بأمانة أشكرك

– لإنك أخيراً أطلقت سراحى فلم أعد أحمل اسمك بعد الآن.
– لإنك لم تصبح أباً لأولادى.
– لإنك علمتنى كيف أعيش من غيرك.
– لإنك عودتنى على غيابك وعدم الإعتماد عليك فى أى شئ.
– لإنك علمتنى ان أكون الرجل والمرأة معاً.
– لإنك جعلتنى أنساك قبل الإنفصال الفعلى فحقاً لم أعد أتذكر ملامحك.
– لإنك دربتنى جيداً على أن أعيش حياتى بدونك فلم أعانى مرارة الفراق الفعلى.
– لإنك بينت لى معدنك ومعادن جميع من حولى.
– لإنك لم تترك لى ذكرى واحدة تجعلنى أتمنى عودتك.
– لإنك علمتنى دون أن تقصد قيمة أشياء كثيرة.
– لإن ما مررت به بسببك جعلنى أقوى وأنضج.
– لإنك لم تعد موجوداً فى سماء حياتى.
– لإنك أنت الجانى ولست أنا.
– لإنك خلصتنى من ليلك المستبد.
– لإنك خلصتنى من حياتك بكل مافيها من أشياء تعارض دينى.
– لإنك كنت لى دوما صمتاً لايعذبه أنينى.
– لإنك نبهتنى لإستحالة أن أحيا ملاك بين البشر.
– لإنى نجوت بنفسى وفررت بدينى.
– لأنى بدأت أتنفس هواءاً نقيا خالى من سموم أنفاسك.
ولكننى أوعدك بأنك ستندم عليُّ الباقى من عمرك.
****************
*إذا خسر المرء شخصاً مخادعا فيكون بذلك رابحاً.
أما إذا خسر المرء شخصاً مخلصاً فتكون خسارته فادحة.
فاحرص إذا ما خسرك أحداً أن تكون خسارته فادحة.

57 Comments »

  1. bastokka طهقانة Said:

    لا حول و لا قوة الا بالله
    رغم ان يبدو ان موقفك سليم و ان انت مش خسرانة بس فكرة الانفصال نفسها مؤلمة
    لانها في الاصل تجربة فاشلة
    صحيح الانسان بيتعلم من الفشل ..النجاح
    بس مجتمعنا مبيقبلش تجارب الزواج الفاشلة
    يا رب ما اكونش عكيت

    اوروفوار

  2. همس الاحباب Said:

    الحمد لله على كل حال
    وربنا يوفقك دائما
    ويسعدك فى حياتك القادمة ان شاء الله
    تحياتى

  3. جنّي Said:

    السلام عليكم

    يااااه !! كلمات وان كانت تحمل بين طياتها قسوة الى حد ما الا انها مشبعة بالصدق .. وهذا ما يميز القطع الادبية المميزة ..

    ومن اقسى ما يحزن الانسان ان يفجع في شخص كان يفترض فيه الاخلاص ..

    ومن ترك شيئا من اجل الله عوضه الله خيرا منه ..
    ونصيحة الخاتمة مهمة جدا فجميل ان نحرص على الا تكون خسارتنا فادحة ..

    سلام

  4. سلوى Said:

    حبيبتي

    لنطوي الصفحه بكل ما فيها

    ولتبدأي من جديد

    لتنفضى عنك كل ألم أو ندم أو حزن

    ولتبدأي من جديد

    لا تفكري كثيرا فيمن خسر ومن كسب
    طالما أنت على صواب فلا تهتمي بشئ آخر

    إن شاء الله ما هو قادم أفضل
    ربنا يسعدك موناليزتي ويوفقك🙂

  5. الرومـيصاء Said:

    السلام عليكم

    كيف حالك

    وحشانى كتيير

    ودايما تأتى بالجديد

    مع ان مود البوست ده

    مكتئب شوى بس

    لو مش بتكلمى عن نفسك

    هقولك ان فعلا اوقات بعد
    شخص معين عنا

    بيبقى اكبر مكسب

    وفى ناس لا تستحق اننا نبكى عليها
    بدمعه واحده

    دمتى بحفظ الله

  6. صفـــــــاء Said:

    .
    الفراق دوما مؤلم

    حتى لو كان لأشخاص قامو بأذيتنا

    الا انه هناك دوما ذلك الستار الجميل المسمى النسيان
    حين ينزل على ذكريات ألاسى والألم صحيح لا يمحوها او يمحو أثارها
    الا انه يخفف من وجعنا
    ربنا يصبر قلبك ويخفف عنك
    ويسعد أيامك مع شخص يراعى الله فيكى
    تقبلى مرورى
    .

  7. ABOALI Said:

    لا شكر على واجب
    فسوف نلتقى يوما
    وتدركين من هو الخاسر
    انتى ام انا
    ام انحن كلانا خاسر
    وصفتى نفسك بالاخلاص
    وانا هو الفاجر
    قولتى انى حامل الكير
    وانتى حامل المسك الشاطر
    ولكنى انتظرى منى موعد”
    حكم” بينى وبينك
    لتدركى حقيقة الفاجر
    كنت شيطانك نعم
    ولكن اجوب العالم
    لاءضع الفواصل
    فمن تمسك بى عرف
    مصيره وسط المدائن
    فاليوم هو لك
    ولكنى انا ظلك السابق
    امسك وغداك
    شبابك وصباك
    تعبك وهانك
    فاءنا يا من يضع الفواصل
    فاءن ادركتى الحكمة من وجودى
    ستدركين من يستحق الشكر اللازم
    خلقنى وخلقك
    هو العلى القادر

    تحياتى
    مع خالص شكرى
    هل نتكلم عن انسان
    ام نتكلم عن شيطان الانسان

  8. و القادم....أجمل Said:

    زي مقولتي
    فعلا مكسب
    و الناس دي كلها
    هي اللي خسرانة
    ———-
    اللهم إرزقنا خلقا ً كخلق المصطفى

    موضوعك رائع
    و هدفه أروع و أجمل

    تقديري لك ِ

  9. TiMmY Said:

    ربنا يهيأ لك الخير إن شاء الله ..

    و من وجد اله فماذا فقد ..

    و إن شاء الله تكوني أنتِ الرابحة ..

    ربنا يكون في عونك ..

  10. موناليزا Said:

    طهقانة
    ــــــــ
    اصبتى الحقيقة فى مقتل

    ****************************

    همس الاحباب
    ـــــــــ
    فعلا الحمدلله واشكرك جدا

    ******************************

    جنى
    ــــــــ
    اشكرك جدا لرايك فيما كتبت ووصفها بالقطع الادبية المميزة

    ********************************

    سلوى
    ــــــ
    اشكرك جدا لمشاركتك وكلامك بجد خفف عنى كتير ربنا يسعدك

    ******************************

    الروميصاء
    ــــــــــ
    اهلا ياحبيبتى انا الحمدلله بخير وفى فضل ونعمة من الله
    اعنذر بجد لو البوست كئيب مع انى حاولت تخفيف بعض الكلمات على قدر استطاعتى بس عشان خاطرك هحاول اخد بالى بعد كده:)

    ********************************

    صفاء
    ــــــ
    ربنا يكرمك ويتقبل دعائك ويرزقك بكل الخير
    مشكورة حبيبتى على مشاركتك الجميلة

    **********************************

    ابوعلى
    ــــــــ
    بجد مش عارفة أرد
    بس كل اللى اقدر اقوله ان الزمن هو من سيحكم
    على فكرة نتكلم هنا عن انسان وليس عن شيطانه

    *******************************

    والقادم اجمل
    ــــــــــــ
    اشكرك جدا ياحبيبتى ربنا يكرمك

    ********************************

    تيمى
    ــــــــ
    ربنا يكرمك واشكرك جدا لمشاركتك

  11. البحث عن أنا شىء جنونى Said:

    حواء المستقله .. التى اعلنت استقلال مدينتها عن الجيش المحتل ( جيش المذئوبين )

    الغاضبة بكل الصور والهائدة ايضا .. رايت بين ملامحك قوة تحملها اجزائك املا فى التحرر المنستميت

    املا فى ان تتكون الطفلة من جديد ذات الضفيرتين

    لانك امراة سابتسم🙂

    سامشى الان

  12. Dr Ibrahim samaha Said:

    قليل ما نجد الإخلاص فى الصداقة فى هذا الزمن

    وكثير ما نجد الغدر والخيانة والمصالح

    ولكن ليس العيب على من نصاحب او نختار

    ولكن العيب علينا فى عدم التدقيق فى الاختيار

    اللهم اجعلنا من الذين يقولون القول فيتبعون أحسنه

    تحياتى

    د إبراهيم

  13. مجداوية Said:

    السلام عليكم
    الآن فهمت تأثرك بمحطة الغدر

    فالحمد لله رب العالمين
    لا تنس ان ان تقولي اللهم اؤجرنى فى مصيبتى وأخلفنى خيرا منها

    حتى لو كانت غير مصيبة لكن دعائك بهذا سيخلفك خيرا إن شاء الله

    مضت فترة بين تدوينتك الأولى عن هذا الألم وخلاصك منه الآن لكن اجعلي هذه آخر كلماتك فى هذا الأمر فالصمت هو اقسى اللوم ويقول أكثر من الكلام
    واحتفظى بها لأنك ستعودي اليها وستضحكين لأن كل ما جاء فيها لم يعد يهمك حتى وعدك له بالندم عليك فسيصبح هذا آخر ما تفكرين به وسيطويه النسيان وتبقى آثار التخريب معلم يذكرك فقط بنعمة الله عليك بأن وجدت ضالتك وأنها العكس تمامامن هذا
    انتظرى وسترين ولا تنس الدعاء

    أبشري خيرا بإذن الله

  14. Butterfly Said:

    فعلا
    كل اللى خسرونى خسارتهم فادحه
    وانا لم اخسر شئ🙂

  15. rovy Said:

    اختى الحبيبه
    اكيد خسارته فادحه و فادحة جدا جدا
    و اكيد انتى الفائزه و ان لم يدرك من حولك هذا الان فسيدركونه مع الوقت
    ما اقسى ما مررت به و لكن الحمد لله
    اتمنى ان تطوى هذه الصفحة السوداء من حياتك بل اتمنى ان تمزقيها و لا تتذكري منها شيئا سوى شيئا واحدا الا و هو ان الضربه التى لا تميت تقوى و الحمد لله انكى ان شاء الله اقوى ..
    ادعوا الرحمن ان يعوضكى خيرا و ان يرزقكى بالزوج الصالح الذى تجدين معه كل السعاده التى افتقدتيها ..
    حقيقى هو الخاااسر و سيظل يحصد خساارته الى اخر عمره ..
    قلبى معكى اختى الحبيبه و ادعوا الرحمن ان تكونى بخير حال ..

    دمتى فى رعاية الله و حفظه

  16. موناليزا Said:

    البحث عن انا شئ جنونى
    ـــــــــــــــــــــ
    اشكرك لابتسامتك التى لم اعرف سببها

    ———————————–

    د/ابراهيم سماحة
    ــــــــــــــ
    للاسف يادكتور لم تكن صداقة حتى نتوقع الغدر ولكنه ميثاق غليظ تم تقطيعه
    وفعلا اذا كنا اسائنا الاختيار فلازم ندفع التمن

    ********************************

    مجداوية
    ــــــــ
    اللهم أؤجرنى فى مصيبتى واخلف لى خيرا منها لم أمل قولها منذ قرابة عامان
    وثقتى فى الله كبيرة
    وفعلا اتعمد الكتابة حتى اقرأها فيما بعد
    وليت الموضوع ينتهى سريعا حتى اطوى هذه الصفحة من حياتى للابد
    وما اجمل بشارتك لى:)
    ربنا يسعدك

    ***********************************

    بيترفلاى
    ــــــــ
    :)مبروك عليكى التخلص من هؤلاء

    *****************************

    روفى
    ــــــ
    ربنا يكرمك ياحبيبتى على مشاركتك لى
    والحمدلله قدر الله وماشاء فعل
    والحمدلله ايضا ان لى اخواتا يحبونى فى الله وتشجعنى كلماتهم على الصمود
    ربنا يسعدك ويبارك فيكى ويحفظ لك بناتك
    ماتحرمش منك ابدا غاليتى ودومتى لى اختا احبها فى الله

  17. mohamed ghalia Said:

    كلماتك رائعة كالعادة
    سلم لك قلمك يا أختى العزيزة وفتح الله لكى دائما من أبواب الحكمة
    دمتى بكل الود
    فى حفظ الله

  18. ghoneem Said:

    السلام عليكم

    طيب يا ستي الحمد لله وماشاء الله مبارك عليكي الفوز وهارد لك الخسارة ليه هوة بقي

    تجربة تستفيدي منها كثيرا ان شاء الله وابتلاء نحسبك قد صبرتي عليه ولله الحمد
    القادم افضل ان شاء الله أبشري ولكي منا خالص الدعاء وكل التقدير والاحترام

    خبر سعيد في أوقات مباركة الحمد لله
    ولعل القادم هو الخير ان شاء الله

    كمان مرة مبارك عليكي وقدر الله وماشاء فعل

    دمتي بخير ودام حفظ الرحمن

    تحياتي

    بالتوفيق…………………

  19. أنا حر Said:

    اسمحيلي ان اشكرك انت رغم عدم معرفتي بالموقف بشكل كامل انما الشكر لك واجب لقوتك وقدرتك على اتخاذ قرار مهم دون النظر للضغوط المحيطة
    تحياتي

  20. أحمد كمال Said:

    يا عزيزتي ، لا تعلمين كم أثر في هذا الموضوع ، فأعدت قراءته أكثر من مرة ، فالأقسى من الفراق اختياره ، و الأقسى منهما المرارة التي تتخلف عن جراح الماضي و التي تحل محل الآمال السابقة .

    استفيدي من التجربة ، و اعتبريها أول خطوات النجاح القادم ، فخبرتك بالحياة و الاختيار و جميع السلبيات التي رأيتيها تجنبك مرارات قادمة لا قدر الله ، و معرفتك أيضا بأخطائك و أسباب قراراتك تجعلك شخصا أفضل ، شخصا يصعب فراقه ، شخصا يمثل خسارة لكل من يفقده .

    تحياتي لك ، و لعل القادم أجمل

  21. مسدس صغير Said:

    لانه كذلك فالخسارة عاديه قد تدرك..اشكرك على البوست الجميل اختى الغاليه..

  22. mony Said:

    لأ لأ لأ لأ لأ لأ لأ لأ

    ستوووووووووووب

    افهم

    دا بوست و لا حقيقة

    مون

    طمنيني عليكي

  23. رفقه عمر Said:

    موناليزا كلامك بجد وجعنى قوى
    وبجد مش لاقيه كلام ااقوله
    ليس عندى غير الدعاء ان تمرى بالمحنه بسلام وانا يبدلك الله خيرا منه واتمنى الاتفقدى الثقه ان تعويض ربنا ليكى كبير
    اسال الله ان يفرج كربك ويشرح صدرك وويذهب غيظ قلبك وينصرك على من ظلمك

    معلش انا داخله بحساب تانى
    لانى مدونتى جوجل ربنا يعمر بيته عطلى حسابى ومش عارفه ادخل مدونتى
    بس كلامك اثر فيا قوى
    ربنا معاكى ويحفظك يارب امين

  24. رندا Said:

    نعم اشكرية واشكرية جداً
    صديقتى
    احسستـ كلماتكِ جداًو جداً وتعايشتها قبلك جداً وشكرتة قبلك ايضاً
    فكونى انتـ دائماً وغداً لك اجمل ان شاء الله
    صدقينى غداً اجمل فقط انتظرى غداً
    لا تندمى على انكِ تعايشتى بقلب ملائكى
    بل عيشى كما انت اجمل ملاك بين البشر لان صورة الملائكة تظهر صورة الشياطين سريعاً

    لن اقول لكـِ غير مبرووووووووك من كل قلبى تحرركـِ من قيد لا يستحق

    لكـِ منى كل الحبــ

  25. GiGi Said:

    تسلمى ياجميله
    معاكى حق
    ياترى فعلا هنبقى حد مخلص ولا مخادع فى زمن مابقاش فى حاجه واضحه ابدا

  26. Khaled Said:

    أشعر بكل ماتشعرين …
    و أشاطركى إحساسك …

    أختى العزيزة ………..
    إذا خسرنا إنسان لنرضى الله كما فهمت من الخاطرة .. فسيعوضناالله خيرا كثيرا

    ولا أملك إلا أن أقول

    لا حول و لا قوة الا بالله العلى العظيم

  27. أم يــــــــوســـــــف Said:

    السلام عليكم ورحمه الله

    دي اول زياره ليا في مدونتك الرائعه

    بس حظي جاه علي الموقف المؤلم ده

    ربنا يكون في عونك

    بس اللي اقدر اقولهولك حبيبتي

    طالما ان الانسان ده ما عرفش قيمتك
    يبقي ما يستاهلكيش و انتي فعلا اللي كسبانه و اولادك كمان

    ربنا يعينك يعوض عليك و يرزقك كل خير

  28. حاسوباتيه Said:

    فعلا تشكريه بادام هو بالسوء ده يبقى فعلا يستاهل الشكر انه خلصك منه

  29. wanna b a physician Said:

    عندك حق لازم تكون خسارته خسارة فداحه
    لان من يبيع الاخلاص فهو يشترى الوهم
    وسيندم بالطبع

    تحياتى

  30. ghorBty Said:

    اختي الغاليه موناليزا

    أسال الله العلي العظيم ان ينزل علي قلبك السكينه والطمئنينه

    نحن علي اتم استعداد ان نتقبل الجحود والغدر والخيانه من اي حد عارفه ليه لان ديه طبيعه بشريه الا من رحم ربي

    ان الحجود وكفران النعم غالبه علي النفوس شوفي الكثير من البشر بتعملوا ازاي مع رب البشر فكيف معي ومعك

    ولو زي ما قلت انه كان ميثاق غليظ فاي شئ بعد نقض الميثاق الم يقل رسول الله صلي الله عليه وسلم من علامات المنافق انه اٍذا اؤتمن خان وربنا يهدينا ويصلح الاحوال

    دمت بكل خير

  31. كفايـة طيبـة Said:

    ربنا يسعدك يارب

    وكل اللى جاى يبقي احلى من اللى راح

    كلماتك جميلة رغم شجنها

    خدي بالك من نفسك ياحبيبتى🙂

  32. أحمد (زوج مخنوق سابقا ) Said:

    مررت من قبل بمشاعر متقاربة مع شعورك الحالي
    اكرر كلام أختي مجداوية بدعاء اللهم اجرني في مصيبتي و أخلفني خيرا منها

    النسيان نعمة ربنا بيديها للي بيحتاجها
    يعني اللي عايز ينسى ربنا بينسيه

    حاولي تشغلي وقتك لان الفراغ أكبر أعداء النسيان

    نسال الله ان يرزقك خيري الدنيا و الاخرة

    تحياتي

  33. EMMY BABY Said:

    عجبنى جدا جزء انه لا يتناسب مع دينك وانك انتى فضلتى الفرار بدينك والله فعلا جيتى على الجرح بكل كلماتك

    بس والله احسن حاجة فعلا زى مانت قلتى منبكيش على واحد هيخلينا نخسر حاجة غالية عندنا وهو دينا

    تحياتى

    ايمى

  34. (أم البنين) Said:

    أسأل الله أن يشرح صدرك وينزل عليك السكينة ويعوضك خيرا

  35. princess Said:

    قدر الله وما شاء فعل
    واتمنى ليكى حياة افضل باذن الله

  36. la3lahakhier Said:

    لاتحزنى ..ودعى مافات وابدأى الحياة
    نورتى الكلوب

  37. nour shahen Said:

    دا اكيد انه خسران
    لأن اللي يبيع قلب صادق في الزمن دا اكبر خسران وخسارته فادحه فعلا

  38. نهر الحب Said:

    لا حول ولا قوة الا بالله
    عارفة كلماتك قوية لدرجة انها تبعث على الالم فى النفس لو ان رجلا عاقل ما جعل امرأة تصل لهذا الحد من كراهيتة
    رحمك الله برحمته واثابك على صبرك عليه
    ووفقك الله الى ما يحبه ويرضاه

  39. Nabil Said:

    السلام عليكم…..

    على قد مانا شايف ان حضرتك سعيده بس مش عرف اقول ايه…..

    ربنا يوفقك لما فيه الخير لك.

    ويسعدك فى الاتى ان شاءالله.

    بس انا هاقولك حاجه .

    “اذا ترحلت عن قوم وقد قدروا ***الا تفارقهم فالراحلون هم”(المتنبى)

    ارق تحيه

  40. ريمان Said:

    السلام عليكم

    حبيبتى

    حاسه بيكى والله

    وحاسه انك مرتاحه الوقتى كتير

    ويا رب يحقق لك كل اللى فى بالك وربنا هيعوضك بحاجات كمتير حلوه

    وواضح ان عندك اولاد

    ربنا يقر عينك بيهم ويبقوا ذريه صالحه

    وبكره جاى احلى

    ان شاء الله

    على فكره نحن السابقون

    مش انتى لوحدك والله

  41. موناليزا Said:

    محمد غالية
    ــــــــ
    اهلا بيك استاذ محمد
    ربنا يكرمك واشكرك جدا لرايك
    دمت طيبا ولمدونتى زائرا

    **********************************

    غنيم
    ــــــ
    وعليكم السلام ورحمة الله وبركاته
    اهلا بيك يادكتور
    الحمدلله فعلا فاول الغيث قطرة:)
    وعقبال ماتباركلى على نصر ربنا ليا واسترداد ممتلكاتى الغالية
    ربنايكرمك واشكرك جدا لدعائك لى ولمشاركتك
    دمت طيبا ولمدونتى زائرا

    *********************************

    انا حر
    ــــــــ
    اهلا بيك يافندم
    :)متهيألى الموقف بكامله واضح تماما
    عموما اشكرك جدا لرايك ولمشاركتك
    دمت طيبا ولمدونتى زائرا

    ********************************

    احمد كمال
    ــــــــــ
    اهلا بيك استاذ احمد
    رجاء خاص لاتقول لى”عزيزتى”
    اشكرك جدا على مشاركتك وكلماتك المشجعة
    ربنا يكرمك ويرزقك بكل الخير

    *********************************

    مسدس صغير
    ـــــــــــ
    اهلا بيك يافندم
    لانه كذلك فقد كسبت الكثير

    ***********************************

    مونى
    ــــــ
    اختى الحبيبة::)الاتنين ياقمر
    اطمنى ياحبيبتى اناالحمدلله بخير وهذا أفضل لى كثيرا

    *********************************

    رفقة عمر
    ــــــــــ
    اختى الحبيبة:وانا مش محتاجة اكتر من دعائك اللى عندى بيساوى الكثيييير

    طب ماتجربى تبعتيلة رسالة ولا حاجة يمكن ربنا يهديه ويرجعهولك بسرعة
    ان شاء الله تحاولى تفتحيها تانى تلاقيها اتفتحت

    *********************************

    رندا
    ـــــ
    اختى الحبيبة:تعرفى من ضمن المفارقات الغريبة انه لو كان يعرف ان الموضوع ده هيسعدنى مكنش عمله:) لكن ربك كبير

    ماتتخيليش كلامك ريحنى قد ايه
    ربنا يسعدك ويفرح قلبك

    **********************************

    جيجى
    ـــــ
    اختى الحبيبة:لازم طبعا نكون مخلصين لاخر نفس فى عمرنا فنحن نتعامل مع الله وليس مع احد غيره
    نورتينى حبيبتى ودمتى بخير

    ********************************

    خالد
    ـــــــ
    اهلا بيك استاذ خالد
    اشكرك جدا لمشاركتك ويارب ماتجرب الاحساس ده بجد
    وانا عشمى فى ربنا كبير وظنى به خيرا
    وهذا اجمل القول لاحول ولاقوة الا بالله

    ********************************

    ام يوسف
    ـــــــــ
    اختى الحبيبة:اهلا بيكى فى زيارتك الاولى
    اعتذر جدا على استقبالك بهذا البوست لو اعرف انك جاية كنت اكيد غيرته:)

    الحمدلله ياحبيبتى قدر الله وماشاء فعل وانا فعلا اكبر مكسب بالنسبة لى ان بنتى ماتت ومبقاش اب ليها
    ربنا يكرمك ويتقبل دعائك ويرزقك بكل الخير

    *********************************

    حاسوباتية
    ــــــــــــ
    اختى الحبيبة:لو كان يعرف ده مكنش عملها:)

    *********************************

    ونا بى فيزيائى
    ـــــــــــــــ
    اهلا بيك يادكتور
    الحمدلله طمنتنى
    ربنا يكرمك ويريح بالك ويسعد قلبك

    ***********************************

    غربتى
    ـــــ
    اختى الحبيبة:الحمدلله حقا فلولاه لانهرت مما حدث ولكن فضل الله عليا عظيم
    صح حبيبتى فمن لا أمان له لا ايمان له ومن لاعهد له لادين له
    ياربنا لك الحمد كما ينبغى لجلال وجهك ولعظيم سلطانك
    نورتينى حبيبتى واسعدتنى مشاركتك

    ******************************

    كفاية طيبة
    ـــــــــ
    اختى الحبيبة:ان شاءالله ياجميلة فرجه قريب
    واول الغوث قطرة
    اشكرك جدا لرايك ولمشاركتك
    تسلميلى حبيبتى من كل شر

    **********************************

    احمد(زوج مخنوق سابقا)
    ــــــــــــــــــــ
    اهلا بيك استاذ احمد
    ربنا يكرمك على نصيحتك الغالية
    ويباركلك يارب فى فاطمة ومامتها
    اشكرك جدا لمشاركتك

    **********************************

    ايمى بيبى
    ـــــــــ
    اختى الحبيبة:الحمدلله فعلاالذى هدانى الى هذا فالتنازلات كانت ستأتى تدريجيا ودون ان تشعرى(من عاشر القوم اربعين يوم بقى منهم)
    الحمدلله بجد
    دى نسيت اكتبها وانتى فكرتينى
    “اشكرك لانى لو كنت فضلت معاك اكتر من كده كان ممكن جدا اكون ذيك”
    دى حصريا ولايمى فقط🙂
    نورتينى حبيبتى ودمتى بخير

    ********************************

    ام البنين
    ــــــــــ
    اختى الحبيبة:ما اجمل هذا الدعاء
    ربنا يسعدك ويرزقك بكل الخير

    *******************************

    برينسيس
    ـــــــــ
    اختى الحبيبة:ان شاءالله قريب ليا وليكى
    اشكرك جدا لمشاركتك

    *******************************

    لعلها خير
    ـــــــــ
    ايه النور ده؟
    اهو انا دلؤتى بشكره جدا جدا لانك اخيرا نورتينى بعد طول غياب:)
    تعرفى انى كنت بجد عايزاكى تقرأى البوست ده
    بس واضح ان القلوب عند بعضها:):)
    اما عن حياتى فاحاول جاهدة البدء من الصفر بس المشكلة بقى انى لسه بدور على الصفر اللى هبدأ منه:)
    وعن حزنى فبالتأكيد ليس عليه ولكن على اشياء كثيرة اغلى انتى عارفاها طبعا:)
    نورتينى ومبسووووطة جدا بزيارتك

    ********************************

    نور شاهين
    ــــــــــــ
    اختى الحبيبة:ايوة كدا طمنتينى:)
    ربنا يريح بالك ويسعد قلبك ويرزقك بكل الخير

    ********************************

    نهر الحب
    ـــــــ
    اختى الحبيبة:تعرفى اوقات كتير كنت بحس فعلا انه اكيد متعمد لانى بقول ذيك كده مش معقول حد طبيعى ويكون كده
    ربنا يكرمك بجد واشكرك جدا لمشاركتك

    **********************************

    نبيل
    ـــــ
    وعليكم السلام ورحمة الله وبركاته
    اهلا بيك استاذ نبيل
    قولى مبروك:)
    رغم انى مفهمتش معنى هذا البيت(وارجو التوضيح)
    بس بشكرك جدا على مشاركتك ودعائك لى

    **********************************

    ريمان
    ـــــــ
    السلام عليكم ورحمة الله وبركاته
    اختى الحبيبة:ربنا يكرمك ويتقبل دعائك ولكى بالمثل ان شاء الله

    مش عارفة واضح ازاى ان عندى اولاد:)

    انا بحمد ربنا انه مبقاش اب لاولادى فى علم الغيب
    بصى لمذيد من التوضيح ادخلى الرابط ده
    http://monaliza110.blogspot.com/2008/02/blog-post_25.html
    ربنا يسعدك يارب ويرزقك بكل الخير

  42. طوبة ذهب وطوبة فضة Said:

    قلبى معك وقد اغرورقت عينايا من تاثرى بكلامك حقا الفراق صعب والاصعب منه سوء الاختيار فادعو الله من كل قلبى ان يسعد فى حياتك القادمه واعلمى وما ربك بظلام للعبيد وان شاء الله هينصرك عشان تاخدى كل حقوقك ويرجع لك كل اللى راح منك ربنا يكرمك ويوفقك ياربويعوض صبرك خير ان شاء الله

  43. عاشقه الجنه Said:

    انا لله و انا اليه راجعون
    بس تعرفي
    بعد كل فشل لازم لازم يجي نجاح
    انا جربت قبل كده فشل في شغل و اتظلمت لكن تعرفي ان ده كان الخير ليا لانه بعدها ضاقت بيا و بعدها متتخيليش ربنا فرجها اد ايه فرج من وسع
    بس المهم اليقين في الله
    فالله عز وجل عند ظن عبده بيه
    فان ظنيتي ان ربنا هيكرمك بالاحسن منه سبحان الله هتلاقي ان فعلا الاحسن منه هيجي فالله سبحانه لا يخلف الميعاد
    و صدق حيث قال ان مع العسر يسرا
    و ليس بعد العسر يسرا

    ربنا يسعدك موناليزتي ويوفقك
    و كل عام و انتي ربخير

  44. عاشــــــ النقاب ـقــــة"نونو" Said:

    السلام عليكم ورحمة الله
    كل عام وانتم الى الرحمن اقرب
    مش عارفة اقولك ايه لاني في يوم وقفت وقفتك مع فارق بسيط
    لكن وقتها حمدت ربنا اوي
    والحمد لله ان مفيش اطفال بينكم
    قدر الله وما شاء فعل
    تحياتي حبيبتي وربنا يرشدك للخير يارب

  45. المعتصم Said:

    بسم الله الرحمن الرحيم
    السلام عليكم ورحمة الله وبركاته
    أختى الكريمة موناليزا تقبلى تحياتى
    أعلم ان الالم يكون لايوصف ولايطاق عندما نجد الغدر مكان الحب والخيانه مكان الاخلاص والخداع مكان الوفاء وكل ذلك يكون من أناس من المفترض اننا اخترناهم ليكونو اقرب الناس الينا لذا تكون جراحنا عميقة
    ولكن بالصبر والايمان والاختساب عند الله عز وجل تهون الدنيا والجراح تندمل والالم يخف تدريجيا حتى يزول نهائيا بإذن الله
    أختى الكريمة خفف الله الامك وشفا جراح قلبك
    وصدقينى بعد كده هتلاقى انك فعلا انتى الكسبانه
    تقبلى مرورى وتحياتى ودمتى بكل خير وود

  46. المعتصم Said:

    معلش على التعليق التانى ده بس انا فهمت دلوقتى انتى ليه قلتى عندى المهم انه فى الاخر ضحك
    وان شاء الله انتى كمان ربنا هيخليكى تضحكى وكتيييييييييير
    تقبلى تحياتى

  47. مجداوية Said:

    السلام عليكم

    قرأت التعليقات والحمد لله رب العالمين على ايمانك واحتسابك وزادك الله بصيرة وحبا لله وحبا متبادلا بيننا وبينك فى الله دائما

    تفسير قول المتنبى الذى جاء به الأخ نبيل غاية فى الروعة ويلخص كل ما كتبتيه

    فمعناه أنك اذا قررت الرحيل عن أناس وكان فى استطاعتهم ألا ترحلى وتفارقيهم بسحن المعاملة والتقدير لك( وقد قدروا ألا تفارقهم ) فهم الخاسرون وهم الراحلون عن هذا المكسب( فالراحلون هم )

    بيت شعر رائع حقا

    فجزاه الله خيرا أن وضعه فى التعليق

    وبالتأكيد فالراحلون هم

  48. موناليزا Said:

    طوبة ذهب وطوبة فضة
    ـــــــــــــــــــ
    اختى الحبيبة:بعد كلامك الجميل ده مش لاقيه غير جزاكم الله خيرا كثيرا لمشاركتك ولدعائك لى ربنا يسعدك

    **********************************

    عاشقة الجنة
    ـــــــــــ
    اختى الحبيبة:اهلا اهلا ياجميلة بعد طول غياب:)
    لعل المانع كان خير

    الحمدلله وانا واثقة جدا فى وعد ربنا
    وماتتخيليش كلامك ريحنى قد ايه وزود ايمانى ويقينى فى الله
    ربنا يكرمك ويعزك ويرضى عنك
    وكل عام وانتى بالف خير ياجميلة

    ***********************************

    عاشقة النقاب
    ــــــــــــــ
    وعليكم السلام ورحمة الله وبركاته
    اختى الحبيبة:الحمدلله ده ربنا كريم اوى هو انا كنت مصدقة انه ممكن يدينى حريتى
    الحمدلله بجد قدر الله وماشاء فعل
    اشكرك جدا لمشاركتك وكل عام وانتى بالف خير

    *********************************

    المعتصم
    ــــــــ
    وعليكم السلام ورحمة الله وبركاته
    اهلا بيك يافندم
    ربنا يكرمك ويسعدك ويفرح قلبك يارب على مشاركتك لى
    وانا مبسوطة بتعليقك التانى عشان تعرف بس ان الضحك ده نعمة كبيرة اوى ربنا مايحرمناش منها ابدا
    دمت طيبا ولمدونتى زائرا

    ********************************

    مجداوية
    ـــــــ
    وعليكم السلام ورحمة الله وبركاته
    اختى الحبيبة:الحمدلله فعلا فنعم ربنا لاتعد ولاتحصى فلله الحمد عدد ماكان وعدد ماسيكون

    بجد مش لاقيه كلام يوصف سعادتى بمتابعتك للتعليقات ولزيارتك ولتوضيح هذا البيت غير جزاكم الله خيرا
    تعرفى قرأت هذا البيت مرارا ولم أفهمه حقا لكن بعد شرحك ليه بشكرك جدا وبشكر استاذ نبيل عليه

    ربنا يخليكوا ليا وماتحرم منكم ابدا ماتتخيليش وجودكم فرق فى حياتى قد ايه
    نورتينى حبيبتى ودمتى بخير

  49. الربان Said:

    تحياتي

    في رأيي : انه ليس المهم من يخسر..المهم
    ان نحاول ان نقوم( بضم النون وفتح القاف وكسر الواو وسكون الميم)..ياريت
    قبل ما نخسر انسان ان نحاول ان نقومه
    و نعيده الي الطريق القويم..ان كان مخطأً

    وفي حالة الانفصال…فالخاسر الاكبر ، في رأيي ، هم الاطفال…بين الزوج و زوجته.

    اسأل الله لك و للجميع التوفيق و السداد و الرشاد….

    تحياتي و تقديري

  50. نبضات Said:

    مش لاقيه كلام اقوله غير دموع تاثرت بكلماتك ….ربنا يصبرك ويعينك على اختبار الله لك . فالحياه ماهى الا اختبار قصير وينور لكى بصيرتك دائما فى ان ترى حقيقه البشر التى تختفى وراء شخصيتهم
    فعلا معرفة شخص مخادع ربحا
    وخساره انسان مخلص خساره لاتعوض

    نادرا ماتجدى حد يتعامل بمعانى الامانه والصدق والاحترام والوضوح لكن الاكثر هو الكذب والخداع والتلون حسب المصلحه لذلك بدعيلك ان ربنا ينور بصيرتك دائما لانها من اجمل الدعوات فى زمنا هذا ان نستطيع رؤية حقيقه البشر حتى ولو خدعنا بعض الوقت ولكن يكفيكى فخرا انك لم تعيشى مخدوعه طول العمر وانك استطعتى ان تاخذى القرار
    فى ناس كتير بتعيش مخدوعه ولا تحب ان ترى الحقيقه ولا تاخذ القرارات الحاسمه حتى لاتتالم
    لذلك من الشجاعه ان يستطيع الانسان ان ياخد القرار الصائب مهما كان مؤلم ويتحمل تبعياته

    قلبىىىىىىى معاكىىىىىىىىىىى

    وربنا يصبرك ويقويكى فى اختبار الله لك

    تحياتى

  51. موناليزا Said:

    الربان
    ــــــــ
    اهلا بيك يافندم
    من كرم ربنا ان مفيش اطفال
    اشكرك جدا لمشاركتك

    ********************************

    نبضات
    ــــــــ
    اختى الحبيبة:ربنا يسعدك ويرضى عنك ويرزقك بكل الخير اينما تكونى
    اشكرك جدا لمشاركتك ولدعائك لى
    نورتينى حبيبتى ودمتى بخير

  52. mayada Said:

    مرسي ياموناعلي سؤالك كل سنه
    وانت طيبه ياجميله

  53. موناليزا Said:

    ميادة
    ــــــــ
    اختى الحبيبة:لا شكر على واجب يامادى
    الحمدلله انك بخير وطمنتينى عليكى
    وكل سنة وانتى بالف خير يارب

  54. حنان الشافعي Said:

    موناليزا الجميله من يبعث في قلبك كل هذا الالم اكيد انه خسر حبا وقلبا وروحا وقليل من يجد هؤلاء معا ادعو الله لك بالصبر وله بالهدايه لست وحدك في احساسك كثيرون مثلك ولتحمدي ربك انه علمك النسيان

  55. موناليزا Said:

    حنان الشافعى
    ـــــــــــــــ
    اختى الحبيبة:الحمدلله ياجميلة ده من كرم ربنا
    ربنا يعزك ويسعدك
    اشكرك جدا لمشاركتك ولدعائك لى
    نورتينى حبيبتى ودمتى بخير

  56. الزعيمة Said:

    بسم الله الرحمن الرحيم
    السلام عليكم ورحمة الله وبركاته

    دي انتي يا امة الله اللي بتتكلمي عنها؟
    انا عرفت انك من الدقهلية ونفسي اتعرف عليكي انا كمان من المنصورة
    ربنا يحميني ويحميكي يا رب ويقدملنا اللي فيه الخير

  57. موناليزا Said:

    الزعيمة
    ـــــــــ
    وعليكم السلام ورحمة الله وبركاته
    اختى الحبيبة:للاسف أيوة
    ياحبيبتى ده شئ يسعدنى اننا ولاد بلاد واحدة واننا نتعرف على بعض
    ربنا يكرمك ياقمر ويتقبل دعائك
    نورتينى حبيبتى ودمتى بخير


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: