مستنى إيه؟

إمتى ييجى اليوم اللى تقرب فيه لربك
إمتى ييجى اليوم اللى تستغفر فيه لذنبك
إمتى ييجى اليوم اللى تبدأ فيه حياتك
إمتى تندم على ذكرياتك
إمتى تقرب مسافات بعادك
هو أنت ضامن بقية حياتك
يوم ما تقول نسيت ونسيت
لأمانسيتش
مكنتش اعرف
وأديك عرفت هتعمل إيه
هصلى لربى واستغفر
يمكن يغفر
لأ مش يمكن ده أكيد يغفر
علشان أمثالى يوم مايحنوا
يلاقوا حضن كبير بيضم
يوم مادموعهم تغسلهم
يوم ماذنوبهم توجعهم
يوم ما ندمهم يعصرهم
يوم ماتقول
لبيك ربى
ساعتها هتسمع
اهلا عبدى
نفسى أقرب
وخايف أبعد
تعالى وجرب
وماتقلقش
ده ربى وربك
حليم بعباده
رؤوف بعباده
مابيخوفش
أدرى بحالك
سميع لدعائك
مابيخلفش
قرب وادعى وصلى وصوم
ده ربك هادى وقيوم
ولو خايف تقع فى يوم
ربك معاك لما تقوم
بس انت قوم
ماتستموتش
قوم بسرعة وصلى وقول
ربى إقبلنى أنا جيت على طول
ما أقدرتش أبعد وجيت مذهول
إزاى بعدت أكيد مسطول
إزاى حرمت عليا مناجاته
إزاى قدرت أنام فى بعاده
وإزاى وإزاى وإزاى
المهم إنى رجعت ليك
وبقيت ياربى ملك إيديك
وده حالى ومايخفاش عليك
فيارب إقبلنى علشان عبيدك
مالهومش غيرك
يتمنوا رضاه
ولايقدروا يعيشوا حياة
من غير هداية ورحمة ونور
ده طريقنا طويل مكسور
مليان جسور
ونفسى أعدى
وخايف أهدى
لأ متخافش
سيبها على الله ماتتردتش
قوم بسرعة ومد إيديك
قوله إغفرلى أنا راجع ليك
وبرحمة ربك بيك
هيقوللك تانى
أهلا بيك.

80 Comments »

  1. Whispers just for a Night Said:

    السيدة Monaliza

    ………………………..

    إحترامي وتقديري

  2. shaimaa elgarhy Said:

    البوست فعلا بيحمل معانى كتيرة جداً

    واللى يفكر فيه بجد يلاقى جواه حاجات وكلام اكتر من اللى كتبتيه بكتير

    بس انتى لخصتى كل اللى انتى عايزة تقوليه فى الايه

    جزاكى الله عنا كل الخير

    تحياتى ليكى يا حبيبه قلبى

  3. dr_modymodak Said:

    بجد ربنا يديكي علي قد نيتك

    فعلا كل ابن ادم خطاء وخير الخطائين التوابون

    اللهم عاملنا بفضلك لا بعدلك

    الواحد دايما بيحس انه مقصر في حق ربه علشان كده بيحتاج دوما للتذكره

    ربنا يباركلك

  4. الفارس الملثم Said:

    ربنا يهبنا الهداية ويغفر لنا جميعا , وهو وحده اعلم بنا وهو دائما اقرب منا مما نتصور ..

    تحياتي وتقدري

  5. zOzO Said:

    تحياتي ليكي موناليزا
    البوست بجد هايل اوي
    واسلوبك حلو اوي ما شاء الله
    انا برده كان عندي فكره قريبه من دي
    هعملها قريب ان شاء الله
    بس مش هتبقي حلوه كده
    ههههههههههههههههههههه
    زوزو

  6. حســــــــــام حــــــــــامد Said:

    اولا:
    موضوع جديد ومهم وقوى كالعاده
    ثانيا:
    انتى كاتبه الموضوع بطريقة جديدة وجميلة وذكيه جدا وبتخلى الكلام المعتاد اكنه جديد بحييكى واللهم تقبل منك ويهدى كل واحد يقرا كلامك ويجعله فى ميزان حسناتك…
    تحياتى وبالنجاح المستمر

  7. راجى Said:

    مدونة جميلة
    تحياتى

  8. إخوانى حتى النخاع Said:

    السلام عليكم

    صح .. امتى يا ترا هنتوب ونرجع ؟؟

    هنستنى أول لما نكبر حبة ؟
    طب مش ممكن تموت قبل ما تكبر ؟

    دا باب ربنا خدمة 24ساعة
    باب التوبة مش بيتقفل خااالص

    شكراا ليكى اخت موناليزا على البوست الإمانى الحلو دا ..

    ويا ريت تيجى تشوفى بوستى الجديد

    أخوكى🙂

  9. nonoymm Said:

    اختي الحبيبة امة الله
    عفوية وصادقة كلماتك
    قلتها ونفسي اقولها لناس عزاز على قلبي ربنا يارب يهدي
    حلوة صح؟؟
    ربنا يبارك فيكي يارب
    دمتي بود

  10. همس الاحباب Said:

    كعادتك دائما سباقة للخير
    جزاكى الله خيرا
    وجعلنا ممن يستمعون القول فيتبعون احسنه
    بوست رائع ويحمل معانى كثيرة
    تحياتى لكى يا اختى
    خالد

  11. monaliza Said:

    whispers just for anight
    الاخ الفاضل:أشكرك على تعليقك ولو انى كنت طمعانة يكون اطول من كده حتى تفيدنا كالعادة بآرائك القيمة
    دمت طيبا ولمدونتى زائرا
    ***********************************
    shimaa elgarhy
    اختى الحبيبة: ربنا يكرمك وانا فعلا حسيت بعد ماكتبته ان مش ده كل الكلام اللى انا عايزة اقوله بس الحمد لله ان المعنى وصل
    اللهم ردنا اليك ردا جميلا
    نورتينى واشكرك على مشاركتك
    ***********************************
    dr_modymodak
    ربنا يكرمك يادكتور على أدعيتك الجميلة دى وربنا يتقبلها منك
    اللهم لا تجعل لنا ذنبا الاغفرته ولا ضالا الاهاديته
    دمت طيبا ولمدونتى زائرا
    ***********************************
    الفارس الملثم
    ربنا يكرمك تعليقك غاية فى البلاغة وفيه تذكرة الكل يحتاجلها طول الوقت
    فجزاكم الله عنا خير الجزاء
    دمت طيبا ولمدونتى زائرا
    **********************************
    zozo
    أختى الحبيبة:ربنا يكرمك واشكرك على تعليقك وكده اخجلتم تواضعنا يازوزو
    وانا واثقة ان باذن الله موضوعك هيبقى احلى وانا فى انتظاره
    نورتينى ياقمر واشكرك على مشاركتك
    ***********************************
    حسام حامد
    ربنا يكرمك واشكرك جدا على هذا الاطراء ويارب اكون قده
    اللهم لاتؤاخذنى بما يقولون واغفرلى مالايعلمون واجعلنى خير مما يظنون
    نورتنى واشكرك على مشاركتك
    دمت طيبا ولمدونتى زائرا
    **********************************
    راجى
    أهلا بيك يا استاذ راجى وأشكرك على تعليقك
    نورت مدونتى وارجو دوام التواصل
    ***********************************
    اخوانى حتى النخاع
    وعليكم السلام ورحمة الله وبركاته
    معك حق اخى الفاضل فالواحد بيسوف الاعمال الى اجل غير مسمى وكانه ضامن ان يمتد به العمر عايزة اعرف جابوا منين طول الامل ده؟
    اللهم لاتأخذنا منك الا اليك
    حاضر يافندم علم وينفذ
    أشكرك على مشاركتك
    دمت طيبا ولمدونتى زائرا
    **********************************
    nonoymm
    اختى الحبيبة:ربنا يكرمك ويبارك فيكى
    اللهم اجمعنا فى ظل عرشك فى يوم لاظل فيه الا ظلك
    نورتينى ياحبيبتى واشكرك على مشاركتك

  12. monaliza Said:

    همس الاحباب
    ربنا يكرمك يا استاذ خالد ويجعلنا دائما ممن يستبقون الخيرات
    اللهم اهدنا فيمن هديت وتولنا فيمن توليت وبارك لنا فيما اعطيت
    نورتنى واشكرك لمشاركتك
    دمت طيبا ولمدونتى زائرا

  13. semsem Said:

    اول مرة ادخل مدونتك
    بس بجد انا مش هعلق ع الموضوع ده بس
    انا عاوزه اقول ان كل بوستاتك عجبتنى اوى اوى اوى
    وجزاك الله كل خير
    ونفع بيكى المسلمين
    بجد حاجه حلوة حلوة حلوة

  14. anaabnalikwan Said:

    مدونة جميلة جدا تستحق الاقتناء
    بارك الله في صاحتها ورزقها ماتيدة وما ترضاة
    ادعوكي لزيارة مدونتي لحن الغروب
    http://anِaabnalikwan.blogspot.com

  15. تايه في وسط البلد Said:

    تدوين هايل
    ربنا يبارك فيكي
    انتظر تدويناتك القادمة
    وتعليقاتك لدي

  16. بطوط حبوب Said:

    اللهم اجعلنا من التوابين

  17. أنا إنسان Said:

    أه والله
    سبحا الرحمن الرحيم

  18. la3lahakhier Said:

    نعم ….
    والله صحيح
    دمتى بخير حبيبتى

  19. رفقة عمر Said:

    بجد روعه وفيها روحانييات عاليه
    ربنا ييبارك فى حضرتك ويكرمك اللهم امين

  20. Tamer Nabil Said:

    تسلمى ومشكورررة على البوست الرائع

    تحياتى

  21. *سمر* Said:

    جزاك الله خيرا ..واعانك على النفع و الهداية دائما ..
    تحياتى🙂

  22. monaliza Said:

    semsem
    أختى الحبيبة:أهلا بيكى وفى انتظارك دائما
    والحمد لله ان مواضيعى عجبتك ويارب اكون دايما عند حسن ظنك
    نورتي مدونتى واشكرك لمشاركتك
    ***********************************
    anaabnalikwan
    ربنا يكرمك واشكرك على تعليقك
    نورت مدونتى وارجو دوام التواصل
    تمت الزيارة يافندم
    ***********************************
    تايه فى وسط البلد
    اهلا بيك يافندم فى زيارتك الاولى واتمنى التكرار
    اشكرك لمشاركتك
    نورت مدونتى
    **********************************
    بطوط حبوب
    ربنا يتقبل منك
    اللهم ردنا اليك ردا جميلا
    اشكرك لمشاركتك
    دمت طيبا ولمدونتى زائرا
    ***********************************
    انا انسان
    اللهم لاتجعل لنا ذنبا الا غفرته
    دمت طيبا ولمدونتى زائرا
    ***********************************
    la3lahakhier
    أختى الحبيبة:لان ربنا رحيم بينا اوى
    نورتينى واسعدنى تواجدك
    **********************************
    رفقة عمر
    أختى الحبيبة:وحشتينى جدا لعل المانع خير
    ربنا يكرمك يارب ويجعلنا دائما من التوابين
    نورتينى واشكرك لمشاركتك
    **********************************
    tamer nabil
    اهلا بيك يا استاذ تامر فى زيارتك الاولى ونتمنى التكرار
    اشكرك لمشاركتك ونورت مدونتى

  23. monaliza Said:

    سمر
    أختى الحبيبة:ربنا يكرمك
    اللهم ردنا اليك ردا جميلا
    نورتينى واشكرك لمشاركتك

  24. بنوته مصرية Said:

    الله عليكي بجد

    بارك الله لكي وجعلة في ميزان حسناتك

    ربنا يديكي علي قد نيتك

    تحياتي واحترامي
    رودي

  25. عمر المصرى Said:

    السلام عليكم
    جزاكى الله خيرا على هذا الكلام الرائع وجعله فى ميزان حسانتك
    ربنا يباركلك فى عملك دائما

  26. مواطن مصرى نايم Said:

    كل مرة
    بتتحفينى اكتر من اللى قبلها
    مش عارف اقولك ايه
    تحياتى
    eslam

  27. عاشقه الجنه Said:

    اختي الحبيبه
    اسمحيلي اقول لك انك رائعه في كل شيء
    بارك الله فيكي
    اسلوبك ممتاز
    حفظكي الله

  28. appy Said:

    ربنا يكرمك على تذكرتنا ويجازيكى خير عليها
    يا رب بجد
    وربنا يغفر لنا جميعا

  29. آفاق الحرية Said:

    البوست اكثر من رائع
    بجد بنا يكرمك
    والاسلوب جميل جدا

  30. خبيب Said:

    اللهم اغفر لنا ذنوبنا

    وتب علينا

    جزاكم الله خيرا على التذكرة

  31. sasatifa Said:

    جزاك الله خيرا يا أختى وأدعولنا معاكم يا جماعة

  32. hana Said:

    يارب يهدينا يااارب

  33. monaliza Said:

    بنوتة مصرية
    أختى الحبيبة:ربنا يكرمك واشكرك على تعليقك الذى اسعدنى وادعيتك الجميلة
    اللهم اجمعنا فى ظله فى يوم لاظل فيه الا ظله
    نورتينى يارودى وارجو دوام التواصل
    ***********************************
    عمر المصرى
    وعليكم السلام ورحمة الله وبركاته
    ربنا يبارك فيك وجزاكم الله خيرا على تعليقك
    نورت مدونتى وارجو دوام التواصل
    ***********************************
    مواطن مصرى نايم
    اهلا بيك يا استاذ اسلام وانت كده قلت كل حاجة
    اشكرك على تعليقك
    دمت طيبا ولمدونتى زائرا
    ***********************************
    عاشقة الجنة
    أختى الحبيبة:ربنا يكرمك وده بس من ذوقك ويارب افضل عند حسن ظنك دايما
    اللهم لاتؤاخذنى بما يقولون واغفرلى مالايعلمون واجعلنى خيرا مما يظنون
    نورتى مدونتى وارجو دوام التواصل
    **********************************
    appy
    أختى الحبيبة:الله على أدعيتك الجميلة ربنا يتقبل ويجعلها فى ميزان حسناتك
    اللهم اغفر لنا ذنوبنا جميعا مانعلمها ومالانعلمها وما انت اعلم بها منا
    نورتينى واشكرك على مشاركتك
    ***********************************
    افاق الحرية
    أشكرك على تعليقك وعلى دعائك
    اللهم اغفر لنا ذنوبنا ماظهر منها وما بطن
    دمت طيبا ولمدونتى زائرا
    ***********************************
    خبيب
    وجزاكم مثله على هذه الادعية الجميلة
    تقبل الله منا ومنكم صالح الاعمال
    دمت طيبا ولمدونتى زائرا
    ***********************************
    sasatifa
    ربنا يكرمك ويهديك ويعزك بالاسلام ويعز الاسلام بيك
    نورت مدونتى وارجو دوام التواصل
    ***********************************
    hana
    أختى الحبيبة:اهلا بيكى فى زيارتك الاولى واتمنى التكرار
    اللهم اهدينا واغفرلنا وتب علينا انك انت التواب الرحيم
    نورتى مدونتى واشكرك على مشاركتك

  34. ا بـن عــمــر Said:

    جزاك الله خيرا
    كلمات رقيقة تمس القلب قبل الوجدان
    وعجلت اليك ربى لترضى

  35. Desert cat Said:

    ونعم بالله

  36. دواير Said:

    صدقيني خايفة ييجي اليوم اللي مااستحقش فيه اهلا بيك

  37. Whispers just for a Night Said:

    أرأيت ياسيدتي

    كثيرون علقوا كما علقت
    ……………………
    ولذا كان الصمت أبلغ تعليق على المقالة

    إحترامي وتقديري

  38. مجداوية Said:

    السلام عليكم
    أختى الحبيبة أمة الله
    من المهم جدا أن يبث الأمل فى قلوبنا دائما ونعرف أن هناك ربا رحيما أحن علينا من والدينا ورحمته فى الأرض جزء من 100 جزء أى متبقى من رحمة الله 99جزء
    ولو علم اليائس من رحمة الله هذا لصبر على بلاءه ولحاول المنتحر طريقا آخر غير الخلاص من الحياة ,,
    ان الله يرسل مع العسر اليسر ومع الضيق الفرج معيه متلازمه ليست متتالية وان تتابعا مهما ضاق الحال فهناك فرج ومهما طال الليل فهناك نور ومهما قسى الناس على بعضهم وظلموا وتجبروا فهناك الرحمن الرحيم العدل
    صدقت فى كل كلمة يا أختاه وجزاك كل الخير لبث الأمل فى اليائسين لأن الله موجود

  39. rovy Said:

    monaliza
    بسم الله ما شاء الله
    اد ايه جميل كلامك واحساسك
    حقيقى انا سعيده بمرورى لمدونتك
    ربنا يكرمك ويوفقك ..

    خالص تقديرى وتحياتى

  40. monaliza Said:

    ابن عمر
    اهلا بيك فى زيارتك الاولى واتمنى التكرار
    ربنا يكرمك واشكرك على تعليقك
    نورت مدونتى
    **********************************
    desert cat
    أختى الحبيبة:يسعدنى دائما تواجدك ونعم ياقطتى
    ليس لنا سوى الله حتى نتضرع اليه
    نورتينى
    ***********************************
    دواير
    أختى الحبيبة:لاتقنطى من رحمة الله ان الله يغفر الذنوب جميعا بس انتى ابدأى
    استغفرى وتوبى الى الله وانتى صادقة النية وشوفى الراحة اللى هتحسى بيها بعد دموعك ماتتكلم مع ربنا ومتنسينيش بالدعاء ساعتها
    ياريت تطمنينى عليكى دايما
    نورتينى وفى انتظارك دائما
    ***********************************
    whispers just for anight
    الاخ الفاضل :اشكرك على اهتمامك واسمحلى فمن حقى ان اعاتبك فانا لااذكيك على الله ولكنى احسبك على خير بأنك صاحب علم وكان مقصدى بألا تبخل علينا بمعلوماتك القيمة وارائك التى تفيدنا فالكثير منا لايمتلك علمك ولذلك اردنا ان نأخذ منه ما استطعنا
    وليس هذا تقليل لتعليقكم ولكنه طمعا فى المذيد فنرجو المعذرة
    خالص تقديرى واحترامى
    ***********************************
    مجداوية
    اختى الحبيبة:ربنا يكرمك على كلماتك التى اضافت مزيدا من الامل فى نفوس اليائسين جعلها الله فى ميزان حسناتك
    نورتينى واشكرك على مشاركتك
    ***********************************
    rovy
    أختى الحبيبة: وانا اسعد بزيارتك الاولى واتمنى التكرار
    أشكرك على مشاركتك
    نورتى مدونتى

  41. Walad_Masry Said:

    جزاكي الله خيرا على الموضوع الجميل الحقيقة أنا جيت أرد الزيارة وفوجئت بالمستوى الراقي لكلامك وموضوعاتك

    كل ما أقول أبطل لف على الجيران أتكعبل في مدونات تخليني ما بطلش لف

    نهايته.. سعيد بمروري وان شاء الله هكون زبون دائم

  42. Gannah Said:

    عزيزتى موناليزا
    مدونة رائعة جعلها الله فى ميزان حسناتك خالصة لوجهه الكريم.
    نعم لقد آن الاوان يا رب… اللهم اقبلنا فى عبادك التائبين و اغفر لنا برحمتك و كرمك و لا تجعلنا من القانتين. اللهم لا تجعل لنا ذنبًا الا غفرته و لا هما الا فرجته و لا حاجة لك فيها رضاو لنا فيها صلاح الا قضيتها و يسرتها يا ارحم الراحمين. اللهم اجمعنا مع رسولك الكريم يوم لا ينفع مال و لا بنون الا من اتى الله بقلب سليم و صلى اللهم و سلم على خير خلقك سيدنا محمد
    جزاكى الله خيرا عن كل حرف قرائناه و نفع بك….آمين

  43. ba7re Said:

    مش هقول اكتر

    من جزاكى الله خير
    و جعله فى ميزان حسناتك
    http://fzportsaid.net/board/index.php?showtopic=3173
    ارجو انك تزورى الموضوع ده
    و لو عجبتك الفكرة نروجها كلها فى المدونات
    تحياتى و السلام عليكم🙂
    و متحرمناش من البوستات النافعة و المريحة نفسيا دائما

  44. monaliza Said:

    walad masry
    اهلا بيك ويسعدنا تواجدك وتكرار الزيارة
    نورت مدونتى واشكرك على تعليقك
    ***********************************
    gannah
    أختى الحبيبة:ربنا يكرمك ويبارك فيكى على تعليقك الذى أسعدنى وأدعيتك الممتعة ربنا يتقبل منك
    نورتى مدونتى وارجو دوام التواصل
    ***********************************
    ba7re
    ربنا يكرمك واشكرك على تعليقك ومشاركتك
    وسأذهب لالقاء نظرة على ماطلبت
    نورت مدونتى وارجو دوام التواصل

  45. ammola Said:

    والله العظيم مش باهزر
    انتى حنونة جدا حتى فى توجيه النصيحة للعاصى
    أحبك فى الله

  46. مشتاق لله Said:

    اسئل الله ان يهدي قلوبنا -بارك الله فيك

  47. mnoon Said:

    إمتى ييجى اليوم اللى تقرب فيه لربك

    إمتى ييجى اليوم اللى تستغفر فيه

    لذنبك

    إمتى ييجى اليوم اللى تبدأ فيه حياتك

    أقولك أمتى؟؟؟؟؟؟

    هو نفسه اليوم

    اللى هتحس فيه بقرب نهايتك

    ساعتها الواحد هيفكر 100 مره

    إزاى يرضى ربنا

    تحياتى إليكى

  48. ايوية Said:

    يارب اغفر لكل المؤمنين يارب

  49. الحشرى Said:

    تذكرة رائعة وفيها كلمات معبرة

    سلمت يداك أختى الكريمة

  50. monaliza Said:

    ammola
    أختى الحبيبة:ربنا يكرمك وده بس من ذوقك
    اللهم اجمعنا فى ظله فى يوم لا ظل فيه الا ظله
    اللهم لاتؤاخذنى بمايقولون واغفرلى مالايعلمون واجعلنى خير مما يظنون
    نورتينى ويسعدنى تواجدك دائما
    **********************************
    مشتاق لله
    ربنا يكرمك وأشكرك على دعائك الجميل وربنا يتقبل
    دمت طيبا ولمدونتى زائرا
    **********************************
    mnoon
    أختى الحبيبة:بس فى الوقت ده الواحد مابيلحقش يفكروحتى لو لحق ليه يستنى مش الاحسن يخلص اللى عليه اول باول
    فعلا ياحبيبتى محدش بيفكر كده
    اللهم اهدنا وردنا اليك ردا جميلا
    نورتينى واشكرك على مشاركتك
    ***********************************
    ايوية
    أختى الحبيبة:ربنا يتقبل ويبارك فيكى
    نورتينى واشكرك لمشاركتك
    ***********************************
    الحشرى
    اهلا بيك فى زيارتك الاولى وربنا يكرمك واشكرك على تعليقك
    نورت مدونتى

  51. Abo 7anf Said:

    ربنا يوفقك
    انتى مواضيعك كلها احسن من بعضها
    ان شاء الله يجعلها فى ميزان حسناتك

  52. واحد من البلد دى Said:

    أنا أول مرة أزور مدونتك…وبمجرد ما قرأت البوست أحسست بالسكينة وحالة روحانية عالية جدا..مع إنى شاعر ساخر…تحياتى البالغة

  53. hamsawy Said:

    اضراب 4 مايو اللي جاي هيكون الاهم في تارييخ مصر

  54. wanna b a physician Said:

    ربنا يقبلنا لديه ويهدينا للطريق الاقوم

  55. monaliza Said:

    abo7anf
    ربنا يكرمك واشكرك على هذا الاطراء فهذا من فضل ربى
    دمت طيبا ولمدونتى زائرا
    ***********************************
    واحد من البلد دى
    اهلا بيك فى زيارتك الاولى واتمنى التكرار والحمد لله انها نالت اعجابك وعلى فكرة انا رأيى ان اى كاتب ساخر بيكون عنده حس مرهف عالى جدا
    نورت مدونتى واشكرك على مشاركتك
    **********************************
    hamsawy
    شكرا على المعلومة وكنا نتمنى مشاركتكم ومعرفة تعليقكم ولكن هذا قرارك

  56. monaliza Said:

    wanna b a physician
    أهلا بيك فى زيارتك الاولى وربنا يتقبل منك
    نورت مدونتى وارجو دوام التواصل

  57. DoMaLaYs Said:

    بوست رائع بجد

    و جميل و فيه معاني كتير

    و بجد المفروض الواحد يتكسف من نفسه و

    يقرب من ربه كل يوم اكتر من الاول

    شكراً على البوست الرائع

    و في انتظار جديدك

  58. rommantic Said:

    اللهم امين ايه كل الجكمه والعقل ده
    بجد البوست ده جه فى وقته
    على فكره احنا بلديات
    سلام

  59. المشتاقة إلى الجنـة Said:

    السلام عليكم …

    اختى monaliza يسعدنى جدا تواجدى على مدونتك …ممتازة بجد

    بالنسبة للبوست ..
    بسم الله ما شاء الله عليكى ربنا يوفقك ..راائع جدا وبيحمل معانى وروحانيات عالية قووى ..جزاك الله عنا خير الجزاء

    فعلا عن الدنيا سنرتحل
    يرافق سيرنا العمل
    فإما روضة تشدو
    وإما قبر يشتعل

    شكرا جزيلا

  60. مشمش Said:

    ربنا يكرمك يارب

  61. لله درك Said:

    بارك الله فيك علي هذه المدونة التي اقل ما أصفها بأنها رائعة وعلي فكرة ترددت قبل كتابة هذا التعليق للكم الهائل من التعليقات والذي فاجئني وكما يقال فلا يضير البحر قشة

    بارك الله فيك

  62. الربان Said:

    تحياتي

    بوست جميل اهنئك عليه…و يزيده جمالا و قيمة…انه تقريبا يخاطب الجميع..
    يحفز الجميع الي هجر الكسل و ان ينهضوا
    من غفوتهم…نحن في غفلة..و القليل من ممن رحم ربي يفيق منها و يهرع الي عبدا
    منيبا..محبا …مريدا….

    جزاك الله خيرا و بارك فيك.

    تحياتي و تقديري

  63. monaliza Said:

    domalays
    اهلا بيك فى زيارتك الاولى وهنتظر التكرار
    نورت مدونتى واشكرك على تعليقك
    ***********************************
    rimmantic
    اهلا بيك فى زيارتك الاولى وده بس من ذوقك والحمد لله انه جه فى وقته
    اية خدمة ههههههه
    نورت مدونتى وارجو دوام التواصل
    ***********************************
    المشتاقة الى الجنة
    وعليكم السلام ورحمة الله وبركاته
    أختى الحبيبة:ربنا يكرمك ويسعدنى دائما تواجدك
    نورتى مدونتى وأشكرك على تعليقك
    ***********************************
    مشمش
    أختى الحبيبة: ربنا يبارك فيكى واشكرك على دعائك الجميل وربنا يتقبل
    نورتى مدونتى وارجو دوام التواصل
    *********************************
    لله درك
    أهلا بيك فى زيارتك الاولى وبالله عليك لاتتردد مرة اخرى فى تعليقك لان جميع التعليقات تهمنى لعلنى أكون مخطئة فأجد من يقومنى
    وتعليقك ليس قشة فى بحر ولكنة سفينة زاخرة فلك منى خالص الشكر لتعليقك
    نورت مدونتى وارجو دوام التواصل
    **********************************
    الربان
    ربنا يكرمك ومعك حق فنحن فى غفلة ونحتاج من يصحينا
    أشكرك لمشاركتك
    دمت طيبا ولمدونتى زائرا

  64. أم أحمد المصرية Said:

    اللي هويته اليوم دايم وصاله دوم لا يعاتب اللي يتوب و لا في طبعه اللوم واحد ما فيش غيره ملي الوجود نوره دعا لي لبيته لحد باب بيته و ما تجلي لي بالدمع ناجيته
    كنت ابتعد عنه و كان يناديني و يقول مسيرك يوم تخضع لي و تجيني طاوعني يا عبدي طاوعني انا وحدي مالك حبيب غيري قبلي و لا بعدي انا الي اعطيتك من غير ما تتكلم و انا اللي علمتك من غير ما تتعلم و الي هديته اليك لو تحسبه باديك تشوف جمايلي عليك من كل شيء اعظم
    سلم لينا سلم لينا تسلم
    ______________
    صديقتي العزيزة ذكرتني مدنتك بهذه الكلمات الرائعةلبيرم التونسي ” القلب يعشق كل جميل “جعل الله تدوينتك الجميلة هذه في ميزان حسناتك

  65. منى Said:

    الله عليكى يا موناليزا
    من منا لا يدور بداخله هذا الحوار
    ولكن المهم من ينتصر ما نحب ام ما يحبه الله؟
    لكم تكون السعاده عندما لا نحب الا ما يحبه الله
    اللهم اجعلنا جميعا من المتحابين فيك
    المخلصين لك
    الساعين فى الارض بهدى حبيبك المصطفى
    واجمعنا معه فى يوم لا فراق بعده
    تحياتى وتقديرى

  66. الهدهد الطائر Said:

    “لأ متخافش
    سيبها على الله ماتتردتش”

    بالفعل.. حسن الظن بالله يقلب الخوف إلى ثبات و الضعف إلى قوة.

    ….تحياتي……..

  67. monaliza Said:

    ام احمد المصرية
    أختى الحبيبة:اسعدتينى بزيارتك وشرفتينى بتعليقك
    نورتى مدونتى وارجو دوام التواصل
    **********************************
    منى
    أختى الحبيبة:ربنا يتقبل منك واشكرك جدا على مشاركتك وتسعدنى دائما زيارتك
    *********************************
    الهدهد الطائر
    اهلا بيك ومعك حق ما اجمل حسن الظن بالله
    اللهم اجعلنا دائما ممن يستمعون الى القول فيتبعون احسنه
    اشكرك لمشاركتك
    نورت مدونتى وارجو دوام التواصل

  68. barbie girl Said:

    ربنا يغفرلنا ويرحمنا جميعا..كلنا محتاجين التذكرة باستمرار

  69. monaliza Said:

    barbie girl
    اختى الحبيبة:نورتينى واشكرك على مشاركتك
    اللهم ردنا اليك ردا جميلا

  70. بنت الاسلام Said:

    ربنا يبارك فيكي

    ويتقبل منك

    كلماتك مست شغاف قلوبنا

    واشعرتنا احنا اد ايه مقصرين

    اللهم ارزقنا قبل الموت توبة

    وعند الموت شهادة

    وبعد الموت جنة ونعيم مقيم

    اللهم امين

  71. monaliza Said:

    بنت الاسلام
    اختى الحبيبة: ربنا يكرمك ويتقبل منا ومنكم صالح الاعمال ومأهمية وجودنا فى حياة الاخرين الا ان نذكر بعضنا بعضا بتقصيرنا فى حق الله
    اللهم اجعلنا ممن يستمعون الى القول فيتبعون احسنه
    أشكرك لمشاركتك
    نورتى مدونتى وارجو دوام التواصل

  72. mady Said:

    ش عارفه اقولك ايه بجد
    جزاك الله عنا كل الخير
    تحياتي موناليزا

  73. monaliza Said:

    mady
    أختى الحبيبة:هتقولي ايه اجمل من دعائك لى بالخير ربنا يتقبل ويرزقك السعادة
    نورتينى واشكرك لمشاركتك

  74. جني Said:

    الأخت أمة الله
    السلام عليكم
    بوست رائع أدعو الله تعالى أن ينفع به وينفعك به .. ويكون في ميزان حسناتك إن شاء الله .. وما أجمل الحياة مع طاعة الله .. أدعوكي لقراءة بوست : الحياة أجمل مع طاعة الله .. في مدونتي ..
    لك كل الشكر وتحياتي ..
    said

  75. نهر الحب Said:

    احب تلك الاية جداا
    يارب اهدنا

    جزاك الله خيراا
    اختى

  76. monaliza Said:

    جنى
    وعليكم السلام ورحمة الله وبركاته
    أهلا بيك يا استاذ سيد فى زيارتك الاولى وربنا يكرمك على تعليقك
    واشكرك على دعوتى لقراءة موضوعك فقد قبلتها وجارى التنفيذ
    نورتنى وارجو دوام التواصل
    ***********************************
    نهر الحب
    اختى الحبيبة:اهلا بيكى فى زيارتك الاولى واتمنى التكرار
    ربنا يكرمك على تعليقك ولكن معذرة اختى الحبيبة فاى آيه تقصدين؟ اللهم اهدنا دعاء نرجو ان يتقبل منا
    نورتى مدونتى واشكرك لمشاركتك

  77. لمْ يكْتَمِلْ بَعْدْ ،، Said:

    والله يا موناليزا
    المشكل الكبير انه ما في شي نتحجج فيه
    الله عطانا العمر و الصحة و المال و كل شي
    وما في شي يخلينا ما نشكر الله
    او نتاخر في التوبة
    كتير أثرت فيا
    كتابتك رائعة مع انها بالعامية
    الله يثبتك يا رب
    و يرزقنا حلاوة التوبة

  78. monaliza Said:

    لم يكتمل بعد
    أختى الحبيبة:ربنا يكرمك واشكرك على تعليقك الجميل والمشكلة من وجهة نظرى ليس فقط ماذكرتى ولكن الغفلة ياعزيزتى الدنيا شاغلة كل الناس عن كل حاجة حتى التوبة
    اللهم ردنا اليك ردا جميلا
    نورتينى واشكرك لمشاركتك

  79. سـهــــر Said:

    و لما الحزن يخطفنى
    و دايما هو خاطفنى
    اردد من دعاء يونس
    و اتونس
    بكلماته
    و اتامل
    ( انى كنت من الظالمين )
    يوسوس ليا مش ظالم
    و اللوامه تفضحنى
    انا الظالم
    و انا العالم .. باسرارى
    و اردد ف المدى…
    و الكون يرددها صدا للصوت …
    يا رب … و طالعه من قلبى
    تسامحنى
    تصالحنى على نفسى
    على الدنيا
    و انا الطماع
    و مش عاوز اكون محروم من الآخر
    ف م الآخر
    انا المفتون
    بتفتنى
    و استغفر
    و عارف
    رحمتك اوسع

    ——————

    موناليزا ( امة الله )
    سعيده اوى اوى انك اديتينى الفرصه اجى ف الرحاب النقيه دى و الكلمات اللى ذى بلسم روح

    دمتى بنقاء

  80. monaliza Said:

    سهر
    اختى الحبيبة:أنا الاسعد بزيارتك وبتعليقك وكلامك الجميل وهستناكى دايما
    ربنا يسعدك ويبارك فيكى
    نورتى مدونتى ودمتى بخير


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: