لولاها لشَبَّ حريق

دخلت المطبخ لكى أسخن الرز.ولعت البوتجاز على العين الصغيرة وهدأت النار تماما ًوتركته يسخن على مهله.
-وأنا مطمئنة تماماَ فالنارتكاد تكون مطفئة- ثم مالبثت أن شممت رائحة شياط. للوهلة الأولى لم أهتم إعتقاداَ منى أنه أكيد مصدرإنبعاث هذه الرائحة حريق قش الرز الذى يجعل الدخان يصل إلينا حتى لو مِن على بُعد.
حسمت موقفى وذهبت إلى المطبخ لكى أطمئن.ويالهول ما رأيت النار ماسكة فى الجونتى القماش بجوار الموقد وتزحف على الباقى .ألهمنى الله بعد ذهولى من المنظر ووقوفى أشاهد لمدة ثوانى أن أضع الجونتى سريعاً فى الحوض وأفتح عليه الحنفيه وأفتح الشفاط والشباك سريعاً فالرائحة لاتطاق وكدت أن أختنق.والحمدلله كاد أن يصبح الموقف أصعب من ذلك بكثير لو لم أدخل فى الوقت المناسب ولكن الله سلّم. والحمدلله جت سليمة.
َالغريب فى الموضوع أن أنا الوحيدة فى البيت اللى شميت هذه الرائحة رغم أن حاسة الشم عندى من أضعف مايكون لدرجة أنى ممكن أقطع البصل دون أن أذرف دمعة واحدة!!.
حقا يارب أنعمت علينا بنعم كثيرة لا تُعد ولا تُحصى.
فيا ربنا لك الحمد كما ينبغى لجلال وجهك ولعظيم سلطانك.
أردت أن أذكر هذا الموقف لأنى قرأت سؤالاً فى إحدى المدونات عن الحاسة التى يمكن الإستغناء عنها
وكانت إجابات البعض :حاسة الشم.
إليهم أهدى هذا الموضوع فلولا حاسة الشم التى منحنى الله إياها لشبَّ حريق.
وإليكم أهدى هذا السؤال
ما آخر موقف استشعرت فيه بكرم ربنا وعطفه عليك؟
وحينها قلت من كل قلبك وبإيمان كامل.
الحمد لله

***********************
أدعوكم لقراءة هذا الموضوع
أنت والآخرين ( الجزء الخامس )

76 Comments »

  1. ghorBty Said:

    السلام عليكم ورحمة الله وبركاته

    جزاك الله خيرا اختي امة الله والحمد لله انها جئت سليمه ربنا يحرسكم من كل شر اللهم امين

    بالنسبه لسؤالك اقولك يا ستي

    الحمد لله الواحد من فتره وهو متعود علي حاجه ان اي موقف او حدث لا يعدي عليه كدا مر الكرام لا بل المؤمن دائما كيس فطن دائما مطلوب انه يتأمل ويتفكر ويقول سبحان الله والحمد لله وربنا بيقول ( وكل شئ خلقناه بقدر ) يعني كل شئ دقيق الامر وكبيره مقدر عند ربنا عز وجل فهذا يحتاج منا ايضا التفكر يعني انا دائما اقول سبحان الله ليه قبلت الاشخاص دول اكيد لحكمه طيب ليه حصل معايا الموقف الفلاني والتفكير بالمنطق دا هيخلينا دائما في وضع شكر وحمد لله عز وجل لاننا هنحس ونستشعر بوجده معنا طول الوقت ومش هنحس بالبعد او السرحان
    شكلي طولت وخرجت عن موضوع السؤال
    اخر شئ وانا بتغدي اليوم افتكرت الناس اللي مش لقيه لقمة عيش واحنا الحمد لله كله متوفر عندنا فقلت الحمد لله الذي رزقني هذا من غير حول مني ولا قوه .

    جزاك الله خيرا علي التذكرة وانا بقول الحمد لله انه هناك اناس دائماحريصه علي الخير فهذه ايضا نعمه تستوجب الشكر

  2. كلمة حق Said:

    الحمد لله على سلامتك وسلامة الجميع

    خدى بالك المرة الجاية إحنا مش مستغنيين عن عضو مجلس استشارى وخصوصاً لما يكون أمة الله .

    أجابة على سؤالك:

    نعم ربنا لا تعد ولا تحصى وأولها نعمة الاسلام ولكن:
    من أكثر النعم التى حمدت الله عليها وشعرت بكرمه وفضله على عندما رزقنى بزوجتى ورفيقة عمرى …..فعلا الزوجة الصالحة وكذلك الزوج الصالح نعمة كبيرة ونادرة جداً هذه الايام .

  3. ABOALI Said:

    نعم الله لا تحصى
    فاءن احصيت فلا تنسى
    انك انسان خلقت لتنسى
    كم تمر عليك الليالى
    وانت بأنعم” ولا تبالى
    انظر لحاجبيكا وتعجب
    اذا تصببت عرقا”
    كانت الحمى لعينيكا
    انظرشكل لاذنيكاغضاريفا”
    فاءن كانت عظاما”
    كنت كل يوما تعانى الكسرا
    انظر وانظر وانظر
    فاءن اطالت النظر
    فاعلم انك على مدى الشوف
    سته على سته
    ستة امتار تراها من النعمى
    بوضحا” فانظر حواليكا
    لم تكن سته على سته
    تساوى واحد انسيتا
    يااااااااااااا
    انساااااااااان
    انظر وتدبر لنعم الله عليكا

    جميل اننا ننظر للنعم
    والاجمل ادراك قيمة هذه النعم
    فى يوم من الايام مرضت
    ولم استطع ان اتقلب فى سريرى على الجانب الاخر من الالم
    فكنت انزل من السرير واذهب الى الجانب الثانى لاءنام على الجانب الاخر
    وهكذا
    فسبحان الله حركة ونحن نائمين نفعلها بشكل لا ارادى
    احتاج لها ولا استطيع فعلها فاءفهم
    وادرك قيمة هذه النعمة
    مجرد ان اتقلب بشكل طبيعى فى السرير يسارا ويمينا نعمة
    فما بالنا بباقى النعم التى لم ندركها

    فحمدا لله على سلامتك واشكرك لطرحك حتى ناءخذ العبرة لاءنفسنا
    تحياتى

  4. أحمد المسلم Said:

    السلام عليكم ورحمة الله وبركاته

    نعم هذا من فضل الله عليك بل وعليكم أيضا ولتتعلمي أنه ما أصابك لم يكن ليخطأك وما أخطأك لم يكن ليصيبك أليس كذلك ؟ .

    فإن أصابك مكروه لا قدر الله فلا تقولين ليتني كنت في البيت أو ليتني ما فعلت كذا فلتتعلمي أن الله سلم وأن الله قدر هذا الأمر فلله الحمد والمنة .

  5. blue-wave Said:

    بالفعل يارب
    لك الحمد كما ينبغى لجلال وجهك وعظيم سلطانك

  6. Gannah Said:

    الحمد لله على
    سلامتك يا موناليزا
    لم يخلق الله شىء الا لوظيفة ولسبب
    الحمد لله على كل نعمة
    الحمد لله حمدا كثيرا كما ينبغى لجلال وجهه وعظيم سلطانه
    سبحان الله اللى خلاكى تنتبهى للرائحة وسبحان الله اللى ألهمك شكره وجعلك تتفكرين وتتأملين الموقف لتخرجى لنا بهذا الدرس
    تحياتى

  7. لؤلؤة الرحمن Said:

    السلام عليكم ورحمه الله وبركاته
    ———————————

    سؤال غريب اانه ايه النعمه اللى ممكن الاستغناء عنها
    طبب ازاى
    يعنى ربنا خلقلنا شيئ بدون فايده
    الله المستعان
    والله ما خلقنا عبثا ولا هباء

    قال تعالى

    “وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ “

    نعبده سبحانه بكل حواسنا ونشكره على نعمه وعلى خلقه لعبادتنا له

    تسلمى حبيبتى بوست مميز
    ——————————

  8. mony Said:

    الحمد لله الذي لا يحمد علي مكروه سواه

    اللهم لك الحمد كما ينبغي لجلال و جهك و لعظيم سلطانك

    سبحان الله
    ربنا كتبلك عمر جديد

    بس خدي بالك بعد كده

    اما بالنسبة للموقف اللي شكرت ربنا من قلبي و قلت الحمد لله

    هو كان عندي عبد الله بس
    و كان مضايقني اوي ولازق فيا بطريقة عجيبة و شغال زن طول اليوم
    و اخر اليوم قعدت اصرخ فيه و اقول انا زهققققت
    حرام
    اخرس بأه
    ابعد عن وشي شوي

    كنت خلاص خرجت عن شعوري

    و بعد شوية كان بياكل بلح
    و قشرة صغيييرة اتحشرت في زوره و مش عارف لا يبلع ولا يخرجها
    و انا شايفة ابني قدامي وشه ازرق
    و مش قادر ياخد نفسه
    و عنيه بتروح خاالص
    و بدأ يطلع دم من فمه نتيجة ان القشرة جرحت زوره

    الحمد لله ربنا الهمني اني اهط ايدي لحد اخر زوره و زقيت القشرة و نزلت الحمد لله

    و ربنا نجاه

    بس ديه كانت قرصه خفيفة
    علشان امسك نفسي بعد كده

    و اول ما بدأ يفوق

    خريت لربنا ساجدة بقول من قلبي

    الحمد لله كما ينبغي لجلال وجهك و لعظيم سلطانك

  9. موناليزا Said:

    غربتى
    ـــــــــ
    وعليكم السلام ورحمة الله وبركاته
    اختى الحبيبة:ربنا يكرمك ويتقبل دعائك ولكى بالمثل اللهم امين
    وجميل ان تستشعرى حكمة الله فى جميع المواقف التى تتعرضين لها
    ولايهمك حبيبتى طولى براحتك انا مبسوطة بمشاركتك
    ربنا يوسعها عليكم كمان وكمان ويرزقكم شكر الله دائما
    نورتينى حبيبتى ودمتى بخير

    ***********************************

    كلمة حق
    ـــــــــــ
    اهلا بيك يافندم
    ربنا يسلمك من كل شر واشكرك جدا على النصيحة والحمدلله جت سليمة
    ربنا يباركلك فى زوجتك ويباركلها فيك ويكتب لكم السعادة الابدية اللهم امين
    دمت طيبا ولمدونتى زائرا

    *****************************

    ابو على
    ـــــــــــ
    اهلا بيك يافندم
    دائما تمتعنا بكلماتك الراقية والتى تعطى قيمة بالغة للموضوع
    ادام الله عليك هذه الموهبة وماحرمنا من تعليقاتكم الثرية

    سبحان الله حقا انك اشرت الى نعمة يكاد يتجاهلها معظمنا
    ربنا يمتعك بصحتك ويكفيك شر الامراض ويبعد عنك اى مكروه

    الله يسلمك اخى الكريم والشكر لله وحده الذى هدانى لهذا
    دمت طيبا ولمدونتى زائرا

    **********************************

    احمد المسلم
    ــــــــــــ
    وعليكم السلام ورحمة الله وبركاته
    اهلا بيك استاذ احمد
    اشكرك جدا لمشاركتك
    وفعلا اخى الكريم قدر الله وماشاء فعل والحمدلله الذى نجانى وأهلى من حريق محقق
    دمت طيبا ولمدونتى زائرا

    *********************************

    بلو واف
    ــــــــــ
    اهلا بيك يادكتور
    حقا لانملك سوى الحمد والشكر لمن تفضل علينا بجميع مانحن فيه من نعم
    ربنا يجعلك دائما من الحامدين الشاكرين
    دمت طيبا ولمدونتى زائرا

    *********************************

    جنة
    ـــــــ
    اختى الحبيبة:الله يسلمك ياغاليتى
    وفعلا الحمدلله على كل شئ
    وحقا ان الله ارحم بنا من امهاتنا فهو وحده القادر على كل شئ
    تسلميلى يارب من كل شر ويجعلك دائما فى احسن حال واتم صحة
    وحشتيييينى جدا وبحبك جدااااااااا
    نورتينى ياجميلة ودمتى بخير

    ********************************

    لؤلؤة الرحمن
    ــــــــــــــــ
    وعليكم السلام ورحمة الله وبركاته
    اختى الحبيبة:السؤال مش غريب الغريب بجد اجابة حد ممكن يستغنى عن اى نعمة ربنا اعطاها لنا
    نورتينى حبيبتى ودمتى بخير

    *********************************

    مونى
    ــــــــ
    اختى الحبيبة:اه والله الحمدلله
    قدر ولطف
    ياحبيبتى بعيد الشر عنه ربنا يحميه يارب ويخليهولك
    اقولك على سر لما تلاقى صغيرك منرفزك اوى خدى نفس عميق وتخيلى اللى محرومين من نعمة الاطفال وبعد كده ابتسمى فى وشه واحضنيه
    ربنا يهديهولك يارب وتشوفيه راجل قد الدنيا
    اشكرك ياقمر على مشاركتك
    نورتينى حبيبتى ودمتى بخير

  10. حياتنا الزوجية Said:

    السلام عليكم ورحمة الله وبركاته

    احنا لسة حتي لم نعقد اولي جلسات المجلس الاستشاري

    الحمد لله علي سلامتك وبارك الله فيك لتذكرتنا بهذه النعمة التي لا اعتقد ان هناك انسان يستطيع الاستغناء عنها…

    هتصدقيني لو قلت لكي ان اخر موقف هو بعد دخولي مدونتك الان انت عرفه ايه هو

    دخلت فوجدت ان عدد المعلقين علي البوست قبلي هو 8 مدونين وانا التاسع ولكني وجدت ان منهم 5 من اعضاء رابطة هويتي اسلامية وبجد فرحتي بغربتي اول تعليق انه كان هناك جسرا من التعارف عبر الرابطة بارك الله فيكم وجعلكم اكثر ارتباطا وادام علينا الرابطة بخير باذن الله

    نتمني دوام التواصل

    والله هذا ما اشعر به

    حياتنا ” ابو فاطمة “

  11. حاول تفتكرنى Said:

    الحمد لله جت سليمة

    بالنسبة للسؤال لا إجابة حاضرة ، لكنى عندما قرأته قلت الحمد لله فى كل وقت

    تحياتي

  12. Khaled Said:

    الحمد لله انها جت سليمه ..
    اما عن المواقف .. فكتيرة جدا
    يوم ما كاوتش العربية فرقع و العربية ماتقلبتش بيا ..
    كل يوم بنشوف نعم ربنا علينا و بنحمدة و شاكرين فضلة أدام علينا الله نعمة الحمد

    مميزة دائما

  13. ghoneem Said:

    السلام عليكم

    أخبار حضرتك ايه يارب تكوني بخير وكل أحبابك

    أعتذر عن تأخيري ولكنها ظروف أعرف أنك ستقدريها وتقبلي عذري

    بس أنا أجي كدة الاقي المدونة فيها حريقو وشياط ايه الحظ ده كله
    كمان حد يسخن رز يا موناليزا كليه ساقع مش مهم يعني تسخنيه
    :d
    المهم انها الحمد لله جت سليمة وربنا ستر فله الحمد

    أما الاجابة علي سؤالك
    مواقف بالنسبة لية كتير جدا بشوفها يوميا عشان طبيعة شغلي وبقول الحمد لله علي نعمه وكرمه
    من يعيش ف المستشفيات وبالتحديد في غرف العمليات مثلي لأن وقتي كله ف غرف العمليات يشعر بنعم الله وفضله وكرمه ونعمة الصحة كفي بها نعمة

    الحمد لله
    اللهم عافنا في أبداننا وفي أسماعنا وفي أبصارنا واعفو عنا يا كريم
    امين امين امين

    سعيد بزيارتي وسعيد أكتر بتشريفك ودوام سؤالك

    دعواتي ليكي بكل الخير
    تحياتي

    بالتوفيق…………….

  14. ahmed_k Said:

    الحمد لله
    فلأن البلاستيك أصبح من أساسيات
    أغلب الصناعات الحديثه فمآسي
    الحرائق أصبحت مروعه
    ونعم الله علينا لا تعد ولا تحصى
    لذلك يروى أن عابدا قال
    أنا سأدخل الجنة بعملي فقد ظللت أعبد
    الله واخلص له العباده طوال عمري
    فجيئ بعمله ووضع على أحدي كفتي الميزان وفي الكفة الأخرى نعمة البصر
    فلم يوفي كل عمله شكر نعمة البصر
    هنا أيقن أن دخول الجنه بفضل الله وكرمه هو الأصح وليس بالعمل فقط
    ولكنه رغم ذلك يحاول كل منا أن يؤدي ولو القليل من شكر نعم الله عليه
    وينتظر من ربه الفضل في المثوبه

    بارك الله فيكي على البوست الهادف
    تقبلي خالص تحياتي

  15. wanna b a physician Said:

    الحمدلله انها جت السليمة
    وطبعا احنا مش نقدر نستغنى عن اى حاسة مهما كانت لان كل حاسة ليها وظيفتها واهمية والا لما خلقها الله ؟

    اما السؤال اخر مرة كنت فى الكلية قولت الحمدلله على نتيجة يعنى وكدا ان ربنا ادانى احسن من اللى كنت متوقعه
    الحمدلله على كل شىء

  16. mohamed ghalia Said:

    أختى العزيزة
    نعم الله علينا لا تعد ولا تحصى
    ولا توجد نعمة نستطيع أن نستغنى عنها
    أما أخر موقف شعرت فيه بكرم ربنا علي
    كل موقف بمر بيه أو كونى إنى أصلا بعمل أى حاجة فيها خير ده من كرم ربنا عليا

  17. واحدة مفروسة Said:

    اولا حمدا لله على سلامتك
    قدر و لطف
    نعم ربنا علينا كتيرة ياقمرة
    و ماينفعشي اننا نختار انهو حاسة اقدر استغنى عنها
    لو قدر المولى فى فقدان حاسة من الحواس
    بيعوضها من عنده بحاجه تانيه
    احنا نحمد ربنا على كل حال
    و ان شكرتم لأزيدنكم
    ربنا يبارك لنا فيما عندنا
    والحمد لله الذى عفانا بما ابتلى بيه غيرنا
    سلام و تبقى تاخدى بالك المره الجاية
    و يعنى نصيحة اخوية سيبك من المطبخ خاااالص
    هههههههههههههههه

  18. الطائر الحزين Said:

    ينزل قضاء الله معه لطفه

    الصلاة

  19. د.مادو Said:

    نعم الله علينا لا تعد ولا تحصى
    ولا نستطيع الاعن أحدها
    و الحمد لله ان ربنا ستر معاكى
    و ياريت تقولى ايه حكايه هويتى اسلاميه
    يمكن اشترك معاكو

  20. الازهرى Said:

    مونااليزا
    اختى فى الله

    لا اعرف كيف يقرر انسانا من كان ما الذى يمكن ان يستغنى عنه
    فالله تعالى يقول
    “ان كل شىء خلقناه بقدر “

    كل ما بنا هو لحكمة وكل نعمة لا نجد امامها سوى ان نشكر الله عز وجل لا ان نقول اننا نستغنى عنها

    تحياتى وتهنئتى بالسلامة التى كتبها الله لك

  21. (أم البنين) Said:

    جزاك الله خيرا أختي
    رأيت فيلما تسجيليا عن الحواس وكان فيه تجربة أن تسد أنف شخص وتغمى عينه ويختبر في تذوق الشوكولاته
    والعجيب أنه لأنه لم يشم لم يتذوق
    وهذا حالنا عندما نصاب بالزكام
    الشم أختي له فائدة أيضا لأننا نتذوق بعض النكهات بسبب الرائحة مع الطعم
    سبحان الله
    اللهم لا تحرمنا ريح الجنة
    جزاك الله خيرا

  22. الربان Said:

    تحياتي

    حمدا لله علي سلامتك…و سلامة المنزل و اهله فمعظم النيران من مستصغر الشرر
    و بالفعل انعم الله علينا جميعا بنعم لا تعد و لا تحصي …بل النعمة الواحدة لا
    تعد و لا تحصي فوائدها…

    اقترح علي حضرتك و الجميع اقتناء طفاية حريق منزلية صغيرة….للطواريء.

    بالنسبة لسؤال حضرتك عن اخر موقف
    اسنعرت فيه بكرم ربنا و عطفه عليَ
    دائما ما اشعر بذلك عند استيقاظي من النوم…فبرحمة من الله و كرمه..لم يمسك
    روحي و اطلقها لاحيا الدنيا لفترة اخري
    من الزمن قد تطول او تقصر….فأبادر
    بالقول : الحمد لله الذي احيانا بعد ممات.

    بارك الله فيك لانك نبهتينا الا نستكين
    او نتهاون حين الاحساس بوجود خطأ ما

    تحياتي و تقديري

  23. romansy Said:

    الحمد لله ربنا ستر
    ربنا مدلينا نعم كتير جدا بس ياريت نقدر نحافظ عليها
    الحمد لله قد ولطف
    وحمد الله على سلامتك

  24. كـــيــــــــارا Said:

    اولا الحمد لله ان مش حصل حاجه

    ثانيا سوالك

    اخر ازمه مريت بيها قلت الحمد لله

    بجد لحمد لله علي كل شي

  25. موناليزا Said:

    حياتنا الزوجية
    ــــــــــــــــ
    وعليكم السلام ورحمة الله وبركاته
    اهلا بيك يافندم
    رغم انى مش فاهمة وجه الارتباط بما حدث وبعدم انعقاد الجلسات بعد
    لكن الله يسلمك واشكرك جدا
    وفعلا اخى الكريم فنعم الله غالية جدا ولاتقدر بثمن
    اشكرك جدا لمشاركتك وربنا يفرح قلبك كمان وكمان
    دمت طيبا ولمدونتى زائرا

    ********************************

    حاول تفتكرنى
    ـــــــــــــــ
    اهلا بيك يافندم
    والف حمد وشكر لله
    ورغم عدم ذكرك لموقف بعينه بس يكفينى انك قلت حين القراءة الحمدلله
    دما طيبا ولمدونتى زائرا

    **********************************

    خالد
    ـــــــــ
    اهلا بيك استاذ خالد
    فعلا والله الحمدلله عدد ماكان وماسيكون
    اشكرك جدا لمشاركتك والف حمدالله على سلامتك وسوق على مهلك بعد كده
    دمت طيبا ولمدونتى زائرا

    **********************************

    عنيم
    ـــــــــ
    وعليكم السلام ورحمة الله وبركاته
    اهلا بيك يادكتور
    انا الحمدلله بخير وفى فضل ونعمة من الله اشكرك جدا لسؤالك
    عذرك معاك اخى الكريم المهم ان تكون بخير وفى احسن حال
    معلش يادكتور لو اعرف انك جاى كنت كتبت حاجة عن المناسبة الجميلة اللى فرحتنا بيها البوست اللى فات
    وبالنسبة للرز انت عارف ان الجو اليومين دول برد اصلا
    يعنى اول ماهسيبه شوية هيبرد ولانى بطيئة فى اكلى فكد كده هاكله بارد:)
    والحمدلله بجد قدر ولطف

    ربنا يمتعك بصحتك يارب ويجعلك سبب فى علاج مرضى المسلمين ويديم عليك جميع نعمه

    ربنا يكرمك ويتقبل دعائك ولك بالمثل ان شاء
    سعدت جدا بزيارتك وبمشاركتك
    دمت طيبا ولمدونتى زائرا

    **********************************

    أحمد -ك
    ـــــــــ
    اهلا بيك استاذ احمد
    ربنا يكرمك واشكرك جدا لمشاركتك
    وفعلا اخى الكريم سندخل الجنة برحمة الله وليس بعملنا
    نسأل الله ان يجعل أحسن اعمالنا خواتيمها واجمل ايامنا يوم ان نلقاه
    دمت طيبا ولمدونتى زائرا

    **********************************

    ونا بى فيزيائى
    ـــــــــــــــــ
    اهلا بيك يادكتور
    الف حمد وشكر ليك يارب
    ربنا ينجحك دائما باعلى التقديرات ويجعلك دائما من الذاكرين الشاكرين
    دمت طيبا ولمدونتى زائرا

    ********************************

    محمد غالية
    ــــــــــــــ
    اهلا بيك استاذ محمد
    ربنا يقدرك دايما ويعينك على فعل الخير ويجعلك سببا فى سعادة من حولك اللهم امين
    دمت طيبا ولمدونتى زائرا

    **********************************

    واحدة مفروسة
    ــــــــــــــــ
    اختى الحبيبة:الله يسلمك ياقمر
    اه والله الحمدلله قدر ولطف
    ههههههه ازاى اسيب المطبخ وانا بدخله كهواية
    نورتينى حبيبتى ودمتى بخير

    ********************************

    الطائر الحزين
    ــــــــــــــــــ
    اهلا بيك يافندم
    صدقت اخى الكريم
    وفعلا اذا اردت ان تكلم الله فعليك بالصلاة
    اللهم يامقلب القلوب ثبت قلوبنا على دينك
    دمت طيبا ولمدونتى زائرا

    ***********************************

    د/مادو
    ــــــــــ
    اهلا بيك يادكتور
    الحمدلله فعلا قدر ولطف
    اما عن حكاية هويتى اسلامية فطبعا نرحب بوجودك معنا ولمزيد من الايضاح ادخل على هذا الرابط
    http://hawetyhawety.blogspot.com/
    واترك تعليقا هناك برغبتك فى الاشتراك
    ويسعدنا دوام التواصل
    دمت طيبا ولمدونتى زائرا

    ********************************

    الازهرى
    ــــــــــــ
    اهلا بيك يافندم
    ربنايسلمك من كل شر
    واشكرك جدا لمشاركتك
    دمت طيبا ولمدونتى زائرا

    *********************************

    أم البنين
    ــــــــــ
    اختى الحبيبة:ربنا يكرمك على هذه المشاركة القيمة
    وأدخلنا جميعا الفردوس الاعلى بلا حساب اللهم امين
    نورتينى حبيبتى ودمتى بخير

    **********************************

    الربان
    ـــــــــ
    اهلا بيك يافندم
    الله يسلمك اخى الكريم والحمدلله قدر ولطف
    اشكرك جدا على هذا الاقتراح الطيب وسيتم التنفيذ فى اقرب وقت ان شاء الله
    ربنا يكرمك على مشاركتك وجعل لسانك دائما حامدا شاكر لله رب العالمين
    دمت طيبا ولمدونتى زائرا

    *******************************

    رومانسى
    ــــــــــــ
    اهلا بيك يافندم
    اه والله الحمدلله
    الله يسلمك اخى الكريم وحفظك الله من اى مكروه
    دمت طيبا ولمدونتى زائرا

    *********************************

    كيارا
    ـــــــــ
    اختى الحبيبة:فعلا الحمدلله جت سليمة
    ورغم انك ماقلتيش ايه هى الازمة اللى مريتى بيها بس الحمدلله انها خلاص خلصت وانتهت
    نورتينى حبيبتى ودمتى بخير

  26. جنّي Said:

    السلام عليكم

    بداية اقدم اعتذاري فكم انا مقصر ..

    ندعو الله تعالى ان يديم علينا نعمه كلها ..

    وندعوه أن يوفقنا لشكر نعمته علينا ..

    كثيرا هي المواقف التي يتعرض لها الانسان ويقول فيها الحمد لله جت سليمة ..

    بالنسبة لي كل مرة تهبط فيها الطائرة بسلامة الله .. بسبب كثرة سفرياتي .. فإحساس بالضعف الشديد امام قدرة الله وانتي على بعد 30 الف قدم من الأرض يجعلك تحمدين الله تعالى الاف المرات بعد سلامة الوصول ..

    شكرا لتذكيرك لنا دائما بفضل الله علينا ..

    شكرالله لكي وتحيتي

  27. حبيبة الروح Said:

    الحمد لله علي كل شئ وحمد لله علي سلامتك وسلامه البيت كله الحمد لله
    اخر موقف حصلي وحمد ربنا عليه بجد
    انه كشفلي ناس كنت فكره اني غاليه عندهم اي نعم انا الناس دي جرحتني وقتها بس كويس انهم اتكشفو امامي
    حمد لله علي سلامتك

  28. momken Said:

    الف سلامه

    والحمد لله على نعمه جميعاً

    سبحانك ربنا لك الحمد كما ينبغى لجلال عرشك وعظيم سلطانك

    تسلم ايدك

    تحياتى

  29. ☼♫♪ عمــاد الدين يــوسف ☼♫♪ Said:

    اولاً : الحمد لله على ألطاف الله وقدره المخفف
    واسال الله ان يقينا جميعا مصاب الغفله

    ثانياً : لو كان الله عز وجل يعلم اننا يمكن ان نتخلى عن نعمة الشم لما رزقنا إياها من البدايه

    تحياتي

  30. عـــفـــراء Said:

    السلام عليكم
    منى ازيك يارب تكونى بخير حبيبتى
    الحمد لله ربنا سترها ويارب ماتتكرر تانى ويعافينا من تلك النار فى دنيانا واخرتنا
    يااااااااه مواقف كتير اوى يامونى بتعدى علينا ووقتها بنقول الحمد لله انه فضلنا عن باقى خلقة
    احيانا بيمر عليا هنا بحكم الجمعية حالات صعبة جدا تبكى الاحجار سواء كانت فقر او مرض
    وقتها بجد بنعرف قيمة اللى احنا بيه
    عافنا الله جميعا وحمدا منه على تلك النعم
    كل التحية والتقدير…..

  31. بنت أبيها Said:

    الحمد لله على نعمه التي لا تحصى

    ذكرتيني بتدوينتي قبل الحالية

    تحياتي ليكي يا قمر

  32. اقصوصه Said:

    فعلا

    الله سلم وستر

    ولا تنسين

    الصدقه تدفع البلاء

    الحمد لله ع سلامتكم

    والحمدلله ان الامور ما تطورت وعدت ع خير

    تقبلي مروري

  33. Dr- Hema Said:

    الحمد لله على سلامتك وسلامة البيت

    والحمد لله على نعمة إن تم عدها لا نحصيها

    “وإن تعدوا نعمة الله لاتحصوها” صدق الله العظيم

    فالنعمة جاءت مفرد فلماذا نعدها

    لان النعمة الوحدة تتكون من الكثير من النعم التى لاتعد ولا تحصى

    فسبحان رب السجود

    د/هيما

  34. موناليزا Said:

    جنى
    ــــــــ
    وعليكم السلام ورحمة الله وبركاته
    اهلا بيك استاذ سعيد
    عذرك معك اخى الكريم المهم ان تكون بخير
    اللهم اجعلنا من الشاكرين الحامدين الذاكرين لله كثيرا
    أشكرك جدا لمشاركتك
    دمت طيبا ولمدونتى زائرا

    *********************************

    حبيبة الروح
    ـــــــــــــــ
    اختى الحبيبة:ربنا يسلمك يامى انتى وكل من تحبى من كل شر واى مكروه
    وفعلا رغم الجرح الذى يترك فى اعماقنا جراء اكتشاف خداع المقربين ولكن نحمدالله كثيرا اننا اخيرا الهمنا الصواب واكتشفناهم على حقيقتهم
    ربنا يبعد عنك مكر شياطين الانس والجن اللهم امين
    نورتينى ياقمر وتسلمى من كل شر

    *********************************

    ممكن
    ـــــــ
    اهلا بيك يافندم
    الله يسلمك من كل شر
    وجعلك الله دائما من الحامدين الشاكرين
    دمت طيبا ولمدونتى زائرا

    *********************************

    عماد الدين يوسف
    ـــــــــــــــــ
    اهلا بيك استاذ عماد
    فعلا الحمدلله على كل شئ ودائما ندعوا اللهم قنا واصرف عنا شر ماقضيت
    وسبحان الله فعلا ماخلق هذا باطلا
    دمت طيبا ولمدونتى زائرا

    **********************************

    عفراء
    ـــــــــ
    وعليكم السلام ورحمة الله وبركاته
    اختى الحبيبة:الحمدلله انا بخير ماتحرمش ياقمر من سؤالك وربنا يتقبل دعائك ويحرم اجسادنا على النار فى الدنيا والاخرة اللهم امين
    وما اجمل ان نستشعر نعم الله عليناوتفضيله لنا ونحمده ونشكر فضله
    ربنا يديم نعمه علينا اللهم امين
    نورتينى حبيبتى ودمتى بخير

    **********************************

    بنت ابيها
    ـــــــــــ
    اختى الحبيبة:تستاهلى الحمد
    ويارب نكون دائما من الحامدين الشاكرين لله
    نورتينى ياقمر واشكرك لمشاركتك

    *********************************

    اقصوصة
    ـــــــــ
    اختى الحبيبة:الحمدلله قدر ولطف
    ربنا يسلمك من كل شر
    ماتحرمش ياقمر
    نورتينى حبيبتى واسعدتنى زيارتك

    ********************************

    د/هيما
    ــــــــــ
    اهلا بيك يادكتور
    الله يسلمك اخى الكريم والحمدلله قدر ولطف
    صدقت اخى الكريم فالنعمة الواحدة لاتعد ولاتحصى
    دمت طيبا ولمدونتى زائرا

  35. المستنصر بالله Said:

    الحمدلله ان ربنا سلم
    وكل حاجه ربنا منحها لنا لايمكن الاستغناء عنها ولا بكنوز الدنيا
    وارى فضل ربنا عليا فى كل شئ يكفى اننى اسيطيع ان اشم واسمع وامشى واحرك يدى
    يارب لك الحمد كما ينبغى لجلال وجهك ولعظيم سلطانك

    تحياتى لحضرتك

  36. Mahmoud farag Said:

    الحمد لله كل شئ… جت سليمة

    تقبلي مروري ويسعدني زيارتك لمدونتي

  37. Geo Amr Said:

    السلام عليكم ورحمه الله وبركاته انا من وجهه نظرى انى مفيش نعمة تفضل عن نعمة اخرى لان كلها لها نفس الدرجة من الاهمية حد جرب مرة نعمة النوم يعنى مثلا انه يتحرم من نعمة النوم بجد احساس صعب جدااااااا انك مش تعرف تنام فتعم اللله عز وجل كثيرة وكلها لها نفس الاهمية مفيش حاجة اكتر من حاجة

  38. الشيشان فخر الأمة Said:

    الحمد الله أن خرجتم سالمين…

    نعم الله علينا كثيرة

    وهى أكثر من أن يحصيها قلم..

    جزاكِ الله خيرا…

  39. mohra Said:

    لا يخلق الله اي شيئ عبثا
    و كل الحواس فى غايه الاهميه و لكنى قد اختار التخلص من لسانى لانه سيدخلنى جهنم حدف

  40. Abo 7anf Said:

    السلام عليكم
    يستغنى عن حاسه الشم
    وبالمره التذوق
    مهو الاكل اللى من غير رائحه ملهوش طعم
    مفيش حاجه ربنا بيدهلنا ملهاش اهميه ابدا

    عارفه المواقف كتير ربنا بيقف جنب الواحد
    لما اكون داخل لجنه شفوى عند دكتور غلس وادعى ربنا انها تعدى
    واطلع مبسزط من اللجنه
    اى حاجه حلوه او وحشه بتحصل للواحد
    بحس انها كدا احسن ليا
    و يمكن لو كان البتمناه موجود
    كنت خسرت

  41. دنيتى الجميله Said:

    سلامتك يا قمر
    الحمد لله ان ربنا سترها عليكم
    ربنا يسترها دايما معانا ومع جميع المسلمين
    اما بالنسبه للمواقف فهى لا تعد ولا تحصى
    والحمد لله ان ربنا بيسترها وبيحفظ ولادنا
    عندى عمر بيلعب فى كل حاجه وكل حاجه
    ودايما اللهم لك الحمد ربنا بيسترها عليه
    وسلام يا جميل

  42. همس الحنين Said:

    الحمد لله على سلامتك نعم ربنا كتير
    وعلطول اى حاجة تحصل زى دى يجب ان نقول لعلة خير وان شاء الله خير

  43. ammola Said:

    السلام عليكم
    سبحان الله
    الواحد لما بيكون عنده شوية زكام بيشعر ان مافيش حاجة لهاطعم ازاى نحس انها حاجة مش مهمة
    انتى الوحيدة اللى شميتى الحريقة وبتقولى ان الشم عندك ضعيف
    🙂
    الحمد لله على جزيل نعمه وليس هناك نعمة كبيرة أو صغيرة بل كلها عظيمة يارب
    وحشتينى بجد…تحياتى ليكى

  44. أمة الله Said:

    احيكى على هذا الموضوع ,وفعلا سبحان الله الواحد عنده نعم كتيره بس هو مش حاسس بيها.الحمد لله على كل نعمه ظاهرة و باطنة, ما نعلم منها وما لا نعلم .اللهم لك الحمد فى الاولى و الاخرة.

  45. منى Said:

    الحمد لله انك بخير يا منمن
    بقى الحاسه الضعيفه عندك هى كانت السبب فى انقاذك
    سبحان الله وبحمده سبحان الله العظيم
    يا الله المدبر

    اخر مره من يومين تقريبا كنت مسافره لوحدى وتعبانه واشتريت حاجات كتير واكتشفت انى مخدتش كل الفلوس معايا وكنت مرعوبه وخايفه بتاع التاكسى يطلب كتير او العربيه اللى هتودينى بلدى تعطل واضطر اخد غيرها والفلوس متكملش
    بس الحمد لله ربنا ستر وروحت معايا اتنين جنيه
    ولله الحمد من قبل ومن بعد
    ربنا يجعلك دايما سبب فى تذكرنا لافضال الله
    تحياتى

  46. مجداوية Said:

    السلام عليكم

    أولا الموضوع الذى سالتينى فيه وجدت اجابته وأخذته من رفقة عمر وموجود على ايدك اليمين وانت داخلة عندى

    ثانيا وهى المفروض تبقى أولا ألف حمدالله على سلامتك فالله لطيف بالعباد
    ويا صاحب اللطف الخفى نجنى بلطفك الخفى

    أنا عندى أكلة شهيرة بأعملها كويس جدا اسمها هباب الحلة أينعم هباب الحلة لأنى كل ما أنوى أعمل كباب حلة لازم أنساه واشم ريحة شياط !!! لكن وجدت حلا انى أجلس بجواره تقريبا عشان لما هف عليا ىكل كباب حلة اتذنبت جنبه لحد ما استوى على خير وكانت من المرات النادرة انى آكل كباب من غير هباب
    حدث لى موقف مثلك مع الأكل وكنت برضة باعمل هباب حلة بس ده من زماااااااااااان أيام الكلية وكنت راجعة مش شايفة قدامى وحطيت الكباب على النار ويا دوبك باسند راسى نمت قمت على خبط شديد على الباب وفتحت عنيا لقيت الدنيا كلها بيضااااااا وكأنى باحلم طبعا رحت لقيت الكباب تحول الى سحاب والحلة تحولت الى حفرة سوداء على حمرا على كل الألوان والجيران اتلموا والتليفزيون صور🙂🙂
    لالا الجيران بس اتلموا واطمنوا ان الدخان الأبيض ده المرحوم الكيلو اللحمة مش أنا وده كان لطف كبير من ربنا
    لكن فى الحقيقة كل يوم وكل لحظة من عمرنا نحن محروسين برعاية الله ولولا ذلك لكان الحال غير الحال
    فالحمد لله رب العالمين
    موضوع رائع ومميز وفكرنى بهباب الحلة حاعمله بكرة بقى وأتذنب جنبه
    أول حاجة تعمليها هو قفل الغاز وفصل الكهربا وعلى فكرة فيه قواعد للحريق متعلقة عندنا فى المدرسة المرة الجاية حاكتبها عشان دى مهمة جدا
    شفتى بقى شوية رز فتحوا عليك فتوحة
    سلام غاليتى

  47. واحد من البلد دى Said:

    انا بعتذر عن التأخير بس و الله اول ما بلاقى فرصة انى اتنفس بدخل على طول
    حتى لو مش بقدر اعلق لضيق الوقت
    لكن بقرء البوستات الجديدة

    تحياتى

  48. موناليزا Said:

    المستنصر بالله
    ـــــــــــــ
    اهلا بيك يافندم
    اه والله الف حمد وشكر ليك يارب
    ومعك حق فكنوز العالم اجمع لاتساوى حتى آهة ألم حينما نصاب بدور برد
    ربنا يكرمك وجعلك دائما من الحامدين الشاكرين
    دمت طيبا ولمدونتى زائرا

    *********************************

    محمود فرج
    ــــــــــ
    اهلا بيك استاذ محمود
    فعلا الحمدلله قدر ولطف
    نورت مدونتى وتسعدنى زيارتك

    *********************************

    جيو عمرو
    ـــــــــ
    وعليكم السلام ورحمة الله وبركاته
    اهلا بيك يافندم
    وقد ذكرت نعمة لايشعر بها فعلا الا من هم مصابوا بداء القلق ولا يستطيعون النوم الا بالمهدئات
    عافانا الله واياكم
    ويارب ديم علينا نعمتك وأعنا على ذكرك وشكرك وحسن عبادتك
    دمت طيبا ولمدونتى زائرا

    **********************************

    الشيشان فخر الامة
    ــــــــــــــــــ
    اهلا بيك يافندم
    الف حمد وشكر ليك يارب
    ربنا يكرمك وفعلا ان تعدوا نعمة الله لاتحصوها
    دمت طيبا ولمدونتى زائرا

    **********************************

    مهرة
    ـــــــ
    اختى الحبيبة:اهلا اهلا بالدكتورة الجميلة
    ههههههههه وده برضه كلام أمال هتغنى ازاى طيب
    ربنا يمتعك بصحتك ويفرح قلبك يارب
    نورتينى حبيبتى ودمتى بخير

    *******************************

    ابو حنف
    ــــــــــــ
    وعليكم السلام ورحمة الله وبركاته
    اهلا بيك يافندم
    معنى جميل اوى استشعرته فى تعليقك وهو ما اصابك لم يكن ليخطأك
    ربنا يوفقك ويكتبلك النجاح دايما اللهم امين
    دمت طيبا ولمدونتى زائرا

    ******************************

    دنيتى الجميلة
    ــــــــــــــ
    اختى الحبيبة:الله يسلمك من كل شر
    اه والله الف حمد وشكر ليك يارب
    ربنا يحفظلك عمر ويباركلك فيه ويحميه من اى شر اللهم امين
    نورتينى ياقمر وتسلمى ياحبيبتى

    **********************************

    همس الحنين
    ــــــــــ
    اختى الحبيبة:الله يسلمك ياقمر
    والحمدلله حمدا دائما طيبا مباركا فيه
    نورتينى حبيبتى ودمتى بخير

    *********************************

    امولة
    ــــــــــ
    وعليكم السلام ورحمة الله وبركاته
    اختى الحبيبة:اهلا اهلا بالقمر فينك ياجميلة من زمان وحشتيينى جدا ويارب دايما تكونى بخير

    اه والله تخيلى ده حتى اوقات كتير بنسى انى بشم أصلا:)
    نورتينى حبيبتى ودمتى بخير

    *********************************

    امة الله
    ـــــــــــ
    اختى الحبيبة:تستاهلى الحمد
    وجعلكى الله دائما من الشاكرين الحامدين
    نورتينى حبيبتى ودمتى بخير

    *******************************

    منى
    ــــــ
    اختى الحبيبة:اهلا اهلا اذيك ياقمر
    اه والله الحمدلله ده ربنا كريم اوى
    اه والله سبحان الله انا الوحيدة اللى شميت والحمدلله انى قدرت اتصرف لان لما بتفاجأ بحاجة مبعرفش انطق ولاحتى انادى على حد فالحمدلله عدد ماكان وعدد مايكون

    ياا ماانت كريم يارب الحمدلله اليس هو الستير الحمدلله فعلا انك ماحتاجتيش لحد ومنع حاجتك للسؤال
    ده اكيد بفضل دعوات مامتك لانك اكيد بارة بيها ربنا يكرمك ويخليهالك ويفرح قلبها بيكى يارب
    نورتينى حبيبتى ودمتى بخير

    *********************************

    مجداوية
    ــــــــــ
    وعليكم السلام ورحمة الله وبركاته
    اختى الحبيبة:اهلا اهلا اذيك ياجميلة
    ماتحرمش ياقمر تسلميلى يارب
    اه والله الحمدلله قدر ولطف
    ياحبيبتى مش تاخدى بالك بعد كده ربنا ينجيكى دايما يارب من كل سوء
    طب ياريت بجد تكتبى هذه القواعد الذهبية ليستفيد منها الجميع
    نورتينى حبيبتى وتسلمى من كل شر

    **********************************

    واحد من البلد دى
    ــــــــــــــــــــ
    اهلا بيك يافندم
    وحمدالله انك بخير وتسعدنى زيارتك ومشاركتك دائما
    دمت طيبا ولمدونتى زائرا

  49. ماما أمولة Said:

    الحمد لله على سلامتك

    الحمد لله اولا وآخرا

    في كل حياتي بقول الحمد لله

    دمتي بخير

  50. mahasen saber Said:

    لا اله الا الله
    سبحان الله قدر ولطففى قدره
    الحمد لله انك ادركتى الموضوع والنار من البدايه
    وبعدين جوانتيات المصبخ بوليستر كمان وبتلتهب بسرعه
    يا ربى الف الف سلامه
    وقدر الله وما شاء حصل
    الحمد لله على كل حال

  51. شيماء زايد Said:

    نستبعد دائما الخطر
    ونستهين برسائل ربنانيه تحذرنا من وقوعه
    لم تنقذك حاسة الشم حبيبتي وانما الحاسة السادسة اللتي وهبنا الله إياها
    الحمد لله عز وجل علي كل النعم التي أمتعنا بها

    شكر لكِ حبيبتي التنويه عن الجزأ الخامس من سلسلة انت والآخرين (للخيانة وجوه كثيرة)

    تحياتي

  52. Hossam Said:

    سلام عليكم موناليزا
    بجد الموضوع هداف بطريقة مش طبيعية
    وياريت اللى يقؤا يحس بيه ويعرف هدفة ايه
    تقبلى مرورى
    وعلى فكرة انا نجحت

  53. maha zein Said:

    ياه ده الموضوع جاي علي الجرح
    انا لسة امبارح فعلا ربنا لطف بيا
    ولو دخلتي عندي هتعرفي الموضوع
    هاردي كان هيبوظ بكل ما يحتويه من شغلي فى خطي بحثي اللى بقالى كتير بعملها
    وكنت هقدمها كمان يويمن عشان رسالتى
    لولا ستر ربنا
    الهارد طلع فيه حاجة بسيطة
    بجد ربنا رؤوف كريم
    وفعلا حاسة الشم هي حاسة مهمة
    محدش يقدر يستغني عن اي حاسة من حواسه ابدا
    كلها فى نف سالاهمية

    ربنا ما خلقت هذا باطلا

  54. حـــــدوتـــــة Said:

    السلام عليكم

    يا سيتى حمد الله على السلامة
    والحمد لله انها جت على قد كده
    وبعد كده مالوش لازمة الجوانتى اساسا

    سلالالالالالالالالالالالالالالالالالالالالالالالالالام

  55. elsha3er Said:

    والله كل حاجة ربنا عطهنا ماينفعش الاستغناء عنها الحمد لله نحمد ربنا على هذة النعم

    جزاك الله خيرا

    احمد الشاعر

  56. مؤمنه Said:

    السلام عليكم ورحمة الله وبركاته

    جزاكى الله كل خير على هذه اللفته الطيبه
    لاشئ نستطيع ان نستغنى عنه من نعم الله علينا ولا هناك نعمة اعلى من الاخرى كلهم نحن بحاجه اليهم

    موقف استشعرت فيه بفضل الله على
    الحمد لله ما لجأت لله قط اا واجارنى

    دومتى باطيب حال
    ودامت لنا مواضيعك البسيطه والعميقه
    تقبلى تحياتى
    والسلام عليكم ورحمة الله وبركاته

  57. تايه في وسط البلد Said:

    سلام عليكم
    كيفك يا موناليزا
    هذا تدوين يبعث علي التفكير فيما اعتبرناه من المسلمات

    اولا لا شئ في هذه الحياة يسير دون ارادته جل شأنه مشفوعة برحمته وستره

    ثانياالسؤال المطروح كان سؤالا علميا ولبيان أثره تخيلي لو كنت شممتي رائحة الشياط لكنك لا تتمكنين من تحديد مصدره لانك حرمتي من نعمة البصر؟
    او انك تسيرين علي شريط القطار فانك لا تشمي رائحة الخطر القادم لكنك قد ترينه او حتي تسمعي صوته

    كلها من نعم الله..وادعو ان يديم الله عليك الستر والنعم ..وبالخصوص نعمة البصيرة

    تحياتي

  58. dalia Said:

    لا يوجد حاسة لا يمكن الاستغناء عنها اتفق معاك سبحان الله العظم والحمد لله انه ستر
    تحياتي

  59. موناليزا Said:

    ماما أمولة
    ـــــــــــــ
    اختى الحبيبة:ربنا يسلمك من كل شر
    وجعلكى الله دائما من الحامدين الشاكرين
    نورتينى حبيبتى ودمتى بخير

    *********************************

    محاسن صابر
    ـــــــــــــ
    اختى الحبيبة:ربنا يسلمك من كل شر
    والحمدلله فعلا قدر ولطف
    نورتينى حبيبتى ودمتى بخير

    *******************************

    شيماء زايد
    ـــــــــــــ
    اختى الحبيبة:اهلا بصاحبة القلم المتميز
    ربنا يديم علينا نعمه يارب ويجعلنا دائما من الحامدين الشاكرين

    لا داعى للشكر حبيبتى فكتاباتك تستحق ان يقرأها الجميع
    نورتينى ياجميلة ودمتى بخير

    **********************************

    حسام
    ــــــــ
    وعليكم السلام ورحمة الله وبركاته
    اهلا بيك استاذ حسام
    اشكرك جدا لرايك
    والف مبروووووووووك على النجاح ويارب دايما فى نجاح على طول
    دمت طيبا ولمدونتى زائرا

    **********************************

    مها زين
    ــــــــــ
    اختى الحبيبة:الحمدلله يامها قدر ولطف
    والف حمد وشكر لله ان مجهودك لم يضيع هدر
    اللهم اجعلنا دائما من الحامدين الشاكرين
    نورتينى حبيبتى ودمتى بخير

    **********************************

    حدوتة
    ــــــــ
    وعليكم السلام ورحمة الله وبركاته
    اهلا بيك يافندم
    الله يسلمك اخى الكريم والحمدلله فعلا قدر ولطف
    المفروض بعد اللى حصلى بسبب الجونتيات امتنع تماما لان دى مش اول مرة
    اول مرة بقى كانت افظع لانه ولع وانا لابساه بس الحمدلله لطف ربنا وكرمه معايا كبير
    اللهم احمينا من عواقب الدهر ومصائب الايام
    دمت طيبا ولمدونتى زائرا

    *********************************

    الشاعر
    ـــــــــ
    اهلا بيك استاذ احمد
    ربنا يكرمك وجعلك دائما من الحامدين الشاكرين
    دمت طيبا ولمدونتى زائرا

    **********************************

    مؤمنة
    ـــــــــ
    وعليكم السلام ورحمة الله وبركاته
    اختى الحبيبة:ربنا يكرمك فماتوفيقى الا بالله
    والحمدلله فعلا فهو وحده القادر على كل شئ
    أمن يجيب المضطر اذا دعاه بها ندعو ونحن مطمئنين
    نورتينى حبيبتى واسعدتنى زيارتك

    ******************************

    تايه فى وسط البلد
    ــــــــــــــــ
    وعليكم السلام ورحمة الله وبركاته
    اهلا بيك يافندم
    انا الحمدلله بخير اشكرك لسؤالك
    حقا ونعم بالله
    والحمدلله على جميع نعمه ويارب ديمها علينا واحفظها من الزوال
    ربنا يكرمك ويتقبل دعائك
    دمت طيبا ولمدونتى زائرا

    ********************************

    داليا
    ـــــــــ
    اختى الحبيبة:اهلا بيكى فى زيارتك الاولى
    الحمدلله على عظيم خلقه
    ولو سجدنا لله ابدا ماحيينا ماوفينا شكر نعمه علينا
    فياربنا لك الحمد كما ينبغى لجلال وجهك ولعظيم سلطانك
    نورتينى حبيبتى ودمتى بخير

  60. Tamer Alhosiny Said:

    الحمد لله انها جت سليمة
    وربنا ستر
    بس برضه مفروض تاخدي بالك بعد كدة
    وتتاكدي ان تالبتوجاز سليم بستمرار
    طبعا الحزر لا يمنع القدر
    لكن ربنا خلق كل شيء بسبب

    تحياتي
    تامر الحسيني
    انسن عاشق حر

  61. mayada Said:

    اي حاجه خلقها ربنا في جسم الانسان مهما كنت شايفها مش مهمه فهي مهمه
    جدا والحمد لله علي كل نعمه
    والشئ بالشئ يذكر انا كنت فاكره ان حاسه الشم مش مهمه
    ومحستيش باهميتها قد ايه غير لما حميتنا كلنا من تسرب غاز يعني لولاها كان البيت كله طار

  62. قلب ينبض لله Said:

    الحمدلله جت سليمة وربنا سلم وستر

    وبالنسبة للسؤال بتاع أي حاسة ينفع نستغني عنها
    أنا شايفة أنه مفيش
    ماينفعش نستغني عن أي حاسة خالص لأن كل واحدة بتقوم بحاجة مهمة جدا في حياتنا الحواس التانية مابتعملهاش

    وبالنسبة لسؤالك الأخير بتاع آخر موقف قولت فيه الحمدلله
    كنت لسه ببص في المراية وبحمد ربنا علي أنه خلقني في أحسن صورة

    أهم حاجة الرز أخباره ايه؟:)

  63. موناليزا Said:

    تامر الحسينى
    ـــــــــــــ
    اهلا بيك استاذ تامر
    فعلا والله الحمدلله قدر ولطف
    هو الحمدلله البوتجاز سليم غلطتى انى قمت بوضع الجونتى القماش اللى بمسك بيه اى حاجة سخنة قريب من الشعلة من غير مااخد بالى
    دمت طيبا ولمدونتى زائرا

    **********************************

    ميادة
    ـــــــــ
    اختى الحبيبة:الحمدلله قدر ولطف عندنا وعندكم
    فياربنا لك الحمد كما ينبغى لجلال وجهك ولعظيم سلطانك
    نورتينى حبيبتى ودمتى بخير

    **********************************

    قلب ينبض لله
    ـــــــــــ
    اختى الحبيبة:فعلا والله الف حمد وشكر ليك يارب
    ربنا يرزقك الرضا كمان وكمان ويرضى عنك اللهم امين
    الحمدلله طلع الرز كويس وكلناه بالهنا والشفا:)
    نورتينى حبيبتى ودمتى بخير

  64. TeVa Said:

    السلام عليكم ورحمة الله وبركاته
    حمد لله على سلامتك

    نعم الله علينا لا تعد ولا تحصى

    وليس هذا فحسب
    بل ينعم على العاصي قبل الطائع.

    وفوق هذا وذاك يستر على من عصاه
    أي رحمة هذه .

    سبحانك اللهم وبحمدك .

  65. رئـــــيسـة حزب الأحلام Said:

    يااااااااااااااااه
    حمد الله على السلامة الحمد لله انك لحقتى الموضوع
    بجد ربنا يحميكى
    تحياتى لكى

  66. حنان سعيد Said:

    جميل اوووي البوست ده بجد

    واعظم نعم ربنا علينا والي لازم نحمد ربنا عليها
    هو انه بيخلينا وبيقدرنا على اننا نشكره
    بجد لما بيجي على باي موقف واقول الحمد لله يارب على نعمتك
    بشكر كمان ربنا انه خلاني اتامل الموقف ده واستشعر فضل ربنا عليه فيه
    لان في ناس كتير اووي ممكن تحصصلها نفس المواقف ومايحشوش باي فرق او شكر لربنا

    ……..

    وبالنسبه لسؤالك
    اخر حاجه كانت النهارده لان سبحان الله في حاجه كانت نفسي تحصل وكنت فاكره انها صعبه اوووي
    بس لطف ربنا عليا خلها سهل جدا تحقيقها وسبحان الله حاجه غير متوقعه

    واكتر حاجه بردو بشكر ربنا عليها
    هو انه وفقني للخطبه من انسان عظيم جداا
    سبحان الله كان كل واحد مننا اخر حاجه يتخيلها انه ممكن يكون للتاني
    بس رحمه ربنا وكرمه كبير

    بجد تحياتي لك على روعه موضوعك
    تحياتي لك

  67. Frustrated Said:

    يا رب لك الحمد كما ينبغي لجلال وجهك و عظيم سلطانك.
    أنا أقول الحمد لله يوميا مئات المرات و لكنني أقولها بعفوية عندما أتعثر و أكاد أن أقع على الأرض سواء في البيت أو في الخارج!! لقد تعرضت لحادث كسرت فيه قدمي اثر سقوطي عليها، و استمرت توابعه شهور طويلة مما جعل فكرة السقوط أشبه بكابوس!! لذلك فالحمد لله هنا هي شكر لله على عدم تعثري و شكر لله أيضا على تجاوزي لأزمة الحادث السابق

  68. علاء سالم Said:

    السلام عليكم

    أولاُ حمداً لله على سلامتك وسلامة الجميع

    أما بالنسبة لسؤالك فكثيراً ما نحس هذا الإحساس كلما تفكرنا في مواقف حياتنا اليوميه

  69. اوعى تفكر Said:

    الحمد لله على نعمه اللى احنا مش حاسين بأهميتها وجمالها
    وخلى بالك بعد كده

  70. على عبدالله Said:

    اللهم لك الحمد كما ينبغى لجلال وجهك وعظيم سلطانك

    مش هابقى مبالغ لو قولتلك انى بقولها فى اليوم اكتر من مرة ،، وده طبعا غير التسبيح
    لان المواقف اللى بتحصل معايا كتير ومش سهل انى اعدداها،،

    جزاك الله خيرا
    وبارك فيك

  71. ((..همـ قلب واحد يجمعنا ـسات..)) Said:

    المدونة الفاضله : :
    ..نتمني لكِ مزيدا من التقدم والنجاح
    وان تكون مدونتك معبرة عن صوتك في كل مكـــــان
    .. .. .. … ..
    سعيا منا بأن نجعل من علاقتنا روحاً اكثر حباً وتواصلاً
    وبأن نجعل من صوتنا قوة أكثر انتشـــاراً وتأثيــراً .. ..
    وبأن نرتقي بفكرنا …وثقافتنا …وعلمنا …وخلقنا ..
    .. .. .. … .. .. ..
    ندعوكي للمشاركة معنا في رابطه همســات . . .
    …أول رابطه عامة تختص بالفتيات المدونات …..
    شاركينا الانطلاقه ..وكوني احدي اعضاء همسات وشاركينا
    اجتماعنا الاول …لتكون همسات .. قلب واحد يجمعنا
    فمعاً . . . . . نلتقي .. لنرتقي

    تحياتنا ::
    (( فريق العمل بهمسات ))

  72. موناليزا Said:

    تيفا
    ـــــــــ
    وعليكم السلام ورحمة الله وبركاته
    اهلا بيك يافندم
    الله يسلمك الحمدلله قدر ولطف
    حقا الحمدلله يارب انك انت ربى
    دمت طيبا ولمدونتى زائرا

    **********************************

    رئيسة حزب الاحلام
    ــــــــــــــــ
    اختى الحبيبة:ربنا يسلمك من كل شر ماتحرمش منك ياقمر ولا من دعائك
    نورتينى حبيبتى ودمتى بخير

    *********************************

    حنان سعيد
    ـــــــــــ
    اختى الحبيبة:اهلا بيكى فى زيارتك الاولى
    فعلا الحمدلله ان هدانا لشكر النعمة
    بارك الله لكما وبارك عليكما وجمع بينكما فى خير
    نورتى مدونتى واشكرك جدا لهذه المشاركة المتميزة

    ********************************

    فرستراتيد
    ــــــــــ
    اختى الحبيبة:اهلا بيكى فى زيارتك الاولى
    الحمدلله ياحبيبتى ان ربنا انعم عليكى بنعمة الشفاء ويارب يسلمك دايما من اى مكروه
    نورتى مدونتى وارجو دوام التواصل

    *******************************

    علاء سالم
    ـــــــــ
    وعليكم السلام ورحمة الله وبركاته
    اهلا بيك استاذ علاء
    ربنا يسلمك من كل شر اشكرك جدا
    اللهم اجعلنا من الحامدين الشاكرين
    دمت طيبا ولمدونتى زائرا

    *********************************

    اوعى تفكر
    ـــــــــــــ
    اهلا بيك يافندم
    حقا فضل الله علينا عظيما ولكن قليلا مانشكر
    مع ان الحذر لايمنع القدر ولكن حاضر يافندم واشكرك على النصيحة
    دمت طيبا ولمدونتى زائرا

    ********************************

    على عبدالله
    ـــــــــــــ
    اهلا بيك استاذ على فى زيارتك الاولى
    جعلك الله دائما من الحامدين الشاكرين الذاكرين لله كثيرا
    نورت مدونتى وربنا يتقبل دعائك

    *********************************

    همسات قلب واحد يجمعنا
    ـــــــــــــــــــ
    اهلا وسهلا
    سأكون عندكم قريبا باذن الله

  73. نور love story Said:

    السلام عيكم
    الحمدلله الذي هداكي الي هذا
    وذهتي الي المطبخ في الوقت المناسب

    انا برده حدث معي نفس الموقف ولكن انا بقلي السمك بس رحت اشوف بوبو وهو بيبكي ونسي القلايا علي النار فضيه ولعت وحبي اعمل زيك واحطها في الوض لكن ولعتت اكتر وسط زهول ودهشة
    ومش عارفة اتصرف رمتها في الحمام تحت الحنفية وقلت سمحني يارب بس كنت لوحدي

    وعلي قد ما عرفت اتصرف

    الحمد لله علي كل شيء

  74. موناليزا Said:

    نور
    ــــــــ
    وعليكم السلام ورحمة الله وبركاته
    اختى الحبيبة:اه والله الحمدلله عدد ماكان وماسيكون
    ياحبيبتى الحمدلله انها جت على قد كده
    بس خدى بالك بعد كده ربنا يحميكى يارب ويكفيكى شر اى حاجة وحشة
    نورتينى حبيبتى ودمتى بخير

  75. ست البيت Said:

    سلام عليكم يا موني ،
    وكل عام وانت بخير

    مواقف كتير والله
    خاصة لما بتكوني عاملة ذنب ويستره عليكي المولى عز وجل
    ويجود بحلمه وكرمه
    لما اكون معيش فلوس ويرزقني ولولا رحمة وعفوه وكرمه ما سقاني منها شربة ماء

    دا مش معناه ان قلبي صافي وعارفة لربنا حقة
    ربنا يتوب عليا خاصة من الشغل المختلط
    وبالرغم من كده بيرزقني ويعفو عنى ويرزقني ذكره

    عارفة يا موني كل حاجة بتحصلي في حياتي نعمة من الله بس فين الشكر؟؟؟؟
    ربنا ألهمنا شكرك
    وأعنا على ذكرك
    وفتح لنا أبواب طاعتك
    واجعل القرءان حجة لنا لا حجة علينا
    اللهم آمين

  76. موناليزا Said:

    ست البيت
    ـــــــــــ
    وعليكم السلام ورحمة الله وبركاته
    اختى الحبيبة:كل سنة وانتى طيبة ياقمر وبالصحة والسلامة
    صدقتى حبيبتى فنعم الله علينا لاتعد ولا تحصى
    اللهم ان لم نكن اهلا لبلوغ رحمتك فرحمتك اهلا لان تبلغنا لانها وسعت كل شئ
    نورتينى حبيبتى واشكرك جدا لمشاركتك


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: