أهلاَ بالضيف الغالى

لأن الضيف ده غالى أوى وميعاده مظبوط وبنستناه من السنة للسنة. يبقى لازم نستعد عشان نكرمه.
طبعا هو مش إكرام الضيف واجب؟.
يبقى لازم نستقبله إستقبال يليق بمكانته لدينا.
طبعا كل واحد وله طريقته فى إكرام ضيفه. بس فيه حاجات أكيد كلنا متفقين عليها واللى مش واخد باله أدينا بنفكره.
عموما أنا هتكلم عن طريقتى فى إكرام هذا الضيف الغالى واللى ناوية إن شاء الله أعمله.
1-الصلاة:عايزين نصلى أول الوقت للنساء وجماعة فى المسجد للرجال فى كل الفروض.(لا يقبل أعذار)
وماننساش النوافل وهم:2 قبل الفجر ,4 قبل الظهر,2بعد الظهر,2 بعد المغرب, 2 بعد العشاء.
حاجة مهمة جدا برضه مش عايزين ننساها وهى أننا نختم الصلاة بعد كل فرض.
وكيفيتها:سبحان الله 33 ,الحمدلله 33,الله أكبر33 ,لا إله إلا الله وحده لاشريك له له الملك وله الحمد يحيى ويميت وهو على كل شئ قدير.
فى حاجة كمان:قراءة الكرسى بعد كل فريضة.
وأيضا هذا الدعاء:اللهم أعنى على ذكرك وشكرك وحسن عبادتك( ثلاث مرات).
وماتنسوش”من آتى بالسُنة كثواب فريضة ومن آتى بفريضة كثواب سبعين فريضة”.
2-القرآن:بما إن رمضان هو شهر القرآن يبقى أى وقت عندنا فاضى نقرأ فيه قرآن ولو معندناش نفضى نفسنا المهم نحاول أن نختمه مش أقل من تلات مرات.
يعنى التليفزيون مش هيطير والمسلسلات بتتذاع على مدار العام أكثر من مرة والوقت اللى هنضيعه امام التلفاز إحنا أحق به فى قراءة القرآن.
3-الصدقة:ماتتردتش لحظة فى مساعدة محتاج والجودة بالموجود ذى مابيقولوا.يعنى ماتردش سائل أبدا وماتقولش يمكن يكون نصاب ياسيدى أنت بتتعامل مع ربنا وكل واحد ونيته وأنت مش عارف ظروفه إيه وعايزينها كمان تكون صدقة مدارية يعنى محدش يعرف عنها حاجة يعنى ايدك الشمال ماتعرفش إيدك اليمين أعطت إيه.
4- صلة الأرحام:ودى ليها طرق كتير يعنى لو بتشتغل وحبيت تعمل وأنت مروح زيارة على السريع كده يبقى خير.
بالتليفون فى أول رمضان تهنئ الكل بحلول رمضان يبقى جميل.
ولو مشغول أوى أوى يعنى ممكن نقضيها رسايل مع أنى مش بحبذ الفكرة دى لأن الإتصال تأثيره بيكون أقوى حتى لو دقيقة واحدة .
احنا عارفين ان رمضان فرصة والحسنة فيها مضاعفة يعنى مفيش كسل.
5- الدعوة إلى الله:لو عرفت حاجة حلوة وعايز تقولها عن الاسلام ماتتردتش.
لو شفت حد واقع فى مشكلة وتقدر تنصحه ماتتردتش.
عايزين طول الوقت نتكلم عن ربنا .
وكمحاولة منى سأعرض لكم مواعيد برامج ناوية أشاهدها فى رمضان وهى:
عمرو خالد(قناة الرسالة) و(قناة المحور) يوميا الساعة 10
مصطفى حسنى(قناة إقرأ) يوميا الساعة 11.
عبلة الكحلاوى (قناة الحياة) يوميا الساعة 9.5.
وفيه فكرة كمان إننا ممكن نبعت رسايل سواء على الإيميل او الموبايل نذكر بها انفسنا والآخرين بذكر الله
يعنى مثلا:“قل لاحول ولا قوة إلا بالله فإنها كنز من كنوز الجنة”
“كلمتان حبيبتان إلى الرحمن ثقيلتان فى الميزان خفيفتان على اللسان “سبحان الله وبحمده سبحان الله العظيم”.
“استغفر الله كثيرا”
قل الحمدلله ….. وما إلى ذلك من رسايل قصيرة ولكنها تحمل من الخير الكثير.
7- الصحبة الصالحة:رجاء خاص نبتعد عن أصدقاء السوء أو أى مخلوق هيتسبب فى ضياع وقتنا بلا فائدة.
ناخد أجازة ياجماعة ده شهر واحد لو اشتغلنا فيه كويس جميع ذنوبنا بإذن الله هتتغفر.
يعنى الموضوع يستاهل أى تضحية وأى مجهود.
8-الدعاء:عندنا امتيازات كتيرة فدعوة الصائم لاترد -ده على مدار اليوم-وللصائم عند فطره دعوة لاترد-وده ساعة الفطار-.
عايزين نخصص دعوات معينة ونركز عليها طول الشهر وبإذن الله قبل رمضان الجاى هتكون اتحققت
وهيكون التقسيم كالآتى:دعوتين أو أكثر لِما أحتاجه فى دنيتى و دعاء شامل لأحبائى كلاً باسمه وبالشئ اللى نفسه فيه .
-ماتنسوس أن الدعاء بظهر الغيب مجاب ويؤمن عليه الملائكة ودى فرصة اللى عايزنى أدعيله بحاجة محددة يبعتهالى وإن شاء الله يكون له نصيب من دعائى وبإذن الله ربنا يتقبل-.
وأخيراً دعاء للإسلام والمسلمين فى كل مكان.
وطبعا في أدعية أساسية بالجنة والعتق من النار وللوالدين.
9 -قيام الليل:ممكن يكون ساعة قبل الفجر وتقسمها ربع ساعة سحور وربع ساعة قيام ليل وربع ساعة قراءة قرآن والربع الساعة الباقيه دعاء إلى أن يؤذن لصلاة الفجر.
ولا ننسى الإعتكاف فى العشر الآواخر:نتحرى جميعا ليلة القدر لعلنا نكون من عتقائها ولا ننسى الدعاء الدائم.
10- ذكر الله:اجعل لسانك رطبا بذكر الله يعنى لو واقفة فى المطبخ أو كنت فى المواصلات أو نازل على السلم أو بتدور العربية أو مستنى برنامج دينى فى التليفزيون…
فيه حاجات عايزين نبعد عنها تماما وهى:
1- الخوض فى الباطل.
2-الخوض فى أعراض النساء.
3-الجدل.
4- البذائة (استخدام الألفاظ البذيئة).
5- السخرية والإستهزاء.
6-إفشاء الأسرار.
7-الوعد الكاذب.
8-النميمة(نقل الكلام).
9الغيبة(ذكر أخاك بما يكره).
10- .الكذب.
ربنا يعيننا على مجاهدة أنفسنا وأهوائنا .
**********************
على الهامش:
ــــــــــــــــــــــــــــــ

* هبدأ أجازتى التدوينية إن شاء الله طوال شهر رمضان ونلتقى على العيد بإذن الله.
*هتوحشوووونى جداً جداً وياريت تفضلوا فاكرينى وخصوصاً ساعة الفطار عايزة دعاء جماعى بأن ينصرنى الله على من ظلمنى.
*يسعدنى إستقبال أى تعليق على أى موضوع من موضوعاتى السابقة وبإذن الله سأقوم بالنشر و الرد حين عودتى.
وإلى أن نلتقى لكم منى أرق التهانى بحلول شهر رمضان أعاده الله علينا بالخير واليمن والبركات وأطيب الأمنيات بأن يكون شعارنا“لن يسبقنى إلى الله أحد“.
أترككم فى أمان الله.
وكل عام وأنتم جميعا بخير.

99 Comments »

  1. TIMMY Said:

    كل سنة و انتِ طيبة ..

    و أعاده الله علينا باليمن و البركات ..

    و شكرا على النصائح اللي ياريت نعملها كلها او حتى جزء منها ..

    و و الله فكرة حلوة إن الواحد ياخذ أجازة من النت في رمضان علشان تضييع الوقت ده ..

    نلقاكِ على خير إن شاء الله

    تحيتي

  2. رندا Said:

    رمضان كريم عليك وعلى اسرتك الكريمة
    تقبل الله صيامك وقيامك وغفر الله ذنبك

    اراك ان شاء الله بعد رمضان

    رمضان كريم

    رندا

  3. موناليزا Said:

    تيمى
    ـــــــــــ
    اهلا بيك يافندم
    كل سنة وانت طيب
    والنصايح دى حاجة بسيطة جدا هى تبان كتير لكن بعد التعود بتحس انها بقت جزء منك
    واهم حاجة الوقت لو نظمت وقتك ممكن تعمل اكتر من كده كمان
    ربنا يقدرنا ويقوينا
    وتقبل الله منا ومنكم صالح الاعمال
    *********************************
    رندا
    ـــــــــــ
    اختى الحبيبة:دايما سباقة بالخير
    وكل سنة وانتى طيبة ويارب يكون رمضان سعيد علينا جميعا
    وهتوحشينى جدا ياحبيتى واشوفك على خير يارب

  4. الطائر الحزين Said:

    اللهم اجعلنا اهلا لرضاك

  5. appy Said:

    كل سنه وانتى بخير ونشوفك بخير يا رب

  6. ســمـــر احمد Said:

    كل سنة و انت طائعة لربك يا موناليزا
    كل سنة و انت طيبة القلب .. رطبه اللسان بذكر الرحمن
    ربنا يسعد قلبك و يهديك للخير و يصلح لك حالك
    دعاء من القلب لك

  7. shaimaa samir Said:

    موناليزاافتقدك
    ولكن خيرا
    دعواتك لى ايضا
    وكل عام وانتى الى الله اقرب
    ورمضان كريم
    وبوست بجدجميل
    جزيتى الخير

  8. اوعى تفكر Said:

    اللهم بلغتا رمضان وبارك لنا فى شعبان

  9. منال مصطفى Said:

    كل عام و أنتي طيبة …و جزاكم الله خيرا و بعد رمضان إن شاء الله نتقابل و كل واحد يحكي كان في رمضان السنة دي عامل إزاي ، و فعلا إن شاء الله نصيحة حلوة بالبعد عن النت و التليفزيون علشان الوقت ميضيعش …و نلقاكي علي خير و كل عام و أنت بخير…

  10. mony Said:

    و ذكر فأن الذكري تنفع المومنين

    ربنا يأجرك علي تذكيرك ده

    و كل سنة و انت طيبة

    و اعتقد ان معظم الناس هتأجز في رمضان

    و لنا لقاء في العيد ان شاء الله

  11. bastokka طهقانة Said:

    اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
    امين
    أختكم
    عبير عبد الشافي صاحبة مدونة طهقانة و كلبوزة لكن سمباتيك

  12. لؤلؤة الرحمن Said:

    السلام عليكم ورحمه الله وبركاته
    …………
    كل سنه وانتى طيبه حبيبتى
    بجد ده اجمل بوست قريته
    انااصلا مبسوطه جدا انه كمان اول بوست اقراه عندك
    ربنا يجازيكى عنه الف خير حبيبتى
    ونتقابل بعد رمضان على خير
    وان شاءلله يكون اتغفرلنا كلنا ما تقدم لنا وتأخر من ذنوب

    الله المستعان

  13. عايش ولكن Said:

    الله على كلماتك ونصايحك الغاليه
    انا صحيح مش ناوى انقطع عن النت فى رمضان بس هنقطع عن اى حاجه غير المدونه الاسلاميه اللى انتى زورتيها
    يعنى هيبقى دخولى يعنى مقتصر على نص ساعه او ساعه يوميا اللى هحط فيها البوست وهتابع الردود وعلى فكره انا مبعملش مشاركات بيها علشان اللى عاوز يزورها يبقى يزورها علشان يلاقى حاجه كويسه مش يبقى جاى علشان يرد الزياره وبس
    وادعيلى انى اقدر اعمل الموضوع ده وميخلش بعباداتى فى رمضان
    انا اصلا لو حسيت انه هيخل بيها يبقى هعلن انسحابى ومش هكمل دخول نت فى رمضان
    يلا معلش طولت شويه
    ومش هقول تحياتى بقا لغاية ما اسأل فى الموضوع ده
    دمتى متألقه
    علاء

  14. مؤمنه Said:

    السلام عليكم ورحمة الله وبركاته

    حبيبتى فى الله موناليزا
    وكمان من ختام الصلاة
    بالاضافه الى سبحان الله والله اكبر والحمد لله كل واحده 33 مره اضيفى اليهم اشهد ان لا اله الا الله وحده لا شريك له له الملك وله الحمد وهو على كل شئ قدير
    سأل الفقراء الرسول صلى الله عليه وسلم فيما معناه عن ان الاغنياء لكثرة المال لديهم يتصدقوا ويحظوا بثواب اكبر منهم فاخبرهم الله على ختام الصلاه حيث لا يحظى احد حظوهم الا من مثلهم او زاد عليهم
    جزاكى الله كل خير على هذه الاضافات الجميله التى اضفتيها لنا
    وفكرة الدعاء انا كنت عايزه نشترك ايحنا الاتنين فى نشرها فى بوست عند اى حد فينا منها ادعية زى ما قولتى مقسمه للاسلام والمسلمين والدنيا والاخرة ولنا جميعا الشباب
    فكره حلوة لو عايزه تشتركى معاية فيها ردى عليه فى تعليق وننشره بكره ان شاء الله وابعتلك الدعوات الى عندى باليل
    ما عرفش حاسه ان لو عدد كبير من المدونين اشترك فى دعوة واحده يرددها كل يود شئ طيب جدا
    وكل عام وانتى بخير والى الله اقرب وفى طاعته ادوم
    ورمضان كريم عليكى وعلينا
    والسلام عليكم ورحمة الله وبركاته

  15. la3lahakhier Said:

    كل سنة وانتى طيبة يا حبيبتى
    انا كمان فى اجازة ولكن هذا لن يمنع اتصالاتنا والا …….
    ماتنسيش الدعاء اللى اتفقنا عليه هه؟
    هههههههههههههه

  16. موناليزا Said:

    الطائر الحزين
    ـــــــــــــــــــ
    رينا يكرمك ويتقبل دعائك
    ***********************************
    آبى
    ـــــــــــ
    اختى الحبيبة:وانتى طيبة ياقمر وهتوحشينى جدا ويارب يكون رمضان سعيد علينا جميعا
    *********************************
    سمر احمد
    ـــــــــــــــ
    اختى الحبيبة:ربنا يكرمك على ادعيتك الجميلة لى ربنا يتقبل
    وكل سنة وانتى الى الله اقرب والى طاعته ادوم
    هتوحشينى حبيبتى ويارب اشوفك على خير
    *********************************
    شيماء سمير
    ـــــــــــــ
    اختى الحبيبة:اهلا اهلا بالقمر فينك من زمان وحشتينى ياجميلة
    كان نفسى تقوليلى ادعيلك بإيه عشان اخصص لك دعاء معين ولكنى سأدعو لكى برضا الرحمن
    وكل سنة وانتى طيبة
    *********************************
    اوعى تفكر
    ــــــــــــــ
    ربنا يتقبل دعائك
    ******************************
    منال مصطفى
    ــــــــــــــــــ
    اختى الحبيبة:كل سنة وانتى الى الله اقرب والى طاعته ادوم
    وربنا يتقبل منا ومنكم صالح الاعمال
    واشوفك على خير ان شاء الله
    **********************************
    مونى
    ـــــــــــــ
    اختى الحبيبة:كل سنة وانتى طيبة
    وربنا يعيننا على صيام رمضان وقيامه وحسن عبادة الرحمن
    *********************************
    طهقانة
    ـــــــــــــــ
    اختى الحبيبة:ربنا يتقبل دعائك
    وكل عام وانتى الى الله اقرب والى طاعته ادوم
    **********************************
    لؤلؤة الرحمن
    ــــــــــــــــــــ
    وعليكم السلام ورحمة الله وبركاته
    اختى الحبيبة: اهلا بيكى فى زيارتك الاولى
    وربنا يكرمك ويتقبل منا ومنكم صالح الاعمال
    وكل عام وانتى الى الله اقرب والى طاعته ادوم
    وأراكى على خير ان شاء الله
    ***********************************
    عايش ولكن
    ـــــــــــــــــ
    اهلا بيك استاذ علاء
    واسمحلى اسالك طب الناس هتعرف الرابط بتاعها منين؟
    يسعدنى تعليقك ومش طويل ولا حاجة احنا بنستفيد من بعض
    وربنا يقدرك على العبادة على الوجه الذى يرضى به الرحمن عنك
    وانا هنتظر اجابة سؤالك عنها ولو كنت غلطانة ياريت تعرفنى
    وكل عام وانت الى الله اقرب والى طاعته ادوم
    ***********************************
    مؤمنة
    ـــــــــــ
    وعليكم السلام ورحمة الله وبركاته
    اختى الحبيبة:اشكرك لتنبيهى وتمت الاضافة بالفعل
    أما عن بوست الادعية فسأرد عليكى عندك حالا
    تقبل الله منا ومنكم صالح الاعمال
    وكل سنة وانتى طيبة واشوفك على خير ان شاء الله
    **********************************
    لعلها خير
    ـــــــــــــــ
    اختى الحبيبة:الدعاء بإذن الله مستمر وإن شاء الله ربنا هيتقبل قريبا
    دومتى لى أختا حنونا وقلبا غاليا أعتز بمعرفته وبصداقته
    ربنا يسعدك
    كل سنة وانتى طيبة حبيبتى

  17. Gannah Said:

    كل عام وانت الى الله أقرب
    وعلى طاعته أقدر
    وكل عام وأنت بخير
    رزقنا الله العفو والمغفرة ودعوات لا ترد
    لا تنسينى من صالح دعائكم
    أدامك الله لى صحبة طيبة
    هتوحشينى بس كله يهون اشوفك على خير ان شاء الله
    تحياتى

  18. رفقة عمر Said:

    كل سنه وانتم بالف خير
    تقبل الله منا ومنكم صالح الاعمال

  19. سلوى Said:

    الله يبارك فيك ويجازيكي كل الخير

    كل سنه وإنت طيبه وبخير وصحه وسلام أنتي وكل من حولك

  20. EMMY BABY Said:

    ربنا يكرمك يارب يا موناليزا

    عجبنى اوى الجدول

    انا كنت عاملة جدول تقريبا فيه نفس الحاجات او معظمها

    وكنت ناوية امشى عليه انا واصحابى

    بس هما طلبوا منى انى مثلا مكتبش صدقة كدة

    لا اكتب فايدتها بحيث احسهم انهم يعملوها

    والرسول كان بيعمل ايه فى رمضان

    فلو تقدرى تساعدينى يبقى جزاكى الله خيرا

  21. semsem Said:

    كل سنه وانتى طيبه
    جزاك الله خيرا

    وحشتينى جدا

  22. Sourah Said:

    بارك الله فيك يا موناليزا ،بجد توليفة هايلة من الاعمال الصالحة ، ربنا يعننا جميعا و يوفقنا لما يحبه و يرضاه ، وجزاك الله خيرا يا حبيبتي على المجهود ده ، و اثابك الله منه خيرا عظيما …

  23. zizi Said:

    كل سنة و انتي طيبة يا حبيبتي
    رمضان كريم
    حتوحشينا يا غالية
    ان شاء الله نتقابل على خير
    في امان الله

  24. Saudi Romantic Said:

    ألســــــلام عليـــــكم

    ألأخت موناليزا

    بمناسبة شـــهر رمضــــان المـبـــــارك

    حـبـيـت أقـــول لكـــم

    كل عـــــام وأنـتــــم بـــخــــــير

    http://up3.m5zn.com/get-8-2008-zco52aofwrk.jpg

    http://up3.m5zn.com/get-8-2008-q5gh5kr9n6s.jpg

    في أمـــــان ألله

  25. Khaled Said:

    كل عام وانتى بخير واتمنى إنك تسامحى إللى ظلمك على أن يؤجرك رب العباد ففى ذلك خير أكثر ..
    وعليكى بكثرة الأستغفار
    وحتوحشينا
    ملحوظة ….
    أنا فعلا أختصرت الجزء الأخير بس دة بسبب جنة الزنانة لكن ماكنش متفبرك ولا حاجة دة إللى حصل فعلا زى ماتحكالى
    ههههههههههه
    رمضان كريم

  26. باجوجو Said:

    خطة رمضانية رائعة
    ربنا يوفقك فى تطبيقها
    أنا كمان هحاول أطبقها
    عشان أديكى ثوابى
    تقبلى تحياتى

  27. rovy Said:

    كل عام وانتى بخيراختى الحبيبه
    جزاكى الرحمن خيرا عن هذا البوست الرائع و تلك التذكره الغاليه ..
    رمضان كريم علينا جميعا و تسلم ايديك

    انا لسه راجعه من حوالى ساعه و اجازه اخرى من اول رمضان لاخره ان شاء الله تعالى .. وحشتينى جدا .. وحشتونى كلكم .. يارب الحق اطمن على الجميع قبل اجازتى الرمضانيه ..

    ادعوا الرحمن ان يكون شهرا مباركا علينا جميعا و ان ينصركى الرحمن بحق هذه الايام المباركه و يحفظكى و تحققى كل ما تتمنيه ..
    خالص ودى و تقديرى

  28. محمود حسن العدل Said:

    كل سنة وانتى طيبة
    ربنا يقدرنا ونعمل نصيحك اللى انتى كتابتيها اللى بجد بنشكرك عليها ..
    واهلا والف اهلا بلضيف اللى خلاص على الابواب وكلنا منتظرينة من اخر مرة سابنا فيها .
    منتظرينة وكلنا شوق وحنين ولهفة لية الصغير قبل الكبير …
    تحياتى اختى

  29. ســـــــهــــــــــر Said:

    كل سنه وانتى طيبه يا موناليزا
    رمضان كريم يا رب
    رغم انى عارفه الطقوس اللى قلتيها و بحبها جدا الا انى كنت مستمتعه و انا بقراها جدا
    عندك هنا بحس روح الدين من غير اى رتوش
    و مع اذان الفجر اللى سمعاه دلوقتى
    بدعيلك من قلبى ربنا يسعد قلبك
    و يا رب يكون شهر نتزود فيه من الخير كلنا

  30. جنّي Said:

    السلام عليكم

    برنامج ممتاز اعننا الله على تنفيذه

    واثابك الله عنه خير الثواب

    الأخت الفاضلة لا تنسينا من دعواتك

    وكل سنة وانتي طيبة

  31. موناليزا Said:

    جنة
    ــــــــــــــ
    اختى الحبيبة:كل سنة وانتى دايما بخير ويارب رمضان السنة دى يكون سعيد علينا جميعا وتستجاب فيه دعواتنا جميعا
    وانتى كمان حبيبتى هتوحشينى جدا
    وانساكى ازاى بس ده انتى من اول الاسماء اللى مخصصة لها دعاء معين
    ربنا يسعدك ويرزقك بكل ماتتمنى يارب
    ويجمعنا نحن ومن نحب فى الفردوس الاعلى اللهم امين
    فى أمان الله غاليتى
    *********************************
    رفقة عمر
    ـــــــــــــــ
    اختى الحبيبة:كل عام وانتى الى الله اقرب والى طاعته ادوم
    ويارب نكون من الفائزين فى هذا الشهر المبارك
    **********************************
    سلوى
    ــــــــــ
    اختى الحبيبة:ربنا يكرمك على زيارتك وتعليقك
    وكل عام وانتى الى الله اقرب والى طاعته ادوم
    ورزقكى الله بكل الخير دائما
    ***********************************
    ايمى بيبى
    ــــــــــــــ
    اختى الحبيبة:انا كنت عندك وعاجبنى جدا تقسيمك للاعمال
    ربنا يتقبل منا ومنك يارب صالح الاعمال
    بس ياريت توضحيلى اقدر اساعد ازاى وانا تحت امرك
    وكل سنة وانتى بالف خير
    ********************************
    سمسم
    ـــــــــــ
    اختى الحبيبة: وحشتينى ياسمسم وهتوحشينى اكتر
    وكل سنة وانتى طيبة وبصحة وسعادة
    ويارب يكون رمضان سعيد علينا جميعا
    **********************************
    صورة
    ـــــــــــ
    اختى الحبيبة: ربنا يكرمك والحمدلله الذى هدانى لهذا فماتوفيقى الا بالله
    ربنا يتقبل اعمالنا ويعيننا على حسن الطاعة
    وكل سنة وانتى بالف خير
    **********************************
    زيزي
    ــــــــــــــ
    اختى الحبيبة:وانتى كمان ياحبيبتى ولكنى لن انساكم ابدا من دعائى
    وكل سنة وانتى اقرب الى الله ويارب تحققى كل اللى تتمنيه
    اتركك فى امان الله
    **********************************
    سعودى رومانتيك
    ـــــــــــــــــ
    وعليكم السلام ورحمة الله وبركاته
    اهلا بيك يافندم
    نشكركم على هذه التهنئة الرقيقة وكل عام والامة الاسلامية جميعا بخير
    **********************************
    خالد
    ــــــــــــ
    اهلا بيك استاذ خالد
    وكل عام وانت بخير وصحة وسعادة
    ووالله نفسى اسامح بس بجد مش قادرة انت لا تعلم ماذا فعلوا
    يمكن لو خدت حقى أقدر اسامح بس دلؤتى هيبقى انهزام وضعف
    وعشان كده عايزة بقى دعوات جامدة وبضمير وان شاء الله ربنا يتقبل
    ولو عايزنى اخصص لك دعاء معين ياريت تبعتهولى لانى بجد كاتبة ورقة فيها كل اسم وقدامه الدعاء الخاص بيه عشان مانساش
    وانتوا كمان هتوحشونى جدا وعشان كده هفضل فاكراكم دايما فى الدعاء واشكرك على نصيحتى بكثرة الاستغفار ربنا يكرمك وسأعمل بها
    ملحوظة:انت هتعمل حجة جنة انت عارف اننا كنا كلنا قلقانين وعايزين نطمن
    وبعدين اتحكالك من مين بالظبط ههههههه
    عموما هنعديها المرة دى عشان خاطر رمضان
    والله اكرم
    **********************************
    باجوجو
    ــــــــــــــ
    ربنا يكرمك ويعينك يارب على تنفيذها ويعيننا معاك
    وكل سنة وانت طيب
    ***********************************
    روفى
    ــــــــــ
    اختى الحبيبة:كل سنة وانتى بالف خير يارب
    وحشتينى جدا جدا ولسه هتوحشينى كمان
    يلا ابعتيلى دعاء عايزانى اخصصهولك وان شاء الله ربنا يتقبل
    سلامى للقمرات
    وفى امان الله غاليتى
    **********************************
    محمود حسن العدل
    ــــــــــــــــــــ
    كل سنة وانت طيب ويارب يقدرنا جميعا على عبادته على الوجه الاكمل الذى يرضى به عنا
    تقبل الله منا ومنكم صالح الاعمال
    ***********************************
    سهر
    ــــــــــــ
    اختى الحبيبة:وانتى طيبة ياقمر ويارب رمضان يكون سعيد علينا جميعا
    ربى مايحرمنيش منك ابدا ولا من دعائك
    ربنا يسعدك يارب وتحققى كل ماتتمنى ويرزقك بكل الخير
    اتركك فى امان الله حبيبتى
    *********************************
    جنى
    ــــــــــ
    وعليكم السلام ورحمة الله وبركاته
    اهلا بيك استاذ سيد
    وكنت اتمنى ان تبعتلى دعاء اختصك به طوال الشهر المبارك
    ربنا يكرمك ويعيينا على صيام رمضان وقيامه ويرزقنا فيه مغفرة الرحمن
    وكل عام وانت بخير

  32. ahmed_k Said:

    كل عام وأنتم بخير

    ورمضان كريم عليكي وعلى كل المسلمين
    ولن أنساكي بإذن الله ساعة الإفطار
    أن ينصركي الله ويثبتك ويعوضكي خيرا

    وتقبلي أخلص تحياتي

  33. الربان Said:

    تحياتي

    أجازة سعيدة ان شاء الله…صياما و قياما و طاعة لله رب العالمين…. ربنا
    يتقبل….

    و أشكرك علي النصائح الغالية التي ذكرتيها في البلوج…نسأل الله ان يعيننا علي التزام اوامره و تجنب نواهيه.

    تحياتي و تقديري و كل عام وانت بالف خير….

  34. dr_modymodak Said:

    طبعا مينفعش افوت الفرصه دي واهنيكي بشهر رمضان يا موناليزا

    كل رمضان وانتي بخير والف صحه وسعاده

    ورمضان كريم علينا كلنا

    بعتذر والله عن فترة غيابي يا موناليزا انا لسه في امتحانات بس هانت

    رمضاااااااااان كريييييييييم

  35. أليس في بلاد العجائب Said:

    السلام عليكم

    انا جيتلك اقولك كل رمضان وانتي والمسلمين بخير وفي احسن حال

    بالله عليكي تدعي لسيف ربنا ينجيه ويشفيه و يعافيه و يجعل ألمه في ميزان حسناته

    جزاكي الله خيرا وربنا يتقبل

  36. ماء تشرين Said:

    جزاك الله كل خير
    وربنا يجعل رمضان فتحت خيرعليكى وعليناوعلى المسلمين جميعا
    وكل سنه وانت طيبه يارب

  37. mUsLiM Said:

    نسأل الله أن يبارك لنا فى هذا الشهر الفضيل

    وكل عام وأنتم بخير يا أختى

    وجزاكى الله خيرا على التذكير

    والله من وراء القصد

    السلام عليكم

  38. Walad_Masry Said:

    اللهم تقبل منا الصيام والقيام وصالح الأعمال

    كل عام وأنتم بخير وأعاد الله علينا رمضان بالخير والأمن والبركات

    تحياتي

  39. mohra Said:

    ربنا يسعدك و يحققلك امانيكى يا موناليزا

    كل سنه و انتى طيبه

  40. maha zein Said:

    ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ kol 3am w antom be5eer ▒▒♥▒▒♥▒▒كـــــــــريــم♥▒▒رمضــــــــان♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒

    كل سنة وانتي بصحة وسلامة وجزاكي الله خير عننا
    ونراكي بعد رمضان وعلي العيد ذي ما قلتي
    وهتوحشينا
    ويا رب ينصرك علي اللى ظلمك

  41. موناليزا Said:

    احمد -ك
    ـــــــــــ
    اهلا بيك استاذ احمد
    ربنا يكرمك ويتقبل دعائك
    وكل سنة وانت طيب وربنا يرزقك بكل الخير ويحقق لك كل ماتتمنى
    ***********************************
    الربان
    ـــــــــــــ
    اهلا بيك يافندم
    ربنا يكرمك وتقبل الله منا ومنكم صالح الاعمال
    والحمدلله الذى هدانى الى هذا وربنا يقدرنا على الصيام والقيام
    وكل سنة وانت طيب
    **********************************
    د/مودى مودك
    ـــــــــــــــ
    يا اهلا يا اهلا ايه المفاجأة الجميلة دى
    الحمد لله انك طمنتنا عليك ويارب بالنجاح الباهر والتوفيق الدائم
    وكل سنة وانت بخير وصحة وسعادة ويارب يكون رمضان سعيد علينا جميع ونكون فيه من الفائزبن
    ***********************************
    اليس فى بلاد العجائب
    ـــــــــــــــــــــــ
    وعليكم السلام ورحمة الله وبركاته
    اختى الحبيبة:زيارة غالية وتهنئة رقيقة من اخت جميلة
    وان شاء الله هدعيله والله كتبت اسمه والدعاء اللى انتى قولتيه وباذن الله مش هنساه
    ربنا يشفيه ويطمن قلبك عليه
    وكل سنة وانتى بالف خير ويارب ماتشوفى مكروه فى اى حد بتحبيه
    **********************************
    ماء تشرين
    ــــــــــــــــ
    اختى الحبيبة:ربنا يكرمك ويتقبل دعائك
    اللهم تقبل منا ومنكم صالح الاعمال واجعلنا من الفائزين فى هذا الشهر المبارك
    وكل سنة وانتى طيبة
    **********************************
    مسلم
    ــــــــــــــ
    اهلا بيك يافندم
    ربنا يكرمك ويتقبل دعائك
    ويعيننا على صيام رمضان وقيامه
    وكل عام والامة الاسلامية جميعا بخير
    *********************************
    ولد مصرى
    ــــــــــــــ
    ربنا يكرمك ويتقبل دعائك
    وكل عام وانت الى الله اقرب والى طاعته ادوم
    **********************************
    مهرة
    ــــــــــ
    اختى الحبيبة:ربنا يكرمك ويتقبل دعائك ولكى بالمثل ان شاء الله
    وكل سنة وانتى بالف خير وصحة وسعادة
    *********************************
    مها زين
    ـــــــــــــ
    اختى الحبيبة:وانتى طيبة ياقمر
    والله اكرم
    وانتى كمان هتوحشينى ولكن الدعوات مستمرة دائما بالخير
    وكل عام وانتى الى الله اقرب والى طاعته ادوم

  42. همس الاحباب Said:

    كل سنة وحضرتك طيبة
    وبصحة وسعادة
    ورمضان كريم

  43. موناليزا Said:

    همس الاحباب
    ــــــــــــــــ
    اهلا بيك استاذ خالد
    وحضرتك بخير وبصحة وبسعادة
    ويارب يكون رمضان سعيد علينا جميعا

  44. PrInCeSS BeRy Said:

    كل سنة وانتى طيبة يا عثل وربنا يكرمك ويجازيكى خير يارب

  45. القلم السكندري Said:

    كل عام وانتم بخير

    وتقبل الله منا ومنكم

  46. rara Said:

    كل سنة وانتى طيبة

    رمضان كريم

  47. أليس في بلاد العجائب Said:

    اختي الحبيبة
    انا عارفة انك قولتي انك هتاخدي اجازة من التدوين في رمضان بس حبيت اقولك حاجة

    اني احبك في الله

    بعد ما قرات دعائك لسيف و كلامك اللي كتبتيه . رأيت في منامي انك اهديتي لي ميدالية مفاتيح بها احجار كريمة و كان شكلها جميل . و انا فاكرة اني رديتلك الهدية تقريبا بردة ميدالية مفاتيح بس مشفتهاش في الحلم

    واستبشرت خير ان شاء الله فحبيت اقولك اشهد الله اني احبك في الله يا أمة الله

    ربنا يتقبل منك صالح اعمالك و لا تنسيه من دعائك بالله عليكي ولو تعرفي حد ممكن يدعيله بردة و يكسب ثواب دعاء لاخ مسلم بظهر الغيب

    استودعك الله

  48. Jana Said:

    كل عام وانتِ بخير والى الله أقرب
    جزاكِ الله خيرا على ذكر ميعاد مصطفى حسنى
    تقبل الله منكِ صالح العمل موناليزا
    وزرقك فضله العظيم
    وجعلك من عتقائه هذا العام ان شاء الله

  49. محمود الدوح Said:

    كل سنة وانت بخير وصحة وسلامة
    وجعل الله رمضان فى ميزان حسناتك

    ورمضان كريم

  50. قوس قزح Said:

    يارب
    كلما طرق هذا العبد بابك
    أفتح له كنوزك
    و سخر له عبيدك
    و ابسط له رحمتك
    اللهم اجعله من الصائمين القاثمين
    الركع السجود
    و بارك له فى شعبان و بلغه رمضان
    فى يسر و سلامة و امان
    اللهم امين

    كل سنة و انت الى الله اقرب

  51. lyssandra Said:

    كل سنة وانتي طيبة يا موناليزا

    وربنا ينصرك بإذن الله

    أشوفك علي خير حبيبتي

    وياريت أي وقت تدخلي فيه سيبي حتي رينج أطمن عليكي

    رمضان كريم

    Lyssandra

  52. منى Said:

    ربنا يعينا ويقوينا على فعل كل ما يرضاه واجتناب كل ما يغضبه
    كل سنه وانتى بالف خير

  53. نهر الحب Said:

    موناليزا
    كل عام وانتى على طاعه
    بارك الله فيك
    على التدوينة الايمانية الرائعه
    كل سنة وانتى طيبة
    ورمضان كريم

  54. ادم المصرى Said:

    كل عام وانتى بخير

  55. كيارا Said:

    كل سنه وانتي طيبه

    ورمضان كريم

  56. عاشــــــ النقاب ـقــــة"نونو" Said:

    رمضان كريم حبيبتي
    انتي كمان هتوحشيني
    كل عام وانتم الى الرحمن اقرب

  57. Amgad Said:

    كل لما ادخل مدونة
    الاقي صاحبها واخد اجازة
    في رمضان
    وانا بدوري اتسائل
    هل المدونات رجس من عمل الشيطان
    لا يجوز التعامل معه في رمضان؟

  58. pusssssy Said:

    موضوعك جميل اوى ياموناليزا…..

    أفادنى كتير والله………….

    بجد برافو عليكى انك مرتبه اولوياتك بالشكل ده………

    كل سنه وانتى طيبه ياقمر…..

    Pusssssy

  59. zOzO Said:

    كل سنه وانتي طيبه
    بجد بوست رائع ومفيش نقطه تقريبا نسيتي تقوليها
    ربنا يبارك فيكي يارب
    ويجعله ف ميزان حسناتك يارب
    انتي كمان هتوحشيني
    وابقي افتكريني بدعوه حلوه كدا

  60. عاليا حليم Said:

    كل سنة و أنتي طيبة يا أختي العزيزة
    طبعا رمضان غالي و أغلي الشهور كمان

    اللهم بلغنا رمضان و يا رب يعود عليكي بالخير
    البوست جميل و فيه توجيهات حلوة اوى ربنا يجعله في ميزان حسناتك

  61. عاليا حليم Said:

    لكل أحبائي المدونين أرجوا زيارتي للتعرف على تفاصيل أفطار جماعي

  62. بيكر(baker) Said:

    كل سنه و انتى طيبه ا موناليزا و رمضان كريم وربنا ينصرك على الى ظلمك

  63. بنت أبيها Said:

    كيفيك يا قمراية

    كل رمضان وانتي مغفور ذنبك ومعتوقة من النار

    متنسيناش معاكي في دعاء صغنون كده

    على فكرة … عجبتني اوى الصورة اللى حاطاها بتاعت الهلال والنجوم

  64. نبضات Said:

    كل سنه وانتى دائما طيبه ومميزه فى كتباتك الجميله

    بوست جميل ومميز اوى وروشته جميله فى شهر رمضان استفدت منها كتيررررررررر
    انتى كتبتى عن رمضان بشكل شامل ومفيد لاى مسلم يقرئه فى كيفيه الاستفاده من هذا الشهر الجميل

    عاوزه اقولك انك وحشانى جدا ومفتقده التعليق عندك بس انا كنت بعيده عن التدوين لفتره كنت احيانا بكتب فقط
    ولكن مش كنت بزور مدونات اخرى

    حدعيلك باذن الله فى رمضان وخصوصا فى قبل الفطار مباشرة

    تحياتىىىىى
    دائما متميزه
    ربنا يوفقك

  65. المحارب المتيم Said:

    كل عام وأنت إلى الله أقرب

    وبه أعرف

    ومنه أخوف

    والى دار كرامته اسبق

    رمضان كريم

    أتمنى ألا يفوتك الواجب الرمضانى قبل العيد بأيام وقفة محاسبة قبل رمضان

    كل عام وانت بخير

  66. ندا منير Said:

    كل سنة وانتى طيبة يا قمر
    وربنا يكرمك يارب على البوستات الجميلة اللى دايما بتكتبيها دى
    وجزاكى الله خيرا
    وهستناكى على العيد

  67. كاتب مصري Said:

    يوم لما شفت تعليقك في مدونتي فرحت جدا انك استجبتي لدعوتس أو عجبك شيء في المدونة وفرحت أكتر عشان هأكتسب قارئ جديد ومعلق على كتاباتي بس مش عارف انقطعتي ليه مع اني بأنتظر تعليقاتك باستمرار ممكن أعرف السبب ولو مكانش فيه غير السهو والنسيان يبقى مدونتي مازالت تنتظرك..
    كل ودي

  68. Abo 7anf Said:

    كل سنه وانتى طيبه
    ويارب يبنصرك
    وتقبل الله منا ومنك

  69. علاء سالم Said:

    السلام عليكم

    كل عام وانتي بخير
    رمضان كريم

    البوست جميل فعلاً ومفيد
    وأجمل مافيه إنه شامل لما يجب علينا فعله وكذلك ما يجب علينا تركه

    خالص تحياتي

  70. نهر الحب Said:

    أسأل الله الذي لن تطيب الدنيا إلا بذكره
    ولن تطيب الآخرة إلا بعفوه
    ولن تطيب الجنة إلا برؤيته
    أن يديم ثباتك ويقوي إيمانك وصحتك
    ويرفع قدرك ويشرح صدرك
    ويسهل خطاك لدروب الجنة
    وأن يجعلك من عتقائه من النار
    ومبروك عليك شهر رمضان

  71. واد غلبان Said:

    كل سنة وانت طيبة
    انا من اول ما رجعت من السفر
    قلت لازم ازورك عشان كنت متأكد انك هاتكتبى حاجة مفيدة تفيدنى فى رمضان
    صعب اوى انى اترك الجدل
    لكن فى رمضان ممكن
    كل سنة وانت طيبة تانى
    انا عملت مدونى جديدة للتصوير الفوتوجرافى
    http://s0or.blogspot.com/
    ارجو ان تزوريها

  72. GiGi Said:

    ربنا يجزيكى خير وكل سنه وانتى طيبه وربنا يعنا على طاعته يااااااااااااااااااارب

  73. Dr- Hema Said:

    كل سنة وسيادتك طيبة

    وتعودى من الأجازة بألف صحة وسعادة

    د/هيما

  74. شيماء زايد Said:

    رمضان كريم
    رغم انها متأخره جدا جدا
    واعذرونا لاني كنت في اجازه تدوينيه برضه

  75. .:.-=- ELGaZaLy-=-.:. Said:

    كل عام وانتى الى الله اقرب..وشكرا على النصايح الجميلة

  76. أحسن تـستاهـل Said:

    وحشتوني بجد

    نلتقي بعد رمضان

    لو في العمر بقية

    كل سنة وانتو طيبين

    مها ميهوووو

  77. nour shahen Said:

    شهر رمضان كأنه شهر خيال بيجى بسرعه ويعدى اسرع زي الشهاب فى بهائه وسرعان ما ينتهى وربنا يجعلنا في اخره يا رب من عتقاء النار
    فكل رمضان وانتى بخير وسعاده وطيبه

  78. bar2ash Said:

    السلام عليكم

    كيفك يا امة الله

    كل عام وانتي بخير ونشكرك بشدة علي هذه التذكرة

    واراك علي خير في العيد بأذن الله

    ذادك الله قربا له وجعلك من عباده الصالحين

    برقش

  79. amr Said:

    كل عام وحضرتك بخير وسعاده وان شاء الله

    تكون ايامنا كلها طاعه وعباده

    وترجعى بالسلامه لمدونتك ان شاء الله

    فى انتظار الجديد

    خالص تحياتى

  80. Sourah Said:

    اختي العزيزة ..الموناليزا

    عندي ليكي كام سؤال كده في بوستي الاخراني ، يا ريت تفضلي و تنوري مدونتي و تجاوبي على الاسئلة..

  81. جنّي Said:

    السلام عليكم

    تقبل الله منا ومنكم الصيام والقيام ايمانا واحتسابا لوجه الله الكريم

    وعفا الله عنا وعنكم في ليلة القدر

  82. rovy Said:

    اختى الحبيبه موناليزا وحشتينى جدا جدا
    كل عام وانتى بالف خير اللهم بلغنا واياكى ليلة القدر و لا تنسينى من دعائك لى و للبنات .. اللهم تقبلنا جميعا
    اللهم ينصرك على من ظلمك و يأخذ لكى حقك قريبا اختى الحبيبه و يمنحكى السعاده فى الدارين ..اللهم ينصرك .. اللهم انصر امتك .. اللهم ينسرك يااارب
    ودى و اطيب امنياتى

  83. ,.-~*'¨¯¨'*•~mr ,.-~*'¨¯¨'*•~monshed Said:

    ياااااااااااااااااا كل سنه وانىت طيبة الشهر خلص اوم اوام بجد الايام الحلوة بتعدي في ثواني

  84. بيكر(baker) Said:

    كل سنه و انتى طيبه و عيد سعيد عليكى

  85. المستنصر بالله Said:

    كل عام وحضرتكم بخير
    عيدكم مبارك

    تحياتى لحضرتك

  86. مجداوية Said:

    السلام عليكم
    كل عام وأنت بألف خير أختى الحبيبة وعيد سعيد ان شاء الله

  87. Gannah Said:

    كل سنة وانت طيبة يا موناليزا
    انى أحبك فى الله
    عيد سعيد لك ولكل أسرتك
    العيد عندنا غدا ان شاء الله
    اللهم تقبل منا الصيام والقيام
    تحياتى

  88. ahmed_k Said:

    ها هو الضيف الغالي أوشك أن يرتحل

    فكل عام وأنتم بخير

    وعيد سعيد

  89. أليس في بلاد العجائب Said:

    كل سنة وانتي طيبة يا حبيبتي وعيد سعيد عليكي واسرتك والمسلمين اجمعين

    مش مهم تنشريها المهم تتقبلي مني “احبك في الله “

    الله معك

  90. موناليزا Said:

    برينسيس بيرى
    ـــــــــــــــ
    اختى الحبيبة:ربنا يكرمك ويتقبل دعائك وكل عام وانتى بالف خير
    نورتينى حبيبتى ودمتى بخير
    ***********************************

    القلم السكندرى
    ــــــــــــــــــــــ
    اهلا بيك يافندم
    اشكرك لهذه التهنئة الرقيقة وربنا يتقبل دعائك
    **********************************

    رارا
    ـــــــــــــ
    اختى الحبيبة:وانتى طيبة ياقمر وربنا يكرمك ويهيئلك كل الخير

    ***********************************

    اليس فى بلاد العجائب
    ــــــــــــــــــــــــ
    اختى الحبيبة:أحبك الذى أحببتنى فيه
    وان شاء الله ربنا هيطمنك عليه ووالله مانسيته من دعائى أبدا ووصيت كل أحبائى بالدعاء له
    فابشرى حبيبتى لن يرد الله دعائنا ابدا
    وياريت تطمنينى لو عرفتى عنه اى حاجة
    أحبك فى الله
    ********************************

    جانا
    ـــــــــــ
    اختى الحبيبة:ربنا يكرمك ويتقبل دعائك ويرزقك بكل الخير
    وكل عام وانتى بخير وصحة وسعادة
    *********************************

    محمود الدوح
    ـــــــــــــــ
    اهلا بيك استاذ محمود
    ربنا يكرمك ويتقبل دعائك
    وكل عام وانت بخير وصحة وسعادة

    ***********************************

    قوس قزح
    ــــــــــــ
    اختى الحبيبة:
    ربنا يكرمك على هذه التهنئة الرقيقة ويتقبل دعائك ويجعلك من عتقاء الرحمن
    وكل عام وانتى بالف خير

    *********************************

    ليساندرا
    ــــــــــــــــــــ
    اختى الحبيبة:وحشتينى ياقمر ربنا يكرمك ويتقبل دعائك وكل سنة وانتى بالف خير وصحة وسعادة

    *********************************

    منى
    ــــــــــ
    اختى الحبيبة:ربنا يكرمك ويتقبل دعائك وكل عام وانتى بصحة وخير وسعادة
    وحشتينى ياجميلة

    ********************************

    نهر الحب
    ـــــــــــــــ
    اختى الحبيبة:ربنا يكرمك فماتوفيقى الا بالله
    وحشتينى غاليتى وكل عام وانتى الى الله اقرب والى طاعته ادوم

    **********************************

    ادم المصرى
    ـــــــــــ
    اهلا بيك استاذ ادم
    اشكرك لهذه التهنئة وكل عام وانت بخير وصحة وسعادة

    ***********************************

    كيارا
    ــــــــــــ
    اختى الحبيبة:وانتى طيبة ياقمر والله اكرم

    ********************************

    عاشقة النقاب
    ـــــــــــــــــــ
    اختى الحبيبة:وحشتينى يانونو
    وكل عام وانتى بخير وصحة وسعادة

    ***********************************

    امجد
    ــــــــــ
    اهلا بيك استاذ امجد
    لا يا اخى الكريم المدونات ليست رجزا من عمل الشيطان طالما صاحبها يتقى الله فيما يكتب ولكن من وجهة نظرى البسيطة انى أولى بهذا الوقت لكى استخدمه فى الصلاة وقراءة القران ومختلف العبادات فنحن فى شهر مبارك تتضاعف فيه الحسنات بالاضافة انه اياما معدودات فلنغتنمها فى الذكر والعبادة عسى الله ان يجعلنا من عتقائه فى هذا الشهر
    وكل شخص واجتهاده اخى الكريم

    **********************************

    بوسى
    ـــــــــــــ
    اختى الحبيبة:يارب اكون قدرت افيدك فعلا والحمدلله ان نال استحسانك فهذا من فضل ربى
    وتقبل الله منا ومنكم صالح الاعمال
    وكل سنة وانتى طيبة

    **********************************

    زوزو
    ــــــــــــ
    اختى الحبيبة:الحمدلله الذى وفقنى فى كتابة هذا البوست
    والحمدلله ايضا لانى لم انساكى من دعائى وربنا يتقبل منا ومنكم يارب صالح الاعمال
    وحشتينى حبيبتى وكل سنة وانتى طيبة

    **********************************

    عاليا حليم
    ــــــــــــــ
    اختى الحبيبة:ربنا يكرمك ويقدرنا جميعا على طاعة الله
    وكل سنة وانتى بخير وصحة وسعادة
    وافطار شهيا وصوما مقبولا باذن الله

    **********************************

    بيكر
    ـــــــــــ
    اهلا بيك استاذ بيكر
    وانت طيب و بالصحة والسلامة وربنا يارب يكرمك ويتقبل دعائك

    *********************************

    بنت ابيها
    ـــــــــــــــ
    اختى الحبيبة:وحشتينى ياجميلة والحمدلله انا بخير
    ربنا يكرمك ويرضى عنك ويتقبل دعائك
    وممكن تسيفى الصورة عندك ياجميلة لو تحبى
    ماتغلاش عليكى ياقمر

    ***********************************

    نبضات
    ــــــــــ
    اختى الحبيبة:ياااه وحشتينى حبيبتى فينك من زمان
    وانتى طيبة ياقمر والحمدلله فهذا من فضل ربى
    وانا كمان والله افتقدت تعليقك عندى جداااا ويارب يكون مانع تاخيرك خير
    ويارب يتقبل دعائك ويرزقك بكل الخير
    وكل سنة وانتى بصحة وخير وسعادة

    *********************************

    المحارب المتيم
    ــــــــــــــــ
    اهلا بيك يافندم
    اشكرك على تهنئتك الرقيقة وبالفعل الوقفة تمت ولكن قبل رمضان بأيام
    تقبل الله منك ومنكم صالح الاعمال
    وكل عام وانتم بخير

    *********************************

    ندا منير
    ــــــــــ
    اختى الحبيبة:وانتى طيبة ياجميلة وبصحة وخير وسعادة
    والحمدلله ان نالت مواضيعى اعجابك فماتوفيقى الا بالله
    ان شاء الله ياقمر نتقابل فى العيد باذن الله

    **********************************

    كاتب مصرى
    ـــــــــــــــ
    اهلا بيك يافندم
    اشكرك لافتقادى فى مدونتكم والسبب اخى الكريم هو عدم تواجدى طوال شهر رمضان على الساحة التدوينية
    ولو كنت قرأت هذا الموضوع للاخر لعرفت السبب بكل بساطة
    وكل عام وانتم بخير

    **********************************

    ابو حنف
    ــــــــــــ
    اهلا بيك يافندم
    وانت طيب وبخير وصحة وسعادة
    ربنا يكرمك ويتقبل دعائك ويجعل كل ايامك اعياد

    *********************************

    علاء سالم
    ـــــــــــــ
    وعليكم السلام ورحمة الله وبركاته
    اهلا بيك استاذ علاء بعد الغيبة الطويلة
    وانت طيب يافندم وبخير وصحة وسعادة
    والحمد لله الذى وفقنى لهذا

    ***********************************

    نهر الحب
    ــــــــــ
    اختى الحبيبة:ما اجمل تهنئك
    وربنا يتقبل دعائك ويرزقك مثله ان شاء الله

    **********************************

    واد غلبان
    ــــــــــــــ
    اهلا بيك يافندم
    وانت طيب وبخير وصحة وسعادة
    حمدالله على سلامتك
    والحمدلله على هذه الثقة الغالية فيما أكتب ويارب تكون كتاباتى دايما عند حسن ظنك
    واذا كان على الجدل فتركه فيه ثواب عظيم وعدنا رسولنا الحبيب به
    ومبروك على انشاء مدونتك الجديدة وسأقوم بزيارتها باذن الله قريبا
    وكل عام وانت بخير

    *********************************

    جيجى
    ــــــــــ
    اختى الحبيبة:ربنا يكرمك ويتقبل دعائك
    وكل عام وانتى بخير وصحة وسعادة

    ***********************************

    د/هيما
    ــــــــــــ
    اشكرك لهذه التهنئة الرقيقة وكل عام وانت بخير وصحة وسعادة

    *********************************

    شيماء زايد
    ــــــــــــــــ
    اختى الحبيبة:وانتى طيبة ياقمر وحمدالله على سلامتك وربنا يتقبل منا ومنكم صالح الاعمال

    **********************************

    الغزالى
    ـــــــــــ
    اهلا بيك استاذ محمد
    الشكر لله فالفضل كله بيديه
    وكل عام وانت بخير وصحة وسعادة
    واشكرك على تهنئتك الرقيقة

    ***********************************

    احسن تستاهل
    ـــــــــــــــ
    اختى الحبيبة:وانتى كمان يامهاميهو وحشتينى جدا
    ويارب تشوف بعض على خير
    وكل سنة وانتى طيبة ياقمر

    *******************************

    نور شاهين
    ــــــــــــــ
    اختى الحبيبة:صدقتى ياغالية فالايام تمر سريعا بكل مافيها من ثواب مضاعف
    تقبل الله منا ومنكم صالح الاعمال وجعلنا من عتقاء الرحمن هذا العام
    وكل عام وانتى بخير وصحة وسعادة

    *********************************

    برقش
    ـــــــــــــ
    وعليكم السلام ورحمة الله وبركاته
    اهلا بيك استاذ برقش
    اشكرك لسؤالك والحمدلله انا بخير
    كل سنة وانت طيب وبخير وصحة وسعادة والشكر لله اخى الفاضل فهو من وفقنى للكتابة
    ربنا يكرمك ويتقبل دعائك ولك بالمثل ان شاء الله

    ********************************

    عمرو
    ــــــــــــــ
    اهلا بيك استاذ عمرو
    اشكرك لهذه التهنئة الرقيقة وكل عام وانت بخير وصحة وسعادة
    وتقبل الله منا ومنك صالح الاعمال

    *******************************

    صورة
    ــــــــــــ
    اختى الحبيبة:من عينيا ياقمر ولكن امهلينى لما بعد العيد باذن الله

    *********************************

    جنى
    ــــــــــــ
    وعليكم السلام ورحمة الله وبركاته
    اهلا بيك استاذ سيد
    ربنا يكرمك ويتقبل دعائك وتقبل الله منا ومنكم صالح الاعمال

    ********************************

    روفى
    ــــــــــــــ
    اختى الحبيبة:وحشتينى جدااااااا ياجميلة عاملة ايه حبيبتى يارب تكونى بخير
    والحمدلله افتكرتكم والله وخاصة ليلة 27 ربنا يتقبل يارب منا ومنكم ويجعلنا من عتقاء الرحمن فى هذا العام
    ماتحرمش منك ولا من دعائك ليا ابدا
    وادامك الله لى اختا حنونا
    احبك فى الله

    ***********************************

    منشد
    ـــــــــــ
    اهلا بيك استاذ منشد
    وانت طيب وبالصحة والسلامة
    ومعك حق الايام عدت بسرعة
    ربنا يتقبل منا ومنكم صالح الاعمال
    وكل عام وانتم بخير

    *********************************

    بيكر
    ـــــــــــ
    اهلا بيك استاذ بيكر
    وانت طيب اخى الكريم ويارب يكون عيد سعيد علينا جميعا
    اشكرك جدا لتهنئتى بالعيد

    ***********************************

    المستنصر بالله
    ــــــــــــــــ
    اهلا بيك يافندم
    اشكرك جدا لتهنئتك الرقيقة
    وكل عام وانت بخير وصحة وسعادة

    *********************************

    مجداوية
    ـــــــــــــ
    وعليكم السلام ورحمة الله وبركاته
    اختى الحبيبة:وانتى طيبة ياقمر دايما سباقة بالخير
    يارب يكون عيد عيد علينا جميعا
    سلامى لنسمة

    ********************************

    جنة
    ــــــــــ
    اختى الحبيبة:جنتى الجميلة وحشتينى جدا جدا ويارب تكونى بخير
    وانتى طيبة ياقمر وبخير وصحة وسعادة
    وانا كمان بحبك جدا واحبك الذى احببتنى فيه وجمعنا الله فى ظله فى يوم لا ظل فيه الا ظله
    يارب يكون عيد سعيد علينا جميعا

    ***********************************

    احمد-ك
    ــــــــــــ
    اهلا بيك استاذ احمد
    نعم اخى الكريم فيارب نكون من عتقاء الرحمن هذا العام
    وتقبل الله منا ومنكم صالح الاعمال
    وكل عام وانت بخير
    ويارب يكون عيد سعيد علينا جميعا

    *********************************

    اليس فى بلاد العجائب
    ــــــــــــــــــــــــ
    اختى الحبيبة:كل عام وانتى بخير وصحة وسعادة انتى وكل من تحبين
    وانا ايضا احبك جدا فى الله واحبك الذى احببتنى فيه
    ويارب اجمعنا فى ظل عرش الرحمن فى يوم لا ظل فيه الا ظله
    ويارب يكون عيد سعيد علينا جميعا

    **********************************

  91. dina seliman Said:

    كل سنه وانتى طيبه وبالف خير
    وعيد سعيد وان شاء الله السنه الجايه احسن واحسن

  92. نهر الحب Said:

    اللهم زد هـــــــذا الوجه نورا
    واجعله دائـما مأجورا
    وبلغه العيد مسرورا
    امين يارب العالمين
    عيد سعيد

  93. كلام على بلاطة Said:

    كل عام وانت بخير

  94. tarek alghnam Said:

    كل عام أنتم بخير ..
    فوق كل أرض وتحت كل سماء..
    كل عام وأنتم بخير وتقى , وهدى وإيمان , وعلم وقرآن ..
    كل عام والذنب مغفور , والعمل مقبول , والعيب مستور..
    كل عام والقلب أنقى , والعقل أوعى , والنفس أطهر وأزكى..
    كل عام وأيامكم كلها رمضان..
    عيد سعيد

  95. جنّي Said:

    السلام عليكم ورحمة الله وبركاته

    عيدكم مبارك

    تقبل الله منا ومنكم
    وكل عام وأنتم بخير
    كل عام وأنتم من الفائزين
    كل عام وقد حصدتم الجائزة
    كل عام وأنتم ترفلون في ثوب الفرحة
    كل عام وانتم مقبولون الصيام والقيام
    كل عام وقد عفا الله عنكم في ليلة القدر

    كل عام وأنتي منصورة يا أمتي

    أخوكم
    سعيد

  96. wanna b a physician Said:

    اهو العيد جه كل سنة وانتى طيبة وان شاء الله ترجعى بالخير
    وربنا ينصرك دايما

  97. rovy Said:

    عيد سعيد اختى الحبيبه

    طول رمضان بادعيلك ربنا ينصرك ويارب يتقبل منا جميعا دعائنا
    كل سنه وانتى طيبه و يا رب تكونى فى احسن حال

    اطيب امنياتى

    ودى و تقديرى

    خالص تحياتى

  98. سلوى Said:

    كل سنه وانت طيبه أنت وكل السره

    عيد سعيد إن شاء الله

    يالا الأجازة خلصت🙂

  99. موناليزا Said:

    دينا سليمان
    ــــــــــــــــ
    اختى الحبيبة:وانتى طيبة ياقمر ويارب يكون عيد سعيد علينا جميعا
    *******************************

    نهر الحب
    ـــــــــــــ
    اختى الحبيبة:اللهم امين انا وانتى يارب
    وكل سنة وانتى بالف خير

    *********************************

    كلام على بلاطة
    ـــــــــــــــــــ
    اهلا بيك يافندم
    وانت بخير وصحة وسعادة

    **********************************

    طارق الغنام
    ـــــــــــــــــــــ
    اهلا بيك استاذ طارق
    اشكرك على هذه الكلمات الطيبة ربنا يجعلها فى ميزان حسناتك
    وكل عام وانت بخير وصحة وسعادة

    **********************************

    جنى
    ــــــــــــ
    وعليكم السلام ورحمة الله وبركاته
    اهلا بيك استاذ سعيد
    اشكرك على تهنئتك الرقيقة وكلماتك الطيبة
    ربنا يكرمك وتقبل الله منا ومنكم صالح الاعمال
    وكل عام وانت بخير وصحة وسعادة

    *********************************

    ونا بى فيزيائى
    ـــــــــــــــــ
    اهلا بيك يادكتور
    ربنا يكرمك وكل سنة وانت طيب ويارب يكون عيد سعيد علينا جميعا

    ********************************

    روفى
    ــــــــــ
    اختى الحبيبة:يارب يكون عيد سعيد علينا جميعا
    ويارب يتقبل دعائك ودعائى ويعطى لكل سائل مسألته اللهم آمين
    حبى وتقديرى
    وسلامى للبنات

    ********************************

    سلوى
    ـــــــــــ
    اختى الحبيبة:وحشتينى ياقمر
    وكل سنة وانتى طيبة ويارب يكون عيد سعيد علينا جميعا


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: