التذكره,
    جعلها الله في ميزان حسناتك.

  55. موناليزا Said:

    من غير عنوان
    ــــــــــــــــ
    اهلا بيك يافندم
    الله عليك
    ربنا يكرمك على مشاركتك
    دمت طيبا ولمدونتى زائرا

    ********************************

    سبهللة
    ـــــــــــ
    اختى الحبيبة:ربنا يثبتك يارب ويعينك دايما على طاعته
    لو افتكرتى حاجة وحبيتى تقوليها انا ممكن مانشرهاش:) يعنى اطمنى خالص
    نورتينى حبيبتى ودمتِ بخير

    *******************************

    سلمى محمد
    ـــــــــــــ
    اختى الحبيبة:ازيك ياقمر ..انتى ليه قافلة التعليقات؟ طيب نتواصل معاكِ ازاى!

    ربنا يكرمك على مشاركتك ودعائك وربنا يتقبل اللعم امين
    نورتينى سلمى الجميلة ودمتِ بخير

  56. نسيبه Said:

    السلام عليكم ورحمة الله وبركاته
    هذا السؤال مهم جدا وأهميته تنبع اننا سنسأل عن عمرنا واوقاتنا واموالنا وعلمنا وحياتنا كلها لحظه بلحظه وكل شيء يكتب اما لنا او علينا فلابد من وقفه مع أنفسنا فعلا لنسألها ماذا نريد من الحياه وما هو الهم الاكبر في قلوبنا والفعل اكبر دليل علي الاجابه ومثل بسيط علي ان الاجابه خير دليل انه”من يحب احد يكثر من ذكره “ولنكن صرحاء مع أنفسنا في الاجابه فاكثر شيء نتحدث عنه هو اكثر شيء نحبه ربنا يسترنا بستره الجميل
    ويجعل هدفنا لمرضاته ويجمعنا في الفردوس الأعلي
    وموقف اذكره ربنا يسترنا في الدنيا والاخرة ويجعل من تحت الستر خيرا

  57. موناليزا Said:

    نسيبة
    ـــــــــ
    وعليكم السلام ورحمة الله وبركاته
    اختى الحبيبة:يا اهلا يا اهلا
    صح جدا من أحب شيئاً أكثر من ذكره
    اللهم اجعل حبك أحب الاشياء الى قلوبنا واعف عنا وارحمنا واغفر لنا اللهم امين
    ماشى ياجميلة ان الله حليم ستير:)
    نورتينى حبيبتى ودمتِ بخير


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: