ريحة الحبايب

لو أنت بتحب حد أوى ولقيت اللى أنت بتحبه باعتلك واحد بيحبه وبيثق فيه علشان يبلغك رسالة
ياترى هتقابله إزاى؟.
هتتعامل معاه إزاى وهو من ريحة الحبايب؟.
أكيد هتحبه وهتركز كويس أوى فى كل حاجة بيقولها عشان تعملها وأكيد هتسأله عن حبيبك وأبسط حاجة هتقولهاله:خليك قاعد شوية ده أنت من ريحة الحبايب مش كده ولا إيه؟.
أهو أنت بقى لو بتحب ربنا هتحب رسوله اللى باعتهولك وهتبقى عايز تعرف كل الأحاديث القدسية اللى قالها عن لسان رب العزة والأحاديث النبوية الذى تقربك من ربنا وكل حاجة عملها تقلده فيها علشان تتقرب أكتر من ربنا.
وعلى فكرة رسالة ربنا ماوصلتش لينا بسهولة ده سيدنا رسول الله صلوات الله وسلامه عليه اتعذب واتطرد من بلده وأهله عادوه.
يعنى بعد التعب ده كله مايستاهلش أنك تحبه وتقدر اللى عمله علشان تطلع مسلم!.
مش أنت لو بتحب حد وعايز تعمل أى حاجة ترضيه هتسأل أحب الناس له إيه المفروض اعمله علشان يرضى عنى!
أحبائى فى الله إقرأوا سيرة رسول الله صلى الله عليه وسلم , اتبعوا سنته, وزروا مدينته, صلوا عليه دائما
سيدنا رسول الله ليس كباقى البشر أنه يجمع كل الصفات التى تجعلك تحبه وتتباهى بأنه رسولك فهو:
النبى, ورجل الأعمال, ورجل السياسة, والخطيب, والمصلح, وملاذ اليتامى, وحامى العبيد, ومحرر النساء, والقاضى, والأب المثالى, والزوج المتفانى,……….الخ
يامن لاتجد من تقتدى به إليك بشفيعك
محمد صلى الله عليه وسلم .
وأدعوكم لزيارة هذه الروابط
http://www.rasoulallah.net/
http://www.ojqji.net/vb/forumdisplay.php?f=92

*****************************************

حبا فى رسول الله
نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن بإذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعليةهل نثبت حبنا لرسول الله فعلا لا قولا ؟؟
فالحب أفعال لا أقوال
هلموا معا نجتمع ونتفاعل ونصلح من شأننا كله حباُ فى رسول الله
http://www.7obnferasolallah.blogspot.com
http://www.facebook.com/group.php?gid=18625528460
la3lahakhier

31 Comments »

  1. Mero.. Said:

    جزاك الله خير وشكرا على الروابط..
    وجميل جدا انك اشرتي الى الاحاديث القدسية لان كتير مننا مش مهتم بيها..
    تحياتي..مدونة جميلة..

  2. Dr- Hema Said:

    بارك الله فيكم

    فالإتباع ليس مظهرياً فقط بل فعلاً وعملاً

    ولن نضل إذا تمسكنا بإثنين فقط

    كتاب الله وسنة نبيه

    وكتاب الله بإتباع أوامره وإجتناب نواهيه

    وسنة نبيه بإتباع أحاديثه أى أقواله وأفعاله

    بارك الله فيكم

    د/هيما

    ———–

    ملحوظة :- البطيخ مش بيسبب السمنة

    ولو ممكن تجيبى المصدر اللى قال لحضرتك كده

    هذا والله أعلم

  3. rovy Said:

    السلام عليكم
    اختى الحبيبه موناليزا بارك الله فيكى ووفقكى دائما للخير ..
    جزاكى الله خيرا على الروابط افادتنى فعلا .. كما انى استطعت الدخول لمدونة الحمله عن طريق الرابط على مدونتك ..

    دمت بخير غاليتى وفقكى الرحمن و نصركى
    تقديرى و تحياتى

    rovy

  4. موناليزا Said:

    mero..
    اهلا بيك يافندم
    ربنا يكرمك وارجو ان تفيدكم حقا
    نورتنى واشكرك لمشاركتك
    دمت طيبا ولمدونتى زائرا
    *******************************
    dr_hema
    اهلا بيك يادكتور
    ربنا يكرمك وصدقت حقا فالمهم الافعال
    =======
    بالنسبة للبطيخ فانا شوفت كذا برنامج خاص بالتخسيس فى التليفزيون واكتر من دكتور استضافوه وقال ان البطيخ بيتخن عكس الكانتلوب مثلا والاناناس
    هذا مصدرى الوحيد
    نورتنى واشكرك لمشاركتك
    دمت طيبا ولمدونتى زائرا
    *********************************
    rovy
    اختى الحبيبة:ربنا يكرمك ويسعدك يارب
    والحمدلله ان الروابط اشتغلت معاكى بجد فرحتينى
    تقبل الله منا ومنكم صالح الاعمال ورزقكى بكل الخير
    دايما منورانى ياحبيبتى

  5. mohra Said:

    شكرا على الروابط
    اتمنى تكونى بخير
    تحياتى لكى

  6. zOzO Said:

    الله عليكي يا موناليزا
    تسلمي حبي
    البوست حلو
    وبدايته عجبتني اوي
    وشكرا كتير ع الرابط
    احييك ع البوست الرائع ده
    واتمني انك تكوني بخير

  7. قوس قزح Said:

    جزاكى الله كل خير
    قلت اشكرك قبل ما تاخدنى الروابط فى عالمها الجميل

  8. موناليزا Said:

    mohra
    اختى الحبيبة:الحمد لله انا بخير واشكرك لسؤالك وارجو ان تفيدكم هذه الروابط
    نورتينى حبيبتى ودمتى بخير
    **********************************
    zozo
    اختى الحبيبة زوزو الجميلة:الحمدلله انا بخير واشكرك جدا لسؤالك
    واشكرك ايضا على رأيك ويارب تستفيدى من الروابط
    نورتينى ياقمر ودمتى بخير
    *********************************
    قوس قزح
    اختى الحبيبة:ربنا يكرمك وجزاكم مثله
    الشكر لله ياجميله فما توفيقى الا بالله والحمدلله الذى هدانى لهذا
    نورتينى حبيبتى ودمتى بخير

  9. GeHaD-----(male) Said:

    ربنا يبارك فيكي انتي قربتي الفكره بحكايه بسيطه
    الموقع انا متابعه من زمان وهو عليه حاجات جميله جدااا بسم الله ماشاء الله

    وان شاء الله اتابع المدونه

    تحياتي ووربنا يكرمك

  10. منى Said:

    مش عارفه تعليقى وصل ولا ايه؟
    اعتقد وصل مش كده؟

  11. امل Said:

    السلام عليكم ورحمة الله
    الصلاة والسلام عليك يا سيدي يا رسول
    الله ..اللهم اغفر لنا تقصيرنا
    تحياتي وودي

  12. عايش ولكن Said:

    الله يكرمك بجد
    انا لسه عامل مدونه اسلاميه فقط
    وهيتابعها شيخ من الازهر
    وياريت لو تحاولى معايا تنشريها
    فالدال على الخير كفاعله
    هتلاقى اللينك ع المدونه عندى

    تحياتى
    علاء

  13. •√أريـ السمر ـج√• Said:

    جزاك الله كل خير

    دمتى بكل خير

  14. حـــــدوتـــــة Said:

    السلام عليكم

    جزاكى الله خير عن هذا البوست الرائع
    فعلا الاحاديث القدسية مش معروفة ذى الاحاديث العادية
    مع انها قوية جدا وفيها معانى تهز القلب بجد
    ربنا يهدينا جميعا

    سلالالالالالالالالالالالالالالالالالالالام

  15. أختكم فى الله Said:

    جزاكى الله خيرا حبيبتى

    كلامك جميل

    ربنا يجعله فى ميزان حسناتك

    (:

  16. موناليزا Said:

    gehad
    اهلا بيك استاذ جهاد
    ربنا يكرمك والحمدلله ان لاقت الفكرة القبول فهذا من فضل ربى
    نورتنى يافندم واشكرك جدا لرايك
    **********************************
    منى
    اختى الحبيبة:لو تقصدى تعليقك ده اكيد وصل
    نورتينى ياقمر ودمتى بخير
    **********************************
    امل
    وعليكم السلام ورحمة الله وبركاته
    اختى الحبيبة:ربنا يكرمك ويتقبل دعائك
    اللهم صلى على محمد وعلى ال محمد كما صليت على ابراهيم وعلى ال ابراهيم فى العالمين انك حميد مجيد
    نورتينى حبيبتى ودمتى بخير
    ***********************************
    عايش ولكن
    اهلا بيك استاذ علاء
    ربنا يبارك فيك
    وانا فعلا دخلت عليها وتمنيت لو كان فيها موضوع خاص برسولنا الحبيب صلوات الله وسلامه عليه حتى ارفقها مع هذا البوست
    يالتوفيق دائما
    وتقبل الله منا ومنكم صالح الاعمال
    ***********************************
    اريج السمر
    اختى الحبيبة:ربنا يكرمك وجزاكم مثله
    نورتينى ياقمر ودمتى بخير
    ***********************************
    حدوتة
    وعليكم السلام ورحمة الله وبركاته
    اهلا بيك يافندم
    ربنا يكرمك وجزاكم مثله
    نورتنى اخى الكريم واشكرك لتعليقك
    ***********************************
    اختكم فى الله
    اختى الحبيبة:ربنا يكرمك وجزاكم مثله
    نورتينى حبيبتى ودمتى بخير

  17. Khaled Farag Said:

    بارك الله لكى ولم تتركى لنا شيئا لنقولة
    سوى .. الصلاة والسلام عليك يا سيدي يا رسول الله ..

    تقبلى مودتى وإحترامى

  18. قلب ينبض لله Said:

    أقول ايه بس بعد الكلام اللي قولتيه
    اللهم صلي وسلم وبارك علي سيدنا محمد وعلي اله وصحبه وسلم

    ربنا يرزقنا جميعا بالجنه

    ويباركلك في حياتك

  19. GiGi Said:

    ياحبيبتى ربنا يكرمك
    ويجزيك كل خير يارب

  20. دكتور بهــدوء Said:

    مقدمتك هيله افتكرت موضوع تاني بس بجد دخلتنا دخله جامده ف الموضوع

  21. محمود حسن العدل Said:

    مش عارف اقولك اكتر من جزاك اللة خير عنا
    تحياتى اختى العزيزة

  22. NilE_QueeN Said:

    بجد كلام مفيش احلى منه

  23. موناليزا Said:

    khaled farag
    اهلا بيك استاذ خالد
    ربنا يكرمك ويعزك يارب
    اللهم صلى على محمد فى الاولين اللهم صلى على محمد فى الاخرين اللهم صلى على محمد فى الملأ الاعلى الى يوم الدين
    دمت طيبا ولمدونتى زائرا
    ***********************************
    قلب ينبض لله
    اختى الحبيبة:ربنا يكرمك ويبارك فيكى
    اللهم صلى على محمدا صلاة تنجينا بها من جميع الافات والاثام وتحفظنا فى اليقظة والمنام
    نورتينى حبيبتى ودمتى بكل الخير
    ********************************
    gigi
    اختى الحبيبة:ربنا يسعدك ويتقبل دعائك ولكى بالمثل ان شاء الله
    نورتينى جيجى الجميلة ودمتى بخير
    **********************************
    دكتور بهدوء
    اهلا بيك يادكتور
    والحمدلله انى وفقت فى اختيار المقدمة فهذا من فضل ربى
    ربنا يكرمك واشكرك جدا لتعليقك
    دمت طيبا ولمدونتى زائرا
    **********************************
    محمود حسن العدل
    اهلا بيك استاذ محمود
    ربنا يكرمك ويجازيك مثله يارب
    نورت مدونتى واشكرك جدا لتعليقك
    دمت طيبا ولمدونتى زائرا
    **********************************
    nile_quieen
    اختى الحبيبة:ربنا يكرمك وتقبل الله منا ومنكم صالح الاعمال
    نورتينى حبيبتى ودمتى بخير

  24. Gannah Said:

    أختى العزيزة موناليزا

    أحييك على هذا البوست وجزاكِ الله خيرا ولكنى توقفت كثيرا عند كلمة بطلا أسطوريا وانتابنى شعور انها ربما لا تصلح لوصف الرسول صلى الله عليه وسلم لانه تعارف على ان البطل الاسطورى تقوم قصته ولو جزئيا على الخيال
    ولكنى آثرت أن أبحث عن معناها لعلى أكون مخطئة لاننى فى النهاية لست لغوية ولكنى فقط متذوقة ولاننا يجب ان نتحرى الدقة عندما يتعلق الأمر بالرسول صلى الله عليه وسلم

    وهذا ما وجدته

    الأسطورة هي قصة خيالية أو مختلقة
    معنى كلمة أسطورة: وهو في المعجم الوجيز: من سطر، ويقصد بها الخرافة والأباطيل والحكايات العجيبة هذا هو معنى الأسطورة اللغوي أما معناها في المصطلح فهي ضرب من الفلسفة فهي عملية تأمل من أجل الإجابة على أسئلة مبعثها الاهتمام بموضوع ما

    وأرجو لمن يرى غير ذلك من أصدقاء المدونة ممن لديهم علم باللغة أن يصححوا لى اذا كنت مخطئة فقولى قد يكون صواب يحتمل الخطأ

    أرجو أن تتقبلى فائق احترامى وتقديرى لما تبذلين من أجل رفعة الاسلام
    تحياتى

  25. واد غلبان Said:

    اول زيارةواول تعليق
    افكار جميلة
    تقريبا نفس الفكرة اللى استخدمته عشان اشرح الاسلام”وادين بصفة عام
    لواحد ملحد
    شكرا جدا على الروابط
    ان شاء الله اتايعك دايما

  26. موناليزا Said:

    gannah
    اختى الحبيبة:ربنا يكرمك ويعزك يارب على حرصك الدائم على عمل مايرضى الله
    واسمحيلى حبيبتى اوضح لكى قصدى فى كلمتى “بطلا اسطوريا”قصدت بها انه لايوجد بين البشر مثله صلى الله عليه وسلم فهو الكامل عن اى نقص
    ولا اعلم اذا كنت وفقت فى تشبيهى هذا ام لا
    ولذلك فانا الان فى حيرة من امرى هل اترك هذه الكلمة كما هى ام احذفها !!!
    حقا لا ادرى
    ارجو مساعدتى
    نورتينى حبيبتى وتسعدنى مشاركتك
    ودمتى بكل الخير والسعادة
    **********************************
    واد غلبان
    اهلا بيك يافندم
    ربنا يكرمك واشكرك جدا لمشاركتك
    وتسعدنى دائما زيارتك
    نورت مدونتى

  27. اوعى تفكر Said:

    جزيتى خيرا

  28. ahmed_k Said:

    ربنا يبارك فيكي علي كلامك الجميل ده
    وحب رسول الله صلي الله عليه وسلم واجب علي كل مسلم
    فبدونه لا يكتمل ايمان الفرد
    فقد قال
    (لا يؤمن أحدكم حتي أكون أحب اليه من والده وولده والناس أجمعين )
    والحب لا يكتمل معناه الا بطاعة ما بلغ به وأمر به
    فهو ليس حب عاطفه وفقط
    بل حب التزام وطاعه

    وفقنا الله جميعا للعمل بما جاء به النبي الكريم حتي نكون صادقين في حبنا لرسول الله

    وتقبلي تحياتي

  29. مدحت محمد Said:

    ربنا يجازيكى خير ياموناليزا بجد

  30. funckydoctor Said:

    جزاك الله خيرا
    وبارك الله فيكى

  31. موناليزا Said:

    اوعى تفكر
    اهلا بيك يافندم
    ربنا يكرمك ولك بالمثل ان شاء الله
    دمت طيبا ولمدونتى زائرا
    ***********************************
    ahmed_k
    اهلا بيك استاذ احمد
    ربنا يكرمك ورزقنا الله جميعا حب رسوله حتى يصبح اغلى لدينا من انفسنا ورزقنا شفاعته ومتعنا برفقته فى الجنة امين يارب العالمين
    نورتنى يافندم واشكرك جدا لمشاركتك
    **********************************
    مدحت محمد
    اهلا بيك استاذ مدحت
    ربنا يكرمك ولك بالمثل ان شاء الله
    دمت طيبا ولمدونتى زائرا
    **********************************
    funckydoctor
    اهلا بيك يادكتور
    ربنا يكرمك ولك بالمثل ان شاء الله
    دمت طيبا ولمدونتى زائرا


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: