الحب الحقيقى


عايزة أحكى لكم عن حبيبى.

أول ما أحتاجله دايما الأقيه,دايما بيسمعنى ومهما أطول عليه فى الكلام لايقاطعنى ولايزهق منى أصله حبيبى ..أيوه حبيبى علشانه مستعده أعمل أى شئ.

أنا بصراحة كده تحت أمره , قد إيه بشتاق له وبشتاق لضعفى بين إيديه وبشتاق لكلامى معاه.. أصله الوحيد اللى بيريحنى والوحيد اللى واثقة فى حبه ليا.

حبيبى مالوش وصف أصل مفيش منه اتنين.

يا ما إحتجت له فى نص الليل وماكنتش بلاقى منه غير الإنصات التام لى بكل حفاوة وترحاب ولاينتهى كلامى معه إلا عند شعورى بالراحة.

وكم تعددت ساعات لقاءاتى به دون موعد مسبق ..وكم كان حنوا معى,وكم من المرات وقف بها جوارى دون كلل أو ملل.. كثيرا من الناس لهم أحباء ولكن القليل يجدونهم عند إحتياجهم.

آه على كلامى معاه ما أجمله وأحلاه.

آه لما أحس أنه بيحبنى ببقى مالكة الدنيا.

آه عند بكائى أمامه وما أحلى هذا الضعف.

اتكلم عن عظمته ولا عدله ولا كرمه ولا حنانه ولا… ولا…. ولا…..

مفيش كلام يقدر يوصف.

كل اللى أقدر أقوله أنى بحبه جدا.

تصوروا مكنتش أتخيل أنى هلبس الحجاب فى يوم من الأيام ولكن علشانه لبسته لأنه بيغير عليا أوى وبينى وبينكم أنا حبيت غيرته دى أوى ولقيت نفسى منصاعة لأوامره , وياسلام على مواعيدى معاه حتى لو كنت نايمة بلاقى نفسى صاحية فرحانة علشان هقابله, وياسلام عليه لما ياخد حقى , وياسلام عند شعورى بأنه حضن كبير بيضمنى فى جميع حالاتى.

أنا علشانه مستعدة أعمل أى حاجة حتى لو على حساب كرامتى لأنه عندى أغلى من كرامتى ومستعدة أضحى بوقتى وفلوسى وبحياتى كلها لو هو يرضى, ياسلام لو أموت علشانه أصل عمرى شوية عليه.

لكن بما إنى على قيد الحياة هكون جاريته المخلصة.

ياااااااااه لو يرضى عنى..دعائى الدائم أنه يفضل معايا.

عقبالكم لما تجربوا اللى أنا فيه.

اللى عايز يتعلم الحب لازم يعرف حبيبى تعرفوا ليه؟؟.

لأن حبه علمنى حاجات كتيرة أوى..علمنى أحب كل حاجة..خلانى أعرف إن لحياتى قيمة.. علمنى إزاى أحب.. وإزاى أضحى.. وإزاى اكظم غيظى ..وإزاى أساعد الناس .. وازاى أضحك فى وشهم.. وحاجات تانية كتير.. بحبه فقط علمت ماهية وجودى.

علمنى اصبر على المحن..واشكر على النعم.. علمنى ان الحب أفعال مش كلام ..علمنى أحب الناس ..علمنى أسامح..علمنى أعذر.. علمنى أحفظ الجميل .. وأوفى بالعهد..وأحافظ على الأمانة.. وغيرها.

حبيبى هو:

من يطعمنى ويسقينى والذى يميتنى ثم يحيينى.

والذى أطمع ان يغفر لى خطيئتى يوم الدين.

ياترى عرفتوه؟؟.

38 Comments »

  1. كلامك جميل قوىاللهم ارزقنا حبك وحب من احبك وحب كل عمل يقربنا الى حبك اللهم امين يارب العالمينمدونتك جميله قوىماشاء الله

  2. monaliza Said:

    نورتى مدونتى وشكرا على تعليقك الجميل

  3. السلام عليكم ورحمه اللهأدعوا الله عز وجل ان يهدينا وأياكى صراطه المستقيم.بوست جميل ماشاءالله,ربنا يبارك فيكى ويجعلك ممن يقال لهم(أدخلوها بسلام أمنين).((اللهم أرزقنا حبك والجنه)).اتمنى لك التوفيق دائما ان شاء الله ,…خالص تحياتى

  4. monaliza Said:

    وعليكم السلام ورحمة الله وبركاتهربنا يتقبل منا ومنكم صالح الأعمال واللهم ارزقنا الجنة وماقربنا منها من قول او فعلوجزاكم الله خيرا على هذا التعليق الجميل

  5. walaa Said:

    بجد انا فى الاول كنت داخله اديك كلام جامد قوى اصلى كنت بحسبك بتتكلمى عن ولد قلت ايه الجرأه دى انا بهزر معاك يا قمر انا كتبت بوست زى ده قبل كده اسمه الحب الحقيقى فعلا ليس لنا الا الله حبيبى يا الله وتحياتى ليك على البوست الجميل ده وربنا يثبت ايمانك يا رب تحياتى ليك ولاء

  6. عزيزتى أشكرك أولا على زيارة مدونتى وقد أضفت رنتين مش رنة واحدة للشعب المصرى بناء على رغبتك ,,ثانيا جميل جدا هذه العلاقة الوثيقة بينك وبين الله سبحانه وتعالى ودائما رددى يا مقلب القلوب والابصار ثبت قلبى على دينك وعلى ,,ولكن لى تحفظ بسيط وهى لغة الخطاب فالله سبحانه وتعالى ليس كمثله شىء فالأفضل أن نخاطبه ونصف علاقتنا به بما يناسب قدره وعلوه فلا نتحدث عنه بشكل يوحى ان حبنا له مثل الحب الدنيوى وان كنت على يقين انك كتبت هذا بكل الصدق والاجلال لله فأرجو أن تتقبلى ملاحظتى وانت واثقة أنها لا تنقص أبدا من جمال وروعة ما تشعرين ,,أدام الله عليك هذا

  7. rona Said:

    ربنا يبارك فيكى ويباركك فى كتبتك وكمان هقول الله اما ارزقنا حبك وحب من احبك وحب كل عمل يقربنا اللى حبك اللهم امين يارب العالمين

  8. appy Said:

    سبحان الله الذى ليس قبله ولا بعده شئربنا يبارك فيك كلامك رقيق قوى ويدخل القلب بسرعه جدا

  9. توقعت هذه النهاية فى الأخريارب انا نحبك نقولها بألسنتنا وتعجز افعالنا عن كامل التطبيقاللهم أحبنا جميعاتحياتى

  10. Desert cat Said:

    لا اله الا الله ما اعظمه وما اجملة من حب

  11. ربنا يكرمنا و نقابله و نشوفه و احنا فى جناته عز و جلشكراً ليكى على كلامك الحلو دهتحياتى

  12. monaliza Said:

    walaaأختى الحبيبة ولاء انا متقبلة هزارك وربنا يكرمك ويثبتنا جميعا ويجمعنا فى ظل عرش الرحمن يوم لا ظل فيه الا ظلهنورتى مدونتى

  13. monaliza Said:

    مجداويةأختى العزيزة مجداوية: نورتى مدونتى وانا معاكى طبعا إن الله عز وجل ليس كمثله شئ ولكن اللى خلانى اكتب بالطريقة دى غير شعورى الصادق بكل كلمة كتبتها هى ظاهرة إن كل بنت بتحب شاب حتى لو مش مرتبطة بيه ارتباط رسمى بتتكلم عنه عادى وبتوصف شعورها برضه عادى فالله عز وجل أحق بكل هذا الحب وبكل هذة المشاعر مهما ضعف الاسلوب واللى حسيته بجد إن من كتر حبى لله مش قادرة اخبى احساسى وسعادتى بان يمن الله عليا بهذا الشعور وفى نفس الوقت مش لاقيه كلام يوصف كل ما أشعر به فهذاالكلام نابع من لحظة صدق حقيقيةاللهم اجعل حبك احب الاشياء الى قلوبناأشكرك على تعليقك وسأختم بالدعاء اللى نصحتينى بترديده اللهم يامقلب القلوب ثبت قلوبنا على دينك

  14. monaliza Said:

    ronaاختى العزيزة:رونانورتى مدونتى واسعدتينى بتعليقك

  15. monaliza Said:

    appyاختى الحبيبة:نورتى مدونتى وربنا يكرمك ويعزك ويارب اكون عند حسن ظنك دايما

  16. monaliza Said:

    الطائر الحزينأحييك على إستنتاجك ونورت مدونتى

  17. monaliza Said:

    شريف طلالجزاكم الله خيرا على تعليقك ودعائك الجميل ربنا يتقبل منكنورت مدونتى

  18. monaliza Said:

    desert catاللهم اجعل حبك وحب رسولك أحب الينا من انفسنانورتى مدونتى

  19. تدوينة جميلة جدا جداومؤثرة جدا جداأحييكي عليهاملحوظة صغيرةهل يجوز أن نطلق على الله تعالىلفظ “صديقي” ولفظ “هو الحب”؟ـالله أعلم، لكن أعتقد لو حُذِفوا يبقى أسلم

  20. monaliza Said:

    أبوخالداهلا بيك ومرحبا بتعليقكوبالنسبة لكلمة الصديق والحب فقد قرأت هذة الكلمات ولاأتذكر المصدر ولكنها أثرت فيا وهىمن أراد صديقا فالله يكفيهومن أرادا مؤنسا فالقرآن يكفيهومن أراد غنى فالقناعة تكفيهومن أراد واعظا فالموت يكفيهومن لم يكف الاربع فالنار تكفيهنورت مدونتى

  21. معلش أنا مش عايز أبقى مزعج في أول زيارة لي هنابس وصف ربنا سبحانه وتعالى لا يكون إلا بصفات وردت في كتابه أو في سنة نبيه صلى الله عليه وسلمغير ذلك يندرج تحت باب: تقولون على الله ما لا تعلمونوأنت لم تعتمدي على مصدر من الكتاب أو السنةوكذا في لفظ “هو الحب”التدوينة جميلة حقافبلاش تخلي فيها حاجات تقلل من جمالهاونأسف مرة أخرى للإزعاج

  22. اللهم ارزقنا حبك وحب من احبك وحب كل عمل يقربنا الى حبك اللهم امين يارب العالميناللهم امييييييييييييين

  23. monaliza Said:

    ابو خالديقول الله تعالى”ومن الناس من يتخذ من دون الله أندادا يحبونهم كحب الله والذين آمنوا أشد حبا لله ولو يرى الذين ظلموا إذ يرون العذاب إن القوة لله جميعا وان الله شديد العذاب” صدق الله العظيمهذا اخى الفاضل ما قصدتهويسعدنى تعليقك دائمااللهم ارنا الحق حقا وارزقنا اتباعه وارنا الباطل باطلا وارزقنا اجتنابه

  24. monaliza Said:

    د/اجدع بنوتةاللهم اجمعنا فى ظله فى يوم لاظل فيه الا ظلهاهلا بيكى ونورتى مدونتى

  25. modymodak Said:

    ياريت كل البنات زيك يا موناليزا مش كل البنات وبس كل البشراللهم قوي ايمانك واهدنا

  26. monaliza Said:

    modymodakربنا يكرمك ويرزقنا جميعا حلاوة الايمانده من ذوقك يامودى واشكرك جدا على تعليقكاللهم لاتؤاخذنى بما يقولون واغفرلى مالايعلمون واجعلنى خيرا مما يظنون

  27. بارك الله فيكِ اختي كلامك جميل اختي موناليزا ما شاء الله اللهم انا نسألك حبك وحب من أحبك وحب عمل يقربنا لحبك واغفر لنا ما سلف واصلح ما هدمنا واهدنا لنعمل صالحا ترضاه اللهم امين

  28. monaliza Said:

    ورود بلا اشواكأختى الحبيبة/ ربنا يكرمك ويبارك فيكى ويتقبل منا ومنكم صالح الاعمالاللهم يامقلب القلوب ثبت قلوبنا على دينكنورتى مدونتى وأسعدتنى زيارتك

  29. NOur Said:

    و الله بجد انا جسمى قشعر ف البوست داخاصة اول ما قريت كلامك انه ربنارااااااائع بجد .. مبروك ع البوست الإضافة دا

  30. monaliza Said:

    nourربنا يبارك فيك ويكرمك ياربمالنا سوى الله حتى نحبهاللهم اجعل حبك احب الاشياء الى قلوبنانورت مدونتى واشكرك على تعليقك

  31. *سمر* Said:

    كلامك جميل جدا ..وينم عن ايمان قوى وحب صادق له عز وجل ..نحسبك كذلك يا امة الله ..ولك فى حاجة لازم اقولهالك ..انتى مش شايفة ان كلمة صديقى دى ..قليلة جدا على ربنا ..ربنا اعظم واكبر من انه يكون صديق لينا …احنا مجرد عباد له جل و علا ..وفقك الله دائما الى طاعته ورضائه

  32. monaliza Said:

    سمرأختى الحبيبة:اكيد انتى معايا فى انك لما بتحبى حد اوى بيعجز لسانك عن الوصف الصحيح وعارفة اننا عباد لله ولكن من كرم ربنا معانا انه خلانا نتكلم معاه واحلى احساس انتى ممكن تحسيه وانتى بتتكلمى مع حد بتحبيه فده كان قصدىاللهم لا تؤاخذنا ان نسينا او اخطأنانورتينى واشكرك على مشاركتك

  33. ghorBty Said:

    بسم الله ما شاء الله ربنا يبارك ل يا موناليزا بجد كتبتيه باسلوب رائع كثيرا ما بنسمع قصائد غزل وحب من بشر لبشر لكن احساس الحب لله لا يعادل اي احساس لانه المفروض هو الحقيقه الوحيده في حياتنا جزيت خيرا دمت بكل خير وسعاده ونعمه غربتي

  34. غربتىــــــــاختى الحبيبة:ربنا يكرمك واشكرك جدا لمشاركتكاللهم يامقلب القلوب ثبت قلوبنا على دينكنورتينى حبيبتى ودمتى بخير

  35. ما هو لو كل واحد حب حبيبك زيكخدي بالك حبيبكاصله مش حبيبك لوحدكالدنيا هتتغيراللهم ارزقنا حبك و حب من يحبك

  36. المدونة الاسلامية سبايدر مانــــــــــــــــــــــــــــأهلا بيك يا دكتوراللهم ارزقنا حبك وحب من يحبك وحب كل عمل يقربنا الى حبكأشكرك جدا لتواجدكويسعدنا دوام التواصل

  37. ونعم باللهاللهم انا نسالك رضاك والجنة وما قرب اليها من قول وعمل وارزقنا حبك وحب كل عمل يقربنا من حبك وحب من احبكلكِ تحياتى وتمنياتى بالتوفيقزهرة

  38. حياتى ــــــــــــأهلا بيكِ حبيبتىربنا يكرمك ياربويرزقنا جميعا رضاه والجنةنورتينى يا زهرة:)


{ RSS feed for comments on this post} · { TrackBack URI }

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: