كلمنى .. شكراً

قد تستقبل هذه الرسالة(كلمنى ..شكرا) من قريب لك ووقتها تعرف أنه محتاج إليك ومن ثم تتصل به وتكلمه.
ولكن قد يكون محتاجك ولكنه لايستطيع أن يخبرك بهذا ومن ثم لاتفكر أن تتصل به.
مع أن الكلمة لها تأثير السحر فى نفوس الآخرين إلا أننا نبخل أن نعطيها للآخرين.
بالكلمة قد ترفع الروح المعنوية لمحبط.
بالكلمة قد تزيل أثر سئ فى نفس شخص ما.
بالكلمة قد تفرج كرب شخص ما بأن تعطيه مزيدا من الأمل.
الكلمة قد تهدى عاصِ.
الكلمة قد تنبه شخص لخطأه.
الكلمة قد تدخل السرور إلى قلب حزين.
الكلمة قد تشد بأزر شخص ما لتعيينه على ماهو فيه.
يعنى بالكلمة الطيبة ممكن أب يكسب ولاده ومايخليهمش يعملوا حاجة غلط لأنه كلمهم وأعطاهم الأمان والحنان اللى بيدوروا عليه بره.
وممكن مديرالعمل يحول الموظف الكسول إلى كتلة من النشاط من خلال كلمة تشجيع.
وممكن نكسب قلوب من حولنا بالكلمة”إذا أحب المرء أخاه فليخبره”
وبالكلمة برضه ممكن نخسر أى حد.
وبالكلمة يستطيع صديق السوء أن يزين المعصية لصديقه مهما كبرت حتى يصبح مثله.
فبعض الكلمات تحييى وبعضها يميت ولكن الغالبية لا يدركون ذلك.
فالكلمة السيئة حين تقولها كالرصاص حين تطلقه.
فهناك كلمات نقولها ولا نلقى لها بالاً ولكننا لانعلم هل ستلقى بنا فى جهنم او فى الجنة.
وكم مرة ندمنا على كلام تفوهنا به دون تفكير سواء فى لحظات الغضب أو فى لحظات الضعف.
ولماذ لا نتردد وإحنا بنهاجم شخص أو نغتابه ولكننا نتردد ونفكر مِرارا قبل أن نشجعه أو ننصحه أو نصالحه .
ما الفرق بين شخص وآخر إلا بالكلمة فهذا كلامه طيب يهوى الآخرين سماعه .
وهذا كلامه سئ لايحب أحد تواجده .
فالكلمة هى مرسال مشاعرنا للآخرين فلا تبخلوا بها.
لايتبقى من الشخص بعد موته سوى كلامه (ٍطيب أو سئ) فلنجعل ذكرانا بعد موتنا طيبة ليتذكرنا الآخرون فيترحمون علينا ويدعوا لنا بالمغفرة

94 Comments »

  1. همس الاحباب Said:

    اختى العزيزة / موناليزا امة الله
    اود ان اعبر لحضرتك عن مدى سسعادتى بزيارة مدونتك الرائعة
    وكذلك اختيارك لموضعات هادفة
    اكثر الله من امثالك وجعله فى ميزان حسناتك
    وجعلنا مما يستمعون القول فيتبعون احسنه
    تحياتى

  2. همس الاحباب Said:

    مع انى مش بحب ابعت مسج لحد واقوله كلمنى شكرا
    لانى دايما بتبعتلى وانا اللى باتصل
    بس فعلا الكلمة الطيبة صدقة
    والشخص كلمات وافعال
    ويمووووووووت الشخص وتظل الذكرى والكلمات الطيبة فيترحم عليه الجميع
    تحياتى وتقدير اختى العزيزة

  3. A.SAMIR Said:

    الكلمة نووور وبعض الكلمات قبور
    اهمية اي كلمة في اي وقت واي مكان انها لما بتخرج من اللسان ما بترجعش تاني
    تحيااااتي

  4. blue-wave Said:

    الله
    علشان انااول تعليق
    وعلشان بجد انتى فكرتى فى معنى جديد لكلمه سخيفه وخليتينى بعد ما كنت بكرهها بدأت افكر فيها تانى
    تحياتى

  5. عايش ولكن Said:

    انا مش عارف ان كان ده اول تعليق ولا ايه
    بس عموما
    بالنسبه للموضوع
    الكلمه دائما ما تدل على صاحبها
    وكثيرا ما نرى البعض من شكلهم نحترمهم جدا
    ولكن من كلامهم يكونوا فى اسفل سافلين
    بوستك جميل
    ونفعنا الله به وبك
    تحياتى
    علاء

  6. استراحة محمد Said:

    الكلام هو وسيلة الاتصال بين البشر ، ووسيلة للتعبير عن المشاعر
    عشان كده لازم كل واحد يعبر عن نفسه التعبير الأمثل بالكلمة الطيبة
    والكلمة الطيبة صدقة
    بوست جميل
    تحياتى دائما

  7. Whispers just for a Night Said:

    الكلمة ياسيدتي تقيم شعوباً وتهدم ديار.
    الكلمة لما تخرج من فم الإنسان ولا يعقلها قد تسبب له الدمار.

    سخر من الكلمة أحمد مطر في إحدى قصائده فقال

    أذكر ذات مرة أن فم كان به لسان
    وكان ياما كان
    يشكو غياب العدل والحرية
    ويعلن احتقاره للشرطة السرية
    فطلب له الحاكم إجراء عملية
    بعد أن أثبت بالأدلة القطعية
    أن لساني في فمي زائدة دودية!

    هكذا الكلمة ياسيدتي منها ما شق على النفس ومنها ما يستحث رضاها. قال تعالى

    أَلَمْ تَرَ كَيْفَ ضَرَبَ اللّهُ مَثَلاً كَلِمَةً طَيِّبَةً كَشَجَرةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاء [24]تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ [25]وَمَثلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِن فَوْقِ الأَرْضِ مَا لَهَا مِن قَرَارٍ [إبراهيم : 26]

    وقال أبو القاسم صلى الله عليه وسلم “الكلمة الطيبة صدقة” فلما تخلينا عن الصدقات وزهدنا فيها صار ما لنا من قرار.

    من أجمل ما قرأت للعالم اتربوي الكبير جورج بوشامب في الأدوار التبادلية بين المعلم والمتعلم ما ملخصه “قد يكون المتعلم في حاجة إلى التكلم أكثر من حاجته للإستماع لمعلمه” ولو عممت القضية لعلمت أن الأمر ليس بالكلام فقط. قد يكون صمتك أيضاً مرضاة لمن أمامك.

    قالها الدكتور إبراهيم الفقي في كتابة “البرمجة اللغوية العصبية وفن الإتصال اللامحدود” حينما قسم البشر من حيث الإتصال إلى ثلاث : شخص بصري يميل إلى الرؤية وآخر صوتي يميل إلى السمع وآخر لفظي يميل إلى الكلام. فقد تكون كلمتك هي صمتك وقد تكون هي دليلك الملموس وقد تكون في كلامك المنطوق بالفعل.

    الخلاصة لأكف عن الإطالة: أن من أرسل إليك الإشارة طالباً منك على استحياء أن تكلمه أو أن تستمع إليه أو أن تبصره بحقائق الأمور ، وكن على ثقة أنه ما أرسل إليك الرسالة إلا لثقته فيك فلا تعبث بها، واحتسب عند الله إن وجدت منه جزاء سينمار! فكثير ما هم

    إحترامي وتقديري

  8. موناليزا Said:

    همس الاحباب
    اهلا بيك استاذ خالد
    ربنا يكرمك واشكرك جدا على كلماتك الرقيقة وادعيتك الجميلة
    وتسعدنى دائما زيارتك
    لاتتخيل سعادة الطرف الاخر باتصالك به واهتمامك برسالته فلها عميق الاثر فى النفس وقد نموت ويتذكر هذا الشخص اتصالنا الفورى به ويدعوا لنا بالرحمة
    نورتنى اخى الفاضل واشكرك لمشاركتك
    دمت طيبا ولمدونتى زائرا
    *********************************
    a.samir
    اهلا بيك يافندم
    ونعم فللكلمة خطورة لايدركها الجميع
    نورت مدونتى واشكرك لمشاركتك
    ********************************
    blue_wave
    اهلا بيك يافندم
    ولماذا تعتبر هذه الرسالة سخيفة مش يمكن حد محتاجلك بجد ولا يملك سواها لتشعر به
    ولكنى اشكرك لانك ستنظر لها بمنظور اخر
    نورتنى يافندم واشكرك لمشاركتك
    ***********************************
    عايش ولكن
    اهلا بيك استاذ علاء
    معك حق وذكرتنى بمقولة “طه حسين” اتكلم حتى اعرفك
    وهناك مقولة ايضا:رب كلمة سلبت نعمة
    نورتنى يافندم واشكرك جدا لمشاركتك
    ********************************
    استراحة محمد
    اهلا بيك يافندم
    حقا فبالكلام نستطيع التواصل والمعرفة ونقل الافكار ومشاركتها وما اجمل ان يتم هذا بكلمات طيبة تترك اثر حسن فى نفوس الاخرين
    نورتنى يافندم واشكرك جدا لمشاركتك
    *********************************
    whispers just for anight
    اهلا بيك ابوخطاب
    وحقا استمتع بتعليقك مهما طال فهو يحمل الكثير من الافادة
    ولى استفسار ما المقصود” بجزاء سينمار” اشعر بانه كناية عن نكران الجميل ولكنى اريد التوضيح فاكيد هذا المثال له قصة فاذا كنت لاتمانع او تملك من الوقت مايجعلك تقصها علينا اكون شاكرة جدا
    نورتنى اخى الفاضل واشكرك جدا لمشاركتك

  9. rovy Said:

    ما شاء الله عليكى اختى الحبيبه
    ربنا يحميكى .. وحشتينى ..
    طبعا الكلمه الطيبه لها مفعول السحر فى النفوس فسبحان الله كلمه تكون سبب فى هداية انسان و كلمه اخرى تضله و تشقيه ..
    ادامك الله لنا وادام كلماتك الطيبه
    كل الود و التقدير
    تحياتى
    rovy

  10. Whispers just for a Night Said:

    تكملة لطمعنا في سعة صدركم ورحابة فضلكم وتوضيحاً لما سبق أقول وباله التوفيق:

    بنى سنمار للملك النعمان قصراً إسمه الخوريق، وبعد أن انتهى من بنائه قال سنمار للملك: إني أعرف في هذا القصر موضع عيب إذا هدم تداعى القصر أجمع· فقال الملك النعمان لسنمار: أما والله لا تقل عليه أبداِ ثم رمي به من أعلى القصر فمات،
    وقال الشاعر في هذا المعنى:

    جزاني جزاء الله شر جزائه
    جزاء سنمار وما كان ذنبي
    سوى رصة البنيان عشرين حجة
    يعلي عليه بالقراميد والسكب

    رصه:الصق بعضه إلى بعض
    حجة :سنة

    وفي أمثالهم يقولون أيضاً ”جزاء سنمار”·

    ووردت القصة بشكل آخر في بعض الكتب :
    إن سنمار الرومي بنى قصر (الخورنق” للنعمان من أمريء القيس، فقتله لئلا يعمل مثله.

    إنتهى

    المقصود سيدتي الكريمة أنك قد يأتيك من يميل إليك طالباً ما توفيه إياه فينكره عليك بعد ذلك. واسألي التاريخ عن تلكم النماذج. واقرأي إن شئتي قوله تعالى في سورة الكهف. فقد سأل اليهود الثلاثة أسئلة بغية التصديق بعلامات نبوة النبي الكريم صلى الله عليه وسلم. فلما جاءهم البيان أنكروه. وكانت عاقبة السؤال أن انقطع الوحي عن النبي صلى الله عليه وسلم لأنه قال أجيبكم غدا ونسي أن يقول إن شاء الله.

    ولما سأل سلمان الفارسي النبي صلى الله عليه وسلم عن علامات النبوة من عدم قبول الصدقة وقبول الهدية وخاتم النبوة استجاب وربح الدنيا والآخرة ولم يرتد على عقبيه. فالمسي الفرق

    كذ ما فعله اليهود في عبد الله بن سلام الذي شهد اليهود في حقه وقالوا سيدنا وبن سيدنا ثم لم أشهر إسلامه بينهم لاعنوه وقالوا سفيهنا وبن سفيهنا.

    فللكلمة ثمنها ياسيدتي، وقد تسدي المعروف وتلقى جزاء سينمار كما أسلفت. فما أرى أن سينمار رمز لأن ينكر جميل فحسب، ولكن أن يطمس ملامح عمل جميل أو أن يمحى آثاره بشكل أو بآخر. فذاك الشق الآخر من الكلام. وذلك الأولى بالإحتساب. وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ [فصلت : 34]

    أعتذر عن الإطالة ولكن رحابة صدركم مطمعنا. جزاكم الله عنا خيرا

    إحترامي وتقديري

  11. واحدة مفروسة Said:

    الله يفتح عليكي يا رب
    انا طول عمري اقول ان الكلمه الطيبه صدقه..
    و فعلاًً (كلمه) ممكن تخرب بيوت و ممكن تعمرها
    ممكن توفق و ممكن تفرق
    ربنا يكرمك يا قمرة

  12. Bongo Said:

    السلام عليكم

    موضوع اكثثثثثثر من رائع

    و عندك حق في كل كلمة

    فعلا الكلمة الطيبة صدقة

    ( اتقوا النار ولو بشق تمرة، فإن لم يكن فبكلمة طيبة)

    ربنا يكرمك علي البوست الجميل

    تحياتي لك ِ

    🙂

  13. كاتب مصري Said:

    شكرا على الزيارة وأتمنى أن تكون فد أهجبتك المدونة فعلا
    تحيتي ولي عودة للتعليق على البوست

  14. ADAM Said:

    الكلمة شرف الله كما يقول العلماء

    المسيح كلمة

    الإسلام كلمة

    التوحيد كلمة

    فالكلمة لا يجب أن تخرج إلا لمفيد نافع

    وسبحان الله فالكلمة من أهون الأشياء

    عند الناس

    من أعظم الأشياء عند رب الناس

    تقبلي تحياتي يا عزيزتي

    آدم

  15. ammola Said:

    بجد انتى دايما كلماتك بيكون لها مفعول عجيب عليا
    يعنى كانك مثلا مثلا قاعدة معايا وبتكتبى
    الموضوع ده بالذات كان سبب فى مشكلة كبيرة ليا..وسبحان الله انت جاية تتكلمى فى نفس الموضوع
    باشكرك اوى يا حبيبتى الغالية على مؤازرتك ليا ووقفتك جنبى بجد كلامك ساعدنى كتير
    وفعلا المرء باخوانه
    ربنا يبارك فى اخوتنا ومحبتنا فى الله
    ويسعدك يارب بكل ما تحبين وترضين
    ويجعل المقبل من أيامك عوضا وخيرا عما استدبرت منها

  16. GeHaD-----(male) Said:

    ناس كتير اوي ساعات بتبقي محتاجه ان اي حد يكلمهم وانا واحد منهم

    سواء يرشدهم او يفهمهم وانت لما بتنصح واحد ربنا بيكرمك طبعا

    تحياتي

  17. الباحث عن الحقيقة Said:

    تتصوري معاكي حق
    بوست كده تحسي انه بيقولك يا غبي ازاي مكنتش واخد بالك
    ومع كل اللى قلتيه سبحان اللى ده كمان الكلمة الطيبة صدقة
    هتاخدوا ثوااااب يا بشرررر
    تحياتي
    وشكرا على البوست

  18. Walad_Masry Said:

    قال رسول الله صلى الله عليه وسلم في معنى الحديث “وهل يكب الناس على وجوههم في النار يوم القيامة إلا حصاد ألسنتهم”

    نعم الكلمة هي مفتاح الجنة وربما أشقت صاحبها وهوت به في النار كما اخبر النبي صلى الله عليه وسلم “إن الرجل ليتفوه بالكلمة من غضب الله لا يلقى لها بالا تهوي به في النار سبعين خريفا” وكذلك الكلمة الطيبة ترفع صاحبها في الجنة

    جزاكي الله خيرا على التذكرة

    تحياتي

  19. .:.-=- ELGaZaLy-=-.:. Said:

    اول مرة ابص للكلمة دى بالمعنى دة

    تالق قلمك تلك المرة…بحق…الكتابة الحقيقية ان تنجحى فى تغيير مفاهيم …لحق رائعة

  20. la3lahakhier Said:

    تسلم ايديكى يا حبيبتى
    اهو كدا البوستات
    فين الواجب بتاعى ماعملتهش ليه ؟؟؟؟؟
    هاتوا العصا ياولاد؟؟
    مش عشانك طبعا دى لهش الدبان ههههههههه

    كلمة الاحتياج ضعف وغباوة من صاحبها ومن تغابى يدفع ثمن غبائه كثيرا خاصة ان وصلت هذه الاستغاثة لمن لايستحقها فاهون الامر الا يرد ويحرجه اما ان استخف به واهانه ورد له الصاع صاعين فماذا يكون الصنع ؟

    اما حينما تصل لصاحبها الذى يهرع بالنجدة ولايبخل بالرد والسؤال ويساند دائما دونما من ولا اشعار الاخر انه من احتاج اليه فهو من يستحق ان تحمل احذيته فوق الرأس بس هما فين يا ختى بلا نيلة
    الله يقطع الاتصالات كلها عن الوحشين ويوصل كل الاحبة المخلصين الصادقين بس يارب
    دمتى بكل السعادة والفرحة والخير يا حبة القلب

  21. اوعى تفكر Said:

    فعلا الكلمه الطيبه صدقه
    ياما كسبنا ناس بكلمه طيبه
    ياما كان ناس فى صف اعدائى
    وبقوا اصدقاءى بسبب كلمه
    ياما ناس كرهتنى وانا كرهتهم بسبب كلمه
    الكلمه البسيطه لها مفعول كبير ومفيد
    كل ده بكلمه

  22. mayada Said:

    موناليزا
    جزاكي الله عنا كل خير
    وفعلا الكلمه الطيبه صدقه
    وبعض الكلمات نور وبعضها قبور
    وفعلا التذكره حلوه جدا
    مع اني مبحبش كلمني شكرا دي يامونا بتغيظ
    سلام ياقمر

  23. أنا حر Said:

    الكلمة هي اعظم مافي حياتنا ومع ذلك لا نعرف قيمتها ابدا
    سمعت في مرة في برنامج الفهرس لابراهيم عيسى وهو يتحدث عن الكلمة كان يقول ان في عالمنا العربي الفئة الوحيدة التي تعلم جيدا قيمة الكلم هي اجهزة الامن
    تحياتي

  24. حـــــدوتـــــة Said:

    السلام عليكم
    والله انتى عندك حق
    بس فى ناس معندهاش دم
    انا ليا واحد صحبى علطول معهوش رصيد
    وكل مرة نتقابل يبعتلى كلمنى شكرا
    فاللى ذى ده محتاج كلمتين فى جنابه

    سلالالالالالالالالالالالالالالالالالالالام

  25. نونو Said:

    أَلَمْ تَرَ كَيْفَ ضَرَبَ اللّهُ مَثَلاً كَلِمَةً طَيِّبَةً كَشَجَرةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاء [24]تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ [25]وَمَثلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِن فَوْقِ الأَرْضِ مَا لَهَا مِن قَرَارٍ [إبراهيم : 26]
    صدق ربي
    وهناك مقولة تن بعض الكلمات نور واخرى قبور
    والكلمة الطيبة صدقة كما في الحديث الشريف
    فبالكلمة تقام حروب وتهدأ شعوب
    يا الهي فبالكلمة يمكن ان بقذف صاحبها في النار سبعين خريفا
    اقرأي معب هذا الحديث
    #2 02-18-2008
    ناصر الشريعة
    عضو
    المذهب أو العقيدة: مسلم
    تاريخ التسجيل: Jul 2006
    المشاركات: 533

    ——————————————————————————–

    وعليكم السلام ورحمة الله وبركاته

    نص الحديث الصحيح هو : ” إن الرجل ليتكلم بالكلمة لا يرى بها بأسا يهوي بها سبعين خريفا في النار ” .

    ومثله قوله صلى الله عليه وسلم : “إنَّ الرَّجُلَ ليتكلمُ بالكلمةِ مِنْ رضوان الله لا يُلقي لها بالاً يرفعه الله بها درجاتٍ ، وإنَّ العبدَ ليتكلم بالكلمة من سَخَطِ الله لا يُلقي لها بالاً يهوي بها في جهنَّم ”

    ولاحظي ان هنا لا يلقي لها بالا

    وضم إليه هذا الحديث العظيم تفهم المراد منه :
    عن معاذ بن جبل قال
    كنت مع النبي صلى الله عليه وسلم في سفر فأصبحت يوما قريبا منه ونحن نسير فقلت يا رسول الله أخبرني بعمل يدخلني الجنة ويباعدني عن النار
    قال لقد سألتني عن عظيم وإنه ليسير على من يسره الله عليه تعبد الله ولا تشرك به شيئا وتقيم الصلاة وتؤتي الزكاة وتصوم رمضان وتحج البيت
    ثم قال ألا أدلك على أبواب الخير الصوم جنة والصدقة تطفئ الخطيئة كما يطفئ الماء النار وصلاة الرجل من جوف الليل
    قال ثم تلا ( تتجافى جنوبهم عن المضاجع ) حتى بلغ ( يعملون )

    ثم قال ألا أخبرك برأس الأمر كله وعموده وذروة سنامه
    قلت بلى يا رسول الله
    قال رأس الأمر الإسلام وعموده الصلاة وذروة سنامه الجهاد

    ثم قال ألا أخبرك بملاك ذلك كله
    قلت بلى يا نبي الله
    فأخذ بلسانه قال كف عليك هذا
    فقلت يا نبي الله وإنا لمؤاخذون بما نتكلم به
    فقال ثكلتك أمك يا معاذ وهل يكب الناس في النار على وجوههم أو على مناخرهم إلا حصائد ألسنتهم “
    ارايتي هنا حصائد السنتهم
    بارك الله فيكي الموضوع هام فعلا
    تحياتي

  26. عًٍمًرٌٍوٍ آلنْوٍبٌَِى Said:

    امة الله
    انا بجد مش عارف اعلق على موضوعك الجميل موضوع بجد روعة وطريقة عرضك وكلماتك كلها جميلة

    جزاكى الله الخير
    واتمنى من الله ان كل من يقرأء هذا البوست يحاول يعمل بكلماتك الرائعة
    تحياتى ليكى واتمنالك المذيد من المواضيع الهادفة

  27. wanna b a physician Said:

    الحقيقة عندك حق ان الانسان بيفكر فى مصالحة الغير كتير لكن عمره مافكر قبل ما يغتاب حد
    وفعلا الكلمة ليها تأثير
    وهل يلقى الناس فى جهنم الا حصاد ألسنتهم

    عفانا الله واياكى

  28. ayman badr Said:

    فعلا يا موناليزا الكلمة زى ما لها تأثير إيجابى لها برضة تأثير سلبى وزى ما قال الرسول عليه الصلاة والسلام: “ثكلتك امك يا معاذ وهل يكب الناس فى النار على وجوههم إلا حصائد ألسنتهم”
    وزى ما قال عبد الرحمن الشرقاوى
    الكلمة نور وبعض الكلمات قبور
    تحياتى على الموضوع الرائع

  29. دكتور بهــدوء Said:

    الكلمه فعلا بتحط حدود لحاجات كتير
    وبتبدأ حاجات أكتر
    والكلمه بمعناها في نفسها ليست بمعناها في نفس قائلها
    عشان كده كلااام كتير بيزعل وف نفس الوقت مانكونش قاصدينه
    =====================
    اسف ع التأخير ف الزيارات والله ظروف امتحانات تحياتي
    يشفعلي اننا بلديات
    :))))

  30. Gannah Said:

    عزيزتى موناليزا
    دعينى اولا انفذ نصيحة رسول الله صلى الله عليه وسلم لاخبرك انى احبك فى الله
    ودعينى اقول ايضا انك من أصحاب الكلمة الطيبة التى تدخل الى القلوب والعقول
    أنا شخصيا جربت ورأيت بنفسى كيف يمكن أن تغير الكلمة حياة انسان
    كان لى طالبة هذا العام كثيرة الغياب منعزلة وقد يتسبب غيابها فى حرمانها من الامتحانات فتحدثت الى دون ان أضغط عليها لتخبرنى بسبب المشكلة فاذا بها بعد هذا الحديث تبدأ فى الانتظام فى الدراسة ثم ترسل لى رسالة على الجوال لتقول لى ان كلماتى غيرت حياتها
    لكننا كما قلتى نتردد كثيرا قبل ان نقول هذه الكلمة
    دامت كلماتك الطيبة تأمر بالمعروف وتنهى عن المنكر
    تحياتى

  31. Khaled Farag Said:

    مواضيع دايما مميزة بارك الله فيكى
    و عليكى

    تقبلى مرورى

    ملحوظة
    وصلنى أخر تعليق لكى فى مدونتى و أشكركى علية

  32. امل Said:

    السلام عليكم ورحمة الله وبركاته
    معك كل الحق فكثير منا لايتردد في توجيه النقد او الكلمة السيئة اما عند وجود ما يسرنا فاننا نتردد في قول الكلمات الطيبة مع انها قد تفعل الكثير في نفس من تقال له جزاك الله خيرا على تذكرتك الدائمة لنا بالخير .. خالص تحياتي وتقديري وحبي في الله

  33. موناليزا Said:

    rovy
    اختى الحبيبة روفى الغالية:ربنا يسعدك ويفرحك ببناتك وبجد وحشتييينى جداااا
    ونعم حبيبتى وصدق رسولنا الحبيب حينما قال”الكلمة الطيبة صدقة”
    نورتينى ياغالية ودمتى بخير وسعادة
    **********************************
    whispers just for anight
    اهلا بيك ابو خطاب
    اشكرك جدا لاهتمامك ولردك عليا فانا اعلم ان وقتكم الان ثمين نتيجة ظروف الامتحانات فجزاكم الله خيرا وجعله فى ميزان حسناتك
    واشكرك حقا لتذكيرى بهذه القصة
    ونعم اخى الفاضل ما اصعب ان يكون جزائنا جزاء سيمنار وما اكثر هذا الان
    ولا تعتذر اخى الكريم عن الاطالة فتعليقكم يفيدنا حقا ويذكرنا ببعض معلومات كنا بحاجة الى تذكرتها فجزاكم الله عنى خيرا
    ولك منى خالص شكرى وتقديرى
    ***********************************
    واحدة مفروسة
    اختى الحبيبة:ربنا يكرمك واحييكى على استخدامك حديث رسولنا الحبيب صلوات الله وسلامه عليه وليت الجميع يستخدموه
    ونعم غاليتى فالكلمة لها تاثير خطير سواء بالايجاب او بالسلب
    اللهم اجعلنا ممن يستمعون الى القول فيتبعون احسنه
    نورتينى حبيبتى ودمتى بخير
    **********************************
    bongo
    وعليكم السلام ورحمة الله وبركاته
    اختى الحبيبة:ربنا يكرمك واشكرك على رايك وعلى ذكرك لهذا الحديث فجزاكم الله خيرا وجعله فى ميزان حسناتك
    نورتينى حبيبتى ودمتى بخير
    *********************************
    كاتب مصرى
    اهلا بيك يافندم
    تنورنى فى اى وقت
    ***********************************
    adam
    اهلا بيك استاذ ادم
    “الكلمة شرف الله كما يقول العلماء”
    اول مرة اقرأ هذه الجملة وللاسف لم استوعبها جيدا
    اشكرك جدا على تعليقك البليغ
    ===
    رجاء ان تحترم رغبتى ولا تقول لى “عزيزتى”
    “اختى” افضل كتير
    ولك منى جزيل الشكر
    **********************************
    ammola
    اختى الحبيبة:اهلا اهلا بالقمر
    اخيرا ياجميلة الحمدلله بجد وحشتينى جدا وكنت قلقانة عليكى
    ياحبيبتى سبحان الله القلوب عند بعضها
    لا تشكرينى على شئ فهذا اقل القليل فانتى لاتعلمى مدى غلاوتك لدى
    اللهم اجمعنا تحت ظل عرش الرحمن فى يوم لاظل فيه الا ظله
    نورتينى وفرحتينى بزيارتك
    ويارب دايما تكونى بخير
    **********************************
    gehad
    اهلا بيك استاذ جهاد
    وعشان كده كتبت هذا الموضوع لعل الجميع ينتبه
    نورتنى يافندم واشكرك لمشاركتك
    *******************************
    الباحث عن الحقيقة
    اهلا بيك يافندم
    اشكرك جدا على رايك ولم اقصد ابدا ان اقول “ياغبى” لاى شخص مهما كان ولكنى أُذكِر الغافلين وانبه لضرورة الكلمة وتاثيرها
    نورتنى يافندم ودمت زائرا لمدونتى
    *********************************
    walad_masry
    اهلا بيك يافندم
    اشكرك جدا على ذكر هذا الحديث فقد كنت اعزم على كتابنه فى البوست ولكنى لم اتذكر نصه فقدر الله وماشاء فعل
    وجزاكم الله خيرا على تذكرتى به
    دمت طيبا ولمدونتى زائرا
    *********************************
    elgazaly
    اهلا بيك استاذ محمد
    اشكرك جدا لرأيك فماتوفيقى الا بالله والحمدلله ان كلمات قلمى لاقت القبول
    نورتنى يافندم واشكرك لمشاركتك
    ********************************
    la3lahakhier
    اختى الحبيبة: ماتحرمش منك يارب ولا من زيارتك الجميلة والحمد لله ان البوست نال الاعجاب والقبول من جانبكم
    اعذرينى فى حكاية الواجب ده انا خلاص كبرت على الحاجات دى هههههه
    فى هذا الموقف الذى ذكرتيه بنعرف جيدا معادن الناس ونحذر فى التعامل معهم فيما بعد ولا نستطيع لومهم فنحن من اعطيناهم الثقة
    والمثال التانى والله موجودين يمكن اللى مروا فى حياتنا قليلين او معدومين ولكنى اشعر بوجودهم او هكذا احلم بوجودهم
    وذى ما في الشر اكيد في الخير
    ربنا يسعدك ويرزقك بالاحبة المخلصين دايما فى طريقك
    نورتينى وامتعتينى بتعليقك
    دمتى بكل الخير والصحة والسعادة
    **********************************
    اوعى تفكر
    اهلا بيك يافندم
    ولهذا يجب علينا الانتباه قبل خروج الكلمة منا
    فالكلمة كالرصاصة اذا اطلقتها لايمكن استعادتها كما كانت
    نورتنى يافندم واشكرك جدا لمشاركتك
    ***********************************
    mayada
    اختى الحبيبة:اهلا اهلا بالقمر
    اذيك يامادى يارب تكونى بخير
    وليه بس ياحبيبتى مش يمكن اللى باعتلك الرسالة محتاجلك بجد ومكالمتك وكلامك هيفرق معاه
    أقولك ابقى اتصلى باللى يبعتهالك عشان تاخدى الثواب وبنية اغاثة ملهوف
    ربنا يكرمك يارب ويسعدك ياجميلة
    نورتينى حبيبتى ودمتى بخير
    ********************************
    انا حر
    اهلا بيك يافندم
    حقا هذه المقولة
    فحبيبك يبلعلك الزلط وعدوك يتمنالك الغلط
    نورتنى يافندم واشكرك لمشاركتك
    ***********************************
    حدوتة
    وعليكم السلام ورحمة الله وبركاته
    اهلا بيك يافندم
    معاك حق فيه ناس بتحب نهزر بالرسالة دى بس اكيد بنبقى عارفينهم كويس وياخوفى ليكون جزائهم فى الاخر ذى جزاء الكذاب اللى غرق فى البحر
    فاكر الحكاية دى؟
    نورتنى يافندم واشكرك لمشاركتك
    *********************************
    نونو
    اختى الحبيبة:ربنا يكرمك فقد اوفيتينى حقا بهذه الاحاديث القيمة وجزاكم الله خيرا على ذكرها فقد كنت انوى ادراجها فى البوست ولكنى لم اتذكر النص جيدا
    فجعلهم الله فى ميزان حسناتك
    ونعم ياغاليتى فالكلمة سهم حين نطلقه لانستطيع ايقافه
    نورتينى حبيبتى ودمتى بخير
    ********************************
    عمرو النوبى
    اهلا بيك استاذ عمرو
    ربنا يكرمك على تعليقك والحمد لله فهذا من فضل ربى
    نورتنى يافندم واشكرك جدا لمشاركتك
    *******************************
    wanna b a physican
    اهلا بيك يافندم
    ومعك حق فلو فكرنا قبل القائنا اى كلمة لكان افضل للكثير
    نورتنى يافندم واشكرك لمشاركتك
    *********************************
    ayman badr
    اهلا بيك استاذ ايمن
    وربنا يكرمك على تعليقك وليتنا جميعا ننتبه لخطورة اى كلمة ممكن تقال بدون تفكير
    نورتنى يافندم واشكرك لمشاركتك
    **********************************
    دكتور حر
    اهلا بيك يادكتور
    معاك حق فكم من كلمات اتقالت بهزار عن لسان صاحبها واخذها المستمع على محمل الجد
    ولذلك وجب علينا توضيح اى كلمة نقولها ولا نتركها عائمة
    لاتعتذر يادكتور كان الله فى العون شد حيلك وربنا يوفقك وينجحك باعلى تقدير
    دمت طيبا ولمدونتى زائرا
    **********************************
    gannah
    اختى الحبيبة جنتى الجميلة:وانا ايضا احبك فى الله واحبك الذى احببتنى فيه
    ربنا يكرمك ويسعدك يارب فالحمدلله فهذا من فضل ربى
    ونعم ياغاليتى ليتنا جميعا لانتردد بالذات فى الكلمة الطيبة لعلنا نهدى بها عاص او نفرج بها مهموم
    لاتتخيلى سعادتى بتعليقك وبكلامك الجميل ربنا يجعله فى ميزان حسناتك ويزقك بما يقر به عينيكى
    نورتينى حبيبتى ودمتى بكل الخير والصحة والسعادة
    ********************************
    khaled farag
    اهلا بيك استاذ خالد
    ربنا يكرمك واشكرك جدا على تعليقك فهذا من فضل ربى
    دمت طيبا ولمدونتى زائرا
    **********************************
    امل
    وعليكم السلام ورحمة الله وبركاته
    اختى الحبيبة:ربنا يكرمك ويسعدك على تعليقك الجميل
    ونعم حبيبتى فالكلمة الطيبة لها تاثير كالسحر
    جعلنا الله دائما من اصحاب الكلمة الطيبة
    نورتينى حبيبتى واحبك الذى احببتنى فيه

  34. DoMaLaYs Said:

    موضوع فوق الرائع بصراحه

    و كلامك جميل و مقنع

    و اوعدك اني ازورك باستمرار

  35. snohe Said:

    استمتعت بكلماتك
    شكرا

  36. Ghada & Rofayda Said:

    بالكلمه الطيبه ستجذب وتتمركز في قلوب الناس…………….

    طيبة القلب +الكلمة الطيبة=تملك …

    الكلمة الطيبة
    كالبلسم الشافي على قلوب الأخرين.

    الكلمة الطيبة
    عند خروجها لا تحتاج إلى تأشيرة سفر ولا دفع مبالغ لتصل إلى القلوب.

    الكلمة الطيبة
    تضمد الجرح …

    تحيااااااااتي

    ودمت بخير
    ========================

    على فكره ليك تااااااج عندنا اتفضلي واستلميه

  37. حاول تفتكرنى Said:

    متعتنا كبيرة بالقراءة

    مدونتك لها مذاق مختلف

    تحياتي

  38. funckydoctor Said:

    ده توارد أفكار
    أنا كنت هكتب فى الموضوع ده بس سبقتينى
    عندك حق والله
    بس أهم جزء ان العبد ليلقى بالكلمة من سخط الله لا يلقى لها بالا يهوى بها فى النار سبعين خريفا
    تحياتى لك

  39. تــــــــــ(حـنة)ـــــــر Said:

    السلام عليكم ورحمة الله وبركاته
    اولا حابه اشكرك على تشريفك المتميز فى ليتنى اراك و فى سيد الأخلاق كمان
    واتمنى يارب على طول نكون على تواصل
    اما عن موضوعك …فأنا كان اسعدنى الحظ وكنت اتكلمت فيه … و قلت فعلا ان اكمة دى ترياق أو سم
    حفظنا الله من شرورها و اسعدنا بسرورها
    وتحياتى ليكى

  40. آفاق الحرية Said:

    مفيش احسن من الكلمة الطيبة الحسنة
    فممكن ان تكون هذه الكلمة سببا في هداية هذا الشخص

  41. ادم المصرى Said:

    بوست جميل اوى مونليزا

  42. بنت مصريه Said:

    الله عليكى
    فعلا الكلمه ساعات بيكون لها تأثير السحر
    وعلى رأى اغنيه الحلم العربى
    الكلمه بتلغى حدود ووطنها هو القلب
    فعلا بوست رائع احييكى

  43. مدحت محمد Said:

    فى ناس كتير بتستهون بالكلمة

    رغم الرسول قال صلى الله عليه وسلم فى المعنى
    ان المرء ليلقى بالكلمة لايلقى بها بالا فتقذف به فى نار جهنم سبعين خريفا

    او كما قال رسول الله صلى الله عليه وسلم

    مرة لما كنت فى الجامعة زميلى غاب وكانت علاقتى بيه ضيقة للغاية

    فاخدت رقمه اطمنت عليه

    من ساعتها بقينا اصحاب اوى
    قلتله ابقى طمنا عليك بس كدة كانت ليها مفعول السحر
    الكلمة ليها اهمية اكيد وجدا

    تحياتى

  44. موناليزا Said:

    domalays
    اهلا بيك يافندم
    اشكرك جدا على تعليقك فهذا من فضل ربى
    وتسعدنى زيارتك دائما
    نورت مدونتى
    **********************************
    snohe
    اهلا بيك يافندم
    اشكرك جدا فهذا من فضل ربى
    نورت مدونتى وتسعدنى زيارتك
    ***********************************
    ghada&rofayda
    اختى الحبيبة:ما اجمل تعليقك وخاصة هذه المعادلة الرائعة
    ====
    اشكرك جدا لمرور هذا التاج لى ولكن اعذرينى حبيبتى فى الاجابة عليه
    نورتينى ودمتى بخير
    *********************************
    حاول تفتكرنى
    اهلا بيك يافندم
    اشكرك جدا ويارب افضل كده دايما
    نورتنى واسعدت مدونتى بزيارتك
    **********************************
    funckydoctor
    اهلا بيك يادكتور
    اشكرك جدا لتعليقك
    وفى انتظار موضوعك
    دمت طيبا ولمدونتى زائرا
    ***********************************
    تمر حنة
    وعليكم السلام ورحمة الله وبركاته
    اختى الحبيبة:مدونتك بحق رائعة وتستحق الزيارة
    ولكن لم يسعفنى الحظ لقراءة موضوعك هذا مع انى واثقة انه اكيد رائع كباقى تدويناتك
    ربنا يكرمك واشكرك جدا على زيارتك وتعليقك
    نورتينى حبيبتى ودمتى بخير
    **********************************
    افاق الحرية
    اهلا بيك يافندم
    ومعك حق فما اجمل الكلمة الطيبة فى حياتنا
    نورتنى يافندم واشكرك لمشاركتك
    ********************************
    ادم المصرى
    اهلا بيك استاذ ادم
    اشكرك جدا لرايك فهذا من فضل ربى
    دمت طيبا ولمدونتى زائرا
    **********************************
    بنت مصرية
    اختى الحبيبة:ربنا يكرمك واشكرك لذكر هذا المقطع من الاغنية فهو معبر حقا
    نورتينى حبيبتى ودمتى بخير
    *********************************
    مدحت محمد
    اهلا بيك استاذ مدحت
    وفعلا ياما كلمات بسيطة قلناها ولم تكلفنا شيئا ولكنها تركت اثر طيب فى نفوس الاخرين والعكس صحيح طبعا فممكن كلمة تتسبب فى خصام وزعل لاينتهى مع من تحب ولذلك وجب الانتباه
    نورتنى يافندم واشكرك لمشاركتك

  45. semsem Said:

    عندك حق بجد
    ممكن كلمة تقتل
    جزاك الله كل خير

  46. ست البيت Said:

    موناليزا الحبيبة،،،
    جزاك الله خيرا عما قلتيه ليه …هذا هو المعني الحقيقي للكلمة ، أن تبني لا تهد أن تبني بدل الحزن فرحاً وبدل الظلام توقد ألف شمعة .. وبدل الظلم تفتح ألف باب للعدل
    كلمات كانت ذات صدى جميل أنت وجانا،، جزاكم الله كل خير ..
    أنت مدعوة إلى لقاء المدونيين بالاسكندرية التفاصيل على مدونتي أنا أهتم
    وإلى لقاء بإذن الرحمن

  47. mohra Said:

    لو فكر الناس فى تأثير كلماتهم سلبا او ايجابا لاختلف حالنا كثيرا
    يا ريت نحس ببعض
    تحياتى

  48. مواطن مصرى نايم Said:

    روعة جداااااااا
    اضافة الى الكلام الجميل ده

    بسم الله الرحمن الرحيم
    (ألم تر كيف ضرب الله مثلاً كلمة طيبة كشجرة طيبة أصلها ثابت وفرعها في السماء . تؤتي أكلها كل حين بإذن ربها ويضرب الله الأمثال للناس لعلهم يتذكرون . ومثل كلمة خبيثةٍ كشجرةٍ خبيثةٍ اجتثت من فوق الأرض ما لها من قرار)

    ومن حديث معاذ قال: قلت يا رسول الله وإنا لمؤاخذون بما نتكلم به ؟ فقال:” ثكلتك أمك، وهل يكب الناس في النار على وجوههم إلا حصائد ألسنتهم “

    ربنا يكرمك على مواضيك الجميلة دى
    تحياتى
    ESLAM

  49. أسير حبيبتي Said:

    السلام عليكم
    زيدينا من مواضيعك الراقيه الوافيه
    فأنتِ من اكثر المدوِّنات حرصا على التأثير
    و من اكثرهم اهتماما بأمور الدين
    بارك الله فيكِ
    و ايدكِ بعظيم سلطانه

    تحياتي
    عدنان

  50. موناليزا Said:

    semsem
    اختى الحبيبة:ربنا يكرمك واشكرك جدا لمشاركتك
    نورتينى حبيبتى ودمتى بخير
    **********************************
    ست البيت
    اختى الحبيبة:ربنا يكرمك يارب وفعلا الكلمة لها تاثير خطير جدا قد لايدركه البعض
    اشكرك جدا على هذه الدعوة الغالية ولكن ارجو ان تعذرينى فلدى ظروف تمنعنى من السفر
    اتمنى لكم لقاء ممتع
    نورتينى حبيبتى ودمتى بخير
    **********************************
    mohra
    اختى الحبيبة:معكى حق ولذلك اردنا ان نذكر انفسنا اولا
    نورتينى حبيبتى ودمتى بخير
    ********************************
    مواطن مصرى نايم
    اهلا بيك استاذ اسلام
    ربنا يكرمك على هذه الاضافة الرائعه فجزاكم الله خيرا وجعلها الله فى ميزان حسناتك
    نورتنى استاذ اسلام واشكرك لمشاركتك
    *********************************
    اسير حبيبتى
    وعليكم السلام ورحمة الله وبركاته
    اهلا بيك استاذ عدنان
    ربنا يكرمك ويسعدك يارب كما اسعدتنى بتعليقك فما توفيقى الا بالله وبدعائك ربنا يتقبل ولك بالمثل ان شاء الله
    نورتنى استاذ عدنان واشكرك جدا لمشاركتك

  51. جنّي Said:

    السلام عليكم

    أسف جدا لتأخري

    ما شاء الله الأخوة والأخوات أفاضوا في التعليقات الجميلة على موضوعك الرائع ..

    ما أتعسنا من بشر إلا مارحم ربي فقد أطلقنا لألسنتنا العنان لتقول لهو الحديث ولغو الكلام وتغتاب وتأكل الميتة وتتثاقل عن الذكر وحلو الحديث .. ونست ألسنتنا أنها قد تطيح بنا في جهنم أعاذنا الله أو تنقلنا لجنات الخلود ..

  52. ketchup Said:


    تكلم حتى أراك

    بيقولوا كدا

    هم مين اللي بيقولوا !!

    them

    اللي قبلنا

    يوست جميل
    تقديري

  53. بنت أبيها Said:

    فعلا فبعض الكلمات نور

    وبعضها قبور

  54. Nour eldin Said:

    الاخت الفاضلة موناليزا
    اولا موضوعك رائع جدا
    وصدقت فبالكلمة قد تفتح الابواب وتفتح القلوب
    وبالكلمة ايضا نلج الى الجنة او نلقى فى الجحيم
    ………….
    ما اقسى الكلمات وما اشد نصلها وحتفها

    موضوعك اكثر من رائع كونى بخير دائما

  55. موناليزا Said:

    جنى
    وعليكم السلام ورحمة الله وبركاته
    اهلا بيك استاذ سيد
    ولا يهمك يافندم كان الله فى العون
    وما اجمل تعليقك لو وضعه الجميع نصب عينه لكان حالنا افضل كثير
    نورتنى يافندم واشكرك جدا لمشاركتك
    *********************************
    ketchup
    اهلا بيك يافندم
    وجميلة حركة تلوين التعليق كيف تفعلها!!؟
    والمقولة دى اللى قالها “طه حسين”
    وهى واقعية جداومفيدة ايضا
    نورتنى يافندم واشكرك لمشاركتك
    **********************************
    بنت ابيها
    اختى الحبيبة:حقا يا جميلة ولذلك وجب الانتباه قبل التفوه باى كلمة
    نورتينى حبيبتى ودمتى بخير
    *********************************
    nour eldin
    اهلا بيك استاذ نور الدين
    ربنا يكرمك واشكرك جدا لرايك
    وليت الجميع يدركون ذلك
    نورتنى يافندم واشكرك لمشاركتك
    دمت طيبا ولمدونتى زائرا

  56. zOzO Said:

    مش عارفه اقولك ايه
    بس بجد البوست حلو اوي وبدايته عجبتني
    فعلا الكلمه دي ممكن بيها نكسب حسنات وممكن ناخد سيئات
    ربنا معانا

    وحشتيني اوووووي بس النت عندي بايظ
    في رعايه الله

  57. أحسن تـستاهـل Said:

    وكم مرة ندمنا على كلام تفوهنا به دون تفكير سواء فى لحظات الغضب أو فى لحظات الضعف

    الجملة دي اول ما قريتها ماشفتش غيرها في البوست

    موناليزا،، انتي رهيبة
    مالكو يا جماعة،، انا عماله ادخل كام بلوج ورا بعض كله ما شاء الله مبدع النهارده انا كنت فاكرة الحر هيأثر ع الناس انما طلع العكسسسسسسسسسس

    موناليزا،، جااااااااامدة

    مها ميهوووو

  58. أم أحمد المصرية Said:

    حبيبتي موناليزة
    عندك حق فالكلمة تبني يوت و تهدها تقيم علاقات و تقطعها لذلك لا تبخلي علي بها فلك واجب عندي في انتظار حضورك لأستلامه و حله و انت عارفة الواجب علينا حق

  59. نبضات Said:

    الكلمه الطيبه صدقه
    فى كل الاحوال مع الصديق والقريب وايضا مع السائلين فى الشوارع مش معنى ان احنا مش نديهم حاجه ننهرهم او نأذيهم بالكلام حتى ولو مش متاكدين انهم محتاجين ….لكن ممكن كلمه بسيطه وجميله مثل ربنا يسهلك

    وقال الشاعر
    ان الحقائق قاسيه فستعيروا لها رقه البيان

    قد ايه الكلمات بتفرق ممكن نقتل شخص بكلامتنا مش لازم يكون قتل مادى لكن معنوى وممكن نغير حياه انسان برده بكلماتنا ونخفف عن البشر بكلمتنا ايضا

    الكلمة نور
    و بعض الكلمات قبور

    تحياتى لكل ماتكتبين وماستكتبين
    من مواضيعك الراقيه
    بوست مميز كالعاده

  60. HANY YASSIN Said:

    السلام عليكم
    احييكى على موضوعك الرائع
    نعم الكلمة لها مفعول السحر
    لكن المشكلة ان لا احد يريد ان يستمع
    ولا احد يصدق من يقول الكلمة
    تحياتى
    هانى يس

  61. Baker Said:

    مش عارف اقولك ايه
    كل موضوعاتك كده ما شاء الله جميله
    و كلامك من احلى الكلام الى بقراه

  62. Dr- Hema Said:

    الكلمة الطيبة صدقة

    ولكن الكلمة سلاح ذو حدين فيجب أن تكون فى الخير كما ذكرتى حضرتك
    والخير مجالاته كثيرة

    تقبلوا تحياتى

    د/هيما

  63. يوميات فنانه مفروسه جداا Said:

    انتي فين يا ماما موناليزا مش تيجي تشوفي ايه اللي بيحصلك ده
    ______________________________
    يعنى بالكلمة الطيبة ممكن أب يكسب ولاده ومايخليهمش يعملوا حاجة غلط لأنه كلمهم وأعطاهم الأمان والحنان اللى بيدوروا عليه بره.

    اكتر حته كتباها اتكت عالجرح ورساله بقي لكل الابهات برو اولادكم حتي يبروكم

    وفيتي يا موناليزا

    سلام يا حبيبتي

  64. ايمان @@ بنت الحرية Said:

    جزاكى الله خير على الموضوع الرائع دة
    وبجد مدونة جميلة جدا
    فعلا والله الكلمة دى ساعات بتغير مجرى صاحبها خالص

    وكلمينى ..شكرا

  65. GiGi Said:

    فعلا الكلام ده سحر بجد دي نعمه كبيره قوي بس كمان انك تاقى اللى تكلمه دي حاجه اجمل واكبر حقيقى الحمد لله ان ربنا موجود كل وقت لانه سبحانه اللى بنلاقيه فى كل وقت وفى من عباده غافلين عنه سبحانه يبقى هنزعل لما نلاقى نفسنا لوحدنا ومفيش حد جنبنا
    ربنا يرزقنا الصديق الحقيقى والام الحقيقيه
    ربنا يباركلك على موضوعاتك
    حقيقى انى احبك فى الله

  66. الجمعاوي الاصيل Said:

    شيئان لهما اثر السحر على النفوس البشرية

    وكلاهما قال عنهما النبي انهما صدقة

    الكلمة والبسمة

    فالكلمة الطيبة صدقة

    وتبسمك في وجه احيك صدقة

    موضوع جميل تقبل الله منا ومنكم

  67. عروسة ننوسة Said:

    البوست رائع وله هدف نبيل وجميل
    اتمنى منك المزيد
    تحياتى

  68. فزلوكة Said:

    فعلا أحيانا بنبخل بالكلمات
    وأحيانا مبيكونش بخل قد ما هوا عدم تعود على التعبير عن مشاعرنا
    خاصة فى مجتمعنا

    جميلة كلماتك يا موناليزا بجد
    ربنا يبارك فيكى

  69. مشتاق لله Said:

    والكلمة الطيبة صدقة

  70. أختكم فى الله Said:

    الله عليكى وعلى كلامك الجميل
    انتى عسل
    جزاكى الله خيرا يا حبيبتى

    (:

  71. أختكم فى الله Said:

    انا عندى فى المدونة واجب بنمرره علينا كلنا .
    إذا سمحت ومكنش عندك مانع يا ريت لو تحلى الواجب عندك هنا فى المدونة .

    تحياتى

  72. bar2ash Said:

    موناليزا
    ازيك ياقمر
    انتي عارفه ان الرساله دي بقت بتستفزني جدا
    لاني اوقات اتصل الاقيه يقولي لا ده انا مش معايا رصيد وقلت بس ارن عليك بيها

    في حين ممكن يكون حد محتاجك فعلا وبسبب ده متتكلميش

    عارفه بيفكرني بايه

    لو في حد محتاج مساعده ماليه مثلا وواحد مش محتاج بس هو كمان بيطلب فبيخليني اشك في نفسي اعطي ولا لا

    حاجه تغيظ

    يالله سلاموز طولت عليكي

    تحياتي

  73. ghoneem Said:

    السلام عليكم

    اه من الكلمة ومفعول السحر اللي بتعمله

    الكلمة الطيبة لها أثر كبير انا مجربه وبحس بميزاته

    علي عكس العصبية والنرفزة والكلام اللي بيبقي مش حلو ف الوقت ده

    تحياتي ليكي ولمواضيعك
    دايماً موفقة والي الأمام

  74. منى Said:

    موناليزا انتى فين مش باينه بقى لك كام يوم
    يارب تكونى بخير
    طمنينى عليكى

  75. المهـ إلي الله ـاجر Said:

    وقل لعبادي يقولوا التي هيا حسن

  76. الهدهد الطائر Said:

    “وكم مرة ندمنا على كلام تفوهنا به دون تفكير سواء فى لحظات الغضب أو فى لحظات الضعف.”

    التفكير هو نقطة الضعف لدى البعض
    و أغلب الخسائر تأتي من عدم أمرار تعبيرات الإنسان من كلام و كتابة و أنفعال على العقل ولو للحظة واحدة قبل خروج التعبير خارج جوارح الإنسان.

    …….تحياتي…….

    .

  77. واحد من البلد دى Said:

    السلام عليكم

    الكلام الوحيد اللى تذكرته من هذه التدوينة هو للأسف أغنية لمحمد منير تقول كلماتها

    الكلمة إيد

    الكلمة رِِجل

    الكلمة باب

    الكلمة نجمة كهربية فى الضباب

    الكلمة كوبرى صلب فوق بحر العباب

    الجن يا أحباب ما يقدر يهدمه

    فاتكلموا إتكلموا إتكلموا

    دمتى بكل خير

  78. Mero.. Said:

    زيارة أولى
    قريت كذا بوست..
    ربنا يوفقك يكتبلك الخير وينفع بيكي
    مواضيع جادة وطرح أنيق

  79. mohamed hesham Said:

    الكلمة ايد
    الكلمة رجل
    الكلمة باب
    الكلمة نجمة كهربية في الضباب

  80. أحسن تـستاهـل Said:

    وكم مرة ندمنا على كلام تفوهنا به دون تفكير سواء فى لحظات الغضب أو فى لحظات الضعف

    صح… ببقى عايزة اضرب نفسي برجل كرسي السفرة بتاعنا المكسور ومركون في البلكونة لما اتملى تراب،، أي والله

    موناليزا،، كلامك مهم وجميل،، وحلو أوي لما تبقى كلمة مننا ليها تأثير مهم وقوي ف حياة ناس غيرنا

    ومهم اوي ادخل عندك على طول،، ومهم اوي تيجي تزوريني ومهم اوي تكتبي بالشكل الحو ده دايما ومهم اوي ادخل عندك اعلق ومهم اوي كله حاجة كل حاجة هههههههههههههههه🙂

    مها ميهوووو

  81. Gannah Said:

    موناليزا
    انت فين؟
    اتمنى ان تكونى بخير
    تحياتى

  82. love River Said:

    البعض منا لا يجيد استخدام الكلمات
    او ان الحياة لاهته عن البحث عن الكلمات التى تسر الخاطر وتفرح من امامك لكن ابلغ تعبير عن اهمية الكلمات ان الكلمة الطيبة صدقة
    حتى ان الرسول صلى اله عليه وسلم نصح اذا احب احدنا شخص ان يقول له انه احبه فى الله
    وذلك ابلغ دليل على اهمية الكلمات فى حياتنا وفى رفع روحنا المعنوية او العكس
    احسن كلماتك تسعد فى حياتك
    بوست هايل كالعادة حبى بالتوفيق يارب

  83. نور احمد Said:

    السلام عليكم
    اولا شكرا علي كلامك الجميل لي
    ثانيا في ناس مش بيبقي معاها رصيد فابطنش تعمل ايه بقي
    اضم صوتي ال موضوعك الطيب لعلني افكر الف مرة في ملامي قبل ان ينطقه لساني
    مخبيش عليكي اصل انا مندفعةجدا
    تمنياتي لك بالمزيد
    نور

  84. egyboy Said:

    أول مرة أزور مدونتك وهنستفيد منها

    ومش هتكوون الأخيرة
    تحياتى
    مصطفي

  85. zOzO Said:

    انا تقريبا كنت علقت هنا ومش لاقيه
    التعليق
    المهم انا جايه اطمن عليكي
    انتي فين ؟
    غايبه ليه ياتري
    يارب يكون خير
    طمنيني عليكي حبيبتي

  86. nour shahen Said:

    الكلمة نور وبعض الكلمات قبور
    عندك حق فعلا , لازم تكون الكلمه امانه
    نستثمرها في طريق الخير وبس
    ربنا يجعل المقال الجميل دا في ميزان حسناتك عزيزتى
    وتقبلى تحياتى واعجابى

  87. ahmed_k Said:

    أختي الكريمه موناليزا امة الله —- سعدت جدا بالتعرف علي مدونتك وأسال الله ان يجعلها في ميزان حسناتك , والكلمة الطيبه صدقه كما اخبرنا رسول الله عليه الصلاة والصلام اذا فنحن نثاب عليها فلم يحرم الشخص نفسه من الثواب ومن محبة اخيه المسلم لتعنته في قول كلمة طيبه او الأبتسام في وجهه اليس ذلك حرمان كبير من الخير , وقد اخبرنا نبينا عليه الصلاة والسلام ان الناس يكبون في النار علي وجوههم من حصائد السنتهم فهم عاشوا حياتهم يغتابون هذا ويؤذون بالكلمة هذا قتكون عاقبتهم النار والعياذ بالله , اصلح الله حال المسلمين ونفعنا واياكم بسحر الكلمات الطيبه وما تفعله من تاثير في القلوب من ثمرته تماسك المجتمع وانتشار المحبة بين افراده , وتقبلي تحياتي والسلام ختام

  88. موناليزا Said:

    zozo
    اختى الحبيبة:يكفينى ماقلتى ورأيك الذى اسعدنى فهذا من فضل ربى
    ويارب النت عندك مايفصلش تانى ابدا لانك بتوحشينا جدااااااااا
    نورتينى حبيبتى ودمتى بخير
    *********************************
    احسن تستاهل
    اختى الحبيبة:اشكرك جدا لرايك وتعليقك والحمدلله ان نالت كلماتى القبول فهذا من فضل ربى
    نورتينى مهاميهو الجميلة ودمتى بخير
    ********************************
    ام احمد المصرية
    اختى الحبيبة:جميل تعليقك وفيه استدراج اجبارى لكى احل الواجب ولكنك قمتى بالاجابة عن لسانك ولسانى فى مدونتك فبجد اجابتنا واحدة
    اشكرك جدا ونورتينى ياجميلة
    ***********************************
    نبضات
    اختى الحبيبة:والله انتى جميلة اوى وتطرقتى لجزئية رائعة وقد امرنا الله تعالى بها وهى”اما السائل فلا تنهر” فجزاكم الله خيرا على هذه التذكرة
    وصدقتى غاليتى فبعض الكلمات تحيى وبعضها يميت
    اشكرك جدا لرايك فى ما اكتب فهذا من فضل ربى ويارب افضل عند حسن ظنك دايما
    نورتينى حبيبتى ودمتى بخير وماحرمنى الله من تواصلك معى
    ********************************
    hanny yassin
    وعليكم السلام ورحمة الله وبركاته
    اهلا بيك استاذ هانى
    والمشكلة الاكبر من وجهة نظرى ان الكثيرين لا يقولون مايسر الاذان
    نورتنى يافندم واشكرك على تعليقك
    ********************************
    baker
    اهلا بيك يافندم
    اخجلتم تواضعنا وكأنك قلت الكثير والكثير فجزاكم الله خيرا وجعل ما اكتب عند حسن ظن الجميع
    نورتنى يافندم واشكرك لمشاركتك
    *********************************
    dr_hema
    اهلا بيك يادكتور
    اشكرك جدا لمشاركتك فللكلمة تاثير السحر فلنستغلها فى الخير
    دمت طيبا ولمدونتى زائرا
    *********************************
    يوميات فنانة مفروسة جدا
    بنوتى الجميلة:اهلا اهلا بالقمر اعذرينى حبيبتى للتاخير هناك ظروف خارجة عن ارادتى ولكنى سأتى لكى باذن الله قريبا
    ==========
    وفعلا ياسمسومة هذه رسالة خاصة جدا للاباء وليتهم يسمعون
    نورتينى ياقمر ودمتى بخير
    ***********************************
    ايمان (بنت الحرية)
    اختى الحبيبة:ربنا يكرمك واشكرك جدا لمشاركتك
    ولو تاخرت فى كلامى ليكى(زيارتك على مدونتك)اعذرينى وساكون عندك فى اقرب فرصة
    نورتينى حبيبتى ودمتى بخير
    ***********************************
    gigi
    اختى الحبيبة:احبك الذى احببتنى فيه وربنا يكرمك يارب ويرزقك بكل ماتتمنى وصدقتى حبيبتى فقليلا بل نادرا مانجد من يقول لنا كلمات نكون فى امس الحاجة لها ولذلك لنبدا بانفسنا اولا لعلنا نكون قدوة للاخرين
    نورتينى حبيبتى ودمتى بخير
    ***********************************
    الجمعاوى الاصيل
    اهلا بيك استاذ جمعاوى
    ونِعم التعليق الذى يذكرنا بما قاله رسولنا الحبيب صلوات الله وسلامه عليه وما اسهل تنفيذه
    اللهم اجعلنا ممن يستمعون الى القول فيتبعون احسنه
    نورتنى يافندم واشكرك جدا لمشاركتك
    ******************************
    عروسة ننوسة
    اختى الحبيبة:ربنا يكرمك واشكرك جدا لمشاركتك وان شاء الله تجدى مايسرك فى البوستات القادمة
    نورتينى حبيبتى ودمتى بخير
    *********************************
    فزلوكة
    اختى الحبيبة:ربنا يكرمك ياجميلة على تعليقك ولذلك دعينا نبدا بانفسنا ونعبر عما بداخلنا باعذب الكلمات
    نورتينى حبيبتى ودمتى بخير
    **********************************
    مشتاق لله
    اهلا بيك يافندم
    وصدق رسولنا الحبيب صلوات الله وسلامه عليه حينما قالها
    نورتنى يافندم واشكرك لمشاركتك
    *********************************
    اختكم فى الله
    اختى الحبيبة:ربنا يكرمك ويبارك فيكى والحمد لله فهذا من فضل ربى
    نورتينى حبيبتى ودمتى بخير
    =============
    الواجب حبيبتى “ام احمد الحبيبة” جاوبت لى ولها فنفس اجابتها هى اجاباتى فسبحان الله

  89. موناليزا Said:

    bar2ash
    اهلا بيك يافندم
    ورجاء خاص الا تقول لى “ياقمر”

    وافهم ماتقصد حقا فهذا يحدث لى ايضا ولكن الفرق انك اخذت ثواب بنية اغاثة ملهوف ولنُفهِم ماحولنابعدم ارسال هذه الرسالة الا فى الضرورة القصوى
    ولاتنسى اخى الكريم “انما الاعمال بالنيات”
    نورتنى يافندم واشكرك لمشاركتك
    *********************************
    ghoneem
    وعليكم السلام ورحمة الله وبركاته
    اهلا بيك يادكتور
    ربنا يكرمك ويبارك فيك
    وذكرنى تعليقك الجميل بوصية رسولنا الحبيب صلوات الله وسلامه عليه حينما ساله احد الصحابة”لا تغضب”
    نورتنى يافندم واشكرك جدا لمشاركتك
    ***********************************
    منى
    اختى الحبيبة:اهلا اهلا بالقمر وحشتينى حبيبتى وبقى لك كتير ماجيتيش عندى لعل المانع خير
    اشكرك جدا لسؤالك وماتحرمش منك ابدا انا الحمدلله بخير ولكن كان هناك ظروف خارجة عن ارادتى منعتنى من التواجد ومع ذلك اشكر هذه الظروف الذى جعلتك تزورينى مجددا(اوعى تكونى زعلانة منى)
    **********************************
    المهاجر الى الله
    اهلا بيك يافندم
    وجميلة هذه الجملة وكنت اتمنى ان تذكر فى اى سورة ذكرت
    نورتنى واشكرك لمشاركتك
    *********************************
    الهدهد الطائر
    اهلا بيك يافندم
    ولذلك ادعو ان نفكر فى كل كلمة قبل ان نتفوه بها
    نورتنى يافندم واشكرك لمشاركتك
    ********************************
    واحد من البلد دى
    وعليكم السلام ورحمة الله وبركاته
    اهلا بيك يافندم
    وهذه اول مرة اعرف هذه الاغنية ويمكن عشان كده مش فاهمة اولها بس النهاية بتوضح
    اتكلموا اتكلموا
    المهم كلامنا يكون فى الخير
    نورتنى يافندم واشكرك لمشاركتك
    ***********************************
    mero..
    اهلا بيك يافندم
    ربنا يكرمك واشكرك جدا على رايكم فى مدونتى فماتوفيقى الا بالله
    نورت مدونتى وفى انتظاركم دائما
    **********************************
    mohamed hesham
    اهلا بيك استاذ محمد
    والكلمة الطيبة صدقة
    نورتنى يافندم واشكرك لمشاركتك
    *********************************
    احسن تستاهل
    اختى الحبيبة:ربنا يكرمك يارب وبجد مهم الكلام الجميل فى حياتنا سواء بنقوله عشان يترك ذكرى حلوة او نسمعه عشان يمتع اذاننا
    نورتينى ياجميلة ودمتى بخير
    **********************************
    gannah
    اختى الحبيبة :اشكرك جدا لسؤالك عنى وانا الحمد لله بخير وكانت هناك ظروف تمنعنى من التواجد
    ربنا يسعدك ويسمعنى عنك كل خير
    ***********************************
    love river
    اختى الحبيبة:بداية اسمحيلى اسالك لما حولتى اسمك من عربى لانجليزى نحن ندعوا الى العكس حبيبتى
    ربنا يكرمك وصدقتى فى ماقلتى
    نورتينى حبيبتى ودمتى بخير
    *********************************
    نور احمد
    وعليكم السلام ورحمة الله وبركاته
    اختى الحبيبة:لا تشكرينى حبيبتى فكلماتك حقا رائعة
    احييكى على صراحتك ويارب ماتبقى مندفعة ابدا وخاصة فى لحظات الغضب او الضعف
    ربنا يسعدك ويوفقك يارب
    نورتينى حبيبتى ودمتى بخير
    ***********************************
    egyboy
    اهلا بيك استاذ مصطفى
    اشكرك لرايك فى ما اكتب
    نورت مدونتى وفى انتظارك دائما
    **********************************
    zozo
    اختى الحبيبة:ايوة ياجميلة انا نشرت تعليقك الاول بس انا كان عندى ظروف منعتنى من التواجد الفترة الماضية والحمدلله انا بخير
    وربنا يسعدك ويبارك فيكى يارب واشكرك جدا لسؤالك عنى
    *********************************
    nour shahen
    اختى الحبيبة:ربنا يكرمك ويبارك فيكى
    اشكرك جدا على تعليقك
    نورتينى حبيتى ودمتى بخير
    ***********************************
    ahmed_k
    اهلا بيك استاذ احمد
    ربنا يكرمك ويبارك فيك وماتوفيقى الا بالله ويارب افضل عند حسن ظن الجميع دايما
    اشكرك جدا على تعليقك
    نورت مدونتى ودمت زائرا لها

  90. momken Said:

    الكلمه ايد…الكلمه رجل ..زالكللمه باب

    الكلمه نجمه كهربيه فى الضباب
    الكلمه كبرى صلب فوق نهر العباب

    بسم الله الرحمن الرحيم
    ضرب الله مثلا كلمة طيبة كشجرة طيبة أصلها ثابت وفرعها في السماء * تؤتي أكلها كل حين بإذن ربها ويضرب الله الأمثال للناس لعلهم يتذكرون * ومثل كلمة خبيثة كشجرة خبيثة اجتثت من فوق الأرض ما لها من قرار }
    صدق اللع العظيم
    (إبراهيم:24-26) .

    موضوع مهم جدا وحساس جدا
    اسال الله ان يجعله كلمه طيبه وصدقه جاريه يصلك اجرها حتى يوم الدين
    تحياتى

  91. karim Said:

    السلام عليكم

    موضوعك فعلا حلو يا موناليزا

    الكلمه دى سحر بتودى و بتجيب.. بتغير الاحوال..موجه بحر ساعات تغرق و ساعات ترمى على شط…

    تحياتى…و اتمنى تنورينى

  92. موناليزا Said:

    momken
    اهلا بيك يافندم
    ربنا يكرمك ويبارك فيك واشكرك جدا على تعليقك وعلى دعائك لى وربنا يتقبل
    دمت طيبا ولمدونتى زائرا
    **********************************
    karim
    وعليكم السلام ورحمة الله وبركاته
    اهلا بيك استاذ كريم
    واشكرك جدا على مشاركتك
    دمت طيبا ولمدونتى زائرا

  93. محمود بركات Said:

    ارجوك كلمنى شكرا
    please call me
    بصراحة اسلوب ادبى للكتابة رائع
    ارجو ان تواصلى وتبدعى اكثر
    جزاكى الله خيرا

  94. موناليزا Said:

    محمود بركات
    اهلا بيك استاذ محمود
    اشكرك جدا لرايك والحمدلله فماتوفيقى الا بالله
    نورت مدونتى


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: