سيبه يحلم

إذا رأيت مهموم نائم لا تحاول إيقاظه
قد يكون بيحلم بتفريج همه.

76 Comments »

  1. امل Said:

    السلام عليكي موناليزا
    ربنا يفرج همك انتي عارفه انا من شوية بتصفح النت لقيت فيديو عن الرضا فكرني بايام صعبة جدا في حياتي كنت فيها على وشك الموت من كتر الهم وكانوا كل شوية يجيبوا لي شرايط دينية عن الهم عشان تخفف عني..دلوقتي الحمد لله لما بفتكر ان ربنا فرج عني الهم ده بحس بسعادة رهيبة
    كمان فيه نشيد لمشاري راشد فيه ابيات كنت دايما برددها بيني وبين نفسي بتقول

    الهي انت تعلم كيف حالي
    فهل يا سيدي فرج قريب
    فيا ديان يوم الدين فرج
    هموما في الفؤاد لها دبيب
    وصل حبلي بحبل رضاك وانظر
    الي وتب علي عسى اتوب

    معذرة لاطالتي عليكي ازال الله همك وفرج عنك ورزقك من لا حيث لا تدرين ولا تحتسبين اللهم آمين

  2. ammola Said:

    اللهم أزح عنك الهم واجعل نومك هانئا ويقظتك سعادة دائمة
    اللهم آمين
    حبى ومودتى ودعائى لك

  3. ma2tshren Said:

    فعلا احنا يمكن في الزمن ده ملناش غير الاحلام لانها يمكن متنفسنا الوحيد عشان نعيش بعيد عن كل الهموم والمشاكل المتزايده يوم بعد يوم
    تحياتى

  4. mohamed Said:

    مهما طال الحلم مسيرة يصحى

  5. Walad_Masry Said:

    والله كويس انه عرف ينام

    لان الهم ده اعاذنا الله منه بيطير النوم من أي عين

    إسمحي لي أنصحك بقراءة كتاب “لا تحزن” للشيخ عائض القرني وإذا كنتي قرأتيه فعيدي قراءتة مرة اخرى وان شاء الله يساعدك على النوم بهدوء

    تحياتي

  6. Gannah Said:

    اذا رأيت مهموما نائما فايقظه و اربت على كتفه و قل له انا هنا بجانبك و سأحلم معك
    قل له ضاقت و لما استحكمت حلقاتها
    فرجت و كنت اظنها لا تقرج

    اذا رأيته مهموما نائما فأيقظه و قل له انى احبك و بالحب سنعبر معا جسر الاحزان

    اذا رأيت مهموما نائما فأيقظه و أقرأ له سورة يوسف و ابكى معه و انت تقرأ قوله تعالى (إنما اشكو بثى و حزنى الى الله) و استمر فى القراءة حتى تصل الى قوله تعالى
    انت ولى فى الدنيا و الاخرة توفنى مسلما و الحقنى بالصالحين

    قل له سيفرج الله همك كما فرج هم يوسف و يعقوب و ستقول كما قال (يا أبتى هذا تأويل رءياى من قبل قد جعلها ربى حقا)

    موناليزا
    احلمى و انت مفتوحة العينين واثقة بان فرج الله اقرب من طرفة العين و اعلمى اننا معك نحبك و نساندك و ربى على ما أقول شهيد

    تحياتى

  7. .:.-=- ELGaZaLy-=-.:. Said:

    جميلة اوى يا موناليزا يا سيدتى لا داعى لان تنظرى للواقع انظرى الى السماء …ستجدى رب حنون …

    لعلة خير وجميل القط

  8. .:.-=- ELGaZaLy-=-.:. Said:

    جميل اوى ان تحلمى ..الاجمل ان يدعوكى تحلمى

  9. la3lahakhier Said:

    يا حبيبتى
    تسلم ايدك بجد
    دانتى بقيت خطيرة جداااااااااا
    بس والله الذى لااله الا هو الواقع كتير اجمل لاننا فى عناية الله دائما وهذا ظننا به انه كريم جدا …
    والمهموم ماهو الا فىمنحة كبيرة لن يدركها الا فى النهاية وسيتمنى انه لو دامت الهموم وصبر عليها ووثق فى ان الله مفرج كربه من عظيم جزائه
    فصبر جميل

  10. حمامة Said:

    جميلة جداً
    بس الأهم انه لما يقوم يحاول يحقق الحلم ده🙂

  11. كاميليا Said:

    اول زيارة لى

    إذا رأيت مهموم نائم لا تحاول إيقاظه
    قد يكون بيحلم بتفريج همه.
    ……….

    جميلة الجملة ،، فعلا قد يكون نومه فى حد ذاته نوع من تفريج همه ببعده عن التفكير فى الهم اثناء لحظات نومه

    تحياتى

  12. جني Said:

    خير الكلام ما قل ودل ..
    ولكن لا يجب ترك المهموم بمفرده حتى ولو كان بيحلم بتفريج همه .. لماذا لا أكون سبب في تفريج همه وإدخال السرور على نفسه .. المهموم دائما يكون في امس الحاجة إلى من يمد له يد حانية ..
    وكل هم يزول فلا تحزني ..
    تحياتي
    said

  13. ra7eel Said:

    يااااااااااااه بجد بوست قليل الكلمات
    بس بجد حلو المعنى جدا جدا جدا

    فعلا سيبه نايم
    تحياتى لكى

  14. فاتيما Said:

    ربنا يجلى حزنك
    و يريح قلبك
    و تنامى مرتاحة زى القطقوطة دى كدا

  15. monaliza Said:

    أمل
    وعليكم السلام ورحمة الله وبركاته
    اختى الحبيبة:ربنا يسعدك ويرزقك الرضا وحلاوة الايمان وبالله عليكى لاتعتذرى على الاطالة لانى شايفاها مساندة منك لى والله يعلم كم أنا فى أمس الحاجة لدعائك
    ربنا يكرمك ويتقبل دعائك
    أسعدتنى زيارتك جدا ودمتى بخير وكفاكى الله كل مكروه
    **********************************
    ammola
    اختى الحبيبة:ربنا يسعدك ويفرح قلبك كما أسعدتينى بدعائك وبمساندتك لى
    جزاكم الله خيرا وجعلها فى ميزان حسناتك
    دمتى بخير وسعادة
    ***********************************
    ma2tshren
    اختى الحبيبة:أسعدتنى زيارتك ورغم ان الاحلام تعتبر متنفس ولكنى ايضا اعتبرها هروب فهى مرحلة وستمر وسنجد أنفسنا امام الواقع فيجب عدم الاستسلام
    نورتينى حبيبتى ودمتى بخير
    **********************************
    mohamed
    طبعا استاذ محمد اكيد هيصحى بس لو محدش قلقه هيصحى وهو عنده امل ان حلمه ممكن يتحقق او على الاقل معنوياته ممكن تكون مرتفعة
    دمت طيبا ولمدونتى زائرا
    ***********************************
    walad_masry
    مش يمكن النوم ده جه بعد معاناة ويمكن يكون هروب
    أشكرك على نصيحتك بقراءة الكتاب فهو فعلا دواء هائل
    جزاكم الله خيرا على هذه التذكرة
    دمت طيبا ولمدونتى زائرا
    ***********************************
    gannah
    اختى الحبيبة:مهما اقول من كلمات لا استطيع ان اوفيكى حقك فيعلم الله انى دمعت وتأثرت بكلامك جدا وكانك معى بالفعل
    ربنا يسعدك ويفرح قلبك ويرزقك بكل اللى تتمنيه
    اعذرينى بجد مش عارفة أوصفلك احساسى بكلامك
    جزاكم الله خيراااا وجعلكى دائما أختا لى أحبها وتحبنى فى الله فيكون جزائنا ان نستظل تحت عرش الرحمن فى يوم العرض العظيم
    دمتى بخير وسعادة ورزقك بما يقر عينك
    *********************************
    elgazaly
    اهلا بيك يافندم وبشكرك جدا على تعليقك الطيب وجعله الله فى ميزان حسناتك ونعم اخى الفاضل مالنا سوى الله أحن علينا من أنفسنا
    واشكرك لرأيك فى القط ولو عاجباك الصورة بجد ممكن تحفظها عندك
    وفعلا الاحلام نعمة من الله ولكن الاخرين لايدركون اهميتها عندنا لهم عذرهم
    أسعدتنى زيارتك ونورت مدونتى
    ***********************************
    la3lahakhier
    اختى الحبيبة:ميرسى لذوقك ومحاولتك لرفع معنوياتى
    ونعم ياغاليتى ليس لنا الا الله ولذلك فالله أدرى بلوعة المهموم
    أسألكى الدعاء الدائم وأشكرك جدا لمساندتى فجزاكم الله خيرا
    دمتى بخير وسعادة
    ***********************************
    حمامة
    أختى الحبيبة:أشكرك لرأيك ولكن حبيبتى ليس كل الاحلام قابلة للتنفيذ
    نورتى مدونتى وارجو دوام التواصل
    ***********************************
    كاميليا
    اختى الحبيبة:اهلا بيكى فى زيارتك الاولى واتمنى التكرار
    أشكرك جدا لرأيك ولتحليلك وليت الاخرين يدركون ذلك
    نورتى مدونتى ودمتى بخير
    *********************************
    جنى
    أشكرك جدا استاذ سيد على تعليقك الذى أعتبره مشجعا ومحفزا لعدم الاستسلام للوحدة
    جزاكم الله خيرا ورزقك مايقر به عينك
    دمت طيبا ولمدونتى زائرا
    **********************************
    ra7eel
    اختى الحبيبة:أهلا بيكى وأشكرك جدا لرأيك
    نورتى مدونتى وارجو دوام التواصل
    ********************************
    فاتيما
    أختى الحبيبة:ربنا يسعدك ويفرح قلبك بعودة يوسف
    جزاكم الله خيرا على تعليقك ومشاركتك لى وجعلها الله فى ميزان حسناتك
    أسعدتنى زيارتك ودمتى بكل الخير

  16. rovy Said:

    اختى الحبيبه
    الحمد لله انك بتطمنينا عليكى حتى ولو كانت كلماتك بتعبر عن ضيق حالك ولكنى احب ان اراك متواجده لنأخذ بيدك ونساندك .. اياكى ان تستسلمى للهموم
    وما دمت تعلمى ان الله موجود وانه ابدا لن ينساكى وانه سبحانه نصير الضعفاء و ملجأ من لا ملجأ له وانه وحده القادر وبيده رزقك فلتصلى له وتدعى له وحده وتأكدى انه سبحانه فرجه قريب جدا .. واننا معكى بقلوبنا
    والله لا ننساكى فى دعائنا .. اذا كان الله قد احبب فيك عباده فهو اكيد يحبك ولن ينساكى .. فلتجتازى الاختبار بنجاح و تأكدى ان المولى عز وجل يخبأ لكى كل الخير والسعاده ان شاء الله .
    وما زلت اوصيكى بالدعاء وقيام الليل وقرأة القرأن و سوره يس ..
    وتأكدى ان كل شىء فى اوله صعب ولكن مع مرور الوقت تهدأ العواصف و تطيب الالام ولا يبقى الا مجرد ذكرى .. وتستمر الحياه . لا تدعى احد يفقدك ثقتك بنفسك وبالله .. لا تدعى احد يسرق عمرك
    واخيرا وحتى لا اطيل اكثر من هذا عليكى
    تأكدى اننا معك بقلوبنا ودعواتنا
    ونساندك و انه ان شاء الله لن تكونى وحدك ابدا .. ويعلم الله اننى اتمنى لو كنت بجانبك فى ازمتك هذه .. حماك الله وفرج همك و عوضكى خيرا ونصرك وجعل السعاده تدق بابك عن قريب جدا ان شاء الله يااارب .
    اختك rovy

  17. omaima Said:

    احتمال يكون فى حلم…. ومحتاج لمن يوقظه من هذا الحلم المتعب

    وفى النهاية كلنا هانصحى

  18. مـحـمـد مـفـيـد Said:

    ومن هو مهموم يخلو باله وينام
    اتمني ان يفرج الله كرب كل مهموم

  19. Darsh Said:

    جيتي على الجرح و حطيتي حمض كبريتيك مركز

    مش عارف ليه كل ما ببقى بحلم بحلم جميل يقوموا يصحوني في البيت

    طيب اعرف على الأقل النهاية

    أشوف كلمة the end و بعد كده صحوني

    مش عارف

    نفسي يسيبوني احلم في الواقع و المنام

  20. lyssandra Said:

    موناليزا ياحبيبتي مالك ؟؟ ربنا يكفيكي شر الهموم .. ويجعل أحلامك كلها وردية .. ويحققلك منها اللي يفرح قلبك ويسعد أيامك ..

    أنا قريت البوست اللي فات ومش عارفه أقولك ايه .. ربنا يعوضك خير

    ياريت لو كان ليكي ايميل ع الياهو تسيبيه عندي في التعليقات .. أحب يكون بينا تواصل .. وأنا هامسح التعليق بعدها زي ما عملت مع حمامه

    أوكي ياقمر ؟؟

    ويارب اسمع منك خير ان شاء الله قريبا

    دمتي بكل طمئنينه

    lyssandra

  21. الربان Said:

    تحياتي

    ان كانت احلام سعيدة يبقي ربنا يسهل عليه…
    اما ان كانت كوابيس…و العياذ بالله
    يبقي يستيقظ احسن….

    تحياتي و تقديري

  22. appy Said:

    ساعات النوم بيكون هروب من حاجات تانيه
    ربنا يفرج همومك وهمومنا جميعا كلمات بسيطه بس حلوة

  23. دكتور بهــدوء Said:

    النوم ده نعمه كبيييييييييييره

    ربنا يرزقنا خيرها ويكفينا شرها يا رب

  24. Nostor Azzuro Said:

    سيبوه نايم

  25. nonoymm Said:

    السلام عليكم
    تصدقي فعلا المفروض كدة دة انا بزعل اوي لما اكون بحلم خصوصا لما بكون بحلم باخويا ان حد يصحيني
    ربنا يبارك فيكي حبيبتي
    تحياتي لموضوعاتك
    ودمتي بود

  26. تايه في وسط البلد Said:

    امة الله
    حكمة جميلة
    ولكن
    اليس فيها بعض القنوط؟

  27. wanna b a physician Said:

    جميله تسلم ايدك بس ساعات لازم المهموم مش يحلم كتير عشان مايصدموش اكتر الواقع
    تحياتى

  28. monaliza Said:

    rovy
    أختى الحبيبة:ربنا يسعدك ويبارك فيكى
    ووالله انها لوصية غالية وتعتبر متنفسى الوحيد فقراءة القرآن والدعاء ملجأى
    ورغم علمى بكلماتك الا ان لها تأثير خاص فى نفسى لأنك أختى الذى وهبها الله لى لتذكرنى ولتشد بأزرى فجزاكم الله خيرا
    وتسعدنى جدا كلماتك مهما طالت من وجهة نظرك الا انها بالنسبة لى بلسم ويكفينى مشاركتك ودعائك ورزقك الله بكل خير وجعل جزائك الفردوس الاعلى أنتى ومن تحبين
    غاليتى انى احبك فى الله وجمعنا الله فى ظله فى يوم لاظل فيه الا ظله
    أسعدتنى زيارتك جدا ودمتى بصحة وسعادة
    ***********************************
    omaima
    اختى الحبيبة:معكى حق لان محدش عارف فعلا النايم بيحلم بأيه
    وبما ان الكل هيصحى يبقى يسيبوه يصحى لوحده
    نورتينى واشكرك لمشاركتك
    **********************************
    محمد مفيد
    أهلا بيك استاذ محمد فى زيارتك الاولى واتمنى التكرار
    نورت مدونتى واشكرك لمشاركتك
    ***********************************
    darsh
    اكيد ميعرفوش انك بتحلم لان فيه ناس مابتحلمش اصلا فمش فارقة معاهم موضوع الاحلام ده
    وبجد تعليقك رسم ابتسامة على وجهى فاشكرك جدا
    دمت طيبا ولمدونتى زائرا
    *********************************
    lyssandra
    اختى الحبيبة:ربنا يسعدك والحمد لله على كل حال انا الان احسن كتير
    وان شاء الله يكون فى تواصل دائم بيننا
    نورتينى واسعدتنى مشاركتك جداااا
    ********************************
    الربان
    اشكرك لمشاركتك وهو فى كل الاحول سيستيقظ
    دمت طيبا ولمدونتى زائرا
    ***********************************
    appy
    اختى الحبيبة:فعلا اوقات كتير بيكون هروب رغم انه مش حل بس واقع
    ربنا يسعدك واشكرك على مشاركتك
    نورتينى حبيبتى ودمتى بخير
    ***********************************
    دكتور بهدوء
    فعلا يادكتور النوم نعمة من الله علينا ليتنا نشكره عليها
    نورتنى واشكرك لمشاركتك
    دمت طيبا ولمدونتى زائرا
    *********************************
    nostor azzure
    اهلا بيك فى زيارتك الاولى واتمنى التكرار
    وليتهم يسمعون صوتك
    نورت مدونتى واشكرك لمشاركتك
    ***********************************
    nonoymm
    وعليكم السلام ورحمة الله وبركاته
    اختى الحبيبة:ربنا يكرمك ويرزقك بأحلام سعيدة وتكمليها للاخر بدون ازعاج
    نورتينى حبيبتى ودمتى بخير
    **********************************
    تايه فى وسط البلد
    أشكرك لرأيك
    واعذرنى اخى الفاضل ماوجه القنوط فى النوم؟اليس النوم هو نعمة من الله على جميع مخلوقاته؟وهل نحن مسئولين عما نحلم اثناء النوم؟
    معذرة فلم أفهم مقصدك
    دمت طيبا ولمدونتى زائرا
    ***********************************
    wanna b aphyisician
    أشكرك لرأيك ولكن المهموم من حقه ان يحلم بما هو اجمل حتى يستطيع ان يتعايش مع الواقع فاحيانا الاحلام تكون مشجعة
    دمت طيبا ولمدونتى زائرا

  29. rara Said:

    مساء الخير
    اللهم فرج همومنا أجمعين
    ربنا يفرج همك وكربك ويكرمك بكل اللى تتمنيه

    تحياتى

  30. حـــــدوتـــــة Said:

    السلام عليكم

    ربنا يفرج همنا جميعا
    بس وانا فى الجيش كانوا بيقومونا من احلى نومه الساعة 4.5 الفجر كل يوم
    وملهمش دعوة دى بيحلم ولا بيتحرق حتى
    يا ريتهم يشوفوا البوست ده

    سلالالالالالالالالالالالالالالالالالالام

  31. Eno Said:

    السلام عليكم
    اولا انا بشكرك ليا لزيارتك لمدونتي المتواضعه وياريت مش تكون الاخير🙂

    ثانيا كلامك ممكن يكون مظبوط بس ممكن برضه يكون بيحلم بالهموم اللي صايباه

    بس اكيد هو لو بيحلم بحاجه وحشه مش هيستمر نومه بثبات يبقا اكيد معني كلامك صح🙂

    تحياتي ليكي🙂

  32. ghoneem Said:

    اهلاً بيكي

    كل اللي حول النائم المهموم لا يملكون الا الدعاء له بتفريج همه
    أما ايقاظه أو تركه نائماً فليس هو القضية
    المهم ان يتحول حلمه لحقيقة ونري همه وقد فرجه المولي عز وجل

    لا نملك لك الا الدعاء …
    وندعوك لكثرة الاستغفار …

    تحياتي

    بالتوفيق………..

  33. drpharma Said:

    من لم يهتم بامر المسلمين فليس منهم صدق رسول الله

  34. Dr-hema Said:

    فعلا والله على فكرة الشخير من أحدث الإكتشافات بتدل ‘لى انه تفريج عن الهم اللى بيشوفه الواحد بالنهار

    المهم
    كنت كاتب تدوينة عن الحلم والاحلام

    هتنزل قريب أن شاء الله

    د/هيما

  35. باجوجو Said:

    وماذا يفيد الحلم
    إذا كان لا يتحقق

  36. نهر الحب Said:

    اه
    من نوم المهموم
    الله يفرج كرب كل مهموم

    بوست حلو

  37. قلب الأسد..مش هسكت Said:

    اختى الفاضلة ادعو الله ان يفرج عنك ما انت فية
    وقد نصحنى احد الاصدقاء قائلا اذا كنت مهموماً بشئ فلا تغمض عينيك لأنك ستراه بخيالك اسودة واظلم من حقيقته فعليك ان تشفى صدرك منه ثم تغمض عينيك وتتخيل نجاحك فى التغلب على هذا الهم ودائما لا تقول يارب عندى هم كبير بل قل دائما ياهم عندى رب كبير
    وفقق الله الى مايحبة ويرضاة
    تقبلى مرورى

  38. الفارس الملثم Said:

    ربنا يفرج كروبنا وكروب امة المسلمين جميعا..

    تحياتي وتقديري
    محمد

  39. Sharm Said:

    والله صدقتى

  40. مشتاق لله Said:

    حتي وان كان ينام في فرشتي؟ههههه
    الحق والله اعجبتني جدا جدا جدا . من اجمل ماكتبت -انا اقرئها واضحك لك التحية.

  41. احساس لسه حى Said:

    عزيزتى

    ربما احاول ايقاظه وابشرة ان الله قد ازاح عنه همه وابدله بفرحة كبيرة

    جزاء لصبره

    فالهم ابتلاء ويجب ان نرضى بالابتلاء ونصبر عليه

    طول ما احنا عارفين ان ربنا هيدينا جزاء اى الم نمر بيه من جراء هذا الابتلاء

    ربنا يرحمنا برحمته ويفرج هموم المسلمين جميعا صغيرهم وكبيرهم

    تحياتى

    سلاااام

  42. واحدة مفروسة Said:

    يا جميله
    هوه المهموم بيعرف ينام اصلاً

    يالله نوم العوافى

  43. اهو ده عيبه Said:

    ربنا يفرج كرب كل مهموم ومكروب

    واذا كان الانسان مش قادر يكون مرتاح فى الحقيقة فعلى الاقل يرتاح فى الحلم

    تحياتى ليكى

  44. عـــفـــراء Said:

    السلام عليكم ورحمة الله وبركاتة
    حبيبتى قد يطول الحلم فلا بد انة نوقظة
    لكي يفيق ويعلم ان الله وحدة مفروج الكروب فلا تكون بالحلم ولكن بالدعاء الخالص من الله عز وجل
    فرج الله كربك وكروب المسلمين اجمعين

    تحياتى

  45. الهدهد الطائر Said:

    مفيش غير بني آدم هو اللي بيشيل الهم.

    القط نايم ولا همه حاجة .. لأنه متأكد بأن عليه السعي و الباقي على الله.

    ……تحياتي……….

  46. ra7eel Said:

    موناليزا

    بما انك من الدقهليه فاى رايك تنضمى لينا احنا كنا جمعنا مدونات الدقهليه من مده كده واتقابلنا فى المنصوره
    كان معانا سلوى صاحبة طوق الحريه ومنى صاحبه مدونه احاسيس وال جى ولسه ان شاء الله معانا ناس تانيه هيكونوا موجدين المره الجايه اللى هنتقابل فيها
    يارت تنضمى لينا وياريت يكون فى تواصل بينا

    تحياتى لكى

  47. همس الاحباب Said:

    ربنا يفرج هم المهمومين
    وكرب المكروبين
    واحلام سعيدة دائما
    تحياتى وتقديرى
    خالد

  48. monaliza Said:

    rara
    أختى الحبيبة:اهلا بيكى فى زيارتك الاولى واتمنى التكرار
    ربنا يسعدك ويتقبل دعائك
    نورتى مدونتى واشكرك جدا لمشاركتك
    **********************************
    حدوتة
    وعليكم السلام ورحمة الله وبركاته
    ربنا يكرمك ويتقبل دعائك
    وآدينى كتبت بوست مهم اهو لبتوع الجيش لو عندهم نت بقى يقرأوه وياخدوا بالهم بعد كده
    تعليقك اسعدنى ورسم ابتسامة على وجهى فلك منى جزيل الشكر وجزاكم الله خيرا
    دمت طيبا ولمدونتى زائرا
    **********************************
    eno
    وعليكم السلام ورحمة الله وبركاته
    أختى الحبيبة:اهلا بيكى فى زيارتك الاولى واتمنى التكرار
    أشكرك لرأيك وهذا ما اقصده
    نورتى مدونتى وارجو دوام التواصل
    ***********************************
    ghoneem
    اهلا بيك يادكتوروتخيل لو مريض نايم أكيد فى مرحلة نومه مش حاسس بالالم فيبقى النوم هنا احسن ليه بدل مانصحيه ويعانى من الالام وهو كده كده هيصحى فيصحى لوحده أفضل
    وهذا لايمنع ايضا من الدعاء الدائم له
    أشكرك جدا لتعليقك والذى فيه من التذكرة المفيدة لى فجزاكم الله خيرا
    دمت طيبا ولمدونتى زائرا
    ***********************************
    drpharma
    اهلا بيك فى زيارتك الاولى واتمنى التكرار
    وصدق رسول الله صلى الله عليه وسلم وايضا كان الله فى عون العبد طالما العبد فى عون اخيه
    ومن فك كربة عن اخيه المسلم فك الله عنه كربة من كربات يوم القيامة
    صدق رسولنا الحبيب صلوات الله وسلامه عليه ولكن من يسمع وينفذ!!
    نورت مدونتى وارجو دوام التواصل
    ***********************************
    dr_hema
    اهلا بيك يادكتور فى زيارتك الاولى واتمنى التكرار
    ورغم انى اول مرة أعرف نظرية الشخير دى ورغم ان ملهاش مناسبة فى الموضوع خالص فمنكم نستفيد أنت دكتور برضه واحنا هنيجى جنبك ايه
    فى انتظار تدوينتك الخاصة بالاحلام
    نورت مدونتى واشكرك لمشاركتك
    ***********************************
    باجوجو
    اهلا بيك
    ومن يدرى لعله يتحقق عن قريب
    دمت طيبا ولمدونتى زائرا
    **********************************
    نهر الحب
    اختى الحبيبة:أشكرك لمشاركتك
    اللهم فرج هم المهمومين
    نورتينى ودمتى بخير
    **********************************
    قلب الاسد.. مش هسكت
    اخى الفاضل/أشكرك جدا لمشاركتك وعلى هذه النصيحة الغالية
    وربنا يسعدك ويحقق لك كل ماتتمنى
    لك منى خالص الشكر وجزاكم الله خيرا
    دمت طيبا ولمدونتى زائرا
    ***********************************
    الفارس الملثم
    أهلا بيك استاذ محمد وربنا يارب يسعدك ويتقبل دعائك
    دمت طيبا ولمدونتى زائرا
    **********************************
    sharm
    اهلا بيك فى زيارتك الاولى واتمنى التكرار
    اشكرك جدا لرأيك
    نورت مدونتى
    ********************************
    مشتاق لله
    الحمد لله انها تسببت فى ضحكك وتعليقك ايضا رسم ابتسامة على وجهى فلك منى جزيل الشكر
    أشكرك جدا لرأيك ولمشاركتك
    دمت طيبا ولمدونتى زائرا
    ***********************************
    احساس لسة حى
    لو كنت بجد هتصحيه عشان تبشره فلاتتردد فى ايقاظه فهو فى امس الحاجة للبشرى
    ربنا يكرمك ويتقبل دعائك
    دمت طيبا ولمدونتى زائرا
    **********************************
    واحدة مفروسة
    أختى الحبيبة:ماهو عشان كده بقول سيبوه نايم لان محدش عارف هو تعب ازاى عشان يعرف ينام
    نورتينى ياقمر ودمتى بخير
    ***********************************
    أهو ده عيبه
    اختى الحبيبة:ربنا يكرمك ويتقبل دعائك
    وهذا ما اقصدة حبيبتى ماتستكتروش عليه الاحلام
    نورتينى يادودو ودمتى بخير
    **********************************
    عفراء
    وعليكم السلام ورحمة الله وبركاته
    اختى الحبيبة:الا ان يجيب الله دعائه عليه ان يحلم بتفريج همه يعنى وهو صاحى يلتزم بالدعاء وهو نايم الله يبشره بالاحلام
    ربنا يكرمك ويتقبل دعائك
    نورتينى حبيبتى ودمتى بخير
    **********************************
    الهدهد الطائر
    ماشاء الله عليك تعليقك رغم اختصاره الا انه يحمل الكثير من المعانى
    نورتنى واشكرك لمشاركتك
    دمت طيبا ولمدونتى زائرا
    ***********************************
    ra7eel
    اختى الحبيبة:من دواعى سرورى ان نتقابل ويكون بيننا تواصل
    ان شاء الله هنضم معاكم
    نورتينى حبيبتى ودمتى بخير
    ***********************************
    همس الاحباب
    ربنا يكرمك ويسعدك استاذ خالد ويتقبل دعائك
    اشكرك جدا لمشاركتك
    دمت طيبا ولمدونتى زائرا

  49. HANY YASSIN Said:

    تعليق لطيف وبسيط
    فالنوم هروب جميل
    دمتم بكل ود

    نتشرف بزيارتكم مدونتى

    hanyyassinblog.blogspot.com

  50. أبو خالد Said:

    أبنتى الغالية موناليزا
    رددى بنيتى دعاء سيدنا يونس عليه السلام و هو فى قلب الحوت
    “لا إله إلا أنت سبحانك أنى كنت من الظالمين “
    و ستشعرين بالفرق عن قريب

  51. Tamer Nabil Said:

    النوم راحة وخروج مؤقت من هموم الايام وجراح الحياة

    هو يريح الانسان وينشط العقل

    ربنا يكرمك

    تحياتى

  52. منى Said:

    ربنا يفرج همك
    ويرزقك الخير كله
    ويكفيك الشر كله
    ويرضيك بما يقسم
    ويسعدك بما يقدر
    موناليزا
    بحبك اوى

  53. مجداوية Said:

    السلام عليكم

    نحن نوقظ النائم فقط اذا كان الله يدعوه الله اكبر الله اكبر
    ونوقظ النائم اذا كان له دورا هاما يصلح به شأنه وحاته ودينه

    ونوقظ النائم لكى يتقلب على الجنب الاخر اذا كان يصدر صوتا مزعجا

    ونوقظ النائم غلاسة كده عشان يقوم وعشان وحشنا صوته وكلامه

    اصحى يا موناليزا واحلمى معانا

  54. شـمو نشـادر Said:

    متهيألى فى الايام اللى احنا عايشنها دى ..
    الناس كمان بطلت تحلم ..
    ولو حلمت .. يبقى اكيد بتحلم بكوابيس ..
    و حلوه المدونه .. هبقى زبون دائم ان شاء الله ..
    وعازمك على فنجان قهوة ..
    تحياتى ..
    أسامة أمين

  55. mohra Said:

    لا تقل يا رب لى هم كبير و لكن قل يا هم لى رب كبير

  56. mayada Said:

    ربنا يفرج همك ياموناليزا
    بس انا بقي رخمه وهصحيه غلاسه بقي
    عشان يفكر
    يخرج من همه افيد له انه يفضل
    يحلم لبضع ثواني ان فرج وبعد كده
    يكتشف العكس
    تحياتي ياقمر

  57. قلب الشبح Said:

    ربنا يفرج عنك كل هم ويفرج قربك انتي وهم كل المسلميين

    ربنا يهديكي و يوفقك

    مي

  58. ساره البحر Said:

    ربنا يفرج كربنا كلنا وميسيبش حد مهموم ابدا
    واحنا اصلا ما بقاش في ايدينا غير الاحلام
    واوقات حتى الاحلام بتبقى كوابيس
    ربنا يوفقك وتحياتي ليكي
    اختك ساره

  59. واصطنعتك لنفسي Said:

    نعم فالمهموم النائم تأتي عليه لحظات يتمني وقتها لو يستطيع النوم ..للأبد

    رؤية مختلفة أحييكي عليها

    إيمان

  60. عاشقه الجنه Said:

    بكره تروق و تحلي
    ضاقت فلما استحكمت حلقاتها كنت اظن انها لا تفرج
    ففرجت
    خلي املك في ربنا كبير
    و احسني الظن بالله
    و ان شاء الله هتفرج من وسع
    و بكره تفتكري كلامي حبيبه قلبي
    ده اختبار من الله
    فاصبري اعانك الله
    اسال الله ان يفرج كربتك
    ولا تنسي دعاء فك الكرب حبيبتي

  61. Sally Said:

    الله الله
    جميلة اووووووووووووووى الجملة دى
    تسلمى بجد

    تعالى يا قمر خدى التاج اللى عندى
    مبروك عليكى

    دمتى بخير
    سالى

  62. سـهــــر... ساكن دروب الليل .. مستنى نقطة نور Said:

    او قد يكون هاربا من همه الى النوم

    فاشاركك ايضا الا نوقظه

    موناليزا

    دوما استمتع بفكرك الذى يحوى كلماتك

    تقديرى

  63. ayman badr Said:

    طق طق طق
    اهه انا بخبط اهه عشان اصحى النايم وهقلقه كمان وبدل ميفضل نايم يحلم بتفريج همم لأ يصحى كده ولو نصف ساعة يفكر ازاى يحل مشاكله وربنا هيفرج همه
    جميلة البوست قوى برغم صغره
    تحياتى

  64. Rania Said:

    كلمات قليله بس جميله قوى
    لا اله الا انت سبحانك انى كنت من الظالمين
    يا حى يا قيوم برحمتك استغيث
    ادعيه جميله
    اللهم ارحمنا

    تحياتى

  65. اوعى تفكر Said:

    الله يفرج همك
    ربنا يكرمك على الصبر
    ياريت تقرلأى كتاب د عائض القرنى
    لاتحزن
    كمان انتى حقيقه عندك حق
    انا بتخنق لما حد يصيحينى
    قولى لامى الكلام ده

  66. عاليا حليم Said:

    للاسف ده لوحده أصبح حلم

  67. حماتــــــــــــي ملاااااااااااك Said:

    يارب يفرج همنا كلنا
    كلام جميل

  68. Miss. Sosa Said:

    كلمات بسيطة ومعبرة
    لكن ممكن يكون عقله الباطن مسيطر عليه وبيحلم بكابوس يستكمل تضييق الخناق عليه في اليقظة والنوم

    لا لازم نصحيه ويواجه مشاكله ويفكر في حلول ايجابية ويدعي ربنا وده اقوى سلاح لتفريج الهموم

    ربنا يفرج هموم المسلمين جميعا ويشرح صدورهم

  69. monaliza Said:

    hany yassin
    اهلا بيك استاذ هانى فى زيارتك الاولى واتمنى التكرار
    أشكرك لرأيك ولمشاركتك وفعلا النوم فى اوقات كتير بيكون هروب ولكن السؤال هل الهروب ده هيستمر!!
    نورت مدونتى
    **********************************
    أبو خالد
    اهلا بيك يافندم واعذرنى لانى معرفتش ارحب بوجودك فى مدونتى المرة السابقة
    ووالله انها لوصية غالية من شخصكم الكريم وقد نفذتها بالفعل فجزاكم الله عنى خير الجزاء
    نورت مدونتى واشكرك جدا لمشاركتك
    ***********************************
    tamer nabil
    أهلا بيك استاذ تامر واشكرك جدا لرايك فالنوم نعمة من الله على جميع مخلوقاته فالحمد لله على كل ما انعم الله به علينا
    دمت طيبا ولمدونتى زائرا
    **********************************
    منى
    أختى الحبيبة:ربنا يسعدك ويبارك فيكى ويحقق لك كل ماتتمنى
    ماتتصوريش سعادتى بأدعيتك الجميلة لى بظهر الغيب قد ايه فجزاكى الله عنى خير الجزاء
    وانا كمان بحبك جدا وأحبك الذى أحببتنى فيه
    اللهم اجمعنا فى ظل عرش الرحمن فى يوم لاظل فيه الا ظله
    نورتينى يامنمن ودمتى حبيبتى بخير وسعادة
    ***********************************
    مجداوية
    وعليكم السلام ورحمة الله وبركاته
    اختى الحبيبة:أسبابك مقنعة جدا ولذلك وجب الاستيقاظ
    وما اجمل وجود من أحبهم ويحبونى لنتشارك الاحلام
    أشكرك حبيبتى على تعليقك الجميل
    نورتينى ودمتى بخير
    **********************************
    شمو نشادر
    اهلا بيك استاذ اسامة فى زيارتك الاولى واتمنى التكرار
    واشكرك لتعليقك رغم اختلافى معه فالاحلام تعتبر متنفس لناس كتير وتعتبر هبة من الله لنا اثناء النوم
    والحمد لله ان مدونتى عجبتك وفى انتظارك دائما
    اعتذر عن عزومتك على فنجان القهوة لانى مابشربهاش وبعدين ده واجب علينا يافندم ده انت ضيفنا واول زيارة كمان يبقى اشربها براحتك والحساب علينا
    نورت مدونتى واشكرك لمشاركتك
    ***********************************
    mohra
    أختى الحبيبة:اهلا بيكى فى زيارتك الاولى واتمنى التكرار
    وأشكرك على تعليقك فانا اعتبره تذكرة برحمة الله لنا فجزاكم الله خيرا
    نورتى مدونتى
    **********************************
    mayada
    اختى الحبيبة:ربنا يكرمك ويسعدك يامادى ياقمر
    هى نظرية برضة موضوع الغلاسة دة مع انه لو قام لوحده هيبقى افضل
    بس تعرفى سببك منطقى برضه خلاص صحيه واتكلمى معاه مش تصحيه وتسيبيه لوحده كده
    نورتينى حبيبتى ودمتى بخير
    *********************************
    قلب الشبح
    اختى الحبيبة:اهلا بيكى فى زيارتك الاولى واتمنى التكرار
    ربنا يسعدك يامى ويرزقك بكل اللى تتمنيه ويتقبل دعائك يارب
    نورتى مدونتى واشكرك جدا لمشاركتك
    ***********************************
    سارة البحر
    اختى الحبيبة:اهلا بيكى فى زيارتك الاولى واتمنى التكرار
    ربنا يسعدك ويبارك فيكى ياسارة ويحقق لك كل ماتتمنى ويتقبل دعائك
    نورتى مدونتى واشكرك جدا لمشاركتك
    *******************************
    واصطنعتك لنفسى
    اختى الحبيبة:اهلا بيكى فى زيارتك الاولى واتمنى التكرار
    أشكرك يا ايمان لاتفاقك مع رؤيتى
    نورتى مدونتى واشكرك لمشاركتك
    *********************************
    عاشقة الجنة
    اختى الحبيبة:أشكرك جدا على كلماتك الرقيقة وكم كنت فى أمس الحاجة لها ليس لجهل منى بها ولكن لأذكر نفسى وقد قمتى معى بهذا الدور فجزاكى الله عنى خير الجزاء
    ياربنا لك الحمد كماينبغى لجلال وجهك ولعظيم سلطانك
    نورتينى حبيبتى ودمتى بخير
    ***********************************
    sally
    اختى الحبيبة:أشكرك جدا لرايك والحمد لله انها نالت اعجابك
    واشكرك ايضا على تمرير التاج لى ولكن اعذرينى لعدم قدرتى على الاجابة
    نورتينى حبيبتى ودمتى بخير
    ***********************************
    سهر ..ساكن دروب مستنى نقطة نور
    اختى الحبيبة:اهلا بيكى واشكرك لاتفاقك معى
    نورتينى حبيبتى ودمتى بخير
    *********************************
    ayman badr
    اهلا بيك استاذ ايمن وحلوة طريقة الصحيان دى وهو خلاص اكيد لازم يصحى
    ماهو كفاية نوم بقى
    نورت مدونتى وارجو دوام التواصل
    **********************************
    rania
    اختى الحبيبة:اهلا بيكى فى زيارتك الاولى واتمنى التكرار
    أشكرك جدا على رأيك وعلى الادعية الرائعة وجعلها الله فى ميزان حسناتك
    نورتى مدونتى يارانيا وفى انتظارك دائما
    **********************************
    اوعى تفكر
    اهلا بيك وربنا يكرمك على الدعاء وعلى النصيحة بقراءة الكتاب
    وبما انى مش هقدر ابلغ والدتك بالبوست فياريت انت تخليها تقرا البوست وتقول رايها
    دمت طيبا ولمدونتى زائرا
    ***********************************
    عاليا حليم
    اختى الحبيبة:ياترى مقصدك النوم ام الاحلام ام عدم الازعاج اثناء النوم؟
    نورتينى حبيبتى ودمتى بخير
    *********************************
    حماتى ملاك
    اختى الحبيبة:ربنا يسعدك ويجيب دعائك
    نورتينى حبيبتى واشكرك لمشاركتك
    **********************************
    miss sosa
    اختى الحبيبة:اهلا بيكى فى زيارتك الاولى واتمنى التكرار
    أشكرك جدا لمشاركتك ولكن يمكن يكون قد قام بالدعاء قبل النوم فرزقه الله بحلم جميل كبشرى له
    ورأيك يحترم أيضا
    نورتى مدونتى ودمتى بخير

  70. Abo 7anf Said:

    اللهم انى اعوذ بك من اهم والحزن زاعوذ بك من العجز والكسل واعوذ بك من غلبه الدين وقهر الرجال

    هو الحلم اه بيفرغ الهم
    بس وبعدين
    ربنا يفرج همومنا جميعا ان شاء الله

  71. Dr-hema Said:

    إزاى ملهاش دعوه بالموضوع فكرى تانى

    د/هيما

  72. monaliza Said:

    abo7anf
    ربنا يسعدك ويبارك فيك على ادعيتك الجميلة وان شاء الله مجابة
    اما عن مابعد الاحلام فاكيد هيصحى ولكن يمكن الاحلام تكون بتقويه
    اشكرك جدا لمشاركتك
    دمت طيبا ولمدونتى زائرا
    **********************************
    dr_hema
    فكرت يادكتور ولقيت ان فيه ناس كتير مابتشخرش وهى نايمة ومن هنا اسمحلى اطلب منك عرض هذة النظرية فى تدوينتك الخاصة بالاحلام لتعم الفائدة على الجميع
    دمت طيبا ولمدونتى زائرا

  73. سارة Said:

    بارك الله فيك

  74. monaliza Said:

    سارة
    اختى الحبيبة:اهلا بيكى فى زيارتك الاولى واتمنى التكرار
    ربنا يكرمك ويتقبل دعائك
    نورتى مدونتى واشكرك لمشاركتك

  75. sabrina Said:

    اللهم أمين يفرج هم كل من كان
    جامدين اوي الكلمتين الي انت كتبهم وبيوجعوا!

  76. monaliza Said:

    sabrina
    اختى الحبيبة:اهلا بيكى فى زيارتك الاولى واتمنى التكرار
    اشكرك جدا لرايك ولمشاركتك
    نورتى مدونتى


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: