سنة حلوة يا أمة الله

بمرور عام كامل على وجودك معى. أحب أعرفك إنك أجمل حاجة حصلت لى العام الماضى. ولذلك كان لازم أعمل جرد ومراجعة لحياتى معاكِ خلال هذا العام.

معاكى كتبت 82 موضوع (خدى بالك هتتسألى عليهم) ياترى هيكونوا ليا ولا عليا؟؟ ربنا يستر.

ونشرت أكتر من خبر حزين.. ربنا يصبر قلوبنا جميعا.

و أجمل خبرته نشرته وتقريبا الوحيد كان خطوبة منى ربنا يسعدها ويباركلها.

ومعاكى اتعرفت على ناس كتير جميلة(أخاف أنسى حد لأنهم ماشاء الله كتيييير. ربنا يزيد ويبارك) وشعرت معاهم بجد بأجمل نعمة وهى الأخوة فى الله.

وفى ناس لهم حق عليا أنى لازم أشكرهم على حاجات كتير عملوها معايا وهم:-

la3lahakhier: أول حد عرفته وكسبته عن طريقك وقد ايه كتابتها وكلامها معايا ساعدنى كثيراً على إجتياز أزمتى. ولها الفضل فى نشرهذه المواضيع :”ريحة الحبايبو”.كنوز

وأحب أقولها عن طريقك دلؤتى أنتى فييين؟ بقى لك كتير ماكتبتيش حاجة وحشنى قلمك.

مجداوية: لمتابعتها لى من أول ما بدأت وتوجيهاتها ونقدها البناء.

rovy : لتعليقاتها المتميزة والتى أشعر معها بأنها منحة ربانية ولمشاركتها الدائمة لى بكل حِس مرهف وسؤالها الدائم عنى.

جَـــنـًـــــة: لتعليقاتها المفيدة ولنصحها الدائم لى فى أى موضوع أكتبه ولأنها ملهمتى فى هذه المواضيع:”لا تتخذوهم أولياء“,” إلى متى؟

ولأنها أيضاً صاحبة فكرة إنشاء مدونة : فضفض مع روفى وجنة و موناليزا.


Whispers just for a Night :لتشجيعه لقلمى فى بداية المدونة ولتوجيهى فى بعض الأشياء الخاصة باستخدام المدونة والتى كنت حديثة عهد بها ولأنه صاحب فكرة هذه المواضيع:” بتشجع إيه؟ و “نِعم لا تُحصى

Khaled Farag : لمساعدته لى فى أشياء كثيرة لم أكن أعلمها فى استخدام المدونة ولأن ريشته كانت ملهمتى فى إحدى المواضيع (احتراماً لرغبته مش هقول اسم التدوينة لأنه حذف اللوحة من عنده أصلا).

شريف طلال :صاحب أول تعليق فى مدونتى وكم كانت سعادتى بعد16 موضوع بلا تعليق واحد.

mony : لتلبيتها السريعة لى لأى وصفة شهية من خلال مطبخها الجميل.

ABOALI : لتعليقاته المتميزة ولتقبله ملحوظاتى بصدر رحب.

Dr Ibrahim samaha : لإفادته الدائمة عن طريق طرح مواضيع هادفة ولتوجيهى فى عمل ترجمة لمدونتى.

مواطن مصرى نايم : لأنه وجهنى لطريقة عمل اكونت جديد للمدونة. لمذيد من الحماية.

نور الدين محمود: لأنه نبهنى دون قصد أن أى كلمة بكتبها فى أى تعليق هتترك انطباع لدى الآخرين. ولأنه صاحب قلم محترم أفادنى كثيراُ.
المعتصم : لاهتمامه بتعليقاتى ومتابعته الدائمة وتقبله ملحوظاتى وأسئلتى بصدر رحب.

د/أبويحيى وادم :لأنه صاحب فكرة موضوعلَُغَتُنا الجميلة “.

استحق وبجدارة صاحب أسوأ و أوقح تعليق ” مصطفى فتحى”.

****

تعليق كان مفاجاة بالنسبة لى كان من :

نسيبه : لأنها أنتيمتى ولم تخبرنى بأنها هتعمل مدونة(هى المدونة مازالت تحت الإنشاء نظراً لإنشغالها فى هذه الفترة).

شقيقى : فرحت بتعليقه جداً (حسيت إن ورايا رجالة)عمل مدونة مخصوص عشان يعلق بها على حد تعليقه عندى ماعجبوش واضطررت أن لا أنشره( مفيش مدونة ده مجرد أكونت).


أكتر حاجة بتفرحنى:لما ألاقى تعليق على اى موضوع من موضوعاتى السابقة( أهتم بجميع التعليقات مهما كان قدم الموضوع ومهما كان عدد التعليقات).

أكتر حاجة أثارت غضبى:حينما يتم نقل مواضيعى دون إذنى ودون حتى ذكر رابط مدونتى.

موضوعوقفة مع النفس” بشكر كل اللى علقوا عندى واهتموا به وأحب أطمئنكم فصديقتى قد تماثلت الشفاء بفضل الله وهى الآن فى أفضل حال.

واحب أهدى لأخواتى الحبيبات هذا الموضوع :”خُدى بالك

ولإخوانى الأفاضل:”تناقض ملحوظ

ولقرائى الأعزاء جميعاً:”الصعود إلى القمة “.

شكر وتقدير لكل اللى عرفتهم عن طريقك وذى ماقلت مش عايزة انسى حد بس عشان تطمنوا اكتر كل اللى علق عندى اكتر من مرتين .:)
وعايزة أقولكم سنة راحت بكل مافيها وسنة جاية أحلى مافيها أنكم معايا وجزاكم الله عنى خير الجزاء لتواجدكم فى حياتى.

ولأن أمة الله وموناليزا وجهان لعملة واحدة وهى شخصى الكريم فأكيد هيفرحوا بالبالونات.

وبهذه المناسبة يسعدنى إستقبال أى تعليق على أى حاجة خاصة بالمدونة.
يعنى اللى عنده إعتراض على حاجة أو إقتراح أو أى سؤال أو أى كلمة يحب يوجهها للمدونة. فبراحته خالص.

وبالمناسبة دى برضه عايزة أقول لأى حد زعل منى أو اتضايق من تعليقى يسامحنى ويعرف انى ماقصدتش أبداً أزعل حد وأن تعليقاتى بتكون خاصة بالموضوع مش بصاحبها.
وكل سنة و إحنا طيبين. ومع بعض دايماً متجمعين.

84 Comments »

  1. ghorBty Said:

    السلام عليكم

    بجد مبروك علينا احنا الاول مدونتك الجميله ديه واننا عرفنا من خلالها حد زيك ما شاء الله عقل مثقف وقلب ابيض جميل

    بارك الله فيك يا موناليزا ونفع بك

    وجعل كل تكتبيه في ميزان حسناتك

    وسنة حلوة يا رب عليك وعلينا

    غربتي

  2. salma mohamed Said:

    السلام عليكم
    كل سنة وانتي طيبة,وعقبالك انت ومدونتك الف سنة بصحة وهنا,
    وانا سعيدة بالتعرف عليكي في اواخر السنة دي.

  3. romansy Said:

    كل سنه والمدونه وانتى بالف خير وصحه وسلام دايما يارب دايما تقدرى تحققى المزيد والمزيد كده على طول

  4. ABOALI Said:

    موناليزا

    اهلا بيكى يا فندم

    شرفتى مدونتى (هههههههههههه)
    ايوه مدونتك تم احتلالها عن طريقى

    اعتبر مدونتك دائما احدى الواحات المهمة التى استمتع فيها بعبير العودة الى كيف بنى العظماء هذه الامة
    كيف صبروا ؟ كيف قاتلوا ؟ كيف استعدوا؟
    ماذا كانت اخلاقهم؟
    ماذا كانت افعالهم؟
    كيف حافظوا على ذلك الدين القيم؟

    كل هذا يا موناليزا وغيره
    كنت اشعر به فى نبضات مواضيعك
    احيانا يعلو نبضها مستغربا” حالنا
    واحيانا ينخفض جناحها فى رقة وحنان حواء
    خوفا” على ما يهدم الاسرة ويترنح بعده المجتمع

    بداية النجاح دائما تأتى
    من اننا نضع الشكل والمضمون الذى نسير عليه ويكون مبنى على المنهج الربانى الواضح
    وانتى وضعتى ذلك الشكل لنفسك
    ولكن
    هناك الكثير والكثير نحتاج الى فعله

    فى عيد ميلاد امة الله

    اذكرك انه قد ثقلت مسئولياتك
    تجاه لا اقول المدونين
    بل وطنك ودينك
    الجميع ينتظر منك الكثير من المواضيع المميزة
    التى بها تنغرس العديد من الكلمات الطيبه

    وثقى انها ستكون دائما فى ميزان حسناتك

    وتذكرى انك ببريق كلماتك
    فاءنتى تعبرين عن مكنون هذا الدين
    وجوهره

    وادعو الله ان يجعل لك نصيبا” ممن تكتبيه
    ويجعلنا مثلك

    ومن لا يشكر الناس لا يشكره الناس

    وانا اقول
    جزاكى الله خيرا

  5. ahmed_k Said:

    كل سنه وأنتي طيبه
    وكل سنه وأمة الله متميزه
    وعقبال مييييية سنه تألق ونجاح

  6. mohamed ghalia Said:

    أكيد إلى جاى بإذن الله أحلى وأحلى
    كل سنة ومدونتك بخير كل سنة وانتى بينا
    دمتى بكل الود

  7. الفقيرة إلى الله أم البنات Said:

    طيب ممكن بعد ما ااقولك كل سنه وانت طيبه وبروحك الجميله اللى بتهفهف من كلماتك
    ونسمات روحك الطيبه اللى بتحطيها فى أى مدونه بتكتبى فيها وتعلقى عليها
    بحبك فى الله يا أمة الله
    واسأل الله ان يسعدك ويفرح قلبك ويفرج كربك ويرضى عنك
    ممكن بقى ..اخد بالونه من عندك علشان بنوتى الصغيورة لاول مرة الالقيها تهتم بالبالونات وتحبها
    قبل كده ولا كأنها شايفاها
    فدلوقت بقى عندى عشق للبالونات لان حبيبتى حبتها وفرحانه بيها

    موناليزا
    كل سنه وانت بالف خير

  8. ادم المصرى Said:

    بجد بجد احترمتك جدا يا موناليزا

    قليل اوى من الناس

    الى يشيلو المعروف معاهم ويفتكرو ديما اصحاب الفضل عليهم

    وبجد الصداقه والحب فى الله اجمل صفات الحياه

    والحمد لله ان ربنا كرمك بأجمل اصدقاء فلله

    ودى نعمه ان ربنا جعلهم فى طريقك

    وكل عام وانتى بخير

    وعلى فكره انتى انسانه متدينه ومحترمه

    وتستحقى كل خير من اى انسان وبتعرفى اذاى تكسبى الشخصيه الى ادامك وتفهيها وتجبريها انها تحترمك ودى صفات النبلااااااااااااااااااااااااااااااءءءء

  9. mahasen saber Said:

    مونا الحبيبه يا حبيبتى

    كل سنه وانتى وبلوجتك بالف خير وملياها بوستات هادفه دايما يا مونا

    ودايما فى اسعد حال يا حبيبتى

  10. كفايـة طيبـة Said:

    وانامن احلى الحاجات اللى حصلتلى السنة التدوينية دي انى عرفت مدونتك🙂

    كل سنة وامة الله طيبة وكل سنة وموناليزا حلوة وامورة ^_^

    يارب علطول معايا فى التدوين🙂

  11. Khaled Said:

    كل عام و أنتى بخير و بمناسبة مرور عام كامل أهديكى باقة من الورود المتنوعة من النوع الغالى ..
    هههههههههههههه

    أرق تحية لكى منى

  12. جنّي Said:

    السلام عليكم

    يا ستي كل سنة وانتي طيبة وان شاء الله عمر مديد في التدوين ..

    ومن حسن الطالع ان يجمعنا نفس الشهر ونفس العام ..

    ومدونتك من المدونات التي تذكرنا بالله فجزاكي الله خيرا ..

    بس عايز اعرف ليه العزوف عن زيارة مدونتي في الفترة الاخيرة الا على فترات متفرقة ولن اضيق بمعرفة السبب ..

    تحيتي

  13. يوسفيات..محمد يوسف Said:

    كل سنة وأنتي طيبة

  14. رندا Said:

    مون

    كل سنة وانتِ قمر زى مانتى

    احنا الى كسبنا انسانة زيك خلوقة بجد

    بموووووووت فيكى اوى اوى اوى

  15. المعتصم Said:

    بسم الله الرحمن الرحيم
    السلام عليكم ورحمة الله وبركاته
    أختى الكريمة موناليزا
    تحياتى
    كل سنة وامة الله(وموناليزا)طيبة
    اختى الكريمة ربنا يجازيكى كل الخير على موضوعاتك النافعة الجميله اللى بجد اى حد بيراها بيستفيد منها وكلها موضوعات بناءه وهادفه
    مدونتك من احب المدونات الى قلبى ودائما مااحرص على قرائتها وقرأة التعليقات عليها وردودك على كل التعليقات
    شخصية مدونتك من الشخصيات الجميلة
    احترام والتزام وتدين وكمان دم خفيف وثقافه ونقاشك دايما بيكون موضوعى ومش بتزعلى حد منك
    بجد بجد انا اللى مبسوط جدا انى عرفت طريق مدونتك الجميلة دى
    كل سنة وانتى طيبه
    تقبلى تحياتى
    ودمتى بكل الخير والود
    والسلام عليكم ورحمة الله وبركاته

  16. المعتصم Said:

    طبعا انا مكنتش متوقع ان اسمى يبقى مكتوب
    هيييييييييييييييييييييييييييييييه

  17. ريمان Said:

    السلام عليكم

    ايه الحفله الحلوه دى والبلالين العسوله دى

    يبقى نقول كل سنه وانتى طيبه

    وعقبال يا رب ما تبقى معانا دايما ونحتفل كل سنه كده

    تحياتى ليكى يا قمر

  18. الطائر الحزين Said:

    بارك الله فيك
    فى ميزان حسناتك ان شاء الله

  19. بنوتة Said:

    السلام عليكم
    كل ستة وانت طيبة وعقبال مليون سنة تدوين
    تحياتى ليكى

  20. Lyssandra Said:

    كل سنه وانتي وهيا بألف خير
    وتفضلوا دايما معانا
    وربنا يجازيكي خير عن كل حد أفادته مدونتك

    🙂

  21. BAsMA Said:

    مبروك عليك وعلينا وجود المدونة الرائعه دى

    يارب دايما المزيد من التقدم

  22. عبد الحميد محمد Said:

    من الرائع ان يقوم المرء بغربلة احداث حياته
    كتابة الافكار عادة ما تجلب نتائج ايجابية

    شكرا لروحك الطيبة

    و سامحي مصطفى فتحي زي بعضه مع اني ما اعرفش هو كتب ايه و الادهى اني ما اعرفوش اصلا

  23. Maybe Soon Said:

    السلام عليكم

    مبروك..و الله يجعلها في ميزان حسناتك…

    أهو علقت مرتين🙂

    تحاتي
    جنون عاقل

  24. و القادم....أجمل Said:

    هييييييه
    كل سنة و إنتي طيبة يا أمة الله
    و يا موناليزا
    ربنا يكرمك و يوفقك
    و يجعل كل حرف بتكتبيه في ميزان حسناتك
    يااااااااااااارب

    أنا ليا طلب نونو
    يعني المواضيع الطوووووووووووويلة
    ممكن نخليها على أجزاء
    لو ينفع تتقسم يعني

    بس خلاص
    😀

    تقديري و إحترامي
    و حبييييييي
    🙂

  25. ستيته حسب الله الحمش Said:

    أنا معترضة ع المدونة وعلى أمة الله وعلى موناليزا

    ليه ياستيتة ربنا يهديكي بتعترضي ليه؟

    معرفش بس لازم اعترض وخلاص

    سنة حلوة والجاي أحلى ان شاء الله

    اللهم اجعل ما تكتبه ستيتة وامة الله في موازين الحسنات

    بس برضه لسه بعترض .. يووووووه اعترضي بقى براحتك

    طيب اديني فرصة اقرأ المواضيع مؤكد ها الاقي حاجة اعترض عليها وابقى عضوة في مجلس الشيعب تخصص معترض تخصص دقيق حزبي قديم

  26. د/عرفه Said:

    سلام عليكم
    كل سنه وانتى طيبه
    ويا رب دايما تكون مدونتك علامه مضيئه
    ويارب يرزقك من خيرها ويصرف عنك شرها

  27. كيــــــــــــارا Said:

    اجمل خبر سمعته علي الصباح

    كل سنه وامه الله طيبه

    وياااااارب تحققي كل احلامك واهدافك

  28. قيس بن الملووووح Said:

    عندما يمضي بنا قطار العمر تسقط منا الكثير من التفاصيل الصغيرة التي قد تحول حياتنا الي براكين في الوقت التي لا تتحمل فيه الهزات البسيطة”

  29. تــــ(حـنة)ــــر Said:

    كل سنه وانتى ومدونتك بألف خير
    وربنا يوفقك لمية سنه ان شاء الله
    ههه

  30. سلوى Said:

    عقبال 100 سنه :))

    وإن شاء الله تكون في ميزان حسناتك

    ربنا يوفقك دايما ويرزقك حبه وحب من يحبه

  31. Tamer Nabil Said:

    السلام عليكم

    كل سنة وانت طيبة والمدونة فى نشاط وتجدد مستمر

    ربنا يكرمك

    تحياتى

  32. وومن Said:

    مونا ازيك

    كل سنه ومدونتك بالف خير وانتي كمان في أحسن حال

    كل سنة وانتي معانا فرحانة قوي بعيد ميلاد أمة الله لأنها أكبر من امرأة بيجي كام ساعه كدة

    ربنا يديم عليكي الفرح يارب

  33. موناليزا Said:

    غربتى
    ـــــــــ
    وعليكم السلام ورحمة الله وبركاته
    اختى الحبيبة:ربنا يكرمك يارب:)أخجلتم تواضعنا وبعد كلامك الجميل ده مش عارفه اقول ايه
    بس كل اللى اقدر اقوله انه من ضمن حاجات حلوة كتير انى اتعرفت عليكى. ماتحرمش منك ياحبيبتى
    ويارب دايما منورانى

    ********************************

    سلمى محمد
    ــــــــــــ
    وعليكم السلام ورحمة الله وبركاته
    اختى الحبيبة:وأنتى طيبة ياجميلة
    وانا اسعد بالتعرف عليكى وعلى مدونتك فانتى صاحبة قلم رقيق ومحترم
    نورتينى حبيبتى ودمتى بخير

    ********************************

    رومانسى
    ـــــــــــــ
    اهلا بيك يافندم
    وانت طيب وبالصحة والسلامة
    اشكرك جدا فتعليقاتكم هى من ساهمت فى هذا المذيد
    دمت طيبا ولمدونتى زائرا

    *********************************

    ابو على
    ــــــــــ
    اهلا بيك يافندم:)
    حقك طبعا فتعليقاتك تعطى لمواضيعى رونق خاص

    وقفت امام تعليقك كثيرا ولم ادرى بماذا ارد على هذا الكلام الكبير ولكن بداخلى كنت أحمِد الله كثيرا فهذا من فضل ربى
    وتعليقك هذا شرف لى
    وربنايكرمك على كل كلمة فيه ويعزك على تذكيرى بهذه المسئولية التى ارجو من الله ان اكون قدها
    نورتنى واسعدتنى
    وربنا يجازيك عنى خير الجزاء
    دمت طيبا ولمدونتى زائرا

    ********************************

    احمد-ك
    ــــــــ
    اهلا بيك استاذ احمد
    وانت طيب وبالصحة والسلامة
    وكل سنة وانت من زوارى الدائمين
    اشكرك جدا لمشاركتك

    *********************************

    محمد غالية
    ـــــــــ
    اهلا بيك استاذ محمد
    ان شاء الله ربنا يسمع منك:)
    وانت طيب وبالصحة والسلامة
    وكل سنة وانت من زوارى الكرام

    *********************************

    الفقيرة الى الله ام البنات
    ـــــــــــــــــــــــــ
    اختى الحبيبة:وانتى طيبة ياحبيبتى وبالصحة والسلامة يارب
    :)أحبك الذى أحببتنى فيه وأنا ايضا احبك فى الله
    ربنا يسعدك ويباركلك فى بناتك ويتقبل دعائك اللهم امين

    بالونة واحدة بس؟؟؟ ياحبيبتى خليها تاخد اللى هى عايزاه حتى لو هتاخدهم كلهم بس بشرط العب معاها بيهم:)
    ربنا يحميها ويحفظها يارب من كل سوء

    وكل سنة وانتى معايا وبخير وبناتك فى افضل حال
    نورتينى حبيبتى واسعدتينى بمشاركتك

    ********************************

    ادم المصرى
    ــــــــــــــ
    اهلا بيك استاذ ادم
    اشكرك جدا ده من ذوقك
    ودى فعلا اقل حاجة ممكن اقدمها لناس وقفت جنبى وساعدتنى سواء بقصد او بدون قصد
    وفعلا والله الاخوة فى الله نعمة غالية الحمدلله عليها
    وانت طيب بالصحة والسلامة
    ربنا يكرمك ويبارك فيك أخجلتم تواضعنا فهذا من فضل ربى والحمدلله الذى هدانى الى هذا
    نورتنى استاذ ادم واسعدنى مشاركتك

    *********************************

    محاسن صابر
    ـــــــــــ
    اختى الحبيبة:وانتى طيبة ياسونا ياجميلة
    ويارب اسمع عنك دايما كل خير
    نورتينى حبيبتى واسعدتينى بمشاركتك

    *********************************

    كفاية طيبة
    ـــــــــــــ
    اختى الحبيبة:اهلا اهلا بمن ستسكن معى فى المدينة الفاضلة:)
    وانا كمان مبسوطة انى عرفتك ومبسوطة اكتر لان فينا حاجات من بعض
    🙂 وانتى طيبة ياحبيبتى ويارب دايما يجمعنا الحب فى الله
    نورتينى ياجميلة واسعدتينى بمشاركتك

    *********************************

    خالد
    ــــــــ
    اهلا بيك استاذ خالد
    وانت طيب وبالصحة والسلامة
    اشكرك جدا هدية رقيقة من اخ كريم
    ليه التكلفة دى بس:) على فكرة الورد الصناعى ارخص وبيعيش اطول ههههههه
    نورتنى واسعدنى مشاركتك

    **********************************

    جنى
    ــــــــ
    وعليكم السلام ورحمة الله وبركاته
    اهلا بيك استاذ سيد
    وانت طيب أخى الكريم وبالصحة والسلامة
    يامحاسن الصدف:) وكل سنة وانت ومدونتك فى افضل حال
    الحمدلله الذى هدانى الى هذا

    اشكرك لتفقدى ولكنى بالفعل مداومة على الزيارة وقراءة جميع المواضيع
    قد اكون مُقلة فى تعليقاتى وده لانى اوقات بحس انك ماشاء الله لامم نواحى الموضوع وان تعليقى مش هيفيد فمش بعرف اعلق (اتفقنا من غير زعل)

    دمت طيبا ولمدونتى زائرا

    *********************************

    يوسفيات. محمد يوسف
    ــــــــــــــــــــ
    اهلا بيك استاذ محمد
    وانت طيب وبالصحة والسلامة
    دمت طيبا ولمدونتى زائرا

    *********************************

    رندا
    ــــــــ
    اختى الحبيبة:اهلا اهلا اذيك ياجميلة عاملة ايه دلؤتى يارب تكونى احسن

    ياحبيبتى ماتحرمش منك ابدا ده بس من ذوقك
    وكل سنة واحنا دايما متجمعين فى حب الله
    نورتينى رونى الجميلة واسعدتينى بمشاركتك

    *******************************

    المعتصم
    ــــــــــ
    وعليكم السلام ورحمة الله وبركاته
    اهلا بيك يافندم
    وانت طيب وبالصحة والسلامة
    ربنا يكرمك يارب فماتوفيقى الا بالله
    رأيك فى مدونتى شئ يسعدنى جدا يارب تفضل عند حسن ظنك بيها دايما
    أخجلتم تواضعنا حقا ربنا يسعدك فهذا من فضل ربى
    اللهم لاتؤاخذنى بمايقولون واغفر لى مالايعلمون واجعلنى خيرا ممايظنون

    ازاى يافندم انسى سؤالك عنى واهتمامك بتعليقاتى(دى اقل حاجة بجد)
    نورتنى واسعدنى مشاركتك

    **********************************

    ريمان
    ــــــــ
    وعليكم السلام ورحمة الله وبركاته
    اختى الحبيبة:الحفلة حلوة عشان انتى موجودة فيها:)
    وانتى طيبة ياريمو ياجميلة وبالصحة والسعادة
    نورتينى واسعدتنى مشاركتك

    **********************************

    الطائر الحزين
    ــــــــــــــــ
    اهلا بيك يافندم
    ربنا يكرمك ويتقبل دعائك
    نورتنى واسعدنى مشاركتك

    **********************************

    بنوتة
    ــــــــ
    وعليكم السلام ورحمة الله وبركاته
    اختى الحبيبة:وانتى طيبة يابنوتة ياجميلة
    كتير اوى مليون 110 كفاية اوى🙂
    نورتينى واسعدتنى مشاركتك

    ******************************

    ليساندرا
    ـــــــــــــ
    اختى الحبيبة:وانتى طيبة ياقمر
    ربنا يكرمك يارب
    انتى عارفة انى بحبك صح؟
    نورتينى واسعدتنى مشاركتك

    *********************************

    بسمة
    ــــــــ
    اختى الحبيبة:ربنا يسعدك ويفرح قلبك
    انا مبسوطة بيكى اوى على فكرة
    يارب تحققى كل احلامك
    نورتينى حبيبتى واسعدتنى مشاركتك

    *********************************

    عبد الحميد محمد
    ـــــــــــــــــ
    اهلا بيك استاذ عبد الحميد فى زيارتك الاولى
    صح جدا
    انا اللى بشكرك على زيارتك وعلى تعليقك وعلى لفتتك الطيبة فى انى اسامح مصطفى بس انا اصلا مش زعلانة منه (يكفى انه اخذ سيئاتى) على قد ما انا مصدومة من مسلم تكون هذه ردوده وبجد ربنا يهديه

    نورت مدونتى وارجو دوام التواصل

    ********************************

    ميبى سوون
    ـــــــــ
    وعليكم السلام ورحمة الله وبركاته
    اهلا بيك يافندم
    ربنا يكرمك
    خلاص كده بقيت من العائلة رسمى:)
    نورتنى واسعدنى مشاركتك

    *********************************

    والقادم اجمل
    ــــــــــــــــ
    اختى الحبيبة:وانتى طيبة يالولو ياجميلة وبكل خير وسعادة يارب
    ربنا يكرمك ويتقبل دعائك اللهم امين
    من عينيا ياقمر انتى تأمُرى:)
    نورتينى واسعدتنى مشاركتك

    **********************************

    ستيتة حسب الله الحمش
    ــــــــــــــــــــ
    اختى الحبيبة:وانا كمان معترضة:) اشمعنى انا يعنى:)
    ربنا يسعدك ويتقبل دعائك اللهم امين
    وانا فى انتظار تعليقاتك:)
    على فكرة الروابط شغالة كانت الاول فيها حاجة غلط ولكن تداركنا الخطأ وقمنا بالتصحيح الفورى
    نورتينى واسعدتينى بمشاركتك

    ********************************

    د/عرفة
    ـــــــــ
    وعليكم السلام ورحمة الله وبركاته
    اهلا بيك يادكتور
    وانت طيب وبكل خير يارب
    الله ما اجمل دعائك ربنا يتقبل ويفرح قلبك
    نورتنى واسعدنى مشاركتك

    *********************************

    كيارا
    ــــــــــ
    اختى الحبييبة:وانتى طيبة يانيمو وبكل خير يارب
    يارب انا وانتى
    نورتينى حبيبتى واسعدتنى مشاركتك

    **********************************

    قيس بن الملوح
    ـــــــــــــ
    اهلا بيك استاذ قيس فى زيارتك الاولى
    نظرية برضه
    نورت مدونتى واشكرك لمشاركتك

    ***********************************

    تمر حنة
    ــــــــ
    اختى الحبيبة:وانتى طيبة وبالصحة والسلامة
    100 مرة واحدة:) خلاص عشان خاطرك انتى بس🙂
    نورتينى حبيبتى واسعدتنى مشاركتك

    *******************************

    سلوى
    ـــــــ
    اختى الحبيبة: بس تكونى معايا:)
    ربنا يسعدك ويتقبل دعائك
    نورتينى سلوتى الجميلة واسعدتنى مشاركتك

    *********************************

    تامر نبيل
    ــــــــــ
    وعليكم السلام ورحمة الله وبركاته
    اهلا بيك استاذ تامر
    وانت طيب وبكل الخير والصحة
    نورتنى واسعدنى مشاركتك

    ********************************

    وومن
    ــــــــ
    اختى الحبيبة:انا الحمدلله بخير اذيك انتى ياقمر
    وانتى طيبة وبالصحة والسعادة يارب
    ايه الصدفة الحلوة دى:)
    كل سنة وانتى ومدونتك بخير وفى افضل حال
    لو احتاجتى بالونات مدونتى فى الخدمة:)
    نورتينى ياحبيبتى واسعدتنى مشاركتك

  34. ايوية Said:

    كل سنة وانتى ومدونتك بخير ومشرقين

  35. نهر الحب Said:

    كل عام تدوينى وانتى معنا وبينا
    كل عام وانتى بخير يا موناليزا
    ربنا يبارك فيكى يارب

  36. الفراشة الصغيرة Said:

    كل سنه ومدونتك طيبه وبخير
    ودايما تكتبى موضوعات حلوه
    تمتعينا بها
    لكى منى كل الحب

  37. ماء تشرين Said:

    أحنا العايزين نشكرها لانها عرفتنا عليكي كل سنه وانت طيبه

  38. محمد عبد الباسط Said:

    انا شكلى جيت متاخر اوى

    كل عام وانتم الى الله اقرب وعلى طاعته ادوم
    وان شاء الله تكون السنة القادمة افضل وافضل

    بارك الله فيكم وفى شعوركم الرائع لاصدقائك

    تقبلوا تحياتي

    حلم كبير

  39. بنت الاسلام Said:

    كل سنة وانتي طيبة

    ويارب حياتك كلها

    تبقي ذكريات وصحبة طيبة

    تحياتي

  40. حياتى نغم Said:

    السلام عليكم / كل عام وانتى بخير وصحه وسعاده وبإذن الله العام القادم تكونى حققتى كل ما تمنيتيه لحياتك ولمدونتك ، وجزاكى الله خيراً وكل من أدخل السرور على قلبك ، دمت بكل خير .

  41. واثقة بربها Said:

    كل سنة و موناليزا بخير

    و امة الله بكل سعادة و طاعة الله مطمئنة

    يارب يجعل لك فى كل كلمة تكتبيها حسنة

  42. EMMY BABY Said:

    التدوين هو اللى كسب مش انتى اللى كسبتى

    كسب بجد واحدة بتفكر فى اللى حواليها اكتر مابتفكر فى نفسها

    كسب واحدة خايفة على دينها وبتراعى ضميرها

    بجد احنا اللى كسبناكى يا موناليزا

    بالرغم انى لم يحالفنى الحظ وشفتك اون لاين الا انى عندى امل انى اكلمك

    سنة سعيدة عليكى والجاى اجمل

    تحياتى

    ايمى

  43. أليس في بلاد العجائب Said:

    يارب دايما طيبة و بخير انتي وهي و كل الناس الطيبين🙂

    ربنا يجعلها في ميزان حسناتك و يجعلك بيها نور في الدنيا و في الاخرة يجعلها شاهد علي طيب عملك في الدنيا🙂

    ربنا يخليكم لينا🙂

  44. موناليزا Said:

    ايوية
    ـــــــــ
    اختى الحبيبة:اهلا اهلا فينك من زمان ياجميلة
    وانت طيبة وبكل خير
    وبجد مفاجاة جميلة انك تزورينى النهاردة
    نورتينى حبيبتى واسعدتنى مشاركتك

    *********************************

    نهر الحب
    ـــــــــ
    اختى الحبيبة:وانتى بخير وبصحة وكل سعادة يارب
    نوسة ياجميلة انا بحبك فى الله
    نورتينى واسعدتنى مشاركتك

    *********************************

    الفراشة الصغيرة
    ـــــــــــــــــ
    اختى الحبيبة: وانتى طيبة ياجميلة وبكل خير
    وكل سنة وانتى دائما من زوارى المفضلين
    نورتينى واسعدتنى مشاركتك

    *********************************

    ماء تشرين
    ـــــــــــــ
    اختى الحبيبة:يبقى نشكرها سوا🙂
    كل سنة وانتى من زوارى الكرام الذى اسعد بزيارتهم
    نورتينى حبيبتى واسعدتنى مشاركتك

    *******************************

    محمد عبد الباسط
    ــــــــــــــــــ
    اهلا بيك استاذ محمد
    ابداً يافندم مكانك محفوظ:) تشرفنا فى أى وقت
    اشكرك جدا على مشاركتك
    نورتنى واسعدتنى زيارتك

    ********************************

    بنت الاسلام
    ــــــــــــ
    اختى الحبيبة:وانتى بخير وبالف صحة وسعادة
    ويارب انا وانتى وكل حبايبنا
    نورتينى حبيبتى واسعدتنى مشاركتك

    *********************************

    حياتى نغم
    ـــــــــــــ
    وعليكم السلام ورحمة الله وبركاته
    اختى الحبيبة:وانتى طيبة وبالصحة والسعادة
    انى احبك فى الله
    نورتينى ياجميلة واسعدتنى مشاركتك

    ***********************************

    واثقة بربها
    ـــــــــــــ
    اختى الحبيبة:ربنا يسعدك ويعزك يارب
    وكل سنة وانتى من زوارى الكرام الاحباء على قلبى
    نورتينى حبيبتى واسعدتنى مشاركتك

    *******************************

    ايمى بيبى
    ــــــــــــ
    اختى الحبيبة:ده بس من ذوقك ياقمر ربنا يسعدك:)
    اخجلتم تواضعنا(وجه إحمر خجلا)
    اللهم لا تؤاخذنى بما يقولون واغفر لى مالايعلمون واجعلنى خيرا مما يظنون
    اعذرينى لقلة تواجدى على الماسنجر وان شاء الله نتقابل فى اقرب فرصة:)
    يارب سنة سعيدة علينا جميعا
    مبسوطة بجد انى عرفتك:)
    نورتينى حبيبتى واسعدتنى مشاركتك

    ******************************

    اليس فى بلاد العجائب
    ـــــــــــــــــــــــ
    اختى الحبيبة:ربنا يسعدك ويفرح قلبك ويطمنك على حبايبك اللهم امين
    🙂 ما اجمل دعائك ربنا يسمع منك ويتقبل دعائك اللهم امين
    أحبك فى الله
    نورتينى واسعدتنى مشاركتك

  45. E73 Said:

    كل عام وأنتِ والمدونة بخير وصحة وسلامة والى الله أقرب
    أنا (الزعيمة) ولكنني غييرت لقبي كما أغلقت مدونتي (مع نفسي..!) وفتحت واحدة أخرى ما أسعد هذه اللحظة التي أنتِ بها
    كنت أتمنى أن أقضي مع مدونتي العام ولكنني أغلقتها قبل يوم ميلادها بثلاثة أشهر فقط قدر الله وماشاء فعل فلعل ما كان فيها ليس خير لي في آخرتي

  46. Heba Sayed Said:

    السلام عليكم

    انتى اكثر من رائعة يا موناليزا

    وانا بحب اى انسان ماشاء الله متدين ومثقف

    وربنا يجعل كل اعمالك بميزان حسناتك

  47. عاشقه الفردوس Said:

    عقبال ماتحتفلي بعيد ميلاد مدونتك ال100 :))

    احبك في الله ياقمر
    وقلمك من احب الاقلام الي قلبي
    علشان كده تلاقيني اول ماارجع لمدونتي ادخل لمدونتك علي طول:))

  48. لجين أبو الدهب Said:

    موناليزا الحبيبة ..

    كل سنة وانت ومدونتك الجميلة طيبين وإلى الله اقرب ..

    بالرغم انى مكملتش فى عالم التدوين شهر إلى الأن ..

    إلا إن موضوعات مدونتك شدتنى فعلا ..

    اسأل الله عزوجل ان يجعله فى ميزان حسناتك ويتقبله خالصا لوجهه الكريم ..

    والسنة الجايو تكون أحلى وأحلى ..

    وكتب الله لمدونتك العمر المديد ..

    دُمتِ بخير ..

    وإنى أحبك فى الله ..

  49. الازهرى Said:

    الف مبروك لنا على تواجد مدونة جميلة وكاتبة منظمة مثلكما
    اتمنى ان نحتفل بالذكرى العشرين جميعا
    وصدقينى لم تكن كل تلك الشخصيات الجميلة لتساعدك ويشاركوكى فى تطوير المدونة لو لم يجدوا منك تقديما لمواضيع جميلة وهادفة وتفيد كل من يقرأها

    تحياتى وعقبال مائة سنة تدوين تقضينها مع المدونة فى طاعة الله وما ينفع الامة

  50. GiGi Said:

    كل سنه وانتى طيبه وجميله دايما
    وربنا يخليكى لينا دايما منوره وسبب فى نشر كل خير يامونى يارب

  51. أحمد سعيد بسيوني Said:

    ألف مبروك على مرور عام وعقبال مائة عام ان شاء الله

  52. موناليزا Said:

    اى37
    ــــــــ
    اختى الحبيبة:ايه الاسم الغريب ده:)
    بعد اختيارك لاسم الزعيمة يبقى حرف ورقمين عايزين توضيح سريع:)
    فعلا لعله خير ويارب تقضى مع مدونتك الجديدة اعوام واعوام كلها فى تقدم ونجاح
    وكل سنة وانتى من زوارى الكرام
    نورتينى حبيبتى واسعدتنى مشاركتك

    *******************************

    هبة سيد
    ــــــــــ
    وعليكم السلام ورحمة الله وبركاته
    اختى الحبيبة:ربنا يكرمك ده بس من ذوقك
    الحمدلله فماتوفيقى الا بالله
    ربنا يسعدك ويتقبل دعائك
    انى احبك فى الله
    نورتينى واسعدتنى مشاركتك

    **********************************

    عاشقة الفردوس
    ـــــــــــــــــ
    اختى الحبيبة:اهلا اهلا فينك من زمان
    اهى زيارتك دى اجمل هدية لمدونتى:)
    أحبك الذى أحببتنى فيه
    كل سنة وانتى من احب الزائرين الى قلبى
    نورتينى واسعدتنى مشاركتك

    *********************************

    لجين ابو الدهب
    ــــــــــــــــ
    اختى الحبيبة:وانتى بكل خير وصحة وسعادة
    ده شئ يسعدنى جداً ويارب اكون عند حسن ظنك:)
    ربنا يسعدك ويتقبل دعائك
    أحبك الذى أحببتنى فيه وانا ايضا احبك فى الله
    نورتينى حبيبتى واسعدتنى مشاركتك

    **********************************

    الازهرى
    ـــــــــ
    اهلا بيك يافندم
    ربنا يكرمك ده بس من ذوقك
    وكل سنة وانت من زوارى الكرام الذى اسعد بزيارتهم وتعليقهم
    نورتنى واسعدنى مشاركتك

    ********************************

    جيجى
    ـــــــــ
    اختى الحبيبة:وانتى بخير وصحة وسعادة وكل حاجة حلوة:)
    انتى جميلة اوى على فكرة وانا بحبك جدا
    نورتينى واسعدتنى مشاركتك

    ********************************

    احمد سعيد بسيونى
    ــــــــــــــــــ
    اهلا بيك استاذ احمد
    الله يبارك فيك ويكرمك يارب
    نورتنى واسعدتنى مشاركتك

  53. بستان الحب Said:

    والله يا موناليزا توقعت اول ما قرات انه يوم ميلاد ابنتك وبعد ذلك عرفت انه يوم ميلاد مدونتك ،الف مبروك وكل عام و انتى الى الله اقرب

  54. دينا حامد Said:

    اولا الف مبروك على مرور سنة على المدونة
    وان شاء الله تبقى في ميزان حسناتك

    تحياتي

  55. nour shahen Said:

    احنا اللي نقولك كنتى مكسب لعالم التدوين ولينا وكمان نقولك ألف اعتذار لو حصل تقصير منا فى او وقت

    كنتى دايما معانا وعمرك ما قصرتى
    فبالتأكيد صعب حد يزعل منك مهما عملتى

    يا رب دايما تكونى بخير ومدونتك دايما منوره بمواضيع جميله ومفيده

    وكل يوم يمر عليكى من اليوم لحد اخر العمر يكون مليان بفرحه وسعاده يا رب

    تحياتى

  56. مجداوية Said:

    السلام عليكم

    كل عام وانت بخير ودائما تمتعينا وتقدمي لنا كل مفيد فأنت من القلائل الذين أنشأوا مدونتهم لمنفعة الناس وما ينفع الناس يمكث في الأرض لذا فهذا العام لا بد أن أثر على كثيرين وأنا منهم ,,أشكرك على ذكرك اسمي وإن كنت أبديت ملاحظات بسيطة ليس المقصود بها النقد فأنت لا تكتبي الا كل خير وتفعلي كل ما هو خير فأنا شرفت بالتعرف على مدونتك ومتابعتها أختي الحبيبة
    بارك الله لك ونفع بك وجزاك الجنة على حبك للخير وللناس

  57. rovy Said:

    اليسلام عليكم
    اختى الحبيبه كل سنه يارب و انتى طيبه و بالف خير و دايما مدونتك
    منوره بيكى و بمواضيعك المتميزه و الهادفه و اللى بتقربك منا و تقربنا منك و تخلينا نحس اد ايه انتى انسانه قوى ربنا ما يحرمنيش منك ابدا ..
    و طبعا مش محتاجه اقولك انك انتى كمان غاليه قوى عندى و دايما بيهمنى رأيك وتعليقك و كمان بأعتبرك ايضا هديه من الرحمن ليه بأتمنى انها تدوم يارب..
    كمان من الصدف الغريبه ان نكون فى شهر واحد بدأنا كلنا التدوين .. جنه فى اول فبراير
    وانتى فى منتصفه تقريبا وانا فى اخره و اخره جدا 29 فبراير يعنى المفروض احتفل كل 4 سنين شوفى الصدف !
    بس بجد غريبه قوى اننا ندخل فى شهر واحد وكأن فيه بينا ميعاد ..
    ربنا يحفظك لنا و يوفقك دايما غاليتى
    و كل سنه و انتى طيبه و كل عام و مدونتك الجميله بيكى منوره ..
    احبك فى الله

  58. rovy Said:

    موناليزا عاوزه اعتذر كمان عن تأخيرى فى التعليق معلش و الله من ساعة ما رجعت من الاجازه مش فاضيه و مش لاقيه وقت ادخل على النت فسامحينى على تقصيرى ..

  59. حنان الشافعي Said:

    كل سنه وانت ومدونتك الرائعه بالف خير وموده
    وكل عام وانت اقرب الي الله والي هدفك وامنيتك
    اشكرك بشده علي كل استفاده استفدتها وكل معلومه جديده او كلمه طيبه قرأتها لديك
    اصدق امنياتي

  60. Whispers just for a Night Said:

    سيدتي الكريمة

    يوماً ما سمعت أن هناك من المعادن ذهباً وفضة، ولكن معدن قلمك كان كشف جديد!

    سيدتي الكريمة

    من بين الأحبار يسيل حبر قلمك يحمل لنا أخباراً وأقاصيص وكلمات تحث الاذهان والعقول ومن قبلها القلوب للتأمل. وأنا دائما ما يأسرني الجمال، وكان له في ما بين أسطرك ومواضيعك وفرة.

    وتبارك من أنعم عليك بموهبة الكتابة ياربة القلم. فإليك أقول كل عام وأنت أمة الله التي عرفناها متجددة بين أسطرها، متألقة في كتابتها، شجية في حرفها، صادقة في كلامها.

    كل عام وأنت عن أمة الله راضية وبها متألقة.

    كل عام وأنت ناجحة وباهرة ومبهرة

    كل عام وأنت برضى ربك فائزة

    كل عام والسعادة لدارك طارقة!

    سيدتي الكريمة

    إن كان لويسبر كما ذكرتي دوراً أرى أنكم بأدبكم الجم وتواضعكم الكريم بالغتم في ذكره وإن كان لا يستحق ابداً أن تشغلي بالك في منحه أهمية الكتابة بين أسطرك فما كان ذلك إلا لفرض موهبتك لنفسها على ساحة المدونة. فلا باع لأحد ولا دينار لولا توفيق المولى سبحانه لك ولولا موهبتك الصادقة في الكتابة

    وأنا أعتذر وبشدةعن تقصيري الشديد في متابعة مدونتكم الكريمةولكن للحياة ضرباتها المتتالية، فأتمنى أن تلتمسي لي العذر.

    ومن الآن ياسيدتي طاردي أحلامك، وتخلصي من عوائق الطريق والعلائق التي تثقلك. حققي في هذا العام أهدافك التي إليها تسعين ومن أجلها تكتبين

    عامٌ من الحزنِ أبكى السهلَ والجبلا
    وقرَّحَتْ كفُّهُ الأكبادَ والمُقَلا
    لمْ يَنْجُ من كيده قلبٌ ولا رئةٌ
    تقاسما إرثه: الأحزانَ والعللا
    حتى سفحْنا على أعقابنا دمَنا
    سفاهةً جمعَ الأوراقَ وارتحلا

    ليكن عامك هو الأفضل…أتمنى لك التوفيق

    إحترامي وتقديري

  61. ذو النون المصري Said:

    الف مبروك
    كل سنه و انتي طيبه
    و عقبال 100 سنه

  62. موناليزا Said:

    بستان الحب
    ـــــــــــــ
    اختى الحبيبة:ربنا يسعدك🙂 هى فعلا بنتى
    اللى اتولدت على ايديكوا واللى ماكنتش هحس ابدا بأى سعادة لولا وجودكم معايا
    وكل سنة وانتى بالف خير
    نورتينى حبيبتى واسعدتنى مشاركتك

    **********************************

    دينا حامد
    ــــــــــــــ
    اختى الحبيبة:الله يبارك فيكى ويتقبل دعائك
    وكل سنة وانتى من زوارى الكرام
    نورتينى حبيبتى واسعدتنى مشاركتك

    *********************************

    نور شاهين
    ــــــــــــ
    اختى الحبيبة:اهلا اهلا بالقمر وحشتيييينى
    ماتحرمش منك ابدا ده من ذوقك يانور ياجميلة
    ربنا يكرمك يارب
    مش عارفة اشكرك ازاى على كلامك الجميل ده
    انتى حد جميل اوى ويستاهل كل خير
    وانى احبك فى الله
    وكل سنة وانتى منورانى دايما ومفرحانى بمشاركتك

    *********************************

    مجداوية
    ـــــــــــ
    وعليكم السلام ورحمة الله وبركاته
    اختى الحبيبة:وانتى بكل الخير يارب
    ربنا يعزك ويطمن قلبك:)
    بتشكرينى ليه دى اقل حاجة قدرت اعملها فتعليقاتك دائما تفيدنى وتمدنى بطاقة غير عادية فلكى منى كل التقدير وربنا يجازيكى عنى خير الجزاء
    وكل سنة وانتى من احب الاشخاص الى قلبى
    نورتينى واسعدتنى مشاركتك

    *********************************

    روفى
    ــــــــ
    وعليكم السلام ورحمة الله وبركاته
    اختى الحبيبة:وانتى بالصحة والسعادة وبكل خير يارب
    مدونتى منورة بوجودكم فيها بجد انتوا اللى رجعتولى طعم السعادة تانى فربنا يجازيكم عنى خير الجزاء
    ياحبيبتى ربنا يديم علينا نعمة الحب فيه ويخليكى ليا ويحفظلك بناتك ويفرحك بيهم اللهم امين
    بجد!!:) سبحان الله فعلا
    رب صدفة خير من الف ميعاد ودى تعتبر اجمل صدفة:)فى عالم التدوين
    حبيبة قلبى عذرك معاكى وبعدين هو فيه بينا اعتذارات ولا ايه؟ للمرة الالف بقوللك انتى اختى(وش بيشخط) وبعدين لانى مش بعرف اشخط اصلا فتلاقينى فى ثانية ضحكت:):) وخدت حضن كبير من اجمل اخت ومريم طبعا متغاظة وعايزة هى كمان واحد بس انا هخليها تلعب بالبالونات على مانعيش اللحظة:)
    بحبك جداااا
    نورتينى حبيبتى واسعدتنى مشاركتك

    ********************************

    حنان الشافعى
    ـــــــــــــــ
    اختى الحبيبة:وانتى بكل الخير والصحة
    انا اللى بشكرك على زيارتك ليا ومعرفتى بيكى
    وبجد ربنا مايحرمنى منك:)
    نورتينى واسعدتنى مشاركتك

    *******************************

    ويسبر جست فور انايت
    ــــــــــــــــــــ
    اهلا اهلا أخى الكريم ابو خطاب بعد طول غياب
    لا تتخيل سعادتى بمشاركتك هذه وخاصة فى هذه المناسبة
    فنحسبك على خير ولا نذكى على الله أحد
    فقلمك من الاقلام القليلة التى تحترم والتى تحمل هدفا وثقافة رائعة
    فربنا يكرمك ويوفقك ويحقق لك كل الخير

    يافندم احنا هنيجى جنبك ايه بس
    ده انا مش عارفة ارد على كلماتك رغم انى كنت مفتقداها جدا فمنها اتعلم احترام لغتى وكيف التباهى بها

    ربنا يعزك يارب فماتوفيقى الا بالله

    كيف هذا وقد استفدت منكم الكثير والكثير
    كيف انسى من شجع قلمى فى بدايته
    كيف انسى من الهمنى فى كتابة مواضيع افادتنى وافادت غيرى
    كيف انسى من علمنى اشياء فى المدونة لم اكن اعلمها نهائيا
    كيف انسى من وضع بعض مواضيعى لديه فى المفضلة ليقرأها الجميع
    كيف انسى استئذانك لى فى نشر موضوع “الرحلة”فى مدونتكم الكريمة والإشارة الى انى صاحبة القلم
    كيف انسى من كان تعليقاته تمدنى بالقوة
    وغيرها وغيرها
    أبعد كل ماذكرته وتتعجب فانا أعتذر لانى لم انوه إلى كل هذا فى الموضوع ولكنى أردت الاختصار حتى لا يمل القارئ
    فعن الرسول صلوات الله وسلامه عليه حديثا فيما معناه “من أسدى اليك معروفا فقل “جزاك الله خيرا “
    وعملا بهذا أقول لك جزاك الله خيرا
    وأيضا عملا بقول اشرف المرسلين “التمس لاخيك 70عذرا”
    فعذرك معاك وربنا ييسرلك جميع امورك

    سأحاول جاهدة تنفيذ نصيحتكم الكريمة
    وربنا يعزك ويبارك فيك
    نورتنى واسعدتنى مشاركتك

    *********************************

    ذو النون المصرى
    ـــــــــــــــــ
    اهلا بيك يافندم فى زيارتك الاولى
    الله يبارك فيك
    وكل سنة وانت من زوارى الدائمين
    نورتنى واسعدتنى مشاركتك

  63. ايوشة Said:

    السلام عليكم ورحمة الله وبركاته
    الف مبروك ليكى جدا وعقبال 100 سنة تدوين وكله فى ميزان حسناتك يارب

  64. د. ياسر عمر عبد الفتاح Said:

    ربنا يتقبلها منك إن شاء الله فى ميزان حسناتك
    وإن شاء الله تجديها فى كتابك يوم القيامة لك من عليكى

  65. مصطفى أبوزيد Said:

    انت رائعه
    بارك الله فيكي

  66. Punny_Punny Said:

    كل عام و أنت و أمة الله بخير و أدام الله عليكم نعمة الحكمة
    و الله أنا صحيح ما عرفتش مدونتك الرائعة دي الا من وقت قريب جدا لكن استمتعت بها جدا .
    و أقول لك حاجة أنا لسه ما قريتش كل المقالات اللي فيها لكن من الشوية اللي قريتهم حسيت إني بسمع صفية المهندس معرفش بتحبيها و لا لأ لكن أنا بحبها جدا .
    و ان شاء الله ربنا يوفقك و يزيد عطائك.

  67. arsenalwy Said:

    كل سنة وانتى بخير وسعادة

    كل سنة ومواضيعك احلى واجمل

  68. المستنصر بالله Said:

    كل سنه وحضرتك بخير
    مدونتك جميله وومواضيعها كلها قيمه

    تحياتى لحضرتك

  69. موناليزا Said:

    ايوشة
    ــــــــ
    وعليكم السلام ورحمة الله وبركاته
    اختى الحبيبة:اهلا بيكى فى زيارتك الاولى
    ربنا يكرمك ويتقبل دعائك
    نورتى مدونتى وارجو دوام التواصل

    *******************************

    د. ياسر عبد الفتاح
    ـــــــــــــــــــــ
    اهلا بيك يادكتور فى زيارتك الاولى
    ربنا يسمع منك يااارب
    نورت مدونتى وارجو دوام التواصل

    *********************************

    مصطفى ابو زيد
    ــــــــــــــــ
    اهلا بيك استاذ مصطفى
    ربنا يكرمك فماتوفيقى الا بالله
    نورتنى واسعدنى مشاركتك

    ******************************

    بنى بنى
    ـــــــ
    اختى الحبيبة:ربنا يكرمك ويبارك فيكى
    رأيك ده اعتز بيه جدا
    وان شاء الله بقية المواضيع تعجبك
    وانا فى انتظارك دائما وتسعدنى زيارتك
    نورتينى حبيبتى واسعدتنى مشاركتك

    ********************************

    ارسينلاوى
    ـــــــــــــ
    اهلا بيك يافندم
    وانت طيب وبخير وفى اتم صحة
    ربنا يكرمك يارب
    نورتنى واسعدتنى مشاركتك

    ********************************

    المستنصر بالله
    ـــــــــــــ
    اهلا بيك يافندم
    وحضرتك بخير
    اشكرك جدا لرايك ولمشاركتك
    نورت مدونتى

  70. حاجات جوايا Said:

    حبيبتى كل سنة وانتى طيبة ومدونتك طيبة وبجد يا مونا مدونتك رائعة ربنا يكرمك ويجعلها فى ميزان حسناتك ان شاء الله

    الاحتفال بالمدونة جميل جدا وبجد تستاهله وبيعبر عن اصلك الطيب واعترافك بالجميل لكل من ساهم بمساعدة او حتى تعليق

    كل سنة وانتى والمدونة طيبين وبخير ويارب من تألق لتألق ان شاء الله

    سالى

  71. المعتصم Said:

    بسم الله الرحمن الرحيم
    السلام عليكم ورحمة الله وبركاته
    أختى الكريمة
    تحياتى
    معلش هطلب منك طلب
    ياريت تشوفى الموضوع ده فى مدونة اليقين
    البوست اسمه سرحان ونفيسه
    وده الرابط بتاعه
    http://alyakeen.blogspot.com/2009/02/blog-post_15.html
    هو موضوع جميل وله علاقه بموضوعاتك اللى كتبتيها عن الازواج والزوجات
    تقبلى مرورى وتحياتى
    ودمتى بكل ود وخير
    والسلام عليكم ورحمة الله وبركاته

  72. المعتصم Said:

    انا عارف انك من متابعين اليقين بس حبيت اقولك علشان تشوفى البوست وهو لسه طازه

  73. salwa Said:

    السلام عليكم
    آآآآآآآآسفة للتاخير
    الله يجعل كل مل كتبتي في ميزان حسناتك
    و يديم عليكي الرضى و الصحة
    امين يا رب
    سلام

  74. ولد مصري Said:

    من البوست ده فهمت إنك اكبر مني بشهر …. في عالم التدوين يعني🙂

    على العموم عقبال مليون سنة تدوينية

    على فكرة
    السنة التدوينية = 9000 سنة ميلادية🙂

    خسارة إن ماكنش فيه تدوين على أيام الريس أينشتين كان أثبت صحة النظرية سالفة الذكر :)))

    تحياتي

  75. iBRAHiM sAllAm Said:

    السلام عليكم ,
    و كل عام أنتِ بخير ,

    و إن شاء الله تكون جميع المواضيع في ميزان حسناتك ,

    و تكون ذات فائدة إن شاء الله ,

    و يكون العام القادم أحسن و أحسن إن شاء الله🙂

  76. موناليزا Said:

    حاجات جوايا
    ــــــــــــــ
    اختى الحبيبة: وانتى طيبة وبالصحة والسلامة
    ماتحرمش منك ابدا ربنا يسعدك يارب ذى ما اسعدتينى برأيك ده:)
    نورتينى سالى الجميلة
    واشكرك جدا لمشاركتك

    **********************************

    المعتصم
    ــــــــــــ
    وعليكم السلام ورحمة الله وبركاته
    اهلا بيك يافندم
    غالى والطلب رخيص (بس المواصلات على حسابك):)
    حاضر يافندم
    وبشكرك جدا على اهتمامك
    وسأذهب لها حالا
    دمت طيبا ولمدونتى زائرا

    ********************************

    سلوى
    ــــــــ
    اختى الحبيبة: ما تتأسفيش ياجميلة كفاية انك جيتى واسعدتينى بزيارتك وبمشاركتك
    ربنا يكرمك ويتقبل دعائك اللهم امين
    نورتينى حبيبتى وفى انتظارك دائما

    **********************************

    ولد مصرى
    ــــــــــ
    اهلا بيك يافندم
    :)يبقى كده هضطر اعين لك البالونات للشهر الجاى ماهو انا الكبيرة بقى يبقى البالونات عليا:)

    ياخبر كل ده:) بس كويس برضه اهى توضع فى المتحف المصرى وتجيب دخل كويس
    اشكرك جدا لمشاركتك
    نورتنى واسعدتنى زيارتك

    *******************************

    ابراهيم سلامة
    ـــــــــــــ
    وعليكم السلام ورحمة الله وبركاته
    اهلا بيك استاذ ابراهيم
    وانت طيب وبالصحة والسلامة
    ربنا يبارك فيك ويتقبل دعائك
    نورت مدونتى واسعدتنى مشاركتك

  77. رفقة عمر Said:

    موناليزا الجميله
    كل سنه وانت ومدونتك بالف خير وسعاده
    اسفه اتاخرت
    كنت مسافره ولسه راجعه
    ربنا يسعدك ويفرحك وتكونى دايما بينا

  78. موناليزا Said:

    رفقة عمر
    ــــــــــــ
    اختى الحبيبة:وانت طيبة وبكل خير يارب
    ولا يهمك يا قمر المهم انك جيتى واسعدتينى بمشاركتك
    حمدالله على سلامتك ياحبيبتى (وانا اقول عالم التدوين كان مظلم ليه:))
    ربنا يعزك ويفرح قلبك ويتقبل دعائك اللهم امين
    نورتينى حبيبتى ودمتى بخير

  79. منال مصطفى Said:

    السلام عليكم : كل عام و أمة الله بكل خير ، و الله أنا سعيدة إني اتعرفت علي شخصية زيك (ما شاء الله ) ، كلامك بيدخل قلبي و باحس فيه بالصدق ، نحسبك علي خير يا موناليزا و عقبال كل عام تسعدينا انتي و مدونتك ، وربنا يسعدك و يحقق لك ما تتمنيه ءامـــــــــين…

  80. موناليزا Said:

    منال مصطفى
    ـــــــــــ
    وعليكم السلام ورحمة الله وبركاته
    اختى الحبيبة:وانتى بخير وصحة وسعادة
    انا اسعد كتير بمعرفتك وزيارتك وتعليقك الجميل
    والحمدلله فهذا من فضل ربى
    ربنا يكرمك ويبارك فيكى ويحقق لك كل ماتتمنيه
    وكل عام وانتى من زوارى المفضلين
    نورتينى حبيبتى واسعدتنى مشاركتك

  81. ghoneem Said:

    بعد التحية

    عام سعيد وكل سنة وانتو بخير

    والسنة الجديدة أحسن وأمتع وأكثر فائدة وتأثيرا ان شاء الله

    تشرقت كثيرا بتعرفي لمدونتك المحترمة
    وسعدت كثيرا لتشريفك عندنا “مع ان أول زيارة ليكي كانت خناقة “
    🙂

    بس بجد بسعد بتعليقك وبالأخص لما بلاقيه الأول لا تتخيلي مدي تفاؤلي بالموضوع المكتوب وانه هيكون له حظ من القبول

    عام سعيد لصاحبة المدونة الراقية جعلها الله ف ميزان حسناتك ان شاء الله

    تحياتي وخالص تقديري

    بالتوفيق……………………..

  82. موناليزا Said:

    غنيم
    ـــــــــ
    اهلا بيك يادكتور
    وانت بخير وصحة وسعادة
    يااارب ان شاء الله اشكرك جدا لرايك
    شعور متبادل والله يادكتور فمدونتك متميزة جدا والاسلوب فيها راقى جدا

    :)خضتنى بجد وروحت عندك ادور على اول تعليق ليا
    وبصراحة معاك حق رغم ان ده ماكنش قصدى ابدا🙂
    انا كنت بستفسر بس لانى ماكنتش مصدقة النِسب الموجودة
    عذرا حقا لانى بكتب التعليق ذى مابييجى فى دماغى وانا بقرا الموضوع بدون اى مقدمات ودى فعلا حاجة اشكرك لتنبيهى عليها وخاصة لما تكون اول زيارة ليا(مش كنت تقوللى من ساعتها سايبنى كده سنة بحالها):)

    ربنا يخليك ويعزك يارب ده بس من ذوقك
    قلمك يادكتور بيفرض احترامه وتقديره على الجميع

    اشكرك جدا لمشاركتك
    وكل عام وانت من زوارى الكرام المفضلين
    نورتنى واسعدنى تواجدك

  83. norahaty Said:

    السلام عليكم ورحمة
    الله تعالى وبركاته
    كل سنة وانتى بألف خير
    وكمان بأشترك معاكى فى
    نفس الشهر لبداية التدوين
    الا انى سبقتك بحوالى الاربعة ايام
    فكل سنةوانتى وانا والناس كلها بخير.

  84. موناليزا Said:

    نوراهاتى
    ــــــــــــ
    وعليكم السلام ورحمة الله بركاته
    اختى الحبيبة:وانتى بكامل الصحة واتم العافية
    صدفة جميلة:)
    وكل سنة وانتى من زوارى المفضلين
    اشكرك جدا لمشاركتك
    نورتينى واسعدتينى بتعليقك


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: